ذنوب على قيد الغفران

الحلقة التاسعة

لطفاً متابعة حساب
zarazoz

لا تنسون تصويت للبارتات

____________________________________

غنى : لحكته للمكتب اول مادخت ماحسيت روحي غير نجريت .... هااايييييي شبيييك

جعفر : بعصبيه منو هذا الي نزلتي من سيارته 

غنى : دفعت ايده ... شبيك استاذ شهالاسلوب و عليمن هالصياح

جعفر : غنى جاوبيني منو هذا لتشلعين كلبي لخاطر دينج 

غنى : تره ماله داعي هالاسلوب تكدر تسألني بهدوء واني اجاوبك تصرفك هذا مامقبول وبالنسبه للي وصلني فهذا جوارينه وما اجيت وياا وحدي اخته ويانه

جعفر : وليش تصعدين وياا ... اذا ناسيه اذكرج اني سنين اتوسل بيج حتى تصعدين وياي وترفضين بحجه تستحين مني شو هذا الي وصلج ما استحيتي منه شنو مو رجال حتى هيج ماخذه راحتج وياا 

غنى : شنو ماخذه راحتي وياا شنو شفتني بوضع غير اخلاقي حتى تحجي هيج وبعدين انت شنو تحاسبني اصلاً ما الك اي حق تكلي ليش ووين اني جبيره وواعيه واعرف شلون اتصرف ومستحيل اسوي شي غلط لا ويه هذا ولا ويه غيره

جعفر : يعني تردين تقنعيني انو انتي ماعندج شي ويه هذا الي وصلج

غنى : وانت منو واني احاول اقنعك اسعمني زين استاذ وافتح اذانك عدل ... اني من جنت مراهقه مسويت شي غلط يجيب الحجايه لبيبيتي وهي عدله تريدني هسه من صرت جبيره اسوي غلط واجيب الحجايه لبيبيتي وهي ميته شنو انت ناسي اني منو ... اني غنى استاذ عمري ماسويت ولا حسوي شي يجيبلي الحجايه

جعفر : غنى انتي فهمتيني غلط اني ماجان هذا قصدي .... بس من حبي وغيرتي عليج تكون هيج ردة فعلي شايفه شصار بيه من شفتج نازله من سيارته

غنى : على اي اساس تغار عليه هو شنو الي بيني وبينك استاذ وبعدين انت كلتها شفتي نازله من سياره مو بوضع موزين فعليش هالهوسه

جعفر : تقربت منها احنه بينه كلشي غنى ... اني احبج واريدج واغار عليج حتى من نرجس ومن شفتج نازله من سيارة واحد غريب ترديني ما انقهر واعصب هذا شي مو بأيدي مديت ايدي اريد الزم ايدها

غنى : جريت ايدي ...استاذ رجاءاً اني احترمك واعتبرك مثل اخويه بس مع هذا ميحقلك تحاجيني بهالطريقه اني موبت شارع ولا ممتربايه وتجي انت تعلمني شلون اتصرف ... رجاءاً خلي يكون بيناتنه احترامات انت استاذي ومثل اخويه واني طالبه عندك لا اكثر ياريت متفكر انو ممكن نكون غير شي ... عفته وطلعت شفت البنات واكفات كبالي ماحجيت اي شي غير .... يله بنات امشنه راح تبدي المحاضرات  

اروى : شبي هالاستاذ ويه غنى

نرجس : والله ماادري علمي علمج

غنى : دخلت للقاعه ذبيت ملازمي وكعدت على الستول

مرتضى : شبيج غنى ليش وجهج احمر

غنى : مابيه شي

مرتضى : اكو شي صاير

غنى : ماكو شي مرتضى كتلك ماكو شي لتلح

مرتضى : شبيج عصبيه هسه شكتلج اني

غنى : تنهدت اني جدا اعتذر مرتضى موقصدي اعلي صوتي عليك اعذرني

مرتضى : ابتسمت ولايهمج ماصار شي

____________________

فهد : كاعد بغرفة التحقيق وكدامي المتهم .... بنفاذ صبر وبعدين ناوي تطول ياله تحجي

.... سيدي اني ماعندي شي احجي

فهد : رفعت حاجبي اذا ماعندك شي تحجي اني شكول شوف الادله كلها ضدك وماكو غيرك الي يندل مكان هالسفله تحجي لو لا لو اكلك اسمع ... خلي انطيك مقدمه فكر بيها زين عندك منا لربع ساعه حجيت كان بها ماحجيت الجئ  لغير طريقه بالتعامل وياك هم اتونس وهم اخليك تعترف ... شتكول ؟

.... كتلك ماعندي شي احجي ولا راح احجي الحاح لتلح فتهمت

فهد : ضربته بوكس على وجهه .... بهدوء من تحجي وياي احجي بأدب اني مو واحد من جماعتك الصكط

..... بألم شتريد تسوي سوي واعتراف مااعترف بشي

فهد : كمت خلص براحتك ... صحت للشرطه تعالو شدو ونزعو الي لابسه

.... بس سيدي

فهد : باوعتله اني شكلت نقاش مااريد اشتغلو يله ... اباوعلهم جرو وهو يجر بروحه ابتسمت نزعو من فوك يله .... اباوعله انت جبتها لنفسك طلعو انتو ... اخذت السوط ... يله احسب خلي اكون رحيم وياك عد منا للخمسين يله راح ابدي ... ضربته

..... ااااااخ

فهد : مو كلت عد ليش تخليني اعيد من البدايه يله راح اعيد ... ضربته يله عد لك ... ضليت اضربه اضربه ماحجه عفت السوط تحجي لو لا

..... بألم لو تموت

فهد : رفعت كمام القميص الواضح اللطف ميفيد وياك .... ضربته بوكس اباوع الدم كام ينفض من حلكه .... استلمه بوكسات لمن كام يبجي يله عفته ... لزمت وجها مردته بأيدي .... بهدوء وين مكانهم

..... بس عوفني والله احجي

فهد : لتجيب طاري الله على لسانك النكس ... يله احجييي

..... بألم احجي احجي بس عوف وجهي

فهد : دفعت وجهه اسمعك

.... بدموع بمنطقه ( ..... ) يم الصيرفه

فهد : ضغطت على جروح جسمه بأيدي لو حاجي من البدايه موجان حافظت على منظر وجهك المقزز هذا

..... ااااااخ كافييييي بروحك ابوك عوووفني رااااح اموووووت بأيدك

الشرطي : هذا ظلم وحرام مايصير الي جاي يسوي هذا يتسمى تعذيب وقتل نفس على البطيئ لخاطر الله هالضابط ماله رداد

الشرطي 2 : مو اشتكينه عليه يم المسوؤل بس محد حاجا

الشرطي : اسكت يمعود ليسمعنه وانوب يخلينه بمكان السجين هذا ماعنده

كلب كلشي يطلع منه 

الشرطي 2 : الله على الظالم

فهد : عفت وجهه ... لسوء حظك اني مااحب ابويه بس راح اتركك لان تقريباً خلص شغلي وياك ... عفته وطلعت اباوع ذوله الشرطيين واكفين يبسبسون  ... خير

الشرطي : نعم سيدي

فهد : نعم الله عليك ... التهي بشغلك وعوف السوالف

الشرطي : حاضر سيدي

__________________

غنى : طلعنه اني ونرجس من المحاضره وكعدنه بالحديقه لان اروى بعدها لسه ماخلصت محاضرتها

نرجس : تعالي سولفيلي ليش ماكتيلي الي شفنا بالزياره هو نفسه جوارينكم والبارحه اخابرج متردين عليه تتهربين مو

غنى : ادري لو كتلج جان لزكتي واني ماعايزتج وبعدين انتي ليش مركزه ويه الرجال هيج ولج عيب عليج

نرجس : انجبي وبعدين اني عجبني يخبل ولج حبابه حاجي امي خلي اجي اعيش يمكم

غنى : ليش

نرجس : حتى اصير جوارين هذا الحلو ...صدك شنو اسمه

غنى : باوعتلها صفح ... فهد

نرجس : اويلي اسمه رجولي

غنى : رجوليش تره اسم حيوان

نرجس : دنجبي ماعندج ذوق حبيبتي هذا اسمه مميز ... ومو مكرر

غنى : هسه احنه ليش نسولف بي ابن عمنه ابن خالنه وبعدين انتي شبيج مشايفه زلم

نرجس : وين شايفه يحسره وحتى لو شايفه فهد عجبني

غنى : هزيت ايدي الحمدلله والشكر ... انتي شبيج يارب كون يطلع مزوج حتى اخلص من نكج

نرجس : منو كال مزوج

غنى : ماادري بس هو جبير فأكيد مزوج

نرجس : لا مااعتقد جان كالت اروى

غنى : على العموم الموضوع ميخصني وكافي تحجين بالرجال عيب

نرجس : كلبت عيوني ماشي يا ام العيب

غنى : شويه واجتي اروى كعدنه فتره وكمنه لمحاضراتنه وعلى  هالمنوال لحد ماخلص الدوام .... طلعنه لكينه فهد واكف بره صعدنه

اروى : شلونك

فهد : بهدوء بخير

غنى : وصلنه للبيت اروى نزلت بسرعه واني نزلت وراها

فهد : غنى

غنى : هاا

فهد : خو الي صار اليوم ماسببلج مشكله ويه خطيبج

غنى : خطيبي منو ؟

فهد : هذا الي كام يكمز الصبح

غنى : هذا موخطيبي

فهد : هاا فهمت السالفه ؟

غنى : شفهمت

فهد : هيج يله روحي لبيتج

غنى : فتحت الباب ودخلت شفت خالتي لازمه الموبايل وتفتر رايحه جايه .... ذبيت جنطتي اشرتلها شبيج

سحر : يله بعدين اخابرج .... هاا حبيبتي شلونج

غنى : فتحت شالي الحمدلله شبيج خاله ليش صايره عصبيه

سحر : راتب ابوج كطعو

غنى : فتحت عيوني ليش

سحر : والله ماادري بس كطعو

غنى : ياا واني جنت مأمنه اكو راتب اصرف منه كل شهر هسه شلون ادبر امري .... عززه جماله اني المفروض ادفع كروه مال خط للجوارين لان ديوصلوني دمعت عيوني ياربي ليش هيج

سحر : بس اريد افتهم ليش كطعو ... والمشكله اني حتى فلوس الورث دزيت نصهن لرجلي شجايه اني استعجلت

غنى : تنهدت لتشيلين هم خاله عود ارجع اخيط حتى اذا ابدي من اليوم

سحر : ومنين يجوج زباين يايمه قابل الناس تعرفج هنا

غنى : يا الله منين طلعتلي هالسالفه

سحر : شفت الحيره بعيونها اني اسفه يمه فوك ضيمج اجيت اني جماله عليج

غنى : بست ايدها صدوك تحجين خاله انتي وجودج الي مصبرني على هالعيشه لو ماانتي جان اني لحكت مروان وبيبي من زمان

سحر : حضنتها حبيبت كلبي لتضوجين يحلها الحلال

غنى : مااكدر اضل كاعده وساكته لازم الكه حل ... اذا مو الخياط لازم اشتغل اذا كعدت كلشي مااستفاد

سحر : دكومي يمه بدلي وصلي وتغدي وعود بعدين نفكر بحل

غنى : مااريد اكل انسدت نفسي ... اني كايمه اصلي وانام

سحر : ميصير يمه باوعي روحج راح تنكطمين

غنى : مااشتهي خاله من رخصتج ..... صعدت لغرفتي نزعت ملابسي وطبيت سبحت طلعت صليت وتمددت اول ماخليت راسي على المخده نزلت دموعي ..... ياربي شوكت تنزل دموع فرح من عيوني كافي حزن وتعب مو كلبي خلص

__________________________

اروى : صعدت الجاي لفهد ... دكيت الباب ودخلت .. تفضل

فهد : شكرا .... اروى تعالي اريد احجي وياج

اروى : كعدت صار

فهد : هاي البنيه جوارينه

اروى : قصدك غنى

فهد : اي المهم ... هي عدها سوالف موزينه

اروى : لا والله البنيه كلش حبابه ومؤدبه الى درجه

فهد : هزيت راسي اكيد

اروى : اكيد بس ليش تسأل

فهد : ردت اتأكد منج مااريدج تمشين ويه بنات مو راحه اني اعرفج انتي شنو وادري بيج جبيره  وتعرفين تصرفين بس الحذر واجب خاصه انو انتي طيبه والي مثلج سهل يتأثرن بالي حواليهن اني مو اشك بيج بس اخاف عليج لان بوكتنه تاهت علينه الزينه من الموزينه

اروى : لتخاف عليه اخت فهد متسوي شي غلط

فهد : ابتسمت وهذا الي متأكد منه اني خواتي ينضرب المثل بأخلاقهن واني لوما اخاف عليج واحبج مااحجي وياج ....

اروى : ابتسمت اروحلك فدوه حبيبي لتشيل هم اني كد الثقه

فهد : مسحت على شعرها متأكد من هالشي

اروى : يله اني اروح انام تريد شي

فهد : لا براحتج

_____________________

غنى : فتحت كنتوري طلعت الفلوس ... افف الراتب شبه خلص شسوي هسه صار شهر احاول ادبر شغل وماكو ... قبل فتره رحت للدائره الي يشتغل بيها ابويه الله يرحمه

حتى استفسر عن سبب قطع الراتب بس منطوني سبب مقنع ولا حتى صرحو بشي  ... وهسه كاعده وحاطه ايدي على خدي مااعرف شسوي ووين اروح حتى المبلغ الي عد خالتي قرب يخلص والمشكله بدت امتحاناتنه وحتى على دراستي مداركز  .... فزيت على ايد خالتي

سحر : هاا بعدج تفكرين

غنى : باوعتلها .... لا على شنو افكر تنحل ان شاءالله اني بلغت نرجس تشوف النسوان الي بالمنطقه يريدن يخيطن حتى اخيط الهن وهسه منتظره رد نرجس ... هاي شوفي اتصلت عليه خلي اشوف... الوو هاا نرجس بشري

نرجس : والله اني كتلهن ودزيت امي العصر تروح تسأل منو تريد تخيط بس ماكو ولاوحده تريد كلهن يكولن مكانج بعيد وين يوصلن الج

غنى : تنهدت وتالي هسه شلون بيه الراتب خلص ومن هالشهر راتب ابويه انقطع منين اجيب مصرف

نرجس : انتي ليش شايله هم هيج

غنى : انتي تدرين اني فوك ضيمي طالبه وعندي دراسه احتاج ملازم وكتب وهوسه واذا عدنه بحث لازم اصرف عوفي هذا كله احنه عدنه امتحانات ومابقه شي ونخلص وفوك هذا البيت يحتاج مسواك ومستلزمات والاتعس اني وكعت روحي بسالفه تفشل المفروض انطي فلوس بعد كم يوم لفهد لان ياخذني ويجيبني ويه اخته تعالي كليلي هاي المصاريف شلون اكدر ادبرها واني معندي شي هو الراتب الي جان عندي وميكفي مو انوب قطعو 

نرجس : انقهرت من حسيتها كامت تبجي ... خلص نونه لتبجين والله اني اساعدج

غنى : بدموع الى متى تضلين تساعديني شهر شهرين وبعدين شيصير خو موتضلين العمر كله تساعديني

نرجس : خلص اهدي ان شاءالله نلكه حل ... سلمت عليها وسديته وره شويه خابرتني اروى والي صارت صديقتنه بفتره قصيره .... من حركت كلبي سولفتلها كلشي

اروى : معقوله كل هذا صاير ويه غنى

نرجس : اي سوده عليه جانت ومازالت شابعه ضيم

اروى : خطيه الله يكون بعونها ولامبين عليها

نرجس : غنى تكبت بداخلها ابد متحجي انسانه مسالمه ومالها علاقه بأحد ... جانت قبل حياتها عباره عن اخوها وبيبيتها الله يرحمهم وللاسف خسرتهم وانهارت تدرين ضلت اشهر معتكفه على نفسها بسبب الي صار

اروى : ولج مردتي كلبي ... بس تدرين تفاجئت عبالي خاله سحر تصير امها

نرجس : لا خالتها اهلها توفو بحادث من جانت صغيره

اروى : ياعيني خطيه

نرجس : لو تشوفيها هسه تكسر الخاطر خابرتني تنحب وتبجي تكلي فلوسها خلصت ومتكدر تصرف شي رادتني ابلغ النسوان حتى تخيطلهن بس محد قبلت اااخ عفيه اروى مو تكلين لغنى سولفتلج تره تزعل مني واني لوما مخنوكه مجان سولفتلج

اروى : لا يمعوده شلون ترديني احرجها واحاجيها بهيج موضوع يله اني اروح بعدين اخابرج

نرجس : باي

اروى : سديت الموبايل اجت على بالي شغله يارب كون تضبط ... كمت بسرعه طلعت من غرفتي ... دكيت الباب

ايمان : تفضل

اروى : مديت راسي لكيت فهد وامي كاعدين سوه يمه عادي اخذ من وقتج شويه

ايمان : تعاي حبيبتي

اروى : كعدت يمها يمه اريد احاجيج بموضوع واريدج تساعديني

ايمان : اذا اكدر من عيوني

فهد : تحبين اطلع حتى تاخذن راحتجن

اروى : لا عادي خليك الموضوع انت حتدري بي بكل الاحوال .... باوعت لامي يمه اني عندي صديقتي محتاجه فلوس وحالتها الماديه جدا ضعيفه

ايمان : خطيه شكد محتاجه

اروى : يمه هي متريد فلوس اصلا متدري بيه اني ادري بوضعها ... المهم هي تشتغل خياطه وخطيه جانت قبل تخيط بس هسه ماكو ويه حظها محد يخيط عدها وهي يتيمه وماعدها احد جانت عايشه على راتب ابوها وهسه الدائره كطعته

فهد : بهدوء الي تحجين عليها غنى مو

اروى : هاا ... اي 

ايمان : شلون يتيمه وامها عايشه شبيج يمه

اروى : لا يمه هاي مو امها هاي خالتها شوفي راح اسولفلج قصتها .... سولفتلها اباوع لامي دمعت عيونها وفهد ضل ساكت .... ولهسبب اريد اساعدها خطيه تكسر الخاطر ونرجس تكول مكضيتها بجي لان متعرف وين تروح

ايمان : خطيه ولج مردتي كلبي ... زين اني شلون اكدر اساعدها هسه باوعت لفهد ماعندك فكره

فهد : لا والله

اروى : اني عندي الحل

ايمان : شنو

اروى : سمعو ... هي مو تشتغل خياطه والحجيه ياسمين الكل يعرف انو متلبس اي شي جاهز اله تفصال وعلى ذوقها فليش مندليها على غنى حتى تخيط عدها

ايمان : خوش فكره واني هم اخيط عدها حتى لو مااحتاج المهم افيدها يتيمه ونكسب بيها ثواب

فهد : وبنظركم هالكم شغله الي راح تسونها راح تفيدها وشتريد تفيدها فلوس الخياط تعوض عن راتب كامل اكيد لا

ايمان : زين ليش منخليها تخبز وتطبخ النه وننطيها راتب كامل كل شهر

فهد : اكيد لا بتصرفج هذا راح تحرجين البنيه

ايمان : لا يمه مابيها احراج احسن مااحرجها وانطيها فلوس ببلاش خلي تشتغل ومن تعبها تاخذ الفلوس الشغل مو عيب ولا ينقص من شأن الانسان كلما جانت شغلتك شريفه كلما جان راسك مرفوع بين الناس وبعدين اني ماراح احرجها اني هم محتاجتها تدري بيه صرت مره جبيره مابيه حيلل مثل قبل اخبز واطبخ لجيش كامل الله يحفظكم ونسوان اخوتك كل يوم كابه العيطه بيناتهن فخلاصا للمشاكل انو اخطي هالخطوه هم افيد البنيه وهم افيد ن

فسي

اروى : بس يمه ما اعتقد غنى تقبل واني مستحيل احاجيها بخصوص هالموضوع

ايمان : حاولي شويه شويه تفهميها ... واني والله لو ادري بيها تقبل تاخذ فلوس بدون مقابل ماجان قصرت وياها

اروى : هزيت راسي يله يمه اني اروح من رخصتكم

فهد : مسحت على وجهي .... معقوله اكو ناس هيج عايشه والفلس ياثر عليهم

_______________

سعاد : سمعو ولكم اني بعد مااكدر اتحمل شوفولكم حل

فيصل : اني جاي اسوي الي عليه مرتي كلما فهد يطلع تدخل تفتش بالغرفه وتحاول تفتح الخزنه لمن كشفها الشفيه شلون ماادري فبعد ماادخل

سعاد : باوعت لمنذر وليلى وانتو لتكوليلي كلشي ماسويتو

ليلى : اني شعليه ترديني اندك ويه فهد حتى يطردني ماعليه

سعاد : انتو جهال انتو تف عليكم ولكم اني هاي هوستي غير حتى ارجع حقكم الي باكه فهد وامه مو حتى ارجع البساط جوه رجليكم

منذر : يمه انتي ليش تسوين هيج يعني هاي جزاة فهد محترمنه ومخلينه ببيته ومامقصر ويانه تردينه نبوكه

فيصل : انت انجب طول عمرك منحاز لفهد ولا جن امه باكت ابونه وحرمتنه منه

سعاد : حشى انت مو ابني والله ابن ايمان ولك خلي نصير ايد وحده حتى نرجع الاملاك مو صار ١٢ سنه نعاني ما مليتو من هالعيشه ما زهكتو

ليلى : يمه يعني شنسوي كلشي بأيد فهد قابل شلون ناخذ الممتلكات منه

سعاد : ضربت على رجليه ولكم اااااخ راح اموت ماخليت مكان مادورت بي اريدلي ورقه مستمسك اله علاقه بالورث ماكو كلشي بح ... ولكم كمت انزل من روحي واكعد ويه هاي الريفيه بت الفلاليح على حسابكم اني سعاد كمت اكعد ويه اشخاص ادنى مني انتو دتحسون بألي احسه اكيد لا لان ماعدكم كرامه

فيصل : خلص يمه شجاج انهديتي علينه قابل احنه منكيف نرجع كل الاملاك النه ونطلع فهد وامه من حياتنه بس الموضوع خارج عن ايدنه منعرف مكان اي شي يخص الفلوس لا مستمسكات ولا رمز الخزنه ولاحتى اسم البنك الي بي الفلوس فهد متكتم على الموضوع

منذر : كمت اني بالنسبه الي طلعوني من هالموضوع تردون تتعاركون تبوكون هذا شي بينكم وبين فهد ناركم تاكل حطبكم اني ومرتي لحد يدخلنه عفتهم وطلعت

ليلى : وهسه شلون

سعاد : مابيها شلون بقالي بس حل واحد حتى اكدر اوصل للفلوس هاي اذا ضبط

فيصل : شنو هو

سعاد : بتول

_____________________

صباحا 

غنى : اجت اروى صبحت عليها وطلعنه للكليه وصلنه ذبيت غراضي ودخلت لقاعه الامتحان سميت بأسم الله وبديت احل ... وره نص ساعه كملت وكمت سلمت الورقه طلعت كعدت بالحديقه شويه واجت اروى ... هاا شلونج بالامتحان

اروى : لا الحمدلله تمام انتي شلونج

غنى : سهله الاسئله

اروى : احم اكول غنى اني سمعت بيج خياطه عادي تخيطين لبيبيتي وامي لان هنه ميحبن اللبس الجاهز

غنى : نرجس سولفتلج مو 

اروى : لا لا

غنى : ادري بيها سولفتلج

اروى : غنى فدوه لتزعلين منها والله هي كد ماجانت ضايجه ومقهوره عليج فلتتها كدامي

غنى : هزيت راسي .... وانتي شفقتي عليه وددبرلي شغل مو

اروى : لزمت ايدها لاوالله اني موهاي غايتي بس حبيت اساعدج لا اكثر وبعدين اني مجذبت عليج فعلا الحجيه ياسمين وامي يردن واحد يخيط الهن يعني مو جابرتهن على مودج والله هاا شكلتي

غنى : ماعندي مانع

اروى : اني سمعت راتب والدج قطعو ولهسبب تردين ترجعين تخيطين مو

غنى : تنهدت اي

اروى : وفلوس الخياطه تكفيج

غنى : ماادري اروى لتسأليني

اروى : زين عندي الج اقتراح والله يخليج لتاخذي بغير قصد

غنى : شنو

اروى : احنه محتاجين طباخه لان امي مابيها بعد توكف وتطبخ ونسوان اخواني دومهن عرك على حساب البيت ... ف بما انو بعد فتره نخلص امتحانات اريد

غنى : قاطعتها بهدوء ترديني اشتغل خدامه عدكم مو

اروى : لا والله مو خدامه بس طباخه والج راتب شهري حاله حال الوظيفه بدال ماتشتغلين بمول او تشتغلين بمكان ميناسب وضعج كبنيه او تضلين حايره ... قبلي غنى والله اني لو بأيدي اساعدج بأي طريقه كانت وماكو غير هالطريقه وصدكي الموضوع حيبقه بيناتنه محد حيجيب طاري

غنى : بكلبها وصلت بيج يادنيا تسحبين حتى كرامتي وتخليني انزل نفسي واشتغل خدامه عد الناس حتى ادبر عيشه بيج

اروى : غنى حبيبتي فكري بكلامي انتي ماعندج غير حل الشغل لا عيب ولا حرام وانتي انسانه رائعه وبنيه مثابره ماكو وحده بكدج شالت مسوؤليه بيت وعائله وتحملت ضيم وقهر ومع هذا ضلت صامده

غنى : تنهدت اشوف خالتي شتكول .... اجت نرجس ووره فتره طلعنه رحنه للبيت وصلنه دخلت للبيت بعد ما اكدت عليه اروى حتى العصر نروح لبيبيتها على حساب اشوف شنو تريد ....دخلت للبيت سلمت على خاله وكعدت سولفتلها

سحر : انتي صدك تحجين تردين تشتغلين خدامه ليش شعايزج

غنى : شسوي خاله اذا عندج حل انطيني هاي صارلي شهر ماخليت مكان مادورت عليه بشغل وين ترديني اروح وشلون ادبر هالعيشه الكشره هاي هالتشوفين الراتب بح ماكو ولا فلس بالبيت احنه هسه ماعدنه غير هالبيت وهالكم غرض الي بي شلون حنعيش ومصدر عيشته راح شنو نموت من الجوع ... هاي شوف

ي حيجي الشته شلون نفرش البيت واحنه ماعدنه شي شنو نموت من البرد لازم اشتغل اي شي بس في سبيل ادبر عيشه الي والج

سحر : اذا مثقله عليج يمه اروح لتدمرين نفسج على حسابي

غنى : خاله انتي بوجودج وعدمه اني جنت حسوي هيج لو باقيه وحدي هم الدنيا تبقه تلطش بيه وتاليتي اشتغل خدامه اذا مو بيتهم بغير بيت

سحر : اني خابرت رجلي حيدزلنه فلوس

غنى : خاله رجلج شبه اعلن افلاسه هناك وكل ساعه طايح بدال ما يعالج روحه بهالفلوس تردي يدزهن النه صدوك تحجين

سحر : مشكلته هاي انتي مامجبوره تصرفين عليه

غنى : لا مجبوره هذا واجبي شنو نسيتي انتي ربيتيني وتعبتي عليه وهاي ضريبه التعب مالتج

سحر : ميخصج اني ماعتبت عليج شغل عد بيت ام فيصل ماكو

غنى : خاله رجاءا لتعرضيلي اني حخلص امتحانات واكعدلج بالبيت وين اولي على الاقل اشتغل 

سحر : اني اشتغل بدالج انتي ماعليج

غنى : خاله انتي كوه شايله روحج ضغطج كل شويه صاعد تردين تشتغلين هناك انت شايفتهم شكد شلون تكدرين

سحر : اكدر لتدخلين انتي

غنى : لا ادخل وقسم بالله ياخاله اذا تعرضيلي بخصوص هالموضوع والله بعد ماحاجيج

سحر : استغفر الله شلون بيه ويه عناد هالبنيه انتي عليمن طالعه

غنى : على امي انتي مو تكولين جانت عنيده واني مصره على قراري ... يله اني رايحه انام ومااريد اتغده .... طبيت لغرفتي بس سديت الباب نزلت دموعي وينج بيبي تعالي شوفي حالتي ... كعدت المن خليتني إلهي لو ماخذني وياهم ولا هالعيشه هاي 

______________________

فهد : كاعدين نتغده واروى رجعت فتحت الموضوع ويه امي

اروى : يمه غنى وافقت قبل شويه بلغتني

ايمان : خوش جا كليلها من تخلصون امتحانات تبدي تجي تساعدني

سعاد : غنى منو ؟ تساعدج منو ؟

ايمان : راح تجينه بنيه تساعدنه بالبيت

آلاء : خدامه يعني

ايمان : بحده طباخه

سعاد : وانتي شلون تأمنين تجيبين وحده غريبه تشتغل عدنه

ايمان : مو غريبه اعرفها واحسن من نكك جناينج وعركهن من الصبح لليل يفضل نعفيهن

آلاء : يعني هسه غنى بنت جوارينه راح تصير خدامه عدنه

فهد : اخذت كلاص الماي تصحيح للمره الثانيه مو خدامه طباخه

ليلى : وانت ليش انتفضت

فهد : ما انتفضت بس صححتلها لفظتها للملكه آلاء بنت العز والنعيم

سعاد : باوعتله وهاي البنيه الي راح تشتغل هنا اهلها شلون يقبلون تشتغل ببيت كله زلم

اروى : انتي كلتيها تشتغل مو تعيش هنا وبعدين هي راح يكون شغلها لحد العصر يعني متبقه هنا

آلاء : بس هاي مبينه ترفه شلون تشتغل هنا

اروى : الترفه الي تحجين عليها جانت شايله بيت كامل على كتافها فلتكعدين تصنفين عليها خوش .... باوعت لامي صدك يمه العصر كون نروح لحجيه ياسمين حتى تشوف شنو تريد لغنى

ايمان : خوش يمه اني العصر اروح وياج بس كون مبلغه بيبيتج

اروى : اي خابرتها قبل شويه

فيصل : اكلك علي باجر اريدك تشوف اسنان آلاء صار فتره ياذنها حتى اذا محتاجه حشوه شي تسويها انت

علي : من الاكل من الصبح لليل طبعا يوجعنها

آلاء : ياا هاي اني اكل منين ياحسره من كعده البيت لاواحد يطلعنه لا واحد يسفرنه اكيد نكابل الاكل

علي : عود ان شاءالله باجر اشوفهن 

فهد : آلاء فرشي اسنانج مو ترحين هيج

فيصل : احد كلك مرتي وصخه

فهد : باوعتله انت آلاء

فيصل : لا بس

فهد : قاطعته .... كمت لعد اسكت .. سفره دايمه صعدت لغرفتي اول مادخلت قفلت موبايلي ونمت هلكان من التعب

_________________

غنى : واكفه ابدل ودخلت خالتي

سحر : يعني هو عناد

غنى : حبيبتي خاله اني حاليا ماعندي شي امتحاناتي وحخلصها واكعد بالبيت على الاقل خلي اشتغل هم ألهي نفسي بشي وهم اكسب

سحر : مو كلت اني اشتغل بدالج ليش تعاندين

غنى : اني بعدني بصحتي واكدر اشتغل ومااريد اجازف بيج وانتي تعبانه متتحملين شغل

سحر : زين انتظري رجلي يدزلي الفلوس

غنى : لفيت شالي خاله اني وياج ندري رجلج محيدز شي لان وضعه المادي تعبان هسه

سحر : مااعرف شكلج ياخاله تاليها راح تعيدين الزمن وتشتغلين مثل جدج

غنى : اشتغل طباخه واجيب لكمه بالحلال ولا اشتغل شغل موزين واحصل حرام ... بستها واخذت جنطتي يله الباب تندك اني راح اروح  ... طلعت فتحت الباب لكيت ام فهد واروى ... شلونج خاله

ايمان : هله بيج يمه شلونج

غنى : الحمدلله

اروى : يله تعالي امشينه الحجيه ياسمين هسه تخبصنه اذا تأخرنه

غنى : ليش تصيحولها حجيه

اروى : ماادري والله بس متعلمين

غنى : مشينه مسافه ووصلنه مدت ايدها اروى جرت مثل السيم وفتحت الباب دخلنه جوه ماشاءالله البيت كلش جبير دخلنه للصاله شفت مره جبيره بالعمر كاعده وداير مدايرها بنات وولد والي صدمني طلع كاعد يمها ... مرتضى ... هذا شجابه هنا  

ايمان : السلام عليكم

الكل : وعليكم السلام

غنى : كعدنه

مروه : همست منو هاي

شهد : علمي علمج

مرتضى : هاي شعندج هنا غنى

ايمان : منين تعرفها انت

مرتضى : احم زميلتي بالكليه شلونج غنى

غنى : الحمدلله

اروى : حجي

ه هاي البنيه الي كتلج عليها

غنى : بهدوء شلونج حجيه

ياسمين : باوعتلها .... هله بيج انتي الخياطه مو

غنى : هزيت راسي

ياسمين : تعاي كعدي يمي حبيبه

غنى : باوعت لام فهد

ايمان : ضحكت دكومي يمه شبيج خايفه

غنى : كعدت يمها

ياسمين : ماشاءالله حبيبه هذا وجهج شتخليله

مرتضى : كله طبيعي هذا حجيه هي هيج حلوه من الله

غنى : هذا شبي شنو هالخفه هاي شو بالكليه مو هيج ... باوعت للحجيه الي جانت رغم جبيره بس مبينه بحليها ... تفضلي حجيه كليلي شنو الفصال الي ابالج او نوع القماش الي تحبين استخدمه

ياسمين : شوفي حبيبه اني احب الدشاديش الخفيفه والحلوه راح ارويج القماش الي مشتريته وانتي على ذوقج فصليلي

غنى : صار

مروه : انتي تخيطين بس دشاديش

غنى : كلشي اخيط  

مروه : يعني اذا راويتج صوره لفستان تعرفين تسوين مثله

غنى : اكيد

مروه : واذا ماطلع مثله

غنى : اني اخسره الج

مروه : ابتسمت لعد باجر اجي العصر اراوي الج لو تحبين تنطيني رقمج واني اتفاهم وياج

غنى : انطيتها رقمي وكعدت اتفاهم ويه الحجيه على شنو تريد شلت راسي شفت فهد دخل هو وولد وياه

فهد : السلام عليكم

الكل : وعليكم

غنى : شفت اجوي هواي ولد ... كمت يله من رخصتج حجيه

ياسمين : بعد وكت حبيبه خليج ماشفنه شي منج

غنى : لا والله عندي امتحان يله من رخصتكم

ياسمين : يمه فهد كوم وصلها مادام ستوك اجيت الدنيا مغرب مو مال تطلع وحدها

فهد : كمت يله تعالي

مرتضى : انتظر اني اوصلها اكعد انت

ياسمين : اكعد انت فهد يوصلها روح يمه ماعليك بي

غنى : طلعت واجه فهد مشه كدامي شويه ... اباوعله طويل وضخم مو ناعم او يجوز لان ضابط صار هيج جسمه ... صار شهر تقريبا اني اروح واجي وياهم ولامره شفته تشاقه او ضحك دائما هادئ وساكت وانتبهت عليه نظيف جدا جدا سيارته تلمع لمع وريحتها تجنن وطبعا اني اقيس نظافة الرجال بلبسه ونظافة سيارته وفهد جامعهن ثنينهن

فهد : بهدوء شعجب وافقتي على عرض امي

غنى : تنهدت الظروف مرات تجبرنه نخضع للامر الواقع حتى نعيش

فهد : شعجب انتي هذا حالج ماعندج خوال عمام يشيلون هالمسوؤليه عنج

غنى : كلمن ملتهي بحياته ويصيح ياروحي

فهد : زين ليش متفكرين تشتغلين بمول او اي مكان عندج هواي فرص

غنى : بالمول يردون مواصفات خاصه ولازم اكون كاشخه ومكياج ولبقه بالكلام ووووو الخ هواي اشياء مطلوبه اني مااكدر عليها ومستحيل اسويها

فهد : اخذت نفس من الجكاره ... ماعرفتي منو الي دفعلج فلوس العمليه

غنى : اي عرفت

فهد : وكفت درت وجهي عليها منو

غنى : عمامي

فهد : ابتسمت

غنى : اول مره اشوفه مبتسم صار شهر مبوز بوجهي ... وصلنه للبيت درت وجهي عليه ... شكرا فهد زحمتك 

فهد : عفوا ماكو زحمه اختي انتي

غنى : جنت محتاجه اسمع هالكلمه ... اختي انتي اووف شكد مشتاقه اسمعها من مروان ... دخلت للبيت بدلت وكعدت اقره قران

___________________

ياسمين : اباوع لمرتضى كالب وجهه هاا ولك بس لا هي هاي

مرتضى : ابتسمت اي هي شفتها شلون حلوه

ياسمين : وهاي الكيمر تقبل بيك انت جنك بيتنجانه

مرتضى : ليش شبيه حجيه وين تلكه مثلي

ياسمين : ليش هذا السوك مليان بيتجان

مرتضى : شنو هاي حجيه والله زعلت

ياسمين : تعال ابن النعاله (عفوا)اشاقه وياك

مرتضى : ضحكت لا جد تتوقعين متوافق عليه

ياسمين : ليش يمه شناقصك ومتوافق عليك لتخاف عود اذا ماصارت الك يعني مو نصيبك كلمن ياخذ قسمته 

مرتضى : لو تقوم القيامه محد ياخذ غنى غير واذكرج

ياسمين : نشوف ياسبع البرمبه

_____________________

غنى : مر اسبوع على اخر مره رحت بيها للحجيه وطبعا وره كم يوم اجن بنات عم اروى يراوني صور فساتين ويردن اخيط مثلهن مااجذب فرحت لان خياط الفساتين يجيب فلوس اكثر من الدشاديش والحمدلله داجمع فلوس دريت الله محيعوفني بنص الطريق .... واليوم لازم اباشر بشغلي كطباخه عد بيت اروى اتفقت اني وام فهد على كلشي شغلي حيكون من التسعه الصبح للخمسه العصر وطبعا الراتب جان كلش عالي ورفضته اكيد خليت مبلغ مناسب مااحب اكون استغلاليه يمكن لو وحده غيري جان كيفت مجرد انو تطبخ ويجيها راتب مرتب باخر الشهر بس اني عمري مجنت طماعه ولا حكون .... لبست جبه سوده وشال اسود كالعاده من وفاة حبيبي مروان ولليوم اي لون مالاح جسمي غير الاسود ... نزلت من غرفتي شفت خالتي كاعده وناصبه مناحه ... وبعدين خاله تره مرايحه اجاهد اني

سحر : سكتي غنى تره روحي واصله لخشمي كل الي ديصير بينه بسبب خوالج الله لايوفقهم ولايرحمهم وعساهه بحظهم وبختهم اخذو البيت وكطفوج هالكطفه لو خالين البيت الج جان اني بعتلج هالبيت وخليت فلوسه بالبنك على الاقل تصرفين منه لحد ما الله يرزقج وتلاكين شغل

غنى : خلص ياحبيبتي اني قابله وبعدين هالشغل مراح يموتني واني يمج وشغلي راح يكون بس بفتره العطله احنه هسه خلصنه امتحانات والحمدالله من يبدي الدوام اعوف هالشغله ومنا لذاك الوقت الله يحلها يله تعالي

سدي الباب وكافي بجي مردتي عيونج

سحر : كمت وراها سديت الباب يارب بجاه حبيبك محمد متريح هالبنيه وترئف بحالها وتشيل هالهم عن كلبها دخلت جوه اغسل الملابس

غنى : دكيت الباب طلعلي ولد ... ابتسمت صباح الخير

احمد : منو انتي

غنى : اني اسمي غنى وانت

احمد : ابتسمت احمد

آلاء : تعال ولك وين طالع  ... باوعت هاي الخدامه اجت .... انتي الخدامه مو

غنى : باوعتلها وهزيت راسي

آلاء : تعالي دخلي

غنى : طبيت لبيتهم اباوع عدهم حديقه جبيره بس مابيها هواي ورد مثل حديقتي دخلت للبيت هاي اول مره اطبلهم ماشاءالله البيت كلش حلو وبنائه حديث مو مثل بيت الحجيه مبين قديم رغم كبره .... دخلت للكليدور لكيتهم ديتريكون .... صباح الخير

ايمان : صباح النور يمه يله تعالي تريكي

غنى : بالعافيه سبقتكم ... سمعت صوت هبد شفت اروى تنزل ركض

اروى : حضنتها شلونج

غنى : الحمدلله وانتي

اروى : تصدكين فرحانه لان راح اشوفج كل يوم كون نرجس تشوفنه والله تحكمنه اعدام

غنى : ابتسمت

سعاد : هي هاي الخدامه

ايمان : الطباخه

سعاد : نفس الشي ثنينهن يشتغلن عد العالم

غنى : احم شنو تحبون اسوي غده

ايمان : بكيفج حبيبتي شيعجبج سوي

سعاد : باوعتلها صفح سمعي انتي شنو اسمج

غنى : غنى

سعاد : اي غنى سوي برياني على اللحم بس اللحم تبلي واشوي بالفرن خوش

غنى : هزيت راسي ... اروى وين المطبخ تعالي دليني

اروى : لزمت ايدها تعالي

غنى : دخلت للمطبخ ... باوعت لاروى ... خو معدكم احد بالبيت

اروى : لا

غنى : خوش رفعت ردانات الجبه .... دلتني على مكان غراضهم طلعت المواد وبديت احضر الغده اباوع نزلت بنيه صغيره تحجي وتكمز مدري ليش كلبي رف عليها وتذكرت مروان

ورده : هلوو منو هاي

اروى : هاي صديقتي غنى تعالي سلمي عليها

ورده : هلوو غنى اني ورده اخت هاي الفاهيه

غنى : ابتسمت مبوستها هلو بيج حبيبتي شلونج

ورده : زينه

غنى : كعدت هالورده يمي هي واروى يسولفن صدقه ورده تجنن كلش حبيتها دمها عسل

بتول : دخلت للمطبخ ... انتي شكد عمرج

غنى : 21

بتول : هاا ليش لابسه حجاب نزعي ماكو احد

غنى : لا خاف يجي احد على ساعه .... كملت تحضير المواد وبديت اطبخ جنت اشتغل باستعجال حتى اخلص بسرعه مااريد اتاخر .... كملت البرياني رحت غسلت اللحم وخليته بطاسه جبيره خليت عليه زيت زيتون وملح وخل وبهارات وبرشت ثوم وبصل وكلبته حتى ينمزج عدل تركته ساعه وبعدها .... طلعت صواني  الفرن وسطرت قطع اللحم عليهن ودخلتهن للفرن حتى يستون ... شلت راسي شفت الساعه صارت بالوحده هاي شبسرعه مر الوقت راح وقت الصلاة استغفر الله

اروى : هاا حبيبتي تحتاجين شي

غنى : لا كملت بقه بس يستوي الاكل ... كعدت هلكانه بالعاده الشغل ميتعبني بس همه عائله جبير ماشاءالله عليهم مدري كم نفر واكيد لازم كل وجبه اطبخها لازم تكون كافيه الهم .... ضليت كاعده بالمطبخ لحد ما اجوي الكل ... يمه متت من الفشله من طبو الولد للمطبخ

علي : السلام عليكم

غنى : وعليكم السلام

علي : صفنت عليها انتي بنت جوارينه

غنى : هزيت راسي

علي : احم درت وجهي وطلعت من المطبخ عيب هسه شتكول عليه ملطلط هذا طب يمي

غنى : سمعت صوت فهد ... كللي البنات صبي وطبعا محد دخل للمطبخ اليوم غير بس بنات خاله ايمان جناينها اصلا مشفتهن  .... كمت اصب واجن البنات يشيلن ... كملت وكعدت صاحوني اتغده وياهم بس مقبلت ضليت كاعده بالمطبخ 

فهد : صيحولها خلي تجي تتغده

ايمان : كتلها يمه تكول مااشتهي

فهد : من الصبح لسه تشتغل معقوله ماتعبت

سعاد : تره هي خدامه هنا لتكبرون راسها

فهد : عيب هالحجي ام فيصل انتي مو احسن منها على الاقل جاي تشتغل بالحلال مو بالختله تجمع فلوس لو تحاول تجرب حظها من تطلع العالم

سعاد : شنو قصدك

فهد : والله عاد الحليم تكفيه الاشاره يامرت ابويه ... كمت من الاكل طبيت للمطبخ اغسل شفتها كاعده .. مدري ليش اشفق على هالبنيه احسها مظلومه بعد ماسمعت قصتها كمت كلما اشوفها اتذكر نفسي من جنت صغير هم ضكت لوعتها واني رجال ماكدرت اتحمل لعد هي شلون شفتها كامت .... استريحي

غنى : كعدت .... اباوعله شلون يغسل يمه اديه كامن يوجعني من شفته شلون غسل فرك اديه فرك عبالك عليهن شو شنو

فهد : عاشت ايدج الاكل كلش طيب

غنى : ابتسمت بالعافيه

فهد : الله يعافيج ... عفتها وطلعت كعدت بالصاله  شكد تمنيت من جنت بكدها واشتغل اسمعلي كلمه حلوه الله يساعدك او شغلك حلو او اي كلمه تزيح من تعبي

غنى : صبيت جاي للكل اجت اروى اخذته بس قبلها راحت طلعتلي كوب

اروى : هاج صبي بهذا ولو زحمه وودي لفهد

غنى : صبيتله بأستكان

اروى : ميحب يشرب بالاستكان عنده كوب خاص ميخالف نونه فهد موسوس شويه

غنى : لا عادي رحت صبيتله جاي وطلعت لكيته كاعد على القنفه تقربت انطي الي ماحسيت غير رجلي نمدتلي خربطت توازني و ما اشوف غير الكوب اندار على فهد ... عزززه

سعاد : يااااا هاي شسويتيييي ولج

***********
يتبع