حساب الانستا lorai_alrwi
:::::::::::::::::::::::𓍯
تابعوا حساب الواتباد و صوتوا للبارت علقوا على الفقرات
::::::::::::::::::::::::::::::::::::::::
شبابزز صوتووو للباررت و يله بسم الله💚
احبكم
سمعنه صوت نضرب بالجام
كمنه ثنينه اني امشي وراه خايفه من الصوت طلعنه ماكو شي بقى يباوع بالكاع دنك على ورقه ملفوفه شالهه من
الكاع و فتحه اول ما فتحهه وكعت منهه طلقه وكعت روحي كمت ارجف نطقت كلماتي بخوف وعيوني تراقب حركة اديه
:-ششنوو هااي؟!
فتح الورقه بدون ما يرد عليه ما مكتوب
بيهه شي ورقه بيضه
بلل شفايفه و ضل يباوع بالمكان يدور على شي ثاني
بقيت اباوع وياه اريد اشوف شي ماكو بس هل ورقه و الطلقه فتح الباب مال شارع يباوع رجع فات خوفتني تصرفاته
:-ما تحجي شيي شنوو هاااي!!!
:-ماكو شي رجعي جوه
:-ششنوو ماكوو شيي و الطلقهه شنوو هااي!
:-ماكو شي شبيج فوتي جوه
:-اعمامي موو!!
:-لااا ملاذذ محد يعرف مكانج
:-للعدد شنوو احجي احنه بخطرر موو
هز ايده و فات للبيت مشيت وراه اركض بالعه العافيه و هو و لا مهتم
:-احجي شييي بس كلي احنه بخطرر موو
:-حياة الافلام بطليهه مو بخطر ماكو شيي
:-و هاي شنو لعب جهال!
:-امم احتمال جهال شمروهه هناا
:-صععب لا تخبللني جهالل و هيج يلفون طلقه بورقه و يشمروهه هناا ليش على بيتك ليش مو بيت ثاني شمعنى
و احنه ثنينه مشبوهين انني اعمامي تلحكني و انت الله اعلم ييجوزز واحد عرف بيك مجرم و اجه يهددنه اعترف كاتل منوو
:-استغفر الله ربيي ملاذذ كتلج بطليي سوالف الافلام
مشيت بسرعه لزمت ايده اريد ينطيني حجايه مفهومه
رغم بين عليه الصدمه من شاف الطلقه بس من شافني خفت سوه نفسه ما متأثر كتله
:-صعب بس كلي اعماممي مو
:-لا
:-لععدد
:-ماكو شي لا تخافين مو اعمامج يجوز هيج مو علينه
:- لا عليننه شنو يعني راح نبقى ساكتين خل نقدم بلاغ
صاح عليه بنتر
:-شبيييج ملاااذذذ
فلتت ايده و خليتت عيني بعيونه احس الدمعه صارت بطارف عيني اول مره يعلي صوته عليه و احنه نحجي بموضوع عادي
:-لا تصييح عليه
سحب ايدي يريد يلزمهه سحبتهه منه و وخرت من يمه درت وجهي اريد اروح للغرفه كال
:-مو قصددي بويه والله مو قصدي بس حالي من حالج ما فاهم شي بس اريد افكر بالموضوع و بعدين نحجي
درت وجهي عليه ما سيطرت على دمعتي نزلت من عيني حضنت اديه لصدري و كتله
:-تره ثنينه بهل مكان ثنينه راح نتعرض لنفس الشي ثنينه راح نعيش سوه و نموت سوه لا عبالك خايفه بس
على روحي لاا مثل ما خايفه على روحي خايفه عليك سواء هل طلقه جانت الي او الك هل شي
راح يهمني لان نعتبر واحد يا صعب بسس انت ما تفكر غير بروحك و كل حجايه كتللي متأثره بالافلام لاا ما
متأثره بس اني جايه هنا مو بطرانه جايه هنا شارده من هل شي الصار اليوم شارده من تهديد و اجبار و ارجع
بمكان حسيت بي بأمان اتهدد و انت تعلي صوتك عليه هاي صعبه عليه خلاص اني اعرف ذول اعمامي ليش دا
اصير عاله عليك ليش أأذيك و اخليهم يهددوك باجر رجعني لامي
خله اديه بجيوبه و دنك راسه كال
:-ترحين!!
جا منو وعدني راح يضل وياي لمن اتعالج منو الغير الصعب و خلاه يليلن و هسه تردين تعوفيني لان
عليت صوتي عليج ما عليته بطران من خوفي عليج ملاذذ تردين اجي و اكلج تتهددنه ييمه خل نشرد هيج
شراح يصير بيج فهمينني!
مو راح تتخبلين مو راح تموتينن صحت بيج بس ما منتبه الافكار جاي تاكل بمخي ملاذ ذول مو اعمامج لا تخافييين ما علينه شي ثنينه هاي سوالف جهال
:-تعرفهم؟!
:-لا بس مو اول مره
:-شنو يعني
:-مو اول طلقه
:-صععبب لا تخووفننيي
:-محد يعرف مكاني اله كم شخص احتمال واحد من الاعرفهم بحجة تهديد يريد يسحب كم فلس مني
:-ليش يهددوك
:-علمود فلوس
:-اكو هواي ناس عدهه فلوس ليش ما يهددوها ليش بس انت
:-وين تردين توصلين
:-جاوبني شنو السبب يلي يخليهم يهددوك ما يههددون غيرك
:-شغلي ملاذ
كال هيج و راح كعد على التخم فتح تلفونه
خلاني بحالة صدمه ردت احجي و اشرلي على حلكه
علمود اسكت لان يريد يخابر رحت كعدت بصفه و اني ساكته شويه و رد عليه واحد
:-الووو هلا أشهب....يابه و الحق مشتاقلك...ههه لا لا هل مره الشغله تختلف ...اي تهديد كالعاده بس هل مره شي
ثانيي... ههههه لا مرليي علمود افهمك السالفه...شوكت هسه؟..اي كاعدين ما عدنا شي تجي بس الوكت
متأخر...جا خوش ما انام منتضرك ..الله وياك أشهب
-ضليت صافنه ما مفتهمه شيحجون نوب منو اشهب هذاا كمل كتله
:-منو اشهب شنو يجي وينن
:-صديق
:-شتريد منه شعده هسه جاي
:-كومي لبسي حجاب
:-يعني عادي اطلع يمه
:-اممم
:-اكلك
:-هاا
:-والله اني خايفه احجيلي شنو السالفه
قدمت اديه اله اشوفه شلون يرجفن
:-باووع باووع لاديه شلون يرجفن فدره صعب سووي شي انت شتشغل منو اشهب هم مجرم
:-صديق
:-صعععبب لا تحجي كلمه وحده
:-كومي لبسي حجابب شويه ويجي و افهمج
:-تعال وياي اخاف
كام ورايه و تلفونه بيده يكلب بي فتت اخذت حجاب بقيت واكفه يم الكنتور صح خايفه بس ليش ميطمني اني اعلمك صرخت بصوت عالي
:-ييييمممههه صععبب الحك
باوعت عليه كوه كاتمه ضحكتي اجه يمي بسرعه لزم ايدي و يباوعلي بخوف
:-شبييج شكووو
طكيتهه ضحكه قويه على حاله لان من صدك بين عليه الخوف
:-هههههههاااي جذبت عليك
فلت ايدي و ملامحهه بهتت لزم اذني بقوه ولواهه
:-يييممه اذذننني لا حبااااب عوفهه
:-ما تتوبين؟
:-لاا لاااا عوفف اذنني ييمه يممه راح اصير مثل اذن مصاصيين الدماء عووفننييي
:-اليوم اشلعهه الج لحد ما تكولين تبت
حاصرتني الضحكه و اذني موتتني يسحبهه لفوك و اني ارفع رجلييه وياهه كتله بضحك
:-يله ييلله تبتت
:-اششش اشش لاتضحككينن هاي اذنج اشلعهه و اخليهه بيدج
سحبهه بقوه و اني افتر وين ما يسحب اذني
:-حباااببب بعد ما اسووييهه صعب اذذننييي يييمهه لحككيي راحح اموت مخي راح يطلع من اذذنننيي
:-ما تعيدينهه موو
:-باووع عوف اذني و ما عيدهه توجع والله
فلتهه بقيت احرك بأيدي على اذني من صدك اذتني ويه ما فلتهه مدري شلون نسيت هو واكف بصفي كتله
:-اممددااكك
رفعت ايدي و غميته هو بقى فاتح عيينه مصدوم من تذكرت هو بصفي خليت اصبعي السبابه بحلكي و عضيته رت احجي بس ما لحكت
اشو هذا لزم راسي من فوك و من جوه حنجي و ضغط عليه حيل خللاني اعض اصبعي بقوه
:-تغميني موو
من احجي لازم اطبك لساني ليوره علمود تطلع الحجايه كتله
:-لاااا بث عووفني
:-بث!! شنو ما افهمم
:-عووفنننيي
:-ليش تغمينني
:-مو عليك
:-ااشش اشش و تجذبين فوكاهه
:-كولي اسفه
:-اثفهه
:-شنوووو!اسفه اسفه كولي
:-اااثثفه اااثففههه
:-كتلج كولي اسفه
:-جاي اكولل بس هي ما تطلع
:-كولي اسفه صعب
:-ااثفهه ثععبب
:-اعوفج
:-امممم عوفنني حبااابب
فلت اديه من وجهي احس نطبك وجهي تخيلت معاني كلهه صايره بصف خشمي ويه ما فلت وجهي ردت احجي كال
:-اشش بس تحجين شي ارزلج
:-ما ردت احجي
:-لا ما ردتي ابد
:-انت ليش هيج تعاملنني هسه يصير بيه شي شتكول لنفسك!!
:-لبسي حجابج يمكن اجه شهاب
:-شهاب؟ لعد اشهب منو
:-نفس الواحد
لبست الحجاب و طلعت وياه كعد بالاستقبال كعدت كدامه سمعت باب البره نفتح شو هذا باقي على كعدته كتله
:-صعب الباب نفتح
:-امممم
:-ياا صععبب باب الشاارع شوف منو اجه
ويه ما كملت جملتي فات ولد يعلج و حده من اديه لازم سويج ويفر بي فاات بدون ما يدك الباب و لا كلشي بقيت مصدومه كال
:-سلام
باوعت على صعب ما رد استحيت من يمي كلت ما افشله كتله
:-و عليكم
:-اايابه متطورين صايرين عائله ترد السلامم لك هاا ابو الصعب شلونك عينني
:-لا تتلوك اكعد
:-شبيك عيني شكلنه هسه
باوعلي و رجع باوع على الصعب كله
:-شسمهه عليك الله مرام مدري منام
فتحت عيوني على وسعهن كتله
:-اذاا على اسميي ف ملاذذ مملااذذ
:-شنني انوب هذاا
المهم ما علينه لا تناقشين على الاسم ما بيه حسل شتردون
ألــصعب:-شهاب حبيبي مو هواي مسلتت المهم هل فتره تبقى هنا
:-اي شكو هل مره هيج السالفه خطره
:-لا مو خطره بس ملااذ وحدهه
كلامهم خوفني رغم ما فاهمه شجاي يحجون كتله
:-يعنني راح اموووتت
باوعلي شهاب و طكهه ضحكه
:-هههههه تموتين!!هو شكووو
:-انت ما شفت شصار لا تضحك حبابب
:-هي شني شصار طلقه ملفوفه بورقه شمروهه على بيتكم غير هيج يو شي ثانيي
:-ااي ايي فهم صعب هل شي خطر يجوز اعمامي و راح يكتلونه
:-لا ما عليج لا تخافين شربت ميي هل سالفه
كمت من مكاني بملل ثنينهم نفس الشي محد مهتم و لا يقدرون الموقف الاحنه بي وصلت لباب الاستقبال
باوعتلهم اريد اسوي شي يشفي حرگه گلبي ما اكدر اغمهم لان هذا شهاب مدري اشهب جديد على الساحه كتلهم
:-اكرهكمم ياا مجرررمممميين
:-رحم الله والديج انه ما صارلي ساعه من اجيت ضيفتووني ب مجرمين امداج انت و رجلج
الصعــب:-اكل خر** لا تتجاوز عليهه
شهاب لزم اطراف اذنه و باوعلي دنك للكاع كال
:-اااسففف مرة اخييي ما بتنعااد بوعددك
هزيت ايدي و مشيت من يمهم اني عايزني جنت بواحد صرت بثنين فتت للغرفه و سديت الباب يالله شجاي يفكر
صعب شراح يسوي انوب هذا منو فات للبيت يكلك بيت الخلفه لا و فوكاهه يبقى يمنه تعبت و اني ااتخيل شنو هل سالفه تمددت اريد انام اندكت الباب
:-منوو
الصــعب:-انني ملاذ
:-فوت
عدلت كعدتي و هو فات كعد بصفي على الجربايه ثنينه ساكتين شويه و كال
:-ملاذ خايفه!!
:-لا اريد انام
:-زعلانه
:-لا
:-شتردين
:-اريد انام
لزم ايدي و ضل يمشي اصابعه على اصابعي كال
:-احجيلي ملاذي
فلتت اديه منه و رفعت رجليه على الجربايه و تربعت
:-صعب خل نحجي جد تره الموضوع يخوف
:-لا تخافين اني يمج
:-الصبح تروح
:-شهاب يمج
:-و منو يمك؟! اني خايفه عليك اكثر ما خايفه على روحي
:-ما عليه شي متعود على هاي السوالف لا تخافين من الموضوع
:-متأكد!!
:-اي و عيونج لا تخافين
:-زين شهاب منو شلون تأمن تخليني يمه صععب انني كوه تعلمت عليك مو انوب هذا حتى حجيه مدري شلونه والله خايفهه منه فوك ما تتخيل
كعد مثلي تربع و صار مقابيلي رجع لزم ايدي
الصــعب:-شوفي ملاذ شكد انه مأمن بيج مأمن ب شهاب اكثر شكد انه اخاف عليج دام وصيت عليج شهاب راح يخاف عليج اكثر مني شهاب و انه روح وحده لا تخافين منه
:-و اذا جنت اخاف منك
:-لو تخافين مني ما كاعدين انه وياج بمكان واحد طلعتنه وحده سالفتنه وحده ما تخافين مني
:-زين شيصير منك
:-مثل اخوي و اكثر
:-زين لا تروح بس فتره و ارجع اطلع اخاف
:-من منو
:-مو من احد بس اخاف عليك
:-ما عليه شي لا تخافين نامي
:-ما اريد انام
:-شتردين
:-جيب الكتاب نقره هنا
:-نروح نقره ويه شهاب
:-لا استحي منه
:-هو نفسج لا تستحين منه كعدي يمه ساعه تنسيني
:-زين بس انت تقره النه
:-خوش جا كومي
كام و كمت وره طلعنه ثنينه فتنه للاستقبال شو هذا متمدد على التخم و نازع التيشيرت يعلج و يكلب بالتلفون فتنه و لا كأنما بقى على كعدته
الصــعب:-هيوو اكعد البس تشيرتك
كعد من مكانه منتفض كاله
:-شووفف مو من هسه مرتك ترست راسك عليه بالعباااسس ما البس تشيرت تدري بيه اضوج منه لو ما
بشارع فشله من العالم اجيك مصلخ هسه اني محترم مرة اخي شويه لابس كنمونه
رديت عليه مستغربه كتله
:-كنمونه شنو!!!
باوعوا واحد على الثاني و طكوهه ضحكه
الصــعب:-يقصد كيمونه
رحت كعدت مقابيل شهاب و صعب كعد بصفي شهاب يباوع علينه و يتبسم كتله
:-اكلك من الاخير شعندك احجي لا تضل تمزمز بسكته
:-احااا وعلي مرة اخي تفهم من نضررره لا ماكو شي بس اخييي صايرر ما يكعدد اله بصفج
الصــعب:-شعليك اكلك الكتاب الي بصفك جيبه و تعال اكعد هناا
:-شني تقره النه قصة ما قبل النوم لا ما ريد هو انت ما اجرعك مو يله صوتك
:-اكل خر* حبيبي و جيب الكتاب
:-جيب خاشوكه و تعال خل اكلك
:-لا حول الله سوالف الزعاطيط بطلهه و تعال
كام من مكانه و جاب الكتاب كعد من جهة صعب الثانيه و صعب فتح الكتاب
..................
عودة الى الماضي💚
الصفحه التاسعه
روحــ عابس
رُفــيده
::-من هذا الموقف ويه ابوي امي انجلطت تغيرت هواي ضلينه اني و روح نهتم بيهه و من يجي ابوي تتخبل
طردته من البيت راح عاش ببيته الثاني جانت صدمه النه صعبه تتقبل مثل هيج شي فجأه يطلع عندك اخوان
و زوجه اب لا و فوك هذا كله ابويه يحبهه و ابد ما فرط بيهه كدامنه جنه كاعدين اني وروح بالحديقه و امي
نايمه جوه عابس صرنه نشوفه قليل و كله ضايج و مهموم عرفت اهله ما يقبلون يجون وياه بس ما يكدر
يكل لروح فات للبيت شافنه بالحديقه اجه كعد بصف روح و هي حاضنه اديهه لصدرهه سلم علينه بس ما ردت
عابــس::-شبي الحلو
::-عابس ما اريد نحجي بعد
::-شصاير
ما ردت عليه باوعلي بتساؤل كتله
::-شوكت تخطبهه عابس
::-اريد بس واحد من اهلي يجي وياي رحت لابوج رُفيده بس ما قبل يكول شني انطيك مره و انت جايني بطرك روحك
::-ابوي طلع من عدنه اذا تريد تخطب هاي امي اطلب روح منهه
باوع لروح عيونه مبين عليهه التعب كالهه
::-روحايه اكو حل واحد
::-شنو!!
::-نشتري بيت هنا و نتزوج اهلي ادري ما يرضون و انه ما افرط بيج
::-شنووو!! عابس قصدك نتزوج بالسر
::-لااا روحح اني اكل لاهلي راح اتزوج بس ما اخذج يمهم نعيش هنا وحدنه تعبت روح تعبت والله ما تعرفين
شي ادري اهلي يأذونج و انه اخاف عليج من الهوه وافقي
رجع باوع عليه يريد يقنع روح
عابــس:-رُفيدده حاجيهه
::-خليهه تفكر
::-ماكو غير حل تعبت انه روح كافي خل نتزوج اكيد اذا تزوجنه اهلي راح ينجبرون يتقبلونه و شوفي اذا صار
عدنه جهال اكيد راح يتقبلون الموضوع شوفي روح ام رُفيده حالتهه تعبانه و ابوهه متزوج تردي يهتم الج و
هاي رُفيده تاليهه تتزوج و احنه فكري بروحج فكري بيه
سكت عابس و بقى يباوعلهه منتضر جواب منهه جانت تباوع على الفراغ غمضت عينهه و كالت اله
روحــ::-موافقه
كالت كلمتهه و نزلت راسهه دموعهه نزلت
عابـس::-كافي روحايه ليش تبجينن بس فهميني
::-خايفه عابس
::-من شنو روحايه لا تخافين والله اخذج انه مستعد ابيع الدنيا لاجلج روحي
::-انت متزوجتني يو متزوجه اهلي؟
::-انت
::-تهمج الطريقه الراح نتزوج بيهه لو يهمج تصيرين الي
::-اصير الك
::-جا لا تخافين خليهه وراي
روحايه و غلاتج انه عايف ديرتي و اهلي و ناسي كله علمود اصبح بشوفة عيونج ما اريد اشوفج هيج ضايجه اخذ طاقتي منج لا تضوجين روح عابس انتِ
دنكت راسهه خجلانه الابتسامه رجعت على وجهه كام من يمنه كال
::-يله يباا اخذن راحتجن
::-الله وياك
مشه من يمنه و روحايه متابعته لحد ما وصل لبره البيت رجعت باوعت عليه كالت
::-شتكولين رُفيده
::-يحبج امشي وراه
::-ما ادري اني افكر بالمستقبل لو اهله ما تقبلونه سوه شلون لو صار عندي اطفال و ما تقبلهم شسوي
::-ليش انت و عابس وين ترحون اطفالكم انتم ربوهم لا تخلونهم بحاجة اعمامهم
::-بس يبقى مردهم لاعمامهم
::-بس انتم موجودين على شنو يرجعون لاعمامهم
::-و اذا متت؟
::-اسم الله رووح شهل حجي
::-صدك رُفيده اذا متت اطفالي امانتج
::-لججج رووحايه لا تحجين هيج شهل حجي كومي طاح حضج
كامت تضحك و تنفض بملابسهه كالت
::-كومي نروح لخاله
كمت وياهه رحنه يم امي كعدنه نسولف وياهه و نضحكهه علمود شويه تتونس جان عدنه تلفون ارضي و احنه كاعدين نسولف اتصل كمت اشوف منو المتصل.......
..........
عوده الى الحاضر
الصعبب سسد الكتاب و اني و شهاب مركزين وياه
الصعـب:-يله كل واحد لمكانه ع النوم
شهـاب:-ما انعس انه اقرالنه بعد صفحه هو هذا الكتاب الحجيتلي عنه انه منك اقراه بيوم دقرالنه بعد يله اخيي
:-ناموا يله ملاذ كدامي للغرفه
شهـاب:-شني هاي ما صايره احسككم تغلطون عليه مو ترحون للغرفه
الصعـب:-اقصد لغرفتهه تروح
:-تذكر من جانت غرفتي صارت غرفتهه شلون وكت
عفتهم و رحت للغرفه تمدتت بفراشي ضليت احوس
تعلمت بالليل على نومة الاستقبال ضليت اكلب بالتلفون رغم نعسانه بس ما اكدر انام شويه و اجاني اشعار من صعب ضحكت لان مسميته المجرم كاتب
:-نمتي
ضليت شويه اباوع للرساله ما اريد ارد بسرعه علمود لا يكول منتضرتني فتحتهه و كتبتله
:-لا و انت
دزيتهه بقيت صافنه شنو و انت اكيد كاعد لعد منو دزلي شهل غباء رجع كتب
:-انه نايم
:-هههه شتريد
:-تنعسين
:-امم بس ما اكدر انام
:-ليش
:-ما ادري
:-اجي يمج!
:-شتسوي
:-اريد انام بس اريد واحد يلعب بشعري
:-جاي بمصلحه
:-لا چاي بالهيل
:-شنو لازم اضحك؟
:-امم لازم تضحكين هسه اجي لو لا
:- يله تعال
شافهه و ما رد شوييه و نفتح باب الغرفه بهدوء فات مبتسم كال
:-هسه اذا شهاب يسمع صووت الباب محد يخلصني منه
:-ههههه ليش
حط اديه بجيوبه و اجه يمشي كعد يمي كال
:-هيج بويه المهم اريد انام
كعدت على نهاية الجربايه تربعت كتله
:-يله تعال
شال الغطه من الجربايه و تمدد خله راسه بحضني ضليت العب بشعره
الصـعب:-ملاذ
:-هممم
:-ملاذي
:-همم
:-صاروخ
:-هااا صعبب
:-هيج
:-صعب
:-عيونه
:-شوكت نروح للدكتور!
:-هسه ما اكدر مشغول حيل
:-بس انت وعدتني
:-عد وعدي بس هل فتره اصبريلي
:-شنو هل شغل
:-شغل ملاذ
:-زين صعب سؤال
:-امم كولي
:-شهاب يشتغل مثلك؟
:-اي
:-يعني مجرم!!
:-ههههه انت ليش قافله على الاجرام
:-ما ادري اذا مو مجرم لعد شنوو بس المجرمين تجيهم تهديدات
:-خليج من شغلي المهم هل ايام انه اتأخر بالشغل عندي هواي اكور لازم اخلصهه راح تضلون انت و شهاب مو تشلعين گلبه و لو انتم نفس الشي
:-شنو يعني
:-اكلج نعست راح انام ضلي لعبي بشعري
:-و اني وين انام
:-نامي بحضني
ضربته على جتفه و هو بقى يضحك
الصـعب:-اتشاقه وياج بويه
:-لا تشاقه هيج ما احب
:-حاضر
سحبت التلفون اكلب بي و العب بشعر صعب لكيت برق دازتلي رساله اليوم التهيت مراسلتهه رديت عليهه
:-هلا براقي
:-ها هلا حبيب اليوم وينج
:-جنت ملتهيه صارت شغله اليوم المهم انت وينج
:-ملاذ باجرر راح اقدم ادعيليي انقبل
:-صصددك يالله
ان شاء الله تنقبلين يروحيي
:-الله يسمع منج
ضلينه نحجي هوايه فرحانه لان راح تقدم و اني فرحانه اكثر منهه لان خطيه اجلت سنتين و هي ناجحه حرامات
تعوف دراستهه بعده رجعنه نحجي عن امهه لان من صدك متشوقه اعرف قصتهم
...........................
مُـــهرة آيوب
:-فقدت الوعي واني متمنيه آيوب يمي بهل لحضه يشوف ابنه ما ادري شصار شكر مر وكت فتحت عيوني على
لمسة ادين على وجهي باوعت بتعب درت وجهي و شفت أيوب كدامي بملابسه العسكريه ابتسمت اله بس ما بيه حيل احجي كعد بصفي
ايــوب:-الحمد لله على سلامتج مُهرتي
:-الله يسلمك
:-جبتي ولد
:-وينه اريد اشوفه
:-اي بويه هسه تشوفينه
:-اريد اكعد
كام من مكانه سحب المخده خلاهه وره ضهري و رجع عدل كعدتي غطاني و كعد بصفي
آيــوب:-شلون صرتي
:-احسن
شويه و اجت امه و بيبتي فرحت من شفتهه حضنتني و ضلت تباركلي ضلت عيوني معلكه على الباب عسى
اشوف اميي جايه بس ماكو امل نساني هل فكره دخول الممرضه و هي شايله ابني بيدهه ابتسمت و احس
نضراتي تسبقني للباب تريد تشوف ابني وصلت يمي و خلته بحضني باوعتله ناعم جنه شحمه بس شفته عيوني
دمعت ما اعرف اشيله بالحقيقه ثنينه اطفال بعمر ال 15 اني ام لطفل بهل لحضه تمنيت الله يقدرني و ما اقصر
بتربية اطفالي حضنته اريد اعوضه حنان الام الي ما حسيت بيه اني واثقه آيـوب ما راح يقصر ويه اطفالنه و
لا اني الاقصر راح اصيرلهم ام اب و سند كلشي تمنيته من امي راح اسوي الهم
باوعت على ايوب كتله
:-تشيله
قرب مني و اخذه بين اديه قربه يمه و اذن بأذنه احس جسمي قشعر كمل و رجع انطاه لببيبي كال
:-مُهره اكو ببالج اسم!
:-لا
:-سيف؟
ابتسمت و حركت راسي بمعنى اي صدك عجبني الاسم لان واحد من اسماء الامام علي(ع)
كملوا اجرائات و طلعنا من المستشفى من هنا بديت حياة ثانيه راحت ذيج مُهره الصغيره الي كل همهه تسمع كلمة
حنان من امهه صرت انسانه ثانيه مو بس مسؤوله عن طفل لا مسؤوله عن نفسي و عن ايوب و عن سيف و عن
عائلتهم كل ما يلتحق ايوب لازم اطلع وياهم للزرع صرت متعوده على حياتهم محد يعوف سيف يمه و هو طفل
اخذه ويياي اتمرمر تمرمر بي اخاف عليه لا ينگرص بالزرع و من ارجع للبيت انومه و ابدي تنضيف لو طبخ لو
غسل مواعين لليل يله افرغ و اشوف ابني انوب سيف وكح بلكوه اسيطر عليه من ايوب موجود ارتاح لا واحد
يطلب مني شي و لا اطلع للزرع ما حجيت لايوب اخاف من المشاكل و دام هو موجود اني مرتاحه جان هستوه
نازل و كاعد يلاعب ب سيف الي صار عمره سنه و اني و ايوب متونسين عليه ما خليت سيف يتعلق بأحد منهم لا همه يردونه و لا اني اريدهم
آيـــوب:-مهرتي ليش متغيره
:-ما ادري ايوب احس روحي صايره ثكيله
:-شنو يعني
:-ما ادريي والله روحي تنبهت بسرعه و اتعب
:-خاف حامل مهره
:-لاااا يمهه مو حاملل لان بحملي الاول مو هيج اعراض
:-جا شني
:-ما ادري لا تهتم ما بيه شي
عفت البيدي و كعدت يمهم العب ويه سيف
.......
برق
:-ملاذ سؤال
:-كولي
:-انت وين امج و ابوج ابد ما حجيتيلي عنهم
:-ابويه متوفي و امي موجوده
:-ها الله يرحمه
زين عايشين بس انت و امج و اخوج
:-لا باوعي صععب مو اخوي بس تكدرين تكولين مثل اخوي عايشه يمه بس فتره و ارجع لامي
:-ليش
ملاذ:-من سألتني بديت احجيلهه عن نفسي و اعمامي شسوو بيه و شلون اجيت ييم صعب حسيت البنيه قريبه
عليه مثل ما هي حجتلي انيي هم كعدت احجيلهه لحد ما حسي رجليه نملن
ودعت برق و سديت التلفون باوعت على صعب نايم هستوني تحركت اريد اوخر من مكاني لزم ايدي كتله
:-صعب نام على المخده
:-شويه
:-رجليي نملتت
:-فرشي النه بالكاع
:-لا انت ناام على الجربايه و اني راح انام بالكاع
:-ملاذذ فرشيي مثل كل يوم نامي عكسي
:-لعد وخر خلي اكوم
شال راسه و اني كمت و هو رجع خله راسه على الجربايه نايم على بطنه الغرفه جانت مفروشه ما اخلي بيها فراش نوم بس اجيب بطانيه و مخاد كتله
:-صعب راح اجيب بطانيه من غرفتك و اجي
:-ما اريد ما برددان
ما رديت عليه خليت النه مخدتين
ملاذ:-يله انزل
نزل من الجربايه يفرك بوجهه عيونه حمر جان نايم عبالي يجذب نزل بالكاع تمدد و شال وحده من المخاد شمرهه
على الجربايه اخذت الغطه و نمت عكسه بس على نفس المخده مد ايده اليي كتله
:-هاا
ما رد عليه بس فاتح اييده
ملاذ:-ما عندي خرده
:-اييدج
لزمت ايده ضغط عليهه و بقى ساكت يمكن رجع نام ضليت احوس ما اكدر انام هذا شلون ينام بدون بطانيه
حسيت الجو بده يبرد رفعت راسي باوعت عليه نايم فلتت ايدي منه بلكوه و كمت اجيب اله بطانيه من غرفته
فتحت البباب على كيف فتت لغرفته اخذت بطانيه و اني اطلع شفت الصندوك يلي مره شفته بالكنتور على ميز
الجربايه تلفتت ورايه باب غرفتي مسدوده يعني نايم اتجهت للميز گلبي يدك مثل الدمام ما اتوب مو بيدي
قربت يمه فتحته و نفتح بيدي يعني ما مقفول گلبي يدك بقوه احس انفاسي تخربطت اريد اشوف شنو داخل
هل صندوك فتحته استغربت من الاشياء البي اشياء تخص بنيه و جانت وياهم .....
.
.
.
.
.
.
.
.
.
.
.
.
.للحكايه بقيه
كلانا كتف للاخر
الوريد♪
احبكم