وهم الوجوه

الحلقة العاشرة

#وهم_الوجوه

الحلقة العاشرة ..

للكاتبة .. زينب الشمري zan_eb15

°°°°°°°°°°°°°°°°°°°°°°°°°°°°°°°°
چان عالك اغنية ويدندن وياها بصوت ناصي وكال _ ع شنو شايفة روحچ ؟

رفعت تك حاجب وجاوبته بحدة _ مو مشكلتي اذا شووف الناس گلها مثلك

_ يعني اني شاايف روحي هسه مو ؟

_ ما أعرف اسئل نفسك شتفسر نضراتك هاي وأسلوبك

_ هسه اني طلعت شايف روحي مو ع شنو ضالة يمي لعد اذا اني شايف نفسي و متگبر

_ اليدك الباب يلگة الجواب واني مگلت انتَ شايف نفسگ ومتگبر انتَ فسرتها بعقلك هيچ او يجوز تعرف نفسك.. وماگتلة نفسي حتى اصعد بسياارتك افتح أريد انززل بسررعة

التفت علية من گرسي مالتة رچعت ليورة وايدي على يدة الباب بس اريدها تفتح باوع لرجلية چان الفستان هوة قصير بس من اگعد يصعد لرگبتي جريتة ليجوة وگتلة _ شكووو متستحي تباااوع

رجع ليگدام _ بگراعينچ هاااي تردين طلعين وحدج موو

_ شي ميخصك مو ولي أمري انتَ

_ ديلا على حورچ الزركة انتِ وهذا شعرچ چنة سيم مال مااعين

نرفززني حييل _ تقلد عليه دشووف خشمك چنة طفل متنح بوووجهك

فچأة اندگت الجامة وفتح الباب وصعدت ام مرتضى واني سكتت ردت انزل بس بعد متسووة هوة خيوصلني خيولي بس الضاهر البعرة مالتي ضلت بگلبة يخنزر علية من المراية واني فاطسة ضحك من جوواي الغثيث

وصلنا القاعة وطول الطريق اغاني وام مرتضى فررحاانة وتهووس البنات مأجرين كوستر كلهن بيها سبقنا نزلنا للقاعة والشارع مزدحم گللش عدهم گرايب هوواي وشباب يرگصوون بلشاارع نزلت والعينتين يخنزر عناداً بي مشيت بنص والكل يباوعلي وعبرت وسويت روحي مغرورة واباوع صفح اريد اقهرة

دخلنا للقاعة ورحت للحمامات اباوع لروحي بلمراية _ گل هذاا الجمااال ويكلي الزركة انعلبوك والله توصل لنص حلاااتي تروح فدوة لشعري ابو خشم

رتبت نفسي وطلعت وردح للكاع گلة ساجدة عبيد ذبيت لحم ولو ماعرف ارگص گللش بس ضليت اهزز هوواي هههههه

مَرت ساعات گللش تونسنا بيهن وفرحنا دخل هيثم اخذ عروستة وطلعوو وصاارت الزفة قاعة الرجال بصف النساء وهووسة بلبااب گللش

طلعت وصار بوجهي ابووو خشم والنسوان صاارن يصعدن بلسيارات اريد ادحس روحي ماكو مكان گلت لو اموت ماصعد ويا ابو خشم

شفت عموو صالح من بعيد أشرتلة رحت يمة _ هاا عموو

_ هلاا بووية شنو هلجمال خااف انتي لعرروس متيهين

_ اووو عموو خجلتني والله اول مرة احس نفسي أنثى من صدك

_ ان شاء الله يووم الج واطلعج بأيدي

_ لا عموو شووية دعوة احلى

_ اكو احلى من الأمان والاستقرار

_ اي مثلاً اكمل دراسة اصير محامية اتخرج اتعيين انتقم هوواي شغلات حلوة اكوو لازكلي ع زواج شجاك عمووو خاف تريد تخلص مني ومتريد تكووول

_ فلك طررج يابوية اني اخلص منج من امداية للللِج بووية غير اني حاسبج مثل بنيتي والله تعودت عليچ مادري شلوون اذا اجة يووم وفارگتج بي وعفتيني

_ كووون امي لا جابتني اذا اني اعووفك عموو حباب لتگوول هيج اني ماعوفك لاخر يوم بحياتي مستحيل انسى گللشي سويتلية

_ يبعد عمرري أن شاء الله عمرج طوويل واشوف جهالج

حضنته وگتلة _ الله يخليك الي ولايحرمني منك عووضتني عن حنان الاب وحسيت صدك عندي اب

_ كاافي وللِج هسه انا شمسوووي راح دمعين ويتملطخ وجهج

_ ههههه لا رباني اني جمالي عمووو ماكو تلطيخ

_ والله انتو هلجيل عددكم سوالف

_ ههههههه

شفت ام مرتضى من بعيد رگضت الها _ هااا خالة ويامن نصعد

_ ويا هذا لوليد الاجينا وياا فاررغ

_ لاااا عفية خالة غيررة لاا ماريد

_ شبي الولد شوو حباب شكوو نگرصتي يممة

_ خالة مارتاحلة حبابة خلنروح ويا غيرة

_ ولللِج رااحوو ماضل احد

التفتت لعمو صالح هم راح ويا ابو هيثم وجانت اكو سيارة بس ماكو مجال اتقدم بخطواتة تجاهنا وصوته المزنجر _ ها ام مرتضى تجين

ام مرتضى _ ااي يمة يلاا ماما أصيل تعاااي

درت وجهي عليه وگتلهاا _ لا خالة اني تعبت راجعة للبيت

مشيت وصااحت _ وين ترحيين وحدج اااصيل

درت وجهي _ أشوووف تگسي راسي يووجعني تعبانة أريد انااام باااي

صارت دَردم ورراي عفتها هيا وابو خشم وحدهم مشيت للشارع العام والكعب شل رجلي ماعرف امشي بي رجلي ورمت أريد تگسي ماكوو واليتعدون شباب واني أريد رجال شايب بنص الليل وين الگة

حسيت سيارة وراي تمشي صرت على جهه بدون ما أشوف الي بداخلها دك هوورن التفتت وطلع ابوو خشم يأشرلي

درت وجهي عنه _ سااقط ميستحي يأشرلي بنص الليل شاايفني بس ام مرتضى موو وياا وين راحت

ضل يدك هوورن واني نطيتة الاذن الطرشة مركزة بلشارع أريد تگسي نززل وماسمعت بس صووت طبكة الباب زين ماتفلشت

_ اااني موو داحجيج ليش متردين حتى الوادم سمعت الهورن وگعدت

يحجي بعصبية جاوبتة برود استفز اعصابة _ هااي وياي

_ لا جدي طلع من گبرة وگاعد أشررلة

_ شبيك خووية أعرفك تعرفني انتَ اسمي متعرف تأشرلي ودنيا نص ليل شترريد

_ أصيل

_ نعم .. لحظة شعرفك باسمي

_ سمعت قبل شووي

_ أي وشتررريد مني وعلى گولتك گعدت الجيران بلهورن

_ تررة انقهرت عليچ گلت وحدج بنص ليل ترجعين اوصلج خليت ام مرتضى تروح ويا عمار دحستهه وياهم واجيتج وحضرت جنابج تردين من ورة خشمج

_ ما شاگيتلك الحال حتى تنقهر علية ولاطالبة منك شي تگدر تروح اني ادبر نفسي

مشيت ليگدام واني واثقة من نفسي ومامهتمة تالي عثرت بحجارة دخلت بلگعب ردت انجبح على وجهي گمشني من ايدي بسررعة

_ الله .. واضح گلللش راح دبررين نفسچ امشي كددامي

طارت ام هيبة عتيت ايدي منة _ مامحتااجة مساعدة احد

گملت مشي واسمعة يگول وراي _ والله عين صلفة

مارديت علي وضليت اعرچ اريد واحد يفزعلي عدة غيرة مااكو شفت تگسي من بعيد ضليت اردد بداخلي يارب شاايب يارب شاايب يارب شاايب

تقرب اكثر ويطلع ولد صغير _ ها يحلوو وين اوصلك

_ لأمك

عفتة ودرن وجهي وهذا ابو خشم صعد بلسيارة راح يروح رجعت ليورة واني ادعي على روحي _ الله ياخذج اصيل شورطج هسه نعلعلا ذيج الساعة السودة

نزل ابو تگسي وچان يگمشني من ايدي بردة فعل سرريعة صفگتة براجدي ودفعته عني اريد اركض الگعب مگسوور چاان اصيح _ يممممة

رگض سوبر مان ونام فوكاه طاحلة دك راجديات گام منه والولد شال نعلاتة وشلع

گلبي دكاتة قررت ١٠٠٠٠ صرت الهث اجة صووبي _ سوالج شي

هزيت رأسي بنفي

_ اي طبعاً يتحررش اذا مطلعة الإسلام گلة شلوون ميجرررج ضللي بصلافتج هاااي عاااندي

ماجاوبتة گلمة لان گلبي حسيتة حيووكف وحلگي نشف بس الهث

_ امشي خلوصلج وفنچ تعاندين

مشيت ورة واني احس الهيبة مالتي تلطم بزاوية فتحلي باب صدر گعدت

راح لاسواق جابلي مي شربته گلة دفعة وحدة من عطش

_ بلا زحمة هاااي العنودية والرعوونية البيج منين جايبتهاا يعني واحد ديريد ياكل تبن ويساعدج ليش هيج سووين لو جنت فرضاً صدك راايح وسوالج شي ؟

_ ميگدر

_ لا صدك حليتيهاا شدراج ميجرج غصب ويسوي بيج عمايل سودة مصخمه يصخم وجهج وجه اهلج

_ انعل والديه والله ليلمسني

_ اسم الله عليچ باتمان مو بنية هوة گمش ايدج خبصتني الدنيا بلعياااط

_ هسه توصلني وتكمل معروفك لا ونبي انزل واسويها

_ وين بيتكم

_ ب """"""""

_ هذا سوك مو حي

_ وصلني اذا متگدر گوولي

_ لا قرريب

_ شگد عمررج

مارديت عليه غلست حسيت عينه على رجلية واني العن بنفسي غطيت رجلي بايدي واحاول استر روحي

_ شدعووة هلگد ثگيللة

_ الله يجيبج ياطوولة البال

_ قيصر

_ شنوو ؟

_ اسمي خااف عندج فضوول تردين سئلين وتستحين

_ لا ع شنوو فضوول

_ خااف ومترددة يعني تبيعين ثگل

_ لازم مجرب من قبل

_ شمجرب

_ تبيع ثگل حتى تعرف اني ابيع لو لاا

_ ههههههه لعبتي الثگل

هزيت أيدي على كلامة شااخط هلرجال

لح على عمري وماجاوبتة راد يعرف شصير منهم بضبط هم غلست بس هوة يصير صديق عمار اخو هيثم گللش بعيد

وصلنا للسوگ وگتلة ينزلني بداية الشارع ماريدة يشووفني ادخل للمطعم وحدي واضل وحدي

_ شكراً ع توصيل

_ لعفوو ...

ماخليتة يگمل كلامة بسرعة نزلت واني اعرچ ركضت ليجوة واضاءة خافتة گللش وصوت جلاب والبزازين

ماشفتة الة وراي يركض _ شكوو جاي وراي ؟

_ هذا الكعب مالتج نسيتي خاف تردين صمغي

جريتة منه وذبيتة بزبل _ مخبلة حتى ألبسة مرة ثانية

_ شعدج هناا وحدج اجي وياج تخافين

_ لا ميحتااج شكرا مع السلامة

انطينة ضهري ورگضت للمطعم شفت عموو صالح بلباب

_ هاااا عمووو إجييت

_ أيي بووية ووين چنتي سئلت ام مرتضى گالتلي رچعت اچيت علمودج گلت خطية توگف بلباب ماعدهه مفتاح

_ صدك عمووو علمودي إجيت

_ اي والله چا تبقين بلباب ينطيني گلبي

_ عموو والعباس احبگ

_ هههههه ام لساان منو جابج

_ واحد شايف روحه ميتحاجة وصلني من لعرس ماردت اجي وياا بس ماكو تگسي على مواصفات الاريدها

_ ياهوة قيصر؟

_ ها تعرفة

_ چاا شلوون خووش وليد هذاا زين إجيتي وياا

حچيت بگلبي أي گللش خووش ولد

_ يلااا بووية تعاي نروح للبيت

_ ياا بيت

_ بيتي لضلين هنااا وحدج وانتي تعباانة

صدگ جنت تعبانة ماعرضتة ورحنا لبيت عمو صالح ونمت بلغرفة الثانية على گد التعب البية واللحم الذبيتة بس مغمضة عيووني ونعس ماكوو بلمووت والصلاوات وختمت القران نمت ساعتين وگعدت نعمة من الله

مر إسبووع طبيعي هيثم عريس والشغل گلة علية ومنه ام مرتضى حور مو يمها تستوحش تريدني اروح يمها

صايرة بنص منه منه ..

بيووم صاح عمو صالح _ بووية إصيل تعاي اخذي طلب هاي طاولة

بلعادة عمو هوة الياخذ طلب ويوصل ميحب يخليني گدام الزلم اشتغل بس چان عندة شغل برة

طلعت من المطبخ اني وگفشتي شگبرهاا سيم ماعين صايرة ولابسة بنطرون گاابوي وتشيرت وحذاء رياضي وصدرية مال ماعين

توجهت للطاولة بدون ما أشوف منو العليهاا _ تفضل شنو طلبك خوية ؟

_ هااي أنتي ؟

رفعت راسي واشووفة لاحول لله انصَدمت هذا شجابه حاولت اخلي وضع طبيعي _ تفضل اخي شنو طلبك

_ سيم ماعين

زفررت بوجهه _ تفضل شنو طلبك ؟

_ لا صدك تشتغلين هناا انتي ؟ ليش

_ يا صبر أيوب.. شي ميخصك اشتغل هنا بغير مكان ماعتقد يعينك تحب تطلب هسه لو بعدين عندي شغل ماعندي وقت اسمع لاسئلتك بايخة

_ شدعوووة هيچ عصبية ريلاكس حبووبة

ضحكت عليه _ اگو دولمة وفاصوليا وبيذنجان وبامية شتريد ؟

_ ماعدكم منيوو

_ لا مطعم قديم متتوفر هيچ خدمات

_ لعد أريد من گل نووع شووية

همست .. هايشة مو رجال

_ نعم گلتي شي

_ سلامتك

رحت جهزت الطلبية والصينية ثگيلة وجعة بگلبك ابو خشم ادري ثور لو رجال تاگل اربع انواع

نزلت على الطاولة وبديت ارتب ماحجيت شي

_ ادري صالح مو ابوج وين اهلچ مبين صغيرة ليش هيج مخليج تشتغلين هناا وحدج

مارديت عليه گملت گلشي وفتت ليجوة حشررري هوواي يسأل لگبر

گملت گلشي الماعين الزايدة والجدورة بنص ساعة طلعت لكيتة ماهوة خفةً وراحة اخذت الماعين منشفهم ما شالله

رچعت غسلتهن جووة وهذا طَفر لحساب وين خلاا زين اني شگد ثوولة حتى مانتبهت

رجَعت لطاولة شلت الچرچف ماكو شي ياا علسنة الرجال گلة براسي وشلع حتى ياريت مرجع شوية واكول ماگلة هوواي لگبر ميستحي

صَرت ادَردم ويا روحي _ ناس بلا اخلاق اي والله گوول احجي راح اولي حط الفلوس وروح طَفرت ولطفرة طفرة مو زلمة ث....

_ هوواي تحبين دَردمين چنج عجوز عررب وثول لهلشعر چنة سيم ماعين خايس

بهتت والتفتت الة واني چنت ادردم زين ماگلت ثور وسمعها ياا گاع انشگي وبلعيني بلعت ريگي _ احم ماسمحلك تجاوز علية وبالذات شعري شي ميعينك ولا يخصك شگو تقلد ع حلاة وجهك هسه

_ الله منو يحجي ع تجاوز والأخلاق ثقي بمحمد لو بنص لعالم چان راويتج لثور شيسووووي

_ وووين گللللت اني ثووور تتبلى علية منه لهناااا ؟

_ لو ما حاجي چاااان گملتيهاا ام للگمل

_ شوووو انتَ متستحي ثااردة ويااك للعگس وماادري گاعدد دك ميااانة وياااي سااالمين خووية بيگ شييي

_ انتِ هم حاسبة روحج ع بنات بهذا اسلوبج أسلوب الشوارع والعفطية

_ عساس انتَ هسه لمحسووب ع زلم

_ رجال وغصباً عليچ واذا تحبين اثبتلج ( غمز )

_ والله اتفه انواع الزلم اليقيسوون رجولتهم بهاااي الشغلاات احب اكلك انتَ واحد مسكين وتافه وشايف روحك ومغرور مادري ع شنوو واتفضل اطلع بررة ماريد اشووف وجهك

احتقن وجهه وتقرب يمي بادلتة بنظرة حادة مصحوبة بخنزورة ورفعة حاجب

رفع سبابتة و صك سنونه _ الله بعدة ماخالقة اليتجاوز وياي بهلشگل

نترت ايدة _ هاي كدامك الله خالقني واگفة كبالك اريد أشوووف شسووي

تووعد بنضراات المليانة حقد وغضب _ يصير خيرر يا أصيل وحدة مثلچ سااقطة تهيني ولله لعلمچ قيصر منوو

طلع ليبرة ومشدد قبضة ايدة _ خاااب دروووح دفعة مردي والهوى شرچي لگبر لهيچ شكووولات

كَعدت ع گرسي واني ضايجة واحد خاايس مثل هذا يعگر مزاجي حيوان مغرور شايف روحه عبالة من ذني الساقطات يضحك عليه بحجايتين ميدري طابختهن عاجنتهن لذني السوالف ابوو نسووان اي طبعاً مبين من خلقتة يدووور نسووان هوة وخشمة چنة قطاار امه متوحمة بي على نخلة لگبر هلطوول اي والله لغسل لحظي الخايس لطلعك گبالي شگول شگول الله يذب عليه ...

اووي منو هذاا اگعد اشيل غيبتة ويگعد يلم بحسناتي من وراي اني بلگوة المهن استغفر الله ربي استغفرك ربي ماچان قصدي والله بس يلاا ساعة عصبية وانتَ غفور رحيم على أصيل المسكينة وشديد العقاب على قيصر المطي يارب سامحني ..

اچة عمو صالح من برة _ هاا بووية خو ماتاخرت عللليچ صارر عندي شغل

_ لا عموو عادي هوة گملت شغلي

_ قيصر راح ؟

_ اي ولة

_ شنووو

_ لا هيچ عموو سلامتك اني گملت گلشي راح اروح ارتاح

_ أصيل بابا تعااي أريد احجي ويااج

_ اي عموو گوول

_ انتي گبرتي واني خايف عليچ من ولد الحرام اخاف بيوم صدكين او تفگيرج يتغير او سوين شي غلط وتندمين بعدين

_ شبيك عموو شايف عليه شي

_ لا والله من ساعه العرفتج أدري بيج خوش بنية وشريفة ومترباية

_ هاهية لعد عموو اني أصيل يخسى يچي واحد يضحك علية اني اضحك عليه ماصدك بأحد ولا اثق بيه بسررعة مستحيل

_ أعرف أعرف يا بابا واني ماگايل شي بس نومتج هناا بلمطعم احسهه خطرة عليچ منه وچااي تعااي عيشي عندي وانطيج لغرفة والوادم صارت تَدري انتِ مثل بنتي ان شاء الله ماكو فرق

_ والله عموو ماعرف شگلك بَس اني ما اريد اگلفك وياي واتعبك تعبتك بما فيه الكافية

_ لا يبوووي ما راچيهاا منچ هلحجاية گتلج انتي مثل بنتي وماكو واحد ميتمنى لخير لبنته ويخاف عليها واني صدگ خايف عليچ گبرتي ما شاء الله والعين ماريدها تصير عليچ

_ هاهية عمو الي تريدة يصير اني ماطلع عن شورك

_ عفية لسباعية .. حظري غراضج بليب نروح سوة

_ ان شاء الله عموو

_ لو تشيلين عموو هاي هم احسن ههه

_ شكول يعني صلووحي

_ ام لسان .. تگدرين تگولين بابا بگيفج ليعجيج

_ تدري صار چم سنة هاي كلمة ما كايلتهاا تقريبا ٦ سنين

_ هاي اني يمچ تگدرين تگوليها بس اذا ميعچبچ وشوفيني مو مثل ابوچ براحتچ بوية

_ لا لا ابد والله يشهد الله شفت بيك الحنية والحب والاهتمام ولو ماذكر هواي شغلاات عن أبوية بس تَدري احسك شبهه والله جد مو چذب هيچ عندك شغلات ذكرني بي طيبتك تعاملك كلامك شغلات هواي بي

_ الله يرحمه ويجعل مثواه الجنه ان شاء الله

_ آمين

_ يلاا مو تلتهين بسووالف خلنروح نشتغل راح يصير المغرب

_ صَار بابا

گلتها وضحكت التفت عليه وحسيته فرح ابتسم ألية وتوجه للمطبخ گملنا اليوم طبيعي وتوقعت استاذ قيصر مدري قاصر المصخم يرچع بس أكيد خاف من عندي بعد ميرچع والله چفصت بطنة ونوب غلست ماگلت لعمو صالح يلاا يوولي شسوويلة

لليل حطيت اغراضي بجنطة گلشي بيهن وعمو أجر عربانة گال ثگال ومسافة لبيت عن المطعم

عزل المطعم وفرحانة بداخلي راح أعيش بيت راح تصير عندي غرفة وحدي جرباية وحدي متحمسة گللش

وصلنا ونزلت اغراضي دخلت للغرفة

صالح _ هاي بوية لغرفة رتبيها على گيفج وگعدي بيها

_ مادري شلون راح اجازيك اني واصلاً حايرة شگوول وشحچي

_ اني ماعندي احد بلدنيا خواتي بعاد عني وابني وزوجتي متوفين باجر عگبة اذا اموت اريدچ ذكريني دفنيني لأن ماعندي غيرج يبوية اني مثلج وانتي مثلي ثنينة وحيدين ومالنا احد بلدنيا هاي

_ اسم الله يروحي ان شاء الله يومي قبل يومك عمي قصدي بوية اذا تحبني صدك لتحچي هيج

_ انچبي ولچ اني رجال گاضي بعدچ شفتي من حياتج ان شاء الله تگبرين وضلين ذكريني بلزين

_ أكيد اصلا ماراح انساك يووم هوة وين راح اعوفك اني وياك وياك ماعوفك بابا

تقدم الية وحضني ودمعت عيونه موقف گللش عاطفي چان طلع ليبرة واني بديت استقر وارتب أغراضي

عَشت بيت عمو صالح أبوية الثاني أبوية الروحي الي مافد يوم حسسني وحيدة او مقطوعة من شجرة او ماعندي اهل وذبوني دللني وحبني على فطاريتة مايوم اذاني دعمني بگُل قووتة حتى ما استسلم واگعد وگف وياي بگُل معنى الگلمة طوول عمري حضل اذكرة لحد ما أموت قليلين گللش قليلين المنة بهذا الزمن حتى منقرضين للأسف محد راح يصدك گُل الأشياء السواها الي مو بس لمني من الشوارع حطني بنص بيتة أمني على شغلة وغراضى وفلوسة وثق بية واني حگون گد هلثقة مراح اخيب ضنة بيوم ... يتبع

لتنسون التعليق + التصويت + متابعة الحساب zan_eb15 + احبكم 💖