مساء الخير ...
#أجرام_مستباح_لثلاث_ندبات
بقلم الكاتبة أيلول
ins: t8_fe3 للتواصل
𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒
تَشتاگلي من تغمض وما تغفى .
من تكتب أسمي وتجي تنام بصفه !
.......................................................
AylolAishoan
حسابي تابعوا 🫶💚
..................................
جــــمرة ::- اركض بكل حيلي هستوها سيارتة وكفت بالشارع عمر اليسوق وهو بصفه نزل كوه يخطي واني اركض واضحك طايرة وفاتحه ايديه أريـــــد اوصل الحضنه نزل وافتر بسرعة يجر برجله ويأشرلي لا تركضين الحد ما وصلت اله شمرت روحـــــي بحضنه وشهكت ابجي واجر نفس بتعب مجلبه بيه والزم بقوة
::- اششش ليش تبجين ليش
- بعدني من حضنه يلزم وجهي ويمسح دموعي مبتسم ضوة البلوجكتر علينا واليطلع راساً يشوفنه سحب ايدي للسيارة
::- تعالي اصعدي خلي نوخــــر من الشارع حتى ما ننشاف .
- جلبت بأيده وصعدنا اني وياه وره لازمه اصابعه حيل عمر رجع السيارة ليوره وفتح الباب گال
عمر ::- هنا انا جـــــندل
::- حبيبي عمر
جــــمرة ::- درت وجهي عليه اباوع بعينه وهو مبتسم ويحاول يمد رجله المتصوب بيها لزم وجهي بين ايديه واني ارجف مكطوع نفـــــسي من الركض
::- شبيج جــــمرة؟
::- هههه ما ما بيه شي باوع جـ جبت مشط
::- اشش جري نفس ليش مختنكة
::- لان ركضت
- فتح الشال يمسح على وجهي ويحجي
::- تنفسي من خشمج على كيف جري نفس احبسي بداخلج وازفري من حلكج بهدوء
- تنفست وزفرت بسرعه گـــــال
::- لا مو هيج باوعي مثلي
- قلدت عليه گـــــلبي يدك حيل سحب ايدي حتى ادور رفعت رجليه على الكشن مسح شعري بدهن هو جايبه وبدأ يمشطه بهدوء
::- باوع أبــــــهر
::- باوعت يا روح الأبـــــهر
::- امي ما تمشط شعري ولا تعرف توكلني مثلك
::- ههههه قبل منو يوكلج ويمشط شعرج قبل لا اخطفج؟
::- اني
::- وهسه ليش ما تعتمدين على نفسج؟
- سكتت مدري شبيه ما اعرف شنو الاريده وشنو احساسي تناقض وافكار متشتته ضياع وبهتان ما احس بنفسي عاقلة لم شعري درت عليه اباوع بوجهه
::- تجي كل يـــــوم؟
الأبـــــهر ::- ما اكدر زين تجين انتِ وياي؟
- هزيت راسي لا
::- ما ترديني؟
::- أريـــــد اشوفك بــــس ما أريـــــد اجي وياك
::- واذا امج كالت لازم اطلكج شلون؟
- سكتت عيني بعينه ابتسم ومد أيــــدة كدام سحب علاگة طلع لفه وعصير
::- جوعانه؟
::- اي
::- عرفت
- رفع الفه يوكلني ويشربني عصير وهو يسولف
::- راح اوصل الدره .
::- لكيتها؟
::-تقريباً ما بقى شي عرفت وين
::- بالنوادي؟
- هز راسة لا متحسر مسح شفتي ورجع شربني عصير گـــــال
::- جمره اختي مبيوعه من واحد الواحد مــــحد يدري شنو العايشته
::- شوكت توصلها؟
::- هو باجر عندي اكو شغلة هم لازم اكملها واروح اخذ العنوان
::- شنو من شغله؟
- فرك وجــــهة دنك ما باوعلي شوية ورجع عينه الي شفته ترجف
::- اطفال .
- جريت نفس بقهر اباوع الايديه رفع أيــــدة ولماهن بيتاتهن
::- ترجفين
- رفعت اكتافي ما ادري ::- بارده
- سحب ايديه نزع قمصلته لفاني بيها وقربني اله ضحكت
::- شگدها غرگت
::- هههه ترهمين اخليج بجيبي؟
::- أبــــــهر
::- يا روحه
- دنكت بحيره أريـــــد احجي واسولف أريـــــد استغل الوقت بــــس ما اعرف شنو احجي وياه حسيت أيــــدة فوگ رگبتي بعد القمصله منها وجر التشيرت على جهه اباوع الوجهه وهو عينه مدنكها ويا أيــــدة رفع راسه باوعلي ورجع دنك يحجي
::- ابوسج هنا حتى ترحين خاف يگعدون؟
::- تجي باجر؟
- ما جاوبني حرك رجله تقرب ضم وجــــهة برگبتي لزمت بزنده مرتبكة ضحك يهمس
::-حتى تدفه رگبتج
::- وجهك حار
::- همم لا شفتي ونفسي حارات مو وجهي
::- أبــــــهر
::- اسكتي
- غمضت عيني ساكته تحركت رجعت راسي على الكشن تقرب اكثر رجع وجــــهة الرگبتي يبوسها ساكت بعد شفته گـــــال
::- جــــمرة
- حجاها ورجع يبوسني
::- هــــا
::-طفيتي الكامرات قبل لا تطلعين؟
- بلعت ريك ساكته افكر ابتعد راساً يباوع بعيني
::- ما كتلي
::- شلون ما كتلج كتلج طفيهن قبل لا تطلعين
::- ما كتلي واللـــه
- دار وجــــهة ضايج وسحب تليفونه فتحه وسجل بصمه
::- اباذر كول الغدير باجر تروح تمسح سجل الكامرات من بيت عمتها عفيه ضروري خلي تلكه طريقة
جــــمرة ::- دزاها ودار عينه الي رفع أيــــدة لفاها وره راسي وجراني الحضنه يغلط
::- غبيه ااخ سنايبر بــــس عليه
- تمددت على رجله. وهو كاعد ومنزل راسة يباوع بوجهي عصر فكي بهدوء مجلبه بأيده
::- ما كتلي ترا
::- كتلج هاي امج ام الضباط تارسة البيت كامرات حتى الغرفة الانتِ نايمه بيها
- فتحت عيني على وسعها مصدومة ::- احلف
::- هههههه
::- يعني من اجيت يمي شافوك؟
::- لا طفتها غـــــدير!
::- غـــــدير تدري؟
::- اي هي فتحتلي باب المشاي وخلتلي الدرج حتى اطفر اباذر گال الها
::- ........ تسوي روحها ما تدري
- سد حلكي بأيده خانكني
::- الف مره كلنا لا تتسوفلين بــــس لا تفشرين هيج كدام امج؟
- هزيت راسي اي عصر فكي بقوة يكز على اسنانه ويحجي
::- شكد سافلة هسه يكولون عليه ساقط معلمها على طيحان الحظ
- دفعت أيــــدة من حلكي بقيت لازمتها بأيدي اضحك
::- لعد انـــتَ على شنو علمتني؟
::- الصلاة الصوم العبادة
::- نهجم بيتك بنص رمضان وانتَ تسويلنا غدا مندي وتوكلني ست وجبات والصلاة حتى القبلة ماتندلها وين صايرة .
::- وانتِ سولفتي الحقيقة؟
::- اي
::- ادبسز غير تطلعيني كدامهم خوش ولد
::- ههههههه
- ضحك. الضحكتي عصر ايدي حيل سحبها يلزم وجهي ودنك يريد يبوسني يباوع بعيني جريت نفس هادئة وكلبي ينهد غمضت عيني
من قرب شفته الشفتي رجف داخلي من نغزات شاربة ابتعدت مختنگة رفع راسة باوع من الجامة مبتسم
::- جــــمرة احس النفس الاسحبه منج بــــس هو نظيف من الزمج احس الزم شي مقدس من اشمج احس ما كو اطهر من ريحتج
"عفت المخدر*ات وادمنتج "
- رجعت غمضت عيني داخلي يرجف مركزه ويا أيــــدة التتحرك على خدي همست بخفوت
::- صرت احب قربك
- بمجرد نطقت رجع قرب وجهه مثبت وجهي بأيده ولازم ايديه بايده الثانيه ابتعدت
::- ارعن هو هيج
::- هههه اي هي هيج بــــس انا متساهل وياج
- تحركت أريـــــد اكعد سحب ايدي كعدني باوعت من الجامه على عمر مبتعد ومنطينا ظهره رجعت باوعت للابهر لف شالي على شعري.
::- يله لازم ترحين لا يكعدون
::- هم تجي باجر؟
::- لا ما اكدر اجي بعد
::- ليش؟
::- عندي شغل وهذا زوج امج غاض بصر عني ما اريد ابقى قريب منه واجيب المشاكل الروحي
::- لعد وانا؟
::- تديرين بالج على روحــــــج تاكلين زين وتصيرين سباعيه اذا خلصت كل شغلي وطلعت دره اجيج خوش؟
::- كول واللـــه اجي ؟
- ضحك حيل خزرته ورفعت ايدي بسرعه ضربته راشدي لزم ايدي يضحك
::- ليش من اكلك احلف تضحك تستهزاء شنو ؟
::- ايدج اذا مديتيتها عليه بعد!!!
::- اااي شتسوي؟
::- ابوسها
::- عوف البوس انـــتَ ما تخاف تضحك من اكلك احلف
::- لا هو لان اخاف ما احلف انا واحد زايعته الدنيا مجـــرم اخاف اجيب اسمه على الساني لا يسطرني وانتِ مجلبه احلف واحلف
::- يعني تخاف من رب العالمين ؟
::- سبحان الما يخاف
::- يعني تخاف؟
::- اي
::- منين؟
::- منه
::- منو گول اسمه كول الله كول اخاف الله
::- انسان مثلي حرام يلفظ اسم الجلالة جــــمرة
- سكتت اباوع العينه ابتسم ورفع أيــــدة يسد القمصله عليه
::- يله روحـــــي
::- وقمصلتك
::- ضميها جوه الجرباية وبالليل من تنامين اقفلي الباب وتغطي بيها
::- هههه عود انـــتَ
::- ههههه اي تخيليها انا يله جــــمرة لا تكعد امج
- تقربت بست خده ونزلت وكف عمر واجه الجهتي يضحك خزرته
::- شو تضحك؟ شكو؟
- ضحك حيل رافع ايديه يأشر للابهر وغاص من الضحك صاح الأبـــــهر
::- روحـــــي سنايبر يله عمر فضها تحركي راح ابقى واكف لمن تدخلين الباب مفتوح مو؟
::- لا مقفول
- فتح عينه كلها ::- شلون طلعتي
::- طفرت
::- سنايبر
- اشرتله باي ورجعت بخطوات سريعه الم القمصله علي والتفت ليوره بقى واكف. وصلت الباب البيت اشرتله باي صعدت على حديد الباب وجلبت طفرت بالكراج كعدت شوية رجليه وجعني.
نكثت ايديه وكمت فتحت باب المطبخ دخلت اول ما فتحت باب الصاله صارت بوجهي امي وزوجها.
نــــهله ::- هستوني غافية وحسيت ايد ادريــــــس على كتفي فزيت مفزوعه وهو يصيح
::- اسم الله اسم الله
- كعدت ايدي على گـــــلبي سحب ايدي للمكتب فر الحاسبة الي رجع تصوير قديم غـــــدير وهو بالكراج وبمجرد غـــــدير دخلت وراها بعشر دقايق نسد التصوير گـــــال
::- الكامرات مطفيه كلهن
::- اي وشغلتهن الصبح وطفيت البغرفة جمرة لان تبدل بيها
- ابتسم ودنك للحاسبة شغلها واشرلي عليها
::- شوفي جــــمرة
- فتحت عيني مصدومه وانا اشوفها شلون طفرت وطلعت تركض ركضت أريـــــد اطلع جلب بايدي
::- اوكفي هسه ترجع هاي واكفه بالركن وياه
- رجع غير الكامره المالت الشارع بــــس بداية السيارة مبينه احس عيوني نار گـــــلبي يوجعني شبيها تخبلت شبيها التفتت على صووت ادريــــــس
::- نــــهله بنتج تدخل البيتي مجـــرم
- مسحت عيوني مختنكه
::- باوع واللـــه ما تعرف شنو تتصرف واللـــه بنتي مو هيج انـــتَ شايفها قبل وتعرفها وهو لو ما الوكت والظيم ما صار مجـــرم
::- بالنهايه مجـــرم مــــحد راح يهتم شلون وليش قــــاتل المفروض الزمه واخذ المعلومات العنده حتى اتخلص من كم ملف بــــس مغطي عليه وساكت الخاطر حجايتج على حياته والعاشه بــــس ما ابقى هيج احس روحـــــي خاين الرتبه ومنصبي نــــهله انا مو هيج بعمري ما غطيت على مجـــرم لو يكون ابني ومسوي غلط اسجنه وتعرفيني زين .
- دنكت ساكته الوب أريـــــد اروحلها وهو مايقبل لمن رجعت
جــــمرة ::- سديت الباب اباوعلهم وكف هو گـــــال
ادريــــــس ::- عـــــمو وين جنتي
- عفته ومشيت أريـــــد افوت للغرفة جرتني امي من ايدي معصبة دفعتني على القنفه خازرتها مصدومة
::- شبيج
::- انتِ الشبيج جــــمرة شنو تخبلتي تشردين منه وهسه تشردين اله ليش هيج تسوين وين ورطتي روحــــــج وين
- بــــس شفتهه شبيج
ادريــــــس ::- ما يصير بابا
::- معليك انـــتَ
- صيحت وامي سدت حلكي دفعت ايدها اصيح
::- ما اكدر ما اكدر أريـــــد ابقى يمج واريد اشوفة ماما اني احس بروحي ميته واللـــه تـــــعبانة روحـــــي تـــــعبانة
نــــهله ::- جريتها الصدري گـــــلبي محروك عليها شنو الاسويه اشرلي ادريــــــس بعيونه كالها
::- جــــمرة عـــــمو احنا وياج ونساعدج نريد مصلحتج ارجعج للكلية؟
جــــمرة ::- باوع بــــس باوع انا أريـــــد ابقى اشوفة ما أريـــــد يروح للأبد
نــــهله ::- سكت ادريــــــس محتار سحبتها من ايدها للغرفة تمددت وهي تشهك وما تقبل تنزع القمصله مسحت على وجها
::- جــــمرة مو تكولين مجـــرم وعذبج
::- اي ما انسه شسوا بيه
::- ليش ترحيله جــــمرة تحبينه؟
::- ماما ما ادري شنو بيه روحـــــي جاي تحترك
- مسحت على راسها اردد بسورة يس الحد ما غفت كمت من يمها لكيت ادريــــــس بعده كاعد باوعلي واكفه بالباب مختنكة وكف اجه عليه وهو يحجي
::- هم بجت هم بجت تعالي شبيج
- بجيت مغطيه وجهي احس بعد ما بيه اتعب خلص حيلي لمني بحضنه وانا روحـــــي رايحه
::- بــــس لا تبجين تموتيني تعالي
::- بنتي تخبلت
::- نعقلها بــــس على كيفج.
غـــــدير ::- فزيت الصبح على أيــــدة يدغني بخدي فتحت عيني ضايجه درت وجهي منه
::- غدوره يله
::- هممم
::- كومي عني شبيج حبيبي
- فتحت عيني وكمت بسرعه لفيت روحـــــي بالغطا اباوعله وهو يضحك.
::- شتغطين؟
- دنكت ادور على ملابسي وجهي احس راح يطك وهو خربان ضحك گـــــال
::- غـــــدير الأبـــــهر يگول تكدر تحذف التصوير مال كامرات بيت ابو اسمر
- درت عيني اله محتاره ::- لا وين اعرف؟
::- اني اعرف بــــس كومي بسرعة نتريك ونروحلهم لهي عمتج وانا افوت للمكتب احذفه حتى اوصلج للكلية واروح للدوام
- هزيت راسي موافقه اخذ ملابسه وطلع عزلت الغرفة ودخلت وراه سبحت وطلعت لكيته مسوي ريوك تغيرت شخصيته كلها بــــس يضحك ويتغزل باوعلي مبتسم
::- عوفي شعرج هسه لا تمشطين تعالي لايبرد الريوك.
- كعدت يـــــمة سحب التدفئة قربها عليه اباوعله مبتسمه
::- بــــسام
- رفع عينه الي عــــــيونة الفرحه البيهن ماتنوصف
::- هــــا احجي
::- احلف بعد ما تضم شي عليه لا تخرب حياتنا
::- واللـــه العظيم ما اضم عليج وبعد ما عندي شي سري المخفي اخواني وعرفتي
::- عفيه حبيبي الشطور
::- حبيبج؟
- هزيت راسي اي كمز. عليه لزم وجهي يبوسه حيل واني اصيح وافلت بنفسي منه
::- شبيك شبيك
::- أريـــــد اكلج خرب يومج انتِ شكد حلوه تنوكلين تنوكلين
- حجاها ومد أيــــدة جر المنشفة وشعري يعت بيه ويصيح تنوكلين صرخت ادفع بأيده عافني ميت ضحك
::- شبيك تخبلت؟
::- ههههه اليوم اخذ الأبـــــهر واروح العلي
- ابتسمتله ساكته كمت غسلت ورحت ابدل اباوعله من المراية يعزل بالبيت جمع المواعين بالسنك وشال كشور البيض من الطباخ غسل ايديه واجه للغرفة خله سلاحه بالنطاق ووكف يمشط اباوعله وانصي الحد ما لمحني
::- تباوعين ؟ عاجبينج لو اكو شي غلط؟
- درت وجهي عليه مبتسمه تقرب يمي رفعت ايديه عبرتهن على ركبته وهو مد أيــــدة حضن خصري. مبتسم
غـــــدير ::- شنو حرام نباوع
::- لا باوعي بــــس غير تكولين اعجاب لو شنو
::- اي البدلة العسكريه تموت عليك
::- واذا نزعتها
::- شتلبس يلوك هو الحلو حلو لو يلبس جيس زباله
- اختفت ضحكته ورخت أيــــدة من خصري
::- غـــــدوره وخري مني لو ما وصية عـــــلي احط بيج راشدي افر وجهج
::- ههههه شحدك
- كرصني وابتعد رشينا نفس العطر وطلعنا شبعنا رزايل من عــــمة اني وبسام بقينه نباوع بوجهه بعض ساكتين ثنينا وهي وكلتنا تبن لمن بــــسام سوه نفسه عود اتصلوا عليه وطلعنا شاردين ونضحك متونسين على الرزاله الاكلناها وصلني للكلية وراح
نــــهله ::- كعدت جــــمرة دخلتها تسبح تدفع ايدي ساكته ما تقبل امشطها كعدت وكلتها ورجعت لفراشها حاضنه القمصله على كلبها حرت وياها الحد ما تعــــبت عفتها وفتت للمطبخ اسوي غدا وندك الباب كيفت من اجت سمر صوتها عالي وتحجي بحركه على مرة اسمر
سمر ::- اني اعرف النسوان من شعفتهن هاي الشعفتها صفره وعيونها مبصبصات وحلكها جنه منكاش مسمومه اول ما شفتها عرفتها
::- راحت يمكن بعد خمس ايام الجلسة الطلاق
::- الا ازوجه وحـــدة تسواها بــــس هو خيخه ما بيه خير
- ابتسمتلها ساكته دارت عينها للغرفة تذكرني بوحده من اخوات ادريــــــس نفس الشي هم هيج تفتح الشال وتلفه باستعجال وترفع رداناتها وتشمر بايديها مستعجله سمر بالضبط نفس عمتها .كالت
::- جــــمرة هنا؟
::- اي بغرفة صوفي
::- أريـــــد اروح يمها بــــس خاله اني ما الزم الساني خاف اتنمر عليها وتحط راسي جوه الجرباية
::- ههههه ترا هاي ابوج مطلع سمعه على بنتي على اساس وكحه وهي فقيرة
- هزت ايديها وتحرك حلكها منا ومنا تهتز كلها وتصيح
::- بت نــــهله فقيرة؟؟؟ الام لبوه البنيه شتطلع؟
نروح واللـــه كريم بــــس سؤال
نــــهله ::- هههه جواب
::- اذا تعاركنا انا وياها ويامن توكفين؟
::- ويا بنتي
::- شوفي اني ادري بيج مرة ابو حيه خاله حيه
راسج مبطنش بيه راس ابوي
- ضربتها اضحك ركضت الغرفة جــــمرة بــــس فتحت الباب ورجعت يمي كالت نايمه بقت يمي ساعتين وراحت لمن اجو الجهال من المدرسة يسولفولي على دروسهم شفت هبه نسحبت الغرفة جــــمرة غفران وغيث فاتوا يغسلون ضميت جنطهم ورحت للغرفة فتحت الباب على كيف
هبه متمدده بحضن جــــمرة وهي حاضنتها بقوة مغمضه عينها وتحجي تقربت يمهن تبوس بشعرها وتهمس
::- تمنيت احضن مصطفى هيج ردت بــــس ابوسه واشوف عــــــيونة ردت بــــس أبــــــهر ما خلاني كله منه ما خلاني الم أخـــوي بحضني
- مسحت على شعرها فتحت عيونها دموعها على خدها كعدتها ساعه تشكي منه وتسولف شمسوي بيها وساعة تبجي عليه وتسولف مواقفهم الحلوه.
اباذر ::- عدنا مداهمه لفد منطقة حسيت ابو اسمر متقصد يخليني الزمها خاف نوصل للابهر ابـــــتسمت احس بيه يساعدنا من بعيد لبعيد
طلعنا من المركز انا وياه قربنا نوصل گـــــال
::- بــــسام
::- نعم سيــــدي
::- مهنتك لو اخوك؟
- سكتت اباوعله التفت عليه ابـــــتسمت
::- أخـــوي ثم أخـــوي ثم أخـــوي ثم مهنتي
- دار عينه مني ساكت مسح وجــــهة الحد ما وصلنا نفذنه مهمتنا وطلعنا ما كدرت اتصل على الأبـــــهر حيل نشغلت بــــس ردت افرغ واخابره
كملت الملفات سلمتهن وطلعت يا من يوصلني لحضنك
- بــــس صعدت بالسيارة فتحت التليفون لكيت مكالمتين منه بلعت ريك واتصلت عليه بخوف
::- الو أبــــــهر
::- هــــا اباذر
::- شبيه صوتك يا روحـــــي
::- ما بيه شي تكدر تجي
::- اي وينك
::- الجسر اليم المستشفى تعال عليه يم الشط كاعد
اباذر ::- سديت الخط وطلعت له ابـــــتسمت من لمحت بــــس ظهره وعرفته زادت دكات گـــــلبي وما اكدر ما اضحك تمشيت يـــــمة التفت ومدلي أيــــدة سحبته وكف حضنته
الأبـــــهر ::- سبعي ليش ما ترد من اتصل
اباذر - ابتعدت مبتسم ::- جان عندي شغل
- كعدت بصفه يباوع للشط مقهور متردد اسأل خايف اسمع شي يخص دره التفت باوع الايدي لزمها يمسح عليها ويحجي بخوف
الأبـــــهر ::- شبيها ايدك؟
::- ما بيها شي مو جنت احقق ويا الي لزمناهم مرات من اضربهم لو يحركون دمي واضرب المكتب تنجرح
::- خبل انـــتَ شكو تضرب المكتب
::- هههه شبيك ما توجعني
- دار وجــــهة ضايج ومقهور خليت ايدي على كتفه نزل راسه متحسر
::- شبيك يا روح اخوك صاير شي احجيلي أبــــــهر
::- اااخ لو تدري عيون الأبـــــهر شنو شافت وگلبه شنو اتحمل من وجع
::- اشيل الوجع عنك بروحي شاركني اليوجعنك واعينك
- دار عــــــيونة الي روحه مفرفحه ما يدري شنو يحجي گـــــال
::- لو اروح اعرف عنوان دره لو اروح اطلع اطفال من الموت كلي شسوي اروح اندل اختي الصار سنين ادورها لو اعوفها واروح الاطفال متعذبين
::- يا اطفال أبــــــهر فهمني؟
- ضم وجــــهة ابين ايديه يصيح بوجع
::- ولك مذبحه صايره يكصبون بيهم يبيعون اعضائهم ولك يوجعون گـــــلبي يفرفحون من الوجع ويموتون محد يهتم ولك أريـــــد اموت عليهم اطفال اطفال الله اكبر على هيج وطن
اباذر ::- اباوعله ساكت وهو نار تطلع من عــــــيونة يمسح دموعه يرجف
::- أبــــــهر أنطــــيني المعلومات احنا نخلصهم
::- هههه يوصلهم خبر اول ما تفكرون
اباذر ::- باوعتله ساكت جريت تليفوني اتصلت على ابو اسمر بــــس گـــــال الو كتله
::- ابو اسمر
- سكت شوية يعرف اذا ما كتله سيــــدي يعني اريده بموضوع شخصي شوية وكال
::- هــــا بابا
::- محتاجك
::- لبيتك
::- راح ادزلك موقع تكدر تجي
::- ما بيك شي مو؟
::- لا لا ما بيه شي بــــس أريـــــد احجي وياك
::- دز نص ساعة واجيك
اباذر: :- سديت الاتصال دزيتله العنوان الأبـــــهر يباوعلي ما قابل
::- شسويت
::- خلي يجي ونسولف
::- يابه رجال مهمته يلقي القبض على امثالي تجيبه يمي شكو ؟
::- هههه هسه يجي وتشوف انا اعرفه
اباذر - بقينا كاعدين حاولت اضحكه مقهور حيل لمن اجه ابو اسمر وكفت والابهر وكف وياي نزل ابو اسمر من سيارته خزرني بــــس لمح أخـــوي وياي وتقرب سلم علي وما سلم عليه
ادريــــــس ::- كتلك هل موضوع ما الك يمي اي مساعده
اباذر ::- اول شي اسمع منه ما يريدك تساعده
- دار عينه مني للابهر مد أيــــدة اله سلم عليه
وهو يسولفله على المجزره الصايره وشلون الخبر يوصلهم اذا خططنا نداهم گـــــال الأبـــــهر
::- عندي طريقة بــــس ما اعرف اذا تسمعون مني
ادريــــــس ::- كلشي تسويه ينحسبلك يمي اسمعك دام نيتك تنقذ اطفال
::- كم واحد عندك تثق بيهم ؟
اباذر ::- بــــس انا
ادريــــــس ::- اسكت انـــتَ خمسه متأكد منهم كلش
الأبـــــهر ::- حلو انا ارسملكم كلشي المنطقة بحذافيرها وشلون تدخلون ومنين تطلعون
بــــس انتم خلو غير عصابة مثلاً منطقة ابو الهيل خلي النيه عليها وهيج انطي الخبر ومن توصل للصدك تطلعون على الانا منطيها الكم
حتى اذا وصلهم خبر متأخر ما يلحكون يشردون
اباذر ::- صوفرت مكيف بأخوي خزروني ثنينهم كمت اشتريلهم چاي ورجعت وهم يخططون جبت كارتون من الشارع وقلم من سيارة ابو اسمر خلاهن على بنيد السيارة الأبـــــهر يرسم ويشرح
باوعتله اختنگت
واللـــه تلوگ الك وكت خلاك مجـــرم الحد ما تعبو حيل كعدنا وبدأ ابو اسمر يسأل ويستفسر
وابهر يجاوب كاله
ادريــــــس ::- يعني شنو قسام ما ينگدر له مثلاً
الأبـــــهر ::- عنده واسطه قوية
ادريــــــس ::- خوش حجي تگدر تعرفلي اسم هاي الواسطه حتى ندور ملفاتها ونطلعلها كم تهمه تلتهي بيهن ونخلص منها ومن قسام
الأبـــــهر ::- اي اعرفه .......................
ادريــــــس ::- شوصله اله
الأبـــــهر ::- ما ادري من اول ما عرفته هو شغلة وياه اله نسب بــــس اذا دورت بملفاتهم احترك وياهم وانا جاي ادور على اختي خلي الكاها وراها ما يهمني حتى لو اروح اعدام
اباذر ::- رفعت عيني خازره بصدمة ابو اسمر دك على جتفة گـــــال
ادريــــــس ::- هاي هي الكه اختك ويصير خير
ولا تتورط اكثر حتى ما تحترك وياهم.
اباذر ::- كام ابو اسمر سلم وراح بقيت شوية يم الأبـــــهر وطردني رجعت للبيت.
نــــهله ::- احس خسرت جــــمرة كل التاكله تتقيئه الحد ما راقبتها شفتها هي التخلي ايدها بحلكها ومتقصده تتقيئ
احاجيها حتى ما تلتفت الي بــــس تنود وروحها رايحه
::- جــــمرة شلعتي گـــــلبي بــــس تعشي راح تموتين من الجوع
جــــمرة ::- ترا مريضة اتقيئ بــــس اكل
::- لا ما تتقيئين جــــمرة راح تموتيني ولج يـــــمة هديتي حيلي كسرتيني ما كـــــافي عليه كسر مصطفى تزيدين ناري ليش؟
- مسحت وجها ونزلت يمي وكلتها بأيدي كامت غسلت ورجعت للغرفة وكفت اغسل المواعين واجه ادريــــــس يمي يسولف على الأبـــــهر والخطة هستوه يحجي وطلعت جــــمرة للحمام تركض
بقيت بمكاني اتحركن تتقصد تتقيئ صاح ادريــــــس
::- شبيها جــــمرة روحيلها
::- كل ما اوكلها تخلي ايدها بحلكها وتتقيئ
- باوعلي ساكت مسحت عيوني ومشيتلها غسلتلها وهي تهمس
::- كتلج مريضة مريضة ما أريـــــد اكل مرضتوني جنت يـــــمة ما بيه شي مرضتيني. انتِ
نــــهله: :- امشيها للغرفة اعصابي ترجف دفعتني تبجي متخبله وتشمر بالغراض تصرخ
::- عوفوني بــــس عوفوني
- فرفحت روحها وروحي بــــس أريـــــد الزمها تصرخ وادريس وياي سبته وسبتني ما تريد احد اجو غـــــدير وبسام يردون بــــس يحاجونها تخبلت تصرخ الحد ما كامت تتفل دم كمت الطم
بنتي راح تموت
غـــــدير ::- عــــمة هيج تخبلينها بــــس على كيفج
- عفتها وفتت الجمره بــــس تلمح واحد منعدنا تصرخ صوتها راح وعيونه طكن صاح عـــــمو
::- اطلعي عـــــمو اطلعي
- رجعت لصاله عــــمة تبجي وهو يگلها
ادريــــــس ::- ناخذها الدكتور اكيد تحتاج جلسات علاج وترجع طبيبعه
غـــــدير ::- هو يحجي وعمه بــــس تبجي الحد ما كامت جــــمرة تكح مختنكة رجعنا كلنا للغرفة تدفعنا وتبجي بصريخ
اباذر ::- طلعت محتار أريـــــد اخابره ومتردد لمن اجت ام مصطفى تبجي
::- خابره خلي يجي يشوفها تخبلت
ادريــــــس ::- نــــهله
نــــهله ::- بنتي راح تتخبل فدوه بــــس هل مره
غـــــدير ::- سكت عـــــمو بــــس ما قابل بــــسام اتصل على الأبـــــهر كاله جاي وجمره على فد بجيه وصريخ صوتها تغير كد ما صرخت وبلاعيمها تجرحت
لمن اجه الأبـــــهر دخله بــــسام وجــــهة مرعوب يدور على صوتها يجر بالجفوف من أيــــدة ملابسه مال مجرمين اضخم من بــــسام ويمشي بحركة
دخل للغرفة بــــس هو واني وعمه وراه واكفين بالباب هي بــــس لمحته بجت تشكي وهو بسرعة تقرب كعد يمها ولمها بحضنه جلبت بيه تشهك وتگله
جمره::- راح يموتوني رجعني عندك ما أريـــــد ابقى هنا اموت واللـــه اموت
الأبـــــهر ::- اشش اجيتج بله باوعيلي جمراية اشش
غـــــدير ::- رفع راسها يمسح دموعها وهي مجلبة بياخته وتبجي تكله
::- اروح وياك ما ابقى هنا يمرضوني كلشي ما يعرفون حتى الاكل بسرعة اتقيئه
الأبـــــهر ::- وين اخذج جــــمرة بعد حتى مكان ما عندي باقي بالشارع هنا امج واخواتج يمج وانا بــــس اكمل شغلي اجيج شبيج يا روحـــــي ليش هيج تسوين
غـــــدير ::- اباوعلها مصدومة وعمه بــــس تبجي رجعها الصدره يباوعلنا بقهر گـــــال
الأبـــــهر ::- بلا زحمه عــــمة جيبيلي شي اوكله الها
- طلعت عــــمة وهي تمسح بدموعها باوعلي گـــــال
::- جيبلي مي بماعون وماعون ثاني اغسللها بي
غـــــدير ::- طلعت بسرعه خليت مي واخذته بــــس انطيته الهم رجعت يم الباب اباوعلهم
خلاه على رجليه دنك راسها اخذ مي بايده من الماعون الثاني غسل وجها ويخلي بحلكها حتى تتمضمض. وغسل ايديها أشرلي اخذتهن منه اراقب من بعيد مسح وجها يحجي وياها بصوت ناصي
طلعت لكيت عـــــمو يصبر بعمه وهي تتعذر منه وتبجي لان هو ما قابل على جية الأبـــــهر
شمرت الغراض ورجعت يمهم ركض وهم كاعدين مخليه راسها على صدره ومغمضة تشهك يمسد على شعرها ساكت باوعلي وحجه بخفوت
الأبـــــهر ::- اباذر وين
::- بالصالة
غـــــدير ::- هز راسة ساكت اجت عــــمة بأيدها صينية حاجه جــــمرة واخذ الاكل من عــــمة رجعت عــــمة كعدت يمي دمعتها ما نشفت وهو يوكل جــــمرة تاكل منه وتأشر على بلاعيمها تشكي كالها
::- هسه اجيبلج حبـــوب من تكملين اكل .
::- ابقى يمي
:;- جــــمرة شنو اتفقنا
::- ما اكدر أريـــــد تبقى وياي
::- كل يـــــوم اجي بــــس تسمعين كلام امج وتاكلين هــــا؟
غـــــدير ::- هزت راسها اي رجع غسللها نطته عــــمة علاج شربها وتمدد وهي بحضنه عفناهم وطلعنا للصالة ما لكيت بــــسام طلعت للكراج لكيته كاعد هو واسمر يسولفون .التفتلي
اباذر ::- هــــا
::- نامت
اسمر ::- لازم تراجع دكتور نفـــــسي
غـــــدير.::- سكتت وكعدت يمهم اسمر گـــــال
اسمر ::- تتوقعون انا هم يطلع عندي اخوان مخفيين
اباذر ::- ههههه بعد ابوك ما ينعرف يجوز خافيهم ما معقول 6 سنين مدري 7 شلون خلصهن
اسمر ::- شاك بالوضع واللـــه هسه يطلع ابو الشباب مخلف فد خمسه غيرنا
اباذر ::- ضحكت اسولف ويا لمن طلع الأبـــــهر وكفنا كتله وياي اريدك ورجعت احجي الغدير
::- راح اخذه واروح للنجف العلي وگمرته باتي هنا
غـــــدير ::-هسه مو لليل باجر روحوا
اباذر ::- ثنينا عدنا شغل باجر وانا طاك گلبي على عـــــلي اريد اروح
- هزت راسها ساكته طلعت صعدت ويا الأبـــــهر مقهور حيل
اباذر ::- هــــا مقهور
::- تلومني من اكلك انا ظلمتها شفت اليا حاله موصلها
اباذر ::- حركت السيارة وهو حتى ما سأل وين رايح كتله
::- تحبها؟
::- ههه. شي قليل الحب يمها
::- اووو واصل مرحلة
::- عابر كل المراحل
::- وين واصل؟
الأبـــــهر ::- للضياع يمها وبدونها
هههه تدري من تعلمت على الحبوب ادمنتهن بشكل ما ينوصف طول الوقت ابلع حتى انسطر وكلبي يموت اكدر اشتغل بعيون سوده تركتهن من منعتهن عنها حتى ما تتعذب وحدها تركتهن وياها تركتهن من مره بالع وما حسيت على نفـــــسي اذيتها
::- تهون أبــــــهري تهون كلشي يتصلح
::- كلشي يهون الا السويته بجمرة اذا هي تنسه انا ما انسه موقف اصعب من موقف اخذتها من حضن عائلتها خليتها مدمنه بحيث ماتكدر ترفع ايدها
اكل ما تكدر تاكل وحدها عيشتها شعور الاغتصاب
ومره لو ما هي ذكية وصاعده فوك الكنتور جان كتلوها اليدورون عليه اااخ شحجي وشنو اخلي اباذر وجهي يمها اسود شوفتها الموت
اباذر ::- تسامحك مبين تحبك
::- ما تسامحني هسه مريضة ومتعلقة بيه بــــس جــــمرة ما تسامح انا اعرفها زين وهم ما أريـــــد تسامحني منو ضامن شكد راح اعيش
اباذر ::- اسكت بلا اسكت
- ضحك وباوع للطريق گـــــال بنتر
::- انـــتَ وين مولي بينا؟
::- للنجف
::- يانجف وين شنو شبيك
::- هههه أريـــــد اخذك لعلي صاحبي اريد اسولفله
::- يمعود دكعد حتى هوية ما جايب شبيك تخبلت
::- اخوك ضابط يعبرك اكبر سيطرة هههههه
- ضحك ساكت لمن وصلنا للنجف نزلنا ولزمته من أيــــدة
::- خو ما تخاف
- دفع ايدي وضربني على ظهري
الأبـــــهر ::- اكله گـــــلبي ميت يكلي تخاف
اباذر ::- ضحكت ورجعت يـــــمة مشغلين اضوية تليفوناتنا اختنك بمجرد المح قبره من اجي فرحان احس راح اشوفة ومن اوصل الكاه بــــس قبر ينهدم حيلي
كعدت يـــــمة روحـــــي رايحه امسح بوجهي
::- علاوي حبيبي عـــــلي يا صاحب روحـــــي
شوف منو جبت وياي هذا أبــــــهر أخـــوي هاي الحقيقة الضميتها عنك
- مسحت وجهي اسولفله والابهر يباوع ساكت
فز واجه بصفي من سمع صوت بزونه رفعت راسي اله
::- شكو
::- ما كو شي كمل
- رجعت اسولفله على عـــــلي وفطيم وهو لازم بكتفي ويتلفت
:;- أبــــــهر شبيك
::- شنو ما كملت نروح تعال سولفلي بالسيارة
اباذر ::- سحبني من ايدي يجر بيه وراه سألت
::- هو انـــتَ لو دره الجان يخاف من البزونه؟
الأبـــــهر ::- دره دره شنو نسيت ما اخاف من شي انا
اباذر ::- مشيت وراه ساكت احاول اتذكر
رجعنا البغداد يسولف ما قبل يبات يمي نزل بالشارع گـــــال انا اروح .
نــــهله ::- ثاني يوم ادريــــــس حجزلنا عند دكتور گـــــال اسمر ياخذج لان هو عنده شغل اخذنا جــــمرة ورحنا بقيت منتظرتها بباب الغرفة وكلبي رايح .هيج وترجع زينه .
اباذر ::- بمساعده الأبـــــهر وخطته الحلوة نفذنه ونجحنا اتصلت عليه فرحان بــــس سكتت رايحه روحـــــي من سمعته مختنكوكوه يجر النفس
::- أبــــــهر؟
::- اباذر تگدر تجيني
اباذر ::- كعدت على حيلي احس گـــــلبي يدك براسي ::- دره بيها شي؟ عرفت شي؟
::- هسه تعال ونسولف لكيتها دره
::-وين انـــتَ خلي اجيك
- انطاني العنوان طلعت للبيت بــــس ردت ابدل واطلع طلعت مستعجل وصلت للابهر الغروب
هم كاعد يم شط مشغل اغنية. نزلت يـــــمة كعدت ايدي على كتفه
::- ابهري شصاير
- رفع عينه الي وجــــهة احمر وصوته رايحه يباوع بعيني همس
::- كتلت قسام
- بلعت ريك اباوع بوجهه وهو دنك ابتسم
::- تشاقة؟
::- هههه عرف انـــتَ أخـــوي اذا عفته عايش ياخذك.مني يكتلك حتى يحرك گـــــلبي
اباذر: :- خليت ايدي على راسي محتار صيحت
::- شسويت شسويت هسه ورطت روحك اكثر أبــــــهر ليش هيج ليش
::- متورط وغاط بالحرام وهذا عذب روحـــــي
وروحكم تريد اعوفة اباذر شلون؟
- سكتت محتار مد ايده على كتفي گـــــال
::- المهم لكيت دره وشفتها
- فتحت عيني اباوعله جسمي كله نتفض
::- شفتها أبــــــهر شفتها؟
::- هههه اي تأكدت منها بــــس ما كدرت احاجيها
اباذر ::- مسحت وجهي متلهف شلون شكلها شلون عاشت راح تعرفنا لو لا گـــــلبي يرجف والابهر وضعه مو احس مني
كمنا صعدنا بالسيارة رحنا للمنطقة الهي بيها وكفنا السيارة ونزلنا
::- هــــا وينها؟
الأبـــــهر ::-هذاك البيت بــــس شلون ناخذها؟
اباذر ::- شنو شلون ندك الباب وناخذها
::- ههه ما ترهم بصفتك منو تاخذها
اباذر ::- سكتت محتار كدامهم ساحة تراب والجهال يلعبون بيها ومن الجهه الثانية بزل وسده جراني الأبـــــهر ايدي وايده ترجف تمشينا لبعيد من نفتح الباب. نمشي ونتلفت
طلعت بنية لابسه عباية روحـــــي راحت أريـــــد اركض أريـــــد احضنها أريـــــد اكلها انا اخوج والابهر عاصر ايدي بأيده حيل. لازمه بأيدها سطل زبل ويا الاذان تمشي وتسد بالعباية شعرها طالع منها فاتت من يم الجهال اليلعبون فشروا عليها يصفكون هد الأبـــــهر لزمته حيل
::- اوكف بس اوكف
أبــــــهر ::- اختنا اختنا هاي دره اباذر هاي دره
اباذر ::- اي اي دره اختنا الصغيرة
::- لكيتها باوع لكيتها لكيت دره شلون نحاجيها نكلها احنا اخوانج هــــا نكلها خاف ما تتذكرنا خاف ما تريدنا ما تعرفنا اباذر خاف ناسيتنا
اباذر ::- جريته الصدري يرجف زلم بــــس شكد بجينا ودموعنا حركت خدنا. ابتعد مني يباوع بعيني گـــــال
::- نخطفها؟ حتى مخدر عندي
- سكتت اباوع بعينه ::- التريدنه انـــتَ اسوي
::- باوع راح اصف السيارة هناك واخلي الباب مفتوح من تجي لازم تعبر بصف السيارة. انـــتَ
صيح عليها عود تسألها وبس توصل يمها ادفعها للسيارة والزمها منا بــــس اضغط حيل هي يغمى عليها ومن صعدها بالسيارة خلي هاي على وجها
اباذر ::- هزيت راسي موافق حرك السيارة بالمكان الازم تفوت منه وانا رحت لبعيد خاتل شفناها رجعت والسطل بأيدها تمشي مدنكة ودموعها على خدها وصلت قريب على السيارة صحت عليها
::- يبنيه
- التفتت علي گـــــلبي ركضلها قبل رجليه اختنكت تقدمت الها وهي تمسح دموعها همست واخذت روحـــــي
::- هــــا خوية تفضل
- تقربت عليها كلش عيوني يحركني
::- يا روح اخوج
- دارت عينها مصدومها بسرعه خطيت دفعتها بالسيارة والابهر حرك ركض لزمتها من المكان الگال عليه الأبـــــهر اغمى عليها وخليت منديل على وجها جريتها الصدري حاضنها صيحت روحـــــي رايحه
::- دره يا روحي دره يا عمر اباذر ولج لكيناج حبيبة روحـــــي لكيناج دره لكيناج
أبــــــهر ::- ااــــخ يا ندبات روحـــــي لكيتكم لكيتكم يا نظر عيني
اباذر ::- مسحت عيوني محروك حرك وحاضنها على صدري بقوة وصلنا الشقة غير الجنت اعرفها مال الأبـــــهر افتر اخذها من ايدي شالاها يبوس بوجها قفلت السيارة ونزلت وراه ركضت فرشت فراش نزلها عليها نبوس بيها ونبجي أبــــــهر لازم ايدها اثر الندبات باقي خفيف يبوسهن ويصيح
الأبـــــهر ::- شوغتج وبجيج الهسه بأذني يا روح اخوج دموعج حركن روحـــــي طول هاي السنين ما كدرت انساهن ما كدرت انسه توسلاتج حتى ما اجويج دره يا عيون الأبـــــهر يا روح اخوج.
يتبــــــع⋆𓍯
الكــــاتبة أيـــــــلول⋆𓄼𓂁
💚🌿
معرف قناة التلكرام للبنات aylol_w
كروب الفيسبوك اسمه ريحانات أيـــــــلول⋆𓄼𓂁 للبنات
وحساب الانستا t8_fe3
شفت تعليقات يگولون مغلسه ما تنشر شي يخص القصه انشر بثلث مواقع تواصل بــــس انتوا ما متابعين 🥹💚