لَملِم شما بُقه برُوحك وإنعزل
شوفلك دِنيا إعله گدك
عيّش وحدَك
حوك مِن آخك قصايّد
سوي مِن جرحَك نَشيد
عيّش يمهُم
بس بَعيد .
الإنستقرام: al5ama
__________
فايا: ربيييييي انتَ منيلك هاي الرومانسية الي طلعت فجأه
لاقيس: لا ضلين دورين حجج كولي اي لو لا وياريت آول وحده
فايا: اي .. كام عليه وحضني كل قوته حسيت عضامي تكسرن بتعد عني وضل يباوع بعيوني
لاقيس: كولي والله
فايا: والله شبيك وخر عني خنكتني
لاقيس: ليش وافقتي؟
فايا: تريدني أبطل ؟
لاقيس: لالا خلص خليج هيج مدام الله هاديج
فايا: شقصدككككككك
لاقيس: احبچ
فايا: راح تقشمرني من اولها؟
لاقيس: تؤ ما اقشمرج دا احجي الي بگلبي
فايا : من شوكت تحبني
لاقيس: تعالي نصعد بسياره واسولفلج
فايا: رحنه كعدنه بسياره.. أي احجي هوا بتسم وبده يسولف بحماس
لاقيس: اول مرا شفتج بيها مجنت مركز بيج ابد ولا هتميت
فايا: لا بقيت صافن بوجهي لا چذب
لاقيس: تؤ قبلها انتِ الي بقيتي صافنه ومن كتلج شبيج طبيتي للبيت وركعتي ألباب
فايا: عزاااا اي بوكتها بقيت صافنه لان اول مرا اشوفك بالمنطقة
لاقيس: هههههه اي وراها اجيتي من شغلج اول ما شفتج كلت بلگلبي هاي شكدوتهه
فايا: ليش يعني
لاقيس: لان انتِ كتكوت صغيررر يموت
فايا: مووو كتكوت انتَ طويل حيل
لاقيس: ههههه المهم مجنت مركز بوجهج ابد
فايا: ايي؟
لاقيس: من دكينه الباب اني وعون وشفت عيونج حتى ما حسيت بنفسي شون صافن عليهن
فايا: بوكتهه ردت اضربك راشدي وترتني
لاقيس: ايي لحد هسه اذكر شون عصبتي بقيت مركز بكل تفاصيلج حتى حركات ايدج وشون جنتي مستغربة
فايا: شدعوههه كل هذني نتبهت عليهن؟
لاقيس: تخيلييي نتبهت على كلشي بوكتها وداعت عيونج حافظج على الغيب
فايا: بتسمت وكتله ..كملل
لاقيس: وراها رحت رتاحيت نمت واني افكر بيج جنت بس اريد اكعد وياج اسمع صوتج اسئل اي شي حتى لو جان سخيف
جنت باي طريقه اريد ابقى كاعد اباوع عليج وراها كعدت ولكيت نفسي يم شغلج اريد اعرف ابسط الاشياء عنج
فايا: ضوجتني بوكتها
لاقيس: انتِ بالبداية كضيتيها ضايجه مني
فايا: زينن تدري بروحك جنت مزعج
لاقيس: هههههههههه صريحه بعد روحي
فايا: اي كمل من هاي حبيتني .. طلع الجكاره وصار يدخن ويحجي
لاقيس: حبيتچ من اول ما شفتج حبيتچ لدرجه جنت اريد اضمج بحضني مثل الجاهل
فايا: لا تكذبب
لاقيس:ممكذب والله مو دا اكلج بوكتها صح ماحبتچ وما جنت متاكد من مشاعري بس أغرمت بعيونج لدرجه ثاني يوم لكيت نفسي يم بابج ولحكتج للشغل شلون وليش ما ادري جنت بس اريد اباوع عليج
فايا:اووووي عُمري
لاقيس:باع يالحمزه لج بابه لا تكولين اوي
فايا:يلا يلا ما اكول كلي شوكت حبيتني صدك
لاقيس:ليش انتن البنات تحبن تعرفن أجوبة هاي الاسئله
فايا:لاقيسسسسس احجي
لاقيس:واذا ما حجيت
فايا: ابقى انكد عليك والله والح واعاند انتَ شون تحب واحد يعاندد
لاقيس: ههههههههه مو اكلج بديتي تفهميني
فايا: يلا احجي
لاقيس:ههههههه باعي هوا بالبداية جنت حاب شكلج بس عادي مجان بالي شي ابد بس شوكت حبيتچ صدككك من اجيت على بيت عمي ولكيتج متمرضه هنا حسييتج عبالك بنتي واريد أداريها بس أريد أخذ الوجع منج بوكتهه جنت ذايب بصوتج شون جان وشعرج مهوس على وجهج وعيونج الذبلانه
فايا: غمز وباوعلي بخبث
لاقيس: وزنودج الطالعههه
فايا: عزااا يا ما تستحييي
لاقيس: ههههههههههههه والله باوعت ثواني ورئساً وخرت عيني
فايا: يمهههه منك بس شو طلعت لطيففف
لاقيس: اي بنت الاوادم اخذتي گلبي من اول مرضه ماكو هيج حتى وانتِ مريضه تشكين شك اكلج ما تتمرضين خلي احطج واكلج
فايا: هااااا تريد اتمرض؟
لاقيس : هههههههه لا يروحي اشاقه من عافيتي على عافيتج
فايا: يمهههه كمل كمل اريد اعرف كلشي وشون جنت تحبني
لاقيس: اييي ومن طلعتي من صالون جنت مشتعل شون راح ترحين هيج وراح شوفج الناس ردت اضمج بروحي
فايا: وانتَ ما قصرت بستني وما خليتني أشتغل
لاقيس: خليتيني اعصب يجي يوم وراح جربين شعور الغيره وتجين وتكولين ما ألومك
كلشي إلا الغيره تحرك حرك خصوصي اذا جنت هذا شخص متكدرين تحاسبي وما الج سلطه عليه هنا تحتركين من داخلج
فايا: كل هذا بگلبك ؟ هيج جنت تغار
لاقيس: واكثرر والله بس جنت اكول لا ما أحبها يجوز إعجاب مو اكثر بس من تقدمولج وراها بيوم رحت حاجيت ابوج وكتله رايدها خفت توافقين جنت اريد اكتل شكو واحد يتقدملج
فايا: يعني بابا يدرييي؟؟
لاقيس: كلها تدري حتى لارا مشوفيني كتلها تنطيج باقة الورد
فايا: عزاااا اشوفكم تتبسمون بوجهي
لاقيس: اي رتبت كلشي
فايا: والله وطلعت مو هين ابد لتفت عليه وصار يباوع بعيون سحب ايدي وخلاها بين اديه
لاقيس: ليش وافقتي وانتِ متحبيني؟
فايا: صح ما احبك بس احب اهتمامك احب خوفك عليهه احب حنيتك أحب غيرتك هيج اشياء دائماً تكون اهم من الحب نفسه
صح انتِ جنت تغشم روحك وتكول ما احبها بس اني منتبها على هذا شي وعلى تصرفاتك مبينه مال حب
لاقيس: كل هذني وما حابتيني
فايا: الحب يجي مع مرور الوقت وانتَ اجيت بوكت اني معدي أحد علمتني على حنيتك ودلالك وكل ما اطلع وياك لازم تجيبلي شي
اني اموت على هيج تفاصيل بسيطه بس معناها كلش چبير وتنحفر بالگلب
لاقيس: راح ابقى هيج طول العمر وياج
فايا: لاقيس ما اچذب عليك حابتك بس خايفه فد يوم هم تعوفني هم صير ضروف وما نبقى سوه
خايفه فديوم احتاجك وما الكاك يمي وساندني خايفه انطيك گلبي وتكسره
لاقيس : اكسر روحي وما اكسرج
فايا: تخيل تحبك بنيه ما مجربة حنان الأب ابد لا تفكر بيوم تعوفني ابددد
لاقيس : حبيني وراح شوفين حنان الدنيا كلها مني وانتِ هم لا تعوفيني اني هم احتاجج ترا
فايا: موجوده بكل لحضه وياك
لاقيس: افهم من كلامج تحبيني
فايا: ما أعرف
لاقيس: اريد اسمعها منج
فايا: اثبتلي بمواقفك وراح تسمعها ماريد احجيها وما تكون طالعه من كل گلبي
لاقيس: اني هم ماريدج سوين هيجج لا فديوم تحجين شي ما تقصدي
فايا: كافي خلي نرجع للبيت تأخر الوقت
لاقيس: تهربييي تهربيي
فايا: ما اتهرب بس باع الوقتتت
لاقيس: أوكي
فايا: رجعني للبيت واني فتت هدوء اكيد بابا نام صعدت الغرفتي باوعت من شباكك بعده وأكف كدام الباب ورا ثواني دز
لاقيس:💭 احبججچ ماريد اعوفج
فايا:💭 روحححح الوقت تأخر روح أرتاح
لاقيس:💭تصبحين على خير يالاخير كلهه
فايا: 💭وانتَ من اهله باييي
نمت وكعدت الصبح على طن رسائل من عنده كاعد يحجيلي بالتفصيل شسوه متت من ضحك تصلت عليه
لاقيس: صباح العافيه
فايا: صباح النور هاي شنو رسائل
لاقيس: مو تردين تعرفين شسوي وتردين احجيلج كلشي
فايا: عزااا مو هيج كلش حتى من فرشت اسنانك كاتبلي يمهههه
لا وكاتب كمت من الفراش هسه
لاقيس: مو هذا الي تردي
فايا: عزااا لاقيس فاهم السالفه غلطط
لاقيس: جا شسويييي
فايا: احجي اشياء مهمه مو كمت واكلت وتغطيت حموت يربي
لاقيس: يعني مثلاً شحجي احجيلج عن الواجب مالتنه لو عن اصدقائي انتِ مو تردين تعرفين شيصير بيومي
فايا: لك يمهههه راح اموت ضحك بطلت ماريددد
لاقيس: اني اريد عجبتني سالفه
فايا: يربي عبالك طفل والله
لاقيس: بدينه نچفص بعد روحي
فايا: هههههه اسفه
لاقيس: گليبي المميز
فايا: هممم
لاقيس: احبججچ
فايا: شكراً يلا روح خلي أغسل واتريك
لاقيس: عافيات يروح وعمر لاقيس
فايا: شو ما لايكتلك الرومانسيه
لاقيس: ادري والله بس شسوي علي كلي البنات يحبن الرومانسية
فايا: منو علي؟
لاقيس: صديقي
فايا: عوفه اذا تبقى تسمع كلامه ما راح ابقى وياك
لاقيس: اصلاً منو علي ما أعرفه
فايا: ههههههههههههههه يلا باي
سديت الخط سبحت ونزلت حضرت الريوك وسويت صينيه عمود لارا وعون حتى ناخذها اني وبابا صباحيه الهم
وسام: ها حضرتي كلشي
فايا: اي بس ابدل ونروح
وسام: تمام
فايا: صعدت ركض بدلت ملابس لبست بنطرون وبدي وفوكاه كوت لان جو بارد ونزلت
وسام : يلا باباتي حطيت كلشي بسياره
فايا: طلعنه ولكيناهم هستوهم ديفوتون للبيت
لارا: يمههه عُمري أحله صباحيه
فايا: يروحي رحت حضنتها وابوس عبالك اول مرا أشوفها
فتنه جوا جان بيتهم يجنن صح صغير بس كلش مرتبينه رتبنه الاكل
وبابا وعون كعدو يسولفون واني وياها رحنه للمطبخ نسوي چاي ستندت على الكاونتر وكتلها.. سولفيليييي شصار
لارا: معليججج سوالف مزوجين
فايا: عابت قصدي خو ما بقيتي خايفه
لارا: يعني شويهه عوفج منييي انتِ سولفي شصار البارحه يكلك ليله نارررر
فايا: هيه نار نارر بس
لارا:بس ما وافقتي
فايا: لا وافقت بس خايفه من قراري خايفه اكون ستعجلت
لارا: لكككك يمه اريد اطكها بهلهوله بس عيب من بابا لج الفف مبروك يروحيي
فايا: صارت تبوس واني دفعتها.. لج بابا دا اكلج خايفه ستعجلت تكليلي مبروك
لارا: لاقيس حابچ ويعشق التراب الي تمشين عليه مراح تتندمين والله اصلاً لايكين البعض يمهههه عزا اريد اكمز من الفرحه
فايا: بعرسج ما فرحتي هيج جيبي الچاي وتعالي عابتتت
لارا: امشيي امشيي
...........
لاقيس: هاااا زعلت
علي: وخر لك انتَ مو متعرف منو علي ياهو علي اصلاً
لاقيس: مو انتَ سوالفك ضحك تريد تطفر البنيه من عندي وانا ما صدكت توافق
علي: وين اكو بنيه مدور رومانسية هاي شبيها حبيبتك
لاقيس: مميزه هيه كوه
علي: اشبع بالمميزه مالتك طالع انا
لاقيس: وين رايحح؟
علي: اكو بالي شغله اريد اشوفها
لاقيس: الي هيه؟
علي: اريد أشوف هبه
لاقيس: تندل شغلها ليشش؟
علي: ليش هيه تشتغل؟
لاقيس: ايي تشتغل
علي: وينن
لاقيس: ما اكلك شعليك بالبنيه
علي: أريدها عجبتني
لاقيس: هو شنو حتى عجبتككك علي لا تضحك على البنيه
علي: ما ضاحك عليها والله رايدها زواج
لاقيس: شبسرعهه مصارلك يومين من شفتها
علي: حلوه ومبين خوش بنيه وراح أسئل عنها
لاقيس: ميحتاج تسئل اني اكلك خوش بنيه ورده مآل الله بس ما مرتاحلك انتَ واصلاً متستاهلهه
علي: ليش يابه ما استاهلهه
لاقيس: لان تشرب ودايح ٢٤ ساعه مشايف روحك من تفقد حتى إبنك تنسى
علي: اعوف الشرب
لاقيس : اي من تعوفه ذاك الوكت فكر تزوج لا تروح تهبد بكيفك وتورط بنات العالم
علي: هاي نصيح رزاله؟
لاقيس: رزاله انتَ مو مال نصائح
علي: تمون بعد روحي يلا باي
لاقيس: وينننن
علي: اروح اشوف وين تشتغل مدام انتَ متكول
لاقيس: ستغفرالله لك بابا جر عدل بعدين روح شتريد تسوي سوي
علي : تمام
لاقيس: تعالللل خلي ادليك وين تشتغل لا ضل تفرفر
علي: ميحتاج اندل بيتها
لاقيس: صلاواتتتت نوب حتى بيتها تندله
علي: البارحه اني وصلتها
لاقيس: مينخاف عليك مرتب أمورك على أخر
علي: تلميذك .. طلعت رحت طبكت يم بابهم وبقيت انتظر من ١١ الصبح واني انتظر كدام البيت
صارت ساعه بـ١ رحت جبت كرار من الروضه ورجعت أخذت أكل ورجعت طبكت يم بابهم
كرار: ليش اجينه هنا
علي: عدي شغل
كرار: هاك انتَ متاكل
علي: لا يروحي بالعافية سولفلي شسويت اليوم
كرار: اليوم المعلمه اطتني شريط مال نظافة وصفكولي الطلاب
علي: اروح فدوه هم رسمتوا
كرار: لا ما جان عدنه درس فنيه
علي: ميخالف من نرجع للبيت اكعد أرسم .. بقيت انتظر للـ٦ العصر اخر شي كرار تعب وكال
كرار: بابا نعستتت
علي: صار بيها بابا تعال نام بحضني
كرار: ليش منرجع للبيت؟
علي: هسه شويه ونرجع .. حطيته بحضني وبقيت اباوع اريد اعرف هيه طالعه لو بالبيت ورا خمس دقايق طبكت تكسي يم بابهم ونزلت هيه انطته الاجره
بقت دك بألباب ورا ثواني طلع ولد يطلع عمره بـ١٧ فتحلها الباب وفاتت سندت راسي على الكشن وبقيت أفكر شد أسوي آني باوعت على كرار كعدته عدل وهوا كعد متنحس
كرار: اريد موطه
علي: بارده دنيا شته وين الكه موطه هسه
كرار: ماااا أريد موطه
علي: عصير ميخالف؟
كرار: وجيبلي واحد چبيرر
علي: اي اجيبلك حجم چبير
كرار: اوكي موافق
علي: يدلل وليدي ..اخذت عصير ورجعت للبيت اول ما طبيت تصلت على لاقيس
لاقيس: ها ضلعي
علي: اكلك اريد رقم هبه
لاقيس: شسوي بي
علي: لاقيس تكدر تنطي لو لاا لا ضل تسئل بربك
لاقيس: اعصابككك هسه خلي أشوف اذا اكدر اخذه من فايا
علي: تمام انتظرك.. بقيت انتظر ورا ساعه دزلي الرقم رئساً اتصلت عليها
هبة: الوو
علي: اجاني صوتها خرب يومها مبين جانت نايمه .. ليش تردين على ارقام غريبه
هبة: باوعت على الرقم بعدين رجعت رديت.. اذا تدري بروحك غريب ليش داك
علي: نتعرف
هبة: ايععععع شتتعرف وين عايش انته بـ٢٠١٢
علي: صرت ما اعرف احجي من وراج
هبة: لا هو انتَ متعرف تحجي اساساً تتصل عليه وتكول ليش تردين وهسه تكلي تتعرف مستوعب نفسك؟؟
علي: لا والله مدري حتى شدا أسوي بروحي
هبة: سديت الخط بوجهه وهوا رجع دك اربع مرات اخر شي طلعت روحي ورديت.. نعمممم
علي: ينعم عليج
هبة: شتريد ؟
علي : اسمع صوتج
هبة: رجعت سديت الخط وانطيته بلوكك عابت طير النومه من عيني واني ميته تعبب
علي: تصلت عليها يطلعلي مغلق عرفت نطتني بلوك بتسمت وصرت أهز برأسي هسه بده ألعب
..........
لاقيس: سديت الخط من علي وكمت بدلت وطلعت حتى اروح على فايا وصلت للبيت وفتحلي عمي الباب
وسام: يا هلا شونك
لاقيس: هلا بيكك الحمدلله وانتَ
وسام: بخيرر تفضل
لاقيس: لا راح اكعد بالحديقه بس صيحلي فايا
وسام: ولك شو ماخذ راحتك فتهمنه خطبتها بس مو هيج
لاقيس: ههههههه بس محتاج منها شغله والله
وسام: نشووف تاليتك
لاقيس: راح واني بقيت أنتظر
فايا: سمعت بابا يصيحني واني تزلت اكمز اني وشعري جنت فاتحته ولابس تراك ماروني
وسام: تعاي نزلي جنج جاهل
فايا: شبيكمم كلكم تكلولي جاهل
وسام: ههههه لاقيس برا يريدج
فايا: يا شوكت اجه شيريد
وسام: يكول محتاج منها شغله بالحديقه تلكي
فايا: تمام .. عفت بابا وطلعت لكيت واكف بالحديقه ومنطيني ظهره صرت امشي على اطراف اصابيعي على كيفي وصلت يمه دفعت ظهره وسويتله بووووو
لاقيس: خفتتتت گلبي وكففف
فايا: بتسمت وهوا كفخني بخفه على راسي
لاقيس: جاهل انتِ جاهلللل
فايا: دكافييي لا تكولون جاهل فوك ما اضحكـك
لاقيس: دتخليني اضحك عليج مو ضحكيني
فايا: ليش تفرق؟
لاقيس: ربييييييي صبرنييي
فايا: صار يفرك وجهه واني بتسمت عليه شون تنرفز .. شدعوه عاددد شمسويه
لاقيس: سلامتج بعد روحي
فايا: الله يسلمك شردت مني اجيت؟
لاقيس: اريد رقم هبه
فايا: ستغربت.. شسوي بي
لاقيس: علي صديقي يكول شفتها وعجبتني ويريد يخطبها
فايا: اهاااا حلو؟
لاقيس: لججج ام الحلوين بطلي هاي سالفه لا أكسر راسج
فايا: غير أمن مستقبل صديقتي شبيكككك
لاقيس: معليج بشكله هيه تحير بروحها واني اتوبج من هاي سالفة الحلوين
فايا: ركصتله بحواچبي.. تغاررر تغاررر تره انتَ هم حلو شبيك
لاقيس: لا خاف ما عاجبججج
فايا: شو خلي أركز بملامحك.. تقربت عليه كلش وجريته من الجاكيت حتى يصير مقابيلي
ضليت اباوع صدك اول مرا أركز بملامحه حواچبه عبالك سيف وحلكه صغير كلش يجنن وعضام فكه لا اردياً صحت
يمهههه حلووو باع حلكك
لاقيس: بتسمت على ردت فعله وهمست .. تضوكين؟
فايا: دفعته عني بكل قوتي وهوا بتعد وجان مبتسم .. ادبسزززز
لاقيس: هوا من الادبسز ويدور حلوك
فايا: عزااااا والله لان صغير وحلو ..
حطيت ايدي على حلكي وستوعبت اني شدا اكول
لاقيس: هااااااا؟
فايا: يمه انتَ شدسوي بيهه
لاقيس: هههههه احبچ لان الي بكلبج على لسانج
فايا: اسكت اسكت هذا تچفص مو الي بگلبي
لاقيس: ههههههه طيني الرقم الولد دينتظر
فايا: ثواني خلي اجيب فوني .. رحت جبته ونزلت أركض
لاقيس: ليش عايفه شعرج هيج تريدين تسبين گلبي
فايا: اريد اكصه تعبني
لاقيس: اكص راسج والله كلشي سوي الا شعرج اذا تعزيني لو ذره لا تلعبين بي
فايا: يمههه هيج تحبه
لاقيس: ايي
فايا: هو انتو الولد ليش تحبون الشعر الطويل
لاقيس: مو شرط اكو يحبون القصير
فايا: وانتَ تحب الطويل
لاقيس: اني احبچ
فايا: يمه عزا حسيتني صخنت شون يخجلني طلعتله الرقم ورحت كعدت على المرجوحه وهوا دز الرقم
لاقيس: هسه تمام
فايا: دزيته؟
لاقيس: اي
فايا: وهذا صديقك حباب؟
لاقيس: معليجج
فايا: هوا شنو معليج اريد أعرف
لاقيس: لا تسئلين عن الولد اذا مو حباب خلي ترفضه عود
فايا: ليش هوا كال راح يزوجها
لاقيس: اي كال اريد أتقدم
فايا: اهاا زين وابنه شلون
لاقيس: هوا اكثر شي يريد يزوج عمود ابنه لان ما عنده احد يداري
فايا: الله كريم يلا توكل خلصت فلوسك
لاقيس: لا مخلصت
فايا: تقرب من عندي كلش نزل المستوي واني جنت كاعده على المرجوحه هوا يقرب وجهه واني ابتعد اخر شي مكدرت بعد
لاقيس: ماكو حضن بوس اي شي تصبيره
فايا: همست .. وخر حباب
لاقيس: بعدج تخافين احد يطخج ؟
فايا: هزيت رأسي وهوا بتعد فرك وجهه وكال
لاقيس: بعدين نحجي بخصوص هذا الموضوع روحي فوتي جوا بارده عليج
فايا: عفته وفتت حتى ما ودعته معرف ليش من يسوي هيج حركات فجاة أتوتر وأخاف من قربه ومرات عادي عدي
رحت اتصلت على هبه حتى اكللها لان ما أتحمل اريد اعرف شصارر ردت واجاني صوتها الي يلعلع
هبة: انتو شبيكم اليوم كلها دك عليه
فايا: عابتتتت واني جايبتلج اخبار
هبة: اخبار شنو؟
فايا: صديق لاقيس هذا الي حبيتي شكله بالعرس وموتي روحج عليه خطبج
هبة: چذابهههه مين خطبيني؟
فايا: هوا مو خطبج خطبج بس كال الـ لاقيس اريد اتقدم الها ولاقيس اجه عليه واخذ رقمج لان الولد طلبه
هبة: عزاااا لج عزاااا راح يبطل الولد
فايا: ليشش
هبة: قبل نص ساعه جان يحجي ولد وياي يمكن هوا واني ستلمته رزايل
فايا: مو يمكن اكيددددد طاح حضججج
هبة: راحت قسمتي
فايا: شبيججج مفلفله على زواجج تره عنده ولد
هبة: ولج خيه على شخصيته وجماله لو عشر ولد اقبل بي وهوا حتى ابنه كرار يموت
فايا: شدعوه عادددد المهم صيري ثكيله لا تفشلينه بربج
هبة: لا ما افشلج أمني
فايا: من دبششش المهم خلي احجيلج اني
هبة: شنو
فايا: احم احم لاقيس تقدملي
هبة: احلفففففي
فايا: والله وكله ورد وحركات والمحبس سوالي اجواء تموت
هبة: لعد شبي علي يكلي نتعرف خرب حظي
فايا: حموتتتت المهم واني وافقت
هبة: عزااا وتكلي اثكلي يعني حتى مكتيله افكر
فايا: لج مدري شصار بيه عبالك نسطرت من سمعت نبرت صوته وشون يريدني اوافق لا اردياً كتله اي
هبة: تره هاي حياة وقرار مصيري يا صوت يا بطيخ
فايا: مدري ولجج هوا اني خايفه من تسرعي بس بفس الوقت مخايفه
هبة: بطتنه بطت بطتكم وبطتكم بطت بطتنه كملي بعد روحي
فايا: نچبي هوا بس هيج وكال عدهم واجب بس يرجع من الواجب نعقد سيد
هبة: احححح سنة الزواج هاي
فايا: والله دا افكر اكله بطلت وما أريد
هبة: كليله خلي اني ازوج بعدين انتِ
فايا: ليش عود
هبة: ما ادري بس هيج احسن
فايا: ستغفرالله ولي ولي تفكر بنفسها صوچي احجيلج
هبة: كلمن يركز على اهدافه حبيب البي
فايا: يا چلبهههههه شون تحجيها الصلافه واني خبصت لاقيس كل شويه اكله حلو حتى يعجبج
هبة: احححح فديتج هسه عجبتيني
فايا: بس رزلني كلي معليج
هبة: صدك شعليج حيري بحبيبچ الرومانسي
فايا: يااااااا شون بالثواني تكلب عليه عزاا وبعدين مو حبيبي تره
هبة: مو حبيبچ وراح تزوجون لو حبيبچ شلون
فايا: نچبي بايي
هبة: ههها استحت استحت عيني متكدر تعترف تحبه وميته عليه
فايا: ما اكدر على السانج انييي ولي يلا
هبة: بايي
فايا: الله وياج.. سديت الخط ونمت ما حسيت على نفسي غير من فزيت بـ ٣ بليل على حلم يخوف جان چلب ينبح يم رجلي وصوته كلش عالي واني متمدده صح هوا يم رجلي بس عبالك ينبح بأذني فزيت ودموعي بعيني
رئساً اتصلت على لاقيس بقى يدك وما يرد شمرت الفون ورجعت ابچي وهوا رجع اتصل فتحت خط وسمعت صوته مبين جان بسابع نومه
لاقيس: ها گليبي داكه عليه
فايا: لاقيس .. حجيت هيج وصوتي مشرحك من البچي
لاقيس: شبييييي صوتج؟
فايا: حلمت حلم مو حلو حلمت .. اجيت احجي وهوا كال
لاقيس: تؤ اسكتي لا تحجي يروحي مو زين
فايا: لاقيس جسمي ديرجف والله
لاقيس: تردين اجيج؟
فايا: لااا اريد انسى الحلم
لاقيس: اقري المعوذات ولا تفكرين بي
فايا: سولف وياي
لاقيس: شنو تردين اسولف؟
فايا: اي شي
لاقيس: اسئلي وجاوبج ما بالي شي
فايا: سولفلي شسويت اليوم
لاقيس: ما سويت كعدت الصبح طلعت بدون ريوك لان ما اعرف اسوي شي رحت للمركز شربت چاي هناك شتغلت
اجه علي وحجيتلج عمود سالفة هبه رجعت للبيت تمرنت ونمت
فايا: ما أكلت؟؟
لاقيس: لا طلبت اكل
فايا: ليش متعرف انتَ مو عايش وحدك شون جنت مكضيها
لاقيس: جانت لارا على طول تسوي ودز خطيه وعون هم يعرف كم شغل
فايا: من نزوج هم هيج راح تشلع گلبي وتهوس الغرفه مثل كل مرا اجي وشوف غرفتك مهوسه
لاقيس: ما اكدر اوعدج بس أحاول
فايا: انتَ مو مرتب تعرف
لاقيس: أعرف
فايا: نعسان انتَ
لاقيس : معليج بيه المهم انتِ
فايا: سولفلي بعد لعد
لاقيس: شنو بعد
فايا: ليش ما شتغلت دكتور
لاقيس: شتغلت فتره وطبقت هم بالمستشفيات
فايا: اي وليش عفته
لاقيس: صارت امي تكره شوفتي فـ فتحو الكليه العسكريه واني لكيتها فرصه حتى أبتعد
فايا: وهسه متريد ترجع تشتغل دكتور مو احسن من عذاب العسكريه
لاقيس: ماكو شي ما بي عذاب ثنينهن يدوخن ويرادلهن خلك
فايا: وانتَ شنو تحب العسكريه لو الطب
لاقيس: احبججچ
فايا: لاقيسسسس
لاقيس: روحه
فايا: احب خوفك عليه
لاقيس: اني حابچ كلج
فايا: بقينى نسولف يمكن ساعه كامله وهوا جان كوه يجر الحجايه مبين عليه يغفي ويحجي اخر شي كتله ..نام بطلت ماريد اسولف
لاقيس: عوفي الخط مفتوح
فايا: تمام بس مو تشخرر
لاقيس: ما اشخر اني
فايا: نشوففف .. عفت الخط مفتوح يم راسي وفزت على صوت طكطكه باوعت على الساعه ٦ الصبح والمكالمه بعدها مفتوحه حطيت الفون على أذني دا اشوفه
لاقيسسسس موجوددد؟
لاقيس: صباح نور گليبي
فايا: صباح الخير شعجب كاعد هسه
لاقيس: غير عدي دوام
فايا: عزااا واني بقيتك كاعد للأربعة يعني ما نمت بس ساعتين
لاقيس: فدواتجج المهم انتِ شون صرتي
فايا: أحسن
لاقيس: دومج يروحي يلا خلي أروح
فايا: لا عوف الخط مفتوح واخذ الفون وياك وانزل سوي أكل
لاقيس: ادري ما راح ادبرهه بس نحاول لعيونج ولا يهمج
فايا: عفيهه يلا يحلوو
لاقيس: هههه نزلت شسوي هسه
فايا: بما انو انتَ متعرف تسوي شي فـ خلي نبدي بالسهل
لاقيس: اي بلا شنو السهل؟
فايا: جيب بيضة وجيب جدر صغير وحط بي مي وسلكه لمدة سبع دقايق تمام
لاقيس: تمام وبعد
فايا: اي وروح سوي چاي لا تكلي متعرف تموت على الچاي انتَ
لاقيس: ههههههههه لا أعرف
فايا: اي يلا سوي على ما يكملن طلع چبن شي وياهم وحظرها وحظر الاستكان هم
لاقيس: أشرب بكوب اني بما انو انتِ ادورين تفاصيل
فايا: ههههه يلا كوب طلع الكوب مالتك
لاقيس: طلعته وبعد
فايا: هايهي خلي الچاي يتهدر وانتظر البيضه تستوي وتريك وأطلع حتى مدوخ بالطريق
لاقيس: فايا
فايا: حجها بنبره حنونه واني من يمي كزكزت .. هممم
لاقيس: دترسيني بحنانج وتخليني هايم بيج وما منتبهه الروحج
فايا: احسن اني اريدك تحبني اكثر من حبي الك
لاقيس: افهم من حظرتج هذا عتراف
فايا: لا بس دا اكلك يعني
لاقيس: اهاااا يجي يوم وتكوليهه
فايا: يلا كمل ريوك بايي
لاقيس: باي وانتِ هم ارجعي نامي بعد وكت تره
فايا : تمام باي .. سديت الخط واني اغم نفسي على چفصتي شويه
واكله احبك يمه عزا نوب هوا ما يصدك يمكن رئساً يجي يعقد عليه
..........
لارا: اول ما رجعنه من الفندق وشفت فايا وبابا رتاحيت صح عون اعرفه واحبه بس احس براحه من أشوف أهلي
بقو يمنه تريكو وراحوا واني لميت الغراض ورحت كعدت ورتبت البيت يم عون
عون: تعاي بحضني
لارا: رحت تمددت على صدره وهوا يلعب بشعري
عون: الصبح اكضيهه بوسات وحضن وغزل تالي طلعو همه أحله صباح
لارا: ههههه غير اهلي متعوده عليهم
عون: واني ما متعوده عليه يعني
لارا: رفعت راسي وكرصت خده.. انتَ الروح والريه
عون: لا تضحكين عليه بسوالفج
لارا: انتَ هم لا تغار
عون: هسه يجي ابنه واخليج أنتِ تغارين من عدنه عود خلي يفيدوج اهلج
لارا: يمه عزا يا ابن هذا
عون: شنو ما ناويه يصير عدنه جاهل؟
لارا: لا اكيد اريد بس عبالي قصدك هسه نسوي طفل
عون: كومي نسوي غير اشياء مو اله طفل
لارا: عزااا وخر البارحه للفجر تبوس وخر عني
عون: ما أشبع منج
لارا: صار يبوس بوجهي كل قوته ويبتعد ويرجع يبوس.. لك كافييي
عون: تردين تسوين السبعه مالتج لو ناسافر احسن
لارا : ثنينهن
عون: صدك؟
لارا: اي والله اريد اسافر انتَ كتلي اسفرج وأريد اسوي سبعه حتى اعزم صديقاتي لان ما عزمتهم بالعرس ونصهن ما كدرن يجن
عون: تمام سوي الي يعجبج
لارا: شنو ضجت؟
عون: لا بلعكس سوي الي يفرحج بس عبالي تردين بس نسافر
لارا: لا اني طماعه
عون: اني هم طماع تعالي
لارا: لا عونننن نزلني حباب .. شالني وشمرني على السرير
عون: نبدي جوله ثانيه
لارا: قصدك جوله مليون .. تقرب نزعني ملابسي وصار يبوس بجسمي من فوك ليجوا كل ما يبوس مكان يرفع راسه ويكول
عون: احبججچ
لارا: اندمجت ويا اخر شي تقربلي وجرني الحضنه ونمنه كعدت الصبح ساعه ١١ والشمس بعيني حسيت على بوسه بشفتي فتحت عيوني
عون: صححح النوم
لارا: يصح بدنك
عون: كومي يلا اليوم امي وقمر يجون علينه ويبقون لحد السبعه مالتج
لارا: يبقون يمنه؟
عون: لا توسلت بيها مقبلت كالت عرسان انتو اخذو راحتكم راح تبقى يم عمي وفايا
لارا: ياااااا خلي تجي واني احاجيها
عون: تمام يلا كومي جوعان
لارا: تعال اكلني
عون: اسويها والله
لارا: ادري بيك لهذا كايمه .. عفته وكمت سبحت ورتبت نفسي ورحت اشوف سويت ريوك وتريكنه
عون: الظهر يجون تردين أطلب شيء
لارا: كيفك تريد تطلب من مطعم اكل؟
عون: إي أحسن اني عود أوصي لا تعبين نفسج
لارا: راح كعد بالصاله واني بقيت اعزل غراض الريوك كملت ورحت عليه كتله.. عادي اعزم فايا وبابا هم
عون: اكيد يروحي
لارا: تمام لعد انتَ هم أعزم لاقيس
عون: اوكي
لارا: تمام.. عفته ورحت اتصلت على فايا فتحت الخط وجانت مبين عليها نايمه
فايا: الووو
لارا: عزااا نايمه
فايا: ايي
لارا: نيالي لعد منو سوه اكل الـ بابا وهوا عنده علاج
فايا: عزاااا يمه بيش الساعه ليش
لارا: ساعه راح دك الـ١٢ يانادره
فايا: باوعت على الوقت جانت بـ ١١ ونص .. لججج عزا والله البارحه مكدرت انام نمت بس كم ساعه
لارا: المهم اليوم معزومين على غده خاله ام لاقيس راح تجي وانتو هم تعالو
فايا: هوا مو المفروض احنى نعزمكم؟
لارا: لا هيه مو عزيمه بس عمود ننجمع كلنه لان راح اسافر ورا السبعه مالتي
فايا: ليش راح تسوين سبعه انتِ
لارا: اييي
فايا: عزا ما حضرت لا فستان لا شيي
لارا: بعد كدامج هواي وقت كومي صحصحي هسه
فايا: تمام يلا روحي خلي اكول الـ بابا .. سديت الخط ونزلت لكيت بابا مسوي چاي وكاعد ياكل
وسام: صح النوم
فايا: رحت بسته من خده .. اسفه والله ما نمت زين البارحه وبقيت نايمه عذرني
وسام: لا يروحي عادي قابل شعدي انا لو ما العلاج ولا اتريك
فايا: صح وعافيه يروحي
وسام: يلا تعاي انتِ هم اكلي
فايا: سويت لفة جبن وكعدت يمه.. اليوم عون ولارا مسوين جمعه قبل لا يسافرون وكالت تعالو الظهر
وسام: تمام نصلي الظهر ونطلع
فايا: ماشي .. كملت ريوك ورحت اخذت الفون مالتي ومنها ستكشفت الواتباد جانت تطلعلي فديوهات بالتيك توك وغلس عليهن بعيدن كلت خلي انزل واشوف شنو هذا
نزلت واول قصه قريتها راهب ابوغضب اقرا وما منتبهه على الوقت لحد ما سمعت بابا يدك الباب
وسام: يلا حبيبتي ما بقى وكت أذن الظهر
فايا: يلا تمام أصلي وابدل واجيك
وسام: منتظرج
فايا: عفت الفون ورحت صليت كملت وطلعت عبايه خليجيه ولبست شال شمرته على شعري شون ما جان لان جان عجبني هالفتره كلش البس شال نزلت على بابا وطلعنه
طلع عون فتح الباب وجانت قمر وخاله ام لاقيس موجودات سلمت عليهم وبقينه نسولف بعدين كمت اساعد لارا بالمطبخ
لارا: ياهلااا هاي شطالع بالعبايه وشال عُمري
فايا: فتريت حول نفسي وكتلها حلووو
لارا: موت ونبي
فايا: اساعدج بشي
لارا: اي بس طلعيلي الماعين خلي ارتب الاكل بيهن
فايا: حضرنه كلشي ورا شويه شفت عون راح فتح الباب وطلع لاقيس هم جاي مجنت ادري بي هوا هم يجي عبالي عنده شغل
فات من باب الصاله يمهم واني رحت كرصت لارا .. ليشش ما كتيلي لاقيس هم راح يجي
لارا: ليش اكلج ؟؟
فايا: ما ادري بس جان لازم تكليلي
لارا: ستغفرالله شتغلي وانتِ ساكته
فايا: رتبنه الاكل على السفره وكعدنه ناكل بهدوء ونتبهت على لاقيس بس يلعب بالاكل كلشي ما حط بحلكه اخر شي قمر كسرت الصمت وكالت
قمر: شوكت تسافرون؟
لارا: بس تخلص السبعه ثاني يوم نسافر
قمر: وين راح تروحون
لارا: المانيا عون كال صديقي عده شقه هناك حتى نتونس ومنحير بالسكن
قمر: اي حلو تروحون وترجعون بالسلامة يروحي
لارا: حبيبتي يسلمج
فايا: يحجون واني بالي كله يم لاقيس شون كاعد على أعصابه كل شويه يرفع راسه يباوع على امه ويرجع ينزله
كملنه اكل لمينه السفر وكفنه اني وقمر نغسل الماعين ولارا راحت كعدت يم خاله ام لاقيس شفت لاقيس واكف برا يدخن رحت احجي ويا واجه عون وبقيت اسمع حجيهم
عون: تعال فوت جوا لا تتهرب
لاقيس: ليش خليتني اجي اذا هيه هنا
عون: حتى تكلها على خطوبتك ونفس الوقت تشوفها ادري بيك مشتاقلها
لاقيس: عونن تتقصد تأذيني تعرف كلش زين راح تسمعني حجي اذا كتلها
عون: ما تسمعك حاول مو جنت على طول تحاول وياها
لاقيس: هسه ختلف الوضع
عون: ما ختلف شي انتَ تعبت وصار الموضوع ما يهمك
لاقيس: لا تحجي حجييي من راسك محد يحس شكو بداخلي مو انتَ تجي حضرتك تكلي الموضوع ما يهمكك
انتَ لو تجرب ذره من العذاب الي دا أعيشه بسببها تتمنى الموت شايف هاي الجكاره احترك مثلها من اشوف ما تحط عينها بعيني
فايا: بقيت واكفه اسمع واشوفه شون صار عصبي وكاز على سنونه حتى صوته ما يعلى
عون: ما قصدي هي..
لاقيس: قصدك او ما قصدك بس عوفني هسه اريد اجر نفس
فايا: عون فات جوا وهوا بقى واكف يدخن رحت عليه جان واكف ومطيني ظهره..احممم لتفت عليه
لاقيس: احماتت
فايا: كافي تحرك جكاير مو زين عليك
لاقيس: مو مشكله اني محترك
فايا: لا تحجيي هيج حباببب
لاقيس: انتِ هم جنتي تدرين هيه هنا وما كلتي
فايا: اي ادري بيها بس ما جنت ادري انتَ جاي
لاقيس: تمامم
فايا: لاقيس باوع بعيوني .. حط عينه بعيني وعيونه جانت تلمع مبين عليه كوه حابس دموعه
لاقيس: هممم؟
فايا: تحبني؟
لاقيس: اي
فايا: فوت احجي وياها لعد اول مرا اطلب منك شي تره
لاقيس: ما اخليها بنفسج وراح اشوفج الي راح يصير
فايا: رحت شفت قمر كامت تضحك عليه شنو هيه هم تدري هوا يحبني
قمر: ههه روحي روحي كعدي يمهم
فايا: انتِ هم تدرين؟
قمر: طبعاً لا تشوفينه ما نلتقي هواي بس تره يخابرني ويحجيلي كلشي
فايا: بتسمت بوجهه ورحت لكيت لاقيس كاعد ويهز برجله اخر شي عون كال
عون: يوم الأسبوع الجاي لاقيس راح يخطب
ام لاقيس: المطلوب شنو
فايا: نصدمت من ردت فعلها شون حجتها بقرف ولاقيس احسه على لحضه يكوم يطلع
عون: غير خطوبة ابنج شنو المطلوب شنو غير تمشين وياه غير امه تخطبله
ام لاقيس: ما أحضر ولا الي شغل ذولك عمامه وخواله وخلي يخطبوله
فايا: عضيت شفتي مصدومه شنو من قساوه شايله حتى متمهد للموضوع تحجيها ولا عبالك كلامها يأذي المقابل
باوعت على لاقيس جان يباوع على عون ومبتسم بحزن هز راسه وطلع واني لحكته رئساً
لاقيس: طلعت وصعدت بالسياره واجتي فايا نزلي عدي شغلل
فايا:ما انزل وما عدك شغل اعرف وين رايح
لاقيس:فايا انزي لا تعبيني
فايا:مااااا .. صعدت وهوا صفن عليه ثواني ومشه
لاقيس:شخطت السياره ورحت للجسر نزلت وبديت ادخن مرت نص ساعه واني على نفس الوكفه واكف اجر نفسي كوه احس روحي مشتعله ونار بصدري همست ربي لوتاخذ روحي لو لا تعيشني هذا العذاب محسيت غير فايا ورايه وكالت
فايا : اسم الله لا تحجي هيجج..لتفت عليه وكال
لاقيس:رجعي صعدي ذولك الولد ديباعون عليج
فايا: اوكي اصعد انتَ هم تعال
لاقيس: امشيي
فايا: صعدنه بالسياره وهوا سند راسه على الكشن وبقى يتنهد عفته براحته بقينى فتره على هذا الحال
اخر شي جريت ايده وصرت العب بصابعه وهوا باوع عليه بقى صافن عليه واني كتله .. أحسن هسه ؟؟
لاقيس: الدعم النفسي با الاوقات الصعبة ما ينسي ابداً
فايا: بتسمت وكتله .. احجيي اي شي لا تبقى ساكت
لاقيس: مخنوكك
فايا: آخذ نفس .. بقى يجر نفس ويحجي
لاقيس: تكرهني واموت عليها شلون لو تحبني
فايا: ما تكرهك هيه تكره الي صار
لاقيس: هه حجي عيونها نظراتها تصرفاتها كلشي يثبت كره الي
فايا: اجيت ارد عليه ودك فوني شفت المتصل بابا اكيد ديسئل وين رحت عفته بدون ما اكله طلعت رديت عليه
وسام : ها بابا وينج
فايا: طلعت ويه لاقيس اريد ابقى يمه
وسام: تمام اني راح أرجع للبيت مو طولين
فايا: لا هسه أخلي يرجعني .. سديت الخط وهوا جان يباوعلي ومبتسم
احبك من تبتسم بوجهي
لاقيس: ههه راح ابقى مبتسم لعد
فايا: اي احسن .. صارت تمطر مطر خفيف واني باوعت على الجو
لاقيس: ها ترجعين البيت عون لو لبيتكم ؟
فايا: البيتنه بابا كال خلي يوصلج لان هوا رجع
لاقيس: صار
فايا: حرك سياره واني فتحت الجامه ومديت أيدي والمطر خفيفف توكع قطرات على ايدي بتسمت وكتله
تدري من جنت صغيره جان عبالي من تمطر الأشخاص الي ماتو ديبجون
لاقيس: ههههههههه مو اكلج جاهلل
فايا: والله شبيك وجان عبالي اذا اصلي على سطح دعائي يستجاب
لاقيس: ههههههههههههه لا هاي قويه
فايا: لا تضحككك جنت طفله شمعرفني وبعدن هيج صراحهه
لاقيس: ههههه اموت على برائتج
فايا: وصلني للبيت واني لوحتله بمعنى باي وفتت شفت بابا جان كاعد يقره قران دزيته بوسه بالهو وصعدت
فتت للغرفه دا انزع ملابسي واجاني شعار على الفون
لاقيس:💭....
القفله عاديه حته متخبصنيييي 😂❤️
لا تنسون التصويت ⭐️
احبكممم كومه غيماتيي☁️🥺
واذا تردون تحجون ويا فايا موجوده بالقناة ونزلت هواي سوالف 🙃🙃