ثامر : سعود بكلمك شوي
سعود : انا ؟
الجد : لا انا اقعد انت
نواف : وين ساره ؟
الجده : مع البنات اكيد
نواف : ملاك ناديهم لي
ملاك : طيب
نواف : يمه كيفك ؟
الجده : الحمدالله بخير وانت يمه كيفك ؟
نواف : الحمدالله ساره جاتك ؟
الجده : ايه جتني
نواف : علمتك ؟
الجده : ايه علمتني
نواف : علمي العيال بعدين
هُمام : وش تعلمنا ؟
نواف: ياخي ذا طالع ع مين ؟
عبدالعزيز: والله مدري انتوا الاثنين ع مين
فيصل : صدق جده في احد تعرفونه كذا ؟
سعود : يمكن جدي كان يتشمت ع ناس و طلع ولده كذا
فيصل : اللهم لا شماته
نواف : ابوي م يتشمت ع احد بعدين انا وش فيني ؟
هُمام : خلاص ندخل م فيه حريم ؟
نواف : ولدك هاذا قليل ادب ياصقر
صقر : م ابتعد عنك
هُمام : ليه قليل ادب باكل م اكلت زين
نواف : اذا على كذا بروح معك
عند السياره :
ثامر : بغيت اقول لك تنتبه لاخواتي م اقدر اخذهم معي الحين
الجد : م عليك ابد اعتبرهم عندك هم معانا ولا بيضرهم شي
ثامر : اذا ع كذا جيب زوجتي طولت عندكم
الجد : هالله هالله بزينه انتبه لها !
ثامر : والله ماني باكلها بكره وهي عندكم
فيصل : جدي
الجد : هلا فيصل تعال
فيصل : بكلمك
الجد : علامك
فيصل : جدي كلهم كلهم تصالحوا الا عمي نايف
الجد : يصالح من ؟
فيصل : مدري بس هو رافض
الجد : اهاا فهمت اول شي اخوك بعدين انت
فيصل : بس خطبه البنت بتروح !
الجد: لا م تروح الا برضاها
فيصل :متأكد ؟
الجد بنبره حاده : افا !
عند البنات
ساره : مبروك زينه
زينه : الله يبارك فيك
ايلين : بكره تجينا ؟
فاطمه : لا م تجيك
ملاك : ليه الا تعالي
نوال : وليه تجيكم ! البنت بتتزوج خلاص
زينه : ومن قال لك اذا تزوجت بروح ؟ من الصباح وانا عندكم جهزوا الفطور بس
فاتن : اقول وش اللي من الصباح وانتي عندنا ! خلك مع رجلك بس
زينه : والله لا اجيكم وانام عندكم بعد
الجده : لا عيب يمه ! روحي مع رجلك الحين بعدين نشوف
زينه : لا دقيت عليكم ردوا علي
الجده : والله لو احد يرد عليها لا اخذ جواله م تستحي ذي البنت
زينه : ليه يمه م تبوني !
غزل: نبيك بس رجلك يبيك بعد
نوال بصدمه : غزل وش ذا الكلام !
غزل : م قلت شي يمه
الجد : م رحتي للحين روحي يلا
زينه :بقعد شوي
نوال : والله بنات ذي الايام م يستحون
فاتن : اذكر انا مت من الرعب
الجد : تعالي معي شوي
زينه : وش فيك يبا ؟
الجد : كاني غاصبك عليه يابوك صدقيني م عطيتك الا لغالي و رجال ثامر اعرفه زين ولا م كان عطيتك اياه شوفيه واذا شفتي عليه شي تعالي عندي ومالك الا اربيه
وذي هديتي تستاهلينها غاليه علي ولا هي اغلى منك ذي حقت امي يازينه والله يعلم بغلاتها خذيها وانتبهي لها مثل م انتبهت عليها طول ذا السنين يابنتي
زينه وهي تحضنه : الله يخليك لي
الجد : يلا رجلك ينتظرك
فالسياره
ثامر : ياسعود متى زواجك
سعود : شكله مطول
ثامر : افا ليه
سعود : مدري والله انشغلنا بزواج زينه ولا عاد فكرت فيه
ثامر : افا انا خذيتها بيوم وليله خذ العلم مني انشب له لا تخليه يعرف ليله من نهاره لين يزوجك اسألني مجربه انا
سعود : شكلها كذا
ثامر : شكلها مب ناويه تطلع
هُمام : م تبيك افهمها
ثامر : وش جابك انت !
هُمام : ياولد طفشت من نواف وعبدالعزيز م غير يتهاوشون
ثامر : الا شصار ع نواف
سعود : يقول بيسوي شي احبه وعلى كذا بنتراضى وللحين انتظره يسويه
هُمام : ياهلااا بزينتي
ثامر : زينتك قبل
هُمام : لا تتغيرين علينا بس مثل ثامر
سعود : تراها مستحيه بس قدامك
الجد : باقي شي
هُمام : م نسينا
سعود وهو يصارخ : فيصل عبدالعزيز تعالوا
هُمام : اصبر لا تمشي
كلهم ركبوا سيارتهم وبدا طلق السلاح يعبرون عن فرحتهم
سعود : هُمام انتبه
ثامر : البنت خافت يعيال
وبداوا يتاكثرون من عيال القبيله بعتبار فرحتهم لسعود وعياله ووقفوا عند خروج ثامر من الديره
سعود : ارجعوا م قصرتوا
هُمام : جدي مع نواف ؟
عبدالعزيز: توي اشوفه احسبه م جاء
نواف : والله سلاحي اطلع من سلاح هُمام
هُمام : خفت يجي ف احد والله
نواف : اطلق ف السماء م يجي احد
هُمام : كل م مرينا جانا عامود كهرباء
فيصل: بغى يذبحنا ذا
فالبيت
فاتن : وين راحوا العيال
فاطمه : راحوا مع جدهم
الجده : ايلين سوي شاهي
ايلين : ابشري
غزل : خاله وين تميم
فاتن : كان مع ايلين فالمطبخ
ملاك : شوفيه جبته معي
عزيزه : إن شاءالله اشوفك شايله ولدك
فاطمه : امين
صقر وهو داخل : يا ايلين
ايلين : سويت شاهي
نايف : ازعجتوها بالشاهي
هُمام : يمه
فاتن : وش فيك تصارخ
هُمام : اوه جالسين هنا
نوال بصوت خفيف : قومي بدلي ملابسك
غزل : نسيت يمه
فاطمه : وين سعود ؟
هُمام : جاي كان يبدل
فاتن : وانت ليه م تبدل ؟
هُمام : ليه مب حلو الثوب
صقر : الا حلو بس ترتاح اكثر م تعبت ؟
هُمام : لا والله م تعبت الا وناسه
نايف : طول الوقت ترقصون !م قعدت لا انت ولا سعود
فيصل : ملاك شاحني وين !
ملاك : بالغرفه
سعود وهو ينسدح ع رجول امه : وش عندكم قاعدين للحين
الجده : نسولف
نواف : ابعد انت
هُمام : جالس قبلك
الجد: خلاص يعيال
نواف : تراها امي مب امك ابعد عنها
صقر : م صار شاهي ذا
ايلين : خلاص جايه
فاطمه : على وين ؟
سعود : بشرب مويه
ملاك بضحكه : بالعافيه ياخوي
نواف : ساره وينها ؟
الجده : بنتك تعبانه ونامت
بغرفة البنات
غزل : يمه مين
فيصل : اعوذبالله
غزل : وجع خوفتني
فيصل : اوه غزل
غزل : وش تبي ببدل
فيصل : ابيك
غزل : فيصل !
فيصل : ياحلوك حلواه
غزل : بيجي احد الحين
فيصل : شعلينا منه ؟
غزل: يمه القطوه كيف طلعت
فيصل وهو يشيلها : جوعانه ؟
غزل : توي اكلتها وش جوعانه !
فيصل : غزل
غزل : وش فيك ؟
فيصل : امك م قالت لك شي ؟
غزل : ع اللي قلته ! لا م قالت يويلك تعيده
فيصل : وش دراني انها معك
غزل : انتبه ثاني مره كنت بتورطني
فيصل : كلمت جدي
غزل : وش قال
فيصل : نفس كلام اول ! والله طفشت منه
غزل : اوف ! طيب قم ببدل
فيصل : ياحلو الازرق عليك كنت احبه الحين بكثره
غزل : فيصل القطو بيطلع
فيصل : خليك معي مب مع القطو
عبدالعزيز بصراخ : يافيصل
غزل : جاء بوقته
فيصل وهو ياخذ الشاحن : برجع لك
فالمطبخ
سعود : ايلين
ايلين : سعود
سعود : اشتقت لك
ايلين : اشتقت لشاهي قصدك
سعود : لا والله لك
ايلين : والله ؟
فاتن : ايلين
سعود وهو يبعد : وين المويه
ايلين : هنا شوفه
فاتن : ماشاءالله سعود
سعود : هلا خالتي
فاتن : الشاهي جهز ؟
ايلين : ايه
فاطمه : سعود تعال
سعود وهو طالع : هلا يمه
فاطمه : اخوك وينه !
فيصل : هنا هنا
سعود : خلك القطوه معك لا تفكها
فيصل : ليه
هُمام : احسن
ملاك : نواف
نواف : اسمي عمي نواف
عبدالعزيز: عمي نواف بس تميم يقولها
نواف : عمك انت وتميم !
هُمام : تخسي
ملاك : خلوني اكمل طيب
نواف : ويش
ملاك : من وين جاي انت ؟ يعني من اي بلد
نواف : كنت في دبي قعدت ادور لين عرفت مكانكم وجيت
هُمام : وش كنت تسوي هناك ؟
نواف : كنت اتمشى و ادور شغل بنفس الوقت
سعود : تزوجت ؟
نواف : لا كانت معاي ساره بس
عبدالعزيز: متى خذيتها من امها ؟
نواف :كلمتها وجاتني وامها كانت مشغوله مع زوجها اساساً و جاتني
ايلين : طيب كيف درست ؟
نواف : كانت تدرس هناك كل م رحنا بلد كنت ادرسها ذا اول شي يجي ف بالي
الجد : خلصتوا تحقيق ؟
عبدالعزيز: لا باقي
الجد : ويش !
عبدالعزيز: قصدي باقي عندي سؤال
سعود : اعقب انت
ايلين : باقي انا م سالت
نواف :اسألي
ايلين : ساره تزوجت ؟
نواف : لا بس خطبوا
الجد : م علمتني
نواف : لاني ماني موافق !
الجد : منهو ؟
نواف : فهد
سعود : فهد م فيه شي !
الجد : بشوف له
هُمام : حقي !
نواف : انا عمك
صقر : خذ الشاهي ذاً
سعود : وانا ابي
فاتن : عطي سعود عاد هو كان مساعدك
نايف: طولتي وين كنتي
غزل : كنت ابدل
الجد : خلصوا الشاهي ويلا نوم
صقر : اشرب شاهي يبا
الجد : لا م ابيه
الجده : ولا انا بروح انام
نواف : تنامون بدري
هُمام : ايه متى تنام انت ؟
نواف : مدري
فاطمه : انا بروح بعد
سعود وهو شايل الشاهي : هيا برا كلهم بينامون
هُمام : شرايكم نشب النار ؟
عبدالعزيز: عشان جدي يخليك حطبها
سعود : لا تتحمس
نواف : ايلين
ايلين : وشو
نواف : شوفي زينه دقت عليك
ملاك : عشان جدتي تخليك حطب مع هُمام
سعود : وين راحوا هم ؟
عبدالعزيز: اسأله
هُمام : لا عيب عيال
نواف : وش عيب اختي بسأله عنها
غزل : ليه بياكل اختك ؟
نواف : اسكتي يابنت نايف تراني زعلان من ابوك
عبدالعزيز: لا ترضى
نواف : م برضى
بوسط الجناح
ثامر : جوعانه ؟
زينه : لا
ثامر : وش اكلتي ؟
زينه : ها اكلت معاهم
ثامر : جوعان انا بطلب لي ولك و غيري فستانك شفيك جالسه فيه
زينه : ايه بدخل ابدل
ثامر : اذا تحتاجين مساعده ناديني
زينه : لا م احتاج
ثامر وهو يرد ع الجوال : يليل وش تبغون !
نواف : كيفكم
ثامر : كاني مب طالع من الديره توي
نواف : وين وقفت ؟
ثامر : م وقفت الا فالرياض
نواف : اوف كم ماشي !
ثامر : تراها مب بعيده
نواف : يبي لها ساعه ذي ! وتقول مب بعيده
ثامر : خليتها نص ساعه
نواف : وين زينه ؟
ثامر : فالغرفه كانت تبدل وش مسوين انتوا ؟ ادري العيال حولك
سعود : تجونا ؟
ثامر : مسرع اشتقت لي
سعود : والله ماهو لك
زينه : ثامر شنطتي ! شوفها بسياره
ثامر : خلاص بكره اشوفكم عيال
زينه : متأكد ركبتها ؟
ثامر : لا م دخلت شي السياره
زينه : شوف يمكن العيال حطوها
ثامر : زين
فالديره
ملاك : سعود روح البقاله
سعود : روح لها فيصل
فيصل : خل هُمام يروح
ايلين : لا نواف يروح
نواف : علامك علي انتي ؟
غزل : ايه صدق روح انت
نواف : عبدالعزيز مب اخوك ؟ خله يروح
هُمام : عبدالعزيز فاهي هناك
سعود : روح انت وفيصل
ملاك : ايه فيصل
فيصل : خلاص طيب
نواف :فصول عاقل
فيصل بعصبيه : اسمي فيصل !
سعود وهو يغمز لنواف : ايه قم انت بسرعه
هُمام : قايم قايم
نواف : علامه ؟
سعود : م يحب لا تنادونه كذا
غزل : توي ادري !
سعود : ليه انتي تدرين عن شي اساساً؟
ايلين : عبدالعزيز لا تروح عند الغرف
عبدالعزيز: ليه ؟
ايلين : خوات ثامر هناك يمكن تلاقيهم برا اساساً
نواف : ورا م تقعدون معاهم ؟
ملاك : بينامون وهم م يسولفون كثير
غزل : مب متعودين علينا
سعود : يمكن ع زينه بس
نواف : ثامر يسولف كثير م يسكت
بجناح ثامر
ثامر : م لقيتها
زينه : دورت زين !
ثامر : ايه والله م لقيتها
زينه : والحل !
ثامر : انا شنطتي هنا البسي اللي يريحك بدال الفستان
زينه : شفيك ع الفستان تراني مصممته بنفسي
ثامر : لا والله زين عليك انتي اللي محليته بس بغيت راحتك اجل تنامين فيه
زينه : ثامر طيب بكره وش البس !
ثامر : اجيب لك انا م عليك
زينه : وانت كيف نسيتها
ثامر : انا اللي نسيتها ؟
زينه : يعني كان المفروض تذكرني
ثامر : نسيت حتى انا
زينه : كنت تكلم مين اول ؟
ثامر : نواف
زينه : كان قلت لي اكلمه
ثامر : كنتي مستحيه قدام اهلك !وين راح
زينه : تعودت عليك خلاص
ثامر: تعودتي من يومين ؟
زينه : ايه ، بلبس ذا عادي ؟
ثامر : ايه كلشي لي عادي تستخدمينه
زينه : لو م جبت لي ملابس بكره بطلع بذي قدام خواتك
ثامر :ابشري اجيب لك
ف وسط الديره
هُمام :فيصل البقاله يسار وليه رايح يمين
فيصل بوسط تفكيره وتنعاد عليه ايامه كلها وكيف يتذكر عيال سليمان ولبناته ومنادات عمه اللي كان يميز فيصل بكل عياله "فصول "
هُمام وهو يسحبه : ولد
فيصل : اعوذبالله!
هُمام : تعدينا البقاله تعال نرجع
فيصل : ضيعت
هُمام : م عليه وش تفكر فيه لا يكون بنت العم
فيصل :فيصل وين وبنت العم وين
هُمام : اجل !
فيصل : ياخي م عليك بس روح اشتري لهم انت
هُمام :لا تتحرك لو تحركت بلاقيك باخر الديره
فيصل : ابشر
في بيت الجد
سعود : ورا م تعرس ؟
نواف : تكلم بشويش !
سعود بصوت خفيف : ورا م تعرس ؟
نواف : وليه اعرس ؟
سعود : م ودك ؟
نواف : لا والله
سعود : نعرس سوا
نواف : دور لي بنت وابشر
سعود : هاذا وهو م ودك
نواف : اطقطق معك والله م ودي اعرس بنتي الحين بتعرس وبيصير عندي احفاد وعائله
سعود:م يعني انك كبير !
نواف : م بقي من العمر شي ٣٩ وشعري كله شيب
سعود : وين شيب! باقي اقول اعرس ولا عليك
نواف : بنتي ! م بقي ف حياتي غيرها وش اللي اتزوج وازعلها
سعود : اكيد بتكلمها وهي م بترفض
نواف : يحلها ربك
في جناح ثامر
زينه : ثامر
ثامر : تعالي
زينه : وش كنت مفهي فيه
ثامر : كنت انتظرك ، وين تبين تروحين بكره ؟
زينه : عندي اهلي
ثامر : وغيره ؟
زينه : ولاشي ليه تبي تودينا مكان ؟
ثامر : ايه بيتنا
زينه : بيتنا !
ثامر : ايه اول شي بنشوف اللي برياض وبعدين اللي فالديره
زينه : من وين لك ؟
ثامر : شريتها انا وكلها جنب اهلك
زينه : ثامر بسالك
ثامر : امري
زينه : ليه خطفت ايلين ؟
ثامر : اعلمك اكثر شي ندمت عليه ؟
زينه : ايه
ثامر : اني خطفتها وحليت المشكله غلط البنت ذي م اعرفها ابد بس اللي اعرفه انها ضعف لهُمام وسعود استغليتها بذا الشي الا انا كنت ابيك انتي خطفتها ع اساس انها انتي انصدمت يوم عرفت انها زوجة سعود ولا عندي حل ثاني قلت خليها بدال زينه الا انا قلت لها كل مشاعري ع اساس انتي طلعت ايلين و للحين ودي اعتذر حتى ابوك م هاوشني يدري م ابي منها
زينه : خطفتها ع اساس انا ؟ وليه انا
ثامر : ع ايام طعنت سعود شفتك فالمستشفى كنت ابي ضعف لهم صرتي ضعف لي كانوا يبون اذبحك ! م قدرت رحت لين المستشفى ورجعت م قدرت اجيك وخلوني اراقبكم ومن مراقبتي مدري شصار و خطبتك من ابوك اكثر من مره بس قلت بعذره زعلان ع حفيده اكلمه كلشوي حتى يوم كان مختفي كنت اكلمه كان يرفض والحين وافق بس انتي م وافقتي
زينه : اكيد م راح اوافق انا م اعرف عنك شي الا انك عدو ابوي
ثامر : عدو ابوك قبل
زينه : ليه سويت كل ذا باهلي ؟
ثامر : لا تفتحين الموضوع خلصنا منه ، اقعدي انا بفتح الباب
زينه : طيب
في بيت الجد
سعود : وين طولتوا!
هُمام: اخوك ضاع ورحت ادوره
فيصل : تعقب
نواف : وين ضاع ؟
فيصل : وانت مصدقه م ضعت
هُمام : كان بيطلعنا من الديره
سعود : اقعد وين رايح
فيصل : بروح المجلس
نواف : وراهم سحبوا علينا !
سعود : بروح اشوفه
غزل : جيب عبدالعزيز معاك
نواف : نفسيين كنت متحمس اجي عندكم
ملاك : ياخي مب واضح عليك ٣٩
نواف : شعرفك ب عمري ؟
ملاك: سمعتك
نواف : ليه مب واضح سوير م توضح ؟
ايلين : م ينقال لها بنتك
نواف : افا
هُمام : خلصوا اكلكم جوا بالغرفه امش انت ادخل
نواف : ليه !
هُمام : قم
ايلين : هيا
فالمجلس
سعود : شفيك
فيصل : م فيني شي ليه جيت !
سعود : ليه م تجلس معنا
فيصل : بنام
سعود : علينا !
فيصل : صادق تراني
سعود : والثاني ؟
فيصل : نايم شوفه
عبدالعزيز: ابعد عني
سعود : م يقصد نواف
فيصل : م عليك
صباح اليوم الثاني في بيت الجد
الجد : لا صلاه ولا عباده بس نوم نوم
نواف : يايبا صلاة وشو الحين الساعه ٩!!
الجد : قم لا اجيك انت بعد
فيصل : جدي اتركهم ذولا م يقومون الا مغرب
الجد : يخسون ! م فيه الا انت عاقل قمت اول واحد
عبدالعزيز: م نام ذا !
فيصل : لا تكذب علي قم بس
الجده : برجال اتركهم وش تبي بهم
الجد : خليهم يقومون عشان م يسهرون اخر الليالي
نواف : زواج زينه امس وتعبنا بننام اكيد !
الجد : قوم اختك الحين جايه
منيره : ياخاله
الجده : الحين بجي بس انت اتركهم
الجد : اشوفك قمت يالسلوقي
عبدالعزيز: م قمت نايم
نواف : يالسلوقي
فيصل : هُمام وينه !
هُمام من ورا الباب : هنا هنا
فيصل وهو يسحبه : رح نام
سعود : وش مقعدك ؟
فيصل : م نمت
نواف : وراه ؟
فيصل : جدي ينادي امشوا
عبدالعزيز: وين نمشي والحريم ؟
فيصل : م فيه احد راحوا
عبدالعزيز: وين راحوا !
فيصل : اقصد فالغرفه
في جناح ثامر
زينه : متى تقوم ؟
ثامر : باقي مطول نامي انتي وش مصحيك !
زينه : انا اقوم ذا الوقت قم
ثامر : واذا قمت بتروحين عند اهلك الساعه ٩!
زينه : لا بس قوم طلبت فطور
ثامر : كيف طلبتي !
زينه : دقيت عليهم وجايين
ثامر : ليه ما صحيتيني
زينه : الحين قوم !شوف جوالك يدق
ثامر : اختي ؟
زينه : ايه
ثامر : هلا منيره
منيره : ثامر بغيت اسالك حنا بنقعد هنا لحتى تجي ؟
ثامر : ايه
منيره : بس احس مزعجينهم عادي نروح عند خالتي ؟
ثامر : بجي شوي انا انتظريني
في بيت الجد
الجده : علامك يامنيره ؟ وين خواتك
منيره : خواتي نايمين
الجده : كنتي تكلمين ثامر ؟
منيره : ايه
الجده : ليه ؟
منيره : كنت اسال متى يجي
الجده : اكيد يجون شوي تعالي افطري الحين
منيره : انتي روحي افطري الحين وانا بجي
عزيزه : يلا ياخاله تعالي
الجده : يلا جايه
ايلين : منيره وش تسوين ؟
منيره : كنت اسوي شاهي وخذوه خلاص
ايلين : كنت جايه اسوي اشوا سويتي
غزل : ملاك ساعديني جيبي الفطور معي
ايلين : ليه هنا ؟
غزل : بنفطر هنا حنا
منيره : ليه م تفطرون سوا ؟
غزل : الا بس اجلسي الحين
منيره : غزل عندك اخوات ؟
غزل : لا بس اخو
منيره : فيصل ؟
غزل : عبدالعزيز، عندك اخوان غير ثامر ؟
منيره : ايه بس مب نفس ثامر
ايلين : تعالي ملاك
ملاك : اصبري شوي واجي
فالمجلس
نواف : قوم اخلص
هُمام : توكل
نواف : بنادي ابوي
ملاك : لا لا تناديه روح افطر انت
هُمام : ملاكي
ملاك : قوم يلا
هُمام : الحين بجي
عبدالعزيز: ملاك ؟
ملاك : هلا
عبدالعزيز : وش جابك الحين جدي بيهاوش
هُمام : م عليك منها
عبدالعزيز: م علي بس انصحكم
الجد : هُمام م قمت !
هُمام : الا
الجد : م رحتي تفطرين ؟
ملاك : كنت ابي فيصل
الجد : فيصل جالس بصاله
ملاك : ايه نسيت
عبدالعزيز : قايل لك
هُمام : مالك شغل
الجد : وش مجلسك هنا ؟ روح افطر انت
عبدالعزيز: ايه جاي
الجد : ولو سمعتك تعيد كلمتك يصير تفاهم ثاني
هُمام : يصير خير
في جناح ثامر
زينه : يلا المول
ثامر : الحين ؟
زينه : ايه اجل اروح بتيشيرتك؟
ثامر : لا طبعاً امشي
بعد ساعه ونص
زينه : ايه خلاص هاذا ابيه
ثامر وهو يطلع بطاقته : ابشري
زينه : معي انا بالجوالي
ثامر وهو يسحب الجوال قبل تحاسب : عيب !
زينه : ليه ؟
ثامر : خذيه وهيا
زينه : لا تسحبه كذا مره ثانيه !
ثامر : ولا تحاسبين مره ثانيه !
زينه : طيب قول لي
ثامر : تعالي تبين قهوه ؟
زينه : اللي هنا ازين
ثامر : لا تسوين الحركه ذي مره ثانيه
فهد : ثامر ؟
ثامر : ايه
فهد وهو مو منتبه لزينه : باقي فلوس لاخوك
ثامر : فلوس وش ؟
فهد : البيعه
ثامر : اطلبه من محسن لا تجيني
فهد : اذا م خاب ظني مشتركين
ثامر : توكل يافهد
فهد : بتوكل بس سدد لا اسحبك انت واخوانك
زينه : وش يبغى ؟
ثامر : م عليك منه
زينه : بيعة وش ؟
ثامر : مدري وش يقول بس م عليك الحين بنروح الديره نرجع للبيت بعدين
زينه : تمام
فالديره
سعود : علامك انت
فيصل : وشو ؟
سعود : وش فيك م نمت اليوم
فيصل : نمت
سعود : كذاب وش عندك قول
فيصل : عندي شي بسويه وابيك تستعجل بعرسك
سعود : وش هو ؟
فيصل : بتستعجل بعرسك ؟لان ودي اكون معاك بعرسك
سعود : وشو اخلص
فيصل : بدخل عسكريه
سعود : وليه ؟
فيصل : جت ف راسي وبدخلها
سعود : كلم جدي يمكن رفض
فيصل : سعود حنا كبرنا مب كلشي يسويه جدي لنا ولا تشاوره فيها خلاص! هو بيرفض بس والله لتصير وادخل
الجد: اقطع وأخس م كبرت يافيصل باقي و باقي لك كثير بعد لا عقل ولا شكل
فيصل : الا كبرنا ولا بنقعد نعتمد عليك حنا بنعتمد ع نفسنا
الجد : اعتمد يافيصل ولا تجيني بعدين لا بغيت شي
سعود : جدي مو قصده كذا فيصل
الجد : اجل وش قصده ؟
سعود : فيصل يبي يدخل عسكريه عشان يبيها من هو صغير بس عشان م يبي شركتك او يعتمد عليك
فيصل : مب قصدي كذا
الجد : سعود روح بتكلم معه
فيصل وهو قايم : انتهينا م فيه شي نتكلم عنه
الجد : علامك انت ؟ العسكريه !!
فيصل : ايه عسكريه !
الجد : دور لك اي شغل غيرها
فيصل : انا م ابي الا هي
الجد : وغزل ؟
فيصل : وش فيها ؟
الجد : الدوره حقت العسكريه تطول ونايف م بينتظرك
فيصل : هو م يبي ينتظر اساساً
الجد : من قال ؟
فيصل: انا قلت ! لا انت اللي تبي ولا هو ولا بقعد انتظر
صقر : شفيك يبا
الجد : ولاشي رح بعدين اكلمك
فيصل : م عاد فيه كلام زواج سعود و بروح بعدها
الجد : واختك ؟
فيصل وهو رايح : م فيها شي لو تأخر
صقر : شوي شوي عليه انت اذا بصراخ فيصل عنيد
الجد : وانا عنيد !
هُمام ؛ وكل م صارت مشكله طاحت براس زواج هُمام
عبدالعزيز : امش لا يفصل علينا حنا
الجد : سعود !
سعود : هلا
الجد : يوم الاربعاء زواجك
سعود : ابشر
الجد : نواف !
نواف : وشو
الجد : قولوا للحريم بعد العصر بنرجع الرياض
فالصاله
فاطمه : فيصل علامه جدك؟
فيصل : مدري عنه
الجده : روح المجلس
الجد : لا خليه يجلس معكم وش فيه م تفرقون عن بعض
فيصل : لا يفرق
الجد : حركاتك حركات حريم يافيصل
نايف : وش مسوي بعد ؟
نواف : فيصل مو مسوي شي
صقر : اطلع منها فيصل غلطان
سعود : فيصل ماهو بغلطان ياعمي عشانه بيدخل عسكريه غلطان !
صقر : و الاشغال الثانيه م تنفع الا العسكريه !
الجده : فيصل روح خلاص
فيصل : رايح
نايف : الله المستعان
الجد : زي م قلت ياسعود م يتغير
سعود : إن شاءالله
بعد ساعه بالديره
الجد : قم افتح الباب
نواف : روح
الجد : انت رح
نواف : م في فرق ...هلا زينه
زينه : جالسين بالحوش ؟
نواف : ايه ادخلي
ثامر : م فيه احد ؟
نواف : لا ابوي واخواني
الجد : ياهلا بثامر
زينه بعد م سلمت عليهم : بدخل جوا انا
سعود : م بغيتوا تطولون
صقر : الله يحييهم ف اي وقت
نواف : نشوفك يوم تتزوج بتجينا ولا
سعود : م بجيكم ابد
صقر :تخسي
سعود : الا اذا هي تبي
فالصاله
فاطمه : هلا زينه
الجده : جات ؟
فاطمه : ايه شوفيها
زينه وهي تبوس راسها : هلا يمه
الجده : هلا بنيتي
ايلين : ملاك جات زينه تعالي
غزل : م اشتقنا لك !
ايلين : الا انا اشتقت لك
زينه : اوريك ياغزل
منيره : زينه اخوي دخل ؟
زينه : اي عند ابوي
الجده : شفيك مستعجله تبين تروحين !
عزيزه : م راح تروحين بتنامين عندنا اليوم
منيره : لا ماله داعي
فاتن : الا له داعي تستانسين معانا
بعد ثلاث ايام
في الرياض ببيت الجد
فاتن : ايلين م نمتي ؟
ايلين : لا يمه
فاتن : ليه يابنتي
ايلين : م جاني نوم
فاتن : تعالي نفطر تحت ونروح الصالون بعدها
ايلين : جايه
زينه : ايلين نايمه !
ايلين : لا صاحيه
زينه : الله يعينك عليه نايم للحين
ايلين : ايه سمعت جدي يصحيه
زينه : ايه يلا قومي
فالصاله
الجده : شوي شوي عليه
الجد : زواجه اليوم وهو نايم !
نواف : كان سهران يوزع كرت الزواج
سعود : خلاص قمت
نواف : هيا نكمل الاغراض اللي م خلصناها
فاطمه : افطر اول بعدين روح
سعود : بفطر ع طريقي
فيصل : تبون شي ؟
الجد : وين رايح انت
فيصل : هنا قريب وراجع
هُمام : وين العيال ؟
صقر : توهم طلعوا
الجد : اقعد خلك معانا انت
زينه : ايه عشان تودينا
هُمام : مب انا المعرس
صقر : بتوديهم
هُمام : ابشر
فاطمه: افطري ايلين وراك عرس طويل
بعد ساعتين
الجد : وين رحتوا انتوا؟
سعود : رحنا لحق العشاء وافطرنا و رجعنا
صقر : تاخرتوا
ثامر : عزمتوا ابوي ؟
الجد : ايه
ثامر : اجل انا بمشي
صقر : ليه مب تكون معانا بالعرس ؟
ثامر : بجي بس بروح لاهلي الحين
نواف : راحوا ؟
صقر : ايه من اليوم
سعود : قهر
الجد : ايش ؟
سعود : اقول قهر نسيت جوالي بالسياره
الجد : اها لا تنشغل فيه
فالليل الساعه 9:00 فالقصر
هُمام : عسى طولنا ؟
زينه : لا بدري م عليك
هُمام : اليوم اختي عروسه ! احس ماني مصدق
زينه :تراها م راح تروح
هُمام : حتى لو م بتصير حقتنا بس
ايلين : لا لا حقتكم
هُمام : البلشه
زينه : وش ذا التناقض !
هُمام وهو يفتح لنا الباب : انزلي يا اميرتي
ايلين وهي تحضنه: الله يخليك لي
زينه : مب وقتكم هيا داخل
هُمام : روحي لحالك
سعود : بدري !
هُمام : اهم شي وصلنا باقي م جاء احد
سعود : انتبهي ادخل من هناك
هُمام : انتبهي
سعود : تقلدني ؟
هُمام : عشان م تحسب بس انت اللي مهتم لها
سعود : امش امش
هُمام : ليه م تلبس بشتك؟
سعود : الحين بيجيبه فيصل
نواف : هلا بالعرسان
سعود : بس انا العريس
هُمام : قريب قريب ان شاءالله
سعود : شرايك بسيارتي زينه ؟
نواف : اللي راكبها فيصل صح ؟
سعود : ايه توه جابها
هُمام : حلو بس شريتها ؟
سعود : شريتها
نواف : غالي جي كلاس كيف شريته؟
الجد : الغالي يرخص لسعود
نواف : بدا ينسحب علينا
الجد : م سحبنا عليكم بس تعتبر هديه بسيطه
هُمام : والله لا اعرس خليه ينتهي عرس سعود بس
فيصل : خذ البسه قبل يجي احد
سعود ؛ ابشر
داخل القصر
ايلين : يمه احس اني خايفه
فاتن : لا عادي م عليك ذا يصير وقت الزواج
زينه : كيف شكلي يمه ؟
الجده : زينه بسم الله عليك
منيره : اسم على مسمى
زينه : يازينك اخوك م دق عليك ؟
منيره : لا والله م دق علي
زينه : بشوفه
ملاك : ياحظ اخوي فيك
فاطمه : عقبال اخوك الثاني
الجده : م شفته وينه ؟
فاطمه : اكيد معاهم
غزل : يمه سوي سلسالي
نوال : تعالي
عزيزه : انا بشوف اذا احد جاء
الجده : انا جايه معاك
فاتن :بروح معاهم انا
فاطمه : تعالي نوال
نوال : جايه جايه
ايلين : يمه لبسي تميم البشت
ملاك : الليله بشت سعود بس
فاطمه : سعود بيدخل اطلعوا
ايلين : وين يدخل !
زينه : بس تصورون ويطلع قبل يجي احد
ايلين : شكلي حلو ؟
سعود : حلوه بكل حالاتك
المصوره : اذا جاهزين قولوا لي
سعود : يلا ؟ قبل عمي يدخل
ايلين : يلا
سعود : شفيك خايفه مني ؟
ايلين : لا مب خايفه
سعود : اجل شفيك
ايلين : م فيني شي
في القصر جهه ثانيه
هُمام : ادخل داخل
فيصل : لا بقعد هنا
هُمام : قبل يجي احد نصور مع اخوك
فيصل : شوي
نايف : جاء احد ؟
فيصل : لا
نوال : فيصل ساعد غزل ب اغراض معاها
فيصل : ف السياره ؟
نوال : ايه
غزل : لا يمه م يحتاج
فيصل : عطيني الاغراض
غزل : اقدر اشيلها
فيصل : بتطيحين مع فستانك ذا
غزل : لا
فيصل : الناس بيجون وانتي واقفه هنا ادخلي وانا بجيبها
غزل : فيصل !
فيصل : تعالي معي
غزل : وين !
فيصل : معي
داخل القصر بغرفة ثانيه
زينه : بدري !
ثامر : وش ذا الزين
زينه : طولت
ثامر : لا باقي
زينه : اختك طول الوقت كانت تنتظرك
ثامر : ليه ؟
زينه : تبي تروح مع خواتها بس م خليتها وجات معي
ثامر : بتروحين معي بعد العرس
زينه : ليه ؟ بقعد مع اهلي
ثامر : نمتي معاهم امس بتروحين معي
زينه : وين كنت اليوم ؟
ثامر : رحت عند اخواني
زينه : وش صار ؟
ثامر : م صار شي وش بيصير
زينه : كيف تروح عندهم بيهاوشون ع اخواتهم
ثامر : م تكلمنا عن البنات بس ع سالفة الفلوس اللي اخذها سددتها له وقلت لا تاخذون منه شي
زينه : وش ياخذون ؟
ثامر : خلك ف العرس الحين ولا عليك مني طيب ؟
الجد : ثامر ؟
ثامر : هلا عمي
الجد : امش معي
ثامر : إن شاءالله ... شكل ابوك نسى
زينه : بعلمه
ثامر : افا
الجد : ثامر امش !
برا القصر
فيصل : وش ؟
غزل: ليه جايبنا هنا
فيصل : م فيه احد هنا كلهم داخل
غزل : ايه ليه جينا ؟
فيصل : م ودك تقولين شي ؟ عيونك تقول اشياء كثير
غزل : ولو ابوي جاء ؟ بنخرب ع نفسنا كثير
فيصل: ترا بعد زواج سعود بروح
غزل : م راح تروح
فيصل : بروح !
غزل : وجدي ؟
فيصل : الحين جدي؟ وانا وانتي ... هو صح فتره قصيره بس انا احبك من زمان من اول م التقينا و شفتك فيها ابوك رافض وجدك رافض بس انا احبك بنقعد ع مزاجهم حنا ؟ انا طول الوقت اصبر بس عشان اخذك بس الحين خلاص م فيه صبر اخر مره بتقدم لك عندي عزة نفس ولا بقعد عند ابوك كذا اقنعي ابوك طرف واحد م يكفي !
غزل : يعني بروح عند ابوي و يقول انا ابي فيصل ؟ فيصل م تجي ابوي عنيد ولو خذته بالعناد ينتهي كل اللي بيننا وانا دايم اكلم امي ماهو من طرف واحد ! بس ابوي م اقدر اكلمه واوقف ف وجهه جدي بيحلها بس لا تعانده ولو تبي تروح اقعد عشاني يوم قربت النهايه تخربها ؟
ثامر وهو يرفع صوته عشان ينتبه فيصل : عمي وين مودينا انت ! هنا م فيه احد
فيصل وهو يسحبها : بدون صوت !
غزل : لو شافنا بسببك !
فيصل وهو يحط يسكت غزل بيده : اص
ثامر : نرجع نرجع
الجد : شفيك انت !
ثامر : ياعمي من هنا ظلام وش نبي فيه
الجد : بشوفه عشان نكون نعرف كل مكان
ثامر : المعازيم بيجون عيب محد يستقبلهم!
الجد : يلا خلنا نلحق
غزل : شيل يدك كتمتني
فيصل : عشان تسكتني ثاني مره
غزل: جاء احد الحين كيف ادخل !
فيصل : تعالي في باب من ورا
غزل : روجي كله بيدك
فيصل : بغطيه بمناديل ادخلي انتي
داخل القصر
ملاك : هُمام
هُمام : عيوني
ملاك : ليه داخل
هُمام : انتظر سعود ... م تبين تشوفني ؟
ملاك : مب قدام امك
هُمام : عادي زوجتي
ملاك : وين فيصل ؟
فيصل : جيت
ملاك : تعال بصوركم
فيصل : مع ذا ؟ م ابي
هُمام : غصباً عنك
ملاك : انتظروا سعود يطلع
ساره : م صارت صور ذي ! طولوا
هُمام :زواج م راح يصورون اي صوره !
عبدالعزيز : الحين وين ثامر ؟
زينه : وش تبي فيه
عبدالعزيز: م ابي منه شي بس اهله وين ؟ معه
زينه : وش تبي ف اهله
عبدالعزيز: وش ذا التحقيق بس اسال
غزل : لا تسال
عبدالعزيز: وينك انتي من اليوم امك تدورك
غزل : كنت بالمطبخ
داخل الغرفه
سعود وهو يحتويها : اخيراً زوجتي
المصوره : ايه خلك كذا
ايلين : سعود لا تناظر كذا
سعود : حلالي
ايلين : خلصنا ؟
المصوره وهي طالعه : ايه يعطيكم العافيه لولا السوالف كان خلصنا بدري
ايلين : خلاص خلصنا
سعود : بس م فكك
ايلين : الحين بيدخلون !
سعود: ذي زمان نقولها الحين حتى لو دخلوا عادي
فاتن : ايلين حلوه الصور ؟
سعود وهو يبعد : للحين مو عادي
ايلين : ايه يمه حلوه
هُمام وهو يجلس بينهم : اكيد حلوه دام ايلين فيها
سعود وهو يبعده : ذي تسويها مع زينه بس
هُمام : افا
فيصل وهو يسحب سعود مع ثوبه : تعال انت تصورنا ملاك
سعود : حتى لو تزوجت م فيه احترام !
فيصل : م فيه حتى لو شعرك شيب
ملاك :هُمام اجلس معاهم
فيصل : تعال بس عشان اختي
سعود : جدي وينه ؟ خلنا نصور سوا
عبدالعزيز: اطلعوا عنده وانا بصوركم انتي اقعدي
زينه : ياحلاوتك يايلين
فاتن : المصوره متى قالت تعطيك الصور ؟
ايلين : بعد يومين
ساره : من وين فستانك ؟
ايلين : انا مصممته
ساره : اها
فاطمه : يابخت سعود والله
زينه :وفيصل بعد
ملاك :اخواني عندهم ذوق
غزل : جده تقول انزلوا عندها بسرعه
ايلين : زينه اقعدي معي
فاتن : وانتوا امشوا معي
زينه : وياحظك بسعود بعد انتي
ايلين : زينه شوفي سناباتهم اكيد صوروه
زينه : توه كان عندك !
ايلين : م ناظرت زين
زينه : ليه م ناظرتي !
ايلين : م ناظرت كل م انتظره انزل عيوني
زينه : يمه منك تعالي شوفي
برا القصر
ثامر: روح معاهم انا بصوركم
عبدالعزيز: متاكد ؟
ثامر وهو يناظر الصور اللي بالكاميرا ويفكرها لعزوز: ايه روح ... وش ذا !
عبدالعزيز: وش ! لا تخربها
ثامر : منيره !
الجد : وشو
ثامر وهو يمسكه مع ثوبه : وش جاب صورتها معك !!
عبدالعزيز: اي صوره !
ثامر : لا تستهبل !
فيصل وهو يبعده : مب حقته حقت اختي لا تدخل الصور
نايف : افا !
ثامر : متاكد !
سعود : اي حقتها
ثامر : بس كانت معاه !
عبدالعزيز: بس ماني بورع واروح اشوفها م دخلت ع الصور
هُمام : خلاص ارجع بتصور ولا هات اعطيها العامل
ثامر : روح معهم بسرعه
الجد : ابتسموا
ثامر : خلاص صورت حلوه
الجد وهو يسحبها منه : م تقصر
سعود : خلاص هيا
نواف : م شفت بنت اخوي ! بدخل
الجد : اقعد عندك وش اللي تدخل
نواف : م شفتها يبا
الجد : اشوفها اذا بتمشي
نواف : يويلك تروح ولا اواسيها ع اللي صار
صقر : وش صار ؟
نواف : تزوجت سعود
هُمام : نواسيها سوا
داخل القصر
المطربه : اهلاً وسهلاً بافراح ال سعود و بنطربكم الليله لصبح وابدا فرحنا باهداء لي خاص لحريم ال سعود ....وكل ال سعود خيّاله عليهم رزة الرايه
ويازين زينه بينهم ...ويازين ملاك بينهم لا فرق الله شملهم ويازين غزل بينهم
.
.
.
.
المطربه : ويام سعود تهنيتي وبلغتي م تمنيتي وبيوت العز بنيتي
وياخوان محمد ياصقور وسعود يعتزي بامه ..." وفيصل لا تخلونه"
ملاك وهي ترقص وكل الانظار عليها وتكرر : فيصل لا تخلونه
باعتقاد كل الناس العداوه بين فيصل وسعود وكسروها بالليله ذي
فاطمه : وام فيصل تهنيتي
المطربه وهي تعيد : وام فيصل تهنيتي
الساعه ٢ ونص بالليل
طفت كل الانوار ونور واحد ع الباب وبدت الزفه
سعود وهو يتأملها ويكرر الاغنيه اللي اختاروها : يوم اقبلت والحافظ الله
من العين بنت كثر ما تضوي من الحسن حسن ومعاني
وكل الانظار كانت لها ولسعود نزلت مع الدرج وزينه تساعدها
سعود وهو يستقبلها : انا بساعدها
وقفت جنب سعود ومسك يدها : احبك
اريج : سعود احلى منها بكثير
زهره " ام اريج" : النصيب
ايلين وهي تتغير ملامح وجهه من سمعت الكلام كانوا قريبين منها مره
بدت شيلة " يابنات عامها لفو عليها "
ايلين بابتسامه من شفات بنات عمها قاموا ع طول
سعود : انا بروح ع جنب وانتي خلك بالوسط
زينه وهي تغني : يابنات عمها لفو عليها
غزل : بنتنا غاليه والزين غالي
وبعد المباركات وراحوا للعشاء و م قعد غير العائله
سعود وهو يفصخ بشته : قفل الباب حقهم
فاطمه : مقفل
سعود : يعيال تعالوا
نواف :حطي ال سعود بسرعه
الجد : ترا بجي معكم
هُمام : نزل البشت
بدا الرقص من اول م بدت ال سعود
ملاك وهي تصورهم : حتى جدي معاهم
سعود : جده تعالي ارقصي معانا
الجده : لا لا
سعود : افا م تفرحون بفرحتي !
هُمام : يلا يلا
الجده : مين يقدر عليكم انتم !
فاطمه : بسرعه الحريم بيطلعون !
فالجناح
سعود وهو يطرح راسه بتعب وتنهيد : اخيراً
ايلين : من اليوم انت اخيراً اخيراً
سعود : من يومني ورع وانا احبك ولي سنين كاتمه بقلبي تتوقعين م ارتاح بعد تعب السنين وتشتاتها؟.. بدلي وتعالي لي امك تقول م نمتي من امس
ايلين : ايه م راح اطول
سعود : يلا
فاطمه وهي تدق : سعود وصلت ؟
سعود : ايه يمه وصلت نامي وارتاحي انتي
فاطمه : يلا
سعود وهو يفك ازرار ثوبه : م يحتاج تقفلين
ايلين : ببدل ملابسي
سعود : زوجك انا !
ايلين : سعود !