لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
تقرب من عندي وكال
... اخذي راحتج بويـة بدلي وارتاحي حتى نتعشئ
ماصدكت من كالي هيج بس رحت طلعتلي تراك
ودخلت للحمام تقريب نص ساعـة بس احاول افتح
سحاب البدلة وبلنهاية الحمدلله فتح ، وفتحت تسريحتي بسرعة لان هيه بسيطة ، ومسحت المكياج
وتوضيت وسبحت ..
طلعت لكيته كاعد ؏ جرباية يكلب بموبايلة
انتبهلي طلعت اخذ ملابسة ودخل للحمام ..
صليت وكعدت ؏ جرباية صافنة افكر شراح يصير ..
فززني من صفنتي وهوَ يطلع من الحمام
ذياب ... مطولة بصفنتج بوية ماناوية تصلين
ـ ها لا صليت صلي انتَ
هز راسة بقبول ، ومد سجادتة وصلئ
صفنت علية شون يصلي بس بالي ﭑبـد مو يمة
كمل صلاة وراح جاب العشاء الي مخلينه ؏ طبلة
ذياب ... يله بوية تعاي تعشي
ـ ها لا ما اشتهي
ذياب ... لاتشتهين بس تعاي اكلي
مالحيت بعد لان ميتة من جوع تقربت كعدت كدامة
كعدنة ناكل بهدوء واني اتمنئ الوقت يوكف هنا وما نخلص عشاء لان وراها ماعرف شراح يصير ..
صافنة واكل حسيت وكع اكل ؏ ملابسي
تمنيت الكاع تنشك وتبلعني بوكتها هـسهہ شيكول
يربي طفلة ماتعرف تاكل .. بس هوَ غلس ماحرجني
كمل عشاء وراح يغسل واني بقيت اكل شبعت واحس بطني راح تنفجر من الاكل بس مستمرة اكل في سبيل من يطلع ويشوفني اكل يروح ينام ..
بس للأسف ماصار مثل ما ﭑريد راح كعد ؏ تخم الموجود بلغرفـة ، باوعت للاكل ورجعت باوعتلة هذا جنه ماعندة نيه ينام وانا اذا اكلت بعد لكمة اموت
صرت حبابة وشلت الاكل خليته ؏ طبلة
ورحت غسلت وفرشت اسناني طلعت لكيته
بعده ؏ كعدتة ، رحت دورت بلكنتور اريدلي فراش
ماكو چَا شلون انام يربي مستحيل انام وياه ؏ نفس الچربايـة...
رحت وكفت كدامة واني افرك بأدية من توتر
رفع راسة من الموبايل باوعلي ..
ـ ذذياب شسمة ماكو فراش بلكنتور شلون انام
ذياب ... چَا الچرباية المن موجودة ؟
ـ انتَ نام عليها واني انام بلكاع بس فراش مالكيت بس خلص هاهيه انتَ روح نام ؏ جرباية واني انام ؏ تخم هنا
اشرلي اكعد يمه
... كعدي بوية خلنتفق ؏ كم شغلة مادام بعدنه بلبداية
كعدت بمكان ما اشرلي
... اسمعي بوية صحيح احنا زوجنا صار بظروف ومو اختيارنا بس مو معناها نعيش چنة اعداء بلغرفة لا مايصير خليج ؏ راحتج لا تتقيدين بيه وانا كذالك
ـ بـس
... خلني اكمل بوية ، وسالفة النومة هاي الچرباية
شوفيها تاخذ بدال النفرين اربعة والغرفة مثل ماهيه
غرفتي صارت غرفتج زين بوية؟
ـ بس هذا شسمة
... بدون لا شسمة ولاشي بس كليلي انتِ تثقين بيه
ـ اي
... خلص مادام تثقين بيه معناها راح ننام ؏ نفس الچرباية وانتِ مطمئنة ، واكو چم سالفة بعد خلنتفق عليهن حتى بعدين ماتصير بيناتنة مشاكل
ـ شننه
... اسمعي بوية اليصير بهذا الغرفة مايطلع منه حرف نتعارك نتمالخ نتزاعل البرا مايدرون شصار عسئ مانحترك البينة يبقى بينه لان ڪُل علاقة يدخل بيها طرف ثالث تخرب ، بنات ما بنات اخواتي بنات عمي ماكو البينه بينه
ـ ليشۂ تكولي هلحجي ششايفني انقل اخبار
... لا يابوية ماهيج قصدي بس من هـسهہ نحط النقط ؏ حروف ، وشغلة ثانية انا مرة تخصني ماحب تكون عدها ميانة وي اي رجال ثاني
ـ ليشۂ عود
... لان كتلج هيه تخصني
ـ زين ، وبعد عندك فد شي او قانون لو آروحـح انام
... لا روحي نامي
عفتة ورحت لچرباية اباوعلها صـَدڪہٰ جبيرة
خليت امخاد بنص ونمت بس حرت بلغطئ شلون
بس واحد ، بس يلله شعلية مشكلتة خلي باجر يجيبلة بطانية تمددت وتغطيت ..
شوية وسمعتة يطفى الضوء سويت نفسي نايمة
اسمع حركتة يتقرب لجرباية ، حسيت بية يرفع
الغطئ ويتمدد
هستوني اجيت اغفئ سمعته يدردم
... طبعاً مايكفي الغطئ اذا منومة فروخي بنص
ابتسمت ؏ كلامة وعرفته يقصد بكلمة فروخي
الامخاد المخليتهم بنص ، غفيت واني بالي يم تيجان
" تيجان
بعد مادخل صگر للغرفة وطلعت امة وعمتة
تقرب باسني بركبتي وهوَ يهمس
... بوية تيجاني اليوم منورة غرفتي
حسيت بدء الخوف يصعد من رجلية لكلبي
وهوَ انتبهلي متوترة ابتعد
صگر ... روحِـʊ̤ بدلي وارتاحي
ركضت اخذت السيت الابيض الوصتني عمتي
ام ذياب البسة دخلت للحمام توضيت وسبحت
ولبستة وطلعت الحمدلله جان السيت مستور نوعاً ما
طلعت لكيته ينتظرني شافني ابتسلمي وكرص
خدي ودخل للحمام كعدت اقرا سورة الفاتحة لأم البنين يمكن قريتها شي عشرين مرة ؏ ماطلع ..
صگر ... نصلي سوة؟
ـ ها اي
ركضت فرشت السجادات ولبست احرام الصلاة
ووكفنه نصلي بعد ما خلصنه صلاة التفتلي صگر
خلا ايدة ؏ راسي وماعرف شنو كام يهمس ...
كمل ابتسملي وكام مدلي ايدة
صگر ... نتعشئ؟
ـ اي اي
راح جاب الاكل وكعدنا نتعشئ اكل كوة من توتر
كملنا عشئ وغسلنا ، تقرب لزم ايدية
صگر ... عليمن هلخوف بوية
ـ شسمة اسفۿ ادري اخرتك ولازم هـسهہ تطلع انتَ
بس ولله خايفة حيل
نزلو دموعي خلال مااحجي ، عكد حواجبة وسحبني لحظنه
... عليمن هلبجي بوية صـَدڪہٰ جذب ، وبـ؏ـدين تعاي كليلي وين اطلع كليلي هاي انا مكابلج وكاعد
ابتعدت من حظنة
ـ يعني ماعدكم عادة بعد ما شسمة يطلع العريس النيشان
صگر ... لابوية موجودة هلعادة بعشيرتنا بي بعائلتنة ماموجودة لان احنا مو همج هذا الشي خاص بين الرجال ومرتة شعليها العالم
نصدمت وفرحت بنفس الوقت من كال ماعدهم هلعادة
لان احنا موجودة عدنا هلعادة بحيث العريس اذا تأخر آڪــثر من نص ساعة بغرفته يكولون مو كدها ومو زلمة
مسحت دموعي وابتسمت بوجهه
صگر ... بعدج خايفة
ـ ها لا شسمة لا
تقرب باسني من يم أذني ومن اول بوسة حسيت راح اوكع بس هوَ لازمني من خصري تقرب خلاني ؏ چرباية
و..... صرت مرتة
ابتعد باس راسي وهمس
... مبروك يبعد صگر
ضميت وجهي بخجل وهوَ يضحك علية
سبحنا ورجعت فتحلي ادية تمددت بحظنه
وصفنت ؏ مروحـة ، فزرني من صفنتي صوت صگࢪ
ـ ها
صگر ... وين صفنتي
ـ افكر بأهلي اكول ليشۂ ماعندي اهل بيهم حظ
تدري اليوم حيل احتاجيت امي بس مالكيتها
صگر ... اشش بوية ماريد اسمع هلحجي منج انا كلشي الج امج وابوج وكل اهلج شتردين اصيرلج بس ماريد اشوف دموعج الحلوة
ـ عوض ربي
باسني براسي وصاح
... اخ بوية ريحـة شعرج
ـ مو حلوة؟
صگر ... لا بس تخدر
ضميت وجهي بصدرة وانا خجلانة
غفيت بحظنه ويمكن جانت هاي احلى نومة بحياتي
كعدت ثاني ؏ بوساتة بوجهي
صگر ... اكعدي عروستي ، مريتي
ـ اممم صگر عوفني نعسانة
صگر ... صـَدڪہٰ جذب هـسهہ نلعب شوط ثاني وتصحين
طفرت واكفة
ـ لا لا رحم الله والديك هاي كعدت
ضحك ، وانا ركضت طلعت ملابسي وملابسة
بدلنا ونزلنا جوه والهوسة ماتقل عن هوسة عرس ليث والاكبر ، سلمت ورحت كعدت يم وتين
" وتين
اجتي تيجان كعدت يم فدوهہ الفرحة مبينه بعيونها
دعيب ربي يديم الفرح عليها لان تستاهل
شوية واجمعن البنات يمنه وكل عادة غرير واسئلتها
غرير ... اي يحلوات سولفنا شلون جانت ليلتجن
سولفتنه تيجان شوي وخطية خدودها وجن نار من الخجل وهيه تسولف ، واني اكتفيت بجواب
ـ تمـام الحمدلله
غرير ... بلله انتِ توينه مانضغط عليج لان ﭑ؏ـرف اخوي مايحب شي يطلع برا غرفته واكيد وصاج
ماجاوبتها بس ابتسمت
بعد مافضت العالم دخلوا جدو وعمامي والشباب
يسلمون علينا واني ميته خجل منهم صح ماصار شي بينه بس يكفي انُ يعرفون احنا نمنا بغرفة وحدة
حظني بابا وانطاني ورقة صبحتي ماعرف شيسمونها
وجدو وعمامي كذالك حتى الشباب انطوني فلوس
وتيجان كذالك بس يمكن اني احسن منها لان هيه حسيتها راح تموت من الخجل ...
تجمعنا كلنا بصالة يسولفون ؏ عرس
بيبي ... ولج تينه ضمي صبحتج واشتري بيها كلادة باسم ذياب
ـ يا بيبي باسم ذياب ليشۂ شنو ضايع واشتري باسمه كلادة
حسيت الكل صفنو عليه لا يالله بس لا جفصت
غمتني بيبي بأيدها وصاحت
... فاهيه ماعليج عتب انتِ يمه تيجان ماعليج بهاي ثولة انتِ لمي فليساتج واشتري بيهن كلادة بسم رجلج
تيجان هزت راسها بقبول
ـ بيبي ليشۂ تشتري كلادة شتسوي بيها شنو اول طيحته الذهب خوب خليها مثلي هـسهہ اني راجع اجمعهن واشتري بيهن ايفون الضال بنفسي
بيبي ... شنهيي ولج شني هايفون
ـ ايفون بيبي موبايل مو هايفون
بيبي ... تسمع يذياب مرتك الفاهيه تريد تذب فلوسها
؏ هايفون
ذياب ... انتِ كلتيها بيبي فلوسها ماعلينه بيها
عسئ ما تحركهن
باوعت لبيبي وضليت اهز بحاجبي وهيه تباوعلي وتباوع لذياب ما راضيه خربت ضحك عليها ..
جدو ... ذياب ليمته تخلص اجازتك
ذياب ... بعد يومين جدي
جدو ... خير ان شاء الله
بيبي ... ولج خايبة نويرة سمعتي ام فارس شكالت
ردت ماما
... لا عمة ولله ماسمعتها ولا اعرفها ﭑصلاً
بيبي ... ولج هاي الخطبتها مني بعرس ليث والاكبر
امس شافت توينه لابسة البدلة المدلعة وشافت جمالها كالت هلبنية لكعت بكلبي لو ادري چَا غلبتكم وخطبتها
فززني صياح ذياب
... ادريييييي كو** انا هناااا وهاييي المرة حاطة عينها ؏ مرتيييي هيهه كلساااع مو هذيييج المرة خطبتهاااا وكلنالهاااا مخطوبةةةة ادور هسهه ببدلت عرسهااا هووو هم حظيي هذا كلشي يخص ذياب يحلئ بعيون الكل
سحب جكايرة وصعد
الكل ساكت تفاجئو من عصبيته وصياحـة
انوب كلها كامت تباوعلي
جدو ... اصعدي ورا رجلج بوية
ترخصت منهم وصعدت دخلت للغرفة ضلمة بس
جمرة الجكارة مبينه شغلت الضوء خزرني
ـ شبيك
ذياب ... شبيه يعني كلشي مابيھہ قابل
يخطبون بمرتي كدامي
ـ لاتهتم عادي ختولي المره
كام تقرب مني دنك لمستواي لان اوصل لـ صدرة
.... مو ماعدي غيرة حتى ماهتم والسبب انتِ البـ ***
لابستلي مخلع عوزج تنزعين البدلةةة صدرج كله طالع
ـ ولله معلية اني
ذياب ... سدي السالفة وروحي نامي
عفته ورحت بدلت وتمددت ؏ جرباية وغفيت
كعدت المغرب مسطورة سطر ماعرف الدنيا صبح ليل
وانوب اني اذا كعدت تلزمني صفنه وين يلله تهدني
لبست حجابي ونزلت جوه لكيت عالم تصلي وعالم تسوي عشاء ، كعدت ؏ درج صافنة
لمن صاحوني ؏ عشاء كعدنه نتعشئ بس ذياب ما موجود
ام ذياب ... يمه وتين ذياب وين
ـ عمه ولله مادري
ماما ... ماما اكو وحدة ماتدري وين رجلها ليشۂ فاهيه ومهملة انتِ
برطمت ودمعن ؏ـيـُونـʊ̤ لان صاحت بيه كدام الكل
وانوب صفاء الحيه تباوعلي وتضحك بشماتة
قبل ما ارد ؏ ماما ، اجاني صوت وهو يسلم
من شافني عكد حاجبـة وهز راسـة بمعنى شبيج
دنكت راسي
ـ شبعت الحمدلله
عفتهم وصعدت واني ؏ درج سمعته يسئلهم
... شبيها وتين
جاوبتة ماما
... اني عطت بيها ختولي ماعدها مسؤلية
وكفت اسمعهم
ذياب ... اي غير ﭑ؏ـرف شمسوية
ماما ... سئلناها وين رجلج تكول ماادري بيه وين اكو مرة ماتدري رجلها وين خليها تتعلم لليمته تضل هيج
ذياب ... عمه وتين جانت نايمة وانا طلعت تشم ايدها طلعت انا ؟ ومرتي انا مسؤل عنها مرة ثانية مارضئ ترزلينها كدام الكل
ماسمعت بعد شردت عليه ماما لان دخلت لغرفتي
نزلن دموعي انهضمت حيل لان صاحت بيه كدام الكل
شوية ودخل ذياب مسحت دموعي بسرعة
رفعت راسي باوعتلة رجعن نملن دموعي
تقرب مني ودنك عليه ومسح ادموعي بأصابعـة
... عليمن هلبچي
ـ ما متعودة ماما هيج تصيح بيه وانوب كدام الكل وكدام هاي الحية صفيه
ذياب ... ميخالف امج وتمون عليج وكافي بچي خلي دموعج عزيزة موش ؏ ياهو الچان طيح
سكتت ما جاوبتة بس اباوع بيه ومبرطمة
ذياب ... زين ابوي؟
ـ امم احاول
ذياب ... عفيه وهسه يلله كومي بدلي نطلع
ـ وين
ذياب ... شعليج بدلي والباقي عليه
وتين وكالولها طلعـة طفرت بنفس اللحظه
طلعتلي ملابس
ذياب ... راح اسبح انا طلعيلي ملابس وياي
طلعتله بطرون اسود وقميص اسود هم وحذاء رياضي اسود بدلت وخليت مكياج خفيف ولبست عباتي وكعدت انتظرة
طلع من الحمام بس المنشفة ؏ خصره
من صدمة صحت
ـ هااااا هااا وين
ذياب ... وسم شبيج شڪِۅ
ـ ليشۂ ملابس ملابسك
ذياب ... هـسهہ ابدل لا تخافين ما اطلع هچي
ـ لا شسمة ليشۂ بلمنشفه طالع
ذياب ... لان ماعرف ابدل بلحمام بس لا تستحين يلله ميخالف دوري وجهج عود
اباوعله عزا ولا متوقعة ذياب هيج جريئ شو جان حباب وخجول شكلبة
لبس ملابسة وصاح
... يلله نطلع
طلعنا سوه من وصلنه لدرج لزم ايدي وكال
... يلله تعاي ننزل حتى نوضح الحية ؏ كولتج
مو هاي سوالفچن انتن البنات ههههه
ضحكت
ـ اي عفيه خل اضغطها
ونزلنا لكينا الكل متجمعين بصالة يشربون چاي
صارت الانظار كلها علينا
ام ذياب ... ها يمة طالعين
جابوها ذياب
... اي يمة محتاجين شي
ام ذياب ... لا يمه سلامتكم يحفظكم الله
ترخصنا وطلعنا بس احس ماي بارد نزل ؏ ڪلبـي من شفت الضوجة بينت بوجهه صفاء وامها
ـ ذياب ماكتلي وين حنروح
ذياب ... متعشية انتِ
ـ اكلت بس لكمة وحدة وانتَ
ذياب ... الصراحة لو بت عمها؟
ـ هههه الصراحة
ذياب ... الصراحة لاولله مامتعشي وما دامج انتِ ما متعشية هم نروح نتعشئ
ماكلت لا وصدك رحنا لمطعم تعشينا
وبيومها حيل تونست بلطعلة لان جان ذياب هادء ڪـلش غير عن ذياب العصبي الاعرفة ..
طلعنا من المطعم
ـ وين حنروح هـسهہ
ذياب ... هـسهہ نوصل وتعرفين
سكتت لحد ما وكف مقابيل محل موبايلات
ـ شنسوي هنا
ذياب ... نزلي وتعرفين
نزلنا دخلنا للمحل سلم ذياب وكال
... خوية طلعلي احدث ايفون بكل الوانه
باوعتلة بصدمة ، انتبهلي ابتسم وسوالي حركة بخشمة
طلعنا الولد الوان يخبلن ضليت محتارة شأخذ وشخلي
وبلاخير اختاريت لون ابيض .. دفع ذياب الفلوس وطلعنا ..
بس صعدنا بسيارة صحت
ـ عاااا ذياب اني نسيت السالفة انتَ شلون ما نسيتها
ضحك و رد
... ما انسئ انا وماحب اخلي شي بنفس الاشخاص اليخصوني
ـ بس باع من ارجع للبيت انطيك فلوسة
طكني بخزرة اتمنيت لو مو منچبة وساكتة
... عود من اشكيلج اطيني فلوس
سكتت عنه وضليت اباوع بلموبايل
ڪـلش فرحت بيه ، باوعت لذياب
ـ ذياب مُمڪن سؤال
ذياب ... اسئلي
ـ باع انتَ اليوم جنت ڪـلش حباب يعني دافعتلي كدام الكل ومن شفتني ضايجة طلعتني وونستني واشتريتلي موبايل سويت ڪُل هذني وانتَ ما مجبور تسويهن ..
ذياب ... لابوية مجبور وغصباً ما عليه اسويهن لان انتِ مرتي رضينا اول لا هذا الواقع ومو من شيمة الزلم يشوف مرتة تنهان وتترزل ويسكت وطلعتج لان شفتج ضايجة وانا ماعرف انام واشخاص يخصوني ضايجين
مو انوب مرتي ضايجة وانام لا ماتصير والموبايل انتِ هـسهہ مسؤليتي ماخلي شي بنفسج وادللج آڪــثر من الدلال الشفتي ببيت اهلج ..
شكد فرحت بكلامة لدرجة دمعن ؏ـيـُونـʊ̤
رجعت للبيت بس لازم جنت ﭑ؏ـرف انُ السعادة ما تدوملي .....
يَتبع 🍂...
~~~~~~~~~~~~~~~~~~
رائيكم بلبارت؟
وبخصوص اليكولون تتأخرين بلتنزيل ؏ـُمـرʊ̤ انتو عندي دراسة وجاي انزل بارتين بلأسبوع ، ودراستي اهم من القصة 💜
الى اللقاء في البارت المُقبل | احبكم ♥️
# حب محكوم بلأعدام
# بنين الزيادي