لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
خليت ايدي بيدة ومشينة
احس راح اموت من الخوف يمكن لو مصيح عليه ماخاف هيج بس خوفني برودة
حسيته الهدوء ما قبل العاصفـة ..
صعدت بسيارة واحس ڪلبـي راح يطلع من الخوف
وهوَ هادء بس الحواجب معكودة والعيون دم والجگارة ماوكعت من ايدة ..
طول الطريق هو ساكت كلت
خل اتجراء وافهمه الصار
ـ ذياب
رد بهدوء
... اشش وتين صوتج ما ﭑريد اسمعه نوصل للبيت ونتحاسب
خنست من كالي هيج
ودرت وجهي لجامة اباوع بس فززتني عيطتة
... حلقتجج ويننن
باوعت لاصبعي وبلعت ريكي
لان اني مالبسها اضوج منها لان ڪُل ماباوع
بيها اذكر راح ازوج ذياب
ـ ءء نسيتها
ذياب ... نسيتيهاااا لوو ماتردين العالممم تعرف انتِ مخطوبةةةة تردين الشباب تعترفلج موووو
نرفزني كلامة شنو شايفني وهيج يكول
ـ ذياابببب احترم نفسك وقبل لتحاسبني ؏ حلقة حاسب نفسك باوع الاصبعك بيه حلقة
ذياب ... منوووو اليحترممم نفسه ولججج
سكتت عنه ودرت وجهي
بس حسيته بأصابعه ينبتن بأيدي
ـ ذياب أذيتني
ذياب ... بعدج ما شفتي شي نوصل للبيت وشوفي الراح يصير
خوفني كلامة بس غلست وهديت نفسي
ﭑصلاً شيكدر يسوي بابا بلبيت شحدة يسويلي شي
وصلنا للبيت وعفتة ونزلت ركض
دخلت للصالة لكيتهم كاعد يتغدون
والظاهر جان مبين وضعي مو طبيعي وخلة بابا
يسئلني شبيج
ـ بابا ذياب
قاطعني دخولـة ركضت صرت بظهر بابا احتمي بيه
بابا ... خير بابا شڪِۅ ذياب شڪِۅ شبيها وتين
ذياب ... ماكو شي عمي سالفة بيني وبينها
تقدم يمي حاول يسحبني من وره بابا الي عاف الغداء وكام ، او بلاحرى كلها عافت الغداء وكامت
رجعني بابا وره ظهره وكال
... شڪِۅ ذياب غير ﭑ؏ـرف
ذياب ... كملوا غداكم انا عندي موضوع وياه وتين
ـ ما عندي موضوع وياك
خزرني بس ماهتميت بظهر بابا واخاف ماعيب
جدو ... شبيكم ولكم واحد منكم يلغي ويفهمنه
السالفة
ذياب ... يابه كتلكم ماكو شي موضوع بيني وبيها
وانتِ وتين تعاليييي
ـ ماجيي ولله ماجييي تصيح عليه
ذياب ... اصيحح عليج لأنج ....
قطع كلامة وفرك وجهه بقلة صبر
عاط عمو عدنان بيه
... شبيك ذياب شمسويي للبنية ومخوفها
ذياب ... يابة والأسلام ممسويلها شي بس ﭑريد احجيي وياها مو مرتيييي هيه بعد شبيكمم وياييي
باوعلي بابا وكال
... روحِـʊ̤ ويه زوجج بابا شوفي شنو يريد منج
ردت احجي بس من خزرني سكتت
وماكدرت اعارضة
صعدت فوك وذياب وراي
ردت ادخل لغرفتي بس وكفني صوته وهوَ يكول
... الحكيني
دخلت وراه واجذب اذا اكول ماخايفة
ولا هتملي واكف ينزع بساعتة كبال المراية
ـ شنو ردت
ذياب ... منو الجان كاعد يمي وين تعرفي؟
ـ ماعرفة معرفة شخصية بس شسمة هوَ طالب ويانه بلقسم شايفتة كم مرة
ذياب ... كملي
ـ اي وشسمة جنت انا كاعدة وحدي اجه هوَ
سلم وطلب يكعد يمي
ذياب ... وانتِ ليشۂ وافقتي يكعد يمج
ـ ستحيت افشلة
ذياب ... حلو بس ماستحيتي وانتِ ؏ ذمة رجال تكعدين ويه طالب لوحدكم
ـ ذياب
رد بعصبية وهوَ يتقرب مني
... وقزالقط كملي شراد منج
ـ مـ...ا ما راد شي
ذياب ... جذب البرابيك بطلي لان مايمشي عدي
واحجي يلله شراد منج
ـ شسمة عود حاب يتقدملي ومن هسوالف
قبض ؏ ايدة بقوة ، ورص ؏ اسنانة وهوَ يكول
... اي وانتِ شكاتيلة
احتاريت شكلة ما اجت ؏ بالي غير اكلة
ـ كتلة ﺂوʊ̤ انتَ شرايود
اباوعلة شو هذا تغيرت ملامح وجهه
وكام يضحك بعلو صوتة
ضليت صافنة عليمن يضحك
باوعلي والابتسامة ؏ وجهه
ذياب ... ههه خرب يومج
ـ عليمن تضحك
تقرب من عندي واني كمت ارجع ليوره
لحد مطخ ضهري بلحايط
ذياب ... اضحك ؏ كلامج بس ترا مانسيت الموضوع
وتين حتلو انا وانتِ نجبرنا ؏ هلزواج مومعناها ماعندي غيرة عليج ولا معناها انٌ انتِ ما تحترميني اصبعج بعد ماريدة اشوفه بدون حلقة زين؟
ـ اي خوش
ذياب ... روحِـʊ̤ جيبي حلقتج وتعالي ركض يلله
ـ شتسوي بيها
ذياب ... جيبيها وانا اكلج شسوي بيها
رحت لغرفتي جبتها واجيت جنت مخليتها وي باقي الذهب
ـ هياتها بس شتسوي بيها
اخذها من ايدي وراح بدون ميجاوبني
فتح ثاني مجر الي يصير يم الجرباية
طلع من عندة حلقة عرفتها حلقته لان فضة
سحب ايدي ولبسني حلقتي
ومدلي ايده
ذياب ... هاج يلله لبسيني حلقتي ووعد بعد
لا انا انزعها ولا انتِ
حجيت بكل فهاوة
... عزاا انتَ شكد لطيف
ابتسم وعصر خشمي بين اصابعة
... روحِـʊ̤ غيري ملابسج ونزلي خلنتغداء سوه
هزيت راسي بلموافقة
وطلعت من يمه لغرفتي غيرت ملابسي
وطلعت تلاكينة يم الدرج مبدل ويريد ينزل
سوالي حركة بخشمة ونزل
ضليت صافنة هذا ذياب بو مغيرينة نزلت وراه واني اتذكر الحركة السواها شكد حلوة ..
لكينا الكل كاعدين يشربون چاي
حسيتهم انصدموا من شافونه لان اكيد متوقعين احنا متعاركين من سمعوا صياح ذياب قبل شوية
غلست ؏ نظراتهم ورحت حميت الاكل
وصبيته واخذته لذياب
خليته كدامه
ذياب ... عاشت ايدج يلله كعدي تغدي وياي
ماكلت شي كعدت اكل وياه
بس احس بنظرات الكل علينه توترت
كمت ماعرف شلون اكل
موبايل بحظني سمعت صوت الاشعار
يعلن عن وصل مسج
فتحته لكيت غرير دازتلي ؏ واتساب
... ها تونه عاشت ايدج وكعدي تغدي وياي
مو حركات بركات انتِ واخويه يلله يلله مابقى
شي وينور ابن اخويه
قريت كلامها ومن الصدمة طلع التمن خشمي
ضليت اكح كام ذياب يدك ؏ ضهري بس لو عايفني اموت ولا هلدك احس كسر ضلوعي انطاني ماي
وكلهم التموا عليه واني بعدني اكح اباوعلها الحقيرة هيه وتيجان يباوعلي ويتغامزن
كمت اني من الغداء كتلهم شبعت
لحكت غرير للغرفـة
ـ ولج ادبسزز شهلحجي
غرير ... ههههاييي چَا جذب اشو اخويه صعد وياج بارود نزل ثلج
ـ شقصدج ولج
غرير ... ههههههه ما قصدي شي
ـ ادبسزز ولحسين
طلعت من يم غرير واني اضحك ؏ سوالفها
داومت ثاني يوم طبيعي بس طبعاً بعد ما ذياب
جرجر اذاني ميت مرة ، والطالب الحاجني البارحة
بعد ماشفته ..
مرت الايام وامتحنا امتحانات اخر السنة
والحمدلله نجحت
علاقتي اني وذياب بقت مثل ماهيه
عادية ورسمية مابيناتنا بس سلام وڪـلش قليل
يجمعنا حديث ..
وبقه تواصلي ويه كوثر وعلاقتي بيها مثل ماهيه احجيلها كلشي يخصني واخذ رائيها ..
وحالياً احنا دنجهر لـدورة سنة قحطان ورُسـل
الباقيلها يومين وبهلفترا البيت كله حزين ومتوتر
وبچي مرت عمي ونواعيها يدك بكلبي ..
بيوم دورة السـنة
سوينا ثواب ؏ روحهم واجو عالم هواي
بعد ماخلص الثواب اكو ناس بقت واكو ناس راحت
الي تروح ويانة ثاني يوم لنجف بقت والي متروح راحت ..
بعد مافضت العالم وفرشنا لنسوان البقن
صعدت فوك سبحت ودخلت لغرفتي شغلت قصيدة
وخليت الهتفون بأذاني ونمت ودموعي ؏ خدي
فزيت الفجر ؏ صوت رنين تكعدني
حتى نتحظر كمت غسلت ولبست ؏ سريع
نزلت جوه لكيت الكل مكملين كالتلي ماما تريكي
بس ماقبلت ماشتهي ..
صعدنا بلمنشئة (سيارة اكبر من الكوستر)
وحتى الزلم ويانـة.. النسوان ليوره والزلم كدام
صعدت بلمقدمة اني يم الجامة وبصفي غرير
مشت السيارة وشغلو قصيدة
خليت راسي ؏ جامة بس دموعي تتزل بهدوء
ڪُل ما اغمض عيني تجي بالي سوالفنا اني ورُســل
وعركاتي ويه قحطان ..
شويه وحسيت نفسي دخت ونفسي تلعب
بس غلست ماكلت لاحد وقاومت
مر وقت قليل حسيت بعد ماكدر
اشرت لغرير ﭑريد اتقيئ انطتني علاكة
كمت اتقيئ بس احس روحِـʊ̤ تطلع من حلكي
خطية هيه نخبصت بيه نتبهولنة
ذياب وغياث الكاعدين كدامنا
اجه ذياب يسئل شبية ، ماكدرت اجاوبة
جاوبته غرير
راح لجهة السايق ماعرفت شيسوي
بس ثواني ووكفت السيارة ..
كلها صاحت شڪِۅ ليشۂ وكفتوا
بس هوَ ﭑبـد ماحجة ولا جاوبهم ،، جاوبهم غياث
اجه يمي كومني واني احس روحِـʊ̤ رايحة
نزلني كعدني ؏ رصيف وصب ماي بأيدة وغسل
وجهي حسيت هستوني كدرت اشتم الهوئ
نزلوا ماما وبابا نخبصوا بيه
ذياب ... هـسهہ شلون صرتي
ـ لازينة
ذياب ... نصعد لو بعدج ما مرتاحة
ـ لا لا هاهية اصعد
صعدت ورجعت كعدت بمكاني
بس ماما ماقبلت اله تكعد يمي
وغرير رجعت بمكانها ..
وصلنا لنجف وماشفت اعزاز ڪلبـي
بس طابوك آروحـح ابچي يمه لمن ينهد حيلي
حتى المايبچي نواعي بيبي وام قحطان يبچنة
ام قحطان ... ولكم يمه هديتوا حيلي احتار عليمن ابچي ؏ فتشت العين وليدي يعلى وحيدتي ونظر عيني بنيتي ولكممم يبعد امكم وعمرهااا
حظنت كبر رُسـل وطلعت شڪِۅ حجي بكلبي
تعبت من البچي السكته
ـ رسولة ؏ـُمـرʊ̤ يبعد اختج وعمرها ولج ولله
شتاقيتلج ريت الموت خذاني ولا خذاج يبعد ؏ـُمـرʊ̤
ششفتي من عمرج واجاج الموت بعدج ورد ..
ولج رسللل ولجج مكانجج فارغغغ مرتتت سنة كاملة وما شفت عيونج الحلوة ولاشفت ابتسامتج التردلي روحِـʊ̤ ..
بجيت لمن تعبت حسيت بشخص حظني من ضهري
باوعتلة بابا ؏ـيـُونـʊ̤ ؏ خدة
ـ بابا اثاري الدنيا بفارك العزاز ڪُل طعم مابيها
مرت سنة كاملة ؏ فراكهم ولله غصت فراكهم
نار بكلبي بابا اني مامتعودة ؏ فراك وفراكهم كسرني
حظني يبچي
... الله يصبرج بابا لا تشلعين كلبهم بلبچي
البچي مايفيدهم لو البچي يرجع الاعزاز چَا ماسكتنا
سكتني بابا بلكوة بستهم وكمت
النسوان كلهن صعدن بسيارة واني هم صعدت اباوعلهم من جامعة تقرب ذياب من كبر رُسـل خله فوكة حنطة وماعرف شنو همس انتبهت بس لشفايفة يتحركن
انوب قره الفاتحة وصعدوا
غمضت ؏ـيـُونـʊ̤ بقهر يكلولي تقبلي وحبي
شلون احبه وهوَ حبيب بت عمي واخيتي
وروحة معلكة بيها شلون ..
طلعنا لزيارة امير المؤمنين (علية السلام )
زرنا وتغدينا ورجعنا للبصرة ..
مر اسبوع عادي الوضع رجع طبيعي
بيوم الجمعة بعد الغداء جان الكل مجمعين
وحتى عماتي كلهن عدنا ..
كال جدو
... اسمعوني دورة سنة قحطان ورُسـل خلصت
والحياة لازم تمشي غصب او برضاتنة
وانا قررت بس اسبوعين عرس الشباب كلهم.
رد ذياب بكل برود
... انا ما مشول وياهم
جدو ...
يَتبع 🍂....
~~~~~~~~~~~~~~~~~~
لاتنسون التصويت فضلا 💛
رابط حسابي الانستا بلبايو الواتباد
اليوزر buuny_.1 ضيفوا اذا تحبون نسولف بيه سوالف حلوة 🌝🖤
الى اللقاء في البارت المُقبل| احبكم ♥️