فيصل : ميهاف انت ....
ميهاف خافت انه يقوله تشوفها تشوف كلامه طلاق بعيونه : لا لا فيصل ... حرام عليك فيصل .. لا ليش تسوي كذا ..
فيصل ما قدر ينطقها لا الحب الي شافه بعيونها وحسه برجفتها بين يدينه .. مو حب هذا عشق هذا اكبر بكثير من الي تمناه .. خاف من الصدمه الي بتحس فيها
فيصل : انا... وانت ... و المافيا راح تقضي علينا .. انا انسان محقون بماده غريبه .. وانت عيشي حياتك ابعدي عني .. لان للاسف الشي الي تبيه المافيا مو عندي والشي الثاني غالي علي لدرجه اني حافظت عليه وملكته ,,ومو فيصل الي ما يحافظ على ممتلاكاته
ميهاف بضيق : فيصل السي دي الي اخذته .....
سكتت كيف تقول لابرار .. كيف تتكلم
فيصل بهدوء رجع ميهاف على كتفه وحضنها بيده الثانيه : اعرف محتوى السي دي من السي ديات الي شفتها
ميهاف ماتت من كلامه بس مالها الا هذا الخيار : فيصل انت حافظت على السي ديات ورجعتها للبنات والي ما لقيت لها شي احرقتها .. انا اعتبرني اخذت السي دي الخاص فيني .. وانا ااكد لك انه نفس مضمون السي دي الي شفته ...
ميهاف حاولت تموه الكلام لان السي دي مركب لابرار ومو حقيقة زي الباقي
ميهاف بثقة موجعه : والمشكل هان السي دي احرقته على طول
فيصل كان بنفسه فيه شي يبي يصدق ان ميهاف بريئه بس للاسف لكل انسان ماضي
فيصل بهدوء : انا ظلمتك لمى اعتقدت انك رميتي مازن بالرصاص
وسكت وكمل بنفسه ( وتمنيت اني اصدق نظرة البرائه الي بعيونك )
ميهاف : فيصل انا حاولت اقولك بس كل مرة كنت تصدني .. وانا الحين ما الومك ابدا .. بالعكس انا زدت تمسك فيك
فيصل بتنهد : ما كنت متوقع ابدا ولا في الحلم ان فايز يقتل ولده ..صحيح انه مات بالمخدرات .. بس انه رامه بالرصاص وكان ناوي يقتله
ميهاف : اذا انعدمت الانسانيه من الانسان يسويا كثر من كذا ..
فيصل : ميهاف لو لي ادنى خاطر عندك ارجعي للسعوديه .. وانا طيب الحمد لله وعبد العزيز راح يرافق معي
ميهاف مسكت يده : انسى مستحيل اترك كابدا .. مستحيل حتى لو منعتني من المرافقه اوك راح اجلس في الفندق واجيك وقت الزيارة
فيصل : ههه والله الضاهر انك ما في منك فكه
ميهاف بحزن وليه تبي تفتك مني
فيصل بصدق : ابيك سالمه وبامان
ميهاف قامت واستأذنت من فيصل وراحت تغيير ملابسها بدورة المياة واخذ شور سريع ولبست ملابسها وحست بخوف وهي تسمع صوت غريب ولفت الايشارب بسرعة وطلعت وشافت فيصل نايم على السرير وارتاحت شوي ومشت لين فيصل ومسحت على راسه وهو حس ببروده يدها
فيصل : يدك باردة
ميهاف : سوري اذا خليتك تشعر بالبرد
وانحنت وقبلت جبينه .. وجلست جنبه على السرير وفجأه انفجع الثنين على صوت تكسر زجاج النافذة ودخل منها ثلاث رجال متعلقين بحبال
شافت رجال لابسين اسود ومغطين وجههم بقناع خاص واحد يحمل شنطه سوداء والثانين يحملون اسلحة .. الاول توجهه للباب الجناح ووقف عندة والثاني والثالث مشوا لين فيصل
ميهاف حست بالرعب وصرخة بقوة لكن الثالث ضرب ميهاف ورمها بقوة على الكرسي والثاني اتجه لفيصل وجلس يكلمه باللغة المانيه وفيصل يرد عليه والصوت يعلى بينهم
وطلع ابرة ومسك يد فيصل وهو يحاول انه يبعدة وميهاف تصرخ بقوة تبي تبعد تساعد فيصل
لكن الرجل الي مسكها كان قوي والرجل الي حق فيصل بالحقنه قرب من اذنه وبدء يقوله كلام
وفي لحظه مثل الحلم خرج الثلاثة من النافذة الي دخلوا منها .. ميهاف صرخت بقوة وضغطت على جهاز المنادة
دخلوا الحرس وامتلت الغرفه بالاطباء والممرضات وميهاف برعب وهي تشوف فيصل يتشنج ويتلوى وتنفسه يصعب وبدئت اطرافه تزرق ويسكن الحركة
كلام الاطباء ما تفهم لكن فهمت بعض الكلام
اوجعها وذبحها وطعن قلبها من الصميم منظر فيصل وهو يرتفع بجسده الساكن من اثر الصدمه الكهربائية الي بدء الاطباء فيها بعد توقف قلب فيصل عن النبض
حاولوا الاطباء ولكن لا فائده .. وعرفت من الي تشوفه ان الطبيب امر بزيادة قوة الصدمه الكهربائية
بكت ميهاف وهي تشوف جسد فيصل يرتفع مرة اخرى ليرجع بقوة على السرير
ابتعدت عن مشاهدت منظر حبيبها المتهالك بين الحياة والموت ... ضمت يديها بقوة لصدرها وتوجهت بالدعاء ... ودموعها تنزل بغزارة
( يارب الطف بحاله .. يارب الطف بحاله ... يارب قومه بالسلامه ... يارب تحفظه ...يارب تحميه .. يارب تخليه وتبقيه لكل عين ترجيه .. يارب رده لي سالم .. يارب استودعتك فيصل )
احبك رغم اني عرفت ماذا يعني الحب
وكيف كانت نهايته دوما معي
احبك رغم من كل صراع
ورغم كل التحديات
الا اني وضعت نفسي رهينه بين يديك
ولاني وجدت فيك ما لم اجده في غيرك
ولم اجده في أي شخص
احبك
تلك كلمات كنت اشك فيها
كنت اخاف ان اتخطئ حدودها
فتكون هي مقتلي كما كانت هي حياتي
احبك
لانك ذاك الطائر الذ خطف قلبي
ونال استحسان روحي
واسر جسدي بلا علمي
وانامخطوف الفكر
احبك
كلمه اشعر الان فقط معناها
واعيش الان فقط فحواها
احبك ....
دخل من باب الفله المفتوح وتوجه بخطواته الرشيقة التي تتناسب مع جسدة الرياضي للدور العلوي وهو يسرع في خطواته ... ضرب جرس الباب ... وقلبه تزداد نبضاته شوق لاهله .. اشتاق لاخواته الثلاثة ... اشتاق للعودة لبلدة بعد عن انهئ دراسته ... وكعادته اول ما فتح الباب .. دخل بصرخة الفرحة التي عمت المكان ومرحه الدائم الذي تتسم به شخصيته المنطلقة للحياة
امال بصرخة فرحة : واااي عدنان ... مني مصدقة عيوني ..
وصرخت بصوت عالي : الحمد لله على السلامه
عدنان وهو يرفع امال لفوق ويدور فيها في الصاله : هههه وحشتوني ماي توينز .. أي وحدة منهم انت ... هههه ... ترى اضحك امول ..ههههههههه
امال : هههه نزلني ... نزلني ... عدنان ..
عدنان نزل امال وهو يضحك ويضمه بقوة : وحشتتوني .. موت وربي بموت .من الفرحة ..
وقرص خد امال على الشام هالي على خدها : هههه ام الشامه اموله الغاليه
امال : ايي عورتني ..
منى جات على الصوت العالي وبنعومه : ماي بق بروذير از هير
عدنان فتح يدينه لها : هلا والله باختي الغالية منو
منى تسلم على عدنان وتحضنه وتسلم على راسه
منى : الحمد لله على السلامه ...تو ما نورت الرياض
عدنان بضحكة : هههه منورة بوجودكم ... وين ابرار
امال : ههه ابرار تحت في بيتها ...
عدنان ( عمره 25 طويل ولون بشرته قمحي .. عيونه بنيه واسعه ورموشها طويله ..وانفه مستقيم .. له طلة مرحة تحب الحياة .. جسدة رياضي لانه يمارس رياضه السباحة )
عدنان : يحط ذراع على منى والذراع الثانيه على امال : ياربي ما يحرمني من ماي توينز
امال ومنى : امين ويخليك لنا ..يا احلى اخو في الدنيا
عدنان يفتح الحقيبة الي طلعها السواق بمرح : تعالوا اوريكم ايش جبتلكم
امال ومنى بفرحة : الله يخليك لنا ايش تكلف على نفسك
عدنان بمكر : غمضوا عيونكم علشان اعطيكم الهدايا .
منى وامال ببراءة غموضو عيونهم
امال : اقول عدون تراك بتعطيني انا اول هديتي لاني انا الاكبر
منى : ههه حلوة اقول لا يكثر .. ترى كلها كم دقيقة ..
عدنان وقف وضم خواته بذراعينه وصار وجيههم قريبه من وجهه : ماي لوفلي توينز افتحو عيونكم
فتحوا الاثنين عيونهم
اول من فاق من الصدمه امال الي صرخت بقوة : لااا بسم الله علينا
منى بصرخة مماثله : لااا يمه ايش هذا...
عدنان كان لابس قناع مخيف ويسوي حركات مخيفة
امال ومنى صرخو وهربوا وعدنان يضحك عليهم ويلاحقهم وراهم من مكان لمكان
امال بصرخة : والي يعافيك شيل هالقناع تراه يخوف
منى : عدنانوه انت متى تعقل وتبطل هالحركات ...
عدنان : ههه مشكله الخوافين .. ايش نسوي لهم ...
على صوت الصراخ طلعت ابرار وعيالها ..
مي : مامي لا وحش ... وحش
هادي تعلق بامه : اهي اهي
ابرار باستغراب : مين ... مين ... ايش فيه صوت صراخكم واصل اخر البيت
ونظرت للجهه الي خايفين منها العيال وشهقت بقوة : يمه بسم الله ايش هذا
عدنان يمشي لابرار : هههه ... ابرار .. ويشيل القناع عن وجهه : ههه تعالي
ويفتح ذراعينه لاخته ابرار
ابرار بفرحة : عدنان .. الحمد لله على السلامه
ابرار سلمت على عدنان ونست عيالها الي واقفين ..
عدنان : تعالي يا الحلوة ويشيل مي ويرفعها فوق : هلا باحلى مي .. ياربي على الحلاوه
وينزلها ويشيل هادي : يا حلوة هالولد ...
ابرار : وحشتنا كثير ... والله ان الدنيا ماهي سيعتنا من الفرحة بردتك يا اخوي
عدنان : هه ايش دعوة لا تنسون ترى كل اجازة وانا راز وجهي عندكم ..
منى : ولو جيتك هالمرة غير ..
امال : اهم شي انك ما عاد ترجع مرة ثانيه وتتركنا
عدنان : احمم احمم .. اول مرة ادري اني مهم لهاالدرجه
ابرار : يا بعد كلي يالغالي ... بطل عيارة ترى من زمان وحنى مغرقينك اهتمام
امال : ايه والله انك صادق .. ابرار .. والحين الدور والباقي عليه
منى : الله يعينك علينا .. ترى حنا بس ثلاثه
عدنان : هههه الله مالي عندكم كم دقيقة وشنيتو على حرب شامله
ابرار : ههه .. اجل ايش
امال : لا والله ... ممكن نحن عليك وتعتبر الحرب من اثنين بس وتأشر عليها وعلى منى .... واما الطرف الثالث ممكن ينشغل عنك شوي
ابرار : الله اكبر يا النذاله .. طلعتوني من القائمة بسرعه
منى : ايه انت عندك صلوح .. واولادك ... بس حنا عندنا عدون واحد
عدنان يضحك بقوة ويمشي للحقيبة المفتوحة ويطلع الهدايا ويوزعها على خواته وعلى الاولاد
شوي يدق جوال ابرار
ابرار : هلا صالح في مفاجأة فوق اطلع انا عند البنات
صالح مستغرب : خير فيه شي ..طلعت تشوفين الصوت الي عندهم وما رجعت
ابرار بضحكه : ههه قلت مفاجأة
صالح : يا الله انا عند الباب افتحي
منى وامال اخذوا الهدايا ودخلوا لغرفتهم .. وعدنان سلم على صالح
منى : ياي شوفتي امول ..عدون ياربي يسعده ايش جايب لي .. نفس المواصفات الي طلبتها في اللاب
امال وهي تفتح هديتها وتطلع الساعة : ههه شوفي انا بعد ساعه تجنن
قطع عليهم صوت جوال امال يعلن عن رساله
منى : امال ردي على جوالك هذي اكيد ميهاف ..خلينا نتطمن على فيصل
امال تلبس الساعة قدام المرايه : هههه تجنن على يدي .. لا هذي نغمة رسايل
منى : تيب شوفيها من مين
امال تمشي بثقة وهي ترفع يدها والساعة الالماس تلمع بيدها رفعت الجوال وفتحت الرساله وهي تدندن اغنيه شرين حبيت حد يقولي اني غلطانه ..
وفتحت عيونها على الاخر وهي تشوف رقم المرسل .. و..و
( السلام عليكم .. ايشلونك اختي اموله .. اتمنى ما اكون ضايقتك او ازعجتك .. بس حبيت اطمئنك ان اخوي الكبير الحمد لله فاق من الغيبوبه .. وما ادري ليه جاء على بالي اسمك وحبيت ا قولك .. واتمنى انك تطمنيني على مريضكم .. واسف مرة ثانيه على الازعاج
اخوك عبد العزيز )
طاح الجوال منها من الخوف ... منى انتبهت لها .. وشافت امال ترتجف من الخوف ووجهها يحمر .. ما تدري امال ليش حست بالذنب هاذي المرة .. يمكن لانها عرفت انه عبد العزيز الي صارت لها مواقف معه .. يعني في المرة الاول صدفه .. بس هذي المرة هي تعرفه وما حبت انها تستغفله
منى قربت منها ورفعت الجوال : اسم الله عليك ايش فيك امال
امال وهي ترتجف وبصوت ضعيف : انا خايفه منى ... والله ما كان قصدي شي .. قلت لك الموقف صار من غير قصد .. وانا بس نصحته ... وهو عمره ما اتصل او ارسل ..غير الرساله الي شفتيها قبل .... والحين ثاني مرة ..
منى وهي تقرا الرساله : قلت لك يا امال قفلي الجوال وما سمعتي كلامي
امال : منى انا خايفه من جد ..
منى بحيرة : والله ما ادري ..بس انت حولي جوالك لموجود ... ولو رجع ارسل مرة ثانيه .. الغي الشريحة وريحي نفسك ...
امال برعب لانها عارفه انه عبد العزيز بس هي ما قالت لمنى : تهقين انه بيرجع يتصل او يرسل مرة ثانيه
منى بتفكير : والله ما ادري ايش اقول لك .. بس باين من اسلوبه وطريقته .. انه مو لاعب .. او عنده أي تفكير غريب .. اعتقد انه بس حب يتطمن على مريضنا على قولته ..ويطمنك على اخوة ..يعني يمكن من وجهة نظرة من باب الظروف الي نمر فيها وهو بعد يمر فيها .. يعني مؤاساة انسانيه اخوية لا اقل ولا اكثر
امال بخوف : ان شاء الله يطلع كلامك صح .. وما اتورط اكثر
منى بعدم فهم : ايشلون يعني تورطين اكثر .. الضاهر انك انهبلتي
امال بسرحان |( بلاك ما تدرين انه اخو فيصل ..)
منى : اتصلي على ميهاف خلينا نتطمن عليها
امال : اتصلت عليها قبل ساعة بس ما ردت
منى اهتمام : غريبه ليش ما ردت
امال : ايش رايك منو نطلب من عدنان اننا نسافر نسلم على ميهاف بصراحة وحشتنا
منى بفرحة : ههه والله عليك مخ يجننن ... سفرة لالماني مرة وحده ... يا بنتي قري ... عدون توه راد ..وانت تبين تسافرين لالمانيا
امال : تيب ايش اسوي وحشتني ميهاف كثير .. وحنا ما قدرنا نسافر مع صالح لمى زارهم قبل هو وابرار
منى : والله فكرة حلوة ..وانت تعرفيني ما اكرهه افكارك الجهنميه بس .. عدون ما اعتقد بيوافق ..وبعين نستحي نقوله .. تعب عليه
امال ترمي نفسها على السرير : فكرة انا قلت فكرة ... يعني بننطق هنا ولا راح نتكلم .. اصلا انا غلطانه الي تكلمت .. لانك صادقه يمكن عدون يرفض وحنا نضايقه ...
انتبهو الثنتين على صوت عدنان الي دخل راسه من الباب وبمرح : ايه صادق تضايقوني ... انت ما ينفك منكم ....
دخل جوا الغرفه وهو يجلس على سرير منى : ههههه .. ترى امزح اصلان انا كلي لكم ... ايش الي يمكن يضايقني ..ويمكن ارفض
امال باحراج : عدون عمرك طويل ان شاء الله اخوي ... جيت على اسمك ..ههه
منى : ياربي يحفظ عدون الغالي وتسلمه لنا من كل شر .. والله انك نور البيت
عدنان بمرح : اكيد انا نور البيت .. لانه كان مظلم يوم دخلت
امال : عدون اقول ترى عطيناك وجهه زياده عن اللزوم
عدنان : لاااا اكذا ... ما يهون علي انتم نور البيت ... هههه ... امزح بس ... وبعدين ايش الي تبون قولوا وانا ما راح ارفض لكم أي شي ...
منى بتردد : والله امال عليها افكار .. كانت تقول اننا مشتاقين لميهاف كثير ونفسنا نزورها بالمانيا ...
عدنان بهتمام : الله يكون في عونها .. ويقوم زوجها بالسلامه .. والله اني فرحت من قلب لمى قال لي عبد العزيز ان فيصل صحى من الغيبوبه
امال ارتبكت من سماع اسم عبد العزيز وتذكرت الرساله ... نزلت راسها علشان ما يلاحظوا احراجها
منى : بس فكرة مجنونه .. انت توك راد من امريكا .. وعلى بال ما تلاقي حجز لالمانيا ومن غير الفيزا لي راح تأخذ وقت
عدنان وقف وقال بجد يه : من صدقكم انكم تبون تروحون المانيا ...
امال رفعت وجهها : والله كان نفسنا بس انت عارف انك تعبان
عدنان يقاطعها : هههه اصلا انا مسافر الاسبوع الجاي المانيا علشان بقابل عبد العزيز عندي شغل معه ... واذا تبون تروحون ... راح اجهز اوراقكم
امال بفرحة نطت عليه وهي تمسك يده : صدق اخوي عدون ... نقدر نروح المانيا تقدر تخلص اوراقنا بسرعه
عدنان بثقه : ولا يهمك يا امول عبد العزيز ما يقصر ..راح اقوله وهو راح يساعدني في الموضوع ...
امال ارتبكت وحمر وجهها عدنان لاحظ احراجها
عدنان لف امال : تنحرجين من اخوك الكبير اموال ..هههه
امال : الله ما يحرمنا منك يا اخوي الغالي ..
امال انحرجت صار اسم عبد العزيز يسبب لها حساسيه ما تدري ليش ( اوفففف يا ربي .. وش هالمغرور الي ماني قادرة اطلعه من راسي .. هههه والله يا امال انك توحفه )
وفي جهه ثانيه في المانيا في المستشفى الذي يرقد فيه بطل قصتنا فيصل ...
ميهاف بخوف : اتقصد يا دكتور ان حالته مستقرة الان ...
الطبيب بهدوء : نعم الان الحاله مستقرة ... ولكن نحن ننتظر نتيجه فحوصات الدم التي اخذنها من السيد فيصل
فهد : ارجوا منكم التكتم على ما حصل للسيد فيصل ... فنحن لا نريد والدته او اخوة يعرفون بانه تعرض للحقن من المافيا ... من جديد
الطبيب : لا ادري لمى الاصرار على عدم اخبار اهله .. ولكن ..
فهد يقاطع الطبيب : انت تعرف السيد فيصل منذ اكثر من اربع سنوات .. وتعرف ايضا انه لم يخبر احد بما حصل له وانهم عرفوا بالصدفة
الطبيب : اعرف .. ولكن لو طلب السيد عبد العزيز الاطلاع على التقارير ..وخاصة بعد الازمه التي اعرض لها
ميهاف : انت طبيب ..ومصلحة السيد فيصل بإبقاء خبر تعرض المافيا له امر ضروري لسلامته ..
الطبيب : الخطر لم يطول السي فيصل فقط .. بل تعد للعاملين بالمستشفى
الطبيب يرفع ورقه مكتوب فيها ( لان تكون بامان اذا انتشر خبر حتى اهله او طبيبه لن استثنيهم .. تدخل المافيا في حالة السيد فيصل ... اندريه )
فهد : نحن انا وزوجته سنعرف كيف نتصرف .. ولكن لسلامة الجميع يبقى الامر سر بيننا
الطبيب : لم يعرف احد من الطاقم الطبي ولا حتى الممرضات
ميهاف بحزن : اذا كلامنا موحد .. ازمة تعرض لها بسبب الحقنه التي تعرض لها من اربع سنوات ..
الطبيب : وهو كذلك
ميهاف بارتباك : هل يسمح لنا بالدخول لزيارته ..
الطبيب : موعد الزيارة بعد ساعتين من الان .. وحتى لا يشك احد او ينتشر الخبر في الاعلان يمكنك الذهاب الان والقدوم بعد ساعتين سيد فهد .. اما انت سيده ميهاف يمكنك الانتظار في جناح السيد فيصل
خرج فهد مع حراسة وبقيت ميهاف في جناح فيصل
جلست ميهاف على الكرسي ووضعت راسها على يديها لتنخرط في بكاء طويل وعميق وتشهق بالم من فترة لاخرى وهي تتذكر ما حصل في غرفة فيصل
تذكرت كيف ان الطبيب اعطة ثلاث صدمات كهربائيه .. حتى بدء قلب فيص بالستجابه .. والنبض الضعيف حتى استقر بعد معناة لمدة ثلاث ساعات كم الترقب من قبل الاطباء ..وميهاف تبكي صمت ولكنها بدت متماسكة وتذكرت اتصالها بفهد
ميهاف لمى خافت من الي صار تذكرت فهد واتصلت عليه لانه الوحيد الي يعرف عن المافيا .. وفهد حضر المستشفى على طول
لمى د خل فهد المستشفى ووصل لجناح فيصل شاف الحراس المنتشرين والاطباء الي ملينين الغرفة والممرضات وشاف ميهاف واقفة عند الباب وتبكي بقوة ..
فهد بخوف : سيدة ميهاف .. طويل العمر ايش فيه ...
ميهاف حزت بنفسها كلمة طويل العمر وبكت من غير احراج من فهد
ميهاف : اهئ ..اهئ .. فهد فيصل ... فيصل بيموت ..
فهد يقاطعها : من غير شر تعوذي بالله
ميهاف ببكاء : المافيا ... المافيا ..انا متأكدة انهم هم ... مين الي يحقن فيصل بابرة غريبه غير هم ..
فهد بخوف : المافيا ... ايش تقولين ...
ميهاف : ايه المافيا يافهد .. انا لازم اكلمهم ...
فهد الي يعرف المافيا وخايف على اهل فيصل بس مو عارف كيف يتصرف من الخوف : اااه المافيا ... شكل الموضوع هذي المرة ما راح يعدي على خير
وتكلم من غير شعور : ااه بس .. لو اقدر اجيب لهم السي دي الي يبونه ...اااه
ميهاف الي سمعت ايش قال : السي دي .. أي س يدي يافهد .. الي يبونه المافيا
فهد انحرج انه قال الكلام ذا بس هذي ميهاف وهي الوحيدين الي تورطو بالمافيا
فهد بتفكير احترم خصوصيه فيصل الي عارف انه ما يبي ميهاف تتورط بشي : ولاشي سيدة ميهاف ..ولا شي
ميهاف تقاطعه بدموع : السي دي الي انا اخذته من اربع سنوات ... السي دي الي اخذته من فله مازن .. صحيح لمتى ما تبي تتكلم
فهد بحزن على فيصل وخوف على حيات الي حوله والمسؤلية الي على عاتقه ما قدر يعطي ميهاف اجابه : ............................
ميهاف بحزن : ههه اكيد في نفسك سئلت عن السي دي .. بس السي دي انحرق
فهد وهو عنده شويه امل ما يدري ليه : اعرف انه من خصوصياتك ..واعرف انه مالي حق باي سؤال ... بس السيد فيصل غالي غالي علي
رفع عيونه لاول مرة في ميهاف طول عمرة يحترم فيصل وما يرفع عينه في زوجاته او اهله مع انهم كانوا يعتبرونه من اهل البيت
فهد وعيونه على ميهاف : لو فيه احتمال واحد بالميه ان السي دي عندك .. اعطينيه ..وانا اوعدك احافظ عليه ..مثل ما احافظ على روحي
ميهاف غطت وجهها بيجينها وبكت بصوت عالي ميهاف فهمت لهجة الاحترام في كلام فهد لانه اكيد يحسب ان السي دي فيه صور لها .. بس حبه لفيصل يخليه يوعدها انه يحافظ على سره...وانه بس يبي يتأكد من محتوى السي دي
فهد بضيق : السيد فيصل .. متأكد ان السي دي فيه .. شي مهم للمافيا ... علشان كذا يبتزون السيد فيصل .. والا كان قتلوة بلحظة ... نفسي اعرف ايش الي في السي دي
فهد برجاء واضح : معليش اعرف ان كلامي جارح .. بس انت تاكدتي ان السي دي ...
ما قدر يكمل
ميهاف بضعف : كمل قصدك خاص في ... بصراحة انا ماشفته ,,,بس قريت الاسم .. واخذته ...
فهد وبدء الامل عليه : سيدة ميهاف ..تذكري عدل يمكن ما احرقتيه
ميهاف سرحت بحزن وهي تتذكر انها اعطت السي دي لابرار ..وهي متأكدة ان ابرار قالت لها انها احرقت السي دي
ميهاف : اااه ..ياربي تعبت ..تعبت
صحوا الاثنين على صوت الطبيب الي بشرهم ..باستقرتر حاله فيصل
ميهاف رفعت راسها ..وصحت من سرحانها المؤلم ..
ميهاف : ااااه .. لو ان السي دي ما انح-رق ...ولفت جهة النافذة ..وهي تفكر ليش ما تسأل ابرار ..بس هي خايفة ومحتارة بين زوجها وسر بنت عمها .. علشان كذا قررت انها تسأل امال بطريفة غير مباشرة ومسكت الجوال تتصل على امال
امال شافت الاسم وصرخت بفرحة كبيرة : ميهاف .. الو هلا والله بالغاليه
ميهاف بحزن وتردد : الو هلا بيك يا اموله
امال حست ان ميهاف فيها شي : ميهاف .. فيصل فيه شي .. ميهاف ردي علي
ميهاف تعتبر امال اقرب وحدة لها علشان كذا ترتاح معها ماقدرت تتكلم وبدئت تبكي بقهر وقوة وهي تتمنى ان السي دي ما انحرق : اهئ ..اهئ ..
امال بخوف قامت ودخلت الغرفة وبخوف وهى تبكي لالم ميهاف : ميهاف طمنيني فيصل .. فيصل صار شي
ميهاف بدئت تتماسك : اهئ .. امال .. محتاجتك ... امال انا خايفة موت على فيصل ... امال ..والله لو صار شي له لاموت .. انا احبه .. احبه موت ..
امال مستغربه : ميهاف عيوني هئ فيصل طيب ... وهو صحى من الغيبوبه .. يعني ان شاء الله طيب ..
ميهاف بضعف : امال ..فيصل تعبان ... فيصل يمكن يروح مني باي لحظة .. انا وفيصل مثل فقاعة الصابون الي مهددة باي لحظة انها تختفي
امال فهمت ان ميهاف عندها ششي تبي تقوله : امال ..عمري انت .. قولي .. انا ..اموله ... انا الي اسمعلك دايم .. ايش الي تبين تقولينه ..ومترددة
ميهاف بضعف : اخاف ...اخاف .. اسأل ... والقى اجابه .. تعرفين الانسان لمى يكون عارف الاجابه .. بس الامل .. امل بان فيصل يرد لي ... امل
اني انهي كل شي .. والحقيقة المرة .. المر هالي انا عارفتها ..اهئ ..اهئ ..
امال تشجع ميهاف : ميهاف انا صديقتك ..والصديق وقت الضيق ..وراح اسمع لك .. وسرك محفوظ .. ايش فيه
ميهاف بضعف : توعديني ..انك ما تسألي أي سؤال ... توعديني انك تساعديني
امال بثقة : وعد مني ما اسألك ... ما اسألك لو ايش ما صار ..وايش ما قلتي
ميهاف بتردد : طلبتك ..امول .. انا .. انا ...
امال بثبات : انت ايش ميهاف .. انا قلقت عليك ..ايش تبين تقولين ..
ميهاف بتردد صوت بين الرجاء والامل بين الخوف والضعف : امال انت وعدتي ... امال السي دي حق ابرار ..الي انا جبته .. من فلة مازن قبل اربع سنوات .. ابي اسأل عنه ..
امال بتفكير بس هي وعدت ما تسأل : السي دي .. الي قبل اربع سنوات ..
ميهاف : انا اعطيته ابرار ..وسافرت حتى ما حضرت الزواج .. تذكري اموله والي يعافيك .. السي دي احرقته ابرار زي ما قالت لي ..والا .... ولا لا
امال : ميهاف السي دي ... السي دي ابرار ... قالت لي احرقة ..انا ...وانا ...
امال خايفه على ابرار وعلى ميهاف محتارة ايش تسوي ... السي دي امال لمى اعطتها ايها ابرار تحرقه ... فيه شي خلى امال ما تحرقه واحتفظت فيه لفترة .. وبعدين احرقته .. بس السي دي كان معه سي دي صغير .. وامال ما احرقته لانها شافته بالصندوق الي كانت ابرار محتفظه فية وامال لمى شالت السي دي الكبير ..طاح واحد صغير من الحافظة البلاستكي هالي فيها السي دي .. وامال ما احرقته ..ورمته بالصندوق واحرقت حق ابرار الي امال شافته كله ...
امال بتردد كملت : انا احرقته ... يا ميهاف
ميهاف ببكاء وصراخ : اهئ ..لاااا ..اهئ .. راح فيصل مني .. لا ياربي صبرني
امال بهدوء : انا وعدت ما اسال ..بس السي دي كان كله مقاطع مركبه لابرار .. وابرار الحين متزوجه ..وعندها عايله ميها ف ...
وكملت .. بس يا ميهاف انا لقيت معه س يدي صغير في نفس الحافظة .. وما
ميهاف تقاطعها بصرخه : وال يخليك قولي انك ما احرقيه .. قولي يا امال .. لا تقتليني .. والله لو يروح مني فيصل ليروح عقلي مني .. طمنيني
امال بحيرة : لا .. لا .. ما احرقته .. بس
ميهاف ببكاء : بس ايش .. لا يكون رميته
امال : لا ميهاف .. ما رميته .. انا رجعته في الصندوق الي اعطتني هو ابرار .. والصندوق كان في المستودع .. ولمى نقلنا ..ما ادري فينه ..
ميهاف برجاء : امال طلبتك لا ترديني .. ابي السي دي .. امال انت الامل الوحيد لي .. انا مستعدة ارجع الرياض الحين .. مستعدة ادور السي دي .. امال .. انا
امال بثقة : ميهاف ايش هذا الكلام .. انا وانت واحد .. واقسم لك اني ما راح انام الحين الا لمى ادورة لك في المستودع .. ميهاف ..اهدئ ..
ميهاف برجاء كبير وقلبها يرجف من الفرحة والرجاء في انها تلاقي السي دي الي تبيه المافيا ..وترده لهم ..
امال : تيب ..انا بنزل المستودع الحين ادوره لك
ميهاف وقفت تمشي بقلق وقلبها دقاته تزيد : امال لاتقفلي الخط .. الله يخليك .. ابي اطمن
امال : ميهاف انا وعدتك اني الاقيه ..وراح احافظ على وعدي .. وانت اهدئ وخليك جنب فيصل .. فيصل الحين محتاجك ..
ميهاف بتوتر وهي تمشي رايحه جايه : ووالله يا امال لو تلاقينه .. لتحلين لي مشكله كبيرة وعمري ما راح انس معروفك ..والله راح اكون مديونه لك طول العمر .والله ...
امال تقاطعها بضحكة : ههه شوي شوي علي .. طلاباتي بدري عليها ... انت خليك جنب فيصل ..
امال خافت تعطي ميهاف امل وما تلاقي السي دي السالفة لها اربع سنوات ..وين بتلاقي السي دي
ميهاف بتوتر : امال ردي علي ضرور ي انا ما كنت بقفل ..بس موعد الزيارة بدء وام فيصل ومريم وعبد العزيز دخلوا الحين .. مع السلامه ..وانا استناك ..
امال الي مغصها اسم عبد العزيز بتوتر : مع السلامه
امال نزلت لوحدها المستودع وبدئت تدور على الصندوق ..بس ما لقته ..وجلست تدور اكثر من ساعتين ولمى طفشت ..جلست تفكر في ميهاف وفيصل .. من غير شعور نزلت دموعها ..وهي تفكر في حال ميهاف الي اتصلت عليها لعاشر مرة .. بس ما ردت ..خايفة تقول ما لقيته .. والله ليصير شي بميهاف .. وجلست تدعي الله من قلب ..انها تلاقي الصندوق ..
امال رفعت وجهها على صوت منى
منى خوف : امال خوفتيني .. دورت عليك ما لقيتك ..وين اختفيتي .. لول الله ثم الشغال هالي شافتك تنزلين المستودع ..كان انهبلت ..
امال تمسح الدموع : .......
منى : امال .زليش نازله المستودع ايش تدورين بين هالغبار
امال تورطت : ادور صندوق البني الصغير .. الي فيه صوري وانا صغيرة
منى بعدم فهم : أي صندوق ..ما افتكر ان عندك صندوق ..بس اذا تبين الصناديق ..اتذكر ان ابرار لمى رتبت المستودع اخر مرة ..
امال تقاطعها بخوف : لا تقولين انها رمتها ..
منى بخوف : ايه رمت المتكسر منها ..
امال بصرخة : لا لا ...حرام يا منى وجلست تبكي
منى خايفه على اختها جلست جنبها : لهالدرجة امول ..خايفة على صور ك.. بس على فكرة انا شفتها ..تعطي الشغاله بعض الصناديق الي طلبتها ..
امال وقفت ومن غير شعور تركت منى وركضت على غرفة الشغاله و دخلت تدور بين الدواليب ..
وباصابع مرتجفة لقت الصندوق في الدولاب العلوي ومن غير شعور من الفرحة ورفعت نفسها واخذت الصندوق وفتحته .. وقلبها يدق بسرعه وتنفسها مي قادرة تتحكم فيه ... وبكت وهي تطلع بيدين مرتجفة السي دي الصغير الي لسه بالحافظة البلاستكيه ..
واتصلت على ميهاف الي كانت جالسه على السرير جنب فيصل وتميسح على راسه .. وتقبل جبينه ..( يا ربي .. احبه موت .. احبه .. فيصل الحمد لله الي ردك لي سالم .. الحمد لله الي لطف بقلبك .. قلبك الرقيق .. الحنون .. قلبك الي وسع الجميع بالحب والاهتمام والحب .. قلب مثل قلبك ..ما يعرف شي من الكذب والزيف .. قلب ودي احفظة بعيد عن كل سوء .. بعيد حتى عن أي مخلوق غيري ..انا ..انا ميهاف .. زوجتك .. وابتسمت بالم .. ان شاء الله امول تلاقي السي دي ..)
صحت على يد ام فيصل الي ما تدري شي هي وعبد العزيز ومريم واريام عن حاله فيصل ويحسبونه انه نايم من المهدئ زي ما قالت لهم ميهاف
ام فيصل بقلق : ميهاف ايش فيك .. ليش كل هالبكاء .. الحمد لله الي قوم نور عيوني بالسلامه ..وحنا لازم نقوى ..وما نبين له اننا متوترين
ميهاف بالم العالم كله وهي خايفة على ام فيصل لو درت بالحقيقة : احبه ... احبه يا مامتي وخايفه عليه موت .. ما ودي عينه تغمض لحظة .. اخاف ..
ام فيصل بتوتر : والله لو اقولك ما تصدقين ..اعوذ بالله من الشيطان الرجيم ..امس حسيت بشي غريب ... حسيت ان فيصل بيروح مني .. وجاني ضيق كبير .. وما ارتحت الا لمى صليت الليل .. وجلست ادعي له
ميهاف تفكر في حاال فيصل امس ..ويمكن بعد الله ان دعاء امه كان سبب في استجابه قلبه للصدمات الكهربائية ..بس الي طمنها ان الطبيب ..وضح لها انه ان شاء الله راح يصحى قريب ..
عبد العزيز كان مع فهد مع الصحفيين والي اكدوا لهم ان السيد فيصل استيقظ من الغيبوبه .. وكان فهد حريص انه ينفذ تعليمات المافيا وا يوضح أي شي ..ان فيصل تعرض للحقن مرة ثانيه .. فهد كان متكلم مع الانتربول بخصوص الحادث من غير ما احد يدري .. والانتربول طلب منه السي دي وانه لازم يحصل عليه ..لانهم متأكدين ان السي دي فيه شي مهم للمافيا
دخل عبد العزيز وفهد الجناح وميهاف ابتعدت عن فيصل وجلسوا عبد العزيزي وفهد عند فيصل يسلموا عليه ويقرؤ له ادعيه الشفاء
ميهاف انتبهت للجوال ومن الخوف وهي تشوف رقم امال مي قادرة انها تمسك الجوال ..وبيد مرتجفة مسكت الجوال ... ومن كثر الارتجاف طاح منها الجوال على الارضيه ..ونظروا الكل لها ..وهم مستغربين من ميهاف الي لمت يدينها على صدرها وجلست تبكي من الخوف خايفة ... خايفة ان السي دي ما لقته امال .. وامل كبير انها تلاقي خلاص فيصل من المافيا ..
مريم حضنتها : اسم الله عليك ميهاف ..ليش كل هاذا الخوف .. مين المتصل
ميهاف ببكاء : امال ..اهئ .. اهئ
عبد العزيز وفهد وام فيصل ومريم مستغربين من ميهاف
ام فيصل بتوتر : فيها شي .. عسى ما شر .. امال فيها شي
عبد العزيز تذكر البنت الي كلمها في المصعد وتذكر ان اسمها امال وحاس فمه من الغرور لانه ما كان طايقها من المكلامه معها لمى حسبته صحفي
عبد العزيز بادب : خير ميهاف ..فيهم شي الاهل ..
فهد : سيده ميهاف السيد صالح .. او بنات عمك فيهم شي
ميهاف ببكاء : انا ... انا ... خايفه ابي اكلم امال
مريم مسكت جوال ميهاف بس كان متكسر ..واعطت يهاف جوالها تتصل .. ميهاف من الصدمه الي بتعرفها ..والخوف مرتبكة ...
خذت الجوال ومشت بعيد شوي واتصلت على امال بخوف
امال شافت الرقم الغريب : الو
ميهاف ما قدرت تتكلم : اهئ ..اهئ ..
امال حزت على ميهاف : ميهاف قلبي وربي ..اني من اربع ساعات وانا حايسه ادور عليه ..
ميهاف حسبت ان امال تكلمها كذا ..علشانها ما لقت السي دي ومن غير شعور اغمي عليها وهي تقول : لا .. تكفين ..تكفين ..اموله ..لا اا
مريم مشت لميهاف هي وام فيصل وشالوا ميهاف الطايحة على الارض وجلسوها على الكنب وهم يحاولون يصحونها
امال بتوتر وارتجاف : الو ..الو ...ميهاف وينك .. ميهاف ..ياقلبي ردي على ... ميهاف ... عمري ... الي طلبتيه ..اهئ .. اهئ ..
عبد العزيز خاف ان احد من اهلها فيه شي ورفع الجوال الطايح ومشى خارج من الجناح .. وهويسمع صوت يتكلم وتفاجأ من الصوت المرتجف .. وحس انه سمع الضوت قبل كذا بس كانه متغير
عبد العزيز : الو.. الو ..
امال ببكاء : ميهاف .. ابي اكلم ميهاف
عبد العزيز حنون بقوة ولكن الغرور يغطي عليه تأثر ببكاء الصوت
عبد العزيز : الو .. اختي فيكم شي .. طمنيني احد من عائلتكم صار له شي
امال عرفت صوته وانحرجت وقلبت الوان وارتجفت يدها وخافت انه يعرفها لان صوتها وهي تبكي مخنوق وراح يفتكر صوتها وهي تعبانه : لااا .. حنا طيبين ... بس ميهاف ... ايش فيها
عبد العزيز بارتياح : الحمد لله .. بس ميهاف تعبانه شوي وما تقدر تكلم
وكمل باهتمام لانه يبي يعرف اذا كانت هي اموله الي كلمها و..ربط ان ميهاف مستخدمه جواله تحسبه جوال امه
عبد العزيز : اخت امال ميهاف بترتاح شوي .. وبعدين بتكلمكم ... واذا تأمرين شي ثاني .. انا بقولها
امال بارتباك بتنهي المكالمة : عفوا اخوي .. بس ابيها تكلمني ضرور ي ..
عبد العزيز ابتسم بقهر وبصوت واطي فيه تهديد خفي حست فيه امال : العفو اخت اموله .. قصدي امال ...
امال بتوتر بس ما حبت تبين مرتبكه وبتحدي واضح اثار الغرور عند عبد العزيز : عادي انت زي اخوي .. اخوي عبد العزيز
عبد العزيز بغرور : والله وطلعت منت هينه ... وانا احب اقولك .. انا ماني اخوك عبد العزيز الي كلمتيه قبل ... انا رجل الاعمال المعروف والسيد عبد العزيز الـ
وكمل بلهجه تقطر من الغرور الي يليق بعبد العزيز : ولازم تعرفين تكلميني .. ولمى توجهين لي باكلام تقولين سيد عبد العزيز .. مو اخوي من انت علشان تقولين اخوي ....
بس عبد العزيز ما كان يعرف امال زين
امال بثقه :والله انا توجهت بالكلام لاخوي عبد العزيز الي هو سمح لي اعتبرة زي اخوي ... لكن المغرور الي انا اكلمه الحين ما اعرفه واعتقد ان ما بيننا كلام .. وانا لولا ميهاف .. والوالدة واحترامي لفيصل كان عرفت ارد عليك زين
عبد العزيز يحب التحدي وعجبه ان الشخص الي معه يثير التحدي عنده : طيب والي معك الحين عبد العزيز الـ ويبيك تردين عليه زين علشان هو يعرف يسكتك عدل
امال قهرها بهدوء وثقة حبت تنهي الموقف : هي مي حرب كلاميه بيننا ..وانا عارفه انك متضايق من اني عرفت شي من خصوصياتك ..وانا وعدتك اني راح اعتبر نفسي ما سمعت شي .. واتمنى انك تعتبر نفسك ما كلمتني ..وانا حتى بعد كلامك الجارح .. ارد واقو ل انا اسفه .. اني اعتبرت شخص مغرور مثلك اخوي ..
عبد العزيز بضحكة اربكت امال : هههه ... يعجبني الشخص الي ينسحب من المعركة باقل خساير
امال قهرها وما حبت تطول : انا انتظر ميهاف لا ن الي تبيه مني ضروري .. وم باب الادب والذوق المرة هاذي باقول .. مع السلامه
عبد العزيز : مع السلامه
امال قفلت وجلست تبكي وهي تلعن غبائها الي ودها بداهية من البدايه وحتى الحين .. ( مغرور يحسب الناس عنده ولا شي )
ام فيصل ومريم صحو ميهاف وكانت متبكه مره وخايفه : امال ابي اكلم امال
مريم مسكت الجوال الي رجعه عبد العزيز واتصلت : تفضلي كلمي
امال كانت تبكي وشافت ارقم واترددت ترد او لا وبعدين رفعت الجوال اول ما اسمعت صوت ميهاف
امال ردت بتطمن ميهاف : لقيته .. ميهاف السي دي معي .. ميهاف
ميهاف من الفرحة وقفت ونست فهد الي كان جالس عند فيصل وعلت بصوتها لانها تحسبه خرج مع عبد العزيز: السي دي السي دي .. عندي .. عنندك ..امال ابيه باسرع وقت .. امال ...
امال تهديها : ابشري ياعمري راح اجيب لك السي دي .. اصلان احنا جايين مع عدنان لالمانيا بعد اسبوع ....وراح اجيبه
ميهاف تقاطعها : اسبوع ايش يصبرني اسبوع .. ابيه الحين
امال : ميهاف انا ما امن السي دي عند احد .. وانا عارفه انه مهم لك .. من كلامك .. بس ما راح اعطي السي دي احد غيرك .. وانا راح انسخ السي دي عندي ..
ميهاف بفرحة تبكي : والله احبك يا اموله .. والله ان فرجتي هم عني كبير
ام فيصل ومريم ماهم فاهمين شي من الكلام ... وفهد الي يسمع الكلام وفاهم .. حس بارتياح قوي وهو يحمد ربه ان الامل رجع من جديد في انه يتفاوض مع المافيا .. الي تركت مع الورقة رقم ..والرقم هذا في المانيا .. يعني هذا المرة المافيا بتنهي الموضوع
مع انتهاء موعد الزيارة خرج الجميع ما عادا ميهاف الي جلست عند فيصل .. وجلست عى السرير جنبه ..ومسكت يده الي ما فيها ابرة المغذي ..ورفعتها لوجهه وقبلتها .. وحطت يدها على راس فيصل تمسح عليه .. شوي وهي من غير ما تحس حطت راسها على السرير وهي جالسه على الكرسي ونامت وراسها جنب يده ..
بتتأكد من الحركه
وابتسمت بفرحه وعيونها الخضراء تشع ببريق .. اشتاق له فيصل .. ابتسم بضعف
ميهاف بفرحة : فيصل .. الحمد لله لك يارب .. وقامت جلست على السريرجنبه وقبلت جبينه وعيونه ..
فيصل بهمس : ماي ..عطشان ابي ماي ..
ميهاف تحركت وجابت له الماء وضغطت على جهاز المنادة ..وبعدها دخلت الممرضة ..وطلبت منها ميهاف انها تخبر الطبيب بان فيصل صحى
جلست ميهاف حنبه على السرير : وحشتني .. وحشتني موت .. والله العظيم اشتقت لك
فيصل ابتسم بالم : صحيح يا ميهاف .. وحشتك موت
ميهاف نزلت راسها وقبلت جبينه : فوفو عندك شك .. اني احبك .. ا واني اشتاق لك .. فيصل والله خفت عليك موت
فيصل بالم ( المشكله انه ما عندي ..كان نفسي انك تبعدين عني ..وتعيشين حياتك ) اذا انت خفتي علي .. انا تمنيت الموت على اني اشوف احد يئذيك ..ياميهاف انا كل همي بهذيك اللحظة ان ما احد يأذيك
ميهاف حضنته بقوة : ياربي ..ويقول لي ..ويسألني اني ما وحشته .. وهمست بأذنه .. احبك واعشك يا فوفو .. انت زوجي .. وانت حبيبي .. وانت قلبي .. وانت عيوني الي اشوف فيها ... كيف ما تبيني اشتاق لك .. انا روحي تفداك
فيصل بحنان رفع يده بس ما قدر لان التعب بادي عليه : كل هذا انا .. وش بقيتي لغيري ..
ميهاف عارفه انه يلمح االانفصال : انت وبس الي انا ابيه ...
دخل الطبي عليهم وابتعدت ميهاف عنه .. وبعد ما فحصة الطبيب
الطبيب : الحمد لله على سلامتك استاذ فيصل
فيصل بصوت ضعيف : الحمد لله ..واشكر لك اهتمامك بي يا دكتور
الطبيب : استاذ فيصل سوف اشرح لك حالتك ..فهل انت على استعدا لسماع ما سأقوله ... لاني من الناحية الطبية ارى ضرورة اخبارك
ميهاف بخوف : ما به السيد فيصل
فيصل بهدوء : تكلم ايها الطبيب ..
الطبيب : انت تعرف انك تعرضت للحقن من قبل المافيا .. ونحن اخذنا لك تحليل للدم .زوقمنا ببعض الفحوصات لان قلبك توقف عن النبض ..
فيصل بهم : اكمل ماذا هناك
الطبيب: بصراحة لا اريد ان اجزم القول ,,ولكن من خلال التحليل لوحظ انك حقنت بمادة جديدة .. والذي يبدو لي انها قد تكون مضاد للمادة الاولى .. لانك تشنجت بعدها ..ومن ثم زال التشنج .. والفحص الاعصاب اثبت انها في حاله تحسن
فيصل بحزن ابتسم وهو يتذكر كلام الرجل الي كلامه قبل ما يحقنه بالابرة
الطبيب : ما بك ساكت ..الن تعلق ..
ميهاف شافت الهم والحزن بعيون فيصل
فيصل بهدوء : ما الذي تريد قوله .. انني شفيت تمام من اثار الحقنه الاولى .. ام ان النهايه قر بت
ميهاف بشهقه مافهمها الطبيب : اعوذي بالله فال الله ولا فالك ..حرام الكلام الي تقوله
الطبيب : الذي قدرنا عليه ..قمنا به .. وسوف تكون تحت الملاحظة المستمرة ..لنتأكد من سلامتك .. وانك لم تتعرض لمضاعفات اخرى
فيصل بحزن وهو سرحان : مضاعفات اخرى .. ولكنني افضل الخروج من المستشفى .. والرجوع لبلادي
الطبيب بثقه : سيد فيصل ليس من مصلحتك الخروج ..ويجب ان تبقى
في المستشفى .ونحن التزمنا بشروط المافيا ولم نبلغ أي جهه بتعرضك للحقن
فيصل بحزن على اهله : والاهل .. امي ..عبد العزيز ..مريم .. اريام
ميهاف : ما احد يدري غيري انا وفهد
الطبيب مو فاهم الكلام : نحن التزمنا ..وانت سي فيصل يجب عليك الالتزام ايضا ..
فيصل : حسنا سوف ابقى تحت الرعايه الصحية في المستشفى
خرج الطبيب من عند فيصل وفيصل حزين وسرحان ونام بعد كذا بهدوء
في هذي الاثناء كان فهد يتواصل مع المافيا ..الي طلبوا منه تحويل مبلغ مالي كبير ..وقالوا له ان فيصل رح يصحى من اثر الابرة الي اخذها اليوم .. وانه له كلام مع فيصل .. بس فهد ما صدقهم ..وتعامل معهم بشدة .. حتى انه استخدم السي دي الي تبيه المافيا .. واستغرب اذعان المافيا له ..وتحديد موعد مع اندريه يقابله فيه ومعه السي دي
مر الاسبوع ببطء على فيصل الي سرحان طول الوقت ..وعلى ميهاف الي تستنا قدوم السي دي بفارغ الصبر ..وعلى فهد الي كثرت الاتصالات بينه وبين المافيا وحدد موعد معهم .. على اسا انه يودي لهم السي دي وهم ويعطونه المضاد الفعال للحقنة التي تعرض لها فيصل ..وكان متفق مع ميهاف انه اول ما يوصل السي دي تعطيه اياه ..فهد قرر انه يتعامل مع المافيا بنفسه ..ويبعد ميهاف الي مصرة تروح معه ..بس هو يسايرها علشان يأخذ السي دي
تحسنت صحة فيصل غلال الاسبوع ولم تبدي عليه أي اعراض ولكنه حزين وسرحان ومهموم ....
في منتصف الاسبوع الثاني من مرض فيصل بعد توقف القلب كان اليوم موعد وصول عدنان وامال ومنى لالمانيا .. ميهاف كانت تنتظر بفارغ الصبر جيت امال ومعها السي دي الي بينقض حياة زوجها ..
في جناح فيصل الكل كان مجتمع امه واخته وبنتها وميهاف وكانوا جالسين عند فيصل ويسلفون معه فيصل كان سرحان وهوجالس على السرير
انتبهو على صوت عبد العزيز الي دخل ومعه عدنان واخواته
عدنان : السلام عليكم .. الحمد لله على السلامه .. ما تشوف شر
فيصل الي ارتاح لعدنان : الله يسلمك ..والشر ما يجيك
عبد العزيز : ايشلون اخوي الغالي ..تصدق وحشتني ..هههه
عدنان : اكيد هذا فيصل الغالي .. الله يحفظه
وعلى الجلسه الي على جنب دخلوا البنات الي كانوا متحجبين بس ..وسلموا على ام فيصل ومريم واريام
ميهاف تحضنهم : الحمد لله على السلامه
امال بهدوء : الله يسلمك
منى : الله يسلمك ..ايشلونك ..وايش لون فيصل الحين
ميهاف مستغربه هدوء امال : الحمد لله بخير
ام فيصل : الحمد لله على السلامه ..
امال : الله يسلمك خالتي ..ايشلونك ..والحمد لله على سلامة الاستاذ فيصل
ام فيصل معجبه بهدوء امال : الله يسلمك ..الله يحفظه من كل شر
منى : امين ..والله ان ميهاف وفيصل يستاهلون كل خير
امال الي ما احد فاهمه زهي منحرجه وقالبه الوان وكل شوي تتأكد من ان الحجاب مغطي ذقنها ..ونازل عل حواجبها
منى بهمس : اقول قطعتي نفسك .. ترى الحجاب من كثر ما تصلحينه بيطيح
امال قالبه الوان وسرحانه من يوم ما استقبلهم عبد العزيز بالمطار وشافته ..نزل عليها هدوء وتحس ان بطنها بيمغصها ما تدري ليه تحس انه ما يعرف انها اخت عدنان .. بس لمى خلص الجوازات مع عدنان وشاف اسمها ..شافت التكشيرة على وجهه ..وحز بنفسها تصرفه
ميهاف حطت يدها على كتف امال : امال اسم الله عليك ايش فيك اناديك ما تردين علي
امال بارتباك ترقع : ايه انا ... انا .. السي دي ..والله انه حمل ثقيل وفتحت الشنطة وطلعت السي دي واعطته ميهاف
ميهاف الي الفرحة علت على وجهها وبخوف ورجاء حضنت امال قدام الكل الي مو فاهمين شي
عدنان : يا الله يازوج ..بنت العم .. الحين تطمنت عليك والبنات سلموا على ميهاف استأذن
عبد العزيز : على وين ..خلك شوي
عدنان : ابي اروح للفندق الي حجزت فيه قبل لاجي ..تعرف الوقت تأخر
فيصل : لا ما ارضها يا عدنان ..ليش تستأجر ..بفندق روح للفله حقتي
عدنان : والله ان عبد العزيز سبقك وعرض علي بس انا معي خواتي ..ونبي نسكن بفندق
عبد العزيز : ايه انت خذ راحتكم بالفله ..لان ما عندكم احد ..
عدنان : لا اخاف نضايق الاهل ..
فيصل : الوالدة واختي وانا ساكنين بفندق قريب من هنا ..والفله شوي بعيده ..يعني ما عندك احد خذ راحتك
عدنان انحرج : ايه بس ..انا حجزت بالفندق و ...
عبد العزيز يقاطعه : لابس ولا شي راح تسكن بالفله ..انت والاهل ..وراح اخلي السواق الخاص في الفلة تحت امركم
فيصل : مشكور يا عدنان على الزيارة .. والفله تحت امرك
مع انتهاء موعد الزيارة خرج الكل وعبد العزيز وصل عدنان بنفسه للفلة مع السواق ..عبد العزيز من عرف ان امال اخت عدنان ..زعل من نفسه مهما كان غروره ...لكنه ندم انه تعامل مع اخت عدنان صديقه بهاذي الطريقة .. هو اصلا ندمان على طريقته بس ما يقدر يمسك نفسه من الترف بغرور طبع فيه ..وهي غلطت عليه بالمكالمة الاولى
عبد العزيز من احترامه لعدنان ..ما رفع عينه باخواته ..بس كان يضحك وهو يسمع تعليقات عدنان على تؤامه زي ما يسميهم
دخلوا الفلة الي مكونه من طابقين وحديقة خلفية للفلة ..كانت باللون الابيض ..الدور الارض كله استقبال ومطبخ جانبي..والدور العلوي مكون من خمس غرف نوم للضيوف
عبد العزيز وقف عن الباب : أي شي تحتاجه ياعدنان لا يردك الالسانك
عدنان : ما تقصر يا عبد العزيز .. وعسى الله يقوم فيصل بالسلامه
عبد العزيز : السواق تحت امرك .. والفله واصحابها تحت امرك بعد
عدنان : ههه الله يجزاك بالخير .. ما يأمر عليك عدو
عبد العزيز : موعدنا ان شاء الله يوم الاثنين ..لا تنسى تجيب كل الوراق
عدنان : ابشر كل الاوراق جاهزة معي ..وان شاء الله نتقابل وارجع لك كل اموالك
عبد العزيز : والله انا الي ماني عارف كيف اشكر وقفتك معي
عدنان بمرح : هههه نفسي اشوف وجهه نات بعد الطلاق ..\
عبد العزيز : تصدق اني ما صدقت المحامي لمى خبرني انها وقعت الاوراق.. ووافقت على الطلاق بسهوله
عدنان : اكيد اول ما فكرت في نصف الثروة .. لكن خلها تشوف ايش يطلع لها
عبد العزيز : ما ارتحت الا لمى طلقتها بالثلاث .. والاوراق اعتمدت ووقعت ..وهي حاولت انها تتصل فيني بس انا غيرت رقمي
عدنان : نبي بارتي طلاق
عبد العزيز وعدنان : ههههههههه
عبد العزيز : حلوة ذي بارتي طلاق ..والله عليك نكت
عدنان : اقول البارتي مسويها ان شاء الله مسويها ..
عبد العزيز : ههه خلنا نرد بالسلامه للريض ويصير خير .. توصي شي
عدنان : العفو.. خير سابق
عدنان طلع لخواته الي اخذوا غرفة وجلسوا فيها ..وهو اخذ له غرفة ..
امال حست بالراحة انها وصلت السي دي لميهاف ..بس وجود عبد العزيز نكد عليها ..مع انها ما شافت منه أي غلط
وفي جناح فيصل في المستشفى ميهاف خلعت الحجاب بعد ما خرجوا كل الموجوين وجلست على الكنب بعد ما ساعدت فيصل على الجلوس جنبها ..ورتبت المخدات وراه ..وجلست تأكله العشاء
فيصل : تكفين خلاص ماني قادر اكل
ميهاف بحزم وهي ترفع ملعقة الشربه : لاا ايش خلاص ..كلها اربع ملاعق الي شربتها بس ..والسلطه ما تبيها ..
فيصل : العصير كفايه .. وبعدين اذا جعت اكل أي شي ..
ميهاف بهدوء : اعطته العصير اجل تخلص كاسه العصير كلها ..
فيصل رفع عيونه باعتراض : لا ايش كلها شوي بس
بعد ما خلص العشاء نومه فيصل على السرير ..وجلست على طرف السرير جنبه
فيصل مهموم وحزين وسرحان يفكر ... ميهاف قربت منه وقبلت راسه
ميهاف : فيصل عيوني ليش مهموم
فيصل نظر لها وعذبه تعلقها فيه وانها صارت تفهمه من نظرة مد يدة لها وصوت هامس : ما فيني شي .. انا بخير
ميهاف حضنته وسندت راسه على كتفها وطوقته بذراعينها وبهمس حاني : تبي شي ياعيون قلب ميهاف
فيصل بسرحان وهم : ابي انام بحضنك .. ابي حضن دافئ يلمني . وكمل بنفسه.
( ابي اشعر بالامان ..تعبت وانا امثل دور القوي ..مهما قويت انا انسان ولي طاقة .. انا انسان ضعيف .. اربع سنوات وانا همي اهلي و انهم بامان ..نسيت نفسي ..او بمعنى اخر تناسيت .. رفضت بنت عمي ..لان مصير مجهول تزوجت مسيار علشان ما ارتبط بزوجه واولاد ..اقضي طول ايامي برى السعوديه ..علشان يكونن اهلي بامان .. عبد العزيز شجعته على امريكا علشان احافظ عليه ويمسك اهلي من بعدي .. قسيت على ميهاف لانها الوحيدة الي من شفتها مرة وحده تعلقت فيها بجنون ..بالرغم من ضني السئ فيها حميتها اربع سنوات وهي ما تدري .. غصب عني حبيتها .. وملكتني لدرجة اني ما قدرت على ابعادها وخيرتها انها تعيش معي ..بس الضاهر ان حظها حلو .. لان بعدها انا دخلت في غيبوبه ..يمكن تتزوج رجل ثاني يسعدها ويعوضها عن الي شافته مني .. من غير تضايق وهو يتخيل ميهاف زوجه لرجل غيره .. معقوله احد غيري بيتزوجها ويقبلها ويعانقها تكون ام لاولاده)
ميهاف حست فيه يرتجف بين ذراعيها : بردان حبيبي ..تبين اغطيك
فيصل سند راسه اكثر على كتفها وهي اسندت خدها على راسه وجلست تقراء عليه ايات الشفاء من القران الكريم الين نامت من التعب
فيصل ما نام وجلس يفكر بالرجل الي حقنه الابرة ويذكر الحوار الي بينهم
الرجل : انت السيد فيصل .. وانا احمل اليك رساله من السيد اندريه
فيصل بغضب : قل للسيد اندريه ان يكف عن ملاحقتي ..فانا لا املك السي دي الذي يريد
الرجل : السيد اندريه مصر على السي دي .زوسوف يترك في حال سبيلك كما نه يريد ان يقوم باول خطوة تأكد لك صدق نواياه في تسليمك المضاد الخاص بالمادة التي حقنت فيها
فيصل بغضب : لا اريد منه شي ..
الرجل الي سمع صراخ ميهاف المبحوح وطلب من الرجل الثاني يسكتها
الرجل : عذرني فسأعيطك الحقنه الاولى من المضاد .. ولك مهلة لمدة شهر لتسلم السي دي للسيد اندريه ... وسيكون الموعد في يوم السبت أي بعد اسبوعين من الان .. وعندها يا يسلم السي دي ..او تموت
فيصل بغضب : ماذا تقول ..
الرجل : سوف يتوقف قلبك عن النبض وبما انك في المستشفى فسيتم انقاذك .. والجرعة الثانيه من المضاد لابد ان تؤخذ بعد اسبوعين ولا انك سوف تموت .. الموعد بعد اسبوعين ..تسلم السي دي ..وستحقن بالمضاد
فيصل يحاول يبعد الرجل عنه ولكن كان ارجل قد حقن فيصل بالابرة وهو ينقله العنوان .. الي بيقابلهم فيه فيصل
ارتجف فيصل يقوة من الذكر ى وصحت ميهاف على حركته
ميهاف بخوف : فوفو قلبو ... فيك شي
وجات بتقوم تجيب له ماي تحسبه عطشان ..بس فيصل منعها بيده
رفع عيونه وابتسم بحزن : ما كفاني حضنك ياميهاف ... وسند راسه على كتفها وهويسمع دقات قلبها السريعة .. ضميني لك حيل
ميهاف خافت على فيصل وشدته لها بقوة ..ودفنت وجهها في شعره
ميهاف بهمس : انا كلي لك يا فوفو .. انا كلي لك .. انا بجيب لك ماي
فيصل بهمس وهو يسمع دقات قلبها الي تعيشه بعالم ثاني من الامان والحريه والاطمئنان : ابي انام بحضنك ...واصحيك بنص الليل واقول ما كفاني حضنك ضمني لك حيل
ميهاف اوجعها كلام فيصل وضمته بقوة لين ما حست انه نام
في اليوم المحدد لذهاب فيصل للمافيا .. عرف ان نهايته قربت ..وودع الجميع بعد ان رجعت امه ومريم واريام للرياض وعبد العزيز كان مشغول في تسويت اموره مع عدنان
ميهاف كانت جالسه بالفندق مع فيصل الي خرج من المستشفى بعد ان اطمئن الطبيب على سلامته ..
فيصل : راح ترجعي بالطيارة الخاصة الليله . ان شاء الله وانا راح ارجع بعد كم يوم
ميهاف كانت سرحانه لان فهد اكد لها انه اتفق مع المافيا وقال لهم انه راح يتفاوض معهم بدل فيصل وراح يسلمهم السي دي وهم راح يسلموه المضاد لفيصل وميهاف اصرت على فهد انها تروح معه علشان تجيب المضاد ..
فيصل انحنى على ميهاف وقبل جبينها : وين الناس الحلوه ..
ميهاف بتوتر : هاه .. انا وين بروح يعني .. فيصل ليش ما ترجع معي ..
فيصل بهدوء (| لو تعرفين ان هذا اخر يوم تشوفيني فيه ) لا انا عني شغل
ميهاف ما تدري انه بيروح للمافيا بس حاسه انه فيه شي .. حتى المافيا ما هم داين ان فيصل بيجي .. كان كل همهم السي دي ... والمضاد راح يسلمونه لمدير اعمال فيصل ومعه زوجة فيصل ..
فيصل وقف قدام ميهاف ورفعها فوق له مسح على شعرها الاشقر الحريري وتابع رحله المسح على جبينها وعيونها وخدودها وشفايفها
ميهاف ارتجفت من لمست فيصل
فيصل بحنان وانفاسه على وجهها : ميهاف ارفعي عيونك وطالعي فيني ..
ميهاف رفعت عيونها وطالعت فيه
فيصل الي دوخه جمال عيونها الخضراء : تصدقيني لو قلت لك ..ان عيونك اجمل عيون شافتها عيوني .. ولو قالو لي ايش اخر شي تمنى تشوفه قبل ما تموت ..كان قلت عيونها الخضراء
ومسك وجهها بين يدينه وانحنى يقبل عيونها ..وسالت الدموع منها من غير شعور
ميهاف ببكاء : انت ليش تجيب سيرة الموت ..
فيصل المه دموعها وسوى الي كان نفسه يسويه من يوم عرف ميهاف مسح دموعها بشفيفه وهو يحضنها بقوة له
فيصل بثبات : ميهاف توعديني انه ... انه لوصار لي شي ..انك تستمرين في حياتك .. وتتزو
ميهاف قاطعته بيدها على شفايف : لا لا لاتقول كذا حرام عليك تذبحني كلامك يقتلني ..انت ليش كذا .. ليش
فيصل ضمه بقوة : ميهاف انا اتمنى لك السعادة .. انت تستاهلين كل خير ..
ميهاف : احبك والله العظيم احبك ..وكلامك يجرحني ويقلل من قيمه حبي لك
فيصل مسك وجهها بيدينه : ما عاش من يقلل من قيمه حبك
ميهاف : لا تقول كذا عليك ..انت ليش قاسي
فيصل بهم وحزن يودع ميهاف وهو عارف ان لالسبوعين خلصوا وانه لو صدق كلام المافيا راح يموت وينتهي : انت ملكت قلب وعقل فيصل .. وانا ما قللت بححبك ..انا ابيك تعيشين سعيدة من بعدي
ميهاف بصرخة الم : لا ليش تقول من بعدي .. ليش ما تقول معي ..
فيصل بهدوء ضم ميهاف له وهو يوزع قبلاته على وجهها وعيونها وخدودها وشفايفها : موعد الطيارة قرب وانا لازم اوصلك بنفسي مع السواق
ميهاف ضمته بقوة وقبلت راسه وتصرف فيصل لانها مواعده بنات عمها مع عدنان يجون ياخذونها من المطار وراح تروح بعدها مع فهد للمافيا : لا تتعب نفسك انت ارتاح انا بروح لحالي
فيصل وصلها لين المطار وبعدها راح للعنوان الي طلبوه المافيا فيه
عدنان وصل وكانت معه منى لان امال كانت تعبانه شوي من الصداع الي جاه طول امس وهي تتفق مع ميهاف على كل شي بعد ما خبرتها انها بتروح مع فهد تجيب علاج فيصل .. واما طلبت تروح معها بس رفضت لان المافيا يتعاملون مع فهد ومعها بس وجلست بالفله لوحدها ونامت من التعب
عبد العزيز كان محتاج اوراق من الفله ..بخصوص بعض ممتلاكت فيصل ..عليها طلب شراء وكان بيروح للفلة بيأخذها ..بعد ماكلم فيصل وقاله انها بالفلة بغرفة فيصل
عدنان اتصل يسلم على عنان وبيستأذنه يدخل الغرفة ..عدنان كانت محرصة ميهاف انه ما يقول شي لفيصل او عبد العزيز
عبد العزيز : ايشلونك عدنان ..وينك ما شفتك من امس
عدنان يصرف : الحمد لله ..والله مشاغل تعرف التؤام ومتطالباتهم الي ما تنتهي
عبد العزيز : ههه تراه كلها اختين ..يعني المفروض توسع صدرك
عدنان : ههه ايش عليك ما عندك احد اصغر منك .. والله لو عندك خوات اصغر منك ليهبلون فيك ..
عبد العزيز : ههه عاد انت قدها ياعدنان ..
عدنان بغيض : ايه والدليل اني من صبح الله خير وللحين وانا ادور بالاسواق والمشاوير..ولا ازيدك من الشعر بيت .. لسى بيمرون المطعم بيتعشون
عبد العزيز الي كان جنب الفلة فرح لمى عرف انهم برى الفلة : الله يعينك ..اشوفك على خير ..
عدنان : مع السلامه
عبد العزيز حس بارتياح ان الفله مافيها احد ووقف السيارة بعيد عن الفلة ومشى لين الفله ودخل الفله وطلع لغرفة فيصل ودخل الغرفه وفتح النور وجلس على المكتب الجانبي يدور في الوراق
امال كانت منسدحة بغرفتها وحست بحركه غريبه نهايه الممر لان غرفته البنات عن السلم حست بخوف ..وخافت انه يكون حرامي ..جلست ترتجف من الخوف وما تدري ايش تسوي ..وقفت وتدور شي بالغرفه ...وما لقت الا عصاية صغيرة معلقة بتحفة على جنب ..واخذتها ..وزاد الرعب لمى طلعت وشافت الغرفة الي بنهايه الممر نورها شغال .. ومشت بشويش وسمعت حركه بالغرفه
عبد العزيز حس باحد يمشي في الممر .. وهو على طول جاء على باله المافيا لانه متأكد انه ماراح يتركوا عايلته كذا ..كان فيه باب لغرفة فيصل من الجنب يطلع على الممر
امال كانت قريبة من الباب وشافت المفتاح على البا ب من برى ..وفكرت انها لو سكرت البا ب بسرعه على الحرامي لين ما يجي احد او حتى تطلع من الفله
وهي تلف جهه الباب ..فاجأتها يد قويه امسكت بذراعها ولفتها بقوة ..وثبتت يده الثانيه عنقها على الجدار ..وطاحت منها العصايه ..وجات بتصرخ .. الا اليد كتمت على فمها
عبد العزيز من الخوف انه يكون احد رجال المافيا تعامل مع الموقف بسرعه وتكلم بالماني : من انت وماذا تريد
عبد العزيز حس بارتجاف الشخص الي ماسك بعنقة ... والي زاد التوتر عنده الملمس الناعم للعنق الي ماسكه .. والدموع الي ببلت يده الي ماسكه على فمها
بدء يحس بان الشخص الي ماسكه وحدة .. والي زاد توتره الدموع الي نازله على خدها ولمست يده الي على فمها
امال بخوف : يمه .. لا تقتلني ..اهئ . اهئ.. لا تقتلني ..خذ الي تبي بس لا تقتلني
عبد العزيز لسى ما صحى من الصدمه ..وامال كانت مغمضه عيونها ..وتبكي وما شافت الشخص الي ما سكاها ... عبد العزيز كان اول من صحى : انتم ين .. وايش تسوين هنا
امال فتحت عيونه بفرحة انه ماهو الماني : انا .. انا امال .. انتم ين وايش تبي
عبد العزيز الاسم الي سمعه فوقه من الصدمه اكثر واكثر وبهدوء : انت امال ..اها الاخت اموله
امال الفرحة الي بعيونها اقلبت لسواد وخوف حقيقي : انت ... انت عبد العزيز
عبد العزيز الي رفع يده عنها بسرعه وبعد عنها شوي واعطاه ظهره ..
عبد العزيز بغرور لانه طبع ما يقدر يستغني عنه : قلت لك لمى تخاطبيني ..قولي السيد عبد العزيز
امال انحرجت وقلبت الوان وتبي تتحرك وتروح للغرفة بس مي قادرة الصدمه ةالخوف شل حركتها
عبد العزيز انحنى ومسك العصايه المرميه : ليش ماخذه عصايه معك
امال بتتحرك بس ما قدرت رجلينها مي قادرة تتحرك من الصدمه
عبد العزيز استغرب انها ما تحركت وما استوعب انها تحت تأثير الصدمه انقهر من تصرفها يعني بما انه اعطاه ظهره ..يعني لازم تحس على نفسها وتمشي بعيد عنه
عبد العزيز بعصبيه لف جهتها : الضاهر انه مو لسانك الطويل بس .. الا حتى يدك طويله ..وهويأشر على العصايه الي معه ..
قرب منه عبد العزيز لمى حس ان نظراتها مفتوحة وفمها مفتوح وترتجف ..وهي مستنده على الجدار ..
قرب عبد العزيز اكثر وما حب انه يطول النظر فيها .. لكن الجمال الي شافه قدامه اسكته هذي المره ..العيون العسليه المفتوحة بخوف شدته من غير الشامه الي لاحظها على خدها .. ولا الشفايف الملينه الورديه ..والا البشرة الصافية البيضاء ..والا الشعر الاسود الي متناثر حولها ... والبيجامه الورديه من لاسينزا ببنطلون برموده وقميص علاقي .. النظرة ما استغرقت ثواني قليلة .. لان عبد العزيز ما يحب ينظر في الحرام ..حتى وهو في امريكا تزوج ..علشان ما يوقع في الحرام .. لكن حس ان نظراته لاول مرة تخونه .. بس هو اعطاء عذر لنفسه انها خايفه م مصدومه .. وقف جنبها وعينه على الارض .
عبد العزيز الي سحره جمالها .الناعم بصراحه من مواقفها معه ما تخيل انها انسانه بكل هالرقة والجمال الناعم ..
عبد العزيز : امال .. فيك شي ردي علي ..
امال من القهر والصدمه طاحت على الارض وجلست تبكي من الرعب ان عبد العزيز شافها ..ولا مو شافها وبس لا مسك عنقها وكان بيخنقها ... والحرامي الي تخيلته ..طلع عبد العزيز ..
ضمت رجلينها وحطت راسها على ركبها وتناثر حولها شعرها الاسود الحريري.. وجلست تبكي
عبد العزيز ما يحب الدموع لانها تضعفه كثير : خلاص ما له داعي كل هالبكاء ... انا ما قصدت اخوفك .. انا كنت باخذ اوراق وامشي
ومو قادر يمسكها يقومها ..لانه يعتبرها محرمه عليه اولا خيانه لصديقة ثانيا ..ومو هاين علية موقفها المحرج وصوت بكائها
وقف بحيرة وهو معطيها ظهره يستناه تسكت علشان يكامها
الا فجأه سمعوا الاثنين صوت الباب الفلة يفتح ... وصوت خطوات تصعد الدرج ... وتقترب اكثر ...
عبد العزيز رجع نظره لامال ومن غير شعور انحنى ورفعها بين ذراعيه ودخل الغرفة واغلق الباب خلفه ..بخوف
امال جات بتصرخ بس عبد العزيز مسك فمها بيده .. امال ابتعدت عنه وحاولت انها تصرخ باعلى صوت .. بس عبد العزيز مسكها من الخلف وثبتها بيد وهو والثانيه سكر فيها فمها ...
صوت الخطوات يقترب .. ومعه بء الخوف الحقيقي عل عبد العزيز الذ ي اصبح يخاف من المافيا .. وامال التي ..تعرف ان مشوار اخوها ومنى سيأخذ وقت طويل ...كما ان عدنان يحب ان يعلن عن دخوله بمرح صاخب كالعادة ..استكنت من الحركة ..ووقف بهدوء وخوف من صوت الخطوات القادمه ..وفجأه شعرت بانها تقف لوحدها ..ولتفتت وراها لتبحث عن عبد العزيز ولكنها لم تراه ...
نظرت بخوف للباب الذ ي فتح ... وصرخت بقوة .....
نهاية الفصل 26 ♥♥♥♥♥