#قيود_ تعيقني
بقلمي :- مريم احمد
////////////////////////////////////
"تعريف عن البطله"
مسار من بغداد عمري 20 سنه ابويا اسمه حسين ٥٠ سنه ميحب البنات ابد وأهله متبرين منه من هو وشاب امي ٤٥ سنه حنونه وتشتغل معلمه بمدرسه ابتدائيه وجمال اخويا قاسي مثل ابويا عمره 25 سنه
"شكلي"
شعري اسود وسط مو طويل وكيرلي
عيوني لون زيتوني وكبيره
بشرتي بيضاء
رموشي كثيفه
خشمي صغير
شفتي صغيره
___________________________
بعد ما فقدت كعدت اني بصاله ويمي نسوان ثنين "جوارينه"
ام علي : شلون صرتي يمه
" مسار كمت كعدت مصدومه َوعطت "
_اميييي وييين
_اهدي حبيبتي البقيه بحياتج
"كمت ركضت للغرفه مال امي واشوف بعدهم شرطه بس امي ماكو وزلم وشرطه بلمطبخ باوعو عليه واحد اردف"
ظابط : انت بنت الضحيه؟
_اي ااانيي ششكوو اميي شبيها َوينهااا
الضابط : امج تعرضت للقتل والقاتل هو والدج
" _عطت بصوت عالي"
شدتحجييي انتتت امييي َوييين لككك امييي َويين
_اخذوها للطب العدلي وانريدج ويانه بلمركز
_لكككك شدتحجييي اسسسكت اريد اميي عموو
_ترا مراح يدخلوج للمستشفى بس امشي ويانه هسه للمركز
"اخذوني وياهم اني ممصدكه امي راحت ومنو لقتلها ابويا اخذوني وياهم للمركز سئلوني عن ابويا واخويا انطيتهم مكان شغل بابا وكل هذا وجمال ميدري بعده بلجامعه "
رجعت للبيت فارغ رحت لغرفه امي طلعت صورتها وصفنت عليها
"نزلت دمعتي واردفت بصوت هادئ"
_ليش يمه ليش ليش رحتي يمه والله مراح يرحموني يمه محد راح يحبني يمه بس انت تحبيني يمه لتجيني بتابوت يمه فدوه اروحلج يمه اموت والله يمه ارجعيلي والله ماتحمل بعد يمه والله محد راح يرحمني
"كمت ابجي بشهكه واعيط والطم ع وجهي"
يممممه لاااا لترحيين اخاف والله يمهه
سمعت صوت جمال وهو يصيح عليه
_مساااار وييينج مسااار امييي وين
اجاني للغرفه شعره مكفش وعيونه مدمعه
"عاط عليه ويبجي "
مسار حبيبتي وين امي مسار احجيليييييي
_ابوك قتلها
باوع عليه بصدمه ورضربني راشدي وكعت بلكاع
لجج شدتحجيننن انتتتت
"كمت وكفت وعطت بوجهه ودموعي ينزلن "
لك كتلهاااا ابووكك افهممم هو حرمنا من امنه لكك بكللل صلافه ودم بارددد ضربههههااا لحد ما ماتتت لكككك جمااال بمكان مجايي اهنااا تصيححح روح دور ع ابووك لقتل امنه وراااح
"جمال صفن عليه ودموعه ينزلن واني داحجي عافني وراح طلع اني كعدت ع ركبتي وابجيي واشهك
"ساعه ب9 مسائا"
"اجاني جمال. عيونه حمره دم واردف"
-مسار راح يجيبون امي بتابوت
رفعت راسي اله ودموعي ينزل
"حجيت بصوت حزين وهادئ"
_ وابوك لكيتو؟
_اي لزمته شرطه
كمت وكفت باوعت علي بنضره حزن وعتب
"صفن بعيوني لحضات ومال راسه ونزلت دموعه وحضني "
اول مره يحضني تفاجأت وحضنته وبجيت بحضنه واشهك وهو هم بجى وحضني بقوه
"اردف واني بحضنه"
كومي حبيبتي راح يجيبوها هسه كومي
كمت طلعنا من الغرفه كعدنا بصاله وراها اجه اتصال الجمال وطلع
"بعد مرور ساعه"
اسمع صوتتت براا
لا الهه اله الله
طلعت ركضضض شفت تابوت فقدتت وعالم ملتمه بقيت الطم ع وجهيي واصيييحح اجني نسوان يميي يهدن بيه بس اني فاقده الطم وابجيي جمال شايل تابوت هو ولد ويبجي
طببو امي للبيت وراها طلعوها اني كتلت نفسي صعدوها بسياره اجاني جمال
امشي نصعد بسياره يلا
صعدت اني ويا بسياره البيها تابوت اميي ونبجي ثنينه
وصلنا المقبره واول مره اشوف مقبره بحياتي
دفنو اميي كداميي ومكدرت امنعهم
اخخ يا يمه شسويتي بيه كسرتيني والله
خلصو دفنه ورجعنه للبيت سوو فاتحه لامي واني بعد مداومت وجمال رجع دوامه
بعد مرور 7 اشهر
"اجاني جمال"
جمال : مسار اريد احجي وياج بشغله
_ ايي احجي جمال
_باجر عمامنه يجون
"باوعت علي بصدمه"
"واردفت "
_عماميي؟
_ ايي عمامنه باجر يجون وتفهمين كلشي اي شي لتسئليني لان دايخ تمام
_تمام
"راح جمال لغرفته واني صعدت الغرفتي مددت وصفنت لحظات بعدين اردفت "
_عماميي؟ وين جانو كل هلسنين وليش ماعرف عنهم شي يارب يكون خير
ساعه 7 صباحا
ندك باب غرفتيي
جمال : كوميي مسار يلا راح يجون
_ تمام هسه جايه بس اغسل
كمت غسلت وجهي ومشطت شعري ونزلت
"شافني جمال واردف "
_تعرفين عمامي شيوخ ؟
_شمعرفني اني هسه يلا عرفت عندي عمام واهل
_ ع العموم البسي حجاب من يجون
_ بس اني ممحجبه
_مسار حبيبتي لتعاندين ممكن
_تمام
سويت اكل الجمال اكل وكام اني نضفت البيت
"بعد مرور ساعتين "
ندك الباب كام جمال يفتحه واني رحت بلمطبخ
جمال صاح بصوت عاليي
تفضلوو تفضلوو
سمعت صوت زلم خشن
"باوعت شباك نصدمت"
زلم معكله
وشباب لابسين زي عربي
اجاني جمال
اجويي ع سريع جايي
_تمام
سويت جاي وده جمال الهم واني صفنت ع عددهم كامو يحجون ويتسالمون شفت من شباك رجا طويل وضخم ولحيته خفيفه ومعكل صارت نضرته عليه خزرنيي خزره شلتني شل كبل سديت شباك ورحت كعدت ع لميز
"اردفت بصوت هادئ"
يا ربي منو هذا اعوذ بالله منهم كلهم
اجاني جمال"
كومي يردونج
_هاااا
_وجعا كومي والبسي شال عدل
هزيت راسي ومشيت وره
دخلت للصاله مدنكه حجه واحد منهم
الجد : ارفعي راسج بنيتي ماكو احد غريب احنه اهلج
رفعت راسي باوعت عليهم كومه بصاله
حجه وياي واحد
علي : بنيتي بوسي ايد جدج
اشرلي جمال علي
رحت بست ايده ورجعت وكفت يم جمال كلهم صافنين عليه
"حجه جمال"
تعاي بويه اعرفج عليهم
اشرلي ع واحد واحد بيهم وهو يكلي
هذا عمج علي
هذا عمج محمد
هذا عمج حميد ً
هذا جدو هشام
هو ياشرلي واني اروح اسلم عليهم وابوس ايدهم
بعدين اشر ع شباب
هذا ابن عمي حميد واسمه جابر
هذا اخو حسن
وهذا ابن عمي محمد واسمه ايوب
وهذا اخو يعقوب
كلهم سلمت عليهم من بعيد وهم يردون سلام
بعدين اشرلي ع واحد صارت عيني علي وخزرني كبل دنكت
"اردف جمال "
هذا أجرام ابن عمي علي جبير
وهذا اخو برهم
رفعت راسي ع برهم ضحكلي واشرلي بايده (هلاو)
ابتسمتله
حجه الجد
الجد : بنيتي انشاء الله عرفتينا
هزيت راسي
"حجه عمي علي "
تعاي بنيتي اكعدي يمي خلحجي وياج
رحت كعدت يمه وجمال راح يم لولد كعد ويباوع عليه
"حجه الجد "
_مسار بنيتي انت راح تجين ويانه للبصره وتعيشين يمنه
نصدمت من كلامه وكمت وكفت مصدومه
"نزلت دمعتي وحجيت "
_ مستحيل اجيي وياكم
_بنيتي لزم تجين ويانه انت بنتنه
_هسه ذكرتو وين جنتو كل هلسنين ؟
_بابا احنه وابوج حسين جنه ع خلاف وانت بنتنه ميصير نعوفج وحدج واخوج حيتخرج ويشوف حياته
عمي علي : صحيح بنتي ميصير تبقين
إجرام : جدي تسمحلي احجي
_اي ابني احجي
أجرام : شوفي مسار احنه شيوخ وماعندنا بنيه تعيش وحدها ورضيتي ام لا فا غصبا عليج تجين مفهوم
رفعت عيني صارت بعينه صفن بعيوني لحضات ودنك اني دمعتي نزلت وكمت اشهك
عمي حميد : بنيتي لزم تجين انت بنتنه وميصير تبقين وحدج هسه امج توفت وابوج مسجون واخوج يريد يشوف حياته
"رفعت عيني ع جمال مدنك راسه "
"اردفت بصوت هادئ "
جمال انت تريديني مو
"اردف جمال وهو مدنك"
_لاا اني ماكدر اشيل مسؤليتج بعد اكثر من هيج
شهكت وبجيت دنكت راسي اجه يمي جدي
"واردف بصوت كله حنيه وحب "
الجد : كومي بنيتي وياي لا بارك الله بيهم
"كمت وكفت واردفت"
_اجي وياكم بس بشرط
يتبع ......
البارت قصير
صعدوها علمود اكمل ونشر يوميه حيكون