لأن جمالكِ منثور في الشارع
ولا يُمكن اللّحاق به
خلق الله لكُل مدينة نسخة منكِ
لكن هُنا
في بغداد
وتحديدًا على جسر الجمهورية
وقف الملاك حائرًا بين الكرخ
والرصافة
فصنع الله آلاف النسخ منكِ
ليتعرف الناس سريعًا على كلمة أمل .
الإنستقرام: al5ama
_____________
كعدت الصبح ع هوسه وصريخ كالعادة هذا حال بيتنه يومية مشاكل
وعركات كمت غسلت وجهي ورتبت الفراش ولميت الملابس المطشره بالكاع وصلت يم الباب لزمت المقبض وجريت نفس عميق وزفرته فتحت الباب كل ما انزل كل ما يعله صوت واتمنه اسد اذني وما اسمع هاي الأصوات
منال:نزلت المسعده جان بقيتي بعد نايمه خاف بعدج نعسانه
نور:عمه ساعه ب٩ صبح ليش تحسسيني كاعده بال١ ظهر
منال:لا عوزج والله تكعديلي هيج وكت
نور:عمه ناس نايمة تره بس احنه نكعد هيج وكت ع العركات والصياح
منال:هسه اعلمج العركات شلون أصير
نور:جنت واكفه ع بايت درج واجتني تركض لزمت شعري من جوه الحجاب وجر بيه شعري نصه طلع كدام حمويني
نور:عمه شدسوين قابل شحجيت اني لو لازم طلعين حركتج بيه عبن تكرهيني
منال: لج دبسززز سدي حلكج اني تالي عمري تجيني جنه تعيرني ولج هي العركات اجتنه من انتي طبيتي للبيت
نور:ضلت قابضه ايده وتضربني واكيد زوجي مصدوم و صافن ميكدر يتدنه لان راح تعيط عليه وتكله اتبره منك وهو ميكدر ع امه دفرتني برجله بطني حسيت روحي شاغت اجه ياحاول يدفعه لان تأذيت بس لا حياة لمن تنادي
منال:يله ولي مريد اشوف وجهج تطبخين وتنظفين كله عليج اليوم ومحد يساعدج بكشايه اذا ما اربيلج كلب
نور: دموعي تنزل بدون اي صوت ولا حرف واهز براسي عدلت حجابي وكمت من بعد ما شهدو كلهم ع اهانتي وكتلتي
رحت للمطبخ تا احضر الريوك واني دموع تنزل توصل لحد صدري بدون ما امسحه تعودت صرت احس شي عادي جداً اذا بجيت
وسام: اسف
نور: حضني كالعاده وعتذر بس قبل شويه ما اكلف نفسه يسحبني ولا يدافعلي بحرف
وسام: انتي من شوفيه عصبيه ليش تحجين بس فهميني
نور:بذمتك وضميرك كلي شنو حجيته غلط وحتى اذا ساكته وداعتك راح تجي وتكتلني كدامكم مثل كل مره ومو بعيده تكلي ليش ساكته هي هاي امك تكرهني كره الاعمى اذا حجيت او سكتت
وسام:اوووووف اوووووف لشوكت نبقه هيج والله كلبي يتكطع من واحد يتدنالج
نور: ههههههههه اي واضح
وخر ابوس ايدك خلي اكمل شغل اشوفك باليل يومي طويل اني أدري امك ماترتاح اله سوت الي باله وخلت شغل كله عليه
وسام: كملي كم شغله مو اله تشتغلين كله من صير ب٨ بليل روحي للغرفه وعود اكله اني محتاجج لا تعبين نفسج فدوه والله ميهون عليه هذا وضعج
نور: ضليت صافنه عليه ودموعي تنزل مسح دموعي بابهامه وباس راسي وطلع
رجعت اكمل شغل عادي هي هاي منال تروح تروح وترجع عليه وكل ما صحتله فرصه ذب كل شغل عليه وتخلي حيلي ينهد هد
كملت كلشي وتريكو وكلمن طلع شغله
صارت دنيا غروب رحت اتسحب مثل الحرامي لغرفتي حتى اسبح ع الاقل قبل لا يجي وسام وهمزين جانت هي بغرفته كاعده مرات هيج وقت تبقه خاتله بغرفته
وسام: طلعت من البيت للشغل وصلت للمركز دكولي تحيه وطبيت بوجهي للمكتب شفت كميت الملفات مال الشغل كعدت اشتغل وراسي يوجعني كملت كلشي وطلعت للبيت رئساً صعدت الغرفتي مابيه حيل حجي وأسطوانة كل يوم
فتحت الباب واشوف حبيبت كلبي واكفه يم المراية وشعره الاسود واصل جوه فخذه مبلل ويقطر مي وريحت غسول الفواكه الي تستعمله تفوح منه فتت وسديت الباب وهي ع وكفته تحط كريمات وهي كلشي ما تحتاج حاوطت خصره باديه وهمست بأذنه
وسام: شلونه شمعتي
نور:لتفتت عليه وتنهدت بتعب واني منزله رأسي وهمست ..ع الله
باس راسي وراح للحمام حضرتله الملابس وطلع حط بس المنشفه ع خصره ويمشي كمل لبس ورتب شواربه واجه للفراش تمدد
وسام : تعالي بحضني
نور:فتحلي ايده ويحركه بمعنى تعالي رحت ختلت بحضن واتمنى ابجي واضل فد سبوع بس السولفله ع كميت التعب النفسي والجسدي الي دا امر بي ضل يمسد ع شعري وكل شوي يبوس راسي ويتنهد اخر شي غفيت من تعب ومحسيت غير الصبح وهوه يطبع بوسه ع شفتي
وسام:اني رايح عدنه واجب اليوم من الفجر مردت اكعدج بس جوعان من البارحه مماكل شي
نور: لا يروحي هسه اسويلك اكل بين ما تسبح وتلبس بدلتك رجع حظني وضل يبوس بكل وجهي
وسام: تره اني مشتاق هواي وانتي دتعوفيني وتنامين
نور: بتسمت وكتله والله من تعب مو بيدي انام وانته حضنك ومن تمسد ع شعري غصب عني اصير اغفي
وسام:يعني شلون حتى من الحضنه ابطل تره ميصير
نور: ضحتك بتعب وكتله تعال اليوم ويصير خير
وسام : شمعتي صايره وكحهه
نور: الي يعيش يمكم غصب يصير وكح
بتسم وحاول يخفي قهره راح للحمام واني رحت للمطبخ اسويه اكل ساعه ب٤ الفجر فزيت من شفت بنت عمه ل وسام طبت من منور المطبخ وهي هم فزت ... هاي شدسوي برا بهل وكت
ليلى:هااااا
نور:شنو هاااا شبيج خيه شدسوين بالمنور مال المطبخ ودنيا ضلمة ما تخافين
ليلى: مو شسمه نزلت اشرب مي وسمعت صوت طكطكه
نور:ضليت صافنه دا احسه جذب وريكه يصعد وينزل وتفرك بصابعه مال واحد متوتر كلش ..اهااا كتيلي طكطكه زين خيه روحي نامي واني راح اقفل المنور فزت بس كتله هيج
ليلى: لا اني اقفله ها اها قفلته انتي شعدج هنا
نور: وسام عده واجب من الفجر وكلي جوعان مماكل من البارحة
ليلى:سوده عليههه
نور: شنووو
ليلى:اقصد انو خطيه الله يساعده يله حبيبتي اني رايح انام لو تردين اساعدج
نور:ضليت صافنه حبيبتي واساعدج معقوله هاي ليلى ..لاتسلمين اني اسوي روحي نامي راحت رئساً واني متحملت رحت اشوف شكو بالمنور ادري مو سالفة طكطكه فتحت الباب وكفختني ريحه مال حرك خشب بس خفيفه كلش اخذت الجداحة وشعلت الضوه مالته واجيت اشوف فزيت من
وسام:ولججججج شدسوين راح أتأخر
نور: وسامم صدك تحجي فززتني سديت الباب ورحت احط الطاوه ع النار سويت بيض ع سريع وجبن وجاي حطيت الاكل وسحبت الكرسي وكعدت صافنه اتمعن بجماله وجمال عيونه العسليات عبالك عسل جوزي ع اشقر ابستمت لا ارادياً وهو باوعلي
وسام: افدي هالضحكه شنو سببه
نور:سببه عيونك الحلوات هم يصير عندي طفل ويجي نفس عيونك
وسام: خوب نفس عيونج الي جنه بحر من زراكه بعد احله من عيوني
نور: لا اريد مثلك
وسام:يله ابوي اني تاخرت عوفي العيون اريد بوسه
نور: رفعت نفسي حتى اكدر اوصل لطوله ولو شويه بس ولا ممكن رفعني بيد وحده وصلت لحد وجه وبسته
وسام: شون اشبع منهن؟
نور : بهاي سوالف انته متشبع ابد روح يلههه فريته ع الباب ودفعته بخفه صار يضحك ويكول
وسام: ارجع اليوم تره عود هم دفعيني
راح هوه واني رحت لغرفتي ورجعت نمت يمكن ما طولت ساعه واجتي عمتي منال تضرب بالباب ضاهر عرفت وسام طالع لان مستحيل سوي هيج وهو نايم
فتحت الباب
نور:ها عمه ساعه ب٦ شكو
منال : كومي حضري ريوكي جوعانه وراي علاج
نور: تنهدت وكتله حاضر عمه ثواني واجيج
غمتني وراحت دمعت عيني من تصرفه شنو اسوي ويغزر بيه وتحبني لبست دشداشه عريضة وشال ونزلت لكيته فاتحه باب المنور وطبت بي وجان تعيط عيطه يمكن مراح احبل من وراه هلكد ما فزيت
منال: نورررررررررر
تمنيت بس لو ما صاحت تمنيت اختفي تمنيت أكون جماد تمنيت الحياة توكف عد هاي لحضه تمنيت أعيش كلشي اله الي دا اعيشه هسه حياتي نكلبت ١٨٠ درجة بهذا اليوم اعز انسانه بحياتي تركني
اجتي تركض وشايله بيده كيس اسود ولزمته بطرف أصابعه
منال: هذا شنو ام السحور
نور: ضليت صافنه لان جان ينزل منه دم نقاط كانو جرح اصبع وينقط بس خفيف كلش خفت لان اخاف من هاي سوالف بلعت ريكي وكلت ..شنو عمه
منال: ولج تثوليه عليه هاي انتي مسويه السحر وكاتبه هيج اقري شمكتوببب ولج كلبه سوين سحوره لابني واني اكول شلون اخذج وهوه جان رايد بنت عمه
نور: عمه شده تحجين يا سحوره هاي اني وين اكدر اسوي هاي سوالف
منال: وين تكدرين ولج هو إنتي أمج مليانه سحوره قابل عليمن تطلعين نفس الدرب انتي وياه لو ما لكو سحر يم كبره الله يكبرج وياه
نور: عطت بكل صوتي لان كلشي ولا امي وابوي ..لا تحجين عليه خافي ربج ماتت هاي سحورتج انتي وليلى لا ذبنه براسي لا والله اخلي وسام يشرده بليل ضلمة لا عبالج مكدرتج عليه وشفتيني ساكته صدكيني العب بيج خلقه سكتت هواي
لتفتت من سمعت صوته وكلت راح يساعدني ويشوف حل ويه امه الي كرهتني بحياتي وصلت بيه سوي سحوره وذبه براسي لان تدري ابنه يتخبل من هالسوالف
وسام: هاي ع منو دصيحين وتهددين ولج
نور: وسام والله تعبت شوف امك شكامت سوي حته بس تهججني
اجه جرني من شعري فتحت عيوني من صدمة واني كل ضني اجي يحميني ويدافع عني وكال
..وسام: انتي
لا تنسون تصويت ⭐️
♥️♥️