العراق
للكاتبه فاطمة العساف
................................
احتويني روحِي تتعَب لو عِفتني🤍
...............................................
ناي :اول كلمه كالها الي امير من شفته
هذا العربي تبتعدين عنه وممنوع تلتقين بي مره
ثانيه
ناي: حاولت اغير الموضوع
كتله السباق جان يخوف
امير :اي انتِ تشوفي هيج لانو انتِ مشجعه
بس احنه متسابقين نشوفه حماس اكثر
واصلا الموضوع طبيعي اذا سياره انكلبت او مات متسابق لانو متعودين على موضوع
ناي :يمه لو ينطوني ملاين ما اشارك بهيج سباق
شنو مرايده روحي
امير :هههه عمري هاي تعمد على رغبه
يعني انتِ ماعندج رغبه بهيج سباقات تشوفيها خطره
اما اني اشوفها حلوه لان الي رغبه بيها
وبعدين الي مو كد السباق ما مجبور يشارك
ناي :دائما كلامي اني وامير بشكل هادء عكس كلامي اني وامي الي دائما ينتهي بعركه ورزاله
وصلني امير لبيت وراح لشغل مالته
اني هم غيرت ملابسي
وبديت ادرس وراها هيج لعصر
كعدت بصاله احجي ويا بنات بالكروب الشعبه
شويه
وامي اجتي كعدت يمي وشغلت التلفزيون بقت تكلب بالقنوات لحد مطلع كدامها فلم امريكي
اني هم طفيت جهازي و بديت اشوف وياها الفلم بدايه الفلم مجانت مفهومه الي كلش هوايه
جانت تحجي عن حرب أمريكا ضد العراق
سئلت نفسي؟
ليش هي أمريكا شوكت صار بينها حرب هي والعراق.....
سئلت امي بس مثل العاده دائما متنطيني جواب عن اي سؤال يخص العراق
وجان جوابها طفي التلفزيون
و كومي سوي شي يفيدج احسن من هاي تفاهات
بس الاسئله الي تخص العراق مو تفاهات
ام ناي : طلعي موضوع العراق من بالج
ولا تفكرين بي مجرد تفكير حتى سؤال عن العراق لا تسئلين
ناي :اي ليش بس فهميني ليش
انطيني سبب واحد مقنع وراها راح امسح العراق من بالي بشكل نهائي
ام ناي:بدون اي سبب ما تقربين من اي شي يخص العراق
ناي : دائما يبقى الممنوع مرغوب
اكثر الأخطاء هي من الأهل يمنعون ابنهم او بنتهم من شي بدون ما يوضحون الهم الاسباب
او بدون ميكولون الهم شنو سبب
لانو بنهايه راح تصير نتائج عكسيه تأذي الطرفين
اخذت جهازي ونزلت كعدت على درج مال العماره اسمع اغاني واكلب بحساب خالتي مال الفيس
شفت وحده من المنشورات تبارك لبنتها على نجاح مااعرف تخرج
ما ركزت كلش بموضوع
بس جان اسم بنتها ترف
بس صراحه حلو اسمها ترف
دخلت على حسابها وهم بقيت اكلب بي قررت اراسلها بس شنو اكلها
كتبت هلو
بعدين حذفتها كلت هسه تكول هاي شبسرعه اخذت ميانه
رجعت كتبت سلام عليكم
وهم حذفتها اكيد راح تكول عندي متدينه زياده عن لزوم
زين شنو اكولها او شنو ادز الها
خلي اترك الموضوع هسه وبليل قبل لا انام افكر بموضوع
مر نص ساعة او اكثر
واجتني رساله من اسلام
بيها جاي يسئلني شنو جاي اسوي جاوبته ولا شي كاعده
وانت شنو جاي تسوي؟
دزلي صوره مجموعه مال كتب وملازم واوراق
على طاوله ويمهن كوب كهوه
مبين جاي يدرس
ركزت بصوره زين
عرفت انو هو حاليا كاعد بكوفي الي قريب من شقه مالتنه
فأني نزلت ركض لكوفي
وصدك من وصلت شفته كاعده ومخلي كتبه وملازمه على طاوله وجاي يدرس
سحبت كرسي وكعدت بنفس الطاوله ويا
وكتله اشلونها دراسه وياك
اسلام :لو باقي بالعراق ومشتري طليان اثنين وبقره واربي بيهن احسن من هذا التعب الي اني بي
ناي :ههههههه تعرف انو مهنه الرعي بألمانيا
تحتاج 3سنوات تدريب
او يسموها دوره مهنيه
اسلام :يعني هسه هش وهرر وتع تع تع
تحتاج 3سنوات؟
ناي :ههههههه لا بس بيها يتم دراسه انواع الاطعام المناسبه للحيوان
وانواع الامراض الي يمكن انو ينصاب بيها الحيوان وطريقه التعامل ويا الحيوانات
وانواع الادويه المناسبه الها
اسلام : اي بلا والدكتور البيطري شنو شغله
يصبغ اظافر الحيوانات مو
ناي: الدكتور البيطري يحدد العلاج للحيوانات
او يفحصهن بس مو يشربهن علاج بيده يوميه
المهم غير الموضوع اكولك
اسلام :كولي
ناي :شنو تعرف عن حرب العراق وامريكا
اسلام :قصدج غزو العراق
ناي :اي يمكن
اسلام :والله يا سنيوريتا هذا موضوع طويل كلش واني باجر عندي امتحان انتظريلي نص ساعه واشرحلج الموضوع واجاوبج على كل اسئلتج
ناي: تمام مسيو
رجعت اكلب بجهازي دزتلي بنيه نكته ضحكت بصوت عالي
اسلام :يل دلاله مو قت ضحكتج جاي أدرس
ناي : لا بالله
الله عليك تعال سويلي جدول
شوكت اضحك
اسلام :اشلون تريدني ادفرها
ناي : اوي ترا كلش خفت ديلا يا نيوتن كمل امتحانك واشرحلي حرب العراق وامريكا
اول مرة اركز بملامح وجه اسلام
جانت ملامحه عربيه قح من سمار بشرته وسواد عيونه ونعومه شعره واسواد لون شعره
حتى نبره صوته
وطريقه لبسه وهدوء الي هو بي
جان كلش تعجبني من يكلي يا سنيوريتا
قاطع تفكيري وهو يكلي
اسلام :اطلعي من صفنتج خلي احجي وياج
عن الحرب
ناي :اي يلا احجي اسمعك
اسلام :معركه العراق وامريكا او الاسم الي معروف اكثر غزو العراق
واكو ناس تسميها معركه الحواسم
هاي المعركه صارت ب2003 حلو
ناي :حلو
اسلام :هاي معركه استمرت اقل من شهر بألتحديد سته وعشرين يوم
ناي :اها حلو كمل
اسلام :تعاونت مجموعه دول ضد العراق
حتى تسقط حكم صدام حسين المجيد
لعنه الله عليه بكل ما تحتوي هاي الكلمه من معنا
من هاي الدوال أمريكا و وبريطانيا (المملكة المتحدة)
و أستراليا و بولندا وهم ساندهم جيش البيشمركه وحزب الديمقراطي الكردستاني
ناي :زين منو دعمهم
اسلام : إيطاليا وهولندا
ناي :منو جانت القاده او بقياده منو
اسلام : بألجيش العراقي قصدج او القوه الي ضد العراق
ناي : بالجيش العراقي
اسلام : صدام حسين و قصي صدام حسين وعدي صدام حسين
ناي :ومن قوات الي ضد العراق
اسلام :جورج بوش من امريكا و جلال الطالباني من كردستان
و مسعود البارزاني هم من كردستان
ناي :واشلون انتهت الحرب؟!
اسلام :سحبت نفس قوي وكلت الها
انتصار التحالف بقيادة الولايات المتحدة الأمريكية
وعزل حكومه البعث العراقيه يعني حكومه صدام حسين
واحتلال العراق حتى٢٠١١
وتشكيل حكومه عراقيه جديده
وهم اسر صدام حسين ٢٠٠٣
وانعدم ٣٠٠٦
ناي :يعني صدام حسين ما انعدم ٢٠٠٣
اسلام :لا انعدم ٢٠٠٦
بس وكع اسير ٢٠٠٣
وهسه بعد عندج سؤال
ناي :ليش تحالفت الدول حتى تسقيط نظام صدام حسين
باوعت على اسلام
سحب باكيت جكاير مالته وشغل جكاره
وخله رجل على رجل وكال
اسلام :اليوم حابه تفتحين مواضيع الها بدايه مالها نهايه
ناي :ههههه يلا تحملني
اسلام : وصل صدام حسين لراس السلطه بحكومه العراقيه بحزب البعث
وصار رئيس الجمهورية العراقيه
جان حكم صدام حسين دكتاتوري
نظام ظالم وقاسي
جان صدام يقتل كل شخص يحجي عليه
غير المقابر الجماعيه
وغير التعذيب
صدام حسين قصف مدينه حلبجه بالكيماوي
وقتلهم
شارك بحرب ضد ايران ودمر العراق
قتل الاف من العراقين ورمل مئات من نساء
ضحه بأرواح العراقين بدم بارد
غير حرب العراق ضد الكويت
صدام قصف قبه الامام الحسين
ونفس الوقت جان يقتل كل شخص يزور الامام الحسين او يزور اي امام
ناي : معقوله كل هذا
اسلام :وأكثر من هذا ما دخلت الج بالتفاصيل
حجيت الج مجرد اشياء بسيطه
ناي :اجت بالي فكره معقوله اهلي طلعو من العراق بسبب حكم صدام؟
اسلام : اكولج اني اذا ابقى شويه بعد تدخليني بحرب العالمية الثانية لو الاولى
اروح لشقة احسن لانو باجر عندي دوام وامتحان
يلا سنيوريتا أروح هسه و باجر نشاوف
ناي :تركني اسلام وراح واني بقيت افكر
ليش اهلي طلعو من العراق
شنو سبب الي خلاهم يطلعون
نهيت هذا تفكيري واني اراسل ترف بكلمه Hi
العراق: للكاتبه فاطمة العساف