لا تبعــد تعال أگرب
اريدك موش اريدنهم
هاي الوادم ازمة طين
وأنغث بسوالفهم .
#حروف_متناثرة .
لـ فاء ،
.. دفعت لباب شفت لولد ـلازمين كرار مقيدين
حركتة وگبالة نافع ورهف * ليحبها كرار * ونافع
يحاچي كرار بستفزاز وكرار گاب صاير أحمر وعروگة
بارزة دفعت لباب بسرعة ودخلت من شفتة فلت منهم ونهد يضرب بـ نافع لزمتة وخرتة عنة خايف
علي لا يأذي نافع مصارحة
كرار : للكك هدننيي جاايي أأگللككمم عوفوني
معلييكمم ووخرروو
نافع : حچة بستفزاز وهوا يمسح لدم لنزل من خشمة : هه دوگف هسة مو جايين أنة ومرتي
نشوفكم هيچ تتعاملون وي خطاركم
كرار : لكك سسدد حللگكك يا ككلبب ييا خنييث
لك أأنتةة حرام تتنعد عل ززللمم تف عليك وعلى
خيسستتك أأمششيي أططللعع ببراا وأنتم عوفوني
مصطفى : أش أهدء لك كرار أثبت شوي گلبك
راح يوگف أمشو جيبو ماي
أجت بنية مدتلي بطل ماي وهية ترجف ودموعها
على خدها فتحتة بسرعة وخلت بـ أيدي غسلت
وجهة ونافع ما زال مستمر بلحچي
كرار : لللكك ياا گ*** لعار لو بيك خير وعندك
كرامة تتكسح أبنل خيسة أنتم وخرو عني ـلا وعلي
لفحل ألزمكم أن**** ني*
نهد يعد ويسفط فشار ما خلة حچاية وفشار
ما گالة يحچي ومنفعل وعيونة حمر دم وزادتهة
من حچت رهف خلتة يتخبل حتار شيسوي ومحد
يحاچيهم ويگلهم طلعو
رهف : أنتة عليمن هلگد حارگ روحك يعني
أني ما رايدتك رايدة نافع شنو هية گوا
كرار : لچ بتل كلب قبل كم ليلة مو گضيتيها
تراسليني ومثل لچلب ولچ 5 سنين 5 ـلا وحدة
ولا ثنين ياما سهرت وياچ وياما گعدنة نحلم ونخطط للمستقبل سوا لچ حتة أسماء أطفالنة ختاريناهن وياما حچيت هاي لصغيرة ولچبيرة أحچيلچياها مو أجي يمچ أفصلچ يومي تفصال نسيتي من تتمرضين بنص ليل أجي لباب بيتكم وعلاگة لحلويات ولعلاج بيدي من ردتي جهاز مو جبتلچ ثاني يوم بدون متگولين جيبلي أيام وليالي وأسابيع وأشهر قبطن 5 سنين وكل ليلة أخطبچ ـلا حبي مو هسة عمري باچر روحي لورا بعد سبوع بعد سنة أهلي بعدني صغيرة دراستي وكذا وكذا وكذا مو زعلتي ودگيت أسمچ وشم في سبيل
أرضيچ لچ حتة ليلة ماتمر وأنة مخليچ زعلانة بوسط رمشي مخليچ ،
للعلم أنة ما جاي أعيرچ بَـس أذكرچ خاف ناسية
زين تذكرين من چنتي تگوليـن أذا رفضتك شراح تسوي مو گتلچ ثواني ما أبقة عايـش بليلتهة مو ضليتي يا محلة لحچي وكلامچ لرطنتي وحبچ
لوهمتيني بي وغرگت بي بليلة وحدة بَـس وبدون
سبب نهيتي كلشي وهدمتيني لچ گـلبي ما دمرتي
فتيتي فت
رهف : أنة ما أستاهلك أنتة تعرف شي وأني
أعرف شي ثاني كرار أنتة ماتدري بلي أني أدري
بي رجاءٍ بطل هلكلام دورلك هواي بنات أحلة
وأحسن مني راح تكون وياهن بخير أني ـلا جمال وـلا لشي لعندك عندي ما راح أگدر أسعدك مثل ما أنتة تسعدني ليش هيچ مصر علي جاي أگلك أنة وياك ما نتوالم ما أستاهلك صدگني
كرار : ميخالف قابل وحگ علي قابل مايهمني
شگلچ ما حبيتچ على مود جمال گـلبي لحبچ
أنة مو بيدي بَـس خذلتيني ما چنت متوقع يجي
هاذ ليوم
رهف : ميفيد لحچي بعد أني خلص تزوجت
وأنتة هم شوف حياتك وأختار زين لبنية لتناسبك
ولتحبك هواي وتحتويك
كرار : أحچيها لـ أخر مرة وهاي گدام لكل ولكل
شاهد أطلع كلب وناقص أذا تزوجت ، طفة كلشي
بعيني روحي مستثگلها
ضلو يحچون صار هدوء شوي ورجع أحتد
حچيهم واحد يشمر ع لاخ وكرار مثل لنار
ونافع يذب علي نفط أخر شي طلعو بعد
ما فلت روحة كرار وكلالة نافع چم بوكس
وركلة نتر كرار أيد أخو وراح للغرفة بسرعة
سمعنة صوت طبگة لباب ليمكن تفلش من لقوة
توجه نضري لـ أمة لگاعدة على لدچة ودموعة
تنزل بهدوء أخذت بطل لماي ورحت يمهة ثنيت
رجلي وگعدت صرت بمستواها خليت بيدي ماي
وغسلت وجهة لصاير دم
مصطفى : على كيفچ خالة أن شاء اللـه يهدء
أم كرار : ماضنة ماضنة يهدء هلكرار أذا ما
سوا بروحة شي ، راح كرار مو ذاك كرار لمتفح
نتهة ذبل وليدي مو لولي يجيلي يشكيلي يگلي
يمة ندعيلي يبرد گـلبي روحة مفرفحة ويومية
يجون هل مايخافون اللـه يحرگون بي لو يتعدون
هوا وياها يم لباب ولك قبل چم يوم سوو عرسهم
وصوت لـ أغاني ما نصة
أجالي نام بحضيني يشكيلي يگول يمة لـ أغاني
زرفت گـلبي فوگاها مدري ياهو دازلة فيديواتهم
يرگصون أنتهة بليلتهة گلت راح وليدي ما يعيش
حتة لنفس گوا يجرة
مصطفى : أخابرة أريد أحاچي ما يرد وأنة ما أدري
هيچ چان أجيت وطز بلشغل
أم كرار : حاچي خالة فدوة لعينك ما ياخذ من
أحد أنتة صويحبة بلكي ياخذ منك
مصطفى : تنهدت هاز راسي ، ميخالف أكيد
أحاچي ، ما توقعت منة هلردة فعل كرار لبارد
هيچ نفجر اللـه يساعدك لعد شگد ضام بگلبك
ضربت على رجلها حاچية : ولك حتة باچي
بچة بليلة عرسها مگابل لسجادة ويدعي ودموعة
تهل أنة أمة ما گدرت أحچي ويا شدعي عليكم
فرفحتو روح وليدي وحرگتو حرگ خليتو ـلا ليلة
ليل وـلا نهارة نهار حتة أكل ما ياكل
توا أريد أحچي وسمعنة صرخة أختة طفرنة
گايمين أنة وأمة بسرعة وأختة تصيح كرار تخبلت
گلت ـلا بَـس مسوي شي بنفسة ركضنة جوا صحت
عليها وينة أشرت على غرفتة وأيدها على حلگها
رحنة بسرعة دفرت لباب لگيت كرار طايح ويمة
علبة مال حبوب گعدت يمة بسرعة وسحبتة لحضني
أضرب على خدة تخبلت ما عرفت شنو أسوي عطت
بسرعة أريـد سويچ سيارة ماكو شلتة بسرعة ثگيل
بلگوة طلعتة برا صحت على دحام جيرانهم أجة
شلنة بسرعة وخلا بسيارتهم
مصطفى : أستعجل دحام أخيك بسرعة راح يروح
أجت أم كرار صعدت بسرعة نشلشنة شغل دحام
لسيارة وطار بينة طير حتة لسيارات ضلت توخر
من طريقنة ألة شوي نسوي حادث
دحام : خير شنو شبي
أم كرار : أيدة على حلگها وتضرب على رجلها :
بالع حبوب بالع أخ يايمة سودة علية
دحام : لتفت بسرعة ودار ، أي چان خليتو يتقيئ
- بعد ما عرفنة شنسوي
دحام : يلة وصلنة ما ضل شي أن شاء اللـه خير
وصلنة للمستشفى نزلنة بسرعة وخذو لغرفة
ألأنعاش فحصو وأجة دكتور سأل
- شنو نوع لدوة ألي أخذة ؟
لتفتت لـ أم كرار هزيت راسي بتساؤل طلعت
لعلبة من جوا لعباية وهية تبچي
أم كرار : هية هاي دكتور لشرب منة
أخذها قراها هز راسة ورجع نطاهيا وراح
بقينة برة سوولة غسيل مُعدة ـلأن شوي طول
وسألو عن لسبب وليش ماخذ هلگد دوة
طلعت برا أجيب ماي توا أريـد أروح وأجة دحام
بتجاهي بيدة 3 بطالة ماي
مصطفى : فدوة أروحلك مشكور على هلوگفة
يلطيب
دحام : على راسي أحنة خوان وجيران وحق
لجار هلجار هليوم أنة أوگف عگبة أنتم
مصطفى : سالم راسك حبيبي صحيح
نطاني لماي ومشينة يم أم كرار نطيناها
بطل ، أباوع لدحام گوا واگف ولازم ضهرة
ـلأن بَـس أجة من لشغل أجة ويانة گبل
مصطفى : دحام حبيبي تگدر تروح واللـه
ماعدنة شي وهاي أنة هنا أذا أحتاج شي أخابرك
دحام : شعندي أنة قابل كلشي ماعندي وأنتة
بحدك هنانا خليني
- ما عليك زود معدل ، شوف شصار بيك
واضح عليك تعبان روح رتاح شوية عاد
ضلينة نلح علي أنة وأم كرار يلة قبل وراح
وكرار ـلازم يضل 72 ساعة ـلأن غسلو مُعدتة
دگ جهازي رفعتة أشوف منو لگيتها أمي رحت
على صفحة سدتة رجعت أتصلت عليها
مصطفى : ألـو ها يمة
- هلا وليدي شنو يمة وينك مو علساس نروح
مصطفى : وين أنة بلمستشفى
- صخام لصخمني شنو يمة شبيك شعندك
بلمستشفى
أسمع صوت بيبي تسئل بيها
- وين على كيفچن كلشي مابية بَـس
جبت صاحبي كرار وباقي يمة
- ها اللـه يگومة بلسلامة دير بالك على
روحك يمة
- صار ، يلة باي بعدين أحاچيچ
- اللـه وياك
سديت لتصال منهة ورجعت شوي وأجة
عم كرار بَـس واحد ـلأن لثاني مريض وجاي
ويا ولد عمام ثنينهم
عم كرار : شنو وين كرير شبي خوما بي شي
- سوولة غسيل معدة
- شلونة شلون صار وينة هوا
- بلغرفة
ضلو شوي وأجاهم أتصال مادري شبيهم نخبصو
گتلهم تگدرون تروح أنة هنا يمة
لليل وأجة دحام للمُستشفى وشايل بيدة
علاگة جايب بيها لفات وببسي نطانياهن
تشكرنة منة
- ما أنسالك وگفتك يلمعدل
- على راسي كرار أخوي أوگفاتة هواي يستاهل
أوگفلة
.. طلع كرار من لمستشفى ورجعنة للبيت أجو
عمامة وعوايلهم دخلت يمة بلغرفة أنة ويا أحاچي
ـلأن ليوم نرجع لبغداد
مصطفى : صدگ چذب خوية هيچ تسوي تريد
تكتل روحك چا أنتة ما فكرت بأمك وأختك قبل
ـلا تسوي هيچ بروحك نفرض أنة ما جاي وأخوك
ماموجود وما لگيت أحد چان شصار بيك
كرار : أحن من حضنة أمك وأنتة بلتابوت
مصطفى : أسـم اللـه عليك كرار بطل هل تفكير
مو كافي عيش لروحك بعدك شاب شوف حياتك
من يمتة وأنتة هيچ ضعيف
كرار : من عافتني ، چان حچيهة مصدر قوتي
مصطفى : أنساها
كرار : ما تحسون بية كلكم نفس لحچاية ، ولك أتعب من أريد أنسة أصلاً شنسة وهية بكلشي وياي چانت وهسة بكلشي تذكــرني
مصطفى : كرار أخيك كافي دمرت روحك ياخي تولي عوفهة ميت بنية غيرها أكو شسوي بعد أذا عدها غيرك مكفي تولي أروحلك فدوة
كرار : حچة بخنگة ، تعبتني يلة خذيتها
أذتني هواي أذتني
دمعن عيونة رفع أيدة بسرعة قبل ـلا
تنزل لدمعة مسحها
- أبچي وريح عيونك
- مايفيد
- مرات لدمع يشفي
باوعلي ضحك بستهزاء ودار راسة : چان
شفاني
ضليت بلنص ساعة أحچي ويا بَـس وـلا چني
أحچي وجهازي ما بطل كل شوي وتتصل أمي
گمت من مكاني حضنتة وصيتة على نفسة
وطلعت سلمت على أمة وطلعت رجعت لبيت
جدي سبحت بسرعة وغيرت ملابسي وطلعت
شفت لسيارة شغلتها خليتها شوي تحمة ودخلت
جبت لجنط صعدتهن طلعت أمي شوي وأجت
ريم لابسة أحمر حاضنة نور تودعها أجت وگفت
يمي مغمضة عينها وأيدها فوگها تقربت يمها
همستلها
مصطفى : أخرب وادهرب عل أحمر
ريم : حچت وهية مبتسمة : شلونك !
مصطفى : توني صرت زين
ريم : چا دومك
مصطفى : ههههه أبوس ليگول چا
مشينة للسيارة فتحت لباب صعدت هية
وأمي رحت ودعت عمامي وجدي بقيت
واگف أنتضر نور شوية وأجت مبتسمة
وعيونهة مغورگة تريد تبچي
أجت حضنتني وسلمت علي لتفتت باوعت
لمحمد ورجعت باوعتلي وگالت : أخذني وياكم
محمد : شلچ بيهم مو حلوين
مصطفى : ـلا بربك أنتة لمو حلو
نور : راح تشتاقلي مو
مصطفى : أكيد طبعاً أشتاقلچ ، أجيلچ ومحمد
هم يجيبچ ألنة مو محمد
محمد : أي تدلل
مصطفى : غصباً عليك
شوي ونفتح باب لطرمة دخل أيسر أجة بتجاهنة
حچة مستغرب
أيسر : ها شنو راح ترحون
مصطفى : أكيد چا شنو بعد ماخذين أقامة
أم أيسر : للحمام گبل يلة باع ملابسك كلك
شعر
أيسر : يعني شغلتوني بمحل حلاقة شتردين
أجيلچ كلني ورد أكيد كلني شعر
له تعبت شايل مكينة ومگص شوكت اشيل
جنطتي وأسافر
كاظم : يريد يسافر هوا ، هوا أنتة حياتك
خربانة عود تحليها بلسفر
أيسر : حياتي خربانة بس مزاجي حلو
سلمت عليهم ورحت للسيارة أجة كاظم ورضا
فتحو لباب طلعت لسيارة ونطلقنة لبغداد
مر لطريق هدوء طبگنة يم مطعم ونزلنة
تعشينة واگفين يم لمطعم ولد عيونهم على
ريم وگفت بلجهة ليمهة وأخذت أيدها لزمتهة
باوعت لـ أيدينة مستغربة ورفعت راسها باوعتلي
وبتسمت
دخلنة للمطعم نزلنة أكل أكلنة وغسلنة ودفعنة
لحساب وطلعنة ، دخلنة لمحل يم لمطعم جبت
ماي وحلويات ورجعت للسيارة خليتهن ورا وصعدت
مر لطريق ألى أن دخلنة لبغداد وصلنة للبيت
لوقت متأخر گلت لمؤيـد ريم تبات هنا باچر
يجي ياخذها
نزلت لجنطة وگبل رحت للغرفة بدلت وشمرت
نفسي على لچرباية ونمت
********************
ريم ::-
گعدت من لنوم لعصر غسلت وبدلت وطلعت من
لغرفة لگيت خالة أم مصطفى تحضر بلغدة
جايب مصطفى جاهز خليتة على لطاولة
وصحت على مصطفى گعدنة تغدينة
وكملنة گمت بسرعة رحت للغرفة لبست لبدلة
وخليت حمرة لبست لحذاء توني أرش عطر
وندگ باب لغرفة صحت أدخل فتحة مصطفى
وهوا مبدل باوعلي نزع نضارتة لشمسية وباعولي
من فوگ ليجوة وحچة مبتسم
مصطفى : يـلا كبدبد أبوچ راح يجي هوا لياخذچ
هزيت راسي وهوا أخذ لجنطة أخذت فوني
وطلعت وسديت باب لغرفة
ريم : لعد أنتة وين رايـح ؟
مصطفى : أشوف صديقي أتصل علي بلكوفي
- ها ، شوي وسمعنة صوت لهورن سلمت على
خالة بدور سحبني مصطفى بسرعة حضني
وباسني براسي
مصطفى : ها حضنة لوداعية أن شاء اللـه لحضنة
لثانية وأنتِ مرتي رسمياً
ضحكت وطلعنة شفت أبـوي توا نازل من
سيارتة أجة يمشي بتجاهنة ولبتسامة مرسومة
على وجهة هوا وقاطة وكشختة ونضارتة
وصل قريب فتح أيدة تقربت منة حضني
بقوة وباسني براسي بتعد نزع نضارتة يباوع
بعيوني
مؤيـد : شلونهة روح أبوها
ريم : زينة أنتة شلونك
مؤيـد : زين بَـس مشتاقلچ
رجع سحبني مشدد حضنتة بتعدت أباوع
لمصطفى يباوعلنة ويمسح على لحيتة
مؤيـد : ليوم مطقمين نضارات وقاط
مصطفى : هههه صدفة حلوة
تسالمو ومشينة للسيارة ومصطفى راح
لسيارتة شغل أبـوي لسيارة ونطلقنة
مؤيـد : تردين شي حلويات
ريم : أي من هاي لـ أسواق لمناك
هز راسة وصلنة يم لـ أسواق نزلنة دخلنة
للسواق گام لرجال لگاعد بيها ضل يسلم
على أبـوي ويحچي ويا
- هلا واللـه زارتنة لبركة تفضل لمحل محلك
مؤيـد : تسلم يا غالي ، أشرلي وگال : يلة
بابا أخذي لتردي
رحت على لرف أخذت ككو وگهوا ونساتل
لميتلي أشياء هواي وخليتهن على لميز طلع
بابا محفضتة وأخذ خمسة وعشرين نطاهن
للرجال
- خليهن علية
- ـلا تسلم على باب اللـه أنتة ،
أخذهن راد يرجعلة لباقي أشرلة وگال خليها
ضل يشكر منة گال أبـوي اللـه يرزقك وطلعنة
من لـ أسواق
مؤيـد : بعد بابا ما رايدة شي
هزيت راسي بـ ـلا
مؤيـد : نروح نتمشة لـو ما بيچ ؟
- ـلا خليها غير مرة
- ها كيفچ حبيبتي
وصلنة يم لبيت طبگ لسيارة قريب على لبيت
ونزلنة أباوع للبيت محاوطينة حماية
ريم : بابا ليش واگفين يم لبيت ؟
مؤيـد : حراسة بنيتي
هزيت راسي لزم أيدي تعدينة من يمهم
سوولة تحية وبيهم سلمو علي فتحو لباب
ودخلنة لتفتت مشينة
صارو گبالي شمس وحيدر نزلن عيوني على
أيديهم وگفت وأني أشوفهم لازمين أيد بأيد
أصابيعي وحدهن گامن يوجعني
گامو من مكانهم چانو گاعدين على لگعدة
تصير سقيفة وكراسي وطاولة ، وگفنة يمهم
عاف أبـوي أيدي ومداهة لحيدر تسالمـو وضلو
يحچون أباوع لـ أمي ولـ شمس ولوجين يباوعلي
ويضحكن
حيدر : شـلونچ ريم
هزيت راسي وحچيت بثگل : كلش زينة
حيدر : أمبين
شمس : حچت وهية مخلية أيديها على
بطنها : شنو ماكو مبروك حتصيرين خالة
ستغربت كلش هاي شبسرعة : مبروك وأن شاء اللـه
تجيبين بلسلامة وتصيرين أحلة أم
شمس : أوي فدوة
لزمتني لوجين من أيدي وتقربت هامسة بذاني
- أدري بيچ مستغربة وتگولين شمسرع حبلت
أني أگلچ ـلأن نايم وياها قبل
نداريت ألها بسرعة حچيت وأني أحاول أخفي
صدمتي : ها ها ، اللـه يديمهم بلمبارك عليهم
يوم لثاني ولثالث أن شاء اللـه
أباوع بعيونهن نضرة أنتصار عبالك محررات
لقدس ترخصت منهم ورحت دخلت جوا بوجهي
للغرفة فتحت لباب دخلت وسديتة خليت لحنطة
على صفحة أخذت لجهاز ونزعت لحذاء برجلي
وگبل تمددت على لچرباية فتحت لجهاز لگيت
رسالة من نور
نور : شتاقيتلچ حيوانة💔
ومن مصطفى هم كاتب : شتاقيتلچ
دزيت ضحكة وكتبت : شجاكم ولد بدور
هواي تشتاقون
مصطفى : شنسوي ياعيني غير أنتِ
ماينشبع منچ
حچيت وياهم شوي وعفت لجهاز وگمت
أسبح دريد أگوم ندگ لباب صحت منو محد حچة أخذ 3 ثواني ونفتح نفتح لباب متت خوف ومنو طلع حيدر
ضليت أحچي
- أطلع شعندك بغرفتي هسة تجي شمس وتسويلي هوسة
أحچي ويا وهوا سارح صافن علي وعيونة تلمع خليت أيدي على صدرة وأدفع بي بخفة وأگلة أطلع بس ـلا حياة لمن تُنادي
ذبلن عيونة وحچة بصوت مبحوح : مشتاقلچ
بقيت ساكتة بتعدت عنة ورجع گال
حيدر : سمعت راح تتزوجين ؟
أبتسمت وهزيت راسي بـ أي
حيدر : هيچ بسرعـة تتناسيني وتزوجين وطبيعي ؟
ريم : أكيد ليش هاذ مو شي طبيعي عندك ؟
حيدر : بعدني أحبچ ترا
ريم : كونك تحبني صدگ ما ضيعتني چان حتويتني چان كتفيت بية ، وچان وچان وچان هواي بَـس أنتة عينك ما تنملي تبقة فارغة
حيدر : صدگيني متت وراچ
ريم : أصدگك؟ هه لمشكلك لميت ميگلك متت
حيدر : بلي أني أگلچ ، أيامي فاهية بلياچ ريم
كلنة مشتاقيلچ حتة حسين دوم يجي يلومني
ويحچي علي وأهلي أهلي كلهم مشتاقيلچ
ريم : مشتاقلي ؟ چا من چنت يمك وين چان
هاذ حچيك مو چنت گاضيها طلعات وطبات
وسهرات لك حتة سـؤال ما چنت أسئلك وين
رحت وين أجيت
ليش ما گتلي فترة وتملني ؟ زين ليش وهمتني بحبك من لبداية يوم أريدچ يوم ـلا كسرتني مثل لعبة عد طفل
- تقدم لزم أيدي نترت أيدي منة وبتعدت
حيدر : ليش هيچ تسوين ريم بَـس فهميني بَـس هل مرة
ريم : حيدر روح گتلك ميفيد بعد هل حچي چان ماعندي غيرك هسة عندي
حيدر : هيچ صارت ها ؟ هيچ گلبچ قاسي وما
يحن ذرة ?
ريم : لو أگدر چان وصفتلك قساوتة بَـس
للأسف ما أگدر
زين بعديش وبيا عين جاي وتحچي وتگول
مشتاقلچ بعد ما خنتني أو وي منو وي أختي ؟
شتريد مثلاً أستقبلك بل أحضان ؟ أحضنك
وأگلك هل بلي مخيب ضنوني ،
چنت عايفني مثل تربة بغرفة لملحد أهلك
يحاسبوك على طلعاتك لمتتالية وتجي تزعل
مني أني
وهاذ كلة وچنت خايفة أخسرك خايفة أخسرك ـلأن چنت لوحيد لـ أگول زين ورايدني وخايف علي وحابني ، سكتت ثواني ورجعت گتلة ، أمداية شگد غشيمة
چنن أسامحك على أغلاطك وأني لـ أجيك وياما ياما تضل أيام ما تجي وعادي وميخالف ، أهمالك ، عدم أهتمامك ، كنسلتك ، وكلشي ذن كلهن تغطي عليهن خيانتك
خليت عيني بعينة سرعان ما نزلت دمعة منها
مسحها بچف أيدة وگال
حيدر : تعبان بلياچ اللـه يشهد
ريم : چذاب
يلة غلطة بغلطة لمهم صارت وفضت وهسة
أشوفك وية غيري وما أغار ، بعدين شلك
بسالفتي رحت أني صرت ماضي مو أنتة
لردت شمس هاي هسة أنتم سوا وجايكم
طفل بلطريق على شنو جاي تحچي وهسة
تجيك وتسوي هوسة ودوخة راس
حيدر : هيچ تناسيتي لعشرة ؟
ريم : ألعشرة حُب وتعب
حيدر : خسرتيني
ريم : هوا شباقيلي حتة أني أخسرة
يتبع…
تصويتاتچن گــلبي ، كتبت أكثر بَـس نطفت
لكهرباء وما حفظتة
أحبچن🤎.