مساء الخير ...
#أجرام_مستباح_لثلاث_ندبات
بقلم الكاتبة أيلول
ins: t8_fe3 للتواصل
𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒
چَثير گزازَك بَرُوحي وأگولن هاي حَنية
..........................................................
................................................................
جــــمرة ::- احس معدتي معصورة من الجوع وريحة اكل بخشمي فتحت عيوني بثگل لمحته مبتسم كاعد كدامي ثاني رجله وصينية الاكل گدامه ابـــــتسمت
::- صباح الخير
::- صباح وجهج الحلو كومي غسلي قبل لا يبرد الريوك
- جر الغطا مني بسرعة مديت ايدي نزلت التشيرت كعدت اخلي شعري وره اذني اباوعله رجع ليوره درت عيني للصينية حيل مرتبة بيض عيون وجبن مثلث ومربى وقشطة وكلاص حليب وقوري جاي وكوبين فارغات وعلبة شكر
كمت غسلت جاي اسوي باسناني صاح
::- يله سنايبر برد الاكل
- غسلت سريع ورجعت للغرفة متعوده امسح حلكي برگبة التشيرت سحبته الوجهي أريـــــد امسح صاح
::- لااا ماتبطلين هاي السالفة انتِ
- مسحت اضحك ودنكت حضنته من ظهره معبره ايديه على رگبته بسته بخده حيييل وهو جامد بمكانه مصدوم
ابتعدت كعدت مقابيله ما مهتمه أريـــــد اكل رفعت عيني اله يباوعلي هزيت راسي شكو ضحك ودنك
::- بــــس كون يخلصن هل شهرين وما ارتكب بيج جريمة
::- ليش من اصير حبابه وياك تصير جلب وياي
- ضحك حيل وجر كلاص الحليب يشربني شربت شوية ونزلته من أيــــدة
::- خلي عليه چاي
- هيج اطيب لا تلوصين
::- لا واللـــه يصير طيب
- صب عليه چاي خله شكر ورجع رفعلي الكلاص شربت منه عاجبني سويتله احححح
ضحك
::- عاقلة صايره
::- غير اتفقنا
::- يعني هسه هاي حقيقتج لو جاي تمثلين عليه
::- امثل من اضوج وتقهرني تطلع حقيقتي
::- هههه زين تــــدرين احب كل شخصياتج القوية الچانت ماتخاف من شي وتفتر ابين السيارات ورغم عرفت انا مجـــرم قبلت بالزواج حتى ماتعرض عائلتها للخطر
القاسية الحجيها هد روحـــــي بهذن الكلمات ابن زنا كافر تستاهل تتعذب الكل ما اطلع من يمها تدعي اموت هم احبها
والمدمنه الخوافة الصرت مصدر امانها هاي اعشقها من تدفن روحها بحضني تشيطني وهي ماهامها هههه رغم الندم ماكلني اكل لان خليتج تعيشين هيج ضعف بــــس اتذكر تصرفاتج واموت
الحنونه الي من عرفت قصتي والعشته بجت على اثار جروحي وجعن گلبها وهن بجسمي
الطفلة التشكيلي هههه انسه روحي وافها على شفتها وهي تحجي
ههه اخيراً العاقلة اموت عليها
::- خو گول احب جــــمرة
::- هههه ما اگول
::- ليش
- سكت يباوع بعيني اخذ المواعين وكام لميت الفراشات من الغرفة وهو بقى بالصالة بــــس صاح راح يجي عمر ماطلعت الحد ماسمعته يضحك ويا عمر مديت راسي شفتهم متربعين على صندوگ سلاح يضحكون يحجون بخطة ساعه يحششون وكف عمر يقلد خربان ضحك ابتعد مسافة مد رجل وراه يسحل بيها ويتمايل يحجي ويجر الحجايه جر يقلد قسام ونوب حجه على اطفال بمنطقة ابو الهيل گـــــال الأبـــــهر
::-نخطفهم؟
- سكت عمر واكف بمكانه ويباوع للأبهر گـــــال له
عمر ::- تحجي صدك؟
::- شنو ذنبهم ؟
::- يعني تروح المنطقتهم برجليك وهم يدورون عليك
::- ننهيهم؟
::- صار الحجي قوي خاف صخنت ولك
::- احنا متورطين متورطين نسوي شي بيه خير اقلها
::- وين شلون شبيك
::- شبيك من كتلت ابو الهيل بعد هم ما تصافوا نخليهم مايثقون ابعض ينتهون ونخلص من شي اسمه منطقة ابو الهيل .
جــــمرة ::- كعدت يم الباب اتنصت بتركيز واردد اليحجونه بعقلي حتى افهم شنو خطتهم داخوا وضاجوا حيل لان اليردونه صعب مايگدرون يدخلون المنطقة ابو الهيل بسهوله ضحك الأبـــــهر وصاح
::- لگيتها
عمر ::- اطربنه
::- الاحوط مو عنده تسليم ؟
::- شلون عرفت
::- هو ينشر الخبر حتى البيه خير يعرقل شغله وينهيه ماكو سبع يخرب عليه حتى احنا نخاف بــــس جماعة ابو الهيل سباع راح يسلبونه قبل التسليم
عمر ::- اشرح انا ما افهم هيج لا تمسلت جـــــندل
جــــمرة ::- مديت عيني اباوعله خططو ورسموا الخطه يبوگون سلاح من الاسمه الاحوط ويخلونه بمنطقة ابو الهيل يتهمونهم حتى الاحوط ينهي عصابة ابو الهيل وهم قبل لا تعلك كلش من يلتهون هذا بهذا يخطفون الاطفال سند ظهره ليوره تعبان گـــــال له عمر
عمر ::- واذا نكشفنا
::- الله يرحمنا نلتقي بجهنم ههههههه
::- اشوف تاليها اموت موتت الچلب من وراك
::- عاجبك طفل ينضرب وطفله تغتصب تگدر تسكت؟
::- لا هاي هي على حجايتك نلتقي بجهنم مو تسوي روحك ما تعرفني
::- وانتَ مو تسوي روحك متفاجئ لان عايفينك بجهنم وتدكها مناحه صير سبع
::- لا اكلهم طلعوا السجل شوفوا شكد مسوي زينات فالتوه كبل الجهم عاد بــــس امد راسي اشوف الجنه شنو شكلها منو بيها
الأبـــــهر ::- ههههه شنو تگول اذا اندكت الناقصة ولكينه قسام بالجنه واحنا بجهنم ؟
عمر ::- يتشمت بينا ويموتنا من القهر
::-ههههههههه
عمر ::- لا اخاف انـــتَ تروح للجنه وانا بالنار
جــــمرة ::- ضحك الأبـــــهر وكام خله مي بجدر على الطباخ صاح عليه عمر
::- هــــا راح تسبح؟
::- لا المرتي ينراد گيزر الجو بارد
جــــمرة ::- عفتهم ورجعت المكاني لمن راح عمر يله رجع فتح باب الغرفة مد راسه مبتسم
::-حميتلج مي تسبحين؟
- هزيت راسي اي وكمت اطلعلي ملابس وهو فات للحمام كاسر المي دخلت اباوعله ما مقتنع بحرورته باوعلي گـــــال
::- شوفي هيج زين لو صار كلش بارد؟
-تقربت خليت ايدي بالسطل ::- لا زين هاي هي
-وكف عدل يباوعلي وانا گـــــلبي متكطع من الخوف: :- اطلع
::- اطفي الضوه واسبحج؟
::-لااا روح
- طلع وسد الباب وراه شسوي واخليه مايروح
ولهناك تدك بگلبي حجايتة من يگول طفله يغتصبونه لا خلي يروح خلي ينقذهم خطيه
بــــس واذا مات شلون.
مسحت وجهي بحيرة سبحت وطلعت مشط شعري وهو يحاول يشاقيني ويضحك طلع شوية ورجع يمي سد باب الغرفة سند.ظهره عليه يباوعلي بقهر عاض شفته
::- شبيج جمراية؟
::- مابيه شي
::- نخابر امج؟
::- لا ملتهيه بالفاتحه
::- كالتلج فاتحة منو؟
::- اي ام زوج غـــــدير
::- ليش من غـــــدير تريد تحاجيج ماتقبلين؟
::- تكشفني جذابة تركز بكلشي
::- شلون
::-مثلاً امي اذا سألت على شي وجاوبتها وره فترة هم سألت وجاوبت شي مختلف ماتركز غـــــدير تدقق وتنتبهه .
-هز راسة ساكت ثاني يـــــوم بالليل اتصلت امي سولفنه وياها حتى هو حاجاها يسأل ويستفسر اباوعله من جوا ليجوه بــــس سد الخط كتله
::- شيطان ليش تسأل
::- هههه هيج عود ما اعرف شي انا حتى من تطلع للسوك ادري بيها
- غابت ابتسامتي خازرته ::- مراقب امي؟
::- كلشي يخصج اراقبه
::- معليك بأمي هيوو منو سمحلك تراقبها
::- الخاطرج
::- يسلم خاطرك ما أريـــــد بطل تراقبها
::- ماشي يله انا راح اروح
- حجاها وتقرب يمي سحبني للفراش غطاني يحجي
::- نــــــامي ولا تفكرين بشي
::- ديربالك على نفسك عفيه
::- دام نفـــــسي صارت تخصج ادير بالي
- رفعتله ايدي نزل نفسه حضنته وبسته برگبته
بقى ثابت بمكانه رغم ابتعدت وهو بقى منزل نفسه الي همس بخفوت
::- عيديها جــــمرة
- ضحكت ورجعت حضنته حيل احجي ::- راح انتظرك لا تتاخر حــباب
::- عيديها
- رخت ايدي عاكده حاجبي ::- شنو؟
::- بوسيني مثل قبل شوية.
- بلعت ريك ساكته من بسته قبل شوي هيج عادي ماعندي شي بــــس من هو راد ارتبكت نزل ركبته الوجهي رفعت ايدي بعدت ياخة القميص وقربت وجهي بسته ورجعت راسي للمخده
::- بعد جــــمرة اخر وحـــدة عفيه
- جريت نفس اباوع الوجهه ورگبته تقربت بسته ابتعد يباوعلي بعيون ذبلانه ضم سلاحه جوه القميص ورفع الثام على وجــــهة صار شكله يخوف تغطى كلشي وبقن بــــس عــــــيونة
::- راجعلج
::- انتظرك
- مشه يريد يطلع بقى واكف اباب الغرفة يباوعلي
ثواني وطلع. خايفه كون تعدي على خير وما يصير شي
ما كدرت انام بقيت الوب بمكاني ساعة اتخيلهم لزموه ساعه اتخيل عمر غدره واكعد اسب واغلط عليه ساعه اكول هسه يجي سبع مايلزمونه
حركني عيوني من النعاس وانا مقاومة أريـــــد انتظره ما أريـــــد انام حسيت صار الصبح وهو ماكو تعــــبت حيل وكلبي يوجعني أريـــــد انام واريد انتظر كعدت على حيلي حتى ما انام بــــس كل شوية اغفى وافز من يرجع راسي ليوره الحد ماقفلت وبعد ماكدرت تمددت هستوني نمت وحسيته يمي
::- اجيتج
::- أبــــــهر
::- روحه
- غمضت عيني نعسانه ما اكدر احس وجــــهة برگبتي باسني ودك گـــــلبي حيل لحجايته
::- "احبج يا روح الأبـــــهر "
"جريمتي المستباحه غلطتي الصحيحه"
" احبج يا اول ذنب ينعشك"
- عبرت ايدي اقوي حضنتي اله نمت وانا اسمع كلماته الما بطلهن يهمسهن بأذني كعدت الصبح قبله شفته نايم بملابسه وفاتح حلكه تعبان
كمت للحمام غسلت وبقيت واكفه بمكاني مبتسمه اتذكر كلماته وكلبي يدك حيل ومن افكر ما بقى شي ونفترق ينعصر گـــــلبي واهز راسي احاول ما افكر بشي ثاني رجعت مديت راسي للغرفة شفته بعده على نفس النومه
طلعت للمطبخ اسوي ريوك واكعده بــــس خاف نحترك لا اصير سباعيه انتبهه هل مره
خليت مي بالقوري شعلته وشلت الجداحه خليتها فوگ الثلاجة فاتحه القبق ومنتظرته يفور اول ما طلع فقاعات خليت ورگ سديته ودنكت انصي النار مسحت ايد بأيد مسوية انجاز.
رحت لثلاجة طلعت بيضتين وبصل وطلعت الطاوه والزيت واللـــه اذا احتركنا يقفل المطبخ
دبرتها جاي اسوي عيون مثله خربن حستهن وصبيت چاي تعــــبت نشلع گـــــلبي خربطت الدنيا اباوع للصينيه مقهوره بــــس كلاصين جاي وخبز من الثلاجه جامد وطاوة البيض
رجعت الخبز على طباخ احميهن وهم انقهرت ما انترست فتحت الثلاجه لكيت شيشة مربى وجبن مثلث ثنين خليتهن بالصينه اكو خيار وطماطه طلعتهن بصحن غسلتهن خليت وياهن سجينه وملح واخذتهن دفرت الباب برجلي مكطوع نفـــــسي فز مخروع صحت
::- غمض لا تكعد
- وهو كام على حيله خايف ويصيح
::- هاا هااا شكو
::- ماكو شي غمض
- باوع للصينيه وكعد على حيله يمسح بوجهه خايف خليتها كدامه خازرته
::- من انـــتَ تسوي الريوك ولا اكعد ولا اخرب المفاجئة انـــتَ شبيك؟
- باوع بعيني ونزل عينه للصينيه يباوع بيها وشاربة يعلى من يبتسم
::- سويتي ريوك الي؟
::- اي وما حركت شي
- ضحك كام غسل واجه كعد. بصفي سحب ايديه من حضني يبوس باطنهن ويحجي
::- ليش اتعبين ايديج اروح فدوه الهن كلشي لا تسوين لا تقربينهن للنار
::- أبــــــهر انـــتَ ليش هلكد حــباب
- باس ايدي حيل وابتعد يباوع بوجهي مبتسم
::- تضوجين من اصير هيج
::- لا احبك حيل من تصير هيج حــباب وخوش ولد
::- حتى انا احبج من تصيرين كلشي
::- تحبني اعترفت
::- لاا
- سكتت ودرت للصينية أريـــــد اكل كتله
::- اي احجي نجحت خطتكم؟
- سوه لفه خلاها بحلكي وحجه مبتسم
::- جـــــندل المجرم من يخطط ينفذ وينجح
::- يعني طلعتوا الاطفال منهم؟
::- هههه عافوهم اصلا شردوا ماتعبوني اخذتهم بسرعه
::- عفيه عفيه سبع
- ضحك كملنا ريوكنا حيل متونسين من يطلع ابقى منتظرته نخابر امي كل يـــــوم شكد اسولف وياها واضحك.بكل مره تكلي متغيره صايرة تسولفين وتضحكين والابهر يصيح عليها عــــمة هاي بركاتي
وامي من تسمع صوته يمي تكلي يله ارتاحوا اخذوا راحتكم تطفر وهو يخرب ضحك هل فترة يدور على المشتري دره تعب حيل كل يـــــوم يروح ويرجع نص ليل مهدود حيله الحد ما عرف كم معلومه عنه ويحاول يوصله كاعد يمي منزل. راسه كتله
::- يعني ما بقى شي وتوصل ليش مقهور
::- ههه احس يصير شي وهم اضيعها
::- لا ان شاءالله ما يصير شي
::- قسام يدور عليه عنده شغل ويريدني اكمله اله
::- دير بالك تشتغل وياه بعد
::- لا بــــس خلي يجي عمر حتى بعد ما تبقى الي نقطة ضعف يـــــمة
- مسحت وجــــهة اباوع بعيونه مبتسمه وفز على دكت التليفون دك وفصل سحبه الساعه بـ 1 عكد حاجبة گـــــال
::- امج؟
- بلعت ريك بخوف رجع اتصل عليها ما حصلها گـــــال
::- ما عندها نت .
- جامدة بــــس اباوعله احس گـــــلبي يريد يطلع من مكانه رجعت هي اتصلت جاوبها فاتح الصوت وقربلي الجهاز همست خايفه
::- الو
- اجه صوتها تبجي ومختنكه احس النفس بعد ما يوصل الريتي كالت
::- جــــمرة الحگيلي
::- مصطفى؟
::- مو زين اخوج مو زين تعالي فدوه تعالي راح اموت .
- اخذ التليفون مني. يحاجيها وهي تبجي قفلت ما اسمع شي منهم عفته يحاجيها وكمت جريت الصايه والشال البس سد التليفون منها واجه عليه
::- جــــمرة
- رفعت عيني بعينه ساكته
::- ما اكدر
- حجيت بهدوء ::- لا تكدر هسه توديني يله
::- اصبريلي بــــس ثلث ايام بــــس اخلص شغلي
- لفيت شالي ما مهتمه وهو طلع وقفل الغرفه ..
......
نــــهله ::- هد حيلي بــــسام انتهى يردون بــــس يلزمونه وهو يصيح متخبل
::- ولج يـــــمة ما الي غيرج
- وابو اسمر لازمه. تعب حيل وغدير تكسر الگلب من جهه تبجي على الحجيه ومن جهه على بــــسام وايام الفاتحه تركض منا ومنا رغم ماعفناها لا اني ولا سمر بــــس لان نسوان اهل بــــسام مايوكفن ويساعدن تعبنا اخر يـــــوم الفاتحه غسلنا البيت وياها بعدهم اعمامه موجودين وعماته كلت الغـــــدير
::-راح اروح انا زحمه ودي عـــــلي من يرحون نغسل الفراشات
غـــــدير ::- هزيت راسي ساكته لفت روحها بالعباية وطلعت شلت الاغراض من يم نسوان عمام بسام وهن حجيهن مثل السم كل ما افوت من يمهن يگولن
::- مره مــــحد الها لا اهتمام لا علاج لا اكل شلون ماتموت
- اسمع واسكت والقهر اكثر رقيه وياهن هم تشمر،بالحجي وتسمعني كم مره اعوفهن واكعد بالغرفة بــــس تجي عــــمة وتحجي عـــــلي ماقابله اعوفهن بكيفهن بيتي مو بيتهن تقنعني واطلع تمنيت اشوف بــــسام تمنيت المه بحضني واواسيه ابد ما شفته لان بيتنا انترس نسوان وهم ينامون بالجادر لو ابيت عـــــمو ادريــــــس
ركضت اجيبلهم الدفتر واول ما طلعت لمحته ساند ظهره على باب المطبخ منزل راسه وعمته ورقيه يحاجنه عمته تمسح على كتفه ورقيه ترفع بوجهه وتحجي
::- انـــتَ سبع بــــسام وهي تعــــبت صارلها سنين متعذبه كـــــافي عاد
- اباوعلهم ساكته فات عــــمة صاح جيبي الدفتر رفع راسه بــــسام لمحني مسح وجــــهة ساكت تقدمت نطيت الدفتر العمه وطلعت من يمهم الملم بالبيت الحد مابدوا يرحون يحجن عليه وبالوقت نفسه يسلمن ويبوسن كلش فرغ البيت بــــس بــــسام ما ادري بيه وين فتت الغرفتها ابجي
::- تعودت عليج حبيتج مثل عــــمة ليش كل شخص اتعلق بيه اخسره
- سمعت باب غرفتنا انطبك مسحت عيوني وكمت اسمع صوته يبجي وكلبي يتگطع بقيت كاعده بالباب ماكدرت ادخل مختنك ويصيح
::- موتوني واللـــه موتوني من صغري لوعتوا گـــــلبي بالفراگ
هديتوا حيلي
- كاتمه صوتي بايدي وهو روحه راحت وين يله اختفى صوته بقيت بمكاني طولت يله كمت فتحت الباب على كيف متمدد يم الميز ساحب رجليه الصدرة تقربت يـــــمة اباوع أيــــدة الممدوده بيها القراصة مال الشعر الضامها وي اغراضه وعلى گلبه الدفتر وشيلة امه حاضنهن حيل وغافي
جريت الغطا غطيته وهو بمكانه فز يباوع بعيني وشفته ترجف دنك مسح وجــــهة وحجه صوته رايح
::- طلعيلي ملابس أريـــــد اسبح
- اخذتله ملابس بــــس سبح گـــــال
::- غدوره تخافين تباتين وحدج؟
::- وين رايح؟
::- عندي شغل تخافين لو لا
::- اخاف
::- البسي وتعالي يم بيت عمتج
- سكتت فتت لبست بــــس وصلني للباب وراح دخلت عـــــمو ابتسم صاح
::- يا هلا
- ومرت اسمر من وراه غمتني وفاتت سكتت بقيت يمهم ثاني يـــــوم من الصبح رجعت ابدل أريـــــد اروح للكلية اخابره ما يجاوب وعمه اتصلت كالت
::- يله ويا اسمر هو يوصلج
- جاي اطلع واتصل جاوبته بنتر
::- وين انـــتَ
::- هــــا شلونج
::- وين انـــتَ بــــسام ليش ماتجاوب
::- هسه اجي
::- راح اروح للدوام عندي امتحان
::- روحـــــي ديربالج على نفسج
- سديت التليفون قفلت الباب وطلعت اسمر واكفلي بالشارع صاح
::- يله ولج اتأخرنا
- مشيت بسرعة هستوني افتح باب سيارتة وطلعت مرته ماده راسها من الباب وتغلط وتصيح
::- واللـــه اذا راحت وياك اروح الاهلي
- وكفت صافنه وهو يغلط عليها ويصيح اصعدي
معليج رجعت ليوره طبكت باب سيارته كتله
::- روح اني اجي بتكسي
::- اصعدي لا تلعبين تكسي شنو
::- ابد واللـــه روح ما اصعد
- عفته ومشيت للشارع وهو يصيح وراي حقها مرته وتغار عليه هاي اني هم اغار على بــــسام من رقية رغم هي متزوجه وعلاقتها بزوجها حلوه
ما الوم هند وغيرتها اخذت تكسي ورحت
اسبوع مر بسام اشوفة بــــس بالليل ويوميه بالنجف يوميه اخر مره هستوه راجع جاي اسويله عشا اجه وراي للمطبخ التفتت اله
::- هــــا هسه راح اكمل
- رفع عينه الي ذبلانه وجــــهة تعبان حيل وهو بالباب همس
::- هم انتِ تعوفيني
- وكفت بمكاني اباوعله هزيت راسي لا گـــــال
::- مــــحد يبقالي مكتوب عليه افارگ كل عزيز
::- بــــس اني ما اعوفك
- سكت ورجع كعد بالصالة اخذت العشا كعدت يـــــمة اكل شوية وكال
::- خابرني الحجي
::- ابوك؟
::- امم يگول مــــحد بقالي أريـــــد اجي يمكم وهذا بيتي نأجره كتله لا توصل ولا اريدك اذا ربيتني 17 سنه اخذت حيف عشرين سنه ليگدام
ما بقالك شي يمي
::- 17 سنه لو 27 ؟؟
- رفع راسه الي مرتبك بلع ريك ودنك گـــــال
::- يعني قصدي من جنت طفل وبعدين اعتمدت على نفـــــسي .
- سكتت ما مقتنعه ارتباكه ترس گـــــلبي شك
كمت غسلت وسويتله چاي فتحت باب الغرفه بسرعه نزل أيــــدة من يم وجــــهة مانعني اشوف البيها بــــس لمحتها القراصة الضامها ضم أيــــدة حيل تقربت انطيته الچاي ساكته طلعت من يمه
::- منو بــــسام
شنو الضامه عليه شنو الغموض العنده بــــس غسلت ملابسي فتت كويت ملابسه هو فاتح الحاسبة وكاعد يسحك جكاير يتصل ويرجع يكتب بالحاسبة طلعت ملازمي درست شوية وعفتهن كمت تمددت هستوني انام وحسيته بحضني يضم روحه ويحجي بخفوت
::- بــــس انتِ بقيتيلي ديربالج تعوفيني غدوره
- عبرت ايدي احضنه واحجي ::- ما اعوفك
- ضم وجــــهة بصدري دقايق ونام مر على وفاة امه 15 يـــــوم مرات هادئ ومرات يجي روحه بخشمه ينعزل بغرفة امه ومن انام اكعد الكاه مسوي ريوك نتريك ونطلع يوصلني للكليه ويروح الشغله ومن اطلع لو هو يرجعني لو يدز واحد من الجنود
بيت عــــمة صرت ما اروحلهم من اشتاق كلش اخابرها تجي يمي حجي هند يغثني ابتعدت افضل وعمه مرات ما تلحك تجي عشر دقايق وترجع تركض
رجعت من الدوام هستوني دخلت واندك الجرس
ركضت للكامرات بــــس لمحته ابو بــــسام جمدت افتح الباب ؟لو اخابر بــــسام؟ لو اغلس؟
بقيت بمكاني ساكته مل تفل على الباب وراح
رحت أريـــــد اخابر،بــــسام متردده شفته ناشر ستوري
قبر امه والوراه قبر عـــــلي وفاطمة غلست ما خابرته لليل وهو ماكو خابرته گـــــال اتأخر
::- ماشي اني نعسانه راح انام اذا اجيت كعدني
::- نــــــامي عمري
- سكتت سديت الخط محتارة شنو الاريده هو خايف يخسرني وانا يـــــوم عن يـــــوم احبه اكثر الشي الغاثني حاليا الغموض العنده مفتاح الميز الصار ياخذه وياه للدوام حاسبته والرمز بــــس تليفونه يعوفه يمي واعرف رمزه تعــــبت من التفكير هستوني اغفى وحسيته حضني يبوس بوجهي
فزيت اباوعله بعدته مني لزمت وجــــهة ابين ايديه
::- جوعان اسويلك عشا؟
::- اريدج انتِ محتاجج
- باوعت بعينه ساكته تقرب يطبع شفته على شفتي بلمسات هادئة واني گـــــلبي يرجف ومركزه بكلماته بوس وجناتي وبعد شعري من اذني باسها يشاورني
::- غـــــدير احبج
- حبي اله ضعفني الدرجة الاستسلام ماكدرت امنعه ولا ارفضه رايدته كد ما هو رايدني نايمه على صدرة مركزه بدكات گلبه وهو يدخن
::- غـــــدير؟
::- همم
::- جنتي تحبيني من زمان؟
- سكتت ما أريـــــد اعترف خله أيــــدة بشعري المتلئ ريحة جكاير منه جر خصلاته الوجهه شماهن وحجه بعد مانفخ الدخان وسط شعري
::- حسيت بيج بــــس غبي اول ما حسيت گـــــلبي دگ الج رحت تزوجت خفت اواجهه ابو اسمر بــــس واللـــه جنت من البدايه حابج على اعصابي جنت اكلج خوية
- بقيت ساكته ادك بحنجي على صدرة ومچلبه بالغطا غمضت عيني من حرك اصابعه بفروة راسي نقطة ضعفي
::- اعوضج عن كل اذيه سببتها الج وعن كل دمعه نزلت بسببي
- رغم فرحتي بكلماته خايفه طبكت ايدي على صدرة ورفعت راسي عليها اباع بوجهه جر نفس من الجكارة نفخة بوجهي مبتسم
::- ما أريـــــد تعوضني عن شي اكتفي اذا جنت صريح وياي ما تضم شي عني ما تخليني اعرف شي يخصك من غيرك
::- هممم شلون يعني
-نزلت شفايفي ما ادري متردده احجي سحب اخر نفس من الجكاره نفخ الدخان بوجهي
::- ترا ما احبها متحملتها الخاطرك
::- هههه بعد ما ادخن يمج
::- اي ما جاوبتني
::- على شنو اسألي
::- مثلاً هم حبيت قبل يعني اعترف عادي ما راح اضوج لان صارت ماضي
::- واللـــه ما حاب ولا داك گـــــلبي الغيرج
::- حتى من جنت طفل
::- ههههه حتى من جنت طفل اصلا حاقد على الكل وما احب احد ومعتزل دائماً
::- لعد ورقية شلون صارت هيج قريبة منك
::- شوفي من عرفت رقية جنت جبير تقريباً عمري 11 سنه فـ ...
::- لحظه لحظه هي غير بت عمتك شلون عمرك 11 يله عرفتها
- سكت صافن عض شفته يباوع بعيني وسحب جكارة ثانيه شعلها وجر نقس منها گـــــال
::- مو كتلج اهلي جانوا بالخارج الهل سبب يعني
::- هممم اي كمل
::- اي هي بقت تجي يمي من تشوفني اعتزل
يعني شفتها احسن من كل اطفال ولد اعمامي
تتعارك وياهم الخاطري الهل سبب قريبة مني
- سكتت وهو سكت كام ما يباوع بعيني يتهرب مديت ايدي الوجهه لزمته رفعت شعره من كصته وامسح على حواجبه هادئ عــــــيونة تتبع نظراتي نزلت ايدي على شواربة مسحتهن وحجيت اباوع بعينه
::- القراصة الضامها مال منو وهي حيل قديمه؟
- جمدت ملامحه ساكت بلع ريك ورجع دار وجــــهة يجر نفس من الجكاره ينفخه ويرجع يسحب
::- جاوب بــــسام من حقي اعرف مو؟
- هز راسة اي جر الجكاره للأخير وقبل لا تطفه شعل غيرها ودار يباوعلي مرتبك
::- مال بنيه
::- منو
::- هيج بنية من جنا اطفال
::- جوارينكم لو شنو
::- اي
::- شجاب قراصتها الك وليش محتفظ بيها
::- مو باوعي يعني هي من جانت صغيرة احم وانا نطلع نلعب بالشارع يعني حيل متعلقه بيه وانا هم متعلق بيهاا حيييل
- حجاها ورجفت شفته مختنك اسمع باهتمام مركزه بكل حرف يحجي كمل كلامه بــــس يريد يقنعني
::- وبعدين راحت
::-وين راحت ؟
::- شالوا من يمنا وهي من رادوا ياخذونها جانت بحضني خاتلين جوا الدرج انا وياها حيل جنت ضامها بحضني خايف بعد ما اشوفها تمنيت وقتها اكدر ادخلها الكلبي واضمها عن الكل
غـــــدير ::- فتحت عيني على وسعهن من نزلن دموعه وحـــدة وره الثانيه يشهك كام وكمل مختنك
::- ومن لكوها جروها مني لزمت بكصيبتها وهي تبجي وتصرخ وهم لازميني بــــس كصيبتها بايدي فلتت القراصة مالتها وبقت عندي .
- انتبهه النفسه مسح دموعه يحاول يبتسم ويضيع السالفه وخرت من صدرة دنكت اجر بملابسي لبستهم بسرعه ودرت عليه
::- منو هاي البنيه؟
::- كتلج جوارينه وجنت احبها
::- هههه قبل شوية كلت حتى من جنت طفل ما احب احد وحاقد على الكل وعمري گـــــلبي ما دك لبنيه وهسه كعدت تحجي ودموعك ترسن وجهك عليهااا تضحك عـــــلي بسااااام
::- اششش صوتج شبيج
::- كاافي جذب ماجاي اصدكك كل شوية تحجي شكل تريد اصدك حجيك وانتَ ما ثابت على كلمه
- لبس التشيرت وكام اخذ ملابس من الكنتور يريد يطلع صيحت
::- وين رايح
::- أريـــــد اطلع ارتاحي ماجاي تعرفين شتحجين
::- اعرف شنو جاي احجي باوع لو هسه تحجيلي كلشي ضامه عليه وسالفة الميز القافلة لو ترجع ما تلكاني واللـــه
- ما اهتم فات للحمام مسحت دموعي ارجف كل ما اتذكر دموعه وهو يحجي عليها انشعل وانطفي نار بگلبي جريت صاية وشال والم ملابسي وكتبي طلع من الحمام يباوعلي
::- شبيج تخبلتي
::- اااي تخبلت تعــــبت عايشه ويا انسان حياته عباره عن غموض اسأل عن شي يتهرب هههه كل عقلك اقتنع باجوبتك الجذب واصدكهن
::- لا تسوين سالفة شبيج
::- تحجي لو لا الحقيقة ما أريـــــد تلزكلي سالفة من يمك
::- ما عندي شي شبيج انتِ
- هزيت راسي موافقة اخذت اغراضي أريـــــد اطلع وهو ماقابل رجعني للغرفة وطلع جريت تليفوني بسرعه خابرت عـــــمو دقايق وسمعته يحجي ويا بــــسام. طلعت بــــسام مدنك راسة ساكت وخجلان
ادريــــــس ::- مبچيها؟
بــــسام ::- اراضيها بــــس ما اريدها تروح
::- حجي يفيدك امشي عـــــمو
- جريت اغراضي امشي وره عـــــمو وهو وراي ويهمس
::- غـــــدير لا تسوين هيج كتلج ماعندي شي مو كلتي ما اعوفك شبيج
- طلعت من البيت ابجي وكلبي يوجعني لكيت عــــمة منتظرتني بالباب كلهم نايمين بــــس هي وعمو گـــــال
::- فوتي بابا يم اخواتج ارتاحي
- دخلت الغرفة البنات امسح دموعي ويرجعن ينزلن يجذب عليه هواي وعباله مصدكته اي شي اسأل عليه يبقى ساعة ساكت يدور جواب ولا مره جاوب شي صريح اخذت ملابسي وفتت للحمام بــــس طلعت لكيت عــــمة منتظرتني تقربت مديت نفـــــسي وخليت راسي بحضنها
- ساكته بــــس دموعي تنزل وهي من شافتني هيج ما سألت شي بقت تمسح على شعري بهدوء
الحد ما نمت.
نــــهله ::- سحبت رجليه من جوا راسها غطيتها وطلعت باوعلي بخوف
::- هاا شبيها
::- ما سألتها خليها ترتاح باجر اسولف وياها
- خله راسه ابين ايديه محتار كعدت يـــــمة رفع راسه يباوعلي طالعه روحه
::- هاي يتيمه دموعها بذمتي انا الحمدت بــــسام وكلت سبع اندري بيه خايس يبجيها
::- ماكو ثنين ماتصير بينهم مشاكل لا تلوم نفسك انـــتَ شعليك
- سكت وكام لفراشة محتار غطيته وكعدت يـــــمة ايدي على خده
::- لا تنقهر باجر افهم منها
::- راح تنامين يم مصطفى ؟
::- اي خاف يشمر (نوبة صرع)
- سحب ايدي باسها ابتسم
::- روحـــــي حبيبتي
- طفيت الضوه وطلعت ولـــــيدي تعبان واخذه للدكتور بــــس يزيدلي الجرعه ومايصير شي هم نفس الحاله ماخذ حيلي تمددت يـــــمة حاضنته على گـــــلبي.
ثاني يـــــوم هند من كعدت ولكت غـــــدير هنا تخبلت وانا طول هل فترة ساكته عنها رغم هي بــــس اول ايام هادئة ونوب رجعت الطينتها اجت وراي للمطبخ
::- شنو هاي شعدها يمنا؟
::- ليش شنو ما عاجبج؟
::- اي ما عاجبني شكو جايه
- درت عيني الباب البيت أشرتلها
::- واللـــه يا حبيبتي هذاك الباب اذا ما عاجبج روحـــــي الاهلج بيت عمتها هي تدخل وانتِ تطلعين
::- اكلي خره مصدكه روحها بيتها لموج من الزبل وسوو براسج خير شوفي واللـــه اذا ما طلعتيها من البيت اصحيكم بمشاكل وانومكم بمشاكل اكلب البيت جحيم
- ابـــــتسمت ساكته اگلب بالجدر ::- اليسوي مشاكل نرجعه الاهله
::- نشوف اذا ما طلعتجن بليلة ظلمة منا
::- ايدج الج خلي يجي اسمر ويعرف تشربين جكاير وانتِ حامل ونشوف منو اليطلع
- فتحت عينها بصدمه ماتدري بيه اعرف سوالفها مسحت وجها بخوف وراحت الغرفتها سديت الجدر منتظرة غـــــدير تطلع من الحمام عفتهــــا ورحت اتصل على جــــمرة ضحكتها ترد روحـــــي
::- اليوم غـــــدير يمنا
جــــمرة ::- شتسوي
::- هيج تحاجينها؟
::- لا ما أريـــــد مصطفى شلونه
::- الحمدلله تفتحين كامره تشوفينه؟
::- لا دزيلي صور
::- خوش وانتِ هم صار هواي ماشافتج
- سكتت باعده التليفون منها وتحجي بحركه تهمس
::- خررب الارعن لا تلح لا تلح والقران ادفرك شبيك
- وصوت زوجها خربان ضحك ويكلها
::- بــــس ابوسج حتى امج تسد الخط أريـــــد اطلع
::- ولي ولي شبيك
- ضحكت اسمعلهم سمعته من باسها وهي تغلط سديت الخط گـــــلبي يرف عليها طلعت غـــــدير من الحمام ابـــــتسمت
::- شنو هل غيابات صايره مهمله
::- هههه اي هسه انفصل
- دخلنا اني وياها للمطبخ اسولف واسويلها ريوگ لمحت هند فاتت للحمام اشرت عليها وحجت
::- شو هاي ماعدها بطن
::- بعدها بأول اشهر
::- ليش اشك بيها جذابة ما حامل؟
- سكتت صافنه باوعت الهند طلعت خزرتنا دخلت للغرفة وركعت الباب حيل رجعت اباوع الغدير
::- هي تشرب جكاير ومن اسمر يگلها نزليلي ملابسي من السطح تركض ركض على الدرج .
::- يا عززززا تشرب جكاير
::- اي واللـــه وانا كل تفكيري بالطفل واكول مو زين عليه
::- واسمر يدري؟
::- لا
غـــــدير ::- درت بحيرة اباوع الغرفتها طلعت مبدله وتحجي بالتليفون تمشي من يمنا تضحك وتسولف
::- يله وداد اشوفج لا تتأخرين
- سدت التليفون وكفت بالباب نزلت النظارة من عينها عوجت حلكها ورفعت ايدها حركت اصابعها كالت قود بي
بــــس نطقتها نفجرت من الضحك وعمه على ضحكتي تضحك مشت هند تريد تطلع صحت وراها
::- good bye
- درت العمه كالت
::- اسكتي عنها غـــــدير الخاطر اسمر
::- شلون متحملتها احلف عليها جذابة مو حامل
::- لا لا تحلفين ما عليه منها بــــس امها مره جبيرة تصلي وتصوم ما معقولة تجذب
::- هو خوفج من اليصلي ويصوم
::- ايا ادبسز شقصدج
::- هههههه لا ترا لا تجيبين نفسج عليهن
- بقيت يم عــــمة اسولف واضحك حاولت اطلع بــــسام من تفكيري أريـــــد ارتاح ما أريـــــد افكر من كعدنا يم مصطفى سألت عــــمة كتلها
::- عــــمة احس عنده اسرار يضم عني دائما من اسأل عن شي ما يحجي الصدك اجوبته مختلفىه ويتهرب
::- حتى ادريــــــس يشكي من هل شي قبل لا تتوفى امه گـــــال بــــسام تعبني جاي الكاه
يشتغل من وره ظهري وزعلان منه وحالف اذا يسوي شي من وراه ينزل بيه عقوبة
بــــس يجوز هو طبعه هيج كتوم ومايحب يشارك ما يحقلكم تحكمون عليه تفهموا وجهة نظرة
::- عمه مو قصة كتوم بــــس مبين عنده سالفة وماجاي يحجيها اني تحملت منه هواي وسكتت
بــــس مو يجذب عليه اموت من القهر بنفس الوقت يحجي شي وراه يحجي شي مختلف
::- ما ادري واللـــه اشوفة خوش وليد وحباب ويحبج كتيله أريـــــد يم عمتي تداين من عمج وسوه سلفة وجابج ومهتم بيج لا تظلمينه غـــــدير
- سكتت من عــــمة كمت للغرفة وهي فاتت توكل مصطفى واسمعه تكله
::- روحـــــي وروحك فد معلاك يـــــمة وثنينا ما نحمل فراك
- وتسولف وياه شكد جريت تليفوني لكيته متصل وداز رسائل فتحتهن الوب
الساعه بـ 1كاتب
::- لا تتزوملين
وراها بنص ساعه كاتب
::-باجر اجي عليج هيو ما اكدر
بـ 2:30 كاتب
::-ليش حقيره انتِ مو اكلج ماعندي شي
الساعه بـ 4 الصبح كاتب
::-ادبسز واللـــه مختنك تعالي انا بالباب
من ما جاوبته داز
::- براحتج
دك بايدي فززني بلعت ريك وجاوبته
::- هــــا
::- وجعاه ارجعي البيتج
::- ما ارجع
::- حظج اطيحه بكيفج شنو
::- واللـــه ما ارجع تعــــبت منك
::- شمسويلج لج شمسوي
::- احجيلي كلشي واني ارجع
::- لا اله الا الله لج باابا شحجيلج ماعندي شي كتلج جوارينه وطفله جنت متعلق بيها هاي كل السالفة
::- واني ما مصدكتك
::- التردينه هسه شنو
::- احلف بروح عـــــلي الحجيته حقيقة
- سكت شوية وكال مختنك
::- وروح عـــــلي روحـــــي معلگة بروحها
::- بــــسام
::- هممم
::- تلعب عليه انـــتَ واللـــه ما ارجع
- سديت التليفون بوجهه رجع اتصل رفضته لح حضرته حركني حرك من القهر ما جاوبته بعد .
لمن اجو الجهال من المدرسة مكيفين اباوعلهم مبتسمه شلون اول مادخلوا تلكتهم عــــمة وهم ركض يبوسونها ومثل ما جانت معلمتنا اول ما نجي نشر احذيتنا بالشمس كلش نفس تصرفاتنا
وراحوا غسلوا ايديهم فاتوا يبدلون وطلعوا توضوا واجوا يمها للمطبخ يحجون عن دروسهم وهي تجاريهم ومن واحد منهم يكلها صفگولي تشجعه بطريقة تجنن
طلعت لطارمه سمعت صوت سيارة اباب بيتنا جريت الدرج وصعدت من يم السياج شفت سيارته دخلها للكراج ونزل نزلت بسرعه طفرت
يا عمري منو يسويله غدا هسه
جريت الدرج وصرت بالزاويه حتى مايشوفني لم ملابسه من الحبل ودار وجــــهة علي نزلت راسي خاتله صاح
::- اوووكفي
- دنكت خاتله وادعي ما شافني فزيت على صوته بصفي مجلب بالسياج
::- شلونج
- كوه مجلب ورافع وجــــهة يمي ودي اركع راسي بالحايط من الفشلة
::- معليك
::- ليش تراقبيني
::- ما مراقبتك ردت اخذ ملابسي من الحبل
::- تعالي اطفري
- جر ايدي يريد يسحبني واني اجر بيها واصيح
::- وخررر ما اريدك ما اريدك وخــــر
::- اموتج اطفري تعاي بــــس احاجيج
::- ااايدي نزلغت ايييدي
::- حيل اطفري كتلج ما عوفج
::- ولج عمه ولك الناس تشوفنا الكامرات وخــــر
- سحلني حيل من ايدي وصدر التشيرت خنكني يسحل بيه
::- خنگتني خنگتني
::- وخنگتهم اطفري كتلج
- مد روحه حيل نزل أيــــدة على البجامه رفعني منها وعبرني وكعنا ثنينا بحديقة بيتنا
::- شكيييت ملاااابسي البجامه نشگت
- درت عليه محروكه حرررك وهو صدرة يهتز ونصه تراب ميت ضحك ضربته على صدرة .
::- شبيك شبيك
::- شلون تعوفيني
::- ما اريدك بعد
::- مو بكيفج واللـــه
- خزرته وهو ميت ضحك كام وجراني من ايدي يريد يفوتني للبيت واني اجر بروحي منه واصيح
::- ما اريدك ما اريدك عــــمة راح تبقى تدور عليه عـــــوفني
- كعدت بالگاع وبيتنا يزحلك نگلبت على ظهري وهو يسحل بيه من ايدي ويصيح
::- بكيفج ما تمشين امسح بيج البيت
::- شكيت التشيرت شبيك
::- والبجامه مشكوكه
- دخلني للغرفة قفل الباب وشمر المفتاح من جوه صاح
::- خلي نتفاهم
- وكفت اعدل بملابسي واحجي مسحوله سحل وهو يحجي كلمه ويضحك رفعت عيني. خازرته
::- ما أريـــــد اتفاهم وياك
::- انا أريـــــد شبيج مو البارحه شحلاتنا شجاج
::- تعــــبت وانا ادورلك اعذار
::- اكعدي اسألي التردينه ما اجذب
- مسحت وجهي ثنينا لابسين اسود وثنينا صرنا ملح من تراب الحديقة والسحله كعدنا منتظرني اسأل
::- مجذب عليه بشي
::- اي
::- شنو
::- من يجي الوقت المناسب تعرفين
::شوكت الوقت المناسب
::- بعد مو هسه بــــس وعد احجيلج
::- أريـــــد اعرف هسه
::- ما اكدر عندي اسبابي اصلا شي ماضي
::- ما اكدر اصدكك احسك دائما ضام عني شي وغاشني
::- واللـــه ما غاشج والضامه عليج شي يخصني يعني ابد مو يمج وكتلج وعد يجي يـــــوم واحجيلج غـــــدير هو انا منو بقالي غيرج وترحين؟
- دنكت ساكته محتاره احس روحـــــي تفشلت هم زعله هاي صفن بوجهي ساكت وفاتح عينه على وسعها دار على باب فاز
::- المفتاح
::- النسخ باغراضي بيت عـــــمو
::- تشاقين؟
::- واللـــه العظيم
::- نفضحنا
- كمت يـــــمة يحاول يكسر الباب وتليفونه يدك جاوب عــــمة خجلان كالها
::- اي هاي يمي هههه شنسوي بعد ام مصطفى المفاتيح بجنطتها احنا بالغرفة ونسينه المفتاح برا بلكي تجين تفتحين الباب.
- سد الخط يضحك باوعلي صاح
::- عدلي روحــــــج حتى ما تفهم غلط ارتاحيتي هسه
::- ترا انـــتَ سحلتني وانتَ قفلت الغرفة وشمرت المفتاح شعليه
- كمت بسرعه انكث بملابسي من سمعت باب البيت نفتح وهو هم ينكث بملابسه ويكلي
::- ابعدي عني حتى ما تكول شنو جانوا يسوون
- نفتح باب الغرفة دنكت خجلانه من عــــمة سلمت على بــــسام وكالت
::- هــــا غدوره
- رفعت راسي اباوعلها كالت
::- تجين؟
- هزيت راسي لا ابـــــتسمت كالت
::- عفتلكم غدا بالمطبخ
- حجتها وطلعت وبسام وراها كعدت تذكرت السحله ومتت ضحك تصالحنا يومين عدن حلوات ومتصافين واتصلت عــــمة جاوبتها بضحكه وصدمتني هي تبجي
::- غـــــدير خلي بــــسام يجبلج الجهال بيتيهم يمج نوموني مستشفى بمصطفى تعبان.
يتبــــــع⋆𓍯
الكــــاتبة أيـــــــلول⋆𓄼𓂁
💚🌿