#قيود_تعيقني
بقلمي :- مريم احمد
/////////////////////////////////
مسار : بابا واخويا ابد مشفت حنيه منهم جنت اتمنى اعيش مثل آي بنيه بس لا عشت أسيره بيت اهلي ..
ساعه 6 صباحا في مدينه بغداد
جمال : يابه انت ليش تخلي مسار اداوم البنيه مكانها المطبخ وزايده منك تخليها تداوم
حسين : شأسويلها احسن تدوام علمود ماشوف خلقتها كدامي 24 ساعه
جمال : بس يابه ميصير تبقى خدامه احسن من تداوم َوتشوهه سمعتنه
_ سمعت كلام اخويا وابويا واني بلمطبخ داسَويلهم ريوك علمود وراها اروح للدوام نزلت دمعتي من سمعت كلامهم ليش اهلي هيجج ياربي ليشش من صغري تعذبت يارب ساعدني
تنهدت بحزن يلا يجي يوم وترتاحين
_ وديت الاكل الهم باوعو عليه وسكتَو
اردف بابا
_مسار بعد دوام ماكو
باوعت ع بابا بعيون مدمعه وكلت '
مسار : بابا حرمتني من طفولتي انت وهسه تريد تحرمني من دراستي؟
حجه جمال''
_ابويا من يحجي بنسمع كلامه كلج دراسه ماكو لتلحين لان انت تعرفين شنو عواقب الرفض مو ؟
باوعت ع بابا وابتسمت وعيوني مدمعه ''
كلتله''
بابا تدري شتمنى اتمنى اتكون صدك اب
عاط عليه وكام وكف ''
حسين : مسساااار
فزيت ع صَوته باوعت علي َابتسمت ودمعتي نزلت عفتهم ومشيت وصلت بابا الصاله ''
وردفت بصوت هادئ
__يجرالك يابه مراح اداوم بعد
عفتهم ومشيت الغرفتي شمرت نفسي ع جربايه (سرير) ودموعي نزلت غمظت عيوني بقوه ماريد اتذكر طفولتي .
رجعت ذاكرتي قبل ٥ سنين
مسار : استلمت النتيجه مالتي وتعلن عن نجاحي كلش فرحت وأخذتها ركض رحت لبابا
حجيت بفرحه ''
_ بابا بابا اني نجحت
باوعلي ابويا وضحك ضحكه شرانيه
حسين : ههههههههههههههههه
باوعت واستغربت شبي
اردف بصوت مخيف ''
_اكرهج حييل
باوعت علي وقوست شفتي وعيوني غوركن
حجيت بهدوء''
_ بابا بس اني احبك.
باوعلي بخزره ودفرني وراح
رحت لغرفتي ابجي واشهك.
'' رجعت ذاكرتي للحاضر''
_مسحت دموعي ورحت تَوضيت ورحت صليت كملت ونزلت سويت الغده .
'' اندك الباب ''
هاي اكيد امي اجتي .
ضحكت ورحت فتحت الباب
مسار : ماما حبيبتي اشتاقيتلج
غدير : حبيبتي اني هم اشتاقيتلج
مشينه اني وامي للصاله
'' اردفت ماما''
حبيبتي خوما اذوج اخوج او ابوج
_''_نزلت دموعي من ذكرت بابا بطلني من دراستي' :
_احجي امي شبيج كلبي
_ماما بابا بطلني من المدرسه
_لاا صدك ليشش يروحي لتبجين باعيلي احجيلي
_مادري ليش والله ممسويه شي واصلا هاي اخر سنه الي واكمل الاعدايه وشاطره وانت تعرفين درجاتي كلها عاليات بس جمال حجه َويا بابا وبطلني
_ يجي واحجي ويا يروحي انت بس هلعيون الحلوه لتبجي ماشي مامي
ابتسمت ومسحت دموعي''
حروح ابدل حبيبي وانام مو تكعديني
_لا ماما ماكعدج اني هم راح اروح انام.
'' امي راحت نامت واني رحت لغرفتي مددت ع سرير وصار عندي امل انو ارجع دراستي
ذكرت طفولتي شلون جانت وضحكت
أبد مجانت طفولتي مثل الأطفال جانت عباره عن ضرب وعراك ومشاكل وكرهه محد حبني غير بس امي ابد مجان حنين ابويا لا هو ولا اخويا جبير
كلبي وجعني واني اتذكر طفولتي نزلت دمعتي وكمت رحت ع لمرايه
"اردفت بصوت هادئ وابتسامه"
شوكت ترتاحين يا مسار كضيتي عمرج وحيده وانت عندج اهل صفنت ع وجهي لحضات ورجعت لفراشي
اجه بالي اهل ابويا
اهل ابويا وين ابد مشايفتهم ولا سامعه صوتهم ليش بابا ماعنده اخوان ولا اب ولا ام ابد مجايبين هلسيره بلبيت باجر اسئل امي
مسار كافي تفكير ونامييي
نمت كعدت ع صوت ابويا العالي
حسين : مساااااااار وييييينج ولجججج
غدير : هاييي شبيك حسين لبنيه نايمه راح تفز
حسين : نومه أهل الكهف انشاء الله لجج غديررر تشكيلج منيي اجتي
غدير : والله ماشكتلي بس كالت ابويا بطلني كليله خلي يرجعني للدراسه شبيكك حسين كافي مو بزعتها للبنت
حسين : كافيييي غدير وروحييي عنييي
"عاطت امي بصوت عالي "
غدير : حسسسين كافيي وين اكو اب مثلك بس كلي اخوانك هم هييج مثلك لكك زين مني قبلت بيك وانت اهلك متبريين منك صار ٢٥ سنه اني عايشه وياك بمر وخراب شغل واشتغلت علمودك لكك بس كلي لبنت شمسويه الك لك هايي بنتكك يا عارر كافييي
اني نصدمت من كلام امي اول مره تحجي هييج ويا ابويا وانصدمت من عرفت اهل ابويا متبريين منهه
"ابويا عاط بصوت رج البيت "
حسين : غدير تعيرييييني لجج غديرر ادوسج برجلي انت وبنتج وما يرفلي جفن
طلعت من الغرفه باوعت عليهم من فوك
وانصدمت من شفت بابا لزم شعر امي قويي َويعيط وامي تعيط
غدير : لكك عوفنييي
وابويا كامشها قوي من شعرها َويضرب بيها
اني نزلت ركضت البابا
_بابا عوفها فدوه بابا
_كله من وراج عااار
هد امي َولزمني انيي سحبني للمخزن
وامي تصيح ورانه ركضت بس ملحكت بي لان سد لباب
شمرني بالغرفه وسد الباب اني زحفت لنهايه الغرفه وابجي واتوسل بي
_بابا عوفني والله ما سويت شي اني والله
_اشششش اسكتي
باوع علي بخوف ودموعي تنزل طلع حبل واجاني
اني ارجف وابجي وساكته
قيد ايدي بلحبل وسد حلكي
نزع الحزام
"باوع عليه ضحك واردف"
ههههههههه جاهزه بنيتي صار اهواي ممضرَوبه
ماكدر احجي ولا اتحرك بس دموعي تنزل وامي تدك بلباب قوي َبس ولا اهتم
ضربني ع رجلي قويي بالحزام
"عطت وروحي شاغت من ضربته
رجع ضربني وضربني بكل ميكدر واني جسمي خدر من ضرب وامي تصيح ودك بلباب الحد ما اجتي ضربه ع وجهي بلحديده مال الحزام نزل دم ع عيوني وبعد ماحسيت باي شي
بعد مرور وقت كعدت اني بحضن امي وبغرفتي ويمي امي وجمال
راسي يوجعني وملفلوفه كصتي
"امي نزلت دموعها وحجت "
_امي اني اسفه يروحي ماكدرت اخلصج منه
"باوعت عليه ابتسمت واردفت بصوت ناصي"
_مو اول مره
"باوع عليه جمال وحجه "
_مسار شلون صرتي
"ابتسمتله ََواردفت"
_شدتشَوف انت؟
_مابيج غير العافيه
كمل جملته وعافني وطلع َوامي كلتلي اخذي راحتج وراحت
بقيت وحدي بالغرفه ابجي وألوم حضي لان عندي هيج عائله وهيج ابب
نمت اهواي وكعدت ساعه ب٥ الصبح
وكفت ع شباك واباوع ع جو وطيور والعصافير شلون يغردن ابتسمت بس اتلاشت ابتسامتي من شفت ابويا يباوع عليه إبتسامه شريره ونضرات كلها حقد سديت الشباك ورحت الفراشي
مرت الايام طبيعيه وابويا قليل اشوفه هو وجمال وامي تجيني مرات للغرفه وصرت زينه من الكتله ههههه
بيوم ساعه ب8 اجتني امي تضحك
مسساااار حترجعين للدوام قنعت ابوج
اني كمزت بفرحه وحجيت
ماما عليج الله صدك
ايي َوالله بنتي صحيح
ضحكت وحضنت امي هي هم حضنتني
ورجعت دوامي وماكو اي مشاكل
بيوم كعدت من نوم ضايجه رحت غسلت وبدلت ملابس المدرسه ورحت الأمي حضنتها
غدير : شبيج امي ليش احسج ضايجه
مسار : ماعرف بس ماريد اداوم واعوفج اليوم
غدير : لا يروحي روحي للمدرسه وحسوي الج دولمه
"ابتسمت وردفت بهدوء "
_ماريد اعوفج ماما
_حياتي انتي روحي للدوام الخاطري
_ماشي ماما
اجاني الخط ورحت للدوام بس مالي واهس انتضرت بس دوام يخلص درس الثالث كلبي نغزني واذاني كلشش خليت ايدي ع كلبي ونزلت دموعي وكلت
"انشاء الله خير"
خلص دوام ومن دارجع للبيت وكف او الخط بعيد عن بيتنه بشويه
كتله
ليش اشو اهنا وكفت
_شوفي لهوسه اليم بيتكم ماكدر ادخل بسياره
كلي هيج ونزلت ركض
اباوع العالم كومه باب بيتنه وسياره شرطه
نزلت دموعي واني اردد " يآرب خير"
وصلت بيتنا واني اشوف دم بلكاع وعالم داخل بيتنا اريد استوعب شكو شديصير شفت شرطه واكفه بغرفه امي
واني الساني انبلع بس دموعي تنزل واردد
"يارب لا تكسرني"
وصلت غرفه امي وشرطه اباوع عليه ومحد حاجاني اصلا
باوعت بلكال شفت احن شخص وأكثر شخص حبني َوخاف عليه ودم معبي الكاع نزلت بلكاع يم راسها واشوف الدم المعبي وجهه الحلو الكله حنيه
ميلت راسي واردفت يم راس امي وشرطه واكفه ومحد حجه منهم
"كسرتيني يمه "
بعدها فقدت ماحسيت باي شي بعد
يتبع ...
اتمنى تحبَوها قصه جديده واول مره انزل قصه
حقيقه القصه واي خيال مابيها