أنتقام الصفحه 27 (ترميم)

بارت23(الصفحه الثانيه و العشرون)

الكاتبه لورا
°°°°°°°°°
lorai_alrwi انستا
°°°°°°°°°
مواعيد البارتات على قناة التليگرام💚
°°°°°°°°°

..كدامه و ورثت بيها الجكاره رفعت عيني عليه احس عيونه ما ادري شصار بيهن

دار وجهه مني للحضه حسيت بندم على السويته رغم العلاج بس مجرد شاف النار صار شخص ثاني مو بس

انفاسه تتخربط كل اوضاعه تخربطت العرك رجفات اديه شفته تصير بيضه و كل شوي يرفع عيونه ليفوك
و ينزلهن

كام يضرب بيده على الصبه و يعصر عيونه يحاول ينسي نفسه جنت بس اباوعله و ابجي ما اعرف شتصرف

بس متأكده غلطت غلط الي سويته توقعت ما دام يسمع بكلمة نار و عنده عادي راح يكدر يباوع بالنار بس صار العكس رفع راسه يباوعلي حمار عيونه صاير دم

:-ووووخررييهه وخرريهه منييي

كام يصيح بصوت عالي و يرجف
طفيت الجكاره بالكاع لزمت ايده اريد اهدي سحبهه مني و دفعني بقوه

:-ووخرررييي كلكم نفس الشيي ماتتت ماتتت طلعووهاا

اسمعه و ابجي ما اكدر اسوي شي اريده بس يهدأ احسه فقد و صوته يرج بالبيت

:-صععبب خل نفوت جوه

:-ناررر عننددجج وخريهه

جنت مخليه الجداحه بصفي رفعت ايدي اريد الزم ايده علمود يفوت للبيت صوته كلش عالي خفت لا يجي واحد من الجيران بهل ليل وصعب حالته فد نوب

سحب الجداحه من يمي و ركعهه بالكاع نفجرت و صوتها عالي كام من مكانه يفتر و يضرب راسه بديه

وكفت احس جسمي كله يرجف بقيت الوم بنفسي على السويته

:-بس فوت جوه

فتح عيونه بوسعهن عليه خفت من نضرته رجعت ليوره اريد اضم روحي من نضراته بقى هادئ لحضات سمعت باب الشارع تندك محد من عدنا رد و صعب على حالته يسوء ما يتحسن احس ملابسه ترطبت كد ما عرك راح صوت الباب صاح عليه

:-هسسسه يككككولون مرريض

:-لاا

:-مووو مرريض مو مرريضض اننيي

جانت اكو سنادين بالساحه مال البيت ضرب وحده بيده صارت طشار بالساحه كل ما تزود حالته دموعي تزيد

:-مممما بيه شيي موو مرريضضض رووحيي منيي ررووووحييي

يصيح هيج و يضرب براسه كلش أذه نفسه رجع ضرب السندانه الثانيه نكسرت بيده كل هذا بس ما تقرب مني

و اذاني شويه و شفت ايده تنزف ما تحملت ابقى بعيده عنه رحت بسرعه لزمت ايده دفعني عنه صوت انفاسه
عاليه رغم بعدي عنه

:-انت هم عبالج مريض لااا انيي مو مرريضض

:-لا مو مريض تعال جوه

لزم ايدي بقوه عصرهه

:-ايددي صعبب ايدديي

:-رووحيي منا ما اريد اشوفج روحييي

نزلت راسي اباوع لايدي عاصرهه بكل قوته حتى لون جفي تغير اسحبهه منه بس مثل الحايط ما يتحرك

كمت اشهك من الخوف ما ادري شراح يفض هل ليله وياه كله صوجي ما جان لازم اتصرف هيج

رفعت راسي اباوعله و عيوني مغرغره دموع

وجهه تعبان بس عيونه تجدح ننار شفتع بيضه و كل شوي يبلع ريكه جسمه كله ينتفض ابد ما هدأ

:-النارر اكلتتهاا اكلتهااا راحتتت منيي ما حميتهه

:-بب ببس ايددي ايديي عوفهه حباب عوفني

بلع ريكه و سحبني قوي ردت اوكع بالكاع وكفت اباوعله بترجي

:-ب بابا انننييي انيي ملاذكك جاي تأذينيي
اني ملاذ شوف انييي ويااك ب بسس باوعلليي باباا جاي تأذينيي و تأذي روحك خل نمشي جوه

خله ايده علئ عيونه عصرهم بأصبعه السبابه و الابهام مشه بأتجاه باب البيت و سحبني وره دفعني جوه باوعت

على ايدي مطبوعه ايده بيهه رفعت راسي و سحب الباب وراه بسرعه اجيت يم الباب مدنك راسه يقفل بالباب

دكيته بيدي رفع راسه عليه عض شفته الجوه و مسح وجهه بثنين اديه خله المفتاح بجيبه و دار وجهه كعد

على الصبه الي نكعد عليهه بقيت اباوعله و ابجي ما اكدر اعوفه و ما عندي مفتاح بس يمكن رجع لوضعه الطبيعي لان كعد هادئ و منزل راسه ما يسوي اي شي مخلي اديه على ركبه و يحركهم بخفه على شعره

صحت عليه عسى و لعل يرد عليه

:-صصععبب

ما رد و لا حتى باوعلي

بقيت واكفه هواي الجو بارد و هو لابس نص ردن فتت جوه جبت الجاكيت مالته و رجعت

دكيت الباب عبالك ما يسمعني مسحت دموعي صحت عليه

:-بابا لا تشلع گلبي

كام من مكانه دار وجهه عليه بس بدون ما يباوعلي تقدم و فتح الباب مسحت دموعي و ابتسمت

:-صعب

ما حجه شي گبل فات لاستقبال مشيت وراه انطيته الجاكيت

:-بارده البسه

اخذه مني لبسه و بقى ساكت

:-صعب

بقى مدنك يباوع على الفراغ كال
:-روحي نامي

:-كوم وياي

سحب نفسه بقوى و زفره ما حجه شي

كعدت بصفه لزمت ايده نفسهه الجان بيهه جرح انجرحت مرة الثانيه كمت من مكاني رحت لغرفته
جبت كطن و ديتول فتت بعده على نفس كعدته كعدت بصفه سحبت ايده انطانياهه بهدوء عقمتهه و كملت باوعت عليه حتى ما يرمش

رفعت ايده و بستهه كبل سحبهه مني بقى يباوعلي
:-لااا ملاذ

:-كول بابا؟

دنك راسه و رجع باوعلي سحب ايدي بيد و ايده الثانيه بقى يمسح على المكان اللزمني منه

:-اذيتج موو

:-لا

سحب ايدي عليه اكثر رجع يباوعلي عيونه كلها تعب

:-لا تمنعيني ملاذي

حركت راسي بمعنى لا
دنك على ايدي باس كل مكان صاير بي اثثر من ايده

رفع راسه بقيت ساكته قربت منه كلش اريد اسوي شي اوخر تعبه بس ما عرف

:-صعبي

:-رويحته

:-اسفه والله اسفه ما اريد أأذيك بس ما عبالي هيج يصير شوف

ما خلاني اكمل كلام سد حلكي بيده
:-كافيي لو ما تردين اصير زين جا ما سويتي هيج

:-بس

:-اشش بابا كافي

وخر ايده من حلكي دنك و رفع ايده يباوعلهه

:-اكلك

:-همم

:-انت تعبان اسويلك شي

:-لا بابا ما بيه شي

:-تكوم تنام انت مو تحب تنام بحضني كوم خل انومك

ضحك و دنك راسه يطكك اصابع ايده بيده الثانيه
سحبته من ايده رفع راسه و ابتسم فتحتله ايدي الثانيه قرب روحه مني و حضنته خله راسه على صدري و ايدي فوك شعره و الثانيه على ضهره

جر حسره و كال بصوت تعبان

الصـعب:- انتِ فرحتي وانتِ جرحي وكلي منج تعليني للسماء و تهديني للكاع

بقيت ساكته بس احرك بيدي على شعره تقرب اكثر صار راسه بركبتي بلعت ريكي متوتره رفع ايده تلمس ركبتي

الصـعب:-بابا

:-هممم

:-انه صاير روحي تروح بيج

ردت ادنك راسي
:-جؤ

كال هيج و رفع ايده خله اصبعه الابهام على حنجي و رفعه

باس ركبتي و رجع نزل راسه

:-يكول الشاعر

ضحكت و دنكت اباوع عليه
:-شيكول

:-ما لحظُ عينيكَ إلا شاربُ ثملََ
وكسرةَ الجفنِ إلا عينٌ سكرتهِ

:-شنو يعني انت سكران

ضحك بصوت عالي و وخر من يمي بقيت اباوعله شبي يضحك

:-شكو تضحك عليه انت؟

:-ههههه لا

:-سكران شنو؟

:-سكران بعيونج انه

:-شنو عيوني بيهن خمر و العيياذ بلله يمه وخرررهن مننننيييي وخرررهنن

:-هههههه ولج انت وجه شعر وجه غزل صوجي انه

:-شنو يعني عيوني حرام

:-اي لو ما جان بينه الحلال جان صار عليهن حرام شكد ما اباوع عليهن

:-شكو تباوع يله لا تباوع لعيوني ياخذن حرام منك تفكيرك سيبندي انت

ضحك و لزم ايدي يفرد بأصابعي و يعصرهم اصبع اصبع

:-مستحيل اوصلج للحرام ما راح اخليج تحبين في سبيل ما تصيرين مذننبه بحب شخص مجهول

رفعت راسي اباوع على عيونه مركزهن عليه احس دموعه تارستهن بس يكابر ينزلهن

:-و اذا حبيتك؟

:-ما تحبيني

:-الحب بدون استأذان مو بيدك و لا بيدي نفترض حبيتك شراح يصير

:-اكرهج بيه علمود ما ينكسر گلبج من تذكرين حبج اللي اخليج تكولين همزين كرهته

:-بس اني ما راح اكرهك

:-لان ما تعرفيني

رفعت ايدي خليتهه على خده

:-شوف ما اريد اكرهك و لا راح اكرهك لان اني اكثر انسانه بهل دنيا فاهمتك لا تحاول تسوي شي تكرهني بيك

جر نفسه بغمج و زفره ابتسم بدون ما يحجي كام خله اديه بجيوبه

:-تنامين؟

:-خل نكمل كلام

:-مو كتيلي انومك بحضني يله كومي

:-انتهى العرض

:-ههههه لا بعده فعال كومي

دار عليه سحبنيي اله

:-اكلك بابا

:-ها

:-شوف الساعه بيش

باوعلها و رجع باوعلي كال
:-ب الاربعه و نص

:-اي خل اكلك شي بسس حباب كول اييي

:-لا احجي شنو يله اكول اي سوالفج مكسره رضيت و ابتليت

:-لا لا شيي حلو حبااااببب

:-شنو

:-دكول اييي

:-خوش اي

:-جا تعال وياي للغرفه

:-مبينه تردين تورطيني حتى جا كللتي

ضحكت و اخذته ورايه فتنه لغرفتي شغلت الضوه
:-يله روح اكعد على الجربايه

:-ياا ساترر

كعد و اني جبت تلفوني من الميز اجيت اكعد يمه صاح

:-تره امي تعبت على تربيتي

درت وجهي عليه ما حجيت شي صعدت على الجربايه

:-شوف انجب

لزم اذني و سحبهه بسرعه سحبت روحي منه
كعددت بصفه لف ايده عليه

:-يله احجي

باوعتله اسوي روحي لطيفه علمود يقبل بقيت ارمش بعيوني

:-شوفي بدون هل سوالف يله احجي

:-خل نخابر ششهاب نضحك عليه اكله صعب طردني و كتلني و هسه اني بشارع ما اعرف احد

رفع حاجبه ما عاجبته الفكره
:-والله عرفت سالفه عوجه

:-حبااابب حبااااابب

رفعت نفسي بسته بخده
:-اخخخ من عدج سالفه كلشي مستعده تسوين

:-يله يله كول ايي

:-خوش اي

شغلت تلفوني متحمسه اتصلت على شهاب

:-شوف صعب لا تحجي ابد

:-اي

اول اتصال رفضه
:-هااي ليش يرفضني

:-يابه نايم وين اكو واحد يسوي مقلب بلاربعه الصبح

:-اني اسوي شنو بكيفه نايم غصبا عليه يرد شهاب المجلوب

رجعت اتصلت
نص اللاتصال اجاني صوته مالت واحد هستوه كاعد من نومته

:-الو ها ملاذ

كتمت ضحكتي كوه سويت صوتي تعبان كتله
:-شهااب انت وين

:-بالفراش

:-شششهاااب مو وكت ضحك انت وووين

:-يا ضحك غير كتيلي وين و انه بالفراش

:-شهااااب

:-اوكفي خل اصحصح شكو

:-شهااب تعالي راح انتحر اني

:-شنوو ليش تنتحريين

:-ماا ادريي شهاب بس تعال راح انتحر

:-هو انت غير منتحره اني شسوي جاي مثلا اخذلج صوره شلون انتحرتي لو اشغلج موسيقى ابو الغاز علمود تكتأبين بالزايد

:-تضضحك عليه انت كلكم جلاب انت و ابن عمك و صوجيي خابرت واحد مثلك

صعب ضربني على راسي ملت براسي و عضيتله شفتي اترجه بي يسكت

شهـاب:-اوكفي انت جاي تحجين صدك منو وياج

:-اخووك الشفييه شوف شهاب توديني لامي هسه لا والله اذا بقيت نص ساعه بعد انتحر و كله بسبب اخوك

:-شبي شسوالج

:-طررددني من البيت و كتلني المخبل ردت اتصل على امي بس رقمها رايح و ما عندي غيرك

:-شنو يمعوده كولي غيرهه صعب ما يسوييهاا و بهيج وكت شبي ما تكليلي اوكفي خل اخابره

:-شنوو تخابره و تعوفننيي شهااابب اني امانه يمكممم و انتم ما صنتو الامانه

:-لحضه خويه والله هسه جاييج راح احدد موقعج و اجي

:-لاااا لاتحدد موقعيي خابر هذا الجلب

:-خوش راح اخابره

سديته منه و طكيت ضحك

:-سويتينني جلللب

:-شبيك علمود يصدك

بعدنه نحجي و اتصل تلفون صعب

:-عليك الله لا تفشلنه

حرك راسه بمعنى اي اول ما فتح التلفون اجه صوت شهاب بدون سلام صاح

:-صعععب وين انت؟

:-بالبيت

:-ملاذ وين

:-ما ادري

يحجي وياه ببرود

:-شنوو ما تدرريي تحجي صدك انتتت ملاذ هاي ملااذذ شوف صعبب و القرأن خرابنه عليهه ملاذ مثل اختي

:-روح لاختك شعليه بيكم و روح من يمي تعبببان منك و منهه

:-انتت شبيك متعاطططيي لو شنوو صعب البنننييه منهاره وللك شبيك نسيت هاي ياهي هاااي

كبل لا يكمل سد التلفون منه
:-شبيك ما خليته يكمل

:-لا خله يولي

:-هسه شنسوي

:-شمدريني غير انت ام المقلب

:-اكلك خل اخابره خطيه والله ضجت شو حسيت بالذنب
هستوني رفعت تلفوني و هو اتصل فتحت الخط

:-الو ملاذ شوفي بس اهدي والله صعب اطيح حضه

:-اكلك شهاب

:-ها شكو شوفي بسس لا تتهورين و تسوين شي والله اني طالع هاي حتى بملابسي راح اشغل السياره

:-لا شوف

رفعت راسي على صعب كتله
:-احجي صعب

صاح
:-لك ها عارر شهاب هييج ما صارلك شهر من عرفتهه و بعتني

شهاب:-شكو ملاذ شصار؟

:-هههههه اسفه شهاب والله ضجت عليك ما عبالي راح تصدكني

:-تجذبون عليه؟

:-ششوف حباب

كلت هيج و سد الخط بوجهي

:-يااا عليك الله خابره

سحب تلفونه بقى يخابره ما يرد رجعت اني خابرته فتح خط

:-خيييركممم شنو ما انام اليوم

:-شنو شهاب ما تتحمل شقه انت اسفين يابه

:-هيي هاي سالفتج سالفه من طاح حضج لا والله مو حضج حض صعب المنطيج مجال
صاح عليه صعب

:-هييووو كلان نعل بطل شو اخذت راحتك لان سوينالك قيمه و اعتذرنه

:-انت اخرر من يتكلمم مفهوم

ملاذ:-يلله يله شهاب شنو تعود علينه

:-هو شتعود مكومتني بالبرد وصلت للسياره اريد اشغلهه و عايف نومتييي و انه جنت بسابع حلم و ياريت كعدت كعده حلوه كاعد على صوتج تصيحين انتحرر ادري هسه لو رجلج بيها مجال اني شعليههه

:-شنو شهاب انتم ما تتحملوني و لا تعتبرني اختك

:-يابه اختي وعلي اختي و ابو حزامين اختي بسس انه نايم و اتحللم بلنسوان الحلوه و انت تخابرين من صبح الله حتى الذبان بعده نايم انت شمكعدج ما ادري راح انتحر و جلاب و مدري شني

:-اي مو زين اغيرلك جو

:-هيج تغيير ما اريده شوفو و العباس اخو زينب ذاك البكربلاء اليخابرني و يكعدني من نومتي اخبزة خبز العباس و قد اعذر من انذر

:-اهوو شبيك انت والله غصبا ما عليك اسوي بيك مقالبي يعني بيمن اخلصهن

:-مردد مضالم ولي عمي فكو ياخه مني اريد انطمر

صعب:-و طمرتهم ما توليي

:-انت اسسكت اخر واحد يحجيي تمشي بحجي مرتك

:-نشوفف انت شراح تسوي ويه مرتك

:-يله يله شهاب هسه رضيت اروح

:-ولي هو اني ما زعلت بس شفتكم سويتولي قيمه فتت بالدور زايد

:-هههههه لا حباب انت يله كمل نومتك

:-باي

سدي التلفون باوعت لصعب

:-هاا تونسست

:-ههه مخبله والحق

:-شنو مخبله فوك ما اونسك

:-ههه لا اشاقه وياج

:-شوف اكلك

:-كولي

:-خو ما بعدك ضايج

:-اي ضايج نوميني بحضنج و تروح ضوجتي

:-ههههه جذااااب

ضحك و سحبني عليه باس راسي

:-راحتي انتِ

:-انت شكد حباب

:-بس وياج

كام طفه الضوه و رجع تمدد سحبني على ايده

:-انت مو كلتي تنوميني بحضنج شو اني راح انومج

:-مو اني ايدي صغيره وين اكدر

:-هههه عادي المهم قريبه عليه

دار وجهه عليه و خله ايده الثانيه على خصري قرببني منه

:-شنو صعب

:-اششش نامي

:-بردانه اسحب الغطه

سحب الغطه و خله رجله فوك رجليه
:-جؤ صعبب

:-اشش علمود تدفين

دنكت راسي خشمي يطخ بصدره شكد ما قربني منه
همس بصوت ناصي

:-نفسج بارد

:-اي هو الجو بارد

:-ما دفيانه بحضني

بقيت ساكته ما اعرف شأرد عليه كل ما اجر نفس يضغط ايدي مخلي راسه على شعري يسحب نفس بقوه لحد ما نمت

كعدت الصبح صعب لاف اديه عليه ما اكدر اتحرك رفعت راسي بالكوه باوعت للساعه صايره ب 9

:-صععب

:-هممم

:-دوامكك شنو ما تروح

:-ليش بيش الساعه

:-ب9

:-رجعي نامي

قوه لزمة ايده على ضهري و باس راسي

:-يا متداوم

:-لا اريد انام تعبان

:-جا خليني اوخر و انت نام

:-لا مرتاح نامي راح تطيرين نعستي

:-يله يله نام ما احجي شي

رجعت اغمض بعيوني ما اكدر انام احس مقيدني شنو ابقى بحضنه لحد ما يكعد و اني كاعده اتنحست بقيت احوس صاح

:-بس تتحركين بعد ما اضمن شسويلج

:-شنو وخر

:-ركدي ولج

:-انت ما نايم كوم حباب

:-شتردين

:-جوعانه

وخر ايده مني و رجع نكلب على الجربايه على بطنه
:-ياابه شنو تنبل اكعد

:-انت التنبل انه نمت ب 7 و انت نمتي من الخمسه

:-صدك شعندك باقي كاعد

:-هيج

:-جا يله ابقى نايم

نزلت من الجربايه عبالي راح يكعد فتحت باب الغرفه قوي علمود يسوي صوت طلعت غسلت و رجعت شغلت الضوه هو يضوج اذا ضوه الغرفه مشتغل و فتحت البرده كام يسوي

:-جؤ شلون ورطه

:-جووعاانه

:-بس اشبع نوم

:-خوش

شلت المشط و كعدت كدام الميز امشط و اغني بصوتي الجوهري

:-الدنيا حلوه و احلى سنين بنعيشها و احنا يناس رايئين
شال المخده البصفه و ركعهه بيه

:-ووين الروقان ويينه خليني انام لا اكوم افشخج

:-كوم علمود اكسرك

:-لا والله

:-والله ششنو البارحه منو فازت عليك و نزلت ايدك ببالكاع

:-غشيتي

:-ما غشيت

:-غشيتي بستيني و انه ضعيف كدامج

:-ما تستحي انت

:-شستحي غير انت مستهتره انه شعليه

:-كوم حباب هسه انت مو جاي تسوالف ليش ما تكوم والله ضجت

:-كاايم كاايم نومة السوده

:-هاي هيج تحجي اشوف ببعد منو انومه بحضني

:-ههههه اشاقه عمي احلى نومه

:-خل تفيدك بعد زعلت

:-ايابه كلشي و لا زعل مرتي

:-مرتك دسكتت لا اهفك بهذا المشط انسيك اسمك

:-بووويه نجرره

:-كومممم

:-تعاي سحبيني ما بيه اكوم

عفت المشط على الميز و اجيت من جهته انطاني ايده سحبته ما يتحرك رفعت ثنين اديه اسحب بي و هو يضحك

:-يله مو تردين تهبديني شوفيني ابداعج

:-هو انت غير بس جف ايدك بكد سفينة نوح شو كوم

:-ههههه جا احسن اصير كيكي

:-ايععع لو انت كيكي غير من اول يوم ارجع ويه امي همزين طلعت هيج

:-ها اعترفي عجبتج و بقيتي

فلتت ايده و مشيت وصلت يم الباب
:-عجبتني؟

رفعت ثنين اديه صفكتهن وحده بالثانيه غميته سديت الباب و ركضت لغرفتي سديت الباب عليه
ما اله صوت بقيت شويه مليت صحت عليه

:-صععبب كعدت لو لا

ما رد عليه فتحت الباب ستوني اريد اطلع و لزم ايدي شهكت بخوف ما عبالي واكف بالباب

:-اسم الله اسم الله شجاج

:-مو جنت اصيح عليك ما كلت ها

:-اريد اسسويلج توبه

:-هسه لو گلبي واكف تفيدك التوببه وخر مننني

سويت روحي زعلانه علمود ما يحاجيني رحت للاستقبال و هو طلع

:-راح اجيب ريوك و اجي

:-خوش

راح و اني خليت جاي على الطباخ صافنه على الغرفه شوكت احصل الكتاب البيهه سمعت صوت باب الشارع
كملت الجاي خليته بالصينيه فات هو جايب كيمر عرب صار هوايه ما ماكلته من صدك مشتهيته كملت الصينيه و صعب خلاها بالكاع تريكنه و كضيناهه مناكر

:-اكلك انت لو مداوم احسن

:-ها هيج وجودي يضوجج

شلت الصينيه و درت وجهي على السنك اضحك
:-اي مضوجني

باوعتله جان كاعد يكلب بالتلفون من كلت هيج رفع راسه يباوعلي

:-صدك؟

:-اممم

:-خوش بعد ما ابقى بالبيت

:-لا لا جذب احلى يوم

:-ملاذ شكد ما تجذبين كمت ماعرف شوكت تتشاقين و شوكت تحجين الصدك

:-ههههه لا اتشاقه اصلا ما تتخيل فرحتي من شفتك الصبح بعدك نايم

:-اني اكلج ليش فرحتي

:-ليش؟

:-لان نايمه بحضني

درت وجهي على السنك بيدي كوب اشطف بي خليت بي ربع مي و درت عليه تأكدت التلفون بعيد ما يلوحه شي رشيته عليه

:-اااااششششه خرا بيوممج

:-شبيك اريد اصحيك من احلامك

:-ادبسز والله

كملت و هو راح للغرفه فتحت الباب لكيته يعزل بيها و اني عزلت الاستقبال نضفت الساحه و رجعت للغرفه لكيت صعب متمدد على الجربايه و يكلب بالتلفونه مخلي ايده جوه راسه

:-اكلك

:-ها

:-راح اسبح ابقى هنا

:-خوش

فتت لغرفتي طلعت ملابس و طلعت حمره و مسكاره خليتهن على الجربايه سبحت باوعت لملابسي ناسيه الخاولي رفعت شعري و طلعت لكيت صعب واكف بالباب مالت البيت و بيده خاولي

:-لا تفوتين للحمام بدونه

ضحكت و اخذته منه لفيت شعري

:-روح للغرفه هسه امشط و اكمل و اجي

:-خوب تعاي بغرفتي سوي هاي السوالف

:-لا معليك

عفته و رحت للغرفه مشطت خليت حمره و مسكاره ضميتهن بجيب السويتر و رحت لغرفته لكيته متمدد مثل اول مره رفع راسه ابتسم و رجع يباوع للتلفون فتت جوه وصلت يمه مغلس مني ما يحجي شي صعدت على
الجربايه ما حجه شي كعدت مقابيله رفع راسه

الصعب:-ها؟

:-ها؟

:-شبيج كاعده كدامي

:-شنو ما يصير

:-لا بابا بكيفج

رجع دنك على التلفون كوه حابسه ضحكتي لزمت اديه وخرتهم من بطنه و كعدت عليهه

:-هاا ولج شكوو

:-اكلك بس كول اااي

:-عمي شثكلج وخرري

:-ماا والله تره اطفر على بطنك و ازوعك شنو شثكلنني ويين

:-يله عمي مو ثكيله شتردين

ضربته راشدي خفيف
:-شنو مو ثكيله شكالولك عليه

:-ههههه اقصد الوزن يابه

:-خل اسويلك شي

:-شنو

:-كول اي

:-اذا تبقين هيج كاعده اي

:-ههههه يعني اي؟

:-يعني تبقين كاعده؟

:-اي

:-موافق

ضحكت و لزمت رمشه

:-شوف هذا رمشك ششكد عاجببني اخليله مسكاره

:-شنووو
راد يكوم بس اني كاعده على بطنه

:-شنو انت مو كد كلمتكك

:-ملااذ مو هيج شنو

:-ما والله ماااا جا اخذني لامي

:-و الحق خبله

:-شعللليك يله اريد امممييي راح ابجي

:-ملاذ وين منين اجيبهه

:-ماااا والله مااا

:-شتردين

عضيت شفي الجوه اريد الزم ضحكتي

:-غير تفضنننني

:-اخليلك حمره

:-انوبب صارت حمررره وللج راح تخبلينني

:-جا وديني لامي

:-ملاااذ

:- زعلت راح ابجي شوف راح ابجي

:-اهووو شيفضهه وياج

:-حباب حباااابب

:-شوفي خلي بسس والله يا ملاذذ اخر مرره

:-اي هي اخر مرهه

:-خوش شسوي؟

:-غمض

غمض عيونه و اني ميته ضحك طلعت المسكاره و كل شويه فاتح عينه و صايح بيه

:-شوفي والله اذا ما تروح اطيح حضج

:-والله تروح مو اني كل يوم اخليهه و امسحهه

:-خوش و هسه بسرعه فضيني خل اغسل

:-شنو جا ششفنه اذا كبل تريد تغسل

:-دكملي و ك*** اليسمع حجاييتج مرة الثانيه

ضربته على صدره
:-اشش لا تفشرر

سديت المسكاره و خليتله حمره

:-افتتح عيني لو لااا

:-لاا

سحلت تلفوني مخليته يمه صورته بدون ما يدري و رجعت التلففون بسرعه

كملت الحمره كتله
:-يله فتح

فتحح عيونه
:-يله وخري

:-شنو خل اصورك

:-هاي العايزه وخرري

:-ما والله طالع حلو خل اباوع عليك

:-دوخري وخررري

كمت من يمه ميته ضحك كام شاف روحه بالمرايا باوع عليه ما تحملت نفجرت ضحك

:-ععرفت رب العالميين بيش معاقبني كل واحد يفوت لحياتي بي خللل

:-ههههههه والله طالع حلو

:-ربييي شفتتت موو شفتتت يااصبرر يااصبرر

كال هيج و طلع كمت وراه هو ضايج و اني بس اضحك اتخيل راح يركعني بالكاع

يغسل و يصيح
:-صخخاامم هذا صخام مخليتليي

جلف وجهه بالصابونه اجه بصفي
:-هاي هم مخليه صخام بعيونج امسحي عمي

رمشت بعيوني بسرعه
:-شنو غير اخبل

هز ايده و فات جوه و اني كعدت بلاستقبال احس ضجت اريد شي اتونس بي راسلت برق حجينه شويه و راحت شفت صعب طلع من غرفته اجه للاستقبال صعب من يللزم تلفونه هواي يعني يشتغل من اجه للاستقبال عاف التلفون باوعلي

:-شبيج

:-ما ادري

:-ضايجه؟

:-اي

:-اطلعج

:-لا ما عندك شي؟

:-لا ما عندي خلصت

:-خل نقره بالكتاب اذا خلصت

:-اي هسه اجيببه و اجي

كام لغرفته و اني كعدت بالكاع من شافني كاعده متربعه ابتسم كال

:-مشتاق انام بحضنج

:-تره كل يوميه تنام

:-لا من نقره الكتاب و انه نايم بحضضنج احس تختلف
اجه تمدد و اني العب بشعره فتح الكتاب و بده يقره

......................
عودة الى الماضي

الصفحه الثانيه و العشرون

رُفيده
..
كعدنا بالهول يمهم و روح تتحركص تريد بس تحجي كالت

:-عابس

:-عيونه

:-شوف اني حامل

باوعت على عابس ما يسوي اي شي يبتسم و يكتم ابتسامته رجفة اديه صارت واضحه رجعت روح حجت من جديد

:-شبيك عابس

:-روحح رووحيي انتت صددك حااملل

كام كعد بصفهه و لزم ايدهه خله ايده على بطنها
:-صدك روح

حركت راسهه بمعنى اي كبل نزل دموعه مسحتهن روح بيدهه نسى وجودي و وجود امي حضن روح

:-روحح ما تتخيلين شكد منتضر هل طفل منج ما اصدك

:-ههههه احبك

باوعت لامي مبتسمه على فرحتهم

وخر عابس من روحو باوعلنه دنك راسه كال
:-اعتذر نسيت وجودكم

:-ههههه عادي غير روحايه حاملل

:-هههه والله نستني اسمي

جان يوم من اسعد الايام المرت علينه عابس جاب ثواب و باتو يمنه ثاني يوم راحت لبيتهه جاي انضف بالحوش و مكعده امي يمي شويه صحتهه تحسنت و اجو اخواني و امهم من اخوالهم اجت اختي هاي اهدء وحده بيهم كعدت يمنه بدون ما تحجي شويه و بقت تحجي ويه امي حسيت امي ارتاحت صاحت عليه امي

:-رُفيده مي

ردت اكوم اجيب الها صاحت هي
:-لا اني اجيب

راحت بسرعه جابت باوعت عليه بلعت ريكهه لان اباوعلهه شربت شويه من الكوب

:-والله ما مخليه بي شي

ابتسمت و اخذته منهه انطيته لامي و كعدتهه بصفي

:-بس انه ما كتلج بي شي

:-مو امي كالت رُفيده ما تثق بينه

:-لا انت اختي و اخوانج اخواني حتلو ما تحبوني هل شي ما نكدر ننكره

بقينه نحجي اول مره يجمعني كلام وياهه ثاني يوم ندك باب الشارع كمت فتحته فات عابس

:-شلونج روح

:-هلا تفضل

اناطني علاكه مالت جكليت كمت اضحك اليشوفوهم يكول سنين محرومين من الخلفه اخذتهه كال

:-رُفيده

:-ها

:-احمد اليوم يجي

:-اهوو ما يمل هذا

:-لا ما يمل

:-ما ارجع

:-مو واعدتيني

:-بس ما كتلك هسه

:-شوفيي ادري انت علمود امج تره كلنا يمهه احمد ما يمنعج منهه و اني تدرين بيه ما اخلي روح تجيهه و اخوانج هنا

:-زين امي نحلت سالفتهه بس ما ارجع ويه اهله

:-اجرلكم بيت هنا

:-شنو زين وامي

:-هو بدل ما جيرانهم من هاي الصفحه راح تصيرين من هاي الصفحه اجر البيت البصفكم

:-اي بس

:-بس شنو مو شلعتي گلب الولد

:-ها مو اليوم ارجع

:-لا اليوم ارجعي صارلج شكد ما شبعتي من بيتكم

:-اي خوش جا هو ما يجي شبي

:-لشوي يجي

:-خوش روح شلونهه

:-زينه و كالتلي سلم عليهه

:-الله يسلمهه مو تخليهه تتعب رجل بنتي ببطنهه

:-هههه كون صدك ولد علمود انت تخلفين بنييه و اني و روح ندللها

:-ههههه ان شاء الله

بقينه نحجي شويه و راح ما قبل يفوت رجعت و للعصر اجه احمد بعد سويتله جرة اذن و امي تحسنت و مدام بيت يمهه رجعت وياه رجعت علاقتنه طبيعي بدون
مشاكل

و ابد ما شفت اهله الصبح هو بالشغل و العصر كله يمهم بليل يبات بالبيت واني من هو ماكو اكمل شغل و اروح لامي روح بدت بطنهه تكبر كاعدين اني و روح يم امي و امي باوعت لبطن روح ابتسم كالتلها
:-.........

..........................

سد الكتاب و خلاه على التخم دار على الجهه الثانيه
سسحب ايدي باسهه

:-تعبتي موو

:-لا

:-جا ضغطي على راسي حيل

:-هههه مسوي روحك حنين بس انت مو حنين

:-ههههه لا اذا تعبانه عوفي

:-لا

بقيت العب بشعره جاب النه اكل من بره اكلنا لليل قفلت من النعاس نمت قبله حسيت عليه من فات للغرفه بس

شبه نايمه حضني و ضل يهمس بكلمات ما فهمت شي احس مسطوره كعدت الصبح لكيته ماكو فتحت تلفوني كاتبلي رساله احس تعودت على رسائله لازم الصبح اشوف رساله منه

:-صباح العافيه جمارتي ريوكج بالمطبخ و من اجي الكاج متجهزه علمود نروح للدكتور

قريتهه ابتسمت كمت من فراشي تريكت و كملت كلشي بقيت ارسل ببرق راحت و كمت حضرت ملابس الي و اله
سبحت و بدلت خليت مكياج خفيف عناد بأم براطم كعدت امشط شعري سمعت باب الشارع نفتح شويه و فات صعب للغرفه بقيت امشط كتله

:-هلو

:-هلا

:-بابا حضرتلك ملابس اسبح وهسه اجيب الملابس
انتضرك بالباب

:-ما تجين تسبحيني

رفعت راسي اباوعله بالمرايا ضحك و طلع كملت شعري و كعدت الف حجابي طلع من الغرفه مالته صاح

:-الملابس الكاج منتضرتني بالساحه لان ابرد

هزيت راسي بمعنى اي
مشه و اني كملت اخذت ملابسه و بقيت منتضرته بره صحت عليه

:-يله بسررعه راح نتأخر

:-بردتي

:-لاا

:-فوتي جوه خاف بارده علييج

ما رديت عليه بقيت منتضرته كمل و طلع لكاني كاعده

:-لييش بقيتي بارده

:-ميخالف

انطيته الملابس بدل بالساحه والله يضحكني من يبدل بره ادري بي يفوت جوه يرتبهن بس علمود يخليني انتضره

كمل و طلعنا شغلت اغنية الدنيا حلوه
وصلنه جاي يطبك السياره

:-بابا

:-روحه

:-اليوم اغثلك ام براطم غثه

:-ههههه عوفيها بحالهه

:-مااا

نزلنا و فتنه جوه سوه اني من يمي ضايجه من روحي شلون مجلبه بصعب لعد الناس شتكول عليه بس ما يهمني كلام احد المهم اضوج ام براطم

فتنه جوه و شفتهه كاعده ردت اشوف صعب يسلم لو لا تمنيته يسلم علمود اسوي يوم اسود وصلنا بقى مغلس
گبل كعد ابتسمت و اجيت بصفه كلت

:-مساء الخير

ردت عليه و اني كعدت بصف صعب اخلق اي موضوع بس في سبيل اشاوره بحيث اخر مره كتله

:-صعب جواريبك يالون

ضحك و عض شفته
:-لهل درجه تغارين

:-ايع لا ما اغار

فات للغرفه و اني بقيت ساعه اصور ساعه اكلب بالتلفون و هي بعد ما حجت وياي صاح عليهه الدكتور و فاتت شويه و طلعت كالت

:-ملاذ الدكتور رايدج جوه

استغربت جانت اكو مراجعه ثانيه بصفي كلت احتمال عليهه كتلها

:-بس اني مو مراجعه خاف قصدج هاي

:-لا اننت مو اسمج ملاذ زوجة الصعب

:-اي

كمت متوتره ما ادري شيريد فتت للغرفه كراسي متقابله واحد كاعد عليه الدكتور و مقابيله صعب و كدامهم جاي و بسكت و لا عبالك دكتور و مراجعين عبالك بلبيت شافني فتت كال

:-ملاذ مو؟

:-اي

:-تفضلي عمو تفضلي

باوعت على صعب اشرلي اكعد يمه كعدت التوتر اكلني كال الدكتور........

..................................
بـرق

بده سيف يشتغل حراسات ببغداد
كملت السنه مالت الرابع و نجحت للخامس لورا نجحت و نقلت شكد حاولت اتواصل وياهه ببس اختفت ايي
وحده ما تتواصل وياهه

اما سيف يصعد 15 يوم و ينزل 3 ايام كلش نفتقده بهل فتره حتى اعمامي من عرفو طغو بزياده لان سيف جان يوكفهم عد حدهم و امي من نوع ما تحجي شي و اني من احجي امي ترزلنيي

كاعدين اني و بيلسان بالحوش مال بيتنه صاحت عمتي

:-برق و بيلسان فوتن جوه

:-ليش شكو

:-كعدتجن هنا ما مرتاحتلهه يله فوتن

:-بصفتج منو؟

:-ولج ام لسان والله يجي يوم و هل لسان ينكص

:-خوش يله كملتي روحي

من سمعتني هيج حجيت كامت تعلعل و تغلط على امي و اني كلشي و لا يغلطن على امي

:-عود بنات بغداديه انتتن شو حتى تربيه ماكوو

:-اشرف من تربيتج والله اذا جبتي امي بالسانج ما
يخلصج مني اله الموت

فات اريان شافنه نصيح
:-شكوو يمعودات صوتجن لنص المنطقه واصل

:-شوف اختكك تحجي عليه وعلى تربيتي انه بكد امهه و اكبر تعير بتربيتي

:-هجم بيتج اني اعرف خواتي ما يحجن اذا ما يسمعن حجايه

:-اي والله اريان شافنكم ساكتيين اكلنه اكل

بيلسان تسحب بيه علمود اسكت شويه و طلعت امي عود رادت تنام من سمعت صياحنه بطلت من النومه

:-برق فوتي جوه

:-يمه تتجاوز عليج

:-خل تتجاوز فوتتي

مشيت و احسس دمي يغلي كون يخلونهه بيدي اذبحهه ردت اوصل للباب كالت

:-انت مو ابوج سماج على حبيبته

بعد ما وكفت بعيني لا امي و لا اي وااحد طفرت عليهه اريد الزمهه و بيلسان سحبتني

:-تتخبللتي بررق شبيجج

:-ارريان سكتهه لا وعلي اكلبهه عشاير

كلت هيج و شفت اريان يضحك امي صاحت على عمتي

:-فدوه لعمرج روحي ما نريد مشاكل
كوه راحت رجعت كعدت و امي بس تغلط عليه

:-انت شكووو تراددين صوج سيف والله صوج سييف

:-والله التغلط وياي ما اسكت منهه نوب على ابويي وعليي مو مالت احترام

اريان:-عوفج من كل هذا شلون تردين تسوينهه عشاير
نفتح باب الشارع و فات يامان صاح عليه اريان

:-تعال شوف اختك

:-شبيهه اكيد متعاركه ويه عمامي

:-اي هذا اكيد بس شوف تريد تسويهه عشاير ويه عمامهه
كال هيج و طكوها بضحكه امي وياهم ميتين ضحك بس اني و بيلسان صافنين

:-عليمن تضحكون

:-ادري جا اعمامج من عشيرة يزيد؟

:-لا من عشيرتنه

:-جا اكو عشيره تهد على عشيرتهه

:-معليكم والله لو سيف اكو يطيح حضهم ليش ما خليتوني اكتلهه

:-خل تولي برق احنه مو كدهم

:-ليش يابه اذا على هل خنكه الي كاعدين بيهه ف خل ياخذونهه ما ميتين عليهه نشتري و نطلع منهم

:-اي كاعدين على بنك كل ما نريد بيت بس ندوس الدكمه و يطلعلنه

:-اهووو نضل دوم يم هل جلاب

فتت جوه اراسل سيف ضايجه اريده يرجع

احس ال15 يوم كوه مشن بيوم اليجي كعدنه من الصبح ننضف و نعزل بالبيت و امي طبخت اكلاته اليحبهن كلنه نشتغل بحماس حتى اني الما اشتغل اشتغلت

بقيت منتضرته باب الشارع اني و بيلسان فاتت مرة عمي كالت

:-قحط اخوان عبالك رئيس الوزراء راح يجي

:-اي طبعا ما شايفين غير تاج راسكم راح يجي

:-تاج***
فشرت كدامه

هزيت ايدي و غميتهه عبالها قليله لسان ما تدري ابلعها بلع بس ما اريد الاكي سيف بمشكلة بس والله متحلفتلهن اله افضحهن يم سيف

فات للبيت كمت ابجي من شفته احس گلبي متكطع عليه حاضنينه اني و بيلسان كدام بيت عمي و هنه كل شويه ذابات حجايه غلسنه منهم سلم عليهم و فات لبيتنه سلم علىامي و الولد جايب وياه مسواك و جايبلنه سورارت و للولد ساعات و جايب لامي حجاب اشياء بسيطه لكن فرحتهه جبيره...يتبع

.
.
.
.
.
.للحكايه بقيه

كلانا كتف للاخر♥
الوريد♪