مساء الخير أحبتي
قراءة ممتعه
روايه: مأمني من داعش
بقلمي انا: زينة سمير
حسابي انستا: z49.g
صوت + علق بين الفقرات + احبكم هواي
بسم ࢪب أهل ألكُـساء
.
.
عهد:بيوم كُنا كاعدين على ريوك نتريك وية جبل كمل وكام كتلة... بابا بابا
جبل: ها بابا كولي بساع مستعجل
عهد: اول شي تجي للغدة ثاني شي جيب وياك حفاضات تميم ورواسي خمسه بواحد وحليب قوطتين انت تعرفهن و نمنميات الي واحبككك... جان واكف يلعب بالتلفون ويحجي وياي ذب الجهاز وكعد يشد قيطان بسطاله
جبل: تدللين بويه تأمرين بشي ثاني
عهد: اي ترجعلي سالم .... وكف كبالي وباسني براسي وباس رواسي الي بدت تنزل دموعها على ابوها حجه بحنيه
جبل: تدللين بنيتي واذا ضايجه اخذيهم لهذا المنتزة واخذي واحد من الحرس وياج لو خابري حيدر
عهد: حيدر بغداد؟؟
جبل: اي صارله يومين لازم قضيه حيل صعبه واحتمال ما يكسبها
عهد: استغربت من هيج حجه.. ليش؟؟
جبل: من البداية كتله لا تلزمها عاند وتعرفين الحيدر من يعاند يله شرارتي راح اروح ديري بالج على الجهال
عهد: من هيج حجه دمعت رواسي وبرطمت وخلت راسه على التخم وغطت وجهة راح يمها وباسها وشالها
جبل: ولج عكازة كليبي ليش تبجين
راوسي: لروح (راح تروح)
جبل: اي بس ان شاء الله ارجع وانتِ قويه وسباعيه وديرين بالج على ماما واخوج
رواسي: عبت (تعبت)
جبل: يله وماما لحلوة هم دير باله على البيت وياج
رواسي: اهوو نو نو نو لا اليد(اهووو لا لا لا اريد)
جبل: عجل شتردين يروح ابوج
رواسي: تبعى (تبقى)
جبل: شون ابقى وعمو يكوم يصيح عليه ويخليني ابجي
رواسي: نووو نووو عبع (لا لا انت سبع)
عهد: سحبها لحضنه وباسها وكال الها
جبل: باعي بنيتي...
رواسي: نوووو عتازة علبي (عكازة كلبي)
جبل: هههههههه يابعد كلبييي يلحنينه باعي عكازتي لحلوة اني راح اروح وانتِ تروحين تحضرين ويه ماما الاكل وتكنسين لان ماما تتعب وحدها وانتِ تساعديها وتبوسيها ومن تكملون خابريني اجي واجيبلج حلويات مكافئه الج ها متفقين
رواسي: عدل تا متفعين (عجل چا متفقين)
جبل: يله روحي عزلي غرفتج وغرفه اخوج
رواسي: صاغ( صار)
عهد: راحت تركض للغرفه وطبكت لباب بباوع الها جبل وتقدم ناحيتي رفعت راسي بهدوء الها سحبني لحضنه غمضت عيني ونزلت دمعتي
جبل: بابا هاي شبيج هي جم ساعه واجي باذن الله ياعيني
عهد: حجيت صوت مخنوك.. ظلام انتبه لنفسك وخلي بين عيونك انه واطفالنه من سوق على كيف ولا تتعارك ويه احد ولا تضل وحدك ظلام ماكدر بدونك وعلي انتبه لحالك فدوة اروحلك
جبل: اشش بنياتي ماكو شي رقم غريب ممنوع جاوبين الموقع طفي والنت كذالك اذا تلعبين العبي بالايباد ولابتوب تلفون ممنوع خوش حتى اذا حيدر خالد ابو لاكبر حمزة سديم دكو ممنوع شيلين بس اذا سمير ابو زينة دك جاوبين او اني غيرها ماكووو
عهد: حاضر حياتي لا توصي حريص... كرصني بخدي وكال
جبل: سباعيه شرارتي يله في امان الله
عهد: الله وياك حياتي... طلعت وراة وذبيت مي طبيت للبيت سويت لرواسي صحتها حتى تتريك... رواسي ماماتي يله تعاي نتريك
رواسي: اعسل ودي(اغسل وجي)
عهد: جان نطقها بصعوبه وقليل يفتهمون الها بس انه وجبل نفهم الها بسهولها.. عفية ماماتي النضيفه
رواسي: عتيه عليت(عفيه عليج)
عهد: ابتسمت وهي اخذت الطبله وخلته يم السنك وغسلت ونشفت ايدها وجتي يمي
رواسي: عدني عترسي (صعديني على الكرسي)
عهد: يمه تدللين... صعدها بلشت تريد تاكل ذبت الكمه وخلت ايدها على حلكها وكالت
رواسي: اوه نعيت بثمله (اوه نسيت البسمله) يثيغ ادولها(يصير اكولها)
عهد: ابتسمت لكلامها الي جنت مركزة بي كوة يله فهمت كتلها.. اي حبيبتي وحتى لو اكلتي من تبلعين اللكمه كولي بسم الله الرحمن الرحيم باوله واخرة
رواسي: ومن اثغب ماي (ومن اشرب ماي)
عهد: من تشربين ماي كولي بس الله لرحمن الرحيم ومن تخلصين كولي ياحسين ياحسين ياحسين او كولي ياحسين مرة وحده
رواسي: واعد (واحد)
عهد: اي ماماتي واحد
رواسي: اوعي(اوكي) اوف هثه انه نعتانه عدل تون (هسه انه نعسانه عجل شون)
عهد: ماماتي حبيبي عند الطعام ينقطع الكلام من تلخصين اكل يله تحجين... هزت راسها وكالت
رواسي: ياحتين (ياحسين)
عهد: ابتسمت لان هيج حجت وككلتها لان اذا تاكل هي تخبص الامه كملنه اكل وهي كامت تلعب بلالعاب مالتها غسلت المواعين وطلعت باميه مجمدة كمت أمسح البيت وللاثاث كله كملت كلشي بقت الطرمه والحديقه غسلتهن وسكيت الوردات كمت كلشي باوعت للساعه بـ11 مسحت ايدي وطبيت لغرفه الاطفال شفت رواسي تلعب بالالعاب مالتها وتميم على نومته من ساعه بالخمسه الفجر رحت خليت ايدي على راسه جان رواسي دكلي
رواسي: منحفدة منحفدة
عهد: صدك ماماتي انتِ قستيها
رواسي: اي اي اوسعي بيه (اي اي اوثقي بيه)
عهد: شفتها ملتهيا خليت ايدي على راس تميم بساع طلعت صدك حرارته منخفضه جاوبته.. سباعيه يمه فدوة للبنات الي ينتبهن لاخوانهم
رواسي: ماما احتيلي على حالو علي(ماما احجيلي على خالو علي)
عهد: عصرني كلبي من جابت طاريهم اجتي يم ايدي وباستها وخلته على وجها
رواسي: اوعي لا تحذنين (اوكي لا تحزنين)
عهد: نزلت بمستواها وشلته وكلت الها بهدوء... امشي احجيلج عهنم حتى انتِ واخوج صيرين مثلنه
رواسي بفرحه: هوة اعنه متلكم بس عتو تومه تتويلكم(هوة احنا مثلكم بس انتو كومه شسويلكم)
عهد: ضحكت على ضحكتها وشلتها وطلعت اركض للصاله وهي تضحك كعدت بصفها وكعدت اسوالف الها... عن ياهو تردين احجيلج
رواسي: تلهم بس حويلد لاع (كلهم بس خويلد لا)
عهد: جاوبته وانه خاصرة ضحكتي.. ليش شبي خويلد
رواسي: ياعي مو مودود(ياخي مو موجود)
عهد: اوكي يله تعاي احجيلج شوفي احنا جنا سبع اخوان وانه ثامنه.. اشرت الها بأصابيعي الارقام هزت راسها كملت الها.. خمسه اكلتهم الحراميه
رواسي: سنو تل يوم تاعلم الحغامية(شنو كل يوم تاكلهم الحرامية)
عهد:اي
رواسي: ثوعت اتوفهم(شوكت اشوفهم)
عهد: همه يشوفوج ويسمعونج بس انتِ مشوفيهم بس اذا تقرين قران تشوفيهم
رواسي: ديله اوعي كملي(ديله اوكي كملي)
عهد :اشو جنج مامقتنعه يمه
رواسي:سعتي سعتي وين اعلف اعره (سكتي سكتي وين اعرف اقرة)
عهد: اي ف جنه واحد يحب الاخ واذا واحد من عدنه تعور كلنه نكوم نبجي عليه وجنه ابد منعصب امنه او ابونه او اي احد يحبنه جنه حبايبين والكل يحبنه وجنت هواي ادعي للاخواني وهمه هم يدعولي جنه من اتمرض كلها تجي تشوفني ومن يتمرضون انه اكعد اسويلهم كمادات اوسويلهم قياس حرارة مثلج اذا جانت كصتهم حارة هواي كبل اكول لامي واذا زينه ابوسهم واروح جنه نلعب سوة ومناذي بعض واذا احد اذانه نكول لاهلنه عليه
رواسي: مامي منو ادة عبل انت لو بابي (مامي منو اجه قبل انت لو بابي)
عهد: لا بابا اجه اول ونوب بعد فترة طويله انه جيت
رواسي: مامي انت هم عدت عديعات (مامي انت هم عندج صديقات)
عهد: اي باجي كوبرا صديقتي وخاله زينه وشيماء وعندي وحدها أسمها أمنه بس ماحجي وياها هواي مالحك بس احبه كومه
رواسي: عديعه الاعبر هم(صديقه ابو لاكبر هم)
عهد: خاله زينه صديقه ابو لاكبر
رواسي: اوفف
عهد: سلامتج من الاوف ماماتي
رواسي: هثه ابونه سوعت يدي (هسه ابونه شوكت يجي)
عهد: امشي نام ومن نكعد يجي
رواسي: اغيد ثيليلاك (اريد سيريلاك)
عهد: من عيوني كومي نسوي سوة.. كامت تركض قبلي سويت الها سريلاك ونوب سويت الها ماعون
فواكه اكلتهن غسلت المواعين اخذتها سبحتها وطلعتها سويت الها ستوتات ولبستها ملابس خفيفه
ونومتها بصف تميم باسته ونامت غطيهتم وبسرعه غفت رحت للمطبخ طبخت باميه وخليته على النار
ورحت لغرفه لاطفال لملمتها كلها وبخرتها وطلعت
طفيت الجداري ورحت اخذت دشداشه خفيفه
وطبيت للحمام سبحت وطلعت نشفت شعري بالشسوار مكيجت خفيف وخليت عطر ولبست طاك
واخذت الايباد وطلعت تفاحه وكعدت اكلب بي طلعت مسلسل احبه اسمه (اسمعني) باوعت منه
حلقه خلصت رحت للواتباد رجعت اقره قصتنه ودموعي تجري خرجت من البرنامج ومسحت
دموعي خاف يجي جبل ويشوفني ابجي ويطنكر اله احذف القصه رجعت اكلب بالتيك توك لحد ما صارت
ب 1ونص سمعت تميم كام يجبي كمت الها بساع شلته وواخذت مممه مالته ورضعته وكمت احجي
وياه.. ولك تمتمي عبيبيييي يروححح امكككك اكرطك كرط ولككك انت شنووو انت شنووو
ابوسسسس اكرططك اكزكزززز اكلك يمه تميم لبطل ضحك وخله ايدة بحلكه.. توتو ليش عيع ممنوع
تخليها بحلكك... سحبت ايدة... يله حبيب كلبي كوم نسبح ونطلع الوصخ وبعدها نكعد نسوالف.. حليت
كماطه وخليته يلعب شويه بين ما اجهز ملابسه طلعت اله ملابس ثخينه لان بدت تبرد ورة الضهر
طلعت شامبواته ومعطراته وشلته طببته لللحمام سبحته بمي دافي وطلعته كعدت ابدله وهوة يغفى
بين ادية كمت احاجي.. ولك وليدي مو عساس نسوالف ضربتني بوربي ايباااا خائن تنام وتعوفني
عساس نتغدة سوه ونشرب جاي سوالفك بالريش مو.... كام يضحك.. ولكك وليدي الحلو فدوة لهاي
الضحكه... يلاعبني وانه احجي وياه بدلت اله وعطرته وكمطته وخليت اله بوطرة بلاخير كام يكح
لان طب بخشمه نضضفت المكان ورجعت سويتله ممه شوية لان حسيته جوعان ماخلصها وعافه على
النص ونام رجعته بمكانه ورحت لبست رواسي جواريب وغطيتهم وطلعت صبيت الي ماعون تمين ومركه ومر الوقت صارت ساعه بـ5:00 كعدت رواسي وتميم رواسي كلعاده لبست ملابسها وطلعت بالشارع يم الحرس تنتضر يجي جبل ويطب راس الفرع حتى تركض تلكاه وانه لبست تميم ملابس ثخينه دينة غروب وباردة
اخذته وطلعت بالحديقه العب بي وانتضر جية ظلام صارت ونص سمعت صوت رواسي وهي تصرخ
بفرحه لان شافت ابوها اخذت تميم و وكفت بالطرمه وعدلت حجابي خاف احد من الحرس يشوفني صفت سيارة جبل وطب بأيد شايل رواسي
ولايد الثانية شايل مسواك البيت باوعت لطوله ولحنيتة وهوة ضام وجهة بركبه رواسي ويبوس بيها ذب العلاكه مال المسواك بالكاع ورفعلي ايدة وهوة بعدة مخلي راسه بركبه رواسي تقربت علية انه
وتميم اخذنه بحضنه بكل قوته صوت ضحكات رواسي الي خلت تميم يكعد باسني براسي ورجع باس تميم اباوع لتصرفاته وللحنية الي بداخله شي
فضيع نزلت دمعتي المعتداة ابتعدت منه واخذ مني تميم وهمسلي بحب
جبل: باباتي جيبي المسواك بلازحمه عليج
عهد: حاضر حياتي شلت المسواك ودخلت قبله وهوة وراي طبينه للمطبخ نزلت رواسي ووهوة كبل طبب تميم لغرفته لان رجع نام طب ظلام للمطبخ وكلعادة رواسي جلبت بسلاح جبل وكامت تشب وتنكز علموده
جبل: لا بابا يسوي واوا
رواسي: هع ديييييي (لا اريددد)
جبل: بابا شنو تردي ممنوع حياتي تعاي شوفي جبتلج لعبه حلوة وجبت لتميم لعبه
رواسي: هعع دييييييههه (لا اريدة)
عهد: ظلام انطي الها بس طلع الشاجور وكله لا تشيلنيه
جبل بهمس: تدرين بيها ماجوز اله شيله وتتعور بالحاجه يله تعوفها
عهد: هسه انه اقنعها.. سحبت السلاح وطلعت منه الشاجور وخليته بالكاع وكلت الها.. رواسي حياتي ماماتي اذا تحبني وتحبين بابا وتيمو لا تشيلينه من الكاع بس باعي عليه والزمي خوش ماماتي.. هزت راسها كمت من يمها ورحت وره جبل الي طب للغرفه مالتنه واكف كدام المرايه ينزع رتباته و يطلع فلوسه ويحجي وياي
جبل: شرارتي تعبت اليوم فد مرة
عهد: من حيلي على حيلك يابة
جبل: لا يابوي أسم الله بنيتي بس هاذا حمزة مو على بعضة صارله جم يوم هم مخابرة سديم انتِ
عهد: لا والله انت مو كلت لا تلزمين الفون وانه ماكسر كلامك
جبل: عفية عهدي عفيه
عهد: جان ماعرف شلون يحجي يجر الكلام جر حضنتنه وحجيت بهمس... عوضي شبيك مو على
بعضك
جبل: ماعرف عهودي جسمي كله مكسر عبالك واحد لازم جسمي غضمه عضمه ومسويها طحين
عهد: أسم الله حياتي طب أسبح هسه وبعدها اسويلك اكل وانطيك علاج مفاصل وان شاء الله ترجع صحتك تمام
جبل: ان شاء الله يله طاب أسبح انه
عهد: فدوة اروح لليكول انه فدوة لهاي الشوارب لغاثات ابو لاكبر وغاثاتني بس مجبورة اتغزل بيهن
جبل: الا تبعرها يله ترتاح
عهد؛ انها الحقيقيه ايها لاربعيني.. ضحك واخذ لبرنص وطب لحمام حضرت ملابسه ومحبسه وعطرة وساعته مال البيت سحبت جهازة الي صدر من عندة صوت مسج وكان المرسل ابو لاكبر مالحمت اقرة المسج واتصل ابو لاكبر وكال
ابو لاكبر: هااا لعضيد شلونك صار يومين ممبين خيرك
عهد: هلو ابو لاكبر انه عهد
ابو لاكبر: اكلج رجلج وين هم جاي يداوم
عهد: أي توة طب البيت
أبو لاكبر: چا عسه خابرني ابو زينة يكلي جبل عايف واجبه وصاير وجوده وعدمه نفس لشي خوما صاير شي عندة كتله مصاير شي لادري بي حياته مستقرة كال ماشي هاذا هوة
عهد: تحجي صدك
ابو لاكبر: والله كال بس جاي يسجل حضور ويكعد بلمكتب وهاهيه لا شغله ولا عمله
عهد: ماعرف هسه احجي وياه شخبارك رودينة شخبارها
ابو لاكبر: بخير لحمد لله اكلج هبهب وين صار هواي محاجي وياها وبالي يمها
عهد: بخير لحمد لله لبارحه حاجيتها وتسلم عليك
ابو لاكبر: يوصل يله الوصواصه في امان الله
عهد: الله وياك ابو خشم.. ضحك وسدة كعدت اضرب اخماس باسداس شجاي يصير ويه ظلام مر الوقت وطلع من الحمام هزيل كلش طبت ويه طبته رواسي اخذ الملابس وباوعلي بمعنى اطلع واطلع رواسي وياي طلعت وخليت لعبه بيد رواسي التهت بيها اخذت السلاح ورجعت طبيت للغرفه وطبكت الباب لكيته عاصر دماغه تقربت منه خليت ايدي على كصته تجوي نارر لزمت ايدة وشفايفه نارر تقرب عليه وحضني بكل قوة نزلت دموعي بسرعه وخفت لاافقدة سرة الخوف بأنحاء جسمي حضنته بقوة وشفايفي ترجف ابتعدت عنه وطلبت منه يمدد
على الجرباية حتى اسويله كمادات سوة مثل ماكتله بدون أي كلمه جبت مي وصل وكمت اعصر واخلي على كصته و رجله وايدة وامسح ركبته وجهة وحيلي كله يرجف اخاف اخسره مثل اهلي كمت اقرة أيات قرانية طبت رواسي للغرفه بعد عده ساعات وعيونه مدمعه دور أكل خليت كمادات لجبل الي فاقد واخذتها سويت الها ممه ونامت حولت سبلت تدفئة وغطيتهم ونامو طبكت لباب ورجعت لجبل
صارت ساعه 12 والصخونه شويه فكته كمت جبت اله علاجات شربته يله فكته الصخونه كام يون من ألم جسمه كمت افرك أيدة ورجله وراسه تميم كام يبجي كمت جبته وجبت الكاروك مالته بالغرفه مالتنه خبطت اله ممه وشربته بس عيني على جبل رجع نام تميم ولاول مرة بالتاريخ ينام وماتعبني بليل رحت لجبل قست حرارته رجعت رتفعت نزلت دموعي ماعرف شنو أسوي رحت كعدت يم راسه واحجي بكاء.. ظلام حباب اكعد يول كوممم مابيك شي لا ضل تتدلل هيج دلال محلو يخوف بابا حبيبي كوم حباب... جاوبني بلسان ثكيل
جبل: ما مابية ش شي
عهد: يابيك شي بابا حرراتك كلش مرتفعه... مارد عليه رجعت حجيت وياه.. زين بابا تكدر تجي وياي للحنام اغسل جسمك بلكي تخف حرارتك
جبل: م مابية ح حيل
عهد: نزلت دمعتي وحجيت بشهكه.. انطيك من حيلي حيل بس ارجع بصحه وعافيه ماجاوبني حرت شنو أسوي وين اروح قررت اتصل على حيدر رفعت سماعه جهازي وجاوبني بسرعه حجيت وياه بقهر... الو حيدري بعدك بغداد
حيدر: ها بويه خوما بيج شي صوتج شبي شصاير وياج اي بعدني بغداد
عهد: نزلت دموعي وبشهكه كلت... حيدر جبل مريض كلش عفيه تعال ماعرف شسوي راح اتخبل
حيدر: ديله جاي جاي بلغي الحرس حتى ادخل بسرعه
عهد: انتضركك.. سديت الجهاز ولكيت رساله من ابو لاكبر مكتوب بيها جبل اذا كاعد اتصل عليه الرساله قبل ثلاث دقائق عفت الجهاز ورحت يم جبل اسويله كمادات عسى ولعل نتخفض حرارته مرت ربع ساعه بالزايد ندكت الباب كمزت لبست محرم الصلاه وكلت من ورة الباب... عمو خلي حيدر يفوت احنا دزينه عليه
-خوش عمو
عهد: شوية وطب حيدر باوعلي وكال بخوف
حيدر: ووينه ولج
عهد: بالغرفه الوسط.. طب يركض عليه بلهفة كأنما ولد يخاف على ابوة طبيت وراه ابجي التفت عليه وكالي
حيدر: حضريليه شوربه او اي شي دافي بسرعه راح اطببه اسبحه واذا مافاد اخذة للطوارئ
عهد: هزيت راسي وكمت أسوي الها شوربه وحيدر طبب جبل للحمام شوية وطلع كعده بالصاله شويه كأنما رجع أحسن رحت عليهم... حيدر شلون صار
حيدر: نخفضت حرارته بس جيبيلي الاودية وجيبيلي جهازة خلي اخابر خالد
عهد: اوكي رحت جبت الي طلبهن ورجعت صبيت لجبل أكل وبردته اله شوية اخذت اله ماي ورحت كعدت بصفه ومن لجهة لاخرى حيدر وجبل راجي راسه على التخم ومغمض جاوب خالد على حيدر وكال
خالد: ولك ها شعندك متصل بيهج وكل ماتكول ناس جاي تعيش بحاله روماسطية
حيدر: اكل خر* انه حيدر وتعال اكلك جبل مريض وانه يمهم هسه اوصفلي علاج انطي الها
خالد: انه خوك تحجي صدك مريض باوع هوة انت شعندك ردلي اسماء العلاجات
عهد: ردله اسماء العلاجات وسد الجهاز وشرب جبل انتضرت 10 دقايق ونوب بيدت اوكله وهوة كوة يفتح حلكه حتى ياكل نزلت دموعي خلص لاكل كعد حيدر يفرك ايدة وراسة وانه كعدت على رجلية بدت الصخونه تفكه وبلش يرجع الوعية بس يون من جسمه وراسه حيدر شاف وضعه بدة يتحسن أستأذن بالرحيل راح وبقيت انه وياه قفلت البيبان وطبيت على رواسي غطيتها وغطيت تميم ورجعته بغرفته ورحت لجبل وحجيت بهمس.. بابا حياتي اتكئ عليه خلى نروح للغرفه هنا بدت تبرد.. جاوبني بتعب وهوة مغمض
جبل بتعب: أي بابا
عهد: كومته وزعم اتكئ علية وهوة كلشي شاله بحيلة وطب للغرفه بس لازم ايدي وهذا هوة شمر نفسة على الجرباية كعدت يم راسه وخليت راسي على راسة وججيت بحركه كلب... بابا حياتي كافي وعلي ماتحمل اشوفك هيج كلبي محترك صاير نار ومامتعلمه هيج يصير بيك حبيبي شتريد انطك مي عيوني وترجع صحتك تمام مايغلن عليك..حجه بتعب
جبل: روحي ليغاد بابا لا تنعدين
عهد: يروح كلبي يكلبي احنا بكلشي سوة لا مرض ولا بطيخ بس ارجع بحيلك.. من حجيت هيج كأنما انقذته سحبني كبل لحضنه حضني بقوة وكأنما جاي ينتقم من المرض بحضنتي حضني وغفى بسرعه سحبت الغطى وبادلته الحضن ونمنه كعدت الصبح جبل بمكانه وعلى نفس نومتنه قست حرارته معتدله كعدت بهمس.. حبيبي جبولتي كوم
جبل: والله كاعد بس مايهلي اعوف حضنج
عهد: دبسزز وعلي كوم شوف جهالك
جبل: جهالي كعدو وكلتهم سويت لتميم ممه ورواسي اكلت تفاحه ونوب موزه وسويت الها كوكوبوكس مدري شسمه وانت بسابع نومه
عهد: كمت لحيلي وخليت عكسي على صدرة وكمت اباوع عليه.. يول يابه والله انتَ رجال نادرة
جبل: من اكلج انتِ موشكول لغه عربية
عهد:المهم لبارحه خرعتني وخبلتني ليش هيج سوي متكول انه خطيه
جبل: والله عهدي تعبان فدمرة بحيث جسمي صاير تتن
عهد: سودة بوجهي ليوم روح للصيدله جيب ادويه حتى لا يتراكم عليك المرض
جبل: اكلج لبارحه خالد لو حيدر اجه؟
عهد: حيدر بس خابر خالد علمود الادوية المضبوطه... مسح على وجها بقوة دفنت راسي بركبته وعضيها
جبل: عهدددددددد لااااااااا
عهد: ابتعدتت وطلعت اله سنوني وضحكت
جبل: ولج يابة جم مرة اكلج هاي السالفه بطليهاااااا
عهد: اوي يمه شبيك شسوينالك صاير رقيق.. ضربني على حلكي بخفه وكال
جبل: خفة هلحلك
عهد: ضحكت جان يندك تلفوني بباوعت للساعه بـ8 سحب جهاز جبل وانطانياة.. شكرا حبيبي
جبل: عيني انتِ
عهد: باوعت للمتصل الكوبرا كمزت من مكاني وهمست.. الكوبرا... رديت عليها... الو كوبرا
سديم بضوجه: هلاو حبي اكلج كبد اريد سيارتج سيارتي صبحت بنجر اربع تايرات مدري شجاها
عهد: اخذيها حبيبي هسه اطعلج واجيبلج لسويج
سديم: ستعجلي حياتي وعلي ماعندي وقت
عهد: ولا يهمج ثواني... سديته والتفت لظلام... تريد لسيارة لان سيارته بنجر كل التايرات اعتقد هاي لعبه من حمزة
جبل: حمزة صارله سبوع بغداد يمكن
عهد: هزيت راسي ولبست روبي وشال واخذت لسويج وطلعت ركض شفت رواسي كاعده قريب على التلفزيون حجيت وياها.. ماما رواسي ارجعي من التفزيون اكعدي بعيد عنه.. طلعت لبره لكيت لحرس جاي يبدلون وجبات اشرت لسديم تجي اخذت لمفتاح وراحت تركض طبكت لباب وطبت للبيت لكيت رواسي على نفس كعدتها رحت يمها.. ماما حياتي ليش متسمعين كلامي
رواسي: تبيررر يددد( افلان كارتون يكون بحجم اكبر)
عهد ميخالف حبيبتي ارجعي ليورة حتى تبقين حلوة وعيونج تبقى حلوة
رواسي: اوعي
عهد: كمت منها ورحت على تميم لكيت كماطه مبدل اعتقد جبل مسبحها لان حتى عطرة يختلف بسته والتفت لغرفتنه طبيت شفت جبل مخلي ايدة على راسه حجيت وياه.. شنو حياتي ليوم متروح للدوام
جبل: لا بابا اخذت اجازة يومين تعبان
عهد: يسسسس حتبقى يمنه
جبل: اي حبيبي
عهد: احبكككك احبكككك كمزت من الفرحه على الجرباية وحضنته بقوة وهوة بادلني الحضن بقوة وصاح بصوت مسموع
جبل: احبج ياشرارة كلبي احبج يارعب أسمي احبج يا ثباتي
عهد: يابعد امهاتي... باسني براسي كمت من مكاني وكتله... عجل چا كوم نتريك بالحديقه
جبل: يابعد العجل والچا والعد كومي بنيتي تأمرين
عهد: كمنه وكفت اطبخ وجبل يحضر وياي الخايف اباوع عليه بعدة تعبان بس شايله بحيله شلت البيض والزيتون وطلعت لكيته كاعد هوة ورواسي على الميز بس كرسين موجودات... حبيبي چا وين كرسي نياتي
جبل: ليوم تكعد بحضن ابوها
عهد: حجاها وباسها خليت لاكل وكعدت أصب جاي صبيت بلاكلاصات بديت اكل جان اشوف ورده لون احمر غامق كمت من مكاني بحركه سريعه قطفتها وكعدت بمكاني قدمتها لجبل
جبل: بعدعمري شرارتي
عهد: رواسي كامت ترفس تريد تتزل نزلها جبل راحت جابت ورقه مال شجرة وانطتها لجبل واخذت الوردة مالتي وانطتياها وكالت بعصبيه وكزكزة
رواسي: بئ أبوهه (بس أبوي)
عهد: ضليت صافنه عليه بلاخير ضحكت وشلتها وكمت اجعص بيها وجبل يكلي..
جبل: انمردت البنيةةةةة ولججج لا هيج
عهد: ولكك بابا اريد اجعصها بكلبي يربيييييي شحبها وففففففففف
جبل: يله كعدو واكلو حتى اطلعكم اليوم
عهد: لا حياتي ماريد نطلع اريد اكضي هاذا اليوم بس بيناتنه
جبل: هوة نهار كله نكضي بالبيت ونتعشى واخذكم لمول بغداد
عهد: ماشي متفقين بس حبيبي انت تعبان والله
جبل: مابية شي باباتي انتو صار هواي مطالعين
عهد: بس بابا الطلعه مو مهمه بكد ما صحتك مهمه
جبل: اكلي بنيتي عوفي لسالفه هسه عند الطعام ينقطع لكلام
عهد: هزيت راسي كملنه أكل كعد جبل بالحديقه وانه طببت الغراض سمعت تيمو كام يبجي رحت بوسته وخليته بالحاضنه مالته وطلعته يم جبل ورواسي طبت رواسي طلع العابها وكعد جبل يلعب وياها ويلعبون تيمو وياهم بديت انضف واعزل لبيت كملت كلشي بـ11 طفيت لجداري وكعدت أبخر لبيت طبيت لغرفتي طلعت هدوم ومعطرات وطبيت أسبح انتبهت لشعري بي تقصف واللون صاير باهت مالته اريد ارجع أصبغة لون مميز طلعت من الحمام جففت شعري ومشطته ورفعت كم خصله منه وطلعت طبكت باب لغرفه وطلعت للحديقه لكيتهم على كعدتهم بس رواسي شكله مال وحده راح تفطس من للنعس رحت يمهم وكلت.. شنو هاي ليوم مناوين طبون لبيت
جبل: لا تحجين ترة رواسي تلقي القبض عليج
عهد: صدككك يمهههه خلي أسكت
رواسي: اثثثثث(اشششش)
عهد: لا عمي اثث اثثث تدللين... كعدنه ورواسي تجي تخلي الابرة بأيدي زعم دكتورة ولازم نكول اخخخ وارح اموت ويم ابوها تصير شرطي وتكله
رواسي: تح تح(طح طح)
عهد: مر الوقت واحنا نلعب وياهم وتميم كضاها يضحك اذن الضهر وكمنه لمينه لمكان ولغراض وطبينه جوة جبل راح يتوضى وانه طببت تميم بلغرفه وية رواسي وعلكيت الهم تلفزيون طلعت من الغرفه ورحنه للاستقبال انه وجبل وكفنه نصلي اثناء الصلاه جتي رواسي وكفت بيناتنه وكنوب رافعه راسها وضاحكه بوجهي وبوجها جبل كملنه كعدنه ندعي وهيه تدعي ويانه كامت وعافتنه رفعت راسي لجبل ابتسمت بهدوء وخليت راسي على كتفه وحجيت بهدوء... الف الحمدلله لانك بحياتي اشكر اليوم والضروف الي جمعتني بيك اشكر رب العالمين على العوض الي انطانيها عوضي انتَ واطفالك اعتبركم رساله ربانية لكلشي مريت بي احبك هواي احبككككك... باسني براسي وحجه
جبل: لا شئ يعادل وجودج بحياتي احبججج هواي
عهد: ابتسمت ورفعت راسي وكمت صبيت غده تغدينه وكملنه وسبحت لاطفال وكلتهم ونومتهم وجبل كعد بلاستقبال هوه واوراقه وشغله رحت يمه خليت راسي بحضنه ونمت مرت الوقت الطويل وساعه جر ساعه لحد ما كعدت بـ6 ضبط مطيت جسمي لكيت روحي بغرفتنه وحتى جبل نايم شغلت التيبلام لان ضلمه الدنية طلعت كبل لغرفه لاطفال لكيتهم نايمين عليت التدفئة لان دنية غروب وشغلت اذكار المساء وكفت أسوي عشى كليت كبه وسويت سمبوسة وعندي تمن ومركه مال فاصوليه ملات الغده حميتهم وطبيت لغرفتنه رحت لجبل خفت لا نوب متمرض وخرت أيده من عيونه جان يفتح انه كبل عطت وغمضت عيني بهاي الثانيتين الماضي كله مر كدامه خفت افتح عيوني كام جبل الي بسرعه ويحجي بخوف
جبل: بابا شبيج شو باعيلي بنيتي عيوني بس فتحي شبيج
عهد: لا لا خاف ترجع
جبل: عهد ماكو شي فتحي باباتي أسمعي صوت القران وفتحي يله
عهد: يحجي وانه ارجف من الخوف فتحت بهدوء وكبل ضمني بحضنه ستغربت من وضعي وتعوذت من الشيطان ابتعدت عنه وكتله... يله تعال نتعشى
جبل: اشش كليلي صرتي احسن وليش هيج صار وياج
عهد: نزلت دموعي وحجيت بصوت مخنوك... هلايام لماضي كدام عيني اخاف لا ارجع نفس الشي
جبل: ليش توهوسين ماكو شي هياتج شحلاتج قويه وسباعيه وراح توكلينه كبه من ايدج لحلوة
عهد: تنهدت براحه وميلت راسي وكلت... شكد محبوب انت؟؟
جبل: بس هبهب ام عيون لبقص متحبني
عهد: هوة انت متحبها لو هيي ههههههه
جبل: شعور متبادل بين الطرفين
عهد: هيه بس ويه ابو لاكبر متولمه ههههه
جبل: نفس الطينه الله يعين رجلها ويعين مرت للاكبر
عهد: ضحكت وطلعنه رحت لرواسي كعدتها وغسلت وجها وطنكرت الا تغسل سنونها... ماماتي سنونج بعد لاكل غسليهن
رواسي: نوو صبح(لا دينة لصبح)
عهد: ماماتي دينة ليل حبيبتي ياصبح
رواسي: نوووووووووو
عهد: عصبت وكزكزت سنوها جاوبتها.. هذه هوة ماما هاج غسليهن.. نطيتها معجون أسنان غسلت اسنانه وكنوب شوفهن الي وانه اتغزل بيهن كملت طلعنه لكينه جبل يحجي بالتلفون رفعت راسها وتأشرلي اشش وانه أشر الها أش وجبل يباوع وكوة لازم ضحكته مر الوقت وتعشينه وكملنه وجبل كال
جبل: يله حبايب كلبي تحضروا حتى نطلع
عهد: اوك حياتي... طلعت الها قميص وسترة وبنطرون وحذاء وانه هم لبست قميص وسترة وحذاء جلد نازل موديله اخذت اله صورة ونشرته حاله واتس وبصفه الجنطه السودة بدلت ولفيت شالي ولبست رواسي بنطرون أسود وبدي اسود مكتوب عليه الرواسي وكتابة زغيرة جوة مكتوب عكازة الظلام اخذت تميم ولبسته اوفر وكمطته واخذت الحاضنه مالته وممه زحليت وحفاضات وعطرة وباودر اطفال بالجنطه مالته حطيت غراضي بالسيارة وطلعنه كلعادة تميم ليوره ورواسي بحضن جبل وانه ليكدام شغلنه اغاني هادئه ورواسي عترضت وبرطمت تريد الا أغنيتها شغلها ألها جبل وكام يغني الها
جبل: البنية حلوة البنية
البنية كلها حنية
البنية تعاكس فيه
البنية هلا هلا هلا
الايد الايد جكليته
والفم الفم فديته
وتلخد بسته وبكيته
بيها شي
لا مابيها
عيني بيها شي؟
لا مابيه
راحت تشتكي مني لجدها
ماعرفنا لعبها من جدها
كل المشكله بوسه خدها
بيها شي
لا مابيه
عيني بيها شي
لا مابيه
عهد: رواسي كامت تضحك وصل كاظم الساهر للمقطع الثاني الي تحبه رواسي وغنينه كلنه وياه
جبل عهد رواسي: تلون في خدها وفمها
وتغمزلي وتجري على امها
الااخذها بحضني واضمها
بيهااااا شيييي لا مابيه
داده بيها شي لا مابيه
عهد: صفكنه وراسي تضحك ويانه وتهوس وتميم كعد اخذته وخليته بحضني وكمت العبه واناغيله وراسي طفرت من جبل باسته ورجعت لمكانها وصلنه للمول نزلنه ودخلنه اله ضلينه نفتر وروااسي ويه ابوها ابد ما عافته اخر شي كعدنه نشرب عصير اتصل على الواتساب ابو لاكبر كلت لجبل.. حبيبي ابو لاكبر يتصل علية
جبل: ردي بنيتي
عهد: رديت عليه وكتله... الو هلاووو
ابو لاكبر: اكلج انتِ ليش لابسه بسطال جبل؟؟؟
عهد: لككككك هاذااااااا ب 45 من الـ**** اشك هدومي هسه
أبو لاكبر: ولج لو اشوفه بالشارع ماشتري لا نوب يلمع دخيلك يلحسين يكرم أسمك
عهد: عابتتتتلك غيور شتريد هسه
أبو لاكبر: لا ماريد شي بس حبيت استفسر على قضيه الحذاء
عهد: ابو لاكبر احضرني ولا شوفني وجهك بعد... سديته بوجها جبل يضحك ضحكت من شفته مر الوقت وصار لازم نرجع للبيت طلعنه وهستونه نريد نركب السيارة وصل تلفون لجبل وجبل كام يحجي بتعجب
جبل: تحجي صدك؟؟ زين هسه انه لابيه اطلع للانبار ولا بيه اطلع نجف او غير محافظه... شنو ادبر نفسي ساعه بـ10 تدري انت لو لا واني مابيه حيل مال أسوق محافظات وهسه الوضع اخطر... اخافف شنووو شبيك يمعود انه ماخايف على روحي خايف على عائلتي.... هذا هوة انتبه لنفسك من الطريق راح اوصلهم لبيت الدورة واتلكاك يم الـ*** دير بالك وياك اروح... بسلامه
عهد: انعصر كلبي وحسيت صاير شي كمل مكالمه وكلت الها... شصاير
جبل: ماكو شي ليوم نروح لبيت لدورة
عهد: تحجي صدكككك ماريددد اكرة هذا البيت مو تدري بيه وبعديننن شصاير وهيج راح نروحله
جبل: عهدي بابا اصعدي بالسيارة وماكو شي شغلات امنية تنحل يومين تلاثه
عهد: زين بس منو جنت تخابر
جبل: ابو زينة
عهد: ماشي حبيبي الي تشوفه مناسب سوي.. هز راسه واني سحبت جهازي وراسلت زينة كتلها.. اكلج كبد شصاير وشبي عمو؟؟؟؟؟... ردت عليه بنفس الثانية
زينة: سالفه طويله المهم راح نجي لبغداد هسه كلنه
عهد: شبيكم تحجوز الغاز يمعوديننننننن؟؟؟
زينة: محاجيه الغاز بس سالفه طويله يراد الها ساعتين تلاثه حتى افهمج وانه هسه راح اطلع وابوية يسحب مني الفون ويقفله
عهد: خوش بعدين نحجي باي وانتبهي لنفسج
زينة: احبج باي
عهد: سكتت وقفلت لجهاز والتفت لجبل... بابا حبيبي بس كلي شنو صاير حتى اعرف اتصرف وما اجفص
جبل: شوفي بابا لبارحه جنه بالشغل وابو زينة عنده اخ اتصل عليه وكله اريدك باجر تجي عليه على اليوم كله ميخالف تدلل المهم اليوم من طالع من المركز واصله تهديد ومليوصه عليههم اجه كلي عائلتك طلعها من المحافظه كتله لا راح اوديهم لبيت الدورة هاهيه
عهد: يااااا خطيهههه الله يحل ازمتهم
جبل: امين
عهد: وصلنه ونزلت لاطفال جان البيت نوعاً ما نضيف مابي شي وكامل مكمل نومتهم بمكان مرتب وانه ضليت انتضر جبل الي راح لعمو مر الوقت طب جبل للبيت نزع ملابسه ولبس بدي وبجامه واخذ تلفوني وطلع عررفت الشغله صارت خطرة كلش لان جبل مياخذ الجهاز الا لسبب قوي طلع بسرعه طلعت وراه شفت عمو ابو زينة واكف شوية وطلعت بنية كاصه شعرها نفس كصه شعري لحنجها ولابسه تراك أسود وابيض طبت للبيت الي مقايبلنه
صاحها عمو ابو زينة وكال الها
سمير: صيحي زينة بوية
-اوكي عمو
عهد: طرت من الفرحه شوية وصفت سياره أبو لاكبر وسديم نزلو سلمت عليهم وطبو جوة التهيت وياهم شوية وسمعت صرخه قوية طلعت أركض شغلت جبل لازم رجال ويضرب بي كمت أصرخ طلع ابو لاكبر ودخل بنصهم عمو ابو زينة سحب الرجال وابو لاكبر سحب جبل التمت العالم وصارت هوسة الافت ابو لاكبر على صوتي وخزرني اطب ماهتميت اله الا من عاط عليه طلعت سديم سحبتني
سديم: طبيييي جوةةة شجاج قابل زغار همه يحلوها
عهد: اختنكت وكلت الها... جبل جبل جبل كتل كتل واحد يمههههه ولججج رجلي راح اخسرة
سديم: شسالفتج يمعوده شنو تخسري ليش هيج تحجين ترة عادي همه يحلوها اهدي حياتي
عهد: كملت كلامه جان طب بنيه للبيت مانتبهت لملامحه اله من وصلت يمي باوعت عليها ونصدمت من شفت زينة جتي تركض عليه وتكول
زينة: عهدددد شبيجججج سديممم شبيهااا ولج كلبها راح يوكف جيبي مي بساع
عهد: زينةةةة شكوووو شبييي جبل فدوةةةة
زينة: اشش هسه احجيلج بس اشربي مي سديم كوميها وياي
سديم: فتتت كلبي
عهد: كومتني زينة وسديم وكعدت بالصاله بس ميته خوف اخاف هذا الرجال يشتكي على جبل او يصير شي بعد ما اشوفه سحبت زينة وكلت الها... شبي عفيه ليش ضربه
زينة: واحد مفشر على الاخ وهسه فضوها وتراضو
عهد: ولجججج عينييييي رجلي راح يروح بيها
زينة: لا ماكوو شي صديكني هسهابوي حجه ويه الولد ولطمة على حلكه هاي السالفه مدري منين طلعت النه
سديم: زين هذا شايفته
زينة: أسمه ••• •••• •••• •••••
سديم: جوذوببببببب
زينة: ولحسين ليش
سديم: ولج هاذا المدير مال قسم الصيانه مال مستشفى ********
زينة: اي هوة المدير بس معقوله مديرج؟؟؟؟
سديم: اي وعلي شبيج لجججج عزةةة نصدمت
عهد: صيحولي جبل شوفو ويننن ولكممم راح اموت
زينة: كافيييي لا تتخبلين داكلج مابي شيييي و لاكبر ميقبل نطلع
عهد: ضليت اون لحد ما طب جبل علينه هوة وابو لاكبر كمزت عليه.. شبيكك تخبلتتت تكتل العالم بعدين تروح بليه
جبل: خيولي صار هواي سكتلته كل ماجي هنا يذب حجايه يطبه طوب ابن***************
عهد: بسسسسسسسس لا تغلط خوما بيك شي خوما اذاك
ابو لاكبر: هايييي منوووو هنااااا ولككمم زينةةة
زينة: شكد صوتك مزعج شلونك يول
ابو لاكبر: بخير لحمد لله
زينة: يديم اكلج حبي عهد راح اروح باجر لصبح اجيج انتِ وسديم وابو لاكبر بربك جيب رودينة
ابو لاكبر: دفعه مردي بعصاه كردي روحي سبع حصوات وراج
جبل: شكد تاكل ***
سديم: الله وياج حبي عود اتصلي عليه
عهد: طلعت زينة وانه رحت اشوف جبل خاف متعور لو شي جان يصيح بيه
جبل: ليشششش محسستني انه جاهللل ترة روحي طافرة
عهد: جبللل صوتك ما اسمعه حتى لو شمر حجي اعوفه مثل الجلب ماعليك بي ينبح ويسكت
ابو لاكبر: ولج طشر وجه للرجال
عهد: وانتَ تكيف... حضنت راس جبل ونزلت دموعي.. يول وللله ماعندي غيرك لاسوي هيج
ابوالاكبر: اووو بيبي اي لافيووووو
عهد: حجاها بصوت مال تنعوص طكيتها بضحكه... اخخخخ يمهههههه
جبل: هوشش لجهال نايمين
عهد: اباوع على سديم لي لا شاركنه حديث ولا شي انقرهت عليه الله ليوفقك حمزةة باوعتلي برود وكامت كالت
سديم: انه راح انام نعست كلش
عهد: نوم لعافيه كلبي.. راحت ضلينه كاعدين انه وجبل وابو لاكبر ضلينه نسوالف مر نهار كامل بهدوء ثاني يوم بليل رجعت سديم من الشغل تلكاها جبل جان يكول الها
جبل: سديم بوية شوكت ترجعين لحمزة
سديم: من انت ومديري تصالحون
جبل: مديرج ليش شعندي وياه انه
سديم: جبل مدير قسم الصيانه يصير نفسه هذا الولد
جبل: خرب شرفه واكول ويننن شايفه انيي
سديم: اي
جبل: سديم صار شهرين على سالفتج مدري اكثر اكعدي احجيلي كلشي
سديم: شحجيلك نوب اروح ابتلي بيه حيل
عهدد: النقاش كان حاد بيناتهم هوة صابر الها وهيه صابر على حمزة محد يعرف سبب زعله سديم ودخولها علينه الساعه ب 4 الفجر وهيه جاية من الانبار لبغداد ، ضغط عليها جبل لحد ما حجت
سديم: جبل اخوك اعوججج
جبل: عرفت الان انتِ ماتزعلين على سبب عادي المهم احجي شكوووو
سديم: اخوك 3 مرات يطبلي شارببببببببب تفهم شنوو
جبل بعصبيه: شدتحجننن انتِ مو كتلته
سديم: اول مرة طبلي شارب ساعه بـ2 بليل وخرع لاطفال وخله عياطهم ماله ولي حرب يصيح بابا
مخبل ويبجي وانه اكله انجب عيب مابي شي راسه يوجعه حبستهم بغرفتهم وططببته وسبحته ورحت
نومت لاطفال ورجعتله نومته كعدت الصبح كتله بهدوء وبدون اي علامات زعل حمزة ليش هيج مسوي لبارحه وشارب كلي
حمزة: بعد ميتكرر هلشي
سديم: سكتت وكتله ماشي هاذا هوة حبيبي وكول لاطفال جنت صاحي وبس راسي يوجعني هز راسه
مرت لايام وتاخر بليل محد كاعد بس انه جاي انتضرة الجهال نايمين طب عليه هوة وصديقه
وصديقه واحد ملعب وسكير وادبسزز وها طب شارب تلكيت حمزة وصديقه تحرش بيه يكلي
-انوم حمزة هسه ونلعب انه وياج
سديم: ترضاها جبل واحد هيج يكول لعهد المهم اكملك طردته وهددته الم عليه العالم كلها طلع يركض رحت سبحت حمزة وطلعته كبل نام صبح صبح حبيبي ليش جيت سكران ملي
حمزة : وعد وعد بعد ميتكرر هلشي فدوة اروحلج
سديم : كتله ماشي حبيبي كوم وصلي للدوام حباب سيارتي بنجر... مرت الايام وهم تكرر هلشي بس بطريقه خلتني حتى أشمئز اباوع بوجه حمزة بعد تأخر بالجية اتصلت عليه جاوبني كوه يحجي ويمه صوت بنية ناعم تكول
-يله حبيبي مشتاقتلك ومشتاقه لحضنك
سديم: لهنا وبس فاض صبري كتله... حمزة ابنك تهربط الحك اله بساعع ماعندي احد
حمزة: ج ج جاي
سديم: يجر الكلام جر مر الوكت وطب للبيت اول ماطب البيت ذب روجه على التخم باوعت بركبته
اكو علامه ذبيت عليه غطى واخذت غراضي كلهن بالسيارة الي احتاجهن واخذت مسمسكاتي وطلع
ساعه بـ2:00 ضبط طبيت بغداد بـ3:50 دقيقه وطبيت عليكم بـ4:30 تقبلها جبل تقبل مرتك هيج
يصير بيها بعد لو ايه تنزل بي بعد ما ارجعله وانتَ تعرف قانوني ومبادئي ما اتنازل عنهن لو شيصير
فرصتين الثانية ماعترف بأي احد حتى لو كانوا
اطفالي يمه اطفالي الي فتح حلوكهم هوة يدبر
رزقهم ويعيشون ف لا تضغط عليه وتكلي رجعيله مستحييلللللللل ارجع لشخص مايحترمني
جبل بعصبيه: ولججججججججججج شترجعيله ليوم بس الموت يخلصه من ايدي
عهد: عصب جبل الي درجه واخذ سلاحه وباجه ولسويج وطلع جلبت بأيدة واصيح... جبل لاااا حباب لااااا اهدةةةةة فدوةةة... عت ايده مني وركب سيارته وطلع للانبار طبيت لسديم وكتله بدموع... ولججج راح يخلص عليههه
سديم: والله صراحه يطبه طوب
عهد: مرت ساعه واني اتصل عليه ميرد اخر شي طفرت روحي ساعه بـ11 بليل لبست عباتي ورحت لبيت عمو ابو زينة دكيت لباب طلعت بوجهي أم زينة وبنية وراها تطلع بكد زينة كتلة... خاله عمو ابو زينة وين
ام زينة: ليش بنيتي خوما اكو شي
عهد: صارت مشكله بلانبار وجبل راح عصبي راح يحرك لامه فدوة خاله وين عمو ..
ام زينة: ميار امي صيحي عمج بساع بنيتي
-عموووووو عمييييي تعاللل بنية بالشارع تبجي تريدكككك
عهد: شوية وطلع عمو حجيت كلشي اله من البداية لحد النهاية
سمير: ام زينة لمي غراضج بسرعه وانتِ بنيتي عهد طبي للبيت وقفلي الباب عليج لو جبل اخوج يكلج فتحي لباب لا تفتحيها خوش بويه
عهد: حاضر عمو.. طبيت لبيتنة وراح عمو سمير للانبار كضيت ليل كله انه ادعي ربي العالمين ماكو شي تلفوني مو يمي بس تلفون سديم وتكول اكسرة ومانطي الج هسه تتخبلين عليه وعلى جهالج للصبح بـ8 راحت سديم للدوام بقيت بس انه احوص وكلبي متكطع صارت بـ11 فتح جبل الباب وطب رحت عليه ركض شفت عينه مورمه شويه بس زركه اباوع غلى باقي جسمه كلشي مابي حجيت بخوف... جبللللل شبيهااااا عينكككك منو ضاربك
جبل: حمزة ال*******
عهد شصاررر بس فهمني
جبل: مصار شي صفيت حسابي وجيت
عهد: منو راح وياك
جبل: ابو زينة وابو لاكبر
عهد: شسويت لحمزةة
جبل: كسرت ايده ورضوض بالعضيم وخشمه سوله عمليه لان نكسر ورجله طكت ببس مانكسرت بس يكول ماكدر امشي عليها وهاهيه والصبح جيت
عهد: جبل موو هيج خطيه
جبل: لو انتِ ترضيها على ورحج رجلج هيج اذا ترضيها كليلي خلي اوكلج حرام و اطب ملاهي واخلي ربعي يطبون ويطلعون للبيت عادي كلش واذا تحبين ازوج بالسر شتكولين
عهد: شفته يحجي برود مغلف براكين رد حجه
جبل: انه سديم اعزها وحاسبها اختي لثثالثه لهذا مثل ما اقبل على ملاك وهدى ما اقبل على الي يصير بيها واطلع حقها من عيون امي وابوي واخوي واختي ومن عيون لكل
عهد: حجيت بهمس.. لعد شبيها عينك
جبل: من ضربته رجعلي لبوكس
عهد: وهسه عينك تأذيك
جبل: لا
عهد: سكت وطب للغرفه وقفل لباب رحت لتميم خليته بحضني ورضعته وشغلت اله كارتون وخليته بالحاضنه مالته كعدت رواسي يمه خليت كبالها صينيه محتواها ماعون فواكها و جيلاتين 3 وجبس وعصير ليمون وخمس كلاصات مي مر الوقت
رواسي كالت..
رواسي: لولية اليد (اريد انام)
عهد: تعاي نياتي خلي اسبحج وامشطلج حتى تنامين نضيفه وحلوة
رواسي: تششش (بالماي)
عهد: ماما أسمه ماي شنوو تششش
رواسي: يثثث (يس yes)
عهد: شلتها وطببتها سبحتها وطلعتها لبستها تراكسود ومشطت شعرها وغطيتها وشلت تميم هم
سبحته ورضعته ونومته بصف رواسي عليت التدفئة وطلعت باوعت للغرفه مالتنه طبيت الها لكيته نايم
طبكت لباب وطفيت الضوة ومددت بصفه وضليت ساكته كام لحيله وفتح ايدي ونام بحضني بسته
براسه ونام ثكلت نومته ضليت كاعده لفترة شبه طويله بعدين نمت كعدت بوساته خفيفه على وجهي ضجته وكلت.. جبلل وخررر شواربك جككني زينهن والله
جبل: ههههه تغارين منهن غاثاتج
عهد: اوي عشتو على شنو غاثاتني داده
جبل: كومي ولج ام لسانه
عهد: ام لسان بس محبوبه اعضك هسه من خشمك اخلي يورم مثل عينك
جبل: دمشي لج هيه هاي العازت
عهد: ههههههه خلي اجرب
جبل: نجبيي
عهد: جبل عندي صبغ اضافر مال ديبورة شايلته بالجنطه خلي اصبغ اضافيرك
جبل: عهد بربج انتِ صاحيه عليج الله
عهد: عجل چا عوفني انامن.. صار فوكي وانه نايمه صفح ويخلي شواربه بوجهي ويجككني... جبللللللل شواربك اذا ما اخربهن بالمكص انت ونايمم يمهههه جنهن كجيك مال قنفذ
جبل: خلفله عليج
عهد: هسه قابل جذب اكوللل هاي ليش بالجيش الا تربون شوارب
جبل: ءءءء اي لمايربي يفصلونه
عهد: وليش رتبكت بكلامككك جببلللللللللل كذابببب ولحسينننن طلكنييييييييي
جبل: ماطلك
عهد: طلكنيييييي اريد ارتاح والغايب الكم
جبل: اللههه
عهد: بس ولدي يجون وياي مايبقون عدكم
جبل: وانطيج فلوس الكروه هم مو بس ابنج وبتج
عهد: عابت شكد مليق لاربعيني الجاددد الشايببب العجوززززززززز الحجيييييييي
جبل: بربج كل هلجمال وتكولين شايب فعلاً انتِ عندج عمى
عهد: اويي عشتو جمال باع شواربك غينن جكيك قنفذ
جبل: دعوفج من شواربي باعي جمالي الباقي
عهد: القرد بعين امه غزال... ستوعبت شجفصت وهوه فتح حلكه عليه كتله... وعلي ماقصدد عزةةةة بعرته بلحسين حبيبي والله انتَ مو قرد انه لقرد وبعيونك غزال
جبل: واللهههه صدك اول مرة تحجين ضميرج
عهد: فتحت عيني عليه جبلللل يعني انه قردد؟؟؟؟؟؟ طلكنيييييي طلكنيييييي جببللللل طلكنييييييي الاربعيني طلكنيييي
جبل: اششش لا تزعجيني
عهد: والله لعظيم مال اسوي بيك الناقصه واكوم اهلهل بس للاسف ضميري مايخليني المهم حبيبييييي جبولتييي
جبل: اطلعلي بالنضيف شتردين
عهد: اريد سيارة جيب 2022 بربككك الون المارونييي
جبل: فلسسس مابجيبيي
عهد بدلعع: ظلاممممممممم
جبل: شتعل ظلام
عهد بدلع: حياتيي فدوة بابا والله اريدها بربك
جبل: عهد مو وكتها
عهد: جبللل مليت من هاي السيارة حباببب بابا حباب
جبل: خليها مو هسه الله كريم
عهد: بابااااااا اريددددد حبابببب
جبل: خليها ياعيني والله ماعندي هسه
عهد: بابا والله عندكككك بس جاي تتعزز حباببب حباببب انه احبكك هواي
جبل: شتعزز ولج
عهد: بابا صار الها من 2018 يمكن ماذكر والله من نجحت بابا حباببب بداعه العشرة
جبل: ياعيني هسه انه كايلج لا كايلج خليها هسه مو وكتها
عهد: باباااااااااا مبين من عيونك كاعد تكذب مجيبهااا انه اعرفنك من تحجي صدك حباببب بابا ابوس ايدك عيونييي
جبل: هذا هوة بنيتي اذا لعصر ماعندج شي اخذج للمعرض
عهد: جوذببببببببببببب
جبل: احجي عدللل
عهد: كمزت عليه وكمت ابوس بوجها اصيح.... احبك احبك احبكككك يمااااااااا اعشكنك
جبل: وانه هم احبج بنيتي شعندي غيرج
عهد: حضتنه بقوة.. الله لايحرمني منك... عدلت كعدتي وايده على خده وحجيت بصوت هادئ... جبل
تعرف شكد احبك يعني والله انه بحد ذاتي ماعرف انت مرهم بارد على كل جرح مر بيه عوض لكل شي
خسرته انتَ شي اعتبرك هدية من رب العالمين تعرف من شفتك اول يوم وانتَ تلعب رياضه
بلحديقه حسيت بيك شي مختلف شي ماموجود بأي شخص بعدها ششفتك وجها لوجه وانه طالعه لبيت
عمي جنت واكف لو ويه خالد لو ويه حيدر جنت اطول كل اخواني وانه اغارر اكول عوذة ليش اكول من اخواني بعدها شفتك من الشباك مال غرفتي
جنت اجيب ماعرف شنو المهم شفتك وركزت بتفاصيلك بعدين كلت حرام اباوع عليه من عدها مارفعت نضري عليك شكد اشوفك بس ابد ما اباوع
عليك واكثر مره حجينه بيها بعرس عماتي وبنات عمي هههههههههه بوقته جنت اجيب الهن مي وشفتك جنت اكرهكككك اتخبل ولا يجيبون اسمك
وتلاطشت وياك وانتَ تكلي اعصابج قابل طابلج للحمام مدري للغرفه بوكته صعدت لغرفتي وكتلهن
هاجنننن سم هههههه بعدها انجمعنا بسبب ضروف اغلبها مخفيه ومبطنه القليل يعرفونها بعدها طلعنه
حسيت بشعور الايه الكريمه {وَخْلِقٌآ بِيِنَهٕمَ مَوُدَةَ وُرِحَمِهَ}
جنت كلش مغرورة تعرف مجان عندي حتى اصدقاء بالمدرسه بسبب غروري بأخوتي جنت حيلللللل احبهمم حسيت بيوم من لايام راح نفترق طول
السنتين الي بقيت بيها يمنه جنت اكلهم شوكت يروح وما احبه والخ جنت اكرهك ومرت لايام وطلعنه جنت أشوف حنيتك بهوي مواقف
انتَ حنيننن اشياء هواي من جنت اشوف اشياء وكبل تجي تحضني او من اسمع اصوات وتكوم تحجي بصصوت عالي علمود ما أسمع او من يصير
نفجار وتحضني واخر موقف من الصاروخ مدري الهاون فات وانت حددت صوته وسحبتني بين البيوت وحضنتي بقوه بعدها استسلمت وصرخت
عليه صرخه رجعتني للكلشي مرينه بي بعدها طلعنه دخلت للحرب وانه اكرهك وطلعت منها وانه ما اكدر اطيق الدنية من دونك بعدها عشت ايام حلوة ومو
حلوة وعشت وياك حبيتك بدون لا اعرف انت شنو منو شنو الي جابك بعدها مرينه بحروب صعبه بس ما صعب شي علينه على كولتك احنه خاوينه الموت
وكلنه وياه ثريد باكله بالدهن وها اكو موقف من جنه باحد البيوت وانه جنت جوعانههه حيلللل وانت طلعتلي خبزة ضامهة ألي خاف اجوع عدينة كلشي
وكونه أسرة بعدها كمنه نكتب قصتنه الي عشناها بحلوها ومرها تعرفت على بنات هواي ومن اهمهن أمنه الي جانت بكل وقت اضعف اروح الها جان
كلامها مليان حب وحنيه حيل احبها جنت اكره سالفه حمل تميم وتعرف شصار بيه بس كلامها لحد هسه معلك بذهني من تحجي بدموع وتنصحني
وعتني على هواي شغلات ولا هبهب الي هيه صديقه الكل و زنزن تعرفت على هواي بنات حجن مشاكلهن الك وانت تنصحهن حبوك كأنما اب صرت الهن جنت
اشوف لاسك من تكول ها بوية ويكولن الك شكد بيها حنيه البوية مالتك حنيتك ماكو منها جنت اضن بس انه احس بهاذا الشي بس العكس كلها جاي
تحس بيك احبككككك هوايهه شكد خسرت بحياتي بس انتَ الفوز العظيم عجزت حروف اللغه عن كلشي
تقدمه الي حسيتك أب أخ أم أخت صديقه ماعرف شحسيتك اتمنى تدخل لكلبي وتعرف شكد يحبك
اتمنى تعرف شكد احب قربك وكلامك وشكد أحب هواي امور بيك اتمنى عمري يكون قبل عمرك اتمنى عيونك ماشوف حزن اللهم لا تريني يوم فقد عزيز
مره اخرى يالله... ختمت كلامي وهوة ختم حياتي كلها بقبله عميقة على شفايفي .....
يتبع...
_____________________________________
7000 كلمةة اياكم تكولون قصير يما فحذت اروح اتعشى 😂😂😂