مساء الخير ...
#أجرام_مستباح_لثلاث_ندبات
بقلم الكاتبة أيلول
ins: t8_fe3 للتواصل
𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓
أنه إول ابنادمَ گلبه مَا يبرد
أنه المبيوعَ سِد بـ سِد
أنه الـ خَلص حِياتة يگول :
چا وحَد ؟
.............................................................
جــــمرة ::- درت عليه خازرته تخبلت
::- افتح ايدي ارعن خرب ليش تخليني اسب اهلك وهم ميتين
::- ديله على اساس انتِ ما سابتهم
::- وحق الله هالمره اكول خطفني
::- ماخاطفج امج تشهد وتكول راحت وياه بارداتها
- فتحت عيني ساكته باوعلي ورجع يباوع للطريق حجة بهدوء
::- جــــمرة نبتعد عن كلشي اسبوع واحد وعد اذا خلص هالاسبوع وما اقتنعتي ترجعيلي بعد ما تشوفيني ولا اوكف بطريقج
- ضربت رجلي حيل اصيح
::- افتح ايدي خاطفني انـــتَ خاطفني
::- شسوي لعد باوعي تليفونج عندج وما اقفل عليج باب وعد بــــس اسبوع ونرجع بداعت امج كـــــافي صياح هو اسبوع اذا ما اقتنعتي تخلصين مني للأبد
- درت وجهي ورفعت ايديه وهن مشدودات مسحت عيوني اغلط درت عليه
::- يوميه خاطفني ...........تتوب وانتَ ما توب من الخطف
- رفع عينه خازرني ورجع باوع للطريق
::- شنو السالفة جــــمرة لا تتسوفلين هيج
::- انجب يله انجب الارعن
- سكت يسوق
::- أريـــــد مي
- صف السيارة على جهه فتح ايدي ودار ليورة درت وياه اباوع اغراض موجودات من ضمنهن جدر
::- هذا جدر امي؟
::- اي هي مسويتلنا دولمة
::- هي شلون أمنت بيك شلون تثق وقبلت
- ضحك وفتح بطل مي اخذته منه اشرب گـــــال
::- شافتني جدير بالثقة
- نزلت البطل خازرته وجهي مگلوب گلاب اخذه مني وكملنا الطريق شوية وطلع حلويات وهو يسوق فتح النستله اخذتها منه
::- بعد ما تشوفني وجهك وره هالاسبوع؟
- التفت عليه مبتسم ورجع عينه للطريق
::- وعد حبيبتي
::- حبك ربك وكسر اركبك خوووش؟
::- ههههههه استغفره ذا يحبني ليش يكسر ركبي شبيج بالعه انتِ؟
- درت وجهي مخنزرة مدري شجاي امسلت وانغث اكثر كل ما افكر امي تدري دك تليفوني شفتها هي رديت بسرعة
::- ليش قبلتي
::- لان اليصير ما يرضيني يا اما ترجعون يا اما تنفصلون شيسمونها ما اريده بــــس التقي بيه وانام بحضنه جــــمرة اصفي على بر ماما لو هيج لو هيج اكعدوا سوا وتفاهموا وصلتوا الحل خير على خير ما وصلتوا تنفصلون وجدكم رحمه الله خوش حجي؟
::- لا مو خوش حجي ضحك عليج وقنعج
::- روحـــــي ماما روحـــــي حبيبتي ولا تفكرين بــــس باليوم وباجر فكري لبعيد احسبي حساب عمر.
جــــمرة ::- سكتت سديت الخط هادئة شغل اغنية اصابك عشقاً ام رميت بأسهمً
يهز راسة ويصيح ::-اصابني عشق
الحد ما وصلنا نزلت من السيارة انكث بملابسي واباوعله فترت عيني صارت على المرجوحة حبل من جهه مكطوع وحبل باقي الخضار صاير بعد احله درت عليه ينزل الاغراض من الكشن الوره كتله
::- بلا اجونا مو اندلوا هذا المكان؟
- ضحك وافتر يمي.
::- منو يجيج كلها انسجنت
- سكتت راح فتح الباب واني بقيت واكفه بمكاني دخل للبيت شوية ورجع يصفك ايد بأيد ينفضهن من التراب اخذ باقي الاغراض وما يحاجيني بقيت بمكاني وهو يروح ويرجع گـــــال
::- تعالي يله
- دخلت وراه عاف البأيده ووكف ينظف كعدت على جهه اباوعله تليفونه بصفي سحبته شغلت صورة الخلفية اباذر نايم بحضن الأبـــــهر على رجليه ومصوره ابـــــتسمت وسحبت الشاشة حتى يطلعلي الرمز رفعت راسي على صوته
::- اكتبي سنايبر وراها نجمتين
- دنكت للتليفون سويت الكيبورد عربي وكتبت سنايبر ونجمتين ما انفتح باوعتله
::- الجذاب ما نفتح
- مسح أيــــدة من المي واجه يمي وهو بأيدي
كتب
sniper**
نفتح عافه ورجع يكمل گلبت بيه ما اعرف وين اروح على اي برنامج دخلت على الصور والضحكة شكت حلكي من شفت صورهم ويا دره الأبـــــهر لازمها هي بحضنه واباذر متمدد على رجليها هو اليصور وهي مغطيه وجها بثنين ايديها الصوره الورها الأبـــــهر يسحب بايديها والوراها منزلهن ولازم وجها ويضحكون حجيت بصوت واني اباوع للصور
::- باوع واللـــه احب دره اني
- التفتلي باوعلي بحسرة گـــــال ::- حبيني الي!
- رجعت دنكت اباوع بالصور فزيت على رشة مي بوجهي
::- خرب الارعن
::- تتغدين؟
- كمت على حيلي وكفت يـــــمة صب من الدولمه مديت ايدي اخذت من الصحن اكلت ضحك ونزل الصينية بالگاع كعدت يـــــمة اكلت عادي ما انتظرته يوكلني دنك مبتسم گـــــال
::- عود جاي تكولين انا مو بحاجتك حتى اكل اكدر وحدي؟
- رفعت راسي اله اصبعي بحلكي هزيت راسي اي
::- قابل بعدني جــــمرة المدمنة
::- ما تحتاجيني بعد؟
::- ابد
::- انا احتاجج حتى اعيش
- دنكت گـــــلبي يخوني ويدك حيل شكد ما احاول ابين ما مهتمه اضعف غمضت عيني حيل من حسيت أيــــدة على خدي
::- جمرايتي عذبتني وحگ عيونج عذبتيني
- دفعت أيــــدة اباوع بوجهه ::- شبيك أبــــــهر
::- عيون الأبـــــهر
::- لا تحجي هيج
::- ليش
- عفته كمت غسلت اغلط على روحـــــي حسيته وراي خله الصينية على السنك ووكف بظهري مد ايدية منا ومنا غسل واني بنصهن درت عليه رفعت وجهي اباوعله
::- باوع وخــــر مصختها ترا
- ضحك حيل وابتعد
::- نعسانه؟
::- لا أريـــــد اطلع برا
- فتح عينه على وسعها فاز وصاح
::- خرب شلون نسيت
- حجاها وجر سويج السيارة طلع يركض وكفت بالباب مستغربة شنو النساه فتح الصندوك وفتر يدور جر عمود خشب من الكاع خلاه بالصندوك وافتر غصيت من الضحك من شفت بزونه بقفص وهو بالعمود شايل القفص ومبتعد عنها خايف وصلها يمي كعدت على حيلي أريـــــد افتحلها الباب
::- شبيك شنو هي بلبل مخليها بقفص
- وخــــر لبعيد يرفع بشعره ويباوعلي كاش وجــــهة لان طلعتها ولزمتها بايدي لونها ابيض وكلها شعر حلوه حيل رفعت عيني باوعتله ضحكت
::- ههههههه شكد جبان انـــتَ
::- يله رجعيها للقفص
::- لا شنو حمامه هي
- كعدت على المصطبة وهي بأيدي هو اني مو كلش احب الحيوانات بــــس هاي شكلها حلو وعبالك فقيرة وحتى صوتها ناصي ولان الأبـــــهر يخاف منهن حبيتهن دكيت على مكان بصفي
::- تعال اكعد
- بقى بعيد مدري شيحجي كعد مقابيلي خليت اصبعي بحلكها صاح لعبانه روحه
::- لاااا لج
::- جوعانه كوم سويلها اكل
::- شسويلها شبيج مبينه نازوكيه تاكل بسكت؟
::- ههههههه لا تاكل لحم.
- ابتسم يباوع الوجهي ::- اضحكي واطلبي التردينه انفذ وانا الممنون
- سكتت وهو كام دخل للبيت مديت راسي شفته واكف يم الطباخ سحبت البزونه بايدي ومشيت على اطراف اصابعي بعده ما ملتفتت خليتها على ظهره طفر مخروع ويصيح واني ميته ضحك واكف يم الباب كاشه روحة ويمسح بظهره تقربت يـــــمة مخليتها كدام وجهي
::- ما تعض وعلي باوع شبيك
::- بس وخري عني ادري ما تعض اهووو
- امشي وراه وهو يفتر بالبيت اضحك حيل واحجي
::- شبيك واللـــه عيب مجـــرم ما تخاف من الموت تخاف من بزونه
- طلع من المطبخ لزم عصا من الگاع گـــــال
::- بــــس تجيبينها عليه اطكها واموتها
- رجعت كعدت وهي بايدي ::- حتى اموتك وراها
- شمر اكلها بالكاع وراح للمرجوحه نزلتها تاكل واباوعله شد الحبل ومسحها دار عينه مبتسم
::- جيبي بزونتج وتعالن امرجحج انتِ وياها
- المرجوحه تغريني جريت البزونه وهي خطيه حتى ماكملت اكلها احسها تندمت على ساعة النولدت بيها لان وكعت بأيدي كعدت بالمرجوحه وهو كدامي واكف والعوده بأيده خاف اخوفه بيها لازمتها بأيد ومجلبة بالحبل بأيدي الثانية
::- جلبي عدل لا توكعين
::- لا ما اوكع
- دفع المرجوحه ضحكت گـــــال
::- اذا سامحتيني ورجعنا اسويلج مرجوحه بالحديقة وكل يـــــوم امرجحج
::- ما ارجع بيت امي بيه مرجوحه
- دنك ساكت ودفع المرجوحه حيل ما احس الا نربدت بالگاع اني والمرجوحه والبزونه نجعصت بأيدي وضلوعي احسهن طكطكن من قوة الوكعه
امسح على بطني موجوعه واغلط وهو يصيح
::- بــــس وخري الزفت البزونه خلي اجيج
- واني مجلبة بيها واصيح عليه واغلط الحبال تـــــعبانات من الشمس مدري شنو ونكطعت غير احس اعظامي نهرسن
- عفت البزونه كشاها بالعصا واجه عليه يريد يكومني ضربته
::- كله منك كتلك على كيف الارعن
- عافني كاعده وراح يجيب مي احس النفس كوه اسحبه جسمي كله يوجعني تكسرت تكسرت
اجه يمي شربت مي وكف يغسل ايديه ووجهي رجعت ليوره كعد يمي يعصر ايديه ورجليه اباوعله لام شفته الداخل حلكة كعدت عدل ونزلت راسي أريـــــد اشوف عــــــيونة
::- تريد تضحك؟
- رفع عينه الي وهز راسة لا
::- شو جنك تريد تضحك؟
- دار وجــــهة مني ورجع باوعلي
::- لا ما اضحك شلون صرتي؟
- لزمت ضلعي موجوعه ::- تكسرن عظامي
::- تجين تتمددين ترتاحين شوية
- كمت هزيت راسي اي جبت البزونه خليتها بالقفص ودخلت وراه لكيته يفرش گـــــال
::- جايبلج ملابس اذا تردين
::- اي هذن خنگني
- راح للسيارة كمت فتت للحمام دك الباب اخذت العلاكة من أيــــدة نزعت ملابسي وفتحتها أريـــــد البس گلبتها اباوعلها دشداشة ضيگة وقصيرة جوه الركبة العلامة بعدها بيها كطعتها ولبستها
طلعت مالكيته كعدت على الفراش وخليت البزونه بقفصها يمي اوكلها رجع دخل بأيده عصير بــــس باوعتله ورجعت دنكت اوكلها كعد يمي حسيت أيــــدة على رجلية باوعتله رفع عينه الي مبتسم
::- مسوية رجليج؟
::- شمسوية؟
::- حافتهن ؟
- هزيت راسي لا وغطيتهن بالبطانية گـــــال
::- اتذكر جان بيهن شعر ناعم من الزمهن احس بيه وينه
- رفعت عيني خازرته ضحك گـــــال
::- مو جنت اخليلج كلشي بالحمام اشكال وانواع ويوميه صارفلي خمسة وعشرين عليهن
يا دوب الكاج فاتحتهن بالاسبوع مره
- درت عليه متنرفزه ::- انـــتَ شبيك
::- جاي اسولف وياج شبيج تردين تعاركين
::- لا ما أريـــــد اعارك بــــس لا تحجي هيج
::- خوش
- حجاها وجر فراشة مداه عفت البزونه وتمددت هستوني اغفى وحسيته اجه يمي لماني بحضنه الحد ما نمت شبعت نوم وكعدت لكيته يتدرب بالغرفة شناوه ويعد ارقام ضحكت يحاول يذكرني بمواقفنا الحلوه
كفيت الغطا مني وتقربت وهو يلعب كعدت على ظهره ضحك وبقى منزل ظهره گـــــال
::- صايرة سمينه ما اكدرلج
- مديت ايدي عصرت اكتافه ومسحت على وجــــهة
::- يلا يلا
- رفع نفسه ويرجع ينزل اعد الارقام وياه الحد رقم 19 گـــــال
::- لا 20
::- واللـــه 19
- كعد ونزلت من ظهره
::- لوتية تضحكين عليه؟
::- لو بيك خير تسوي 50
- ضحك ووكف گـــــال
::- غسلي خلي نروح على الشط الجو حلو بــــس البسي هذن لان بارده
- كمت غسلت وبدلت رجعت يـــــمة شفته لازم كلبه ومغمض عينه بوجع
::- أبــــــهر شبيك؟
- فتح عينه بسرعة نزل أيــــدة وهز راسة مبتسم
::- ما بيه شي يله تعالي
::- البزونه ناخذها ويانا؟
::- لا عوفيها بالقفص
- سحبني من ايدي وطلعنا بارده والشمس صايرة برتقالية حيل تريد تروح ونسمات هوا بارده ويا ريحة الخضار تجنن
تمشينا بصف الشط ابـــــتسمت اتذكر من سبحنا دار عليه بسرعة حجه
::- تتذكرين من بستج هنا؟
::- اي الادبسز وشبعتني مي
::- ههههه تخبل جانت احله بوسة
::- زين تتذكر من بستني وتقيئت بحضنك
- عصر ايدي يضحك ويمشي مدنك رفع راسة باوعلي گـــــال
::- اخذت مكانها هواي وكلهن حلوات
::- اي بــــس ابقى تذكر مره بستني وتقيئت بحضنك
- ضحك وسحبني بصفة عبر أيــــدة على كتفي وبايده الثانية يكرص خشمي. ضحكت ادفع بأيده واسوي صوت تقيئ وهو يصيح
::- ترا اشمرج بالشط
- كعدنا بمكان قريب على الشط نباوع للشمس شلون بدت تغيب حيل مركزة بيها والتفتت عليه من رفع التليفون. باوعت وياه شفت الشال المخليته على شعري صاير اعوج عدلته وابتسمت كص صورة كتله
::-باوع أبــــــهر
- رفع عينه الي ::- باوعت يا روح الأبـــــهر
- دنكت اكل بشفتي ورجعت باوعتله
::- هيج ماكو شي نرجع للبيت راح يصير ليل؟
- وكف وسحبني من ايدي گـــــال
::- تعالي نلم حطب نشعل نار ونكعد برا
- افترينا بين الاشجار نلم عوادين خشب مال اشجار وهو جلب بسعف يابس من النخل يهبتها وتوكع واني لامة الخشب البقية وشايلتهن بأيدي رجعنا للبيت خلاهن بالساحه وشعلهن فرش بساط طلعنا البزونه يمنا وكعدنا .
خله مي بالقوري وعافة بالجمر اجه كعد بصفي ثنينا نباوع للنار شلون تاكل الحطب همس
::- جــــمرة
- رفعت عيني اله ما باوعلي مركز بالنار رفع ركبة وحاضنهن بايده ولازم ايد بأيد
::- بعدج عني مثل هل نار هيج يحركني
- دنكت ساكته لازمه عوده صغيرة وبطرف البساط احفر بالگاع حسيت أيــــدة عليه اخذه الشال ورفع شعري من كصتي الحد ما نزل أيــــدة الحنكي دار وجهي عليه حضنه بثنين ايديه وعيونه تنتقل بين ملامحي اباوعله ساكته وهادئة
::- كليلي شنو الاسوية وترجعيلي جــــمرة جاي اموت ببعدج
- رفعت عيني اباوعله عــــــيونة ذبلانه
::- حبيني انا استاهل تنطيني فرصة.
- رجف گـــــلبي وروحي حاولت انزل أيــــدة من وجهي مختنگة ماعافها سحب راسي الصدره
::- جــــمرة ارحمي بحالي تعبتيني
- نزلن دموعي ساكتة أريـــــد اموت جزء بيه يريد يسامح وجزء يتذكر كلشي عشته شهكت ابجي والغصة خانگتني
::- باوع واللـــه اني احبك
- عصرني بحضنه حيل يبوس بشعري
::- بــــس ما اكدر انسه العيشتنياه كلهن اسامح وانساهن بــــس الادمان بيا ذنب خليتني امر بيه
حرمتني شوفت مصطفى وخليتها
ندبة بروحي مثل ندبات ايديك
::- غبي وغلطت اغفريلي.
رب العالمين التعبدينه يغفر ويسامح انتِ ليش ما تسامحين ليش جــــمرة تعذبيني وتعذبين روحــــــج ارحمينا كـــــافي
- ضميت وجهي بصدره ابجي گـــــلبي متگطع عليه وعلي ومنه ومني حسيت أيــــدة على وجهي يمسح بدموعي ويهمس
::- اشش افدي عيونج اشش لا تبجين لا تسامحيني بــــس اسكتي لا تسامحين
- سكتت مختنگة رجعت راسي على كتفة اباوع للنار ثنينا ساكتين صوت الحطب من يحترك وصوت دكات گـــــلبي وصوت الاشجار التفتت من سمعت صوت غريب دار يباوع وياي
رجعت اباوعله
::- شنو هــــا الصوت؟
::- هههه ضفدع بــــس بعيد لا تخافين
- رجعت راسي على كتفه
::- جوعانه اسويلج عشا؟
::- لا ما اشتهي
::- وخري خلي اخلي چاي واجيب ستكاين
- ابتعدت جاب چاي خله بالقوري ورجع جاب شكر وكوب واحد وعلاكة بيها بسكت وحلويات شوية فار الچاي يله صب وفتح باكيت بسكت اكلت من أيــــدة ينفخ الچاي يله يشربني ضحكت
::- انـــتَ ناوي ترجعني اعتمد عليك بكلشي امي تنتحر
::- ههههه يا ريت تمل منج وتشمرج عليه وانا اضمج بروحي
::- هم تمل
::- لو اخلص عمري اداريج مثل الطفل ما امل
- تربعت عدل أريـــــد احجي
::- باوع انـــتَ تدري ليش ما أريـــــد ارجعلك؟
::- ليش؟
- قربت رجلية عليه اكثر مقابيلة صرت
::- باوع انا ما احب اشتغل بالبيت لا انظف ولا اطبخ ولا اهتم بأحد احب اشتغل وادرس
::- ما أريـــــد منج شغل ولا تنظيف اني اهتم بيج
::- لا باوع انا ما احب اتزوج
::- عبرنا هاي المرحلة وتزوجنا
::- لا ما فهمتني باوع يعني ماحب يصير جهال وزوج وتعالي لازم اعيشهم واهتم بيهم اني ما احب هيج
::- ميخالف ما أريـــــد جهال اريدج انتِ .
- سكتت اباوعله رفع ايد يمسح شفتي وعينه عليها رجع باوع لعيوني
::- بــــس ارجعيلي والتردينه انتِ يصير
- بعدت أيــــدة ودرت وجهي اضعف كل شوية .
فترة بقينا كاعدين الحد ما خفتت النار وبقى شي قليل ونعست دخلنا جوا غسلت وبدلت رحت لفراشي وهو دخل يسبح طلعت البزونه من القفص خليتها فوك البطانية على رجلية عاقلة وهادئة رجع دخل بــــس بالبنطلون من شافني مطلعتها بقى بالباب لازم اليده ووكف
::- جــــمرة عوفيها بالقفص
::- تضوج خطيه محبوسة
- سكت من الطرف سحل فراشة وبعده عني ضحكت العب وياها تمدد واتصل يحجي ويا اباذر ودره شوية وسد الاتصال دار عينه الي لزمتها بأيدي اضحك كعدت على اركبي
::- أبــــــهر
::- يا روحه
::- مو تگول الزم البزونه علمودج؟
- حجيتها اضحك بلع ريك يباوع العيني وللبزونه هز راسة اي تقدمت على ركبي نز يريد يبتعد ورجع متمدد ومغمض عــــــيونة ضحكت حيل وتقربت يم صدره لزم رجلي خايف واني انزلها شوية شوية الحد ما خليتها على صدره عصر رجلي حيل بايده مختلس وهي وكفت على رجليها تمشي وتشمشم بصدره كل ما تتحرك يعصر رجلي اكثر
جنت اتشاقة واضحك ومن شفت وجــــهة فعلا مقهور وجابر نفسه شلتها من صدره اباوعله كعد على حيلة وبالبطانية يمسح صدره مقهور حيل حيل عافني وطلع رجعتها للقفص وطلعت سمعته يسبح رجعت لفراشي ضايجة ومتندمة
شوية وطلع گلب فراشة طفه الضوه وتمدد ساكت اني هم تمددت هواي فات وكت يله حجيت
::- أبــــــهر
- بقى ساكت دقايق وكال
::- يمج
::- اسفه ماعبالي تخاف هيج
- بقى ساكت ما جاوبني وين يله كال
::- جــــمرة تجين الحضني؟
- سكتت شغل ضوة تلفونه يضوي على وجــــهة عفت فراشي ورحتله وخــــر الغطا منه تمددت بــــس راسي على كتفه وهو يتقصد يخليني كلي. بحضنه اذني على گلبه يدك حيل رفع وجهي باس كصتي ورجع يلعب بشعري شوية وهمس
::- من جنت طفل دائماً احلم بيها احلام مزعجة وتخوف وهو من البداية انا تكش روحـــــي منها تلعب نفـــــسي
- عبرت ايدي احضنه معتذرة ::- اسفه
- سكت غمضت عيني مركزه ويا اصابيعه المتخللات بشعري
::- جــــمرة
- رفعت راسي اباوعله الضوه حيل خفيف رفع أيــــدة وخــــر شعري وره اذني وخله أيــــدة وره راسي
::- ابوسج؟
- بلعت ريك ساكته وداخلي يرجف احس وجهي جمر يطلع منه رفع أيــــدة ينزلني اله شوية شوية
غمضت عيني ضايعه واهمس
::- أبــــــهر
::- اشش جــــمرة
- حجاها وتقرب ، أيــــدة تحضني تقربني اله اكثر وتجبرني استسلم تركيزه ويا نفـــــسي وخوفة من رفضي ابتعد كصتي على كصته ايدي على صدرة
::-:أبــــــهرر
- رجع راسة للمخده وعبر ايديه ثنينهن على ظهري حاضني دنكت راسي ساكته واصابعي على شفتي بوس شعري وشمه
::- نــــــامي جمرتي رويتي روحـــــي
- غمضت عيني ساكته الحد ماغفيت .
غـــــدير ::- باليوم الأبـــــهر اخذ بيه جــــمرة محاضره وحـــدة ورجعت للبيت وكفت اسوي غدا ودره يمي ردنا بهارات كتلها راح اجيب من عــــمة
لان الجهال بالمدرسه ماتكدر تدزلي اذا اخابرها فتحت الباب ودخلت اسمع صوتها تنوعي وتبجي مشيت بهدوء وكفت بالمطبخ وهي جوا بالغرفة صوتها زرف گـــــلبي دائماً من يفرغ البيت واجي صدفة الگاها تبجي كعدت يم الباب اسمعها وهي تنوعي بصوت وبحه
نــــهله ::
ولك يـــــمة خلافك گـــــلبي تگطع
يـــــمة اشعلك روحـــــي شمعه لو ترجع
اااخ يـــــمة يلولد يا يـــــمة يا عزيز گـــــلبي يـــــمة
حسبت تكبر والوذ بسدك ما ادري بالجفن تالي الفك
اشم هدمك كل ليلة وكلبي عليك يون كل حيله
انا واخواتك معتبات لو نسينه ولك يـــــمة يهلبت ترد لينا
نهد حيلي خلافك ونكسر ظهري
مصيفي يطير الذهب يا اعز بزري
ولك يـــــمة اخ يـــــمة يا بعد روحـــــي يـــــمة
انا بأيدي حمليتك يـــــمة وللنجف زفيتك
يلولد يا يـــــمة . يا كسرة گـــــلبي يا مصيفي يا هاد حيلي يا يـــــمة
غـــــدير ::- تختنك بالكلمه وتجرها بشهكة تزرف الگلب التفتت فازة عـــــمو واكف بباب المطبخ بملابسة العسكرية مدنك يسمع وياي رفع راسة مسح وجــــهة واجه كعد قريب مني وعمه صوتها يروح بالشهكة وترجع تنعي
كتله ::- راح اروح اني عـــــمو اجيت اخذ بهارات
- هز راسة ساكت اخذت بهارات وطلعت
نــــهله ::- مسحت دموعي شميت هدومه حيل ورجعتهن للكنتور عزلت الغرفة وطلعت للصالة فزيت من لمحت ادريــــــس كاعد بالمطبخ ابـــــتسمت
::- اسم الله فززتني شوكت اجيت؟
- وكف على حيله بدون ما يحجي اجه يمي سحبي من ايدي الحضنه دك گـــــلبي حيل متفاجأة
::- ادريــــــس شكو؟
- ابتعدت اباوع بوجهه رفع أيــــدة يلزم وجهي ويمسح بعيوني
::- تردين نروح للزيارة؟
- هزيت راسي لا ما صارله اسبوع من اخذني
::- ما عندي شي اذا تردين اخذج كولي؟
::- لا واللـــه الجهال عدهم امتحانات وره ما يخلصون ونشوف جــــمرة شتقرر ونروح نبات ما نرجع بيومنا
- ابتسم يباوع لعيوني ::- هاي هي التردينه
- فات للغرفة رجعت للمطبخ اكمل الغدا واسمعه يحجي بالتليفون شوية واجه يمي وكف بالباب رفعت عيني اباوعله گـــــال
::- وصيتلج كتب ثالث تمتحنين خارجي
- فتحت حلكي وهو جر كرسي وكعد يمي
::- اي شبيج انتِ شاطره وتفهمين بسرعة
والجهال الصبح بالمدرسة والبيت فارغ مخلصتها بواجي اقلها تلتهين تدرسين شبيها
::- يا واللـــه تلعب ويني وين الدراسة بعد
- كام وكف مشه للصالة وهو يحجي
::- واللـــه حجي يفيدج بعد راح ادفع فلوي أريـــــد نجاح
- طفيت الجدر ورحت وراه دخل للمكتب دخلت
::- ادريــــــس شنو ادرس شبيك صرت 37 سنة وبناتي بطولي شجاك عليه شبيك
- سحبني من ايدي كعدني وكعد كدامي
::- جنتي شاطرة؟
- هزيت راسي اي ::- اشطر من الصف القبلي مثلاً اني رابع ياخذوني للخامس احللهم اشطر منهم
- ضحك يمسح على شاربة
::- زين شبيها اذا امتحنتي هسه انا اطلعلج شهادة سادس وتمتحنين بــــس ثالث وراها سنتين اجيبلج مدرسات للبيت يدرسنج وتمتحنين سادس نــــهله الاعرفه انتِ عندج اراده توقعت تفرحين وتكيفين صدمتني برفضج
- سكتت منحرجة ::- واللـــه استحي كبرت مو مال دراسة ونوب البس صدرية يا واللـــه فضيحة
- ضحك ولزم ايديه
::- لا ما تلبسين شبيج قابل راح تداومين بمدرسة بــــس بفترة الامتحانات ترحين تمتحنين وتجين هــــا نــــهله وصيت راح يجيبون الكتب وبس ينفتح التقديم اقدم اوراقج متفقين؟
- دنكت محتاره حلمي جان اكمل دراسة بــــس هسه استحي گـــــال
::- انا ادرسج للثالث اعرف وغدير هم واذا تحتاجين مدرسات يجنج للبيت
- رفعت عيني اباوعله ::- لا اعرفلهن لان جنت ادرس البنات جــــمرة وغدير اكدر الكتب الثالث
::- هاي هي وشهادة السادس ابتدائي اني ادبرها الج معليج بشي انتِ بــــس اريد دراسة اشوي على اذنج بصل اذا ترسبين
::- بــــس ليش شجاب الدراسة على بالك هسه
- تحسر وكام من مكانه وكف يمي مد أيــــدة على وجهي
::- جاي يفرغ البيت عليج وما عندي شي يلهيج تخلصينها تفكير وبجي وانا نقطة ضعفي دموعج.
غـــــدير ::- حيل متمنين جــــمرة تقتنع ودره تفتر وتحجي بهدوء
::- باوعي غدوره واللـــه اني اكول تقبل هسه تشوفه شكد يحبها وتقبل
::- ان شاءالله تقبل
- بدلنا وكعدنا منتظرين بــــسام لمن اجه واخذنا للدكتور اول شي ماقبلت تدخل يـــــمة وحدها نفسه الدكتور العالج جمره عفناها ونزلنا للسوك لازمة بأيده وامشي ويا مبستمه اشترينا كم شغلة ورجعنا للعياده طلعت دره عيونها حمر بــــس مبتسمة اجت الاباذر حضنته وطلعنا ما رجعنا للبيت تعشينا برا ل11 يله رحنا.
جــــمرة ::- كعدت الصبح قبله وخرت من صدره اباوعله كمت غسلت ورجعت كعدت يـــــمة منتظرتة يكعد دغيته بكتفه ما كعد لزمت وجــــهة
::- أبــــــهر يله اكعد
- مافتح عــــــيونة بــــس اتململ ودار وجــــهة رجعت عصرت فكه بأيدي
::- يله اكعد رجعني الامي ضجت
- دفع ايدي ::- خاطفج ما ارجعج
::- كوم سوي ريوك جعنا نومتنا بدون عشا البخيل
::- وخري وخري نومتبني بــــس ببوستين كلشي ما اريگج
::- كوم بطني تسب بيك من الجوع
- وهو مغمض يحجي ::- شتكول؟
::- تكول طاحظ الأبـــــهر الارعن الثور ما يسويلج ريوك
- ابتسم وهز راسة لا
::- كوم ولك
::- ما ولج
::- جوعــــانة
::- اكليني
::- ايععع
- فتح حلكه يسوي روحه يشخر جريت المخده خليتها على وجهه وشمرت نفـــــسي فوكاها اخنگة دفعني بالبداية يريد يفرغ روحه ما عفته. اخنك بيه واضحك اشو فجأة انكثن رجلية حيل ووكعن ايديه منا ومنا ابتعدت خايفة جريت المخده فاتح عــــــيونة ومايرمش ولا اي حركة بــــس فاتح عينه ومايتحركن رجف گـــــلبي يخوف
::- هيوو لا تجذب
- دغيته ببطنه ::- كوم كوم ادري جذاب
- خليت ايدي كدام عــــــيونة احركها ابد ماتحركن ولا رمش لزمته من صدره ارجف
::- يـــــمة شبيك باوع اكعد ما خنكتك حيل وعلي
- اهتز صدره يضحك ورمش بعيونه ضربته على صدرة حيل اعارك جراني شمرني على الفراش لزم ايديه بايده وكعد على بطني
::-:راح تنكسر بطني خرب الثور وخــــر خرب النا خرررب النا
- وهو بــــس يضحك وبأيده الثانية يكرص خشمي ويصيح
::- لا تجذبين ما مخلي ثگلي عليج
::- يـــــمة راح اموت واللـــه راح اموت بطني نجعصت كوم عني خرب خرب النا
::- ههههههههههه هي شنو الخرب النا
- خزرته اجر بأيدي منه يحقر وينزل ثگله اكثر
::- وخــــر راح نطب بالگاع راح تنخسف بينا
::- بالغتي
- درت عيني القفص البزونه وحجيت بسرعه
::-:البزونه طلعت
- كام مني يتلتفت كعدت عدل اعصر ببطني
::- جعصت بطني جعصوك بجهنم كون
- ضحك وراح للمطبخ تريكنا والظهر گـــــال راح اجيب سنارة واجي نصيد بيها سمج لطشت وياه رحنا اشترينا ثنين سوينا عجينه اخذنا ابساط وسطل فارغ والبزونه بقفصها اخذتها ورحنا للشط فرش البساط واني لازمه السنارات كعدت سوالي عجينه بالسنارة شمرها ولزمتها وهو هم سوا سنارته شمرها وكعد يمي شوية وغنه بصوته الحلو
::-رحنا نتصيد يحمود وصادتنا ام عيون السود
خلت بيه سهام سهام ما تقبل بعيوني تنام
- يباوعلي ويغني مبتسمة خجلانة مدري شعجب
تحركت سنارته سحبها بسرعة والسمجة تطفر على الكاع عفت سنارتي وكمت عليها أريـــــد الزمها مكيفة وهو يصيح
::- راحت السنارة راحت
- رحت اركض وحافيه رجليه تتلفن طين لزمت السنارة اباوعله طلع السمجة وخلاها بالسطل وهي رجعت عاشت تفتر بالمي البالسطل
سوه السنارة من جديد ورجع شمرها شوية وهم تحركت سحبها بيها سمجة فلتها خلاهــــا ويا اختها بالسطل واجه كعد شمرها من جديد درت عليه خازرته
::- باوع ليش اني ما اصيد؟
- باوعلي مبتسم ::- حظج السمجات يردني مايردنج
- سحبت سنارتي بعدها بيها العجينه رجعت شمرتها واتوسل بيهن يجن الي مو اله تحرك خيط سنارته وسحبها بسرعة سمجة اكبر من هذنيج خلاها وياهن مبتسم يتشمت شمر سنارته من جديد جريتها من أيــــدة
::- ضحكت عليه نطيتني المو زينه اخذ هاي ونطيني هاي
- جدد العجينه بسنارتي ورجع شمرها واني باقية لازمتها هو راساً صاد واني ماكو صيحت ضايجة
::- ليش ما يجن الي؟
::- تتحركين هواي تخوفينهن
- جاي احجي وياه وتحركت سنارتي من خرعتي عفتها فازة والابهر طاح بالطين حتى يلزمها ويضحك واني اطفر واصيح
::- صيدت صيدت
- جريتها من أيــــدة والسمجة تطفر لزمتها وكعدت على اركبي
::- تعال فلتها من حلكها
- اجه فلتها وخليتها وياهن اباوعلهن صارن مثل الدائرة يفترن شكد حلوات
ورجعنا نصيد هو مل ويصيح كـــــافي واني قافلة عاجبتني الشغله واكله
راح اشتغل صيادة طلعت خوش اصيد وهو اني صايده بــــس ثلاثة والسطل نترس منه گـــــال
::- تاكلين سمج مو نشويهن لو تتعيقلين وتكولين لا صايدتهن اني ما اكلهن؟
::- لا اكلهن لعد المن متسينه بالطين سويهن النا شوي.
::- ضحك كومني من الكاع يصيح
::- بشرفي ماعندج ذرة انوثة
::- عفتها لليستحقها
- باوعلي ساكت شمر السمجات الاصغار رجعهن للشط خله بــــس خمسة شوية كبار ورجعنا للبيت متروسين طين
دخلت اسبح وهو بقى ينظفهن طلعت لكيته يشوي تغدينا بــــس شربت چاي نمت والعصر طلعنا فترينا بالزرع حيل متونسة
بورا العشا كاعدين بالغرفة گـــــال
::- سامحتيني؟
- رفعت راسي اله ساكته وهو وجــــهة مقهور ويحجي مختنك
::- جــــمرة كتلج اشرطي التردينه وانفذة
::- ما أريـــــد شي
::- من عشرة شكد اكو نسبة تسامحيني؟
::- صفر
- دنك ساكت وانا روحـــــي احسها تطلع گـــــال
::- اباذر خابرني عنده واجب بغير محافظة باجر لازم نرجع يعني هذا اخر لقاء بينا ما راح ارجع اعترض طريقج بعد
::- الصبح نرجع؟
- باوعلي صافن لم شفته الداخل حلكه وجر باكيت الجكاير يرجف من اجينا الهسه ما دخن شغل الجكاره وجر منها نفس همس
::- جــــمرة أنطــــيني فرصة اخيره تكدرين بدوني انتِ عادي عندج حتى ما تشوفيني بعد؟
- دنكت عيني احس دموعي جمر رجعت باوعتله
::- لا مو عادي وبالوقت نفسه مو عادي ارجعلك زوجه واعيش وياك بعد العشته
- هز راسة موافق اخذ باكيت الجكاير وطلع من الغرفة تمددت مخنوگة وبين حربين انسة وما انسه اسامح وما اسامح ابتعد واقترب اكلني التفكير الحد ما غفيت وانا روحـــــي مفرفحة
شوية وحسيت نغزات على رجلي فزيت بسرعة سحبتها منه بقى كاعد بمكانه اموت من منظرة گـــــلبي يتفتت صيحت منفعله ودموعي نزلن
::- اخر مره تبوس رجلي أبــــــهر اخر مره
- بقى مدنك ساكت واني اصيح متهسترة جمدت بمكاني من لمحت دموعة يوكعن بحضنه رفع راسة يحجي بخنك
::- شنو التردينه انتِ شنو ؟؟
جاي اكلج اموت بدونج اموت ذليتني وحگ الخلقج ذليتني
جاي اكلج بــــس ارجعي بــــس اقبلي وارحمي بحالي الله شكده ويغفر الذنب الا جــــمرة ما تغفر ولا تنطي فرصة شبيج الخاطر دينج شبيج موتيني
- سحبته من أيــــدة الحضني حاضنته وابجي منفعله
::- ارجع يله ارجع لا تبجي عفيه لا تبجي
- شهك لامني بحضنه. واني روحـــــي متگطعه الحد ما هدأ واني سكتت بقى على رجلية ولازم ايدي على شفتة يحركها ويبوسها
::- اصيرلج التردينه جــــمرة المهم رجعتيلي
- خليت ايدي الثانية بشعره
::- بــــس بالاخرة رب العالمين ياخذ حق الايام العذبتني بيها
- ابتسم باس ايدي حيل ::- ميخالف
::- خاف تتغير وتنجلب عليه
::- هههههه اذا نجلبت عليج عوفيني زين نتفق عندج شروط او قوانين
- رفعت عيني افكر ورجعت اباوعله
::- اي باوع اكلك ثور اكلك ارعن ما تكلي لا تغلطين
::- بــــس من وحدنا اغلطي اليعجبج هــــا؟
::- اي ميخالف
::- وبعد؟
::- كل يوم تمشط شعري
::- واسبحج هم
- ضربته على راسة ضحك ::- لا تصير ادبسز
::- ههههههه كملي
::- ما ادري من اتذكر اكلك
- كعد على حيله لزم ايديه ثنينهن يمسح عليهن ويحجي
::- امشط شعرج واوكلج واخذج وين ما تردين وما اسمعج كلمة تغثج وما اكسر بخاطرج لو على كص رگبتي واداريج مثل بنتي والاهم نروح دكتور اني وياج نتعالج من الادمان لان جسمنا بعده متأثر متفقين؟
- هزيت راسي متفقين ::- بــــس بالاخرة ما مسامحتك واللـــه
- ضحك جراني الحضنه يبوسني وتمدد نايمة على صدرة يحرك حنكة براسي
::- اسويلج عرس وتلبسين البدلة البيضا؟
::- لا ما أريـــــد
::- زين اشتريلج ذهب ومكياج تقبلين؟
::- اي عود اصير بنية والبس وهو اني حتى ساعتي رجالية
- اهتز صدرة يضحك گـــــال
::- حبيتج بكل رجوليتج
::- ترا اونثئ رقيقة اني
::- ههههههههههه وانا اشهد ارقئ من انوثتج ماكو
- حضنته حيل وبسته برگبته عايفة تفكيري بظهري اني تعــــبت وهو تعب ساعة اقنع نفـــــسي اخذت حقي خليت اخوه يسجنة واذيته بهل شي وساعة اكول تنازلت
غفيت هادئة الحد ماكعدني الفجر تريكنا ورجعنا
مطنكرة لان ماشبعانه نوم وهو كل شوبة يباوعلي ويلزم ايدي
::- شبيج جــــمرة شبيج يا روحـــــي
- هزيت راسي ما بيه شي وغمضت حسيته وكف السيارة والتفت عليه لزم ايديه ثنينهن
::- جــــمرة شنو بطلتي؟
- ابـــــتسمت ::- ترا اني من احجي شي اكون كده شبيك أبــــــهر
::- ما تعوفيني يعني؟
::- لا بــــس ابقى يم امي الحد ما يجي زوجها كم يـــــوم ويرجعون؟
::- يومين عادي انا اجي يمج
- رجع مشة مكيف نزلني بباب بيت امي دخلت جان زوجها طالع للواجب هو واباذر كيفت من كتلها رجعتله وكعدت تنصح وتعلم وراساً كالت
::- هم صليتي هناك؟
- هزيت راسي لا باوعتلي ساكتة شوية وكالت
::- راح يحلالج الحرام وتشوفين حياتج ماشية عادي بدون صلاة والتزام حتى تغطين بالذنوب اكثر واكثر الحد ما تنصدمين بالمرحلة الوصلتي الها
- بست ايدها وكمت
::- راح اصلي هسه
- وفعلاً صليت واشرت بالقلم على الصلاة القضيتها.
غـــــدير ::- الأبـــــهر حيل فرحان حيل العصر اخذنا اني ودره اشتره اغراض الجمره نوب اني مكيفة عبالي اخذني علمود يشوف رأيي تالي اخذ على ذوقة الجمره ودره واني يكلي يله اختاري كتله
::- بــــس هنه اخذتلهن على ذوقك هــــا هاي مرتك وهاي اختك واني غريبة هاا
- ضحك واخذ ذوقة حيل حلو بالملابس وينسق بطريقة تجنن اخذنا عشا ورجعنا للبيت كوه نخابر اباذر الشبكة يـــــمة ضعيف وماينسمع
ثاني يـــــوم وره الغدا كاعدين نشرب جاي والابهر يحاول يتصل على اباذر وماكو شوية ورجع دك تليفونة وكف بــــس گـــــال الو
جمد وعيونه نفتحن بصدمة كوه كوه نطق
::- اباذر
- شهكت گـــــلبي رايح واباوع لعيونه الدموع غطن وجــــهة يشهك ويحجي يرجف
::- عايش؟
::- بداعت جهالك اخوي عايش ؟
- سمعته هيج صيحت ابجي وارجف.ودره بــــس دموعها تصب سد التليفون مسح دموعه مختنك يهمس كوه
::- عايش عايش اباذر عايش ما يعوفني مايعوفني
- حجاها وركض طلع من البيت ...
يتبــــــع⋆𓍯
الكــــاتبة أيـــــــلول⋆𓄼𓂁
اول. شي اطمئنوا ولا تخافون من القفلة كتلكم من قبل.. النهاية سعيدة ثاني شي هل يومين راح التهي عندي تصوير التخرج 🥺💔
ماكدر اكتب البارت الاخير لان ما أريـــــد اظلم النهاية باختصار صبرولي بــــس اكتبة براحتي وانزلة الكم عمري 💚🌿