مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
البارت الاخير ♥️
بنات حبيباتي عذرا للانقطاع بس صابتني ضروف كلش جبيره واتمنه منكم دعوات جميله مثلكم والله يكومني بلسلامه 💙🦋
................
نوارس
مااتحمل معاملة اكرم اليه احس جاي اموت روحي تحرگني
الايام تمر عليه متزوهره
شكد حاولت احاجيه يصدني ويكلي انا كتلج من البدايه ليش كذبتي وضميتي
وره شهر ضليت اتخربط واوگع فجئه وانا واكفه
وبقيت اصخن
مره رجع من الدوام وانا جنت نايمه وارجف مصخنه
حسيت علئ انفاسه تلفح بوجهي وأيده علئ گصتي
فتحت عيوني
اكرم: شبيج ليش هيج مصخنه
سكتت ماحجيت واباوعله بعتب
اكرم: كومي كومي
اخذني للحمام غسلي ورجع نطاني حبوب وضل يدور بلاادويه البلاثلاجه يدور حته ينطيني بعد
ضلت تنزل دموعي حاره وانا مدنكه
اجه كعد يمي
اكرم: هاج اشربي ذن
شربتهن وانا مدنكه وابجي
رفع رأسي بيده وانا شفت وجها وضليت اشهك
حضني حيل عصرني بحضنه وانا ضليت ابجي حيل
اكرم: كافي يروحي كافي
تعاتبنه شكد وتأسفت منه وهوه هم تأسف وكالي فراگج جمر يجوي بگلبي
كم يوم ماصرت زينه اخذني لدكتور وطلعت حامل وهاي فلاونزه جلبت ويا الحمل
جان طاير من الفرحه وانا هم الحمدلله والشكر ربي عوضني عشنه انا واكرم اجمل ايامنه
نسيت الماضي ونسيت كلشي عشت لااجل زوجي
وبناتي الاثنين الي نورن دنيتي جبت زنوبه وراها بسنتين صارت عدنه فطومه
ايه وليث صار عدهم ولد وبعد راجعت هواي بس مصار عدها والحمدلله اكتفو بحسوني
ازهر تزوج وغيث بعده يدرس
ضرغام وره سنتين طلع بيه مرض الايدز وسفروه اهله للخارج خطيه باعو بيوتهم. وسيارتهم وتركو اشغالهم
وضلو يفترون بيه من دوله لدوله حته يتعالج
وشهد جانت متخبله من سمعت بيه ومرت بحاله نفسيه وجانت هم خايفه بس مابيها شي لاهيه ولارنده ولانور لانو بتعدن منه كلش وهوه وره سنتين يله طلع بيه
وتزوجت ولد وياها بلجامعه وصار عدها ولد
روان بلجامعه رنده بطلت ولزموها اهلها تخابر كم مره ويموتونها كتل لحد ماجزعتهم واخذت التريده
تالي عرست شهر ورجعت لهلها تطلگت وهيه حامل ضلت عايشه عد اهلها هيه وبتها ورجلها مايريدها
....................
ورده
سلام: اكثر من مره تسوينها وياي واصدكج وتطلعين اجذبين كلشي مابيج
ورده: لا اليوم صدك ممجذبه عليك
احس الخجل دخل جسمي وجهي بشط مال تعرق منه
سكت مرد عليه وكعد يحضن بيه وي..... بشفتي
وأيده دخله بصدري وكام يعصر بيه
جسمي كله تكهرب
همست :سلام عوفني كاعده اكلك م......
ماخلاني كملت ونتقم من شفتي بقسوه
اكتفه وحده يله هدني
دفعته
ورده: كافي يله تره بعدني محمله عليك وكلبي لهسه
موجر منك
ريح نفسه بدون مايتقربلي بس ضوجني خلاني ابجي كمل ووخر مني
رجعت من الحمام وانا ابجي
كل جسمي طكته القشعريره ماجنت متقبله يتقرب علي وانا بهذا الوضع ضجت كلش
ذبيت روحي ونمت وانا ابجي هوه اجه عليه وحضني
سلام: كافي لا تبجين لو مالسانج انا والله مواصلج
وجنت منعمي عليه وصعد ال...... لراسي
ورده هناك تعب وضغط نفسي وتدريب صاعق تخيلي ننام
ويدخل المدرب علينه للقاعه ويكوم يرمي عشوائي
يعني يسمونها الانذار اليلي
يختبرون قدرة العسكري بل استعداد للتعرض المفاجئ
ومن غير القفز الجوي ولقناص والضرب العصا واكل الحيونات النيه ول..... ول.... ول.....
نفسيتي تعبت وجسمي فاق قوه تحمل
يعني كلت من انزل الكيج ناسيه وهاديه ومحضرتلي وسيله الراحه الي تنسيني تعبي
صدكيني انا بكلمه حلوه منج انسى التعب كله
مو من اول ساعه وانتي كل حجيج وياي نتر بنتر
والله لوجان بكلمه حلوه وطيبه شعره ماطخ منج
هاي تكيفني المهم انتي راضيه عليه
بس انتي خليتني اعصب من اسلوبج وياي
بقه يتوسل بيه وانا قافله
وكل شويه وكتله خاين ماريدك اكرهك وماحبك
خطيه سكت عني محجه
لان يدري بنفسه مذنب
وبعدين حجيتله انو انا كتلت هجران
سلام: طبها مرض واذا ضربتيها شعليه بيها
مرن يومين وهوه بس نايم
مابقه هواي عدهم انذارات
التحق وهوه ميت تعب وضهره ميكدر ينام عليه
من التحق تندمت واشتغلت الحنيه عندي وكلت راح اخليه ميباوع بوجهي بهاذا تصرفي
راحت ايام واجت ايام وهوه بل موصل وبحلك الموت
وانا اليل ماانامه عليه من الخوف
ومن منطقتنا ثنين استشهدو
ومن غير النسمع بيهموانا كلبي مثل نيران عليه
اخاف يصير عليه شي
داخله بازمه تناقض تجاهه
مرات يخابر ويطلب يحجي وياي وانا مادري شلون جنت أحقر عليه اطيح وسد تلفون بوجها
كل مااكول انسى وكافي اجاني واعتذر مني بس مااكدر
احس كلبي بعده مجروح منه ومطاب ولخيانه لهسه تنعاد بذاكرتي
قربه يمي يخليني اصير أقسى من الحجر وتصرف وياه عكس ميريد
وبعده يخليني اندم على تصرفاتي واشتاقله
احس نفسي داخل حفره ضلمه وماعرف اطلع منها
حازم يحاول مراراً انو يتصل عليه بس انا حته الشريحه كسرتها
مااريد اتواصل وي اهلي ولا اعرف شي عنهم
أريد احافظ على بيتي وزوجي
وماريد مشاكل ابوي وسلام تنعاد لان ابوي لهاي الحضه ومناسي فعلت سلام وتوعدله بل قتل
اليوم قبل باجر
حازم مره اجه لبغداد ومر عليه والبنات جانن موجودات
وسلم عليهن وهنه هم
ومن راحن البنات بقه يسأل عن رواء وكال الله يستر عليه كلش حلوه
اذا تقبل بيه من الصبح اخطبه
ورده: حازم البنيه ممفكره بل زواج
وبعدين لا ابوك ولا اهلها يوافقون وانته تعرف الخلاف
حازم: هم صدك وانا مااطلع عن شور ابوي
كون هذا لتفر يطكج شلونها عيشتج وياه
رديت عليه بتعصب
ورده: لا مدللني ويدور رضاي وحياتي الله ساتره وياه
حازم: والله لو ذاك اليوم طاكه جيله ومخلصج منه مو احسن ههههههه
حيل وجعني كلبي من كلام حازم رديت بكلبي اسم الله عليك يروحي
رديت بعصبيه وثارت على حازم
ورده: سلام شمسوي وهيج تتوعدوله بشر شجاك عليه
حازم بستهزاء: شمسوي جااا ياهو الي يريد يكتل ابوج وهاجم على بيتنا
ورده: بس ابوك الغلطان جاي يفشر عليه حجي لا يم الله ولا عباده وتريد سلام يسكت
حازم: غصبن عليه عمه ويحجي عليه ويكسر راسه
رديت بملل: ترى هوه ابوه ميتحمل حجايه منه مو ابوي الي.ماعنده منطق بل كلام
حازم: شنهي ولج يعني ابوي ميعرف يحجي
ورده: ايي والف اييي وانته بنفسك هم ماراضي عليه
نتهض بغضب
حازم: ورددددده اضن عيشتج وي سلام
غيرتج على اهلج وخلتج متعرفين شتحجين
ادري بيه هذا هوه يعلم بيج ويدرسج
مثل سوالفه ويترس براسج ضدنه وضد ابوي
ورده ببرود: ابوك انته مو ابوي انا
لزم معصم ايدي
حازم وهوه حاد على سنونه: شنوو و ولج
عيدي شحجيتي
اكيد طايح الحظ هوه الي كاعد ينطيج دروس ضد ابوج
ورده: ابوك طردني من البيت وتهمني بشغلات بشعه وتوجع الگلب وتدمي الروح
اتمنى افقد ذاكرتي وانسى ابوك شحجه وياي
تفاجه حازم وبقه يبرر لأبوي ويكول ساعه عصبيه وميدري بروحه شيحجي
شكد كرهت حازم الي كاعد يبرر لأبوي ويكول ساعه عصبيه
رد وهوه يغلط على سلام ومخله سالفه مطايح حظها محجاها عليه
رديت برود عليه
ورده: أولاً هذا ابن عمكم وثانيا نسيبكم
وثلاثاا والاهم طبعاً
محد جبركم تزوجوني اله تذكر من شكيت كصتي على مود شنو كلت مازوج سلام لو يضل اخر واحد بل دنيا
سويته عليه ملاك نازل من السما
وطلعتو ورده خارجه عن دين الله وخليتو صارت بيه حاله نفسيه. من شي اسمه زواج
انته وابوك وامك
محد طكم على اديكم وكلكم زوجوني اله
هسه طلع سلام كواد وسريري وهتلي وهيج وهيج وهيج
وكل شغله طايح حظها لازم سلام مسويها
ادري شنو من بشر انتم
حازم عليه بعصبيه مصحوبه باحراج :جنت اكول خوش ولد بس بعد هذا حجيج وشلون مغيرج علينه اكلج نغشينا وداعتج بهذا الكل....
لو اعرف بيه هيج مازوجج اله لو يبقى اخر واحد بل دنيا
اكوو واحد يسوي سوايته يهجم عليه بيت عمه ويريد يكتله
هاذا واحد تفر وماعنده ذرة تربيه
ورده: اهووو حازم
ترى انتم تتعطشون الدم سلام وسلام يتعطش الدمكم
الزمولكم اسلحه وتكابلو وتعاكرو براحتكم
انا طلعوني بره الموضوع كافي مليت منكم
حازم: شنوو سلام هم يجيب طارينا كدامج بشي يحجي وهوه معصب
ورده بعدم اهتمام: مرات مو دوم وهم يتوعد الابوي مثل ماانته وابوك تتوعدوله
حازم: ميخوف جلبي وضل يصيح
ورده: حازم ترى انته ابيتهم وتتهجم عليهم بل حجي ليروح احد يسمع. وتصير مشكله
رد بعصبيه: يله سكتنه
بقه شويه يمي وكال تعاي وياي وانا اجيبج بيدي
ورده: ماروح شعدي رايحه
انا سلام اهلي وماعوفه لحضه وحده
حازم: ها يورده بعتينا على مود هذا
ورده باابتسامه: ابو باسم ذيب وزينة الزلم وان شاء الله
مااندم على حبي اله بيوم من الايام
حازم: هههه وين العباس يجي مزوج عليج وحده من الموصل
ويخليج تلطمين على راسج وعود تعاي ازعلي يمي
ورده: لو يزوج عشره ماعوفه
بس كافيني شرك وشر ابوك وانا اعيش بخير
حازم: والله عايفه على مودج لان فزعته على ابوي
عليها كص ركاب
ورده: سلام رجال حوك وماقبل احد يجيب طاريه بشينه
حتلو جان عمه طلع حازم ضايج ومعاجبه كلامي
أفكاري مضطربه بين اهلي وبين سلام
والمخوفني ابوي اخاف يجي يوم ويغدر بسلام
لان فهمت من حديث حازم بعده مناسي وخصوصاً
ابو ناصر ٢٤ ساعه وياه
رفعت راسي ودعيت ربي يحلها من يمه
مرت ايام. والضهرسلام وكال بالطريق نازل
ماعرف افرح بنزوله لو أحزن راح نرجع للمشاكل
وصل للبيت ساعه بل ٧بليل
عيوني تراقب ضهوره وطوله
سلم على أهله وانا وياه تلبكنا بلسلام على بعض
بسرعه اختفيت عن انضاره لان التهه يبوس بجهاله
جان وجها كلش حزين وماله خلك حته كلامه بهدوء
وعدت جروح بوجها
صعد فوك سبح حته متعشه كال ماريد
صعدت وراه شفته كاعد يعقم بجرح بركبته
بقيت بس واكفه واباوع عليه
سلام: تعاي لفي شاش عليها
ورده: متلفها انت
سلام. :تعبان ورده
ورده بخبث :ومنين تعبان جاي من حرب إيران
جحض عيونه وحجه بهدوء: تعاي يمي
ورده: الي يريدني هوه يجيني
صاح بصوت هز جدران الغرفه
سلام: كتللللج تعاي يعني تعاي
تقربت يمه
سلام: شكلتي توج قبل شويه
ورده: شكلت ماتذكر
سلام: شنو فقدتي الذاكره
ورده: اي
سلام: وتكذبين
ورده: انا مو كذابه مثلك
تركني وكعد يشم بركبتي
لان انا جنت اغور بيه ولابسه دشداشه دانتيل ودلعه من صدر. ورديه مرسوم بيف فراوله
ومخليه مكياج خفيف
ومخليه العطر كله يم رگبتي
بلع ريكه وكام ييتشق عبير عطري ويهمس افيش يبعد روحي
دفعته بخبث
ورده: عوفك مني سلام
اذا هيج تحبني ليش خنتني وي وحده متسوه
دفعني بعصبيه
سلام: احترك ابيج على هل كل.......
ولج كتلج غلطت وبتفله ماشتريها
مجرد نزوه والاف مره عتذرت ومفاد بيج متكليلي شسوي حته ترضين
بس الحق عليه انا الي كاعد اتوددلج وأريد بس اريضج
خله وطلع
كعدت ابجي. ماعرف الحق وي منووور
بس انا مااكدر اتقبله وشوفه مثل الأول
نومت جهالي
وطلعت اشوفه لان تأخر
شفته كاعد بل صاله ويدخن ويباوع على فلم
رجعت للغرفه
طفيت الضوه وتمددت بفراشي
شويه وحسيت بيه دخل اجه كعد يبوس بيه
سلام :ورده نمتي شنوو
ورده: اي شتريد
سلام: ليش هيج تصرفين وياي
ورده: شمسويه
سلام: ليش متحجين وياي ليش دايره وجهج عني واحسج ماطيقين حته تباوعين بوجهي
ليش هلكد كمتي تكرهيني
ولج والله تصرفاتج المط.... ميحملها ولخاطرج ساكت
واكول باجر تكبر وتعقل وتفهم
وأنتي تزودين متنقصين
ولج اكوو وحده رجلها جاي من حلك الموت وتكله شكوو تعبان
جاي من حرب إيران
حجايتج هاي ثكيله نزلت على كلبي ولج اجيت ابتلي بيج والقران
بس ماعرف شلون صبرت روحي وردتي احجي وياي كافي ولج حته كرامه مابقت عندي
وانا جاي اتوسل بيج
بجيت بهضم
ورده: ليش خنتني وياه جااا انته موتكول احبج
واليحب ميخون
خله أصبعه على حلكي
سلام: بداعت امج لاتعيدين هاي السالفه على لسانج
باس جتفي وكمل كافي زعل لا صيرين مدري شلونج
اعتذر منج سيدتي الغاليه
اسف ورده اسف يكلبي
أحبج والله ومتحمل تبقين زعلانه عليه
ورده: ليش تغيرت عليه لمن جنت عد أهلي
سلام: غضبي من ابوج طالج اشرار منه جنت كلما اشوفج اشوف ابوج واحقد عليج
أريد بس ابرد كلبي بيج
وللأسف جنت مصدك كلام ابوج انو انتي شاكيه هناك يمهم عليه
ورده: زين وهاي نعاله
باس عيوني وبينهن
سلام: تروحلج فدوه وعيونج نزوه وسخه
تروحلج فدوه انتي وين وهيه وين
انتي طير أبيض وبريئ ما انسى من تزوجتج وجنتي متعرفين شي عن الزواج
ولج والله من أذكر برائتج
حبج يكوم يغرد بكلبي وحق العباس ابو فاضل
ورده: شالك ودكك كوون اصبغ بيه اصبغ
سلام: وررررده انتبهي اكوو وحده تكول لزوجها هيج
هم راح اعديها الج بس كون ترضين
بقيت ساكته محجيت
سحب اديه يبوس بيهن
سلام: ميت وبس انتي لي تحيني
ولج انتي روحي وعايش بيج نزلت دموعه علئ اديه وهوه مدنك
احتقرت نفسي شلون سلام بهيبته يطلب الرضا مني
طوقت أديه على ركبته وكمت ابجي همست
: اسفه يروحي ولك والله احبك
ومعندي غيرك بلدنيا كلها
سلام فتحت عيني بس عليك لا تخذلني بيوم من الايام
سلام: وداعت عيوني بكلبي اخليج
ولج انتي ماخلوج بكاروك من بطن امج لكلبي
ورده باابتسامه: احبك سلام
سلام: من شوكت
ورده: من زمان
سلام: انا من اول ليله شفتج بيها حبيتج
كعد يبوس بشفتي ورگبتي بادلته بحب حضني
سلام: شالعه كلبي واحبج شحاط الله بيج وهل كد حبيتج
ورده: انا صح اغثك وحقر وياك بس فني أكدر أكرهك
كلبي من جوه ينبض بحبك ويريدك
أحبك يااروع شخص زرع الحب بكلبي. مجنت اتصور يجي يوم
وهيج احبك وعشقك. وحقي من اغار عليك
أسوي فلك ودهر اذا شفت وحده تحجي وياك ولا تلومني
خلي روحك بمكاني هسه
سلام: حته اذبحج على قبلة علي. وامحيج من الوجود
ابتسم خفيف يم اذني : تغارين ورده
ورده: مو بس اغار لا اشتعل ناااار
باس اذني
سلام: اروحلج فدوه
حتضنته ونمت على صدره
سلام: شفتج وصدرج وعضام رگبتج يرادلهن حيل
وانا اليله حيلي رجيج
ورده بابتسامه: سوده عليه حبيبي شبيك
سلام: وعيونج النوم مشايفه شلون صاير هناك
بسته من عيونه
ورذه: لعد نام ورتاح
مد ايده وكام يعث فساد على خصري رغبةً بمملكتي
همست
ورده: سلام غير تعبان خلي ننام
سلام: يله خلينا ننام
ماريد كلشي المهم عندي انتي راضيه
وخاف هم تكولين سلام انته جاي على مود مصلحتك
يحجي وينعم بصوته عود يقلد عليه
مديت ايده وكرصته ابطنه
ورده: ليش تقلد عليه
همس يم اذني :نزلي جوه بعد شويه
ورده: سلاممممم
سلام: لا تونين هيج
ورده: ليش عود
سلام: بقيها لباجر لان يرادلها حيل هاي
باسني بكصتي : خلينه ننام
لان تعبان حضنته ونمنه
ثاني يوم وكت اذان الفجر كعدت صليت وكعدته
ورده: سلام سلام اكعد صلي
سلام: ورده عوفيني نايم تعبان اريد انام عود بعدين اصلي
ورده: سلام ليش شيطانك قوي دكوم استغفر واكعد صلي
جان نايم نوم عميق ولا جني احجي وياه
عفته وأخذت المسبحه وبقيت اسبح وأقرأ قران لان صادف يوم جمعه
مارجعت نمت
صارت ساعه بل ٦ورحت للحمام سبحت نضفت جسمي ورتبت نفسي
طلعت من الحمام وتسللت بختله اخاف سلام يفز مشطت شعري
بعدين اخذت كل ملابسه حته اغسلهن دورت البناطير اخاف بيهم شي
مديت ايدي بل جيب لكيت كلنس مستعمل واكو ورقه هم مطبكه فتحته ونصدمت
لكيت كاتب بيه رساله
أسمه الكامل ومن وين
وتارك رساله خاف يستشهد
اولها يخص بيها اهله امه وابوه وأخواته
وباخرها يخصني كاتب إلى
أم محمد زوجتي الغاليه
انا اعتذر بيوم نزلت دمعج واتمنى تسامحيني واذكريني بطيب
مدامج عايشه وجهالي امانه بركبتج
سامحيني احبج
ومخلي حرف اسمه وحرف اسمي ومخلي يمهن قلب ورده
وكاتب تاريخ اليوم
احس كلبي تكسر مثل الزجاج وانا اقرأ الرساله
َمثل البرق الحاد ضرب عيوني وانا اشوف سلام شكاتب
احس أشباح الموت تفتر بل ورقه
وريحة الموت تفوح من الرساله
شابكت اصابعي على رساله ولميته بيدي
سرت حرراه بجسمي ورساله سلام رعبتني
هرولت للغرفه
وانا اعاني من نوبات هلع مستمره
شفايفي ترتعش من رعب
رجليه احسها نشلت وماكدر اوصل للغرفه
قتادني حبي وخوفي بصعوبه لسلام
حضنته وهوه نايم واتمنى ادخله بكلبي
ومخليه يطلع ادموعي تتسابق على خدودي
وشهكاتي نحبست بصدري
فزز من نومته مفزوع
سلام: ورده شبيج ليش تبجين
مد ايديه بحنيه ويمسح بدموعي
ويبوس بيه عشوائي
ورده: سلام لا تعوفني
سلام بتفاجئ: اعوفج شبيج ام حمودي شايفه حلم شنوو
هزيت راسي بلا ودموعي تجري
ورده: اموت لوعفتني اخذني وياك سلام
انته امي وانته ابوي وانته حبيبي وزوجي ودنياي كلها والله
حضني حيل
سلام: والله ماعوفج شبيج ورده
احجي عيوني انتي ليش تبجين
ورده: لكيت ورقه بجيبك
وكلبي يوجعني منها سلام ليش هيج تكتب
سلام :ورده الموت حق وكل احنا نموت
خليت ايدي علئ شفته
ورده: يومي كبل يومك وعمري على عمرك
سلام اريد اضمك بنص كلبي وماخلي الهواء يلمسك
اضيع بدونك انته اهلي ودنياي
انته دمعتي وانته ضحكتي انته سعادتي وانته تعاستي
انته عدوي وانته حبيبي
انته صديقي الغدار وصديقي الوافي
انته مررار حياتي وانته حلاوتها
بقه مفتح عيونه عليه وملامحه اكتسحتها الصدمه
وحجه بصوت أقرب للهمس
سلام: ورده هيج تحبيني وانا ماادري وأيده تتجول على خدي بقه مركز عليه وينتضر جوابي
بتسمت بدموع
ورده: اذا أشرقت الشمس من مغاربها وغابت من مشرقها
وستعادت الضلمه نورها
ساعتها كلبي يكرهك دعائي ليلة زفافي وانا حامله هل كره الك. دعيت يتبدل بحب ورب العالمين عوضه بحب يفوق تصوراتي
عيونه تلمع تحجي الف قصه بس ميكدر يبوح بشي
حضني على صدره
سلام: عاجز عن الرد على كلامج
كل الي اكوله ماانحسب على زلم اذا بيوم خذلتج وخليت يمسج ضيم
انتي الوحيده من بين كل المرن بحياتي
أطهر وارق وابرأ وأجمل أنسانه يحقلها تتملك كلبي
حبيتج من اول نضره لمن مقبلتي نبقه سوه
وبتسم وهمس يم اذني اشوو هسه لازكه بيه لزك
ضحكت وانا ابجي
ورده: سلاممممم لاتذكرني بذيج الأيام خليه تولي الله لايردها
سلام: ههههه بس انا كلشي ماشفت بعرسي
أريد اعرس من جديد اريد اعيد امجادي هواي شغلات ماسويتها بليلة عرسي وعود انا الولد مخطط اسويهن
تاليها ورده خانم مطفيه من الاخر وخلتني اكفر بهبل بتسم وعض شحمت اذني
ورده: جااا تريدني مثلك وكيحه
سلام: اخخ ولج توكحي وتوكحي انا اريدج وكحيه وكاحه تليق بجرئة إشتياقي الج
اليله ارتكب بيج جريمه راح تكون كفارتها اهاتج الي تترس أرجاء الغرفه
خدودي شتعلت ناااار
ورده: سلامممم
كررش بخشمه عليه
سلام: اروح فدوه للخجلان يله كومي حضريلي الحمام
خلي اسبح
سبح وطلع اجه
سلام: ورده حضري نفسكم خلنطلع
ورده: وين نطلع
سلام: نروح مطعم مول الي يعجبج
ورده :والجهال
سلام: ويانه غير
ورده: يمااي حته طيبه تفضحنه
سلام: لعد ماكو طلعه اذا مناخذ جهال ويانه خطيه
ورده: لا أخذهم أمري الله
رواء ومريم بدلن لجهال
وانا بدلت وسلام فوك راسي وكل شويه ذبله كلمه
يخليني اموت خجل منه
ورده: سلام اخلي شويه مكياج
سلام وهوه مدنك يلبس بحزام البنطرون :لاا
ورده: بس شويه
سلام: ولا قطره شنو بويه رايحين لحفله عيب بابا هل سوالف انا ماحب
المره التارسه وجها اخضر واحمر وطالعه قرقوز
ورده: فدوه سلوم حبيبي
سلام بابتسامه: لا ورده انا اشوفج هيج حلوه
لا تخلين شي على وجهج وتضيع برائة وجهج
خليت ورجعت الحمره وانا معصبه
كملنا وطلعنه
رحنا للمول فترينا واشترينه ملابس لجهال
وسلام اخذني لمحل مال ملابس نوم تجنن بس مخزيه
يعني تفضح متستر كله مشلح
سلام: تعاي اخذي كم قطعه يطلع يجنن عليج وغمزلي
شكد خجلت وجهي تشكلت بيه كتله مال نار من الخجل
ورده: سلام عندي ترى ملابستهن امشي نروح عيب
سلام: ولج امشي عايفتني بطرك السمعه نسوان تلبس كله ملمع ومخرخشش ومشرشب
وانا اقوه شي عدهه دشداشه نص ردن تلبس
ورده بصدمه :هاي شوكت غير هم مرات البس
سلام: وانتي كلتيها مرات مو دوم ولمن انا اكلج يله عود تلبسين حته ميضلي واهس وانا اكلج البسي كون انتي من وحدج تلبسين
لزم ايدي
سلام: يله حبيبي ادخلي وختاري الي يعجبج
وأذا انا اختارهن بعد احسن وغمز
اخخ من يغمز ياخذ كلبي
يعني أتعجب بيه شلون غمزته سريعه كلش
ورده: انته تعال وياي
دخلنه للمحل
وسلام هوه الي اختار ويروح على هذا اليفضح الجسم اكثر ميغطيه
اختار ٣قطع ابيض واسود وأحمر
اخذت كم قطعه داخليات وطلعنه
وانا دوروني متلكوني من الفشله سحت بل كاع
ابتسامته جانت مرسومه على وجها وهوه يباوعلي
سلام: ليش هيج صوفرتي
ورده: من هذا الشتريته يمه منك زايح الخجل كله
سلام اكلك على موقف بس متضحك
رد بسرعه وهوه يباوع لعيوني
سلام: شنوو لا مااضحك
ورده: وقت الي ردنه نتزوج امي جابتلي ملابس ومن ضمنها ملابس نوم
وانا بحياتي مشايفته ولا اعرفها
حسبالي نفس ملابس افلام كارتون الي تكون قميص وبجامه
وبيه رسومات لو قمر لو نجمه لو دب لوغيمه
سلام: بعدج عايشه بعمر طفوله لعد اكوو وحده مزوجه ومخلفه
من مده اشوفها كاعده وفاتحه حلكها على سبونج بوب
يعني الي يتابع سبونج بوب ودوره وطيور الجنه شيطلع مثلاً
نصدمت
ورده: هاي شوكت اشو مشفتك دخلت
سلام بابتسامه: وكفت اكثر من نص ساعة وانا اباوع عليج وانتي متدرين
لمن تكولين باسم بتيته ونص الأكل بحلكج
ورده بشهكه: عزا سلاممم شنو تجسس عليه انته
وترى طيور الجنة ماباوع عليه مخليتها لباسم
سلام: اي والبحث بل يوتيوب عمو خالد ياطيبه
عمو حرامي. رغد وديمه ومدري ياهوو
اكبري ولج وعقلي
يحجي ويبتسم
شنهي رجال شكدني شكبرني مرتي تشوف سبونج بوب
ماخذلي طفله انا شنووو
يحجي وياي ويبتسم واحس الفرح والحب بعيونه
ورده: سلام اذا يزعج هذا الشي بعد ماشوفه
سلام: اشاقه وياج يول انا اريدج هيج طفله بريئه وعايشه بعالم الاطفال
النضيف الي يحمل الحب والود وميعرف طريق الكذب والخداع والحقد والكره
بتسمتله ولزم ايدي وطلعنه
تغدينا بمطعم فاخر وحته اكلهم كلش غالي
ومن رجعنه بالطريق
سلام: راح اهديلج اغنيه شكد تمنيت ادزها الج من جنت بلدوام هناك بس تلفون معندي واليوم راح اسمعج ياهه
عاد ذوقي حلو لا بعد سمعي واحكمي بتسمت
ورده: يله شغلهه بله خلي اسمع ذوقك
سلام: اسمه وائل كفوري مطرب لبناني
ورده :كفوري كافرر شني اهله ملگو غير هل اسم
سلام: ههههه شمدريني بيهم
عوفج من اسمه واسمعي
ضغط على زر تشغيل
أنا كلبي مشتاق
وبعدك جمر ونار
والحب والأشواق
مبينتسو بنهار
انتي حبي الي بيناديني
انتي عيني الي بتغفيني
أنا كيف بدي غفي عيوني وانتي بعدك بتحبيني
جان يردد وي الاغنيه ومندمج وانا سارحه بملامحه وبشواربه
وكلبي ينبض بحبه
خلصت الاغنيه
سلام: هاا عجبتج
ورده: اي
وهيه انا جذب طبت منا وطلعت منا
كلشي مفتهمت منه
بس كلت بلا مااكسر واهسه
رجعنه للبيت ومر اليوم عادي وسلام كال تعبان اريد أنام تعاي نامي بحضني
ورده: هههه لا اخاف تتهجم عليه لان انته ميتامن بيك
سلام : مو كتلج شفتج يرادلها حيل
والحيل ضامه الج لليل اريد اشوي حفله من الطراز الخاص
بنفسي أشبع من خصرج وتلذذ اكثر وأكثر من تهزينه
ورده: سلاممممم ما ريد عيب
سلام: هذا أمر حكومي وغصبن عليج تنفذينه
ورده: تدلل الحكومه
واجيت يمه اخذني بحضنه كعدنه نشوف فلم هندي بطولة سيف علي خان
بليل كال لا سوين عشا انا اطلبكم من المطعم
صدك طلبلنه من المطعم
سامر يضحك وكله شنو المناسبه اليوم
بس لا تكلولي ورده حامل
ورده بشهكه: بيش طالبني هاي مرارة طيبه
بعد مااجيب جهال
كلهم ضحكو وكالو ايي صدك طيبه خلتنه صارت عدنه فوبيا من جهال
سامر يضحك ويصيح مو بكيفكم شنوو بس باسم نريدله اخوو
نكثر السلاله العريقه العشيره مابيه زلم
سلام : متزوج انته وتخلف زلم للعشيره
سامر: لعد متزوجوني انته وابوك كل واحد حاط مرته بحضنه ومتفكرون بيه
كمنه نضحك
وعمي يرزل بسامر
وسامر يكله سلام هوه يعلم بيه انا مالي علاقه
ام سلام: زوجوه هذا راح يفضحنه
سلام :عود من تتخرج وتتعين نزوجك مابقه شي
شكو مستعجل تلحك على وجع الراس
انا لوما ابوي ما ناهي على ورده لهسه ممزوج
ام سلام: اي يمه كله قسمه ونصيب
حته احنه ممفكرين يجي يوم وتزوج ورده بت عمك
جانت نيتي ازوجك وحده من بنات خالاتك
بس القسمه
وربك سبحان وتعالى قاسملك ام حمودي ورده واسمها عليها
ابو سلام: من هيه زغيره تختلف عن اخوانها طيبه ومؤدبه وهادئه
بتسمت بخجل وبداخلي راحه نفسيه
وانا اسمع عيالي راضين عليه
ويحبوني ومحترميني
حمدت ربي وشكرته الي يمطرني برحمته وعوضني بيت عمي
إلى لكيت بيهم الحب والحنيه
والأمان والاستقرار
حلوه لمتهم من يكعدون سوه وشقاهم وسوالفهم
عكس بيتنا هناك
اذا ابوي دخل يصير بينا تفريق جمعات
سلام مخلي باسم بحضنه وكل شويه يغمزلي حته نصعد فوك
يمه ولا يخجل
اخذت طيبه وصعدت فوك نومته
ورحت لحمام سبحت. ورجعت للغرفه بدلت بروب أسود تور خفيف
يربطه قيطان من نص الصدر ومن جوه مفتوح يضهر البطن
وما تحتها
خليت سلسال خفيف ذهبي على خصري
ولبست برجلي حجل
رتبت شعري ونثرته على ضهري خليت مكياج وحمره طوخ وسبحت بل عطر
سلام دخل عليه والابتسامة شاكه حلكه وغمزلي
سلام: اخخخ ولج اليوم اذا مخليتج تطلبين الرحمه مني ماطلع رجال وابن رجال
اجه عليه وحضني وعصرني بكل قوه وحجه بهمس :انتي حلوه لو لان انا احبج اشوفج حلوه
ورده بثقه:انا حلوه من كاعي قابل مثلك اجكم ههههه
عضني برگبتي
سلام: بس عندي شي حلوووو حتلو اجكم
هوه يسويني حلوو عندج
خجلت منه
ورده: سلاممم عيب
سلام: وانا شحاجي هسه وسلام عيب
تركني وكعد على جربايه
سلام: يله فتنيني وعذبيني وركصيلي خليني أبحر هاي اليله
بحر خصرج الي يهز كلبي
ورده: أخجل حبيبي والله خلينه نغيره بغير شي
خزرني
سلام: ورده بطلي كلمه العيب واخجل
اطيح حضج ولج غير زوجج انا
يله حبيبي علكي اغنيه وخلينه نسترخي بليلتنا الحمراء وغمزلي
عيونه تتفحص جسمي العاري الي شبه مستور
ويبلع بريگه
طلع جكاره وخلاها بحلكه واشرلي براسه بمعنى يله
خليت معزوفه انا وحبيبي حسن غركان
وكمت اركص كدامه وتمايل بخصري ومندمجه وي المعزوفه
شمر الجكاره واجه تقدم عليه وعيونه تتفحصني
بكل جرئه نصه روحه يم خصري وحتضنه واديه تعث فساد على خصري
وجان عقابه عدت قبلات عنيفه نرشقت بجسمي حد العنه
همس بصوت ذايب: والله لعن ابوج لا ابو حبيبج
لا ابو سعد غركان
ولج رجولتي متكتمل اذا مخليتج اسبوع نايمه بل فراش
وحل سلسال وشمره على صفحه
تصنعت العصبيه وأحاول اخفي شعوري تجاه
لان كل جسمي يتمنى قربه
ويشتهي لمساته الجريئه
همست: سلام اذا تحبني لا تسبني هوه هذا هم غزل
مرد عليه ورشقني بوسات على طول سيقاني
مددني على جربايه وجسمه ملتهب مثل نااار
وقبلاته تتجرأ وهيه تنزل
همست: سلامممم
مرد عليه ومستمر وأيده بدت تجردني من القطعه الي ساتره مراده
كررت بصوت ذايب: حبيبييي
رفع راسه ونام فوكي
سلام: اعشق انينج وني وزيدي ونين وخليني اغوص بعشقج
واغرك واشبع من............
وردع: سلاممم وعيونك استحي لتحجي هيج
سلام: كل رحمه الج ماكو يمي اهاتج تنتقم تشعل نيران ضاريه يمكن تحركج وانتي عدله
نيران مال واحد محروووم وباقي بطرك السمعه
بدت ايده تعتصر صدري ومهدت الطريق لشفايفه لي نزلت
انتقام على صدري
بشوق مغروس بعنف فاحش
نحدرت قبلاته لاسفل بطني بتساوي
تركني وبدأ يجرد بجسمه
همست :سلام خلي نطفي الضوه
سلام: لا عوفيه لعد شنشوف أريد اشبع من وجهج
رجع همس يم اذني: ورده خليج جريئه وياي خليني
احس بيج وباشتياقج
تحرري من الخجل
اريدج تخليني أشعر مثل ماانا اخليج تشعرين بهيج احساس حلوووو
حته تتعودين مو كافي
كعد يشرحلي شنو يريد بل ضبط
وانا كل جسمي يرجف منه وكاعده أنفاسي تتسرب بخجل منه
يباوعلي برغبه
ورتشف شفيافي
بحب ابحرت وياه بحب
احس روحي متلهفه عليه وداخلي يحكمه الخجل بلبوح عن الهيام الي شايله لسلام
قبلاته جانت جريئه وتضنيه عطش لخوض الحرب
لقص تذكره لدخول للملكه لبين افخادي
حته يخوض حرب الرغبه العنيفه الي اشتعلت بداخله
ابحر وغاص بجميع مفاتني
وجان بهاي المعركه عدوي وليس حبيبي
صب نيران اشتياقه عليه بعنف
احسه دخل بغيبوبه مالت عناق وحركه لمسات جريئه
جنت اكله سلام خليك مثل اول لطيف وهادئ
ليش تغيرت سلام كاعد تأذيني
جان يثار مني بجنون يقبل بجبيني ورگبتي واصابعي
بهدوء
ويرتكب إجرام بشفتي
بدأ جسمي يفقد طاقه تحمل وبديت ابجي
وتوسل بيه انا كاعده اتوجع وراح اموت
جان ممهتم لنحيبي
ومشغول بطقوس معركته لجنونيه على جسمي
شكد جانت حلوه ليلتنه بس هوه كلساع يعنف بس جنت اقبل بس كون اشوفه راضي وفرحان
متركني لمن ارتوى
وشبع رغبته مني وزع كم بوسه على وجهي
سلام: ورده شكوو تبجين على شنووو
ورده: سلام ليش هيج تتعامل وياي اجيت اموت وانا اتوسل بيك اذيتني
سلام: اسف حبيبتي اعتذر باس راسي يله كومي نسبح
ورده :لااسبح لوحدك ماسبح وياك
سلام: لعد روحي اسبحي وحدج ويجيج صوت الرعد وبعدين حته كهرباء ماكو شلون تشوفين لو تغيرين رائيج هسه
ورده: اخذ تلفون وسبح
جر تلفون وشغل الضوه
سلام: لا تلفون يتبلل ويخرب بل حمام
خلينه نروح نسبح سوه ونرجع احسن غمزلي
ياخذ كلبي من يغمز احسه يغركني بشباك حبه اكثر واكثر
همس يم اذني يله كومي حضني وكومني أخذت روب طويل
ساتر البدن وهوه منشفه وداخليات ورحنا لحمام
دخلنا سبحنا وهوه كل شويه ويتحرش بيه وانا اصيح بصوت ناصي
ورده: سلاااام تره اخليك وطلع
سلام: فنج تسوينها
سبحنا وطلعنا انا سبقته للغرفه ورحت دخلت جوه البطانيه
دخل هوه وحشر نفسه وياي
سلام: تعاي ادفيج
حضني حيل وشم ركبتي وعضه وانا عططت
ورده: اخخ. والله كل جسمي يوجعني
سلام: شسويلج انتي ترفه منين مالازمج الكاج ترفه وكل جزء بجسمج اذا لمسته
يصرخ الجزء الثاني انا اترف وأنعم وأحلى تعال عليه
بتسمت وحضنته
ورده: اخاف من صوت الرعد روح جيب باسم يمي
سلام: اسم الله حبيبي لا تخافين انا يمج وباسم يم عمته نايم خليه
دفنت راسي بصدره
ورده: اريد تبقه كل أيامنه هيج ومنختلف بيوم من الايام
سلام: ان شاء الله حبيبي بعون الله
ورده: سلام
سلام: هاا
ورده: تحبني
سلام: لعد شعندي غيرج انا اول مره من شفتج حبيتج بس أنتي جنتي ملدوغه مني مدري شبيج أنا الزمج وانتي تكول ملك الموت لازمج
ورده: اي مااحبك جااا هيه كوه النفس وماتهوه
عضاني بشحمه اذني
سلام: شنوو ولج
ورده: اخخخخ شبيك سلام هدني والله توجعت
ترك اذني وانا لزمتها حاره
ورده: هاي شبيك ان... وسكتت
سلام: كمليها وكولي نجلبت
ورده باابتسامه مكر: موقصدي هذا تره
سلام: لعد شنو قصدج بت الكل.....
خله ايده على اذني ويفرك بيها
ورده: اريد اكلك انا احبك ومتحملت ضحكت وهوه كشفني كبل
وعضني بأذني الثانيه
ورده: اخخخ وعلي. تره هم اعضك
سلام: يله كومي عضيني بس
خلاني أضرب بيه خفيف على صدره
سلام: ديلا جيبي مشط خلي امشط شعرج خليه ينشف لتتمرضين
رحت جبت مشط وكعدت بحضنه لزم المشط وكام يمشط بشعري
وكل شويه يشمه ويشم ركبتي
وانا ميته خجل بحضنه
ورده: سلام اضفره لان راح انام ويتعبني
سلام: لا خليه مفتوح حلوو هيج احب اشوف كذلتج وهيه تلاعب خدودج
وذبي هذا الي لابسته اريدج بدون كلشي اغار عليج من الثوب العليج
ورده: سلام هاي اليله احسه جانت الجوع كلبي اكتفاء
سلام: بس انا كلبي وروحي بعده مشبعت منج ولا من حضنج
ولارتويت بعدني عطشان وجوعان الج
نام ونومني على صدره وجردني من كلشي وونمنا حضن بحضن
الصبح احسه اباسم يكعد بيه
رفعت راسي وشفته كاعد كبالي ويحجي بصوت ناصي يعرف ابوه نايم
مديت ايدي وكرصت سلام
ورده: سلام اكعد
سلام: همم ورده شكوو
ورده: انا بدون ملابس وباسم يكعد بيه شلون اطلع من جوه الغطا
رفع راسه وضحك
مد ايده على المجر شغل تلفونه الصرصور طلع لعبة الحيه ونطاه لباسم
راح باسم اخذه منه ولتها يباوع بيه وانا جريت الروب
أريد البس
سلام: شبيج نايمه مصلخه متستحين ومتخجلين
يمه نسوان اخر وكت
ورده: سلاااام جااا غير انته كتلي
أشر على نفسه باصبعه وكعد يمثل عود هوه هيج مسوي
سلام: متوهمه ام حمودي
لبست الروب ورجعت خليت راسي على مخدتي غطيت راسي
ضحك واسمع طكت الجداحه عرفته كام يدخن
طلعت راسي من البطانيه
ورده: الرئه من الصبح ساخبر الله بكل شي
سلام: اسكتي هم عاصيه الله البارحه وهم تحجين هسه وكام راح فتح الشباك وباوع على المطر بعدها تمطر بس خفيف
رحت غسلت وتوضيت لان فايتني وكت الصلاه
رديت لباسم اخذت منه تلفون وأخذته لحمام غسلتله ورجعته للغرفه لبسته تراك سود ومشطت شعره وبسته
سلام كاعد مخلي راسه على تاج مال السرير ويباوع علينا
صاح على باسم
سلام: تعال حماده بابا
ورده: اسمه باسم سلام شنيه كل يوم نرجع لنفس السالفه
سلام: شنو باسم اسمه بلجنسيه محمد جاي تشبشين عليه انتي باجر عكبه من يسجل حته مايعرف اسمه محمد
اخذه بحضنه وكام يبوس بيه
درت للجهه الثانيه واحس كل جسمي مكسر وحته وجع
خليت الغطا عليه وباسم شمر نفسه عليه ومدري شنو يكول بس انا مفتهمت عليه
رجع كرر عليه بس انا مسطوره
سلام: تعال بابا شتريد الضاهر امك مأثره بيها
دروس البارحه الي اخذته وسطرتها ومتفتهم عليك كامت
ومد ايده وكرص خصري
..................
رواء
وره فتره خطبني رحيم من سلام واجه سلام حاجاني
هواي وكال ماتلكين احسن منه رحيم حزام الضهر السبع
وهوه شاريج
كتله افكر ضليت بين نارين بين مااكدر اعيش من دونه
اشوف الموت كل يوم وبين مااكدر شلون ومرته موجوده
رجع سلام حاجاني مره ثانيه وورده كالت وافقي حته ترتاحون ثنينكم
واريد ارجع خبر لسلام
وامي اجت من بره تحجي عليه مقابله لحد ماصاحت انا علمودج ولللج علمودج عادي تقبلينها استوني اجيت
ولكيت ام رحيم ماخذتها تجهز بيها لرحيم وتلمحلي انو هيه مرت رحيم
من سمعت كلام امي متت مااتحمل رفضت وسلام ضل يحجي علئ امي
وانا متت مرت الايام والسنين ولحد هذا اليوم رحيم مبطل مني ويخطبني وهواي تجيني قسم بس انا ارفض
وبقه حبنه وعذابنه مستمر لحد هاي اللحضه والحب والهفه تزيد ماتنقص هسه رحيم يريدني
ورده
مشت الأيام وسلام صار قطعه من كلبي
احبه ويحبني
وحياتي مشت وياه مثل العسل صحيح متخلو من المشاكل
بس نحلها بيناتنه بحب
أهلي قاطعتهم مرحتلهم بعد
بس مرات اخابر حازم اسلم على امي والبنات
عمي ابو حنان حاول يصلح بين ابوي وبين سلام
بس سلام مقبل
أبوي وعمي رجعت علاقتهم بس سطحيه يعني بينهم بس سلام
أنا ابوي صادفته عدت مرات بس ماسلم عليه
لان كلبي لحد الان محمل عليه لمن طردني
رقيه ستمرت علاقته بل معلم سنتين
وطلع متزوج ومجذب عليها كايل لها انا مزوج وعندي جهال
مااكدر اخرب بيتي وازوجج
حازم حب رقيه وصارحها وكايلتله انا اشوفك مثل اخوي
ومااكدر اشوفك غير هيج
حازم بقه مصر عليها
واجاها اكثر من خاطب بس حازم ينهاهم ويكلهم بت عمي اليه
خطيه بقت محطمه ولحد هسه اتحب المعلم الخذلها
بعدين حازم فتح النهوه عنها وتقدم هواي الها بس هيه متقبل تكول اريد واحد بل مدينه مليت من عيشة الريف متعبه
لان كل اليتقدم الها لازم
حالته تعبانه وعنده حلال وشغل ميخلص
اختي فاطمه ابوي زوجها لواحد كرايبنا ازغر منها ب ٣سنين
وحالته تعبانه
وحته عرس ماكو ولازفه ولابدله ولا شي هيج جابوها بعباتها ودخلوها
رجلها حالته الماديه تعبانه جداً
عمي تعارك وي ابوي بل تلفون كله ليش هيج ضلمت البنيه
خطيه وحته عرس محد سوالها شنو فصليه شنوو
أبوي كله محد اله شغل بيه بتي وانا مسؤل عنها
بيومها فرفحت من البجي وتخيلت فاطمه مثلي
بزواجها واخاف هم ضربوها لو عذبوها
خطيه سلام جان موجود
ومن شافني كال اخذج شسوي بس المهم متنقهرين
اخذني ورحنه
جانت تبجي وتشكي تكول وافقت من الخوف من ابوي خفت لا يسون بيه مثل مسوو بيج
صورتج وانتي داميه جواهم مترضى تروح من بالي
ابوج ضلمني يورده وكامت تبجي
حضنته وكمت ابجي وهدي بيها
وكتلها عسى ان تكرهو شيئا وهو خير لكم
شوفي هاي انا شكد جنت متمنيه الموت ولا اصير لسلام
وهسه ربج عوضني بيه وبحبه ودلاله
وباجر ربج يفرجها عليج وتعيشين احلى إيام
من اجينا كلت لسلام وتسوكلهم
وحته اخذتلها جنطه مال ملابس ومكياج
وشتريتلها نزله بيضه مرتبه كشخة وخليت بيدهه ميه الف
وبيقنا كاعدين ساعتين ورجعنا لبغداد
هسه عدهه بنوته وحامل
وماسه هواي اجوهه بس هيه ترفض ماتريد وكم مره
تعلك بينهم هيه وابوي بس ماسه قويه توكف بوجها وتكله اشرد واشهركم واخزيكم
حنان صارو عدها 3بنات ولد وبعدها هيه وعيالها عرك كل يوم زعلانه حته اهلها جزعو من مشاكلها الماتخلص
حازم تخرج وضل يشتغل باازياء وكماليات ابغداد ودوم يجي عليه يشوفني ويجيبلي وياه
مصطفئ بالجامعه يدرس اخر سنه
وثنينهم ميقبلون يتزوجون
رواء ورحيم بعدهم علئ حالهم وثنينهم متعذبين
انا ونوارس صداقتنه تخبل صرنه مقربين البعض كلش مثل الاخوات
وسامر تخرج ومن رادو يزوجوه مقبل كلهم اكذب عليكم ماريد
ونرجع لحب حياتي وعذابها
سلامي وأماني
من ينزل من الدوام
يشاقيني ويلاعبني مثل الطفل
أطفاله ميلعب وياهم هيج يصارعني ويشاقيني
العب بجنون مصطحب بحب والنهار كله مكافش انا وياه
بيوم انا وياه كاعدين بل حديقه
وباسم يلعب طوبه يمنه طيبه يم عمتي جوه
سلام :تلعبين طوبه
ورده: ياااا عيب سلام
سلام: منين العيب يله تعاي
كاعد يلعب بلطوبه برجله وشمرها عليه
ضحكت وضربته برجلي
وكعدنا نهرول ونلعب انا وياه وهوه ميت ضحك عليه
وكل شويه يسويله حركه سخيفه
حته ياخذ مني الطوبه
مستمرين نلعب وانا احس نفسي اسعد انسان بل دنيا وانا اشوف سلام فرحان وطاير بيه من كل كلبه
عمتي طلعت وشافتنه
بتسمت
ام سلام: ياااا ياااا ولكم هم ستحيتو
شنوو جهال انتم ولك يمه هاي عود انته الجبير ولك يمه لا تكسرها ونبتلي
سلام: ههههه يمه لعدالطوبه بس لجهال
انا توقفت ستحيت من عمتي
وهوه وباسم ضلو يلعبون
رحت للمطبخ وانا فحطانه غسلت وجهي وشربت ماي
وكعدت اشنك بل عجين حته اخبز
سلام دخل وعيونه دورني
شافني وبتسم
وكف يمي وسوالي حركه سخيفه
سلام: يله غدا ميت جوع
ورده:هههه شعليه ولا اسويلك
سلام: ههههه متأكده
ورده: اي
بقه يتحرش بيه وانا ميته ضحك
بقينه نتعارك بأدوات المطبخ
مخلينه شي راكد بمكانه
صارت حرب انا وياه
رواء واكفه بل باب وتضحك وتكول لعمتي
شبيهم هذولي تخبلو
بكلشي نتعارك ونتشاقه سلام حته مره بمي السمج غسل وجهي
وانا اركض وراه اريد ازفره وهوه
شارد مني ركضنه بالبيت كله وعمتي تصيح راح تهدمون البيت علينه ولكم تخبلتوو
وهناا نغلق صفحة حياتنه الي مستمره بحب جبير لهذا اليوم وسلام عند وعده الي ابد ماتغير ولاخذلني
وانا تكتفيت اباسم وطيبه بس سلام يريد بعد وانا من بعد طيبه والشفته منها وهيه زغيره تبت من الجهال
ان شاءالله استفاديتو من قصتي
واخذتو عبره شكرا لكلامكم السلبي الي حقكم تحجونه وانا اعرفه صح والايجابي. الي يفرحني وتتفهموني وتحسون بمعاناتي يالطافة حبكم النه شكرا من القلب الئ الكاتبه المبدعه زهوره الي وصلت قصتي وسهرت وتعبت حته تشرحها وتطلع بااجمل تفاصيلها حب جبير الكم مني ومن نوارس ورواء ♥️♥️♥️
.................
ان شاءالله ماقصرت بالقصه وطلعتها باكمل صوره
الئ هنا ونختم روايتنه الجميله البسيطه الي استفادينه
منها وتعايشنه ويا تفاصيلهم لحضه بلحضه ابطالي
الجميلين راح اشتاقلهم كلش هواي. وافتقد اليوميات
بس كل قصه الها نهايه ولازم نسد كتابهم اتمنالهم كل الموفقيه والسعاده بحياتهم يارب
متابعاتي فراشاتي الجميلات لافيو من اعماق قلبي
نلتقيم بقصه جديده مع الف سلامه
💙🦋