مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
𔘓:بُرّد كِلشي ، و بُقن، چَوياتك، برَمشِي .
.............
ورده
ورده: سلام لكيته يراسل بوحده يعني اريد اعرف هم حاجيلك عنها شي ومن شوكت يعرفها
رحيم: تعرفينها منووو
ورده: اييي
بهل أثناء طلع سلام من الحمام ورحيم همس احاجيج بعدين خلي رواء ترفع عني الحضر ونتفاهم
هزيت راسي ودخلت جوه بعدني بل باب وصاح سلام
كولي لحشه تجهز نركيله
مهتميت خليت وصعدت وحته مكلت الرواء
جهالي نايمين ذبيت نفسي ونمت
حسيت بيه من اجه ينام كمت شلت مخدتي ونمت بل كاع
سلام: ورده شنو هل تصرف تعاي نامي علئ الجربايه موزين الكاع وانتي جسمج متحسس
مارديت عليه
سلام: ليعزل مخدته تقل معزته
رفعت رأسي عليه
ورده: خليناهه المعزه لهجران خانوم خليه تشبع بيه
سلام: انعل ابيج وابيها بنات ال....
غطيت رأسي ونمت
مرت كم يوم. وانا معتبره سلام ولماكو سوه
سلام اذا دخل للغرفه انا اطلع ومن يطلع يله ادخل
وأذا هوه نام على جربايه انا انام بل كاع
وأذا كلي على شغله مانفذ واحسه يريد يذبحني بس ميكدر
يسويلي شي ماعرف يجوز حس بل ذنب يجوز لان مريضه
احتمال عطف عليه بعد الله اعلم
شكد حاول يصلح البيني وبينه بس انا
جنت اتخبل اذا حاجاني
شكد راد يطلعني عود يونسني بس أرفض اكله انا ارتاح اذا مشفتك
اكله تمنيت معندي جهال وكاسرين ضهري دقيقه وحده ماكعد وياك
جنت اشوف بعيونه الندم واضح بس انا ميبرد كلبي
ولاتهيد نااره
بمجرد تطري على بالي خيانته اليه ولو هيه متغيب عن بالي
احس نفسي انسان مقيد بقيود ميكدر يتحرر منها
روحي توجعني وخاطري مكسور
وجع بداخلي وجع صبر وجع كسره كلب وجع خذلان
وجع خيبه وجع وحده وجع دموع. من الطرفين من ابوي ومن سلام
حزني وجعي جسمي الهزيل النحيل متحملها وقرر يفرزها خارج جسمي بمرض يتسمئ بلحزام الناري
سلاحي الوحيد هوه الدعاء والشكوه إلى الله ومنتضره رحمة ربي تنزل عليه وتبرد كلبي وتصبره
الحمدلله والشكر على نعمة التواصل مع رب العالمين
الشي الوحيد الي يبرد كلبي.
اليوم جان التحاقه باس ابجهال وهمه نايمين
وانا ردت اطلع من الغرفه
سلام: ورده بس احجي وياج كلمتين
باوعتله وانا ينعاد كدامي كل الحديث لدير بينه وبين هجران ال. ام لزلم
ورده: خير اللهم اجعله خير من صباح الله
سلام: شبيج نصي صوتج جهال نايمين تعاي احاجيج
ورده بقرف: مابينه حجي ابو النسوان ولسان الي يتودد لهجران ويكلها حبيبتي
اركع روحي بل نعال ولا احجي وياه كلمه خليت وطلعت
اسمعه ضل يستغفر خله ونزل
بقيت فوك منزلت وراه
رحت سبحت لان جسمي لازم اغسله ودهنه الصبح
اشوف بيه تحسن شويه موعدي باجر مال دكتور
مر اليوم عادي وعمتي بليل
ام سلام : اكلج عمه هم مخابره سلام
اشو ادك ومغلق
توترت شكلها
ورده: ها انا هم دكيت وميجاوب مدري مغلق
سامر: يكول تلفوني عطلان وصاني على تلفون جديد
وبعدني مجايبله
رديت بشك على سامر
ورده: شنو من تلفون
سامر: تلفون عادي
ورده: اقصد مثل الي جان عنده
سامر: اي
ورده: يعني مو صرصور
سامر: ههههه هوه كلي تلفون وبس بس محجه على نوعيه
عفتهم كاعدين وانا صعدت ونيران اشتعلت بداخلي
واحس شي جاثم على صدري ويحرك بكلبي حرك
يعني يريد بشتري تلفون حته يكمل تاريخه الحافل ويا هاي ،،،،،،،،كمت اروح وارجع بل غرفه
وفكرت اروح يم رواء واحجيلها بلكي تعرف صفحة بل فيس مدري شسمه رواء تعرف بيهج شغلات
عهد عليه حضها اطيحه واسحك رأسها بل قندره
لساني فلت بل فشار لان عملتها هيه وسلام مخلت عندي حياء حضوري
رحت يم رواء
ورده: رواء هاج هذا الاسم دكيه بل فيس
رواء: شنوو يا أسم
ورده: انين الحزن مدري انين الصمت
مدري مكح... مدري عيارة نوب حزينه على شنو حزينه لازم حزينه ماكو رجل يزوجها ال،،،،،
اكمت خرطاحجي بلغة شوارع رواء تعجبت من كلامي وصافنه بوجهي وترمش
رواء: شاربه شي اليوم شايفه حلم
ورده: أخوج يكوم بل واقع وازيد الله يسلمه
رواء: اخوي شبيه
ورده: يدور كح... همه ذول زلم ميترس عينهم بس تراب
شهكت
رواء :شصاير ورده وكعتي كلبي
حجيت الها كلشي وبعد كلبي بقت مصدومه واكيد صفت وياي
ومدافعت عن سلام بكلمه وحده
رواء: ولج هاي تعلميني بيها ولج مباقي واحد ممصادقها
ولج سمعتها زفت من زفت وكل المنطقه تدري بيها
الوحيدين أهلها الي ميدرون بيها هيه وبت عمها هاي شغلتهن
شعر رأسي وكف وانا اسمع قرف جسمي واحس اريد ابصق
بوجها لهاي لحيوانه ام زلم
ورده: ردت اسأل رحيم وتأكد منه كال خلي رواء تفتح مني الحظر ونحجي
رواء: لاا ورده ماشيله عفيه
ضليت شكد الح عليها يله قبلت
فتحته
ونطتني ياه دزيت رسايل وره عشر دقايق رد
وانا لزمته تحقيقات
بس مراسله مو مكالمه لان استحي كبل يكوم يتعارك الكلام بحلكي وجفص بكلمه
كال تقريبا صارلها شهر وياه
واحنا من زمان نعرفها ونسمع عنها
بس هيه مادري منين جايبه رقمه وداكه عليه
كتله ماصدك لازم الزير سالم وتركض وراه نسوان
خويه احلفك بروح اخوك تكلي شلون تعرف عليها
بس بداعت جهالج لاتحجين لااحد شوفي اخوي
جانت عده علاقه بيها ودوم يكلي تريد رقم سلام تكول بس اسلم عليه اقاربي هوه وجنت اكله لا تولي لاتهجم بيته الولد متزوج ولله فتره اخوي صارت بينهم مشاكل هوه وزوجته وابتعد عنها ضلت يوميه تجيه تكله بس نطيني رقم سلام لوحسابه وبعد مااضايقك
وكلت شعدها وياه اجيت وكلت لسلام هيج وهيج السالفه يابه بينكم شي هاي ليش مجلبه بيه
وكال لا تولي شعدي وياها جم مره رحتلهم ويجلبن مابقه عليه بس الس، ،،،
وره فتره تفاجأت بيه يكلي جيب رقمها من اخوك شوف منين ودزلها رقمي
كتله شعندك وياه هاي ،،،،،،
كال نجب ومعليك بليل أريده داكه عليه
رفضت وكتله معليه وحته اخوي مبتعد عنهن
وره فتره تعجبت بس سمعته يحجي وياها وجايب رقمها
دامت علاقتهم شهر وكم يوم وبعدها تعرفين الباقي
بس صدكيني يكول اتونس وياها
بتفله ماشتريها
جمد الدم بعروكي وماكدر استوعب هاي ال لاعبه على كل الزلم صدك لو كالو ،،،،،
بلعت ريكي بألم وكتله مشكور على خويه تعبتك
حذفت المحادثه ونطيته تلفون لرواء
أخذت طيبه ورحت للغرفه
احس نفسي بقوقعه مال قهر واهانه حسيت مالي اهميه عنده
و بحياته يعني كل حبه اليه جان تمثيل يعني بس تتاح اله الفرصه كبل يخون كبل يزوج
وانا الغبيه جنت مفكرته يحبني ويموت عليه
كعدت بل كاع بيأس
بجيت وانا موجوعه حيل منه وتمنيت اهلي بيهم حظ
جان درت وجهي ومشيت ولو تنزل بيه ايه ماارجعله
بس جهالي كاسرين ضهري وجابريني اجرع مر عشرته
المقرفه
وره ساعه تجت رواء وعيونها حمر مبين جانت تبجي وحجو سوه وسئلت شكلالي لانو من جنت اراسل بيه شايله طيبه تفتر بيها
ورده: يكول هيج تقضية وتسلية وقت وياها
ماعنده وياه لا حب ولازواج
رواء: مصدكه كل عقلج يزوج وحده مثل هجران
ورده: ،،،،على روحها شكوو تبحوش وره سلام ودور وراه
منا لمن جابته لطريق وخلته يصاحبها
بسيطه انا الها
رواء :شسوين ولج بس لا تفضحينها
ورده: لا على اساس هيه مستوره وانا افضحها دروحي انتي الثانيه
رواء: الشهر الجاي زواج ابراهيم ابن عمار (عمار يصير ابن عم أبوي يعني كرايبنا)
واكيد يعزمونه وتلكينها اول القائمه هيه هناك
ورده: يعني تكون موجوده شلون احصل فرصه
وانتقم منها
رواء: تلكين معليج المهم ترحين وتقابلينهاوانا وياج
ولج انا متحمسه اكثر منج
بتسمت مجامله والنار مشتعله بگلبي
ورده: شيجيب هذا اليوم. وابرد نار كلبي بيها
ضلينه نحجي علئ طيبه نامت فاتحه حلكها
ورده: سوده عليه من كد البجي حته صوته رايح وعيونه ذبلت
نوب فطمتها من صدري شصار بيها اليوم بس
رواء: بحياتي مشايفه هيج طفل يبجي
ورده: وهسه شفتي طيبه ههههه
رواء: هههههه
ثاني يوم عمتي هيه وعمي اخذوني لدكتور وكال الحمد لله جاي يتحسن جسمج وذاك لعلاج اتركيه وراح اسجل غيره
وأهم شي طفلج بعديه عن الرضاعه
هزيت راسي وكتله ايي دكتور
سجل العلاج وطلعنه ومشت الأيام سلام يخابر اهله من تلفون رحيم
ويسأل عليه اسمعه بس ميطلب يحاجيني
وطيبه الي طلعتلي كلب بصف كلبي من البجي تلوج ليل ونهار
صوته راح من البجي وعيونها راحت
مره عدنه جيران عمتي وسمعتها تبجي
وسألت عمتي كلتلها ليش تبجي الحلوه
عمتي كلتها اوف ام وسام ج خيه مخلينا مكان مااخذناه الها
ومحد عرف شنو السبب وليش هيج تبجي من صارت لهاي الساعه
جنت شايلته على جتفي وهيه تبجي ولابسه بدله نيلي وشعره الأسود الكثيف نازل على عيونها. والغمازه تبرز بخذها الأيمن اذا بجت
ام وسام: نطينياه خاله بله
نطيته اله وهيه صوته هز أركان البيت هز
سمت ام وسام بأسم الله وبأسم نبيه وأهل بيته وبقت اتمتم بكلمات رحمانيه ومحمديه
كالت. لعمتي خيه متاخذينه اكوو مره انا اعرفها يكولون ايدهه العافيه ماكو احد كصدها ورد ايده خاليه
ام سلام: الله ويدج وين هاي لو يكولن بل هند وسند أخذه.مااجوز منها
ام وسام: بل حله ويكلولهم بيت بيت بلاسم الحلوو همه
مو ساده بس امهم علويه
وأن شاء الله توكف على علتها
ام سلام: عهد عليه إذا طيبه صارت زينه اخذج زياره لشريفه. على حسابي
ضحكت ام وسام وكالت احلى هديه ولج جده طيبه صيري زينه
لخاطري حته اروح لزياره على حساب جدتج ام سلام
ضحكنا على ام وسام
عمتي كلتلها بس ينزل ابوها اكله وان شاء الله خير
إنا نبث بداخلي الأمل وكلت ماصدك طيبه تبطل هذا البجي الي يخليني افقد كل طاقة التحمل
أخذتها وطلعت بره اسكت بيها
نطيه جبس تشمره حلويات تشمرهن الممه تشمرها
وتمد بيدها على صدري تريد ترضع
غطيت صدري بشالي وكتله لا بيه عععع
خطيه بقت مفرفحه
نوب اجه سامر وسمعها تبجي شمر الكتاب البيده بل بالطرمه
ولطم مثل نسوان وهوه يصيح روح عمها وكلبه شبيها
تبجي
ورده: علساس متعرفها هاي هيه هيج يوميه بسبب بدون سبب. هيه تبجي
أخذها مني وهوه يبوس بيها
ويردف كلماته الدافيه هاا حبيبتي... يروحي... منو وياج... اطيح حضه.. تعاي اخذج لدكان نروح نشتري
سكتت بحضن سامر لان كلش تحبه
أخذهه وراح لدكان يشتريلها
وباسم يبرطم يريد يروح وياهم
صحت وراه سامر باسم يبجي أخذه وياك
رد بضحكه تعال يله سامر بتله بخلفة سلام
سلام يخلف وانا ابتلي يله تعال ركض وراه بدون حذاء
صاح سامر روح البس حذاء ليش حافي ابن ال........... أسد
بتسمت
ورده: ليش غيرت
سامر: ههههههههه خاف باسم يروح يفتن وروح بيه
لبس باسم حذائه واخذهم وراح
كلت بكلبي الله يحفظك لشبابك وينور دربك لان سامر ويعوضه طيب بمعنى الكلمه وحنين بشكل خاصه علئ الجهال
وخصوصاً على طيبه روحه من الدنيا صارت
مرات انا اجزع منها لان طول نهار تبجي وبليل متنام
وانا تتلف اعصابي وازمخ بيها
ميقبل ويكوم يصيح عليه ياخذها مني ويطلع بيها بلشارع
يسكتها ويشتريلها ويجيبها
باسم يغار منها ويكله لعد انا ليش متاخذني بس طيبه وهوه يكله صرت جبير وكمت تطلب البوسه
بطيور الجنه..بعدك بكد العصفور وتساوم بيه
أم وسام بقت شويه يمنه وراحت ونطت لعمتي العنوان مال ذولي ناس
عمتي سألت على طيبه كتلها أخذهه سامر يشتريلها
شويه واجه سامر شايله وشايل علاكه مال حلويات
خلاهن بل كاع وكعد وكام يشيل ويخلي بحضنها
وهيه تضحك وتملش بشعره
سامر: اخخ بت ال..... هيه هيج كالوها هاي جزاتي
فوك مااشتريلج
صدك لو مدري شكال ابو لمثل
ضحكنا على سامر وسوالفه
وعمتي طرحت الموضوع مال ام وسام يم سامر
سامر:اهووو والله بعدكم بهاذ تفكيركم وهاي الخرفات
ترى هيه طفله زغيره ولازم تبجي بس تكبر تصير زينه
هاي شنو الخرفات مال علويه وساده وعارفه وحرز وعلك ومدري شنوو. انتم وين عايشين متكلولي
ردت عمتي عليه وهيه تزمخ بسامر ناس من ذريه رسول الله
شلون تحجي هيج داخلين على بخت جدهم لا يخلوهم شاره بيك. مابيه حيل خلينه داخلين على بخت جدهم
ضحك وهوه عود يمثل يشكك بهدومه على ساس مسودن
سامر: اخخخ سودنت من شارتهم
حجيه انتي مصدكه الله وكيلج كلهم قفاصه ويجذبون على ناس
وناس مصدكه وهمه يشفطون فلوس
حجيه عوفي هاي سوالف مو وين كالولج ركضتي
ام سلام: راكضه من بطر لعد اعوف الطفله تموت
وأنته مالك علاقه لا تدخل خليك بروحك وبدراستك
بليل سلام خابر وهم سأل عني وعمتي اسمعها دكله زينه
وكاعده تتحسن على العلاج
سألته عن موعد نزلوله وكلها بس باجر ان شاء الله
فرحت عمتي وهيه تكله ميت هلا بيك وليدي
مجرده من المشاعر تجاه سلام وافكاري بدت تستعيد أشرطت خيانة سلام
هواس تساؤلات بداخلي حول خيانة سلام وماكاعده ارضيها بجواب كافي
حته اسويلها حد ومترجع تهاجمني
زوجي
اول شخص حبيته
اول شخص فتحت عيني عليه
اول شخص ارسم الابتسامه على شفتي
اول شخص عرفت معنى الحب وياه وعرفت شنو الحياه
ماجنت اعرف راح افتح عيوني بيوم على خيانته اليه
ويحجي وحده غيري وكاعده ينسجلها أجمل كلمات الحب والعزل والرومنسيه
الكثير منكم راح يكول. انتي سويتها اوفرر هيه كلها علاقه خلف شاشه مابيها شي
ليش هلكد متأثره بيه
بس الملجوم كلبه منكم ومتذوق هل شي المر راح يحس بيه ويكلي الحق وياج
العلاقات خلف شاشات دمرت هواي عالم وخربت اغلب بيوت المزوجين وشالت الثقه بين كل زوجين و حبيبين
وانا شفت محادثة سلام وي هجران وشلون يغازلها
وهذا حبيب كلبي ورحي وزوجي وابو بيتي
ودنيتي كلها واحسه ملاذي من مستقع ابوي المضلم
شحال كلبي وانا اشوفه عنده علاقه بوحده غيري ومبتعد عني هاي الفتره كلها
مرات هواي الوم نفسي واكول مني السبب لان لتهيت بطيبه وهملته بس هذا موسبب انو يروح ويبعيني بيوم وليله بعد كل هل حب
جانت حياتي زاهيه بيه وبحبه وبدلاله وهسه صارت
سوده ومابيه بس خذلان وغدر وخيانه وحرب بيني وبينه
سألت دمعتي بحزن عميق على خدي مسحته بألم
وأخذت طيبه وصعدت فوك
اليوم نزول سلام وانا سويت دولمه بل ضلوع على شرف نزوله
طبعاً بأمر من عمتي موانا طاكتني الحنيه عليه
لا انا محضره العركات اله
حضرت البن لان سلام يحب البن وزلاطه وخبز حار
باسم كاعد بل باب ينتضره هسه سابح ولابس تشيرت احمر وبرموده كوباي وشركز اسود ومشط شعره
بتسمت وكتله شعندك كاعد هنا حبيبي
بتسم وطلعت أسنانه الي محتله لحربش من كدام
باسم :منتضر بابا هسه يجي
بتسمت وانا اراوغه بل كلام وكتله تحب ابوك لو انا اكثر
بتسم واشر باصابعه مثل علامه نصر وكال ثنينكم أحبكم
رديت بخبث مصتنع وكتله بس انا احبك اكثر من ابوك
ضحك وكال انا هم احبج
رديت وانا استفزه عيعع ابوك موحلو لو ابوي هيج احركه
ضحك وضحكته تقطر براءه وكال اذا ابوي اجه اكله
امي تكول عليك موحلو ععع
ضحكت وكتله اتحداك
حبيت اشوف ردت فعل سلام
اسمع صوت سياره وكفت بل باب وباسم ركض يصيح بابا وصل
رتديت للخلف ورجعت للمطبخ أركض اخاف من ساعه القاء الي راح تجمعنا زحت البرده مال شباك المطبخ وبقيت اباوع
نفتح الباب وبان شخصه الي يشعل نار كلبي ويهتف لمسامعي بكلمة (خانج)
احاول اصارع أفكاري بكل مااملك من قوه حته متتناول قضية خيانة سلام
مجاي أكدر
التعب جان منتقم من وجها بشكل كبير ومرعب لابس البنطرون العسكري المرقط ولابس بدي اسود ردن وشفقه سوده مخليه على راسه باهمال
شمر الجنطه بل باب وفتح أديه لباسم ونصه على ركبه
ركض باسم وحتضنه بكل مايملك من حنيه
يبوس بيه عشوائي
شال باسم وهوه يبوس بيه رجع لجنطه شالها
وخطواته كاعده تقترب مني
بهاي لحضات جانت عمتي لاكته سلمت عليه وتحاضنو
حضور عمتي يمه يجبرني ادوس على كلشي واطلع واسلم عليه واستقبله
طبول الحرب ضده شتعلت بداخلي وكاعده تحرضني على افتعال أشياء تغيضه وتحرك كلبه
عضيت شفتي وانا أعلن كتمان الحرب الي بداخلي
دموعي تباغتني تريد توكع لاكن انا كنت أقوى منها ومخليته
تنزل بحضوره
طلعت من المطبخ وهوه مدنك ويحل بقيطان بسطاله وباسم ذاب نفسه وياه على ساس يساعده حجيت بهدوء
ورده: الله يساعدك
رفع راسه ونضراته توجهت اليه متأسفه
رد بسرعه: ياهلا بيج شلونج
ورده: زينه الحمدلله
نضراته تراقبني بحيره وربما تتأسف لحالي او يمكن انا يتخيلي بس هذا الحسيته
حجيت وانا أجبر لساني يحجي وياه
ورده: الحمام جاهز. لو جوعان احضرلك أكل
عيونه ترمقني بنضرات موجعه لكلبي
سلام: جهزيلي غده بين مااسبح ورجع
طيبه وين
ردت عليه عمتي: نايمه هسه توهه نامت
بتسم
سلام: واشوي تحرك شيب ابوها ومتخليه ينام
ام سلام: هههههه نام يم سامر بس اخاف ورده متخليك
بتسم خفيف
سلام: اشرد بل استقبال من وره طيبه
باس باسم وصعد فوك وانا جهزت الغده
وخليته بصينه وكعدت انتضره ينزل شويه ونزل لابس دشداشه.سوده كل عاده
كعد بل صاله وانا شلت صينيه وأخذته خليتها كدامه
اريد اروح ولزم ايدي جرني عليه
وجهت انظاري اله
ورده: عوف ايدي سلام
يباوع بعيوني بدون ميحجي كلمه وحده
فلتت ايدي منه وانا دموعي بدت تصب ركضت صعدت فوك وانا ارجف وابجي
دخلت للغرفه سديت الباب ودموعي امسح وحده توكع عشره
سمعت صوت الجامع يترس الجو بأسم الله وكلمات كتابه العزيز
استغفرت ربي ورحت توضيت
وكعدت اسبح اسمه واوحد اسمه العزيز الجليل
صليت
ختمت صلواتي ودعائي ومسحت وجهي ب اللهم صل على محمد وآل محمد
لفيت السجاده ونزعت ازار الصلاه
دخل هوه بيده كلاص جاي
شرب منه وخلاه على المجر
سلام: شلون صرتي
بقيت ساكته ومرديت
كرر سؤال : ورده شلون صرتي
ورده: من الله بخير خو مومن عباده
زفرر بقوه
سلام: طفي الضوه اريد انام مشايف نوم بعيني
صارلي اسبوع
صراع بداخلي قوي اكو يكلي جادليه واكو يكلي خطيه تعبان عوفيه يرتاح
اخر شيءطفيت الضوه وطلعت
مر هل يوم عادي
وبليل كاعدين كل احنا بل صاله
نزل هوه واول موجه انضاره تجاهي
بس انا اتجاهلته وسويت روحي مشغوله بطيبه
سلام: مساء الخير
لكل رد مساء النور اله انا
سلم علئ اهله واجه
تقدم عليه واخذ طيبه مني وهيه
شخططت من البجي متريده باسها
سلام: شتعل ابيج. أكو وحده متريد ابوها
بوسه ورجعها اليه طيبه بعد بقت تبجي
سامر: اهووو طكتك الحنيه بجيتها وبعد شيسكتها شواربك بززن خدودها
كل عاده سامر تلاشاها واخذها بره
كعد بصف عمتي وخله راسه على جتفها
سلام: اخخخ يل غاليه
باسته بكصته وحجت وجعك لكلب امك
سلام: تعبان يمه
ام سلام: سوده عليه يمه
راح باسم ويكله انته وخر جبير لاتنام بحضن بيبي
سلام: ههههه جااا غير أمي
اعرفه حجه هيج عمداً عود يقلد عليه
باسم كام يشكي لبوه يكله ثامر ياخذ طيبه ومايخذني وياه
بتسم وحضنه
سلام: طيبه شاخطه وراح يسكتها
عمتي طرحت الموضوع مال بيت بلاسم الحلو
سلام مرفض وكله بس ارتاح يومين ثلاثه واخذهه
سلام طبعه ماله علاقه بهيج أمور وجان وين ميذكرون النا لطيبه سيد لو علويه لو عارفه لو طب عرب ياخذنه وماعنده مشكله. بس سامر يضل صيح هاي خرافات شنو يعلمون الغيب استغفر الله
التفت اليه
سلام: سويلي كلاص جاي راسي ماشوف منه
رحت سويتله جاي وجبته اله
شويه ورجع سامر مشتري موطه وياكل ومشتري لطيبه وهيه طايره من الفرحه
لوكت جان بارد كلنه صحنا موطه بهذا الجوو
سامر: شسوليكم غير هيه تريد موطه
كززز كل جسمي واسناني من لموطه عندي حساسيه مو طبيعيه اذا شفتها انا اخليه تصير عصير يله أكدر اكلها
هيج جامده ماكدر اشوفها
أخذتها مريم وصعدت فوك وانا هم صعدت وراها
لهيته بل عصير وشمرت الموطه على مريم
بدلت الها ولفيته بغطاها نومته بحضني
باسم اجه وراي وكلي بابا يريد عشه
كتله اي هسه
كلت بكلبي بدت رحمة الله صحت على رواء وكالت قبل متكليلي انا سويتله
ورده: شكرا حبي
نومت طيبه لكيته مكمل غسلت المواعين
كملت وصعدت فوك
سبحت ولبست تراك سود خفيف مشطت شعري ودخلت جوه البطانيه اخذت ريموت وخليته على فليم هندي لشاروخان
دخل هوه وجان يدخن احسه متوتر وميعرف شيحجي وياي. لو شلون يعاملني
كعد بصفي
سلام: اممم صايره تشوفين هندي
ورده: اي طاكني جفاف لان زوجي ملتهي وي الكح......
رد بغضب: لسانج بت ل.....
ورده: لا تسب
سلام: وطيح حضج طايحة الحظ
سكتت عنه
رجع تقرب عليه ولزم ايدي بسرعه فلتته منه
وحجيت بتهرب: اريد انام طيبه متخليني انام بليل
سلام: س شويه نحجي ونوب نامي ليل طويل واذا بجت بليل انا اساعدج عليها
ورده: مشكور من شوكت نزلت عندك هل حنيه عليه
خليت راسي على المخده وغطيت راسي بل بطانيه تهرباً
من انضاره ومن طلباته
لساني يرفض يطخ لسانه وعيوني متقبل تصد بعيونه
غدرني وخاني وجرحني
تقرب عليه وحجه بحنيه
سلام: ورده باوعيلي خلي نحجي شويه
وبعدها روحي نامي
باس ركبتي
واناي نزيت وبتعدت عنه
ماريد قربه مني اعرفه كذاب جايني على مود مصلحته
كذاب ومراوق يضحك عليه بكم كلمه
ويخليني اسلم نفسي اله
وبعدها اعض اصابعي العشره من الاخخخ
ورده: سلام اطلب منك طلب خليني انام طيبه هسه تكعد
نفخ بعصبيه وبتعد
دموعي نزلت وانا اذكر شلون من جان ينزل
شلون يخلني اغرك بحبه ودلاله وشقاه وشلون جنت اتلهف واحضر من ينزل
وهسه صرت شكله مااطيقه
عاتبته بداخلي وانا اكله ليش هيج خربت حياتنه سلام
شهكاتي طلعت وانا اناشغ عرف بيه ابجي كام يروح ويرجع بل غرفه
ويدخن اجه وهمس يم اذني
سلام: تبجين ورده
سكتت
ورده: متوهم انا جنت نايمه وانته فززتني
مد ايده وتلمس خدي وعيوني لان الغرفه ضلمه
دفعت ايده
ورده: وخرر عني
سلام: براحتج
نمت وهوه بقه كاعد على الفلم
تالي اليل كلش كعدت على صوت ونين صوت بعيد فززني من نومي جمعت كل جهدي وتغلبت
على سلطان النوم الي مسيطر على عيوني
وفتحت عيوني
ونله سلام يون بصوت متعب أنين مال واحد موجوع
مديت ايدي اتلمس الشمعه الشحن حته اشوفه شبيه
شعلت الشمعه وشفته نايم على بطنه وأديه جوه راسه
كلت يجوز يحلم يجوز تعبان وهيج يون لان مو من عوايده يون بنومه
طفيت الضوه ورجعت كلت خلي انام
انينه ماخلاني انام وهوه مستمر يون
مديت ايدي شعلت الشمعه وكعدت على حيلي مديت ايدي
احرك بجسمه حته اكعده. واعرف شبيه
ورده: سلام... سلام....
فزز باوعلي بتك عين وحجه بصوت متعوب: هااا
ورده: شبيك ليش تون
سلام بصوت موجوع :جتفي يوجعني
ورده: جتفك شبيه جتفك اخاف نايم عليه وخدران
سلام: جججج نضرب هناك بل دوام صارله ٥ايام
وجهت انضاري بسرعه على جتفه وانا اركز بل شمعه على جتفه
لكيته قطعه صاير زركه وشكله يهبط الروح ويكزبر الجسم
ورده :بشنو نضربت طلقه شنوو
سلام وهوه مغمض: طلقه? الطلقه هيج تسوي بل جسم اذا صوبته غير تمزقه تمزق واول دليل راح يكون الدم
وبعدها تكمل طريقها لوتموته لو تخليه عايش
لان فقدان الدم يحتل المرتبه لأولى بمسببات الموت بأرض المعركه
صار تعرض علينا وركضت احتمي بموقعي
ونردمت بحافه الباب وشل جتفي شل بل نهار متوجعني بس بليل تشوفني نجوم الضهر
گلبي حن عليه ونكسر خاطري عليه لان صدك جتفه متاذي حيل بس عقلي رافض الصلح وياه
حجيت بنتر عود اتصنع العصبيه
ورده: تغطى زين لان الجو بارد وكام يصل عليك لان انته نايم مكشف شلون ميوجعك
وليش مرحت لدكتور يشوفك اذا هيج متاذي
وهسه كمت تتونن فوك من راسي
ومتخليني انام
سلام بألم وهوه مغمض :سخني منديل وتعاي خليه على جتفي. خلي يهدأ الوجع موتني
وعوفي الهذره على غير صفحه لان موكتها
مرديت وكلت الحق وياه الرجال كاعد يتلوى من الوجع وانا.اهذي فوك من راسه
كمت وانا امشي على أطراف اصابعي اخاف طيبه تفز شغلت. الصوبه الكهربائيه
جبت منديل وخليته كدامها حته يسخن
وهوه مستمر يأن بوجع
شلت لمنديل من بعد مسخن
ورده: هاا اخليه على جتفك
سلام: اي
خليته على جتفه وهوه صاح اخ اخ
حبيت أخبث عليه شويه وضغطت على جتفه توجع
سلام: اخخ. اخخخ ولج شويه شويه
كررت الحركه ورجع صاح بصوت هادى خاف طيبه تفزز
سلام: ولج شتعل ابوج على كيفج ترى توجعيني
ابتسمت بداخلي
ورده: شنو شبيك هاي فواگها. هاي جزاتي فوك ماأداري بيك وسهرانه وياك كاعد تسب بيه وتزمخ
سلام: لا تخبثين عليه وانا ما اسبج لان ادري بيج كاعده تضغطين متقصده
ورده بسخريه: هاي ردمت بلباب متحملتها رصاص شلون تتحمله
سلام: تتمنين الرصاص يخترق جسمي لهل درجه حاقده عليه ورده
ورده: وأكثر
وضغطت على جتفه بل منديل
سلام: اخخخ ولج اشتعل ابوج المعفن ترى اكوملج وتوبج من سوالفج هاي الماصخه
ورده بتحدي: شسوي بله وبعدين صوتك نصيه لا تكعد طيبه
وتشيل الجوارين وهمه باجر عدهم بناء بل سطح
لان شباك غرفتنه يطل على بيتهم وهمه بصفنه
سلام: العب لا باجر سلام شبع نوم من دبش مدام عدهم بناء
باجر صوت العمال والبناء يكوم يرن بأذني شنو هل ازعاجات من الصبح لا يلحمزه الغربي رايدين فزعتك
هناك خوات الكح..... . وهنا بيت ابو قاسم وطيبه شيخلصها وياكم شطلعت هاي
ورده: شنو النوب الناس تبطل متبني متعمر على مود سلام اغا
مينزعج وتخرب نومته اليل طويل واشبع نوم
مارد عليه شويه وكال
سلام: فرجي ضهري يوجعني
ورده: شنوو والله ولا فرجك زين مني وخليت وكمت خليت منديل على جتفك
سلام: بداعت امج فرجيه يوجعني
ورده: سلام اشوو ماخد راحتك وياي تره انا مهان عليه انته تون من آللام وكعدت اساعدك عاد لا تتشرط سوي هيج وسوي هيج. نعسانه وأريد انام
كعد وخله المخده وره ضهر نتجه عليها ومبين عليه شلون يتألم من الوجع
سلام: تنامين وانا كاعد اتوجع لعد شكد حاقده عليه هيج گلبج قاسي وردتي
ورده: انته وجعت گلبي سلام لجمته حيل وبعد مايطيب ولاينسئ ترى الوجع لبكلبي منك يكفي وزياده انته وهاي النع..... هجران
سلام: شخبصتيني بنعال هاي كح...... كتلج اتونس وياهه وغلطه وصارت
لا تكعدين كل ساعه وعدتي الموضوع ورده روحي بده يخلص صبرها واذيج ليش تكولين مكتلج.
ورده بغضب: شلون دنت نفسك على وحده هيج كح..... وخنتتي وياهه يا عديم الوفاء
سلام : ورده سدي حلكج وعلي لا اكوم أشكه اشو صاير لسانج طويل وجسره
ورده بتحدي: بله ماتكوم تشك حلكي مو هيه بكيفك والله ولا خاف منك وبس تتقرب عليه اصيح ولم ناس عليك
هجم عليه
سلام: اشتعل ونتعل السكط لان خلفج تعاي يمي ولج اليوم أمرع دينج طايحه الحظ
رتعد كلبي من الخوف منه لعد وين القوه الي جنت اضاهر بيها كدامه صرت جواه وراسي على تاج مال جربايه
لزم حلكي بيده
سلام: اطلع لسانج وكصه اليوم ولج منتبها على نفسج شلون صايره تلسعين لسع بل حجي ولج توصليني ل الله
وترجعيني من هاي العرامه صايره عندج صايره فد مره مبربكه
خله اصابعه على شفتي يحاول يفتحها
وانا ساده حلكي ادفع بيه وهز براسي
بنية جسمه صارت على جسمي وغطتني بل كامل أنفاسه كاعده تزيد وتتزاحم ومتخربطه ثبتني باديه
و خله شفته على شفتي باسني بعمق
صرت صخر أصم جواه مقيدني من كلشي وجسمي تحنط جواه
تأثيره ساحر وبدأ يمتص غضبي
وأطرافي بدت ترتخي جوه تأثيره
شفته التهمت شفتي وبدا يتفنن بيها بعنف صك أسنانه على لساني وخله روحي شاغت من الوجع لا يطاق صرخت ودفعته
ورده: وخرررر عني
رفع راسه وحجه بهمس: تخافين مني لو بعدج متخافين
مسحت حلكي بتعصب والدمعه نزلت من عيني
ورده: لا ماخاف منك شنو اخاف منك وبعدين شنو
تعضني نج.. بعدني ممكمله لزم حلكي بيده وكتم كلامي
همس يم اذني بذوبان
سلام : ناررر واجه بيه عليج ولج نسيني وانسيج بس هيدي وخليني اندل دربي
دفعته
ورده: سلام إياك لاتتقرب مني ترى وعلي اطلع خبالاتي عليك بهل ليل
عض شفته السفليه
سلام: أموت على الخبالات اليليه
ورده: مو على اساس جتفك كاعد يوجعك متكعد متهيد
اشوو بس دور طلايب وياي
سلام: مشتعل ورده حسي بيه عاد وين أولي ولج خاف افترسج
غصبن عليج واصخمها ولطمها اكثر ماهيه مصخمه ومتلطمه
رديت وانا اتصنع الجهل ومجاي افهم عليه
ورده : اطفي الصوبه رايحه
عقد حواجبه مقابل
سلام: لا فهمتي غلط اقصد مشتعل عليج ومشتاقلج
جان فاقد ومحتضني ويحجي بذوبان وبشوق
دموعي نزلت : سلام مااكدر عوفني لا تضغط عليه فدوه
نزاع بيني وبين نفسي لان هذا حقه شرعي ويحقله
بس روحي شايله منه
باس خدي وشفتي
سلام: اشتعل ابو سلام ودفعني وكام
طلع وهوه لازم جتفه بايده
كورت نفسي وتغطيت بل بطانيه وحتضنت أديه لكلبي وابجي
همست سلام اعذرني مااكدر اتقبلك مثل الاول مااكدر
انسى بسهوله غدرك وخيانتك والموقف الي جنت اتوسل بيك وانته ولا يمك ياترى شنوو الغيرك
شويه وحسيت بيه دخل اخذ الخاولي وراح للحمام عيني جافاها النوم
بقيت كاعده اتكلب شويه واجه الصدر عاري وبس الخاولي على خصره
باوعت عليه وحجيت بتساول
ورده: شعدك سبحت
سلام: وشعليج انتي اسبح بل وقت ليعجبني عندج اعتراض
ورده: لا صدك شكو سبحت بهاذا البرد
سلام: غير جنت غركان بدلالج وحضنج وشبعتيني على الآخر وكمت حته اسبح
هم كالو بل عافيه تزوج ميدرون باقي بطرك السمعه
وتنلدغ من اتقرب عليها.
احسه بسمرني
ورده: وهوه رافس نعمته برجله وعايف الحلقوم ويدور وره الثوم. تقرب يمي
سلام:لسانج لا ابتره اكصه اشلعه اكطعه احمسه
اشويه اشمره لج.. .. ومتبرد نار كلبي بت الهتلي
تقرب اكثر ويحجي يم اذاني تردين تعرفين ليش سبحت
ورده: اييي
همس يم اذني: سبحت لان................................... من وراج اذا مزوجت عليج فلا اطلع سلام
نجحضت عيوني وهتز جسمي بقوه وعقلي وكف واحسه شي
مخجل وعيب. أريد احجي كلمه ماعرف اجمعها واحجيها
جان يباوعلي ويتلذذ باحراجي وصدمتي ويبتسم بتك خد
ومركز عليه
سلام: على القليه تعرف تريحني مو مثلج كاضيته عليه ما ولا ويااا واستحي وعيب وجهال كاعدين وطيبه متعبتني وهاي سوالفج
دفعته
ورده: سلام انت من ياطينه الله خالقك شنو هل فساد
والحجي المخزي منين تجيبه
حجه وهوه يتصنع دور البريئ :غير انتي حارمتني من خير الله. جاااا وين اروح
ورده بغضب: دور البريئ ميلوگلك لذالك غير السيناريو
وارجع على دورك الاصلي. مال الشرير
سلام: انا شرير
ورده: اي والله
سلام: عثرج أمام اهلج كون ليش شفتي مني وتكولين شرير
ورده: لا مشفت منك شي بس خنتني وي وحده متسوه تفله
ورده: كافي كافي نامي لان لعبتي نفسي شكد تلغين شمر عليه المخده
وهوه تمدد على مكانه ونام
شكد كرهت اسلوبه وياي
لفيت راسي ونمت وهوه بس يتحرش بيه وانا سويت روحي غافيه صارلي ١٠ سنين
مل مني عافني ونام
نوارس
عايشين حياتنه طبيعيه الحمدلله وايه فرحانه بحملها
وانا وخاله مدللينها ومنخليها تسوي شي ابد مرت ليث
احسه يخجل من تصرفاتي ويا ايه واهتمامي ومداراتي
وهيه شلون جانت تعاملني وتحجي
فد يوم اجه اكرم من الدوام ضايج حاجيته ردت مقبل
يحجي يكول مابيه شي مومن عوايده حته لوماله
خلك مايحاجيني هيج والغريب شافني ابجي وماحجه
دار وجها ونام عجبني كعد العصر انا جوه بالمطبخ سمعت صوته وطلعت مالحكت عليه
سئلت خاله كالت طلع مستعجل
صعدت جبت تلفوني ضليت اتصل ويرفضه وگلبي بنار
اخر شي رد
اكرم: هااا
نوارس: شبيك اكرم ليش هيج جاي تتصرف وبعدين وين رايح مستعجل هيج
اكرم: نوارس راح اسئلج سؤال لااخر مره وجاوبيني الصدك تماام
سنوني ضلت تطك ابعضها
نوارس: سؤاليش شبيك اكرم خوفتني شصاير
اكرم: نوارس كم مره حجينه وكلتي ماضامه شي عليك ب وبنينه علاقتنه علئ الصدق والثقه
وكتلج شنو صاير حجيلي وخلي حياتنه مبنيه علئ الصدق من هسه شمهما صاير وانتي كلتي لا هوه هذا كلشي وماضامه عليك بعد حرف فل لاأخر مره اسئلج
اكو شي ضامته عليه
نوارس: ششبيك اكرم شضامه انته شجاي تحجي مامجذبه عليك انا تعال ارجع ونحجي
اكرم: لاهسه انا رايح بشغل كلش مهم نشوف بالله ونرجع
وسد الاتصال بوجهي
كعدت علئ حيلي رجليه بادن وجسمي كله ضل يختض ودموعي ضلت تتسابق
وانا اعصر بأديه شعرف اكرم اشعرف يتبع ........
تصبحون علئ الف خير 🦋💙