مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
5000 كلمه
أضمڪ عن ؏ـيونﭑلناس
- مثل ﭑلغيمۿ من تضم ڪمࢪۿا 🤍🫀،
..........
نوارس
ام شهد: عليك الله خاله تعال اكعد خل احجي وياك
ماقبل يكعد ويعونه حمرر يباوع عليه ويباوع علئ مرت خالي
اكرم: احجي خاله اسمعج وانا واكف
سحبته كوه يمها كعدت بعيد عليه
ام شهد :خاله هيه موافقه بس تخاف
اكرم: خاله شنووو تخاااف جاي تكول جبروني ماااريدك ماااريدك شنوووو انا طفل
ام شهد: صوتك فدوه روحلك الناس بعدها كلها هناا
اكرم: انا رايح وماراح احجي هسه حته لااهلي ماكول
بس باجر انا جايكم لاابو شهد ويصير خير
وطلع يهف بسرعه
ام شهد: فلك الصابج ان شاء الله هسه اكعدي واسكتي يبربو....
بعدها تحجي واجت امه وخالته ام مرتضئ
ام اكرم : شنو شبيه اكرم
ام شهد: مو نوارس تستحي وخايفه منه وصلت تبجي واجه صاحلي حاجيتها
ام مرتضئ: ياخاله بعد هوه صار رجلج لاتستحين منه
كالن يله تعالن تعشن
مسحت عيوني بلحمام وعدلت شعري ووجهي وطلعت كعدت وياهن بس احس الاكل حنضل يفوت لبلعومي
وهنه يصيحن اكلي واكلي
ماعولت يخلص ونرجع صدك ربع ساعه واجه خالي غراض الصالون والبدله ام اكرم ترجعهن وياها بدلنه ولمينه غراضنه ورجعنه
رجعت كبل سبحت دموعي تجري ويا المي وانا اجر الرموش بكل قوتي زلغت عيوني العدسات ذبيتهن وانا هناك والاضافر كسرتهن اصابعي صارت حمر كملت وطلعت
ودموعي مانشفت نتضرت شويه تنشف مقدمة راسي وكمت توضيت وصليت كعدت اشكي لربي احس شويه الحرگه البصدري خفت لان جانت مشتعله نار وغصه ماتطلع
مادري مرت خالي كالت لخالي لاا كلمن فات لغرفته محد طلع
ثاني يوم مرت خالي كلساع توكف گلبي تجيني تكلي فتحتي باب علئ روحج وهسه يرجع يحجي عليه من وراج
خاف باقي بيه خيط امل تجي وتهشمه كالتلي انا ماكلت لخالج شكله وخالي طلع ماكلتله ابقه اكرم راح يجي
شويه ورجع خالي
كال خير اكرم شيريد يكلي انا جايكم اريدك بموضوع موضوعيش
مرته كالتله مادري
وجهي صار اصفر ورجليه بادت اجه اكرم دخلو جوه بلصاله انا بالغرفه كعدت وره الباب. واقره ايات كون خالي يتفهم وتفض علئ خير هيج وتخرب بدون خسارات وبتفاهم
صوتهم بلبدايه ناصي. ضل يعلئ شويه شويه كمت ختلت بلزوايه وغطيت نفسي بخوف ونسيت اقفل الباب واسمع صياحهم صار عالي
انفتح الباب وانا گلبي وگع من الخوف ودموعي تجري
ابو شهد: ويننننج ولجججج تعاي طلعي صل يدور عليه ولمحني واكرم ومرته يمه يحجون اجه عليه. رفع البطانيه مني
وجرني رفعني من شعري وانا صرخت شال القبق مال راسي كله
وضل يضرب بيه واكرم يفك بيه ويصيح
ابو شهد: ادبسزز حيوانه منو جابرج موافقتي بارادتج تطلعيني موزين بت ال......... انعل ابوج لاابو الذبج عليه
ضربني علئ عيني حسيتها شتعلت وطفت وبعدها شتعلت بيها نااار
انا اصرخ جواه
والبنات يصيحن واكرم يفك بيه ويصيح
اكرم: مااااايصير هيج تضربهاااا لييييش وهيه مررررتي بأي حق تمد ايدك عليها هاي كدامي سويت بيها هيج
خاف جنت اريد افصخ الخطبه هسه. لاااااا وماعوفها هيج يمك عتبرها شهددد
خالي ضل يغلط عليه وطرده ومرت خالي كامت تبجي وتصيح
ورجع عليه رفسني ابطني ضليت ارافس من الوجع نگطع النفس اجت شهد تلزم بيه وضلت تصرخ كومني هيه ومرت خالي وانا صايره زرگه عوجن رأسي يله رجع النفس الي
انتهيت وتعبت شربني ماي وانا ضلت بس دموعي تنزل تعبانه من الالم سكن وجهي وجسمي تصلبت من الخارج بس عيوني تجري وانا فاتحه عيوني علئ السكف
بس الالم من داخلي ينهش بيه ويصرخ. كل ذره بجسمي توون طلعت مرت خالي يمه لان بعده يرعد وصوته صااار رعب اليه سديت اذاناتي حيل وارددد كافييي كاااافي
لليل انا علئ حطي ولاصلاه ولااحجي ثاني يوم الصبح
دخلت روان عليه وصرخت باوعت عليها وانا خايفه لحد يصرخ شبيكم لحد يأذيني بيبي وينج تعاي يمي يخوفون بيه تكورت علئ نفسي واصيح بيبي تعااي
طلعت بسرعه هيه راح صاحت لاامها واجت اجت ترفع برأسي تريد تشوف وجهي
ام شهد: هاا مابيها شي هسه تصير زينه كومي خل اغسلها الج بس بوجها خوف موطبيعي كمت بسرعه اريد اشوف شبيه وجهي
رحت للمرايه البغرفت البنات باوعت علئ وجهي وانا تخبلت عيني صايره كلها حمره دم مابيها بياض وطالعه ليبره وداير مدايرها كلها ازرگ علئ اسود
ضليت اصرخ بكل قوتي وهنه يلزمن بيه
خابرت عليه مرته ويكلها طبها مرض مااجي
ضليت ابجي متت وانا احس صفحة وجهي كلها خدرانه ماحس بيها ومغوشه
ضلت تبلل خاولي وتخليه علئ عيني ووجهي البنات شهد وروان مبدلات يردن يرحن للدوام
ندك الباب راحت شهد تفتحه واجت تركض
شهد: يمه لحكي اجو بيت خالتي ام اكرم
ام شهد:صخام الصخمني بسرعه تعاي كعدي يم نوارس لاتخلينها تطلع تعاي روان يمي
سدت الباب وطلعت انا تعبت من البجي والصريخ ضليت نايمه وايدي علئ وجهي. وشهد كاعده يمي
اسمعهم يحجون فاتت ام اكرم وشافتني لطمت علئ خدها واجت رفعتني من الگاع
ام اكرم: خيه شمسوي بالبت هوه هيج شنو يتعارك ويا رجال هسه بله عينها هاي طفت حقه اكرم هيج سوه انا لمته ومارضيت عليه بس شلون تردينه مسوي بيها هيج ويسكت
ام شهد: شسويله ماتدرين بيه هوه شلون عصبي ماتذكرين شلون جان يكتلني يوصلني للموت
ام اكرم: خذتوها للمستشفئ دكتور
ام شهد: لاخابرته وماقبل كام يصيح وسديته
ام اكرم: هذا موحجي شلون بالله هسه شكول لااكرم وانا كتله لاتكول لاابوك بيني وبينك وباجر الصبح نروح انا وياك ونحاجيه
طلعن بره يحجن
رجعت نمت غمضت عيوني حيل ستوه بديت اغفه ونمدت علئ وجهي أدين رفعتني
فتحت عيوني اكرم باوع بوجهي
اكرم: ليييييش هيج خاااله ليش رگع الباب مال غرفه برجله
ام اكرم: يمه استهدي بلرحمن علئ كيفك مابيها شي
اكرم: يامابيها شي يمه شوفي شلون مشوه وجهااا شنووو ماكو رحمه بگلبه
اكرم: بدللها خل اخذها للمستشفئ
ام شهد: لاا اكرم ماراح يكولون شبيها. منو ضاربهاا
وعلاء يگلب الدنيا
اكرم ضل يصيح كوه كعدنه امه وخالته يحاجن بيه وهوه يباوعلي وعيونه حمرر انا كانو جماد كاعده وأديه بحضني وشعري نازل مكفش كله من الجرر مال خالي
اكرم: خل اروح اجيبلهه علاج واجي.
راح ضل فتره واجه جايب قطره ومرهم ووياهن علاكه خلاهم وكعد يمي البنات راحن لدواماتهن ام اكرم ومرت خالي من كعد يمي طلعن وسدن الباب نومني علئ رجله وكمت فازه
اكرم: بس خل اخليلج شوفي عيونج شصاير شبيها
احس غصه بصوته كانو يريد يبجي ماريد شفقه بعيون احد
نمت علئ المخده موعلئ رجله
فتح القطره لزم عيني يفتحهاا
نوارس: اخخخخخ
اكرم: اسف اسف اذيتج يله علئ كيفي
لزم عيني علئ كيف ونزيت من وگعت بعيني
وبعدها دهن المكان داير مداير عيني بلمرهم
باوع علئ ايدي يم المعصم صاير ازرك خلاله هم اكو جروح بجسمي داخل الملابس
اكرم: هاي خلي شهد تخليلج بليوم 3مرات وتدهنلج
ماحاجيته
قبل لايطلع حجه
اكرم: نوارس انا ماعوفج خاصه يم خالج سمعت عنهم مأذيج بس ماتوقعت هيج. فااسكتي لايأذيج اكثر انا راح اكون سندج وامانج لاتخافين
نوارس: مااااريد احد اناا ماريدكم كلكم اكرهكم
خله وطلع من طلع شفت العلاكه بيها حلويات وعصاير ومخلي 25
وره ثلث ايام جاي ابوه واخوه الجبير حاجو خالي وخالي كال لخاطر ابوك الاانا حلفت مالك مره يمي
ضليت كاتمه القهر وساكته والغرفه ماطلع منها وهنه هم عتمدن علئ نفسهن مكامن يطلبن مني شغل من اجوع اطلع اسويلي لفه وارجع للغرفه مگابله اربع حيطان مثل السجين هم السجين جوز عنده احده يخابره يحجي وياه احد من اهله يجيه
مرت شهرين وعيني صارت زينه وجروحي طابت
اتصلت ام اكرم
كالت لمرت خالي نبدي نجهز
ماقبلت اروح رحت بس مرتين وكوه ملحه من مرت خالي. تكول عيب من اختي وهيه تروح ويانه ومرات يرحن شهد وامها وانا اضل ماروح
شهد هيه ذوقها حلو كلهن هنه ذوقهن حلوو
جان يجن يشوفني ياهن اخذهن وشمرهن بلكنتور بعدين كم مايكفي خليتهن بجنط تقريبا كمل كلشي
مره كاعده واجت مرت خالي نطتني تلفون كالت اكرم يريد يحجي وياج اخذته منهاا
نوارس: الو
اكرم: هلا شلونج نوارس
نوارس: ززينه
اكرم: عينج شلون صارت
نوارس: زيننه
مامشتهيه حته احجي وياه ماعرف شلون راح انجمع وياه كارهته وكارها الدنيا كلها سمعته يتأفف من ردودي
اكرم: باجر نروح نشتري الغرفه وكلت ترحين وياي تختارينها
نوارس: لااا ماريد اختارر
اكرم: هاا براحتج خير ان شاء الله يله مع السلامه
سديته كبل بلا مارد عليه وكمت وديت التلفون
اسبوع وهمه كملو شغلاتهم وترتيباتهم انا اسمعهن يسولفن لو من البنات والبنات مكيفاات ويحضرن
قررو العرس الخميس واليوم ثنين اخذني لنفس الصالون نحجز صالون والبدله ختاريتها وانا مثل الميته اليحركون بيها مناا ومناا
شهد كالت خل نسوي حنه ماقبلت شكد لحن كلتلهن سون لوحدجن ماطلع انا
صفطنه غراضي بلجنط انا والبنات واخذنهن هنه يرتبنهن
قبل العرس بيومين اجت شهد جايبه بيدها شيرره
نوارس: شنووو هااي
شهد: شنو تردين تضلين هيج انتي مووعروس كلشي مااا ولاااا شنو زغيرونه يله خل اسويلج نريد نروح للسوك بسرعه
نوارس: وخري ماريدد
شهد: نوارس كافي راح اكول لاامي ولله وخليها هيه تجيج
سكتت وبدت تسويلي وانا كلساع اصيح
كملت جسمي وعلباتي هم
شهد: خل اسويلج من جو........
نوارس: شنووو لا ولله وخري كافي
شهد: لعد انتي كومي سوي
ثاني يوم الحنه مالتهم هناك صارت لان انا ماقبلت اسوي حنه
وبس انا وخالي بلبيت ضليت بغرفتي وانا اناشغ وكلبي يوجعني مادري شمنتضرني من المجهول
غفيت من تعب البجي والقهرر
ثاني يوم الصبح كعدتني شهد
ماقبلت اتريك سبحت وبدلت شهد سوتلي مكياج خفيف كالت عيونج مورمه
حضرنه غراضنه وكعدنه ننتضر. ب9 اجو ام اكرم وابنها الثاني غيث
اخذونه للصالون وبدت حفتلي وماقبلت لان سابحه ضلت تفيرلي هواي وتسحب بيه كالت شعرج طويل وثخين ماينشف بسهوله لازم تسبحين من اليل
ام اكرم رجعت وب 12اجن ضحئ ومنئ جايبات وياهن غده
من شفتهن شويه رتاحيت واحب كلام ضحئ كعدت يم تضحكني وتهدي بيه كلش عاقله وراشده كلامها يطمن
جان هذا كله بس حفافه وسحب شعر كلشي ممسويات واذن وصليت وهنه بعدهن تغدينه البنات جبرني كوه اكل
منئ تغمز وتصيح: اكلي اكلي وراج مغامرات هواي شدي حيلج اليوم
ابد مااريد اسمع هذا الكلام اصلا شايله كلشي من بالي
وهنه يضحكن وضحئ تضربهه
ضحئ:انجبي ولج صوفرتي البنيه خليها تاكل
وره الغده البنات بقن هم يردن يسون مكياج والزفه من الصالون كالن فد مره كلش اقتنعت بهذا الخبر لانو ابد ماريد شخص مثل خالي عود يابه سندي ويسلمني اله
هوه انا يمته صارلي اب وعشت الاحساس حته انته تصير مثل ابويه
بدن بيه ولبست البدله وسوتلي تسريحه طلعت احلا من الخطوبه بهواي
البنات تعجبن عليه وهم اخذتلي صور كملت وكعدت خايفه وبأي لحضه ابجي البنات بدن بيهن صارت ساعه 4ونص
وضلو يتصلون يله الزفه تريد تجي تأخرتو
كللهم خلصنه
اجت الزفه وصعدن ام اكرم وخالاته يهلهلن نزلني والبرنص عليه كلشي ماشوف رحنه اخذنه صور وانا أديه ترجف وهوه يلزمها حيل حته لاارجف وهاي المصوره جلبت شگد سبيتها بداخلي
بوسها الزم خصرها الزم اديها سوتلنه لقطه هوه كاعد علئ الكرسي ووجها الي وضهرها للمصوره وانا احضنه. ودنك عليه واسوي شكل قلب علئ ضهره صار صدري بوجها وانفاسه تلفح بيه كلساع اخربها لحد ماهوه كلها تولي هاي
اخذتلي لوحدي ثنين الصوره الثانيه نزلتي بيها دمعتي سحبت البرنص بسرعه لبسته وهوه ساعدني نطلع واتلگني وياه امه وخالته
صعدنه بالسياره واخوه يسوق وابوه كاعد يمه وسولنه زفه طويله
انا كلساع تنزل دمعتي وامسحها بسرعه
وصلنه لبيتهم واسمع هواي اصوات نزلوني وذبح اخوه يم رجلي خروف. وانا خايفه راجعه ليوره دخلت والنسوان يصيحن
طبت يلزهره تلكيها كعدني ذبن مني البرنص وشغلن الديجي كامن يرگصن شويه وكام هوه بقيت بس انا كومتني منئ ماقبلت لزمتني كوه ضلت تركص بيه سون عليه دائره ابتسمتلهن اخاف لاتوگع دموعي علئ خدي
ردت ارجع كعدني
وهنه بقن للمغرب وطفنه صار الاذان وكلساع يجن يباركلي من الناس اقربائهم وشفت بنات ماشايفتهن كالت شهد ذن بنات عمه. قرايبهم حسبالهم انا بت خالته
صبو عشا واجت ام اكرم ومرت خالي كومني للغرفه صعدني فوك
ام اكرم: دخلي برجلج اليمنه وسمي بأاسم الله
سميت ودخلت الغرفه كلش حلوه لونها ابيض وكريمي جبيره وعلئ النزله مكتوب حرفي وحرفه مخيط بااحمر ورد مبين طالبينها طلب للعرس ومفروش فراش بلگاع
عليه جرجف
كعدت علئ الجربايه وام اكرم ومرت خالي يوصن بيه ولاتخافين وهيه سهله وانا ميته سحت من الخجل
وبس اهز برأسي
طلعن وكالت راح اصيح لوحده من البنات يمج بين مانزف العريس
شويه واجن يمي منئ وضحئ. هم كعدن يطمنن بيه كلتلهن اريد اصلي متوضيه انا
ضحئ لبستني الازار فوك التسريحه والبدله صليت بصعوبه من وره البدله
كملت وكعدت قريت شويه من القران
اكو ثلاجه بلغرفه منئ طلعت منها عصير
منئ: هاج اشربي شويه يهدي الاعصاب
شربت منه شويه واجت بنيه ماعرفها كالت راح انزف العريس البنات طلعن علئ السريع وانا كمت ارجف
اريد اكوم واهج هسه اريد اصررررخ انا قبل الزواج دعيت ربي يطلع سامر كلش من كلبي ومن حياتي حرام عليه افكر بيه لو جنت مااريد اكرم اصلا الحياة ميته بعيني
بعد ماريد شخص واحد بضهري محد الي انا غير الله
سمعت صوت هوسات قريبه انا مدنگه. كلش راسي بحضني
سمعت صوت الباب نسد نزع حذائه يم الباب
واجه خياله با اتجاهي. كعد يمي ورفع رأسي باسني من كصتي وانا بتعدي منه
اكرم: نوارس انا من يوم الشفتج دخلتي گلبي واستوطنتي بيه وامتلكتي جميع احشائي اخذتي موجزء لا اخذتي كل اجزأي حبيتج حب ماتصورين وانا اول مره اجرب هذا الاحساس والشعور دقيقه ماتغيبين عن بالي
وجنت طاير من الفرحه من خطبتج بس مثل الي جاي يطير بلسماء وفجئ وكع للارض وتكسر هيج انا من سمعت رفضج الي نوارس اوعدج وعد ولله وبالله مابيوم راح اخذلج وراح ادايرج بمي عيوني واذا فد يوم غلطت بحقج وأذيتج بيدج اريدج تعاقبيني خلينه نعيش حياتنه واعيش وياج احلا ايام حياتي بتحقق منالي بوجودج يمي انطيني فرصه
نوارس: لاتضغط عليه مااريدك اكرم مااحبك
اكرم: ليييش زين نطيني السبب شنو البيه اليخليج تكرهيني وتصديني شايفه شي عليه غلط سامعه
نوارس :لااا بس انا ماريدك
احجي وابتعد منا ليوره
اكرم: نوارس اكو احد بگلبج
توترت وماعرفت شحجي بسرعه كتله
نوارس: لاا بس انا ماريدك
اكرم: بس انا مااعوفج لخالج ولا لااي واحد يأذيج ومستعد انتضرج كل العمر شوكت ماتتقبليني المهم انتي يمي ومطمئن عليج خلي ذراعج عليه وانتجي بيه اكرم امانج وسترج وغطاج
ضليت ابجي اختنگت
اكرم: حبي الج ماراح يقل بيوم لوجنتي تكرهيني الف مره انا احبج ومستعد اضحي بعمري كله لااجل راحتج
بس نتفق من هسه اي كلمه بيني وبينج ماتطلع خارج الغرفه لكأن مايكون هاي اسرارنه احنه وبس ممنوع
واريدج تكونين طبيعيه وياي وكأي متزوجين كدام الناس واهلي
هزيتله برأسي
اكرم: صليتي
هم هزيتله رأسي كام هوه غسل وبدل وصله
اكرم: يله كومي انا راح انزل جوه شويه كومي غسلي وبدلي حته نتعشه
طلع وانا كمت نزعت البدله كوه وسبحت وانا دموعي تجري اخاف حجيه يطلع بس كلام هيج ويتبخر
ياربي فدوه اروحلك ريح بالي وطلع سامر من گلبي واطفي كل ناري واشفي جوارحي البگلبي وانسه كل المريت بيه
ربع ساعه واجه جايب العشه
اكرم: يله تعاي تعشي جنت جاي امشط لميت شعري وكعدت
اكل هوه حسيت نظراته عليه ماكدرت اكل اكله شويه وكامت
اكرم:يله اكلي زين
اكلت شويه ماشتهي وخليت الصينينه جانت مال مشويات بقت متروسه خليته علئ الميز
رجعت خليت البدله علئ صفحه هيه والتاج رتبتهن
هوه نايم علئ الجربايه وداير وجها مادري غافي لا
دنيت الفراش البلگاع بعيد عن الجربايه يم الكنتور وجان مابيه غطه بس دوشك والجرجف ومخده شلت الجرجف ونمت عليه
اكرم: ليش نمتي بلگاع
ماحاجيته
اكرم: كومي نامي علجربايه انا انام هناا
نوارس :لاانا اريد انام هناا
اكرم: كومي يله انا انام
مااريد احجي وياه اكثر مامتقبلته كمت علئ الجها الثانيه نمت وتغطيت سمعته فتح الكنتور باوعتله طلع بطانيه وطفئ الضوه وشغل اكو بلسقف كلوبات نوم ازرك شغل ثنين
ضلت الافكار تاكل بيه لحد مااداهمني النعاس من فرط التفكير وتعب العرس
ثاني يوم كعدت لكيته كاعد يدخن. ورأسه مرجيه علئ الكنتور ومغمض عيونه شعره مبلل مبين سابح باوعت علئ الساعه ب9ونص كمت بلا مااحجي وياه كلمه ولاصبحت عليه
من سمع حركتي التفتت عليه تخطيته ومشيت للحمام
سبحت ورجعت علئ ملابسي طلعت هوه بعده علئ كعدته فتحت الكنتور مال البارحه الي اخذت منها الدشداشه البستها مابيه الفستان فتحت الثاني وهوه كاعده بصفه لكيتهن بيه معلگات الفساتين وملابس الطلعه والنوم
اخذت الفستان مال صباحيه وملابس داخليه
ورحت بدلت وطلعت رتبت شعري وخليت عطرر ومكياج خفيف ولفيت الشال عدلت الجربايه وهوه كام وخله الدوشك والبطانيه بلكنتور
اكرم: كملتي
نوارس: اي
نزلنه سويه بعدنه بنهاية الدرج واجن هلهلن وبوسونه باركولنه وكامن يهوسن خالاته
حته مرت خالي والبنات بعدهم هنااا
مر شهرين علئ زواجنه وعقدنه عقد محكمه واحنه نفس الروتين هوه ينام بلگاع وانا علئ الجربايه وهوه يريد يسولف وياي بس انا ارد علئ كد السؤال كلمه لوكلمتين
وكدام اهله طبيعين اهله زينين ويايه امه وابوه واخوانه
ومرت ليث ايه تقاسمنه الشغل بيناتنه وخاله التطبخ
طلعنه وره زواجنه كلحنه للمنتزه واكرم مكيف بيه وبعيونه الحب بس موبيدي مااكدر
وبيت عمه عزمونه وعمه الثاني وخالاته قضينه شهركله عزايم حته بيت خالي بس كوه رحت ماقبلت
مره تعشينه وغسلت المواعين
كعدت يم خاله وخالي كاعدين يباوعون علئ التلفزيون وازهر كاعد يمهم يكبس اوراق
ازهر: نوارس انتي شمكمله دراسه
نوارس: امتحنت ثالث خارجي وردت امتحن سادس مانقبلت بسبب سنوات الانتضار
ازهر :اي صح لازم ماره علئ المرحله العمريه ثلاث سنوات
نوارس: اي
شويه واجه اكرم سلم وكعد
نوارس: اسويلك عشا
اكرم: لامتعشي
جان جايب بقلاوه وكنافه وعلاكه بقت يمه
اكرم: هاج خلي من هذن رحت للمطبخ وخليت بصحونه واخذته
ضلينه يمهم يسولفون ايه موهنا يم اهلها
صارت ب11
اكرم:اترخص انا غوالي تصبحون علئ خير
صعد هوه وانا غسلت الصحون الاكلنه بيهن وصعدت وراه
لبست تراك مال نوم استحي منه كلش. ولو صارت شي من ملابسي الداخليه كدامه اموت من الخجل
اكرم: تعاي اكعدي يمي احاجيج كعدت مسافه عن علئ الجربايه
اخذ العلاكه فتحها طلع من باكيت مال تلفون
اكرم: هذا الج ليش ضاله بلا تلفون وانا جانت رايحه من بالي هاي السالفه مانتبهت وهاي شريحه راح اركبها وطلع سماعات لونهم بنفسجي بيهن سنسله وفراشات كرستلاات يخبلن. وكفر بي فرو بنفسجي وابيض بيه علئ شكل بزونه تتمسك بلجهاز فرحت بداخلي بس مابينتله
اكرم: عجبج
نوارس: اي شكرا
اكرم: تدللين يابه كم نوروسه عدنه
دنكت وانا افرك بأديه عصرت الدم منهم من كد مافركتهم
خلاه علئ الشحن
اكرم: خلي ساعه يشحن
نوارس: اي
اكرم: محتاجه شي اجيبلج ياه شنو ناقصج
نوارس: لا ماناقصني
اكرم: ضايجه اطلعج باجر
نوارس: لاماضايجه متونسه ويا خاله
اكرم: عساها دوم يارب الجمعه من اكعد نطلع انا وياج
كام من الجربايه وانا شلت الغطه ونمت
اكرم: راح تنامين
نوارس: اي
اكرم: تمام نامي
ثاني يوم الصبح كعدني اكرم وهوه من يكعد مايكعدني انا افز من اشوفه يبدل مايخليني اسويله ريوك يكول اتريك بره بس انزل وراه
اكرم: صباح الخير كعدتج بس اريد اكلج هذا تلفونج فعلتلج واتساب وفايبر وخليت رقمي وارقام اهلي وبعد انتي بكيفج خلي منو تردين انا رايح كملي نومتج
كمت وراه نزلت
ومن رجعت صعدت مانمت ضليت اكلب بلتلفون فرحانه عاد اتونس بيه ضليت اگلب واباوع بيه باوعت علئ ساعه ب10 عزززه ولله لهاني خليت ونزلت
العصر اجو بيت اخت خالتي ام ضرغام وجان ضرغام هوه الجايبهم كلش اضوج منه واكرها سببلي رعب ماباوع بوجها مره وحده وره العرس سلم عليه
ومايجي يخاف خاف اكول لااكرم علئ الشفته وابد ماتخطيت الشفته عليهم هوه وشهد ورنده ونور
نور تزوجت وره زواجنه بعشر ايام بس مارحت
ضرغام: شلونج نوارس
نوارس: الحمدلله
عفته ومشيت للمطبخ هيج انسان مومال احترام اوو هذا مايتسمئ انسان لاحيوان حشه السامع لاانو اليسوي هيج بلا فهم حيوان شهواني
ماخلي يتعده حدوده وياي وبس يسويلي شي مااسكت واهدده
واجت مرت خالي والبنات وباقي خوات خالتي
اجتمعن مرت خالي بطلت معاملتها. ذيج الي واصلا انا مبتعده كل البعد عليهن هيه وبناتها وابد ماانسه الصار وماسامحهم
ضحاوي ومنئ وياي. بلمطبخ نسوي عشه ونسولف شهلاء ماجايه
منئ :نوارس اريد اروح لهذا الصالون اليمكم تكول ايه زين رايحتله
نوارس: اي حته ذاك اليوم وكالت ترحين وياي بس مارحت. اصدقاء اكرم اجو وراحت خالتي
منئ: لعد وره العشه نروح ضحئ ترحين ويانه
ضحئ: اي اروح وياجن
منئ: بس كون شلت المزعطه مايجلبن
كملنه العشه وتعشينه البنات كالن لاام مرتضئ. وبدلن
رحت اكول لخاله
نوارس: خاله راح اروح ويا البنات للصالون الرحتله انتي وايه
ام اكرم: اي يمه روحي بس كلتلي لرجلج
انا اصلا ناسيه وهوه اليوم خفاره يبات هناك
ام اكرم: هاج تلفوني دكي عليه كليله
نوارس: لاخاله اكرم جابلي تلفون هسه راح اخابرله صعدت
دخلت للفايبر اعرفله اكثر شي وطلعت اسمه هوه مسجله اكرم
اول رنه وجاوب بسرعه
اكرم: هلاا ولله احلا اتصال شلونج
نوارس: الحمدلله زينه
اكرم: شخباركم
نوارس: تمام اتصلت علمود اكلك راح اروح ويا ضحئ ومنئ هنه عدنه نروح للصالون هذا اليمنه
اكرم: اي روحي واخذي فلوس من كنتوري تلكين بلعلبه السوده تمام
نوارس:اي باي
اكرم: باي
كتله اي بس ماحاجه ماريد اخذ
انا عندي ال25النطاني ياها بلخطوبه ولاصارفه منها
اخذتها وياي خاف انحرج
بدلت ونزلت وصدك البنات كلها تريد تجي عاطت بيهن خاله كالت خل يرحن المتزوجات هسه
يكللها لحد ضحئ متزوجه
ضحئ: وانا بگدجن
هنه اكبر شي بيهن شهد ونور تزوجت وحوراء الباقيات كلها بعمر رنده وروان
خلينه ورحنه اخذتنه خالتي منئ تريد تحف وتكص شعرها تكول صبغته ذاك اليوم بس اهنا كصاتهن حلوه
شفت شعر بوجهي كلت خلي احف حفيت وضحئ اشترت كم شغله هم يبيعن مكياج وملابس نوم ومواد تجميليه
منئ:اكلج ليش ماتميشين علئ هذا صبغج يطلع يخبل
ضحئ: لاولله خلي شعرها هيج احسن يتكطع شيصير بيه
نوارس: اي صحيح وانا هم ماحب الشقارات مايلوكلي
منئ: عاد انتي بيضه
نوارس: بس شعري اسود حيل رموشي وحواجبي يصير فرق واضح
منئ :عود تميشهن الج هههههههه
ضحكنه اخذت شاور جسم عجبتني ريحته اسمه لوكس بنفسجي
بعدنه وتصلت ام مرتضئ علئ منئ بتها تبجي مصخنه احنه رجعنه
لكيت بيت خالي رايحين وبيت ام ضرغام اخذت ارقام البنات. اخر شي كلها راحت
بليل قبل لاانام راسلت مني اسئلها علئ بتها شلون صارت
دزيتهن واجت رسائل من اكرم
💬كاعده
💬اي راح انام
💬رحتي للصالون
💬اي رحنه
💬شنو سويتي
💬حفيت
💬بلعافيه
💬الله يعافيك
💬نوارس
💬هاا
💬لاماكو شي يله نامي
💬تمام تصبح علئ خير
💬وانتي بالف خير
راد مدري شنو يحجي وبطل
ثاني يوم اجت ايه من اهلها بس ضايجه وحته ويا ليث متحجي
خالتي سئلته كدامي شبيكم انا خليت وكمت عيب خصوصياتهم
ثاني يوم. جمعه جاي تطبخ وانا واگفه يمها ونزلو ليث وايه مبدلين طلعو
ام اكرم: يمه هسه يكلولها مابيج شي اصبري هسه دمر نفسها بلدويه هاي
نوارس: منيه ايه
ام اكرم: اي امس هم من عد اهلها رايده تروح وشلون ماقابل ليث. يروح وياها شفتيهم امس هسه صار 3سنين بس كلنالها الناس تضل سنين ومنين ولله خاله مايوم جرحناها بحجايه ولايوم كتلها ماكو شي بالطريق انا اكول موبيد بنادم هيه من الله وحته ليث يكلها شوكت ماالله يرزقنه بس هيه يوميه رايحه لهل دكاتره من وحده لوحده ولله راح تسكط روحها. من العلاجات والابر تكول
بت خالتي تزوجت وراي وصارو عدها ثنين
نوارس: خطيه يارب يرزقهم الذريه الصالحه بحق محمد وال محمد
ام اكرم: امين يمه وان شاءالله يوم الكم
ارتبكت وگصتي ضلت تكت عرك من كالتلي هيج
ساعه واجه اكرم سبح ونام ماتغده العصر من كعد
نزل وصبيتله غده رحت اسبح وبدلت خليت شويه مكياج
صعد وراي بيده كوب جاي
فتح كنتوره ودار عليه
اكرم: ليش مماخذه فلوس
نوارس: عندي 25النطيتني ياهم
اكرم: اخذي شكد ماتردين وشتحتاجين وماتكليلي كولي لاامي تجيبلج
هزيتله رأسي بابتسامه ونزلت اغسل مواعينه
وادعي ربي يزرع حبه بداخلي وابادله نفس الشعور
المغرب صلينه وكالي يله بدلي خل نطلع
لبست بنطرون وقميص مقفل احمر واسود جان موديله ستوه نازل اكو مال ولد وبنات
ورتبت شكلي فاجئني من طلع نفس القميص ولبسه صايت اباوع عليه
اكرم: هاا شلونه التنسيق الله عليج مطقمين سوه
نوارس: حلوو
اكرم: عيونج الحلوه
بعدت نظري عنه سويت روحي اجهز بنفسي كمل هوه ونزلنه
رحنه فترينه ودخلنه للمول فترينه جاي نمشي وخله ايده بأيدي
ماعرف اجتاحني احساس غريب گلبي ضل يدك سريع ماتضايقت منه بقت ايدي بايده وهوه فرحان
راد يشتريلي وماقبلت كتله عندي كومه بعدهن جدد
اخذلي دب لونه ابيض جبير يخبل خلاه النه الولد بغلاف وشالاه هوه
صعدنه فوك لطابق المطاعم
اكرم: خل نتعشه
نوارس: تمام
تعشينه ورجعنه للبيت مر اربع اشهر علئ زواجنه
شويه علاقتنه تحسنت يرجع يسولفلي علئ دوامه
لو علئ اصدقائه. ومواقف تضحك اضل اتجاوب وياه واضحك واسئله
بس من تصير صفنه بلموضوع ويسودنه الصمت
اتهرب بسرعه
مره جنت بلاعيمي وكلت لخالتي نطتني كبسولين شربت وماصرت زينه بليل قبل لاانام جسمي نمل كله واحس نار بعيوني ضليت اكح قوي هوه جان طالع نمت وفزيت علئ لمساته كاعد يمي يلزم بيه وجها كله خوف
اكرم: شبيج نوارس شيوجعج صايره ناار
اشرت علئ بلاعيمي ودموعي تنزل
اكرم: لاتبجين يابعد روحي كومي خل اخذج للمستشفئ
اشرتله براسي لااا
كام يدور علئ علاج اجه رفع رأسي وشربني
ضليت اغمض وافتح ونار بعيوني وانفاسي حااره جابت خاولي مبلله بمي بارد خلاه علئ گصتي وفزيت
اكرم: اسم الله خليه بس يسحب الحراره
سهر وياي للصبح ماغمضتله عين نمت وكعدت بلسبعه لكيته بعده كاعد يباوعلي ومخلي ايده علئ گصتي
نوارس: اكرم نام صرت زينه
اكرم: بس شويه يفتحن الصيدليات اجيبلج ابره لبلاعيمج
نوارس: لاولله صرت زينه نام
اكرم: عادي انام يمج
نوارس: اي نام
لمعت عيونه بفرح
ونام يمي غمضت عيوني ورجعت غفيت
ورده
عمي سئل شبيها تبجي
ام سلام: طفل أنفاس شلون ميبجي ياعيني انته ان شاء الله
هسه بس يدير بصدر امها حليب تشبع وتسكت
شكد خجلت من عمي عزه العزاني عمتي شهرتني
ثاني يوم الصبح اخذتني عمتي للحمام هيه و رواء سبحت
احس نفسي رتاحيت شويه
عمتي سبحت طيبه وبدلت ملابسها خلت لعيونها كحل وهيه كلبت الدنيا علينا بصريخ
والصوت شعلوه مالها
باسم بس يباوع عليها ومتعجب منها ومن صوتها
ويهمس يم اذني يكلي وديها لمها شبيها تبجي دوختنه
بتسمت وحضنته
ورده: لا انا امها هاي اختك حبيبي
عمه شوفي باسم شيحجي
بعد باسم وحجه هيج هجينا بيه هذا ليسال بيه هذا ليبوسه
هذا ليشيله هذا ليضحك هذا اليصور
باسم جان اله معزه غير شكل عد عماته وعمه واجداده يموتون عليه وهوه متعلق بيهم هواي
حته نوم ينام يمهم يكوم يبجي اذا صعدته يمنا بل غرفه يكول اريد يم انوشه علئ رواء
لو يم يامن عود سامر
سامر خذه وصعد لسلام حته يكله باسم شنو يكول
ام سامر: ولك يمه عوف اخوك يرتاح هناك مشلوع كلبه بلدوام. بس سامر صعد
ثاني يوم الصبح اجتنا ام رحيم هيه وجنتهه وجنتها وين جانت وين هسه جانت العصابه حداد ويا گصتها هسه كاشخه كلش ومكياج
وشكلها مرتب مو مثل قبل جانت كلش حزينه علئ زوجها
إنا عيني عليها وعلى رواء الي صارت مثل تراب من الحسره الي بداخلها
من خلال الحديث وعمتي سولفت سالفه مال باسم
وهنه كامن يضحكن
ام رحيم :خطيه يغار
ام سلام : وعمه طاير من الفوحه بيه اخذه وصعده فوك الابوه. حته يكله شيكول علئ اخته
وخيه ابوه تعبان سوده عليه ومن ينزل يكول يرادلي اسبوع مال نوم يله اعوض
زوجة رحيم بابتسامه: مثل رحيم خطيه
هم من يجي يكضيها بس نوم
إنا بس اباوع لشكل رواء الي تغير والدمعه بعيونها
رواء خلت وطلعت بسرعه ادري بيه كلبها ياذييها وماتتحمل
بقن ساعه تقريباً وراحن لهلهن
أم رحيم خلت بكماط طيبه عشره
تشكرت منها عمتي وكلتلها ان شاء الله بنفاس زوجة رحيم نردها
أم رحيم: خيه من حلكج الباب السماء ان شاء الله
راحت ام رحيم وزوجة ابنها
ورواء ختفت فوك وانا ماكدر وتعبانه اريد بس اشوفها لاتسوي بروحها شي
ضليت اغلي بعدين امها صاحت عليها تنزل نزلت وعيونها مبينات طاكات وحمر عمتي سئلتها كلتلها نزلت الفراش الفوك ودخلت حصوه بعيني مدري تراب
مرت الايام والتحق سلام
وطيبه شيبت رأسي ليل ونهار تبجي وانا مامتعوده على هيج باسم جان ابد ميبجي حته بليل ميكعد
هاي اليل كله كاعده وتبجي شلت احوالي
وكل البيت داخل إنذار منها
حته بليل عمي مينام من صوتها خطيه وهوه رجال جبير ومريض
اخذناها لدكتور فحوصات وتحاليل مابيها شي
بس ليش تبجي مانعرف
بقيت ١٠ ايام جوه نوب
ورده: عمه اريد اصعد بغرفتي
لان انتي مسلوبه راحتج وياي وعمي خطيه هناك
اروح بغرفتي احسن
هيه رفضت بس انا كتله لا عمه هناك بغرفتي ارتاح اكثر
لان اشوفها شلون متعذبه وياي وي الطفله خطيه تعبت
كالت بكيفج عمه
صحت الرواء وصعدنا السرير والأغراض فوك بغرفتي
رتبنا كلشي وكمت انام بغرفتي
اسمج يانومه لان الله يخلي طيبه متنام بعيونها ملح
والله خالقها بس بجي وصريخ يجيب التايهين
صارت اكبر أحلامي اناملي ساعه واريح جسمي
مرات مريم مرات رواء يجن يمي يساعدني شويه
لان يشوفني اتعب وحته بجي اكوم ابجي
صار عمرها ٢٠ يوم وانا احسب حساب للااربعين لان عمتي
كل شويه وكالت طفل أنفاس بس تخلص الاربعين تصير زينه
وإنا احس اليوم عليه بسنه
سلام اليوم نزوله وانا اي استعداد معندي اله ولا لستقباله
وصل بليل ميت تعب بس تعشى وصعد نام حته ملاعب باسم
كله بابا تعبان اريد انام صار ٣ايام مضايك النوم
إنا بقيت شويه يم عمتي الي بدلت وكمت طيبه وكالت رضعيها بلكي تنام شويه
ورده: عمه متنام تدرين بيها بعيونها ملح بهذلتني حسره عليه نومة اليل
ام سلام: هيه هاي جهال لعد حسبالج لعبه
مايصير راس اله يشيب راس
ورده: عمه موباسم صارر ولله هادئه حته ماتعبني
ام سلام: طفل عن طفل يختلف
مخليتها على رجليه وهز بيه وانا تعابير وجهي كله غضب
وتعب سهر ماكل عيوني وحالي صاير مبهذل
اخذتها وصعدت فوك دخلت على كيف لان سلام نايم خليتها بسريرها غطيته على كييف وانا ماخذه الحذر حته متكعد
رحت اشوف باسم الي صاير ينام بحضن رواء وميسأل عليه
دخلت لكيتهم متغطين سوه ويلعبون بتلفون
ورده: رواء فدوه بليل اخذيه للحمام
رواء: ايي اعرف يوميه هوه يكعدني وانا أخذه
باست خدوده : فدوه رحت لشطاره
مومثل هاي الشاذي الي نهار كله تعيط
ورده: هههههه اي ولله راح انام مدام هيه نامت
رحت دخلت لفراشي على كيف
حته اخذلي غفه قبل لاتكعد
هستوني خليت راسي وسلام مد ايده عليه ولزمني من خصري لزك على ضهري
تصلب كل جسمي وحجيت بملل
ورده: سلام اريد انام قبل لاتكعد طيبه
وتخليني الطم
سلام: حترك ابو طيبه ولج مشتاقلج ومشتاق لعضام ركبتج
عيني مااخذت نوم غير لمن ابوسهن وشمهن يله انام
بقيت دايره ضهري
ورده: سلام مو وكته وانا ممستعده
أريد اخذلي غفه فدوه رحتلك بتك سودتني تسودن
وخلتني اتحسر على النومه ولكعده براحه ماعرف راسي من رجليه
زفر بملل : لعد شسوي ورده بعدنا نحجي وكعدت طيبه
وكامت تبجي
ورده: شوف سلام شوف. والله مليت وكمت ابجي
وهيه تبجي أخذتها بحضني ودرت وجهي عن سلام وكمت ارضع بيه
سلام: والله زمن الخير الجنت بيه صار لغيري من شتعل ابيج وابو امج. اطلع سريري وكو........ اذا بعد خلفت جهال
مارديت عليه بكلمه لان اعصابي احسها تلفانه ومالي خلك ارد عليه خله ايده على عيونه ونام
بقيت ارضع بيها لحد منامت خليته بسرير ونمت بل كاع لان. ذبيت نفسي وماادري
تقريباً نص ساعه وصرخت
هزيت سرير كلت بلكي ترجع تنام منامت وبس تبجي
حجيت وانا مزعوجه
ورده: ساعة السوده والله مليت ربي ساعدني
القرآن يشتغل يم راسها وهذا عادتي من اول يوم انا مخليته يم رأسها بس انصيه حيل لان سلام نايم مثل باسم قبل
خليته بحضني سكتت شويه ورجعت تبجي نطيتها ممه هم تبجي متريدهه
بدلت ملابسها حفاضته كلشي مبيهن نضيفات وهيه على فرد صوت واااااع ووووووواااع
سلام فز من نوم وهم أخذها مني شويه وشالهه بس هيه متسكت
ملينا ساعتين وانا اكالب بيها
سلام خله واخذ فراشه وراح يم سامر ينام وانت بقيت لصبح كاعده وياهه شيبت راسي من لقهر
ناخذها لطبيب يكول مابيها شي
ناخذها لساده يكولون مابيه شي
وحتاريت بيها يتبع .....
باي فراشات 💙🦋