( It's gonna be one hell of a chapter, enjoy)
AUTHOR'S POV
Y/n aur Muktar drive kerke maharastra ke border per ek village jate hai. Car Muktar drive ker raha tha, Y/n shant hoker kuch soch rahi thi Muktar ko usse koi problem nhi thi kyuki usko Y/n hamesha se hi shant aur sabhya insan lagti thi. Finally wo dono gau mein pahuchte hai," Suniye, ye admi kaha rehte hai?" Muktar ek gau wale se puchta hai.
"Haa ye waha rehte hai sahib." wo gau wala batata hai aur ek chote se kache ghar ki taraf point kerta hai, waha per sabhi log Y/n ki taraf dekh rahe thhe, unhone usko pehchan lia tha per sabko ignore kerte hue wo aur Muktar uss ghar ke andar jate hai. Waha ek admi tha, aur darwaze ki awaz sunkar wo mudta hai.
"Ma'am ? aap yaha kya ker rahi hai?" wo Y/n ke paas ata hai aur Y/n bed per beth jati hai, wo admi bhi uske samne rakhi chair pe bethta hai.
" Senior most journalist sab kuch choor ker yaha itne dur ek gau mein chote se kache ghar mein reh raha hai kyu?" Y/n usse puchti hai, wo admi niche ki taraf dekhta hai," late cm mr Ram Gopal Rathore.... mere papa thhe, suna hai apni maut se pehle wo kisi silsile mein wo apse milne aaye thhe aur uske baad aap gayab ho gaye.......Kyu?"
Wo admi thoda ghabrata hai per fir bolta hai,"Apke pita ji maut se pehle mene unke paas opposition party ke leader ke bete ke illegal tarike se income rakhne ki shikayat ki thi ma'am, mene unko saare investigation aur saare sabut dikhaye aur ye hi nhi unhe ye bhi bataya ki uski iss illegal property mein kahi partners hai jinme se ek unke sabse karibi dost Yash Rao bhi hain." Y/n ye sunkar frown kerti hai,"Mujhe bhi unki tarah iss baat per yakein nhi tha, per mene unhe sab sach bataya aur file unko dedi, it's a rare deadly combo ma'am how ruler party and opposition are working together. Iske kuch din baad hi unki achanak maut ho gayi, unki sudden death, postmortem report aur unka antim Sanskar ye sabke sab Shaq ke dayre mein aate hai ma'am. In sabke baad mene sheher chorna hi best samjha for my safety jab mujhe pata chala ki aap CM ban gayi hai tab mujhe bhut Khushi hui, per apke sath jo hua usko leke mein heran nhi hu, meri sari investigation iss pendrive mein hai ma'am" wo ek pendrive nikalta hai aur Y/n ko de deta hai, " aap yaha aayi hai wo log jarur apka pucha ker rahe honge mein bhi iss jagah ko choor ker dusre state chala jata hu. Apki Jaan ko bhi khatra ho sakta hai be careful ma'am."
Y/n bahar aati hai aur Muktar usko follow kerte hue chalta hai , uska mind kahi aur tha wo kuch soch rahi thi. Uss bheedh ke bech jo usko dekh rahi thi kuch aese bhi thhe jinke irade nek nhi thhe aur Muktar ye notice ker leta hai. Unke piche do aur aage se teen log thhe. Tabhi uski nazar upar jati hai ek admi y/n ki taraf gun point ker raha tha lekin Muktar bech mein aa jata hai aur uske forearm ko goli lag jati hai. Wo baki ke log unki taraf bhagte hue aate hai, Y/n jaldi se Muktar ka hath pakad ker ek ghar mein ghusti hai.
Wo dono waha se bhagne mein succeed hote hai aur y/n gau ke nursing home mein Muktar ko le jati hai waha doctor bullet nikal ker uske arm ki dressing ker dete hai, lekin tab tak wo gunde waha bhi pahuch jate hai,"Muktar we need to leave." Y/n usko bolti hai wo mushkil se khada hota hai y/n uski madat kerti hai aur piche ke raste ek ambulance mein beth ker wo waha se nikalte hai. Y/n gau se bahar jane ke liye drive ker rahi thi, wo notice kerti hai ki kuch cars uska pucha ker rahi hai.
Kuch cars unko overtake kerti hai toh Y/n route badal ker jungle ke andar ambulance le leti hai, kisi tarah wo ek khundar Tak pahuche hai lekin wo cars abhi bhi unka picha ker rahi thi. Aur achanak ambulance ruk jati hai. Y/n dekhti hai ki uska petrol khatam ho chuka tha.
Wo panick kerne lagti hai itne mein ek gunda aakar usko gadi se jabardasti nikalta hai aur uske baal pakad leta hai, Y/n chillati hai per wo gunda usko baalon se khecte hue le jata hai aur apki gang members ki taraf phek deta hai, Y/n ki ankhein dar ke karan badi ho jati hai wo jaldi se apni tummy ko cover kerti hai,
'hey bhagwan mere bache ki raksha kerna'
wo apne man mein bolti uske dimag mein iss waqt kuch aur nhi tha wo sirf apne baby ko bachane ka soch rahi thi khud ko kos bhi rahi thi wo iss halat mein yaha kyu ayi, pehli baar zindagi mein usko Darr lag raha tha, iss waqt usko mehsus ho raha tha ki uske papa usko bachane ke liye nhi hai aur na hi uska Pati Uska Veer, lekin iske pehle ki wo girti koi usko apne arms mein pakad leta hai.
Y/n uski taraf dekhti hai aur shocked ho jati hai,"Veer." Y/n dheere se bolti hai aur uski ankhon se ek aansu tapakta hai .
"Kon hai bey tu? Jaan pyari hai toh nikal ja yaha se." Ek gunda bolta hai.
Veer gusse mein uski taraf turn hota hai.
Y/n ko wo Veer dikh raha tha jo usko 5 saal pehle Holi ke din dikha tha abb wo unme se kisi ko bhi chorne wala nhi tha.
Veer Y/n ko ek stone ke uppar bethata hai wo bus apni tummy per hath rakh ker usko caress ker rahi thi aur Veer jan gaya tha ki aaj uski biwi ko Darr lag raha tha jiski wajah se usko aur gussa ata hai aur wo mudta hai,"KISNE TOUCH KIA MERI BIWI KO!" wo chillata hai aur waha khade sab logo ko wo dahadte hue Sher jesa lag raha tha. Veer waha per pada ek pillar uthata hai uske uppar metal rods thhe aur niche cemented part tha aur.....
(The moment I waited for! **Insert evil laugh**)
Veer saare ke saare gundo ko Marta hai aur ek se bolta hai,"Mein thak chuka tum logo ke chuha billi ke game se kyuki isme mein fit nhi hota. Kyuki mein Sher hu, jungle ka Sher aur kisi ne meri sherni ko ankh utha ker bhi dekha toh wo aankein mein nikal leta hu. Bula apne sabhi admiyon ko aaj hi sabka decision karunga mein yahi per hu leke aa unko unn sabhi ko thikane ke liye isse achi jagah nhi milegi."
Wo uss rod ko zameen per fek ker Y/n ke paas jata hai
"Jaan." Wo usko hug kerta hai Y/n bhi rone lagti hai,"Shhh mein aa gaya hu na? Abb koi tumhe hath bhi nhi laga sakta ." Wo usko forehead ko kiss kerta hai.
"Mujhe laga Aaj mein maar hi--" isse pehle ki Y/n apne words complete kerti veer uske lips per kiss ker deta hai.
"Sochna bhi mat." Wo firse usko gaale laga leta hai per fir unko cars ki awaz aati hai. Dono dekhte hai ki 20 se bhi zada cars waha aati hai aur unme se saare gunde nikalte hai. Wo sab unki taraf aane lagte hai Veer Y/n ko cover kerke khada hota hai. Y/n dekhti hai ki piche se bhi bhut saare log unki taraf aa rahe hote hai aur sabke haath mein hatiyar thhe. Wo Veer ki shirt ko clench kerti hai. Lekin wo piche se aa rahe log unke aage chale jate hai aur unn gundo ko handle kerte hai. Wo log Gau wale thhe, Y/n ye sab dekh ker shocked ho jati hai wo sab unke aage human chain banaker khade ho jate hai,"Aap humare liye Bhagwan saman hai madam, hum apko kuch nhi hone denge. Apko kisi ne hath bhi lagaya toh uski jaan le lenge." Ek admi bolta hai.
"Hum Gau ka har Kona chan marenge jaha bhi chupe honge unko dhundh dhundh ker khatam ker denge. Aap aayiye." Bolke wo log Y/n Veer aur Muktar ko Jeep mein bhetha ker Gau ke bahar tak leke jaate hai aur raste bhar mein aur log bhi uske sath Jud jate hai. Veer Y/n ko hug kerke uske forehead ko kiss kerta hai aur kehta hai.
"Dekho Jaan ye hai wo log jinke liye tumne kaam kia hai." Wo smile kerte hue usko bolta hai, Y/n apni ankhein band kerke uske chest mein apna sar chupa leti hai,"Kya hua Jaan?"
"Veer ...mujhe...mujhe Yash uncle se milna hai." Wo bolti hai aur Veer confused hoker bhi haa mein sar hilata hai.
"Muktar CM resident ka rasta dikha do inhe" wo muktar se bolta hai jo driver ke bagal mein betha tha.
"Ji sir." Wo fir unko CM resident le jate hai.
Resident ke office mein Yash chair ke piche lagi painting ki taraf dekh raha tha, wo uski aur Ram Gopal Rathore ki painting thi. Room mein wesi kai aur photos bhi thi, tabhi usko kisi ke kadmo ki awaz aati hai. Wo mudker dekhta hai Y/n aur uske piche Veer, uske workers shocked ho jate hai aur Y/n chair per Beth jati hai,"Aap shayad kisi aur khabar ka intezar ker rahe thhe," Veer abhi bhi confused tha lekin uska confusion shock aur gusse mein badal jata hai jab Y/n bolti hai,"mujhe Marne ke liye 100 admi bheje na?.....ye sochkar ki Veer nhi hoga toh mujhe marna asan hoga? Per mere aur un gundo ke bech hazaro log khade thhe, ek bhi zinda bacha nhi hoga unme se."
Yash kuch der uska face dekhta hai usko samjh aa gaya tha abb wo sab janti hai,"Y/n--" wo uski taraf aane wala tha lekin.
"Mere liye ye koi shocking news nhi hai, apne mujhe kisi aur irade se Cm banaya tha, socha aap jo kahenge wo mein karungi, lekin apki raaton ki neend udd gayi jab apki baaton ko manne se mene inkar kia." Y/n apni ankhon ke aasuo ko control kerte hue bolti hai,"abb Tak Jo hua wo sahi tha ya galat usko ek kinare per rakh dete hai.......apke gusse ki ek aur wajah thi.....40 saal ki dosti" wo piche lagi painting pe point kerti hai,"Sabhi ye baat jante hai ....aur apke aur mere papa ki dosti ki misal dete hai, galat dete hai app dosti ke layak nhi hai."
Yash ka face aur shocked ho jata hai, Y/n uthti hai aur left side ki ek photo ke paas jati hai,"Iss tasveer mein jo rishta hai wo jhuth nhi sach hai, aap bol digiye mein chali jaungi."
"Wo tumhare pita thhe jinhone isko jhutha samjha tha", Yash bolta hai uske face per gussa tha,"Humne javani mein hi ye sapna dekh lia tha ki hum logo ki seva karenge, humne ek party khadi ki satta mein aane ke liye aur seva kerne ke liye, uske liye Funds ki jarurat hoti hai, kuch galatiyan kerni padti hai, kuch logo ko support aur kuch ko oppose kerna padta hai.....ye sab na soch ker tumhare pita ne mujh per Shaq kia wo toh mujhe jail bhejna cahta tha....ye main bardasht nhi ker paya."
**Flashback**
Ram Gopal ji hospital bed per lete thhe, iss waqt unki condition aesi thi ki unko khana bhi pipes se hi dia jata tha, Yash unke samne bethate hai aur bolte hai,"Pichle 60 dino se main tumse milne ki koshish ker raha hu per tum milna hi nhi cahte, 40 saalo ki dosti hai humari mere bhai, aur achanak hi tum mere khilaf ho gaye? Tumhe dukh nhi pahucha." Ram Gopal ji iss waqt sirf unki baat sun sakte thhe apna muh se kuch bolna dur wo ek ungli bhi utha nhi sakte thhe,"koi tumhare paas ata hai aur mere baare mein kuch bolke chala jata hai.....tum aesa dikhate ho jese ki tumhe kuch pata hi nhi....mere khilaf case kerke tum mujhe jail bhejna cahte ho aur mujhe pata bhi nhi iske baare mein....ha mein thoda bura hu, manta hu bhrast bhi hu lekin tumhara dost toh hu.....koi galti ho jaye toh dost ko muaf nhi ker sakte? Ye konsi rajneeti hai bhai........."
Thodi der ki silence ke baad,"Tumhe laga sab tumhare adhikar mein hai, lekin ye nhi jante ki tumhari zindagi mere haathon mein hai. Kai baar socha ki tumse aakar baat kar lu, socha tumhe samjhau lekin pata laga tum miloge hi nhi....ye sab mujhe bilkul acha nhi laga......zara khud ki halat dekho ........meri hi wajah se hai", Ram ki ankhein badi ho jati hai," aur koi rasta nhi tha mere paas, pichle kai dino se mein doctors ki madat se tumhari body mein medicines ki jagah jeher daal raha hu." Ram ki saansein tez ho jati hai,"Mere kehne per hi unhone tumhe aese injections diye hai jisse tumahara pura shareer paralysed ho jaye.....aaj se humari dosti aur gehri ho jayegi kyuki aaj mein tumhe ajaad kerne wala hu. Agle janam mein fir milenge. Alvida."
Yash khade hoke fluid bottle mein ek injection daal deta hai aur Ram bus usko dekhta reh jata hai, khud se haar ker wo apni aankhein band ker lete hai.
**Flashback end**
"Wo phele Mera jigri dost tha...uske baad kisi ka pita ya leader tha...jitna dukh mujhe hua shayad hi kisi ko hua hoga, per mein kya kerta?....dekho tumhe apni Umar se zada experience hai, ek samjhdar insan ho. Acha Bura janne ki kabilyat hai tumne." Yash bolta hai aur Y/n apne aansu poch ker uski taraf dekhti hai.
"Aapne kaha ki kuch karna hi toh adhikar hona cahiye, lekin adhikar paane ke liye kuch galatiyan kerni padegi ye kesa siddhant hai? Apko lagta hai ye sab kerke aage badh gaye? Aap apne aap ko dhokha de rahe hai, ek galati chupane ke liye dusri galti ki aur fir galatiyon ka silsila shuru ho gaya aur jabtak mein yaha pahuchti aap sab kuch khatam ker chuke thhe.....ek akhri baar Milne bhi nhi dia unse." Y/n Veer ki taraf jati hai, Veer uske kandho per hath rakhta hai,"Sare sabuton ke sath log apka intezar ker rahe hai." Fir wo waha se jaane lagte hai.
"Y/N!" Yash bolta hai,"Dekho beta mein tumhare pita ke barabar hu, janta ke samne meri izzat miti mein mat milao tum. Mein tumhe firse mukhyamantri bana dunga aur humesha ke liye rajneeti choor dunga." Y/n turn hoti hai
"Aap mujhe bhi apne jesa banana cahte hai? Aap abb bhi mujhe samajh nhi paye. Iss kursi per bethne ke baad sabse pehle mere mind mein kuch ata hai toh wo hai accountability......logo ko apki asliyat ka pata chalna cahiye...jab zindagi bhar jhuth per jite aaye ho toh aaj sach ka samna karo...apke pass mujhse zada tajurba hai toh aap hi sochiye kya sahi hai aur kya galat."
Veer Y/n ko lekar waha se bahar jata hai. Y/n uske gaale lag jati hai,"I am so proud of you meri Jaan." Wo uske forehead ko kiss kerta hai aur dono ghar wapas chale jate hai.