أشتاگلَك مَثل الطَفل
چَن إنتَ الـ مرَبيني
رَخَصت كُلشي لـ جَيتَك
حَسّبالي الـ تغليني
و تتوَنس إنتَ مِن أحتَرگ
و عِطابي لَمن يوصلك تبتسَم و تطَفيني ،
كُل هذا و آنه أشتاگلك !
كُل هذا و آنه أتلهفَك !
كُل هذا و آنه أتذكرَك !
چا گُلي شينسيني ؟ .
الإنستقرام: al5ama
________
لارا: حطيت ايدي على حلكي وكتله أبددد
عون: لاقيس جان يلعب بالفون وفتت من يمه شفته حافظ صورتها من مال الخطوبة مالتنه
لارا: احلففففف
عون: والله اني ستغربت من السالفه شجاب الصوره مالتها يمه وغير هيج يباوع عليها
لارا: وهوا شافك من عرفت
لاقيس: لا جان مطيني ظهره واني عفته وصعدت الغرفتي
لارا: معقوله يحبها رفع أكتافه وكال
عون: ما أعرف
لارا: شتعرف انتَ متكلي جرني من خصري ونركعت بصدره وكال
عون: اعرف انو إني احبج
لارا: وخررر بما انو ردت العرس قريب ما تتقرب مني ولا تلمسني ولا اي شي
عون: تمامم عادي
لارا: اححح بهل سهوله
عون: اي لان راح اخذ حيفي بيوم العرس
لارا: حجه هيج وغمز واني ضربته على صدره .. ادبسزززز منو يكدرلك
عون: بس انتِ
لارا: لا واضح كلش كادره عليك
......
فايا: غفيت واني افكر بكلام لارا ضل بالي بالحجي وصدك لاقيس هواي يهتم بيه نمت وكعدت المغرب على صوت الفون يدك
هبة: بالچذب اتصلي سئلي كولي وينها
فايا: هلو
هبة: نايمه المسعده كرت عينه للي راح يأخذج
فايا: نچبي جنت طالعه وتعبانه
هبة: على وين ان شاء الله
فايا: متصله تحققين لو تسئلين عني
هبة: الإثنين
فايا: اذا هيج لعد لازم نسوي طلعه لان اكو هواي سوالف
هبة: هلا هلا باچر ما عندي شي نطلع؟
فايا: تمام سديت الخط ومدري ليش رحت على الواتساب مال لاقيس وطلعت صورته وبقيت اباوع عليه
اخر شي حسيت على نفسي شدا اصخم اني سدت الفون ونزلت جوا لكيت عون ولارا كاعدين بالمطبخ يسولفون فتت وسلمت عليهم
لارا ،عون: وعليكم سلام
فايا: ها بشرو تفقتو؟
لارا: اي
فايا: مبروك يروحي شوكت تبلشين تجهزين؟
عون : اني اترخص سوالف نسوان سولفن بيها وحدچن
لارا: ههههههه روح الله وياك
فايا: طلع عون ولارا اجتي تحجيلي
لارا: باعي هوا اني البيت مكملته وكلشي بس بقى عندي البدله والقاعه
فايا: القاعه مو المفروض عون يدور عليها
لارا: لا تفقنه ثنينه نشوف وحده حلوه
فايا: الله كريم
لارا: ونعمه بالله باعي اكدر اطلب منج طلب واعتبري هدية عرسي
فايا: عيوني كولي
لارا: تتصالحين انتِ وبابا
فايا: برطمت شفتي وكتلها ماكدر
لارا : لا تكدرين والله هوا يحبچ لا تعذبينه هيج لو شوفي شلون يتحسر من تفوتين من يمه ومتعبري
فايا: جمعت الدموع بعيني وهمست بغصه..حلمت بـ أمي
لارا: اي؟؟
فايا: كلتلي بالحلم لا تسامحينه أبد
لارا: وانتِ عمود هاي متريدين تسامحي؟
فايا : مدري احسها يمي وموجوده وياي احس اذا سامحته راح تنقهر لان أذاها هواي
لارا: كلشي صار مو بدينه وبابا بعد ما عرف غلطته حاول بكل الطرق يصلحها بس الشيطان شاطر ماكول غير الله يسامح ماما على الي سوته وخلت عائله كامله تشتت
فايا: امج بحد ذاتها شيطان
لارا: عوفج من امي راحت يم ربج بعد هوا يحاسبها المهم انتِ سامحي بابا اذا تحبيني لو تعزيني ولو ذره كافي زعل
فايا: مدري أشوف
لارا: فكري بداعتي
فايا: هزيت رأسي وكعدنه نسولف وتشوفني موديلات الي تريد مثلها سوينه عشه تعشينه وكلمن راح الغرفته
........
علي: راح تبقى كاعد تشتغل
لاقيس: شتريد مني ياخي روح البيتك
علي: كوم كوم يرادلها كعده ما مرتاحلك
لاقيس: علي بشرفك لا تلح عوفني بحالي
علي: اي اوكي كوم يلا
لاقيس: جرني من ايدي واني شلت غراضي وطلعنه ضل يسوق نص ساعه اخر شي طبك كدام مخزن شرب .. شدنسوي هنا؟
علي: نصلي انزل راح يأذن
لاقيس: لا صير سخيف تدري بيه عايف الشرب
علي: تمام اجيب الي ونروح يم الجسر
لاقيس: هوا انتَ قوطية ببسي تسكر مو عاد شرب
علي: هوا لان انتَ وياي راح أسكر حتى تبتلي بيه
لاقيس: اني مبتلي بيك من زمان
علي: أحلى بلوه
لاقيس: ادعبل لا ضل تلغي .. راح واني انتضرت خمس دقايق واجه شايل بطله وياه
علي: يعني هاي هيه تبت ماكو امل تاخذلك كمع
لاقيس: لا ماكو يلهه امشي .. وصلنه يم الجسر جانت الساعه بـ ١ بليل هوا نزل ورئسن صار يشرب
علي: نشرب وننسى
لاقيس: شتنسى حظرتك؟
علي: أهلي
لاقيس: شبيهم وياك نوب
علي: يردون انطيهم من الراتب مالتي
لاقيس: على اي اساس
علي: ما اعرف والله قبل چانو ياخذون نص راتبي والله شنو اني وابني عايشين وياهم وهسه
اريد ارجع يمهم لان كرار مكدر اعوفه وحده ومعناها لزم هم ادفع فلوس
لاقيس: اهلك كوا** على فكره هذا وهوا حفيدهم
علي: والله ماكو كوا** غير حظي
لاقيس: وابن عمك وين راح مو جنت تخلي كرار يمه
علي: كام يشتغل حتى يجمع مصاريف للجامعة
لاقيس: ماكو حل غير تزوج وشوفلك وحده بت حلال
علي: وين الكاها هاي بت الحلال واني لازم بطلي واشرب
لاقيس: هسه تطلعلك ويا البطل هديه
علي: انچب وعوفك من سولفلي انتَ شبيك
لاقيس: اني دايخ بشغله
علي: ألي هيه ؟
لاقيس: فايا
علي: شبيها؟
لاقيس: طلعت جكاره وصرت أدخن.. اريد اصارحها بشي بس خايف
علي: بحبك؟
لاقيس: ما احبها
علي: اضحك على روحك بهذا الحجي ميت بيها انتَ بس مدري ليش رافض صدك هذا شي
لاقيس: مو قصة رافض بس بعدني ما متأكد من مشاعري
علي: تاكد حبيبي ترا اعرفك وحافظك على الغيب واهتمامك وتفكيرك بيها من حبك الها لهذا توكل
لاقيس: هسه عوفك من هذا الحجي اني ماريد احجي وياها بعذا الموضوع
علي: لعد
لاقيس: أريده تروح طبيب نفسي
علي: ليش شبيها مخبله
لاقيس: جويته بجكاره على ايده .. ماكو غيرك مخبل يا سا**
علي: والله لعد شبيها بس لا مثلك
لاقيس: ما رحت دكتور اني
علي: چذاببببب
لاقيس: والله جلسه وحده ومتحملت
علي: مو كلت راح أتعالج لان مدا اگدر أنام بليل
لاقيس: دا أخذ مهدئات
علي: لك كو* سا* ليش اچذبب
لاقيس: صار يصيح بعلو صوته واني حطيت ايدي على حلكه ..... اشششش اششش انچب كمت تشحط انتَ كومم اخذته وديته للبيت مالتي وشمرته على الفراش
عون: شصاير بي هذا
لاقيس: شارب
عون: هوا علي وينه وين شرب مو يدري بروحه يسكر بسرعه شكو شرب
لاقيس: من القهر
عون: لو على القهر چا كلها شربت وآني أولهم
لاقيس: ما شاء الله كلها طلعت مقهوره نوب انتَ من شنو بلا مقهور
عون: من اخوي الي حتى ميدري شوكت عرسي ولا بچذب واكف وياي والي ناسيني دشوف نفسك شكد دتبتعد عني
لاقيس: ما مبتعد عنك بس مشغول
عون: اضحك على نفسك بهذا الحجي على العموم الحجي ضايع وياك ماريد اتعب نفسي
لاقيس: ندار واني جريته من ايده وحضنته .. تعبان والله محد ديحس بيه
عون: طبطبت على ظهره.. شكد اجي وكلك سولف احجي طلع الي بكلك وانتَ تكلي مابيه شي
لاقيس: لان احسك مراح تفهمني
عون: لاقيس أني أخوك تعرف شنو اخوك يعني روحي بيك أخاف عليك اكثر من روحي وتدري بمعزتك عندي والله گلبي يتكطع من أشوفك هيج تبتعد عنه
لاقيس: اني ما مبتعد بس ما اعرف احجي شنو بداخل هوسه بس الله الي يدري بيها
عون: الله كريم روحه هسه نام وبعدين نتفاهم
لاقيس: شوكت عرسك؟
عون: بتسمت وكتله .. ٢٠٢٠/٢/٢ ( تاريخ حقيقي )
لاقيس: مبروك يروحي خوش تأريخ
عون: يبارك بيك يوم الالك
لاقيس: لا سالفتي مطوله ..غمز وكال
عون: بعدين نحجي روح رتاح
........
فايا: كعدت الصبح تريكت ونتظرت اصير بـ١١ حتى اروح على هبه هم اسوي شعري وهم نسولف رحت سبحت وتحضرت على ما صار الوكت وطلعت
لكيتها واكفه بالحديقه عدها ستراحه رحت عليها وكرصتها من خصرها وهيه فزت
هبة: يا چلبهههه فززتيني
فايا: هههههههه مشتاقتلج
هبة: اني هم شعجب جيتي هسه مو عساس العصر نطلع
فايا: مو اريد أسوي شعري فـ ختصرت والعصر المقابله مالتي مو كتلج
هبة: ها اي شسويله شعرج؟؟
فايا: اكص الاطراف واصبغه
هبة: بحلامج اخليج تكصي نچبي وكعدي راحه كلشي مابي
فايا: لا ونبي بربج بس شويه اخذي منه اريدهن عدلات مو هيج صاير مثلث سوي مثل المسطره
هبة: اسممم اخذ فهمتي لو لا
فايا: فهمتتت
هبة:يا لون تريد تصبغين ؟
فايا: أسود
هبة: تريدين تسبين ألعالم
فايا: ههههههههههههه لا بس عاجبني من زمان
هبة: حتى يعكس على بياضج ولون عيونج اويلييييي
فايا: طبينه وبدت تشتغلي .. صدك اختج وين صفه بيها الوكت
هبة: ما اعرف اي شي عنها ختفت لا حس ولا خبر
فايا: يلا احسن لا ضوجين مو جانت مدوخه راسج بسوالفها وكل شويه جايه عساس ندمانة
هبة: لا يمعوده شضوج الله ومحمد وعلي وياها وين متولي خلي تولي
فايا: دا ارد عليها ودك فوني باوعت المتصل لاقيس رديته عليه .. الو هلو لاقيس
لاقيس: وين انتِ
فايا: طالعه ليش
لاقيس: ادري طالعه وينن؟
فايا: بصالون الي جنت اشتغل بي ليش صاير شي
لاقيس: لا مصاير مسافة الطريق واجي عليج اني
فايا: تمام سديت الخط وباوعت الـ هبه
هبة: شكو شصاير
فايا: ما ادري لاقيس يكول راح اجيج
هبة: اي وين المشكله
فايا: مو صوته جان معصب
هبة: معليج هسه بس يشوف هذا الصكوك يهدي
فايا: هههههههههههههه طاح حضج كملي
هبة: اسوي ويفي؟
فايا: اي سوتلي شعري ورا خمس دقايق من كملت اجه لاقيس اخذت حمره حمرا كدامي حطيت منها وطلعت
لاقيس: طلعت واني بقيت صافن على جمالها هنا عرفت نفسي صدك ميت بيها مو بس حابهه هلكد ما تمنيت اضمها وما اخلي آحد يشوفها
فايا: ضليت ابوع عليه شون صافن وين ما اروح هوا عينه عليه صعدت بالسياره وهوا على صفنته طكيت إصبعي مقابلي وجهه وهوا حس على روحه
لاقيس: هاي شمسويه
فايا: شمسويه
لاقيس: ليش صابغه شعرج
فايا: عجبني شبي محلو؟
لاقيس: جمالج يزرع بگلبي الميت ورد
فايا: شنو
لاقيس: گليبي المميز
فايا: لاقيسسسس شبيك فهيت احجي عدل .. جر كلينسه وحطها كدامي
لاقيس: مسحيي
فايا: شنوووو
لاقيس: مسحي الحمرا لا بعلي امسحها اني
فايا: مااااا شبيكك شهل تحكم .. رفع جامات السياره كلها وقفل ألباب
لاقيس: تقربت منها كلش وهمست يم شفتها واني كاز على سنوني .. مسحيها بسرعه
فايا: توترت من قرب وأنفاسه الحاره تضرب بوجهي حجيت بخوف
وخر حباب
لاقيس: من سمعت نبرت صوتها رئساً بتعدت وطلعت جكاره وصرت ادخن
فايا: بقيت ادوس على مال الجامه اريدها تفتح ماكو مقفوله لا ارادياً نزلت دموعي بس اريدلي حجه حتى ابچي
لاقيس: هسه ليشششش البچي شسويتلج
فايا: خوفتني
لاقيس: اي خافي شايفه روحج شلون طالعه بهذا منظرج عبالك عدج عرس
فايا: لاقيسسس شبيك ترا لان مغيره لون شعري هيج بارزه الألوان الي بوجهي .. فرك وجه بعصبيه وكال
لاقيس: اسكتي
فايا: سكتت وبقينى بس نفتر بالسياره .. كافي تفتر وديني للمقابله
لاقيس: ادري هوا اني جاي اوديج للصخام وين العنوان
فايا: دليته على العنوان وصلنه وجانت عماره جبيره نزلت وهوا نتر
لاقيس: أمشي كدامي
فايا: ستغفرالله.. صعدنه اول ما طبينه جان اجو ولد بالاستعلامات كاعد تقدم عليه ومد ايده يسلم
لاقيس رئسن لزم أيدي حتى ما ارفعه وهوا سلم على الولد حسيته راح يكسر أيدي هلكد ما عصرها راح الولد وكال انتظروا هنا
لاقيس: ليش متاخذينه بالحضان بعد
فايا: لاقيس شبيك لا تفضحنه وتخليني اتندم جبتك وياي
لاقيس: نچبي
فايا: مو عصير
لاقيس: شنووووووو
فايا: انتَ مو تكول انچبي دا اكلك مو عصير
لاقيس: ينعل ام تفاهتج مال احجي حجايه شكبرها هسه
فايا: لا اسكت ماريد تحجيها استر علينه الله يخليك كلولي افوت
ولاقيس مقبلو يفوت وياي حسيته شويه ويكلب المكان كلاب هلكد ما بين عليه العصبيه وشراين أيده بينت هلكد ما تنرفز غلست وعفته وطبيت
لاقيس: بقيت كاعد على أعصابي انتظر بيها ورا نص ساعه طلعت واني جريتها رئسن وطلعت من المكان كله
فايا: لاقيس دتوجعنييي شبيككك
لاقيس: امشيييي
فايا: بقى يجر بيه لحد ما فتحلي بآب السياره صعدت وركع الباب كل قوته افتر هوا حتى يصعد
طلع جكايره وكعد يدخن ويحبس الدخن دائماً يسوي هاي الحركه من يعصب كلش ورا شويه كال
لاقيس: متشتغلين
فايا: شبيك اليوم لاقيس تصرفاتك راح تخبلني
لاقيس: هذا الموجود
فايا: زين ليششش عاط بعلو صوته وفززني
لاقيس: لان اغارررررر
فايا: لاقيس
لاقيس: نعم
فايا: باوع بعيني لتفت يباوع واني كتله تحبني؟
لاقيس: شده تحجين مكلت هيج انيي
فايا: الي يغار يحب
لاقيس: هيج شوفين؟
فايا: ايي ضل صافن بعيوني ضرب الستيرن كل قوته حسيته ايده نكسرت صار ياخذ نفس ويزفره اخر شي تقرب مني وكال
لاقيس: آسف
فايا: ما احس غير طبع شفته على شفتي وصار يجرها بين سنونه عرفته يريد يمسح الحمرا
دموعي صارت تنزل صرت ادفع بي واضرب على صدره وهوا عبالك حايط اول مرا بحياتي احد يبوسني من شفتي وهوا مو بس باسها جان يعضها بكل قوتها عبالك ديكلي انتِ مالتي
لاقيس: مجنت احس بيها من تضرب بيه بس من دموعهت صارت على خدي رئسن بتعدت
فايا: شهگت من بين دموعي .. وديني للبيت بسرعه
لاقيس: اخذت كلنس مسحت حلكي ورجعت اخذت بعد وشمرته عليها .. مسحي حلكج
فايا: اخذت الكلنسه من حضني وصرت امسح الحمره ودموعي وجهي اصار بي تلغمط
صرت ابچي بزايد واخذت مي ورشيته على وجهي وصرت افرك بشفايفي هوا جر أيدي وكال
لاقيس: كافييييي
فايا: نترت أيده وعطت بي ..وخرررر شكد مقرف
لاقيس: بقيت ساكت ما أريد ازيدها لان ادري بيها خافت ومن العصبيه حجت هيج وصلتها للبيت نزلت وياها للباب وهيه رئساً فاتت تمشي سريع
فايا: اول ما وصلني رحت ركض اريد اروح بغرفتي سمعت صوت سيارته من راح طبيت للغرفة
وشمرت روحي على الفراش وعصرت المخده بوجهي وصرت ابچي بخنكه هوا اكثر واحد يدري كلش زين اكره احد يزمني واكره هاي سوالف ليش سوه هيج
........
لارا: كعدت من صبح بقيت واكفه بنص ساعه ادك باب الغرفه ماكو صوت اخر شي طلعت ودفرت الباب وفتت
فايا: شسالفه شبيج
لارا: يمهههههههه هاي شنو صوتج ليش هيج مطبك وعيونج مرمه
فايا: فتحت السبلت بليل
لارا: وين اكو واحد يفتح سبلت بالبرد وانتِ منا مناعتج زفت خبلهههه
فايا: العصر اصير مثل الحصان كولي شرايده
لارا: ما رايده هوا دا اكعدج حتى نتريك والعصر يجي عون ياخذنه نروح نشتري غراض
فايا: ماشي ثواني اغسل وانزل
لارا: تمام عفتها ونزلت لكيت بابا كاعد على الطاوله .. صباحوووو
وسام: صباخ الخير حبيبتي شونج
لارا: الحمدالله وانتَ
وسام: بخير اذا انتِ بخير
لارا: دومك يروحي .. دك تليفوني ولكيته عون وجانت متصل مرتين قبلها
عون: صباح الخير يروحي
لارا: صباح النور
عون: شو بس صباح نور اكو احد يمج
لارا: بابا تريد اصبلك چايي
عون: هههههههههههه سمعت عمي يرد عليها .. وصلت بعد روحي وين جنتي متردين
لارا: موجوده بس صعدت اكعد فايا
عون: اها دكيت اكلج الظهر نجي على الغدا لان العصر عدي شغل ما الحك
لارا: بس احنه راح نتأخر بسوك مو مال من الظهر للعصر
عون: اعرف لاقيس راح يجي ويبقى وياكم
لارا: تمام اذا هيج
عون : بوسهههه
لارا : بيبايييييي
عون: ههههههههههه باي
لارا: سديت الفون وفايا اجتي .. يلا كعدي عُمري خلي اصبلكم چاي
فايا: شوكت تستوعبين اني اكره الچاي
لارا: يووووو آنسه ونبي بس انتِ بالعراق متحبين الچاي
وسام: طالعه على امج الله يرحمها
فايا: بتسمت بوجهه وكلت .. آمين
لارا: يمههههه احس فراشات بداخلي من شفت فايا شون بتسمت بوجهه بابا تريكنه وكملنه واني كمزت على فايا وكتلها .. شنو تصالحتو انتِ وبابا؟
فايا: لا يمههه شبيج هيج كمزتي
لارا: طاح حضج واني طرت من الفرحة
فايا: اريد اروح احجي ويا بس متردده
لارا: روحي بداعتي الله يخليج تصالحو قبل عرسيي حبابههه
فايا: دفعتني على الغرفه مال بابا وتأشرلي بيدها افوت صرت امشي بخطوات ثكيله دكيت ألباب وسمعته يكول
وسام: تفضل
فايا: فتحت الباب على النص ومديت راسي .. عادي أدخل
وسام: اكيد تعالي يروحي
فايا: فتت وسديت الباب عدل كعدته واني كعدت مقابيله على السرير وضليت مدنكه راسي والعب بأظافري
وسام: شنو محتاجه عيوني الج
فايا: برطمت شفتي وعيوني غوركت وهمست .. محتاجتك
وسام: يا روحي ودنيتي انتِ روحي ترخصلج
فايا: صارت دموعه تنزل ويحجي كمت وشمرت روحي بحضن وصرت ابچي ويا
وسام: اوووف يا ريحة نور ولوعة گلبي عليجن طول هاي السنين
فايا: عوضني نسيني ألي شفته نسيني كل لحظة عشتها بدونك باس راسي وكال
وسام: وعد مني راح اعوضج عن كلشي
فايا: بتعدت من حضنه ومسحت دموعي بچف أيدي وكتله.. انتَ صدك جنت دور علينه
وسام: ورا شهر من ولادتج اني رجعت اريد ارجع امج واصحح اغلاطي بس هيه ختفت شكد دورت شكد جنت اروح للبيت واسئل ناس يكلولي محد عايش هنا
فايا: اي صح جنه عايشين باربيل
وسام: اي وانا ما يئست بقيت ادور لحد ما تخربطت صحتي وصرت أطلب من لاقيس هوا يدور عليج جان يدور بلانبار لهذا تاخر يلا لكاج
فايا: اي صح كلي رجعت حضنته وهوا يمسد على شعري اول مرا ذكرت ماما من جنت انام بحضنها
وسام: ماخذه جمال امجج كله
فايا: ههه ومآخذه شويه من عينك رفع راسي وبأس عيوني
وسام: احلى عيون بالدنيا
فايا: ما اصدك لو تتغزلون منا الباچر
وسام: مدام حاطه بالج الفكرة ومتحبيهن مراح تقتنعين ابد
فايا: عوفك من هذا الحجي ورقق اريد اشتري فستان للعرس متريدني اطلع صاكه
وسام: غالي وطلب رخيص
فايا: كام جابلي فلوس كومه وحطهن بيدي
وسام: اشتري الي يعجبج واذا تردين بعد بس كليلي
فايا: شدعوهههه هذني كافي وزياده
وسام: ميخالف خليهن يمج
فايا: كمت بست راسه وجيت اريد إطلع وكفت يم الباب وهمست بابا
وسام: يا روحه ونظر عينه
فايا: اسفه اذا ضوجتك بحجيي قبل
وسام: اني الي اسف ع6 كلشي وكلامج كله عسل على گلبي
فايا: فدوه الگلبك دزيتله بوسه بالهوى وطلعت لكيت لارا كاعده بصاله بس شافتني اجتي طايره
لارا: شصارررر
فايا: شعليج ابو وبنته انتِ راح تروحين البيت رجلج ونخلص منج
لارا: كلتيها انتِ ضل البيت لمطيره وطارت بي فرد طيره
فايا: اي كافي لعد شبع لزكتي بابوي هاي اجه دوري
لارا: هيج صارت
فايا: اي عيوني هيج شوكت نطلع
لارا: فد ساعه هيج ونطلع
فايا: اوكي راح اصعد احضر ملابسي
........
عون: لك ها سيدي شمسوي بروحك
علي: راسي راح ينفجررر
لاقيس: كتلك نچب واكعد راحه بس متوب
عون: اسويلك كهوه؟
علي: اي بشرفك
عون: باع هذا مصدك روحه بس لا عبالك احنه بمسلسل تركي
لاقيس: كوم بابا كوم تليفونك احترك يدكون عليك
علي: لا يا الله كرار
لاقيس: لا تكلي عايفه وحده بالبيت
علي: اي
لاقيس: والله دنعل ابوك لأبو عقلك عايف طفل عمره ٥ سنين وحده بالبيت
علي: لاقيس اسكت بربك وين سويج السياره
لاقيس: هاك طاح حضككك يا عار
عون: اني لو انتَ ابوي أشمر روحي من السطح
علي: هسه نشوفك شون راح صير
لاقيس: لك بابا روح بعدك واكف تحجي
علي: بايي
لاقيس: الله وياك
عون: يلا انتَ هم كوم صحصح حتى نروح
لاقيس: ويننن
عون: تأخذ لارا وفايا للسوك اني ما اكدر اطول وياهن عدي شغل
لاقيس: شوكت؟
عون: بعد نص ساعه
لاقيس: ما اكدر
عون: ليششش
لاقيس: صارت مشكله بيني وبين فايا ماريده تشوفني
عون: مشكلة شنو
لاقيس: معليك المهم ما اريدها تشوفني هسه
عون: بما انو فتحنه الموضوع وجبنه طاريها فـ جاوبني وبدون لف ودوران وكون صريح
لاقيس: على شنو
عون: تحبها؟
لاقيس: اي
عون: احلف وروح ابوي
لاقيس: وروح اوبوي أحبها شبيك مو كتلي احجي الصراحه
عون: وانتو متعاركين يعني صاير بينكم شي يعني هيه تعرف انتَ تحبها لو شنو سالفه
لاقيس: لا متعرف مكدر هسه اكللها
عون: ليش
لاقيس: لان بعدني دا أخذ مهدئات
عون: اي بس انتَ دتخفف قبل جنت تاخذ خمس باليوم هسه نص وحده
لاقيس: اي ادري هوا اني هم ملتزم ويا دكتور
عون: رحت دكتور
لاقيس: اي وصاير عدي ضغط هم
عون: عاشت أيدك اله دهورت صحتك يلا
لاقيس: من ورا حياتي الزفت صار عدي ضغط مو من ورا المهدئات
عون: وهسه شنو ؟
لاقيس: شنوو
عون : ليش تعاركتوا
لاقيس: ما اكدر اكلك كوم يلا خلي أسبح واتحضر
عون: ابقى تهرببببب
لاقيس: ما متهرب بس مكدر احجيلك واساساً ميخصك حير بعرسك
...................
فايا: كملت تبديل وحطيت مكياج وظفرت شعري واجتي لارا
لارا: ها كملتلي
فايا: اي
لارا: تمام راح أفوت اسبح
فايا: راح انزل بالحديقه اني طلعت بالحديقه وكعدت بالمرجوحة اهز برجلي مثل الجهال نفتح الباب ورفعت راسي طبو عون ولاقيس واني بس شفت لاقيس رئساً عفست وجهي
عون: ها يولو شو كاعده هنا بارده
فايا: دننتظرك هسه تكمل لارا ونطلع
عون: تمام
فايا: اجيت اكوم وافوت ويا عون لان لاقيس بقى برا وجان يصيح
لاقيس: ابقي دا احجي وياج
فايا: خزرته وعون ظل يباوع علينه ثواني وطب وعافنه اجه لاقيس وكف كبالي
لاقيس: زعلنه مني؟
فايا: ايعععع شهل صلافه الي شايلها انتَ
لاقيس: نعديها لخاطر اعيونك يحلو
فايا: صدك صلافه وفوكاها واكف كبالي بعد كل الي سويته چنت احجي بكل عصبيه وهوا مبتسم ستفزني كلشش
لاقيس: هاي كل الي يعصبون هيج حلوين
فايا: اكرهككككك .. شمرت روحي على المرجوحه وحطيت أيدي على وجهي وصرت ابچي
لاقيس: آسف
فايا: عوفني الله يخلك متتخيل شكد كرهتك
لاقيس: ليش گليبي انتِ
فايا: لان انتَ اكثر بشر جنت اكول هوا حاس بيه ويعرف وضعي كضيت عمري ناس عبالهم اتعاير لو واحد لزمني وفزيت
متخيلت تسوي هيجج وانتَ اكثر واحد تعرف كلش زين بشنو مريت وحجيتلك وشفت بعينك تعيد نفس الشي وتخلين اتعقد اكثر وتسئلني ليش
لاقيس: شنو اسوي وسامحيني
فايا: ما اسامحك جنت واثقه بيك متوقعتك هيج تتماده تذكر من حسن لزمني وانتَ شسويت بي بوكتها اول مرا حسيت عندي سند
ردتك تجي للمقابله لان حاسبتلك حساب وانتَ حظرتك شسويت خليتني ارجعك للصفر خليتني اذكر حارث واشبهك بي حط ايده على حلكي وكال
لاقيس: اشششششش لا تقارنيننن ديربالج تقارنين
فايا: لا أقارن لان نفس شي لاقيس والله يجوز متحس بيه بس جسمي يقشعر من واحد يتلمسني هيج
لاقيس: حاس بيج والله وارجع واكلج آسف مدري شصار بيه وسويت هيج
فايا: عوفني حباب
لاقيس: ما اعوفج شبي صوتج هيج مطبك مريضه؟
فايا: بسببك هلكد ما بچيت البارحه
لاقيس: سوده عليه بيه ولا بيج ان شاء الله
فايا: كومممم لا تبقى يمي وتحجي هيج
لاقيس: نرجع اصدقاء ؟
فايا: ما جنه حتى نرجع
لاقيس: لعد شجنتي حبيبتي يلا بعد احس
فايا: نچب
لاقيس: اذا راح تبقين تغلطين راح تنكتلين صدكيني
فايا: لا والله فوكاهااا
لاقيس: احلى شي بالعلاقات الاحترام لهذا احترمي ماشي گليبي
فايا: مابينه اي علاقه ماشي گليبي
لاقيس: ماشي
فايا: عافني وطلع برا واني بقيت اهز بالمرجوحة ورا شويه اجوي عون ولارا طلعنه لكيته واكف برا يدخن ويروح ويجي لتفت على عون وكال
لاقيس: راح اروح بسيارتي اني من توصل دزلي الموقع
عون: تمام
فايا: وصلنه للسوك نزلنه بقينى ساعه نختار لاقيس طلعت روحه وكال
لاقيس: راح انتظر بسياره من تروح انتَ خابرني ابقى يمهن
عون: يلا ماشي
لارا: جريت فايا ورحنه نختار فستان الها
فايا: اول محل فتت اله شفت فستان أسود طويل ردان وبي فتحه لحد الركبه رئسن أخذته
لارا: شوفي يجوز يعجبج غير شي
فايا: لا هذا حبيته كلش والحفله مختلطه اكدر ألبسه
لارا : اجه عون احسه كله زواج من ورا فرت السوك تقربت منه وهمست.. هااا ضجت نلغي العرس
عون: باع هاييي لو تفريني اليوم كله هم ما ألغي
لارا: ابقى وياي لعد لا تروح للشغل
عون: صارر
لارا: تصل على ولد وكله يأجل الموعد مالتهم واني طرت من الفرح لان اريده يختار وياي
فايا: حتبقى وياها ؟
عون: اي ليش
فايا: تعبت حروح اكعد بسياره واني كملت ما عندي شي
عون: تندلين السياره وين لو اجي وياج
فايا: لا اندلها
لارا: تمام روحي وذا تعبتي كلش خلي لاقيس يرجعج للبيت
فايا: لا ابقى انتضركم هزولي راسهم واني رحت للسياره لكيت لاقيس هم طابك سيارته بصف سيارة عون مستند عليها ويدخن
رحت على سيارت عون بقيت اجر باليده مال الباب متنفتح مقفوله اخر شي لاقيس عدل وكفته فتح السياره مالته وكال
لاقيس: صعدي هنا
فايا: ماريد راح ارجع
لاقيس: اصعدي راح ابقى وأكف برا كعدي وحدج عود
فايا: من كال هيج طمنت وصعدت بقى خمس دقايق يدخن وما احس غير صعد بسياره وقفلها واني عطت بي
انتههههه مو كلت ما راح أصعد
لاقيس: صوتجج خلي نحجي
فايا: لاقيس ليش تكرهني بيك بزايد ماكو شي نحجيييي
لاقيس: نزلت رحت جبتلها الحلويات الي تحبها ورجعت لكيتها سانده راسها على الجامه لتفت باوعت عليهن
فايا: شنو هاي
لاقيس: عربون صلح
فايا: شدراك احبهم
لاقيس: من جنتي مريضه كتيلي
فايا: شكتلك
لاقيس: كتيلي اريد مخدرات حلال
فايا: عزااااا شو ما اذكر
لاقيس: واصدمج بعد لمن كلتي اريد اعض شفتك حلوه
فايا: لاچذبببب مستحيل احجي هيج
لاقيس: لا مو مستحيل وهاي صرنه وحده بوحده بس انتِ ما عضيتي شفتي للأسف
فايا: عزاااا ومستمر يحجي أحلف هيج كتلك من جنت مريضه
لاقيس: وروح ابوي هيج كلتي وردتي جرين وجهي وتبوسيني
فايا: ما اذكرررر والله مستحيل اسوي هيج أني ترا مو بوعي والله جنت اهلوس من الصخونه
لاقيس: ادري بيج
فايا: وانتَ شسويت
لاقيس: بستج
فايا: چذاببببببببب
لاقيس: صوتجج ولج اشاقه عفتج وطلعت
فايا: كول والله
لاقيس: وداعت عيونج
فايا: عوف عيونيييي بحالها
لاقيس: مو بيدي بس أشوفهن انسى روحي
فايا: ستغفرالله ربييييي صبرني ..
بقينى نتناكر بسياره ورا ساعه اجوي عون ولارا راحوا بسيارة عون
اجيت انزل ولاقيس قفل الباب وكال
لاقيس: تبقين وياي
فايا: لاقيس كافي والله تعبتني خلي أنزل
لاقيس : ترا ما اكل بشر
فايا: ادري بيك بس تعرف تبوسسس
لاقيس: اي تجربين مرا ثانيه؟؟
فايا: عاااااااااااا ربييي راح اموتككك سد حلكك
لاقيس: ههههه احبچ من تخزريني
فايا: رجعني للبيت لعبت روحي كرهتني بأم الطلعه
لاقيس: اطلعج غير طلعه وله يهمج نروح للجسر
فايا: شكددد مستفز وديني للبيت كلشي ما اريد
لاقيس: صار
فايا: وصلني للبيت نزلت وركعت الباب ولارا وعون بقو طالعين كالوا راح يتعشون برا رحت الغرفتي وشمرت نفسي على سرير حتى مجربت الفستان
.........
لارا: كملنه عشه ورجعنه للبيت اجيت انزل لزم أيدي وجرها يبوس بيها
عون: رايدج اليوم قبل باچر
لارا: احبككك عوني
عون: عشك صباي
لارا برطمت شفتي على حجايته شكد لطيفه جرني الحضنه وهمس يم اذني
عون: مبقى شي وصيرين ألي
لارا: ايي لعد وخرا خلي انزل خنكتني دفعني بخفت أيده
عون: مو صوججج انتِ وين والرومانسية وين
لارا: شقصدككك اني مو رومانسيه
عون: لا رومانسيه ودليل البوسه مال العصر
لارا: حجه هيج وغمز ضربته على كتفه .. انتَ بستني ترههههه
عون: ههههه اي اي اني انزلي يلا
لارا: قلصت عيوني وباوعتله بحقد حقير يتحارش بيه ويخلني ابوس بي ويكلي انتِ تبوسين
نزل الغراض اخذتهن وفتت للبيت لكيت بابا وفايا بالمطبخ يتعشون
وسام فايا: يا هلااا
لارا: هلا بيكم
فايا: ها شتريتي شي
لارا:شتريت اشياء مو شي
فايا: بالعافيه عُمري
لارا: يلا كملي حتى نصعد اشوفهم الج .. كعدت اسولف وياهم وبابا كام حضني وباركلي وراح اخذ علاجه ونام واني وفايا صعدنه ننكش بالغراض ونجرب
فايا: راح أخذ هاي الحمره تطلع تجنن ويا فستاني
لارا: اخذي الي يعجبج
فايا: صدك عزمتي هواي ناس
لارا: لا بس كرايبنه
فايا: عادي اعزم هبه صديقتي
لارا: ايييي اكيد هوا اني اريد اتعرف عليها اصلاً
فايا: وهاي زينب الغثيثه هم راح تجي
لارا: ما اعرف والله هيه كرايب عون هوا يعزمهم مو اني
فايا: اذا اجتي تصير من روس اني وياها
لارا: ههههههههههههههه
........
علي: اول ما وصلت للبيت لكيته بغرفتي نايم وصوته يبچي فتحت الباب ورحت يم راسه بس حطيت ايدي عليه دفعني
كرار: وخر عنيي
علي: اسف يروحي انتَ
كرار: عفتني وانتَ تدري اخاف من الظلمة
علي: ادري والله ادري بس صار عدي شغل
كرار: چذابببب
علي: اكو واحد يكول الـ بابا چذاب؟
كرار: ما أحبك
علي: اني اتنفسك
كرار: ليش تعوفني وحدي لعد والبارحه وعدتني تجي للروضه
اشوف درجات ورسم مالتي وما اجيت
علي: شنو اسوي وتسامحني
كرار: تشتريلي السياره الي اريدها ومتعوفني ابد
علي: ههههههه صار باچر السياره يمك
كرار: وبسس هاي هيه
علي: اريد اكلك على شي
كرار: شنوووو
علي: راح نرجع يم بيت بيبي
كرار: بس .....
بارت سريع لا تكلولي قصير بربكم لان مريضه وعدي دوام وكوه كملته والله😞💔💔
لا تنسون التصويت⭐️
احبكم هواي غيماتي وشكراً ع كل كلامكم الطيف وتشجيع وتفاعل وكلشيييي 🦋💕💕