نبدأ بذكر الله ﷽🤎✨
شبــح اللـيل
بارت 2
قراءة ممتعة حبايبي
...................................................°
:في الهادئين أشياء لا تهدأ ...🖤
...................................................°
الدكتور -: للأسف ممكن يدخل
بغيبوبة او ينزف لحد الموت!.
هذا الكلام جان كافي يخلينا نبجي ونصرخ بصوت يموت؟ شنو يعني
مستحيل بابا يعوفنا هوة كال مستحيل اعوف حبيباتي..
اقنع بنفسي اهز راسي بلعت ريك رفعت راسي صدمتي متقل عن صدمة ماما.
شي جدآ صعب بقينا ساعات ننتضر
افرك بدية
حسيت طلع دم منهن دنكت وصدك طالع دم فركتة بدية مسحت دموعي.
بقينا يوم كامل ننتضر
نمنا بغرفه مجاورة لغرفة بابا.
ثاني يوم الصبح طلعت ماما تشتري ريوك بقيت كاعدة لحد ما اجتي
شربت جاي وهية كذالك
ما اكلنا مالنا نفس حتى
وفاء -: ماما حبيبتي خلي اوصلج للبيت لبسي ملابس المدرسة حتى اخذج يلة ماما وجودج هنا لا يقدم ولا يأخر..
ثمار -: ماما صدك تحجين؟
وفاء -: اي صدك يلة كومي.
ثمار -: ما والله لو اعرف اموت ولا اتحرك من مكاني لحد ما اطمن على بابا وشوفة يكعد ماما اصلآ اخاف ارجع للمدرسة..
وفاء -: من شنو تخافين؟؟
ثمار -: مادري بس اخاف خلي اغيب اليوم ما اروح..
هزت راسها بضجر بعدها طلعنا برة الغرفة راحت ماما تسأل على الوضع رحت انا
للحمامات غسلت وطلعت
امشي بالممر ما حسيت الة
انصدم بواحد شاب جان لابس ملابس شرطة ولابس نظارات طاحت بالكاع وانا عثرت
اجيت اوكع بس ايدة
ما خلتني رفعني وخرت منة
بسرعة زغر عيونة بقى يباوع من راسي لرجلية رتبكت حسيت بالخوف
اريد ماما هسة وبسرعة من شافني هيج تحمحم واردف..
عمران -: العفو انتِ مو بت المقدم هشام؟.
رفعت عيوني بصدمة هزيت راسي بأي ودنكت طبعي مو كلش اخذ ميانة
ولا حتى لسان وجاكر
وية الغريب خصوصآ الشباب
عمران -: ههههه راح تنفجرين يمعودة اخذي نفس لا تخافين انا صديقه ملازم اول عمران..
ثمار -: احم اهلا تشرفنا ما عرفتو منو الي ضرب بابا بهل طريقة؟
عمران -: لحد هسة لا للأسف بس ان شاء الله نلقي القبض عليهم بأسرع وقت..
ثمار -: انتو شاكين بأحد؟
عمران -: بصراحة أي
ثمار -: منو؟
عمران-: ههههه ماكدر اكول هذا سري . انتِ ليش تسألين شايفة شيء؟
ثمار -: هوة بصراحة أي شاكة يعني انا مو متأكدة بس شفت قبل كم يومين سيارة سودة مضللة جانت تلاحكنة اني وماما بل اول حسبالي مجرد تشابة بس من شفتها مرة ثانية تأكدت هية دا تراقبنا..
حك طرف حاجبة تخوصر ورد على كلامي برفعة حاجب
عمران -: وليش حضرتج ما حجيتي لأحد؟؟
ثمار -: ااانا اجيتت اكول ثاني يوم بس للأسف صار الصار بابا وما كدرت احجي لماما لأن اعرفها هسة اتذب الصوج بية..
عمران -: شسمج انتِ؟؟
-: ثمار
عمران -: باعي بابا لو مسميج ابوج حمار مو احسن على هل ثول العدج !؟
رفعت عيوني بصدمة عضيت شفايفي اريد ابجي بالكوة حابسة دموعي
عمران -: هسة ابوج بين الحياة والموت بسببج لو كايلتلة من البداية جان عرف شلون يتصرف..
هوة يحجي وانا ارجف بس كمل كلامة طكيتها بجية بصوت عالي اشهك
اريد احجيلي كلمة
ماكو هوة تفاجاء فتح عيونة
بصدمة مد ايدة يريد يلزمني وخرت منة ارجف كعدت بالكاع ساندة
ضهري للحايط وبس الشهكة بالعومي اريد احجي
ابرر موقفي والله مو قصدي مو انا السبب والله ماجنت اعرف راح يصير
هيج كعد كدامي مثني
رجلي يباوع محتار شيسوي
ثمار -: ووالله ترة ترة مو اني السبب والله مااجنتت اعرفف هيجج رااح يصيرر..
احجي من بين شهكاتي مد ايدة يمسح على خدي شهكت دافعة ايدة
عمران -: بابا على كيفج لا تشهكين اتشاقة وياج ما حسبالي رقيقة هل كد..
ثمار -: جذاب تريد بس تقشمرني بالكلام..
ضحك خفيف يمسح على شواربة
عمران -: شاب طول بعرض ثلاثيني سويتيني جذاب...
مسحت دموعي وكفت خزرتة وحجيت
ثمار -: اي بلعة ناقصك بس تكول ثلاثينية جادة مو ثلاثيني..
رجع خطوة فاتح حلكة من الصدمة بلعت ريك اباوع منا منا اريد المح ماما
ماكو بدون أي كلام ثاني درت ضهري ومشيت وسمع
صوتة وراي يسب ويلعن ضحكت من بين شهكاتي وكفت كبال غرفة بابا
تنهدت كاعدة على الكراسي الموجودة بالممر
وهو بقى واكف فترة يباوع للكاع وفترة
يرفع راسه يباوع عليه
وبس يشوفني ارفع راسي يدور وجهة مدنكة راسي لحد ما سمعت صوت ماما
رفعت راسي شفتها
تمشي هية والدكتور وكفت
بسرعة دخل الدكتور يشوف حالة بابا كعدت وكذالك ماما يمي
ثمار -: ماما وين جنتي؟
وفاء -: رحت للدكتور ادور علي وما لكيتة بمكتبة وصارلي نص ساعة ادور لحد ما لكيتة بغرفه من الغرف الهنا يعين على المرضى..
هزيت راسي مادري من قلقي مدري
صرت اتصرف بدون وعي مني أمي صارت تحجي
وي الملازم دك مُبايلة طلعا
من جيب بنطرونة فتحة بقى يهز براسة واخر شيء كال
ماشي جاي
وغلقة..
لتفت علينا لتقت عيونة
بعيوني ابتسم دنكت بسرعة
شدا يصير هنا شبي يضحك ؟؟
تحرك من مكانة وكف بعيد عنا بخطوتين تحمحم واردف
عمران -: بعد اذنكم انا صارلي شغل طارئ مهم راح اروح ويجي بدالي ثنين
يحرسون غرفة المقدم وذا صار شيء هذا رقمي..
طلع ورقة بيها رقم نطاها لماما اخذتها تشكرت منة بابتسامة
عمران -: العفو هذا واجبنا..
اخر شيء قبل لا يطلع اللتفتلي اخذ نضرة خاطفة علية دار ضهرة وراح
جان اسمر شعرة خفيف
ولحيتة كذالك خفيفة
ما بيها شعر شوية عيونة سود زغار
خشمة بارز بس مبين عليه
الطول والهيبة لبسة محلي كذالك
صارت الساعة بـ الـ 10 ضبط تنهدت ماما رفعت راسها اجتي
صوبي كومتني من ايدي وتحجي
وفاء -: كومي ماما خلي نروح للبيت غيري ملابسج ورتاحي..
ثمار -: بـس ماما..
وفاء -: اششش صوت ما سمعلج..
تنهدت ساكتة طلعنا برة المستشفى فتحت باب السيارة وماما كذالك
بعد مدة وصلنا للبيت وطول الطريق عيوني تناضر.
الشارع اخاف اشوف السيارة ماكو ما شفتها !
نزلت كبل لغرفتي فعلآ جنت تعبانة.
دخلت للحمام بعد مدة طلعت غيرت ملابسي ونمت
للعصر كعدت على صوت ماما تعيط فزيت مخروعة لدرجة وكعت من الجرباية
على وجهي على كد ما جنت خايفة ما هتميت ولا
حتى حسيت بوجع فتحت باب غرفتي نازلة ركض شفتها واكفه بيدها
المبايل تبجي وتحجي حجي مو مفهوم طاح كلبي
حسيت الدنية كلها وكفت بلعت ريك اباوع عليها شافتني سدت المبايل
تقدمـت بخطـوات تـرجف وصـلت كدامـي حجـت
وفـاء -: لتخـافين حبيبتي ما صـار شيء ابوج فتح عيونة..
حسـيت جنـت بغيـر عـالم رجعـلي الدم مـن سمعـت كـلامها ضحـگت من
بين دموعـي بتـراك الـبيت طـلعت وية ماما متوجهين
للمستشفى طول الطـريق ادعـي وعيونـي صـب دموع امسحن وينزلن.
يارب يارب.
بس هل كلمة تتردد بالساني وكفنا كبال
المستشفى نزلت ماما وانا وراها سرعان ما وصلنا للغرفة طلع الدكتور منها.
مشينا بخطوات اشبة بركض عيوني تحجي ولساني
نربط من طلع الدكتور وحجة !!!.....
..........................
البصرة.
شجن -: كعدت من نومي على صوت المنبة فزيت مخترعة بدلت ملابسي
نزلت جوة لكيت كل عادة خالة ام حنين هاية تشتغل
عدنا بحكم انا عدي كلية وامي مرة جبيرة يرادلها عناية خاصة ابتسمتلها
شجن -: صباح الخير خالة
-: صباح النور بنيتي.
كعدت اتريك وماما كدامي خلصت غسلت بست ماما من راسها ابتسمتلي
طلعت من باب المطبخ صار بوجهي شايار
ابتسمتلة
شجن -: صباح الخير
شايار -: صباح النور رايحة للكلية؟
شجن -: اي
هز راسه واردف بهتمام
شايار -: ركزي على دراستج اهم شيء ماريد اسمع عنج شيء مو زين فاهمة؟
بلعت ريك مدنكة هزيت راسي بأي تعداني داخل للمطبخ مدري شبية
بس اشوفة من يمي اخاف شايار اخوي صاحب الملامح
الباردة نرجسي ذو طابع خاص عن كل الشباب الي شفتهم بحياتي يمتلك شعر
طويل لافة على شكل كعكة جسم ضخم عيون سود
حالگة مثل سواد الليل تمامآ عايشة وياة من الزغر لحد الأن عجزت عن وصفة
وفهمة انسان غريب اغلب اوقاتة بشغل الي هوة اصلآ
مانعرف شنو نضراتة حادة عاكد حواجبة اربعة وعشرين ساعة صوتة صوتة جدآ
مخيف خاصتآ اذا غلطت بشي ويريد يعاقبني احس
بس صوتة هوة بمثابة عقاب الي عوفونه منة بعدين تتعرفون علي اكثر طلعت من بيتنا
متوجهة للكلية ادرس طب عام سنة أولى امتلك
بشرة حنطية عيون سودة خشم عادي يعني بل أجمال عادية بس جميلة انسانة بسيطة
بس عصبية بشكل دخلت للكلية عيوني تناضر الطلاب..
شفت من بعيد صديقاتي حوراء وزهراء ابتسمت
شجن -: صباح الخير
زهراء + حوراء -: صباح الورد
شجن -: شلونجن اخبارجن؟
زهراء-: الحمدلله اني زينة
حوراء-: اني همات الحمدلله بس ما سولفلكم البارحة بلف يا علي فهمت المحاضرة.
شجن -: انتِ دايمآ تكولين ما فاهمة وبل أخير تطلعين فاهمة كلشي..
زهراء-: ههههه جا غير السجاجة..
حوراء -: ناصبات علية انتن؟
شجن -: لا اعوذ بـ لله
زهراء-: ههههه ترة صارت بـ 8 هسة بدت المحاضرة لا نتأخر ونحصل رزالة جدام الطلاب..
شجن -: تمام يلة تعالن..
دخلنا للمحاضراة ساعة ونص وخلصت ملل مو طبيعي طلعت للكافتريا
حسيت احد وراي درت ضهري تفاجأت بطالب مو ويانا
شجن -: خير اخي رايد شيء.؟؟
أحمد -: اا بصراحة لا ااقصد اي اي!
شجن -: عفوآ من انت
أحمد -: انا أحمد طالب طب أسنان مرحلة رابعة..
شجن -: تمام وشرايد هسة؟
احمد -: ممكن نحجي شوية..
شجن -: ليش احنا شدا نسوي هسة؟
احمد -: لا قصدي مو واحنه واكفين مو حلوة وكفتنة هيج ممكن ندخل للكافتريا؟
شجن -: لا مو ممكن عن أذنك..
تركتة ومشيت وحس كل جسمي يرجف اباوع منا ومنا خاف شايار موجود
هوة شيجيبة اصلآ؟ بس مجرد ما اذكرة وذكر كلامة
ارجف رفعت راسي ادور على البنات ماكو عضيت شفايفي اريد يخلص هذا اليوم.
.................
نفس المحافظة في مكان آخر
يجلس ذالك الشبح كل عادة تحيطة مجموعة من الرجال في مكان اذا رائيتة نقول
بأنهُ مكان معزول خالي من البشر ندخل الى ذالك
القبو او لنسمية غرفة التعذيب جالس على الكرسي زفر الدخان بـ الهوه يناضر
بعيونة جسد مقيد بأحكام مانع حركتة..
شبح -: احجي كلشي تعرفة ع سريع..
-: والله ماعرف شيء كل الأعرفة المنفذ نسد والبضاعة باقية جوة..
شبح -: وليش ما كتلي؟؟
-: ما جنت اعرف راح يصير تفتيش دخيلك ارحمني راح اموت..
شبح -: تؤ تؤ تعرف شنو نتائج الغلط عد الشبح؟؟
-: اسف سامحني شبح اسف دخيلك
شبح -: اششش لا تنك مثل الحمار اكثر شيء اكرهة شخص يتوسل على مود حياتة ما تريد تروح للجنة؟.
-: دخيلك لاااا شبح اسف دخيلك لاااا
شبح -: صوتك ***** لا تعلي..
نفخ الدخان اخر مرة شمر الجكارة داعسها برجلة اخذ سلاحة من خصرة سحب اقسام واردف بكل برود
شبح -: شنو رائيك بدل البجي تنطق الشهادة؟؟
جمد بمكانة غمض عيونة يرجف نطق بكل ضعف
-: اشهد ان لا.. بعدة حتى ممكل دوة صوت طلقة مخترقة اسنانة وحلكة.
كفيلة تخلي يرتد للأرض صاعدة روحة للسماء ابتسم
شبح -: هوة انتَ بجهنم على الأكيد على شنو تنطق الشهادة على اساس ربك يغفرلك؟؟
اخذ سلاحة مخلي بخصرة
شبح -: نضفو القذارة ورمو جثتة للجلاب..
طلع من المكان ولا كأنو قاتل روح صعد سيارتة دك مبايلة اخذة مطلعة من جيبة
قرة الأسم اخذ نفس زفرة فتح الخط واردف باهتمام
شبح -: الوو
-: صح السمعتة؟
شبح -: اممم صح بس انا تصرفت والبضاعة يوم يومين تتصدر..
-: مو كأنُ كثرة اخطائك شبح دير بالك ترة مو لصالحك..
ضحك ضحكة طويلة فجاءة توقف قبض كف ايدة بقوة واردف بجمود
شبح -: خاف حسبالك انتَ الزعيم وتأمرني معناتهه تحجي بكيفك انتَ غلطان لا تخليني اسوي الموزين وذا عندك ذرة شك عيد كلامك..
-: لا ماعندي لو عندي ما جان عينتك المسؤول المهم اهم شيء هسة البضاعة تتصدر للخارج..
همهم كأجابة غلق الخط بغضب سرعان ما رجع اتصل بقى دقايق لعن بصوت
نفتح الخط سمع صوت بنية
-: الوو منو؟
غمض عيونة عض شفايفة بنفاذ صبر
شبح -: انطي المبايل للمطي اليمج..
-: ما فهمت قصدك ضلام؟
ضحك خفيف واردف بجمود
شبح -: اممم بسرعة خلصيني..
-: اوييي هاي ليش دا صيح..
شبح -: بت الكلب نطي المبايل لصاحبة بسرعةةةة
-: اي ثواني بس خلي اكعدة..
زفر الهوة بغضب يلعن بصوت
ضلام -: الو منو
شبح -: ابن ال*** ما تمل من ال*** صار ساعة متاني حضرتك على المبايل..
ضلام -: هلا وغلا شلونك اخبارك تفضل امر خدمة؟
شبح -: من **** ابن الكلب لا سوي روحك ما تعرف خلال نص ساعة الكاك بمكتبي اذا جيت وما لكيتك *** امك فتهمت؟؟؟
ابتسم هاز راسة كأنما كدامة غلق الخط زافر انفاسة لبس ملابسة ع سريع
-: ليش مستعجل حبيبي ابقى بعد..
ضلام -: والله هوة ما ينشبع منج بس لازم اروح وألا بعد ما تشوفيني ..
-: صدك منو هذا التوة خابرك مبين عصبي وما ينجرع..
ضلام -: هذا شبح من ولدتة امة هوة عصبي..
هزت راسها غير مُبالية طبعت قبلة على شفايفة بكل جرئة دفعها غير مبالي
متوجة للمقر بأسرع وقت كعدت مبتسمة وهية.
تشوف علاماتة على جسمها لا تستغربون هية مجرد عاهرة وهيج امثال لا كرامة
ولا عزة نفس دخلت للحمام بعد مدة طلعت نامت وهية تحلم بـ ضلام..
في المقر..
نزل من سيارتة يمشي بخطوات اشبة بركض وكف كبال باب جبير خلة ايدة على يدة
الباب وهوة يدعي ما وموجود فتح الباب مد راسة
عيونة تتجول على المكان بلع ريك زافر انفاسة
شبح -: ادخل وسد الباب..
حك طرف حاجبة دخل سد الباب كعد كبالة
شبح -: منو سمحلك تكعد؟؟؟
قلص عيونة مو راضي وكف واردف بصوت
ضلام -: هل تسمح لي بـ جلوس حضرة الشبح؟؟
شبح -: لا تم*** . شال ايدة اخذ نضرة على الساعة رفع راسة مكمل كلامة
شبح -: كتلك اذا وصلت كدامك ونتَ ما موجود شسوي؟
ضلام -: ت*** الوالدة
شبح -: اكل خرة طايح الحض..
ضلام -: ليش جا انا ما حجيت شيء غلط غير انتَ كلت هيج؟!
شبح -: تعال
ضلام -: تريد تغتصبني بدال الوالدة !..
شبح -: احسب للثلاثة اذا ما شفتك كدامي واكف اقسم بـ لله الي تحلف بي انتَ اكوم انعل والديك..
ضلام -: ياخي انا رجال شريف مالي خلك المشاكل..
شبح -: ثنين
ضلام -: حاضر حاضر.. ادنة يمة صار مقابيلة تمامآ بس الفرق شبح كاعد وضلام واكف
ستقام من مكانة بدون أي مقدمات قبض على كف
ايدة ضاربة بوكس بوجهة صرخ متألم تراجع خطوة وحدة خلة ايدة على خشمة
الدم ينزل بغزارة ابتسم ضلام بجمود رفع حاجبة
بمعنى هاية اقوة ما عندك؟
ابتسم الثاني عارف قصدة أشر بصبعة تقدم
ضربة بوكس على بطنة تناثر الدم بغزارة من حلكة.
رجع خطوات بعدها فقد توازنة معلن نفاذ طاقتة طاح بالكاع مغمض عيونة
زفر الهوة بصوت طلع مبايلة دك على الطبيب
شبح -: تعال للمكتب.
-: حاضر
غلق الخط تقدم بخطوات ثنة رجلي يباوع علي برود ضحك خفيف واردف
شبح -: طلعت ضعيف من ضربتين فقدت وينة ضلام القديم؟؟؟
ماكو رد بهل اثناء دخل الدكتور واضح علي الكبر عالج وجهة نطاة مسكن للألم
وطلع بينما بقى شبح يباوع علي تنهد فز على صوت
رنة مبايلة اخذة فتحة حتى بدون ما يقرة منو
اجا صوت يعرفة كلش زين
-: عندك مهمة اغتيال سرية تعال لمكان *** حتى نتناقش هل مرة المهمة خطيرة ومكلفة..
همهم كأجابة غلق الخط شامرة على الميز بأهمال صافن بلا شيء بعد مرور مدة
ستفاق من نومتة فتح عيونة بألم بينما الثاني
يباوعلة برود كعد معدل نومتة لمح الشبح ضحك خفيف
ضلام -: هاي انتَ صاير قوي لو انا صاير ضعيف وما تحمل؟؟
شبح -: وين جنت؟؟
ضلام -: ا*** گ***
شبح -: مو على اساس بعد ما تكررها. وتكرة النسوان شنو تغير هسة..
ضلام -: ما تغير شيء بعدني على فكرتي بس شوية نشاط للجسم..
شبح -: تاكل خرة وتنجب بعد اذا سمعت رايح *** اخلي طلقة براسك وخلص منك..
ضلام -: عود خوش.
شبح -: لا تستفزني ضلام
ضلام -: خاب بالعباس عرفت..
شبح -: هوة منو هذا نوب؟؟
ضلام -: الأمام العباس علية السلام اخو الأمام الحسين علية السلام ابوهم الأمام علي علية السلام وأكيد انتَ ما تعرفهم..
ابتسم مطلع جكارة ورثها هاز راسة وٱردف
شبح -: شكلك نسيت انا ملحد..
═──── · · • • • ❂ • • • · · ────═༻
يتبع!..
ها يول شلونكم اخباركم بارتوت خفيف لطيف
🚫 لا تنسون التصويت ومتابعة للحساب فضلآ وليس امرآ
دمتم في أمان الله وحفضة.. 🤍
الكاتبة ميـان 🤎