قريري العيون

البارت سته واربعون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه

لا يحسن عزف الحزن إلا من به #الم .....
ولا يتقن ترتيل الأنين إلا من يسكن
قلبه الوجع .......

..........

ورده

كمنه سبحنه ورجعنه خلاني بحضنه وكام يدخن وأيده مخليها بشعري

سلام: راح اشتاقلج ام حمودي

ورده: سلام ضايجه شلون اذا رحت باجر تعودت عليك والله

سلام:  البعد لحن للعشاق لاتضوجين انا راح اخابرج علئ طول
حظنته بكل قوتي ونمت على صدره

ثاني يوم  الصبح دك المنبه كعدنه ثنينه كام هوه طفه المنبه

سلام: صباح الخير للخير اما البقيه لا صباح لهم حتى يعتدل مزاجي

ورده :ههههه صباح الخير شبيه مزاجك اليوم

سلام: معكر لان اريد اروح من يمج

عض ركبتي بقوه
شطت من الوجع وصرخت

ورده:  سلامممم

سلام:افيش ولج عضام ركبتج غصبن عليه يخلني
اعضهن

ورده: انته ماتحس بل وجع الي احسه غير يخليني تشوغ روحي

سلام: و............. هم يوجع لو تشعرين براحه ويريحج على الاخر
إنا متأكد يخليج تسكرين وتفقدين ويخليج تصيحين ا..............

ضربته بل كوشه

ورده:  سلامممممم كوم من يمي شنو هل سخافه من الصبح

سلام: هههههههههههه ولج وحق هذا الصباح اموت عليج من تعصبين باس خشمي وكرص زندي وراح للحمام.

كمت لبست روب طويل وعدلت الجربايه رحت على الميز مشطت شعري ولميته بقراصه
حضرت ملابسه وعطره وساعته ومحفضته وكل أغراضه الي يحتاجها

سبح ورجع شمر الخاولي وكعد على الجربايه قرب الدفاية عليه

سلام:  ناوشيني ملابسي

نطيتهن اله وكام يلبس لبس بنطرون ازرق وبدي أسود وقمصله كباي سوده رش عطرر رفع ايده ورش عليه وبتسم
رديتله الابتسامه شلت جواريبه والحذاء خليتهن كدامه

حضني وكعدني وأيده تتلمس بصدري وتعصر

سلام:  اوف

صدري حته الثوب يلجمه يوجعني حيل

ورده: سلامممم اخ عوفني ايدك خلي اروح اسويلك ريوك

سلام: ماريد هناك اتريك بل طريق بس خلي اعض تفاح البناني. تصبيره على ما اوصل هناك

ورده: سلامممم جسمي كله يون عليه عوفني

سلام:  شبيه ولج

ورده: مادري

سلام: احجي ولج منين يوجعج ومن شنو

عرفته يريد ينطقني حته ينصب عليه ويكوم يضحك

ورده:  مادري هيج من الله

عصر صدري بقوه
سلام:  مشتهيه ولج

عطتت حيل
ورده:  اخخخ شبيك تره يوجعع والله اخخ هدني خلي اكوم

سلام:  شبيه ولج كليلي شنو سبب ومن يمته يوجعج حته اخذج لدكتور

ويتصنع البرائه بحجيه

ورده:  مابيه شي بس اكوو ذيب متوحش وكيح الكاع
متحمله هوه خلاه يوجعني من الله لا ينطيه شكد مكرروه
تكول مشايف

حجه بابتسامه وكعد يستفزني بل حجي

سلام:  الذيب وين شافهن اذا انتي م...... وخليته شافهن وبعدين من عضج ليش
مارفضتي اشوو نصهرتي وذبتي بين أديه وتونين ا....................

خليت ايدي على حلكه

ورده: مامرتاح اله لمن تخليني اكمز من العصبيه. بعد توبه اذا خليتك تتوكح عليه وكيح

وخر ايدي من حلكه وكال

سلام: ولج اموت عليج بت الكلب بت الكو......... انا الهسه متعجب شلون ابوج الكو..... عنده هيج خلقه حلوه هم نعمه من الله هاي بيه زينه

ورده:  سلام عوف ابوي تره يضل ابوي مهما صار

سلام: يابه تامرين بت السكط

ورده :سلاممم

سلام: ههههههه نسيت

لبس جواريبه والحذاء وراح لباسم باسه
ومسح على شعره
ورجع حضني

سلام: ديري بالج على حمودي وعلى نفسج
خليتلج فلوس بل مجر خاف تحتاجين شي
شال جنطته  وخلاها على جتفه

ورده: سلام

لتفت عليه
سلام:  روحه
تقربت عليه حضنته وبسته

ورده:  الله وياك من توصل خابرني

باسم عيوني وخدودي وشفتي

سلام: حاضر تأمرين

نزلنا وهوه لازم ايدي فتح الباب وطلع
شلت ايدي وكمت الوحله وهوه هم
رجعت دخلت جوه وكلبي عتصر روحي راحت ويا سلام

نضفت البيت ومسحت وصعدت فوك لكيت باسم كاعد
نزلته وأخذته لعمتي وانا رحت  سويت ريوك
تريكنا
مرت الأيام ماكو شي جديد نفس الروتين
وسلام كل اليوم يخابرني بليل ونضل نحجي واكيد كل شويه
يتوكح عليه لو يكعد يستفزني ويخليني اعصب ويكوم يضحك
جان غيابه عني مشكل فراغ بداخلي جبير
واعد الأيام والساعات لنزوله
كل يوم حبه ينمو بگلبي صرت كل يوم اسئل نفسي ليش هل كد حبيته رغم شكد جنت مامتقبلته بحياتي
و اجاوب نفسي هاي رحمة ربي الي نساني واستجاب الدعائي
وحول هل كره الي بكلبي إلى حب
ربنا رؤف رحيم ومينسى احد من عباده من رحمته الواسعه

الهموم والغمموم والضغوطات وهاي الامور الي تصيب الإنسان
بهاي الدنيا رب العالمين يدري بنفوسنا الضعيفه ماعدنه صبر
نتحمل الحزن ولا الهم والكرب الي يواجهنا بهاي الدنيا
كاعد يختبر إيمانا وتمسكنا بيه ابعض الأمور العصيبه

هاي الدنيا سجن للمؤمن وللكافر جنه
وطالما واجه الإنسان المؤمن بالله وعنده نيه صافيه اذا واجه
بعض الضيق والكرب والهم تخليه يلتجئ الرب العالمين سبحانه وتعالى يفتح گلبه ويذب همومه برفع أديه إلى الله تعالى
رب العالمين يقول في كتابه العزيز

((ادعوني استجب لكم ))

انزل رب العالمين النا ذكراً مبيناً وقرئناً عضيماً واوحى الى انبيائه والائمه الطاهرين بعض الأذكار والادعيه الي تساعدنا
تجاوز الهموم والغموم والكرب الي يصيبنا بالحياة
خليكم قريبن من ربكم مهما شتدت عليكم مصائب الحياة
خلو الدعاء والصلاة والتقرب إلى الله سلاحكم بتجاوز همومكم
وكرباتكم
لا تيئسو من رحمة الله رحمة الله واسعه

لقنوطك من رحمة الله التي وسعت كل شيء أشد عليك من ذنبك، إنزال العقاب بلا داع هو تعدٍّ على رحمة الله. لا تحسب يا توفيق أنّ عملك أو عملي هو المنجي وإنّما هي

رحمة الله. هو يعرف حدود أحزان البشر ويعرف أنّ هذا من رحمة الله بعباده. كيف ترجو أن تكون سعيداً ورأى فعلك شقي فاسأل الرحمة من رب عظيم وسعت رحمته

كل شيء. لا يرحم الله من لا يرحم الناس. إنّ لله مائة رحمة أنزل منها رحمة واحدة بين الجن والإنس والبهائم والهوام فبها يتعاطفون وبها يتراحمون وبها تعطف

الوحش على ولدها وآخر الله تسعاً وتسعين رحمة يرحم بها عباده يوم القيامة. إنّ الله يعذب الذين يعذبون الناس. إنّ الإنسان يمكنه أن يعيش بلا أب أو أم، ولكنه لا يمكنه

ذلك دون رحمة الله. ولنثق دائماً بأنّ الله كله خير وبأنّ مشيئته كلها رحمة.

حين توشك على السقوط تجد إشارة تدلك أنّه ما كان سقوطاً وإنّما كانت رحمة الرب لتتعلم كيف تقف. جور العباد يجعلنا نتذكر لطف ورحمة رب الأرباب. لا يثمر تغيير تخالطه الرحمة.

أن تأمن مكر الله، وأن تقنط من رحمة الله، وأن تيأس من روح الله. الطبيعة نفسها تخفي عن الإنسان أكثر الحقائق رحمة منها بالعواطف التي هي قوام نفسه. الآخرون، بعضهم شوكة في الحلق وبعضهم رحمة. يجب أن لا نبكي على أصدقائنا، إنّها رحمة أن نفقدهم بالموت ولا نفقدهم

وهم أحياء. موت يسير معه رحمة خير من اليسر وطول البقاء وقد بلونا العيش أطواره فما وجدنا فيه غير الشقاء. الرحمة خير من العدالة. من الخطأ أن تكون الأمور الأكثر

أهمية تحت رحمة الأمور الأقل أهمية. البشر لن يجدوا أبرَّ بهم ولا احنى عليهم من الله عز وجل. أليس من العار أن تترك مقدرات أمّة تحت رحمة مواطنين يتصرفون

بهذه المقدرات بخفة ومجون كما لو كانوا يلعبون الورق. إذا أردت أن ترحم الناس، فابدأ برحمة كل شيء غير الإنسان أولاً. لا تمش في الناس إلّا رحمة لهم ولا تعاملهم إلّا بإنصاف. ارحم من دونك يرحمك من فوقك. الرحمة في الله حياة. ارحموا من في الأرض يرحمكم من في السماء. مكارم الأخلاق عشر

صدق اللسان، وصدق البأس، وإعطاء السائل، وحسن الخلق، والمكافأة بالصنائع، وصلة الرحم. لا ييأس من الوقت إلّا من يجهل أن الرحمة تسبق الوقت ولا يسبقها الوقت. الرحمة جوهر القانون، ولا يستخدم القانون بقسوة إلّا للطغاة. إنّ اللين في القوة الرائعة أقوى من القوة نفسها، لأنّه يظهر لك موضع الرحمة فيها والتواضع في الجمال أحسن من الجمال، لأنّه ينفي الغرور عنه. وكل شيء من القوة لا مكان فيه لشيء من الرحمة فهو ممّا وضع الله على الناس من قوانين الهلاك. الرحمة أعمق من الحب وأصفى وأطهر، فيها الحب، وفيها التضحية، وفيها إنكار الذات، وفيها التسامح، وفيها العطف، وفيها العفو، وفيها الكرم، وكلنا قادرون على الحب بحكم الجبلة البشرية، وقليل منا هم القادرون على الرحمة. الرحمة مخلوقة في حضن السجود. ليست الرحمة لونا من الشفقة العارضة، وإنّما هي نبع للرقة الدائمة ودماثة الأخلاق وشرف السيرة.

رددو هذا الدعاء دائما  ((اللهم إني أسألك رحمة، اللهم إني أسألك مودة تدوم، اللهم إني أسألك سكناً عطوفاً وقلباً طيباً، اللهم لا رحمة إلّا بك، ومنك، وإليك. ))

على الإنسان أن يكون رحيماً، لأنّ الرحمة تجمع بين البشر، وأن يكون أديباً، لأنّ الأدب يوحد القلوب المتنافرة. من إمارات الكرم الرحمة، ومن إمارات اللؤم القسوة. إن ضاقت بك النفس عما بك، ومزق الشك قلبك واستبد بك، فكن موقناً بأنّ هنالك باب يفيض رحمة ونوراً وهدى ورحاب باب إليه قلوب الخلق تنطلق فعند ربك باب ليس ينغلق. إنزال العقاب بلا داع هو تعد على رحمة الله. إنّ الله تعالى فرض فرائض فلا تضيعوها، وحد حدوداً فلا تعتدوها، وحرم أشياء فلا تنتهكوها، وسكت عن أشياء رحمة بكم من غير نسيان فلا تبحثوا عنها. لم يعلم المؤمن ما عند الله من العقوبة ما طمع بجنته أحد، ولو يعلم الكافر ما عند الله من الرحمة ما قنط من جنته أحد. إنّ الألم يفصل مخلوق عن مخلوق ويدفع كل منهما الى أحضان رحمة خالقه. ازرعي الرحمة وروداً في طريق الغير لتحصدي عبق الذكرى بعد رحيلك. لا ييأس من الوقت إلّا من يجهل أنّ الرحمة تسبق الوقت ولا يسبقها الوقت. الرحمة نصف العدالة. إذا لم يكن من الكارثة بد فمن الرحمة أن تقع سريعاً. بالصبر والحكمة والحب سنصل بهم إلى أرض أكثر جمالاً ورحمة. القلم رسالة، القلم رسول، ورحمة، وهداية، وعطاء. فالحيرة دوما أكثر رحمة من الحقيقة والألم. الذاكرة مثل العاصفة أو الجنون عندما تستيقظ لا أحد يستطيع إيقافها

وإنا  واجهت مصاعب الحياه بتقربي الله سبحانه وتعالى
وشملتني رحمة بعد حين. كل الي واجهني بحياتي حاربته بذكر الله وادعيه كتاب مفاتيح الجنان ورب العالمين فرجها عليه
يارب يشملكم برحتمه بحق محمد وال محمد

هاي الأيام احس نفسي تعبانه وموعد الدوره صار فايتني ٣ايام گلبي لازمته بيدي اخاف حامل انا ماريد جهال بعدني
لهسه اخاف من الي صارلي اباسم وشلون تعذبت
كل يوم ادعي ربي انو ماكون حامل اكول بلكي باجر بلكي اليوم بس ماكو

رواء :ورده شبيج اشو احسج مدري شلونج حته متغديتي ويانا قبل شويه

ورده:  والله اشوو مااشتهي من الخوف

رواء:  ياخوف ولج خوفتيني شكو شبيج ورده

ورده:  اخاف حامل وانا ماريد اخاف والله وكمت ابجي

رواء :صدك لا تخافين حبيبتي هاذا رزق من ربج
لا تكولين هيج وليش الخوف ماكو داعي وبعدين انا عكسج اشو طرت من الفرح يعني راح يصير عدنا نونو ثاني مثل باسم
يمه فدوه رحت الهم

ورده :رواء انا خايفه وانتي فرحانه ولج انتي مشايفه الضيم. وتضحكين عليه

روأء:ههههه اروح ابشر امي والعائله كلها بهاي الخبريه الحلوه

ورده: تعاي ولج عيب خليها بعدين

رواء:  اي اكو وحده حامل ومفرحانه

ورده:  اي اكو انا

رواء: ههههه والله راح اروح اكول الأمي حته تاخذج
تسوين تحليل

ورده:  لا عفيه تعاي بعده بعده هيه هيج مرات تتأخر ١٠ ايام هيج

رواء: ماشي ورده على راحتج ونزلت

للعصر حسيت نفسي فد مره تعبت ردت انزل اكل شويه ليمون لان احس نفسي تلعب

جاي انزل ودك سلام
فتحت تلفون واجاني صوته

سلام :شلونه الگلب وراعي الگلب

ورده :زينه الحمدلله انته شلونك

سلام: بخير الحمدالله حمودي شلونه

ورده: زين الحمدالله

اسمع أصوات طلق يمه

ورده:  سلام اسمع صوت طلق يمك

سلام: لا ماكو شي هاي صوت الهواء يتراولج

ورده:  قابل ماعرف مبين صوت طلق سلام اخاف عليك شوكت تنزل كلبي عطشان لشوفتك والله

سلام: ولج تشعلين اهلي من تكليلي هيج ان شاء الله بعد يومين ونزل وارويج منا لمن تكولين كافي

ورده :سلام تره مشتاقتلك مولغير شي انته عقلك شاطح

سلام: هههههههه اموت عليفهمني

ورده: اوف شيخلصهن هواي صارلك اليوم ١٧ يوم وجنهن ١٧ سنه

سلام: اشتعل وحترك لا تتاففئفين هيج لا اكفر ولج وين أولي بهل زلگ هاذا وين انتي هسه

ورده:  فوك

سلام: افتحي كامره خلي اشوفج

ورده: سلام تعبانه وجهي ميساعد وتكوم تصنف عليه

سلام: افه انا اصنف انا ماصنف انا اجر..

صوته ختفه 

ورده: الو الو ماكو مرد عليه. عرفت الشبكه راحت. دوم تروح وهوه يحجي وياي

خليت الجهاز على الميز ونزلت
لكيت عمتي كاعده على مسلسل ومخليه باسم بحضنها ياكل جبس

ام سلام:  هاا عمه شبيج اليوم شو وجهج اصفر وتعبانه

ورده: اي عمه رأسي يوجعني

ام سلام:  اخذيلج حبايه بلكي يصير زين

فتت للمطبخ وقطعت ليمون وملح وكمت اكل حته نفسي تهدأ شويه
صدك شويه وحسيت نفسي ارتاحيت شويه

ثاني يوم كعدت الصبح وانا نفسي تلعب ونفس  لعبان نفس لمن حملت بحملي اول مره
كلبي نغزني والخوف تلمكني اخاف من الوجع لحسيته بولادة باسم

ركضت للحمام واحسن امعائي تقطعت من الوجع
رجعت للغرفه وانا اصبر بنفسي مو حمل
مر اليوم عادي وانا نفسي تلعب وريگي يقطر كل شويه

رواء

لن اجد الهدوء أبداً كان مصّدر الضجيج. في أعماقي.💔

تعبت القهر ياكل بيه يوم عن يوم شكد حاولت انسه

واتخطئ والهي نفسي بغير شي الكه روحي افكر بيه

والحزن يحتلني من جديد شلون واحد ينسئ وهوه

روحه معلگه بهاي الروح تعبت وانا اخفي حزني

ها  قد جثمت على ذكراك أحلامي لا طريق أليك ولا من

يدلني عليك متى تأتي قافلة وتلوح دلوها في بئر

الأمنيات ويشتد رحاله بروحي التي باتت لا تعرفني معلقتاً بك

من راحت ورده للصالون اخذتني وياها وتحاول هواي تلهيني ومااكعد لوحدي حته تنسيني

شفت مرته 💔وهاي الكلمه تكسرني الف كسره جانت
جايه ترتب نفسها

يعني تحضر نفسها اله يعني كامت تتقربله اختنگت والغصه ابلعومي اباوع عليه وگلبي يصرخ ويكلها

لاا موووالج خذا مالتي تعبي حب العمر موووالج لاتاخذينه مالت رواء

كلت لورده راح ارجع رجعت ويا امي وصعدت اركض فوك قفلت الباب وضليت اصرخ جوه مخدتي انهاريت

اناااات كلتتتتتت رااااااتح يقربونهم سووووووه شهررررر شهرين سنه سنتيننننننننن

حرااااااام عليييييكم وووووولله حراااااام اخخخخخخخ

يمه تعبببببببببت ررررررحموني ياااااعالم. 

النار تاكل بيه اكل كل دقيقه وكل ثانيه كمت اعد راح يرجع راح تروح يمه راح تتقربله راااح لاااارحيم فدوه لاتضعف لااااتضعف

گلبي ينزف وجع. 

وره خمس ايام دخلت علئ صفحته انا ماخليه يشوفني ذيج صفحتي الجان يعرفها حذفتها هاي غيرها بس اراقبه بيها

بس احاول انو ماادخل بعد اكثر شي اطول اسبوع وادخل ماكدر ماتحمل اضل اباوع بصوره ومنشوراته وابجي

دخلت
ناشر اغنيه مقطع  لفضل شاكر انا اشتقتلك ومخلي فوكاها قلب 💔   قبل 10ايام

وصار يومين ناشر هذا الشعر

معروف لوصب الدمع ينشاف بس ماينسمع
ليش انا دمعي بغيبتك فزز الناس الغافيه
وليش من اصيحك ماترد موتدري كاتلني
البرد وتلمس احلوك البشر وين الحجايه
الدافيه ودعت ليلي مقمرا امسيت والقمر
اختفئ غيري سعيدن يحتفي ماهمني فيما
حتفئ ودعت ليلي بائسا اكملت دربي بائسا
في خطوتي بان الجفئ حقا كفئ جندوب
اكابر وانتضر سنت المضت موكافيه

دموعي تزخ كرهت نفسي ياربي ساعدني ردت اكتب اكله تعااال محتاجتلك شمرت التلفون وكمت اصرخ

نوارس

الخوف محتلني وانا ادعي ربي يسترني كضيت اليوم كله ووجهي اصفر انا بالمطبخ واجا مرت خالي

ام شهد: يله عيني خاتونه ماتجهزين روحج احنه بليل نروح نتجمع كلحنه ابيت اختي الجبيره نبات والصبح نطلع

موكالن باجر استغفرالله ياربي وبس اكول لخالي ماروح يطلعلي الف سالفه واطلع موزينه الصمت وسكتت رحت للغرفه واجت وراي شهد

شهد: اكلج انتي ماتذبين الاسود خوماترحين هيج

نوارس: لاا مااذبه اي اروح بااسود

شهد: تره كافي جلبتي بيه مايصير اصلا موزين واحنه رايحين نتونس شوفي البنات شتلبس

نوارس: خل تلبس شعلي منهن  انا. مااذبه

شهد: بس انتي حته ملابس سود جدد ماعندج كله دشاديش

نوارس: عادي البس جبه فوكهن

شهد: اوكفي خل اطلع ملابسي السود واجيبلج

جاي ارد عليها وطلعت

شنو هل اهتمام هذا وتنطيني من ملابسج مو جنتي ماتجرعيني وتكشين مني

ضلت فتره واجت

جايبه بنطرون وبلوزه سود وفوكاهن كوت اسود فوك من الركب وفستان اسود بيه حزام وفستان ثاني من جوه بيه
دانتيل كلوش وتراكين

كلت بگلبي كضاها ياخذ بفلوسنه وحصره علينه البسه وبناته احسن البس يلبسن
شوفتني ياهن ونطتني كلاو اسود ابو الشبقه وياه لفاف

نوارس: ماحاجه ماريدهن

شهد :لاالبسيهن وبارده نروح للثلوج

نوارس: شكرا بس ماريد هذا الكلاو البس شال

شهد :لاحلو عادي يصير هم فوك الشال احنه اخذنه اشكال بس شوفي البوت مالتي الاسود انا اريد البسه
بس اخذي مال روان لان راح تلبس الابيض
تعاي وياي جرتني وياهه

لغرفتهن روان جاي مدري شتسوي بوجها ورنده تسحب بشعرها

شهد: روان وين بوتج الاسود نطيه لنوارس تلبسه

روان: بلكودينه انطيه الها انتي
وباوعتلي بلمرايه نوارس تعاي خل اخليلج ماسك وياي

نوارس: لاماريد

رنده: تعاي نامي هناا ومعليج راحت مدري شحاجت شهد واجت

نوارس: لا شكرا ماريد اسوي شي بوجهي

رنده: شوفي وجهج مليان شعر وشواربج

خجلت انا صدك وجهي كله شعر بس مااحف الدنيا ماتت بعيوني من بعد بيبي  حته سامر أيست منه وحبه ضل مدفون بداخلي

شهد: ماما كالت احفلج

نوارس: يمته كالت ماكلتلي

شهد: تره الشعر وصاخه

سكتت كلت هم بناتهم كلهن هسه راح يباوعلي ستحيت من الشعر البوجهي

جابت الخيط وكعدت تحفلي وعيوني تصب مو من الالم تعودت علئ الالم بس ابجي علئ نفسي
كلتلها لاتحف حواجبي كالت بس انضفهن

شهد: هاا اهاا خلصت شبيج تبجين تعاي روان جيبي هذا الماسك برديلها بيه خلت لوجهي

خلتلي وصدك برد عليه جان وجهي احس مشعله نار بيه

روان: خليه عشر دقايق وغسليه

نوارس: اي

طلعت من يمهن كعدت بالطرمه جاي يمجد ضليت صافنه علئ السماء ومادري شمنتضرني بهاي الدنيا
راح ترحمني وتعفو عني لوتبقه تعذب بيه هيج
اتذكرت الماسك كمت غسلته باوعت علئ وجهي صار يلگ لگ ابيض وملامح وجهي كلها تغيرت

شهد: شوفي شلون طلعتي تخبلين

نوارس: شكرا

دخلت جوه حضرت جنطه زغيره خليت بيها الانطتني ياهن وانا هم عندي تنوره وقميص سود خليتهن واحتياجاتي

اذن رحت توضيت وصليت خالي جاب لفات للعشا

كليت لفتي وانا واكفه ورحت سبحت ونشفت شعري ومشطته  وبدلت لبست فستان من النطتني ياهن شهد لان هسه كلهن مجتمعات لفيت شالي وطلعت اتدفئ بلدفايه بلصاله

لكيت البنات يبدلن كعدت شويه ادفيت وكمت لملمت شنو واگع بلبيت مرت خالي كالت بدلي لزينه بنتها الزغيره بدلتلها كملنه كلنه اجت روان يمي

روان شويه احسن منهن لان رعنه بس جانت هم تذب حركتها بيه شتسوي بيه مره حته دفعتني علطباخ وهوه مشتعل لان تعاركت وياها امها لان راسبه بلمتحان بس هيه داخلها نضيف ماعدها شي موزين وبعد الله يعلم ولاه كمت اخاف انصدم بأي بشر
شهد

هاي الايام زينه وياي شويه اما رنده ماتحجي وياي بس مساع علئ الحفافه

روان: هسه غير يفضنها ذن رايحين لعرس اذا مايحطن الدنيا كلها مايرتاحن وهسه بابا يعيط بيهن
صدك ولله طلعت رنده صابغه نفسها

روان: كبر حته كبر بعد حطي بعد وين رايحن لعرس خالي

رنده: وانتي شلج غرض

روان: شوفي نوارس شحلاتها وهيه ماحاطه قطرة مكياج

رنده: وانا شعلي بيها الحطت والماحطت لعد انتي ماحطيتي

روان: مخليه بس خفيييف قابل مثلج

طلعت شهد زينه مامخليه مثل رنده بس ضايجه وتأفف

خالي عاط برنده علئ المكياج راحت خففت شويه وهيه تدردم عليه

طلعنه غراضنه وكملنه
خالي اخذنه بسيارته

اشتره سياره من كم شهر طبعا من فلوس البيت الي اكلهن وراحن

وصلنه الهم بيتهم بلسيديه ماشاءالله كلش جبير
دخلنه وانا وره البنات امشي مستحيه خالي ذبانه ورجع

سلمن وانا وياهن كعدت بصفهن

وهنه يسولفن وانا استحي كلما ارفع رأسي الكه كم وحده تباوع عليه البيت متروس ماشاء الله وشويه واجت اختهن السابعه ووياها جنتها وبتها عدها بنيه وحده وولد

هنه 3منهن معرسات لولدهن واكو عدهن بنات مخطوبات وبيت خوالهم ثنين هم جايات وكل عمر تلكين منه 3 /4. نفس العمر

ارتاحيت من ماشفت ضرغام لو واحد من ولدهم كلت همزين يعني بس احنه نزل مي بارد علئ گلبي
صبو عشا كلتلهم خالتي متعشين ماقبلو انا مارضيت ادنه واخت خالتي كالت ادني اكلي علئ واهس

كلت لكه وكعدت بس اباوع
البنات مندمجات ويا بنات خالتهن ويسولفن ويضحكن
وكلها تحجي سوه كملن كمت وياهن عيب اباوع عليهن بس كمت انقل بلمواعين. واكو 3بنات وياي

كمت اعزل بيهن البنيه كالت عوفيهن حبيبتي انا اغسلهن روحي كعدي

ابتسمتلها

نوارس: لاولله وياج علئ واهس معندي شي

كالت اسمج نورس موو

نوارس: لاااسمي نوارس هواي موواحد هههه

كالت عاشت الاسامي عمري. انا اسمي منئ انا بت خالهم وجنتهم  هذيج امي وخواتي  تأشرلي  وأشرتلي علي بنيه واكفه تغسل ويانه وهاي مرت اخويه الجميله الاحبها اسمها شهلاء

وحضنتها

نوارس: ههههه تشرفت بيكم حبيبتي الله يحفظكم

شهلاء: تسلمين حياتي احنه مانشوفج ليش ماتجين ويا خاله ام شهد

منئ: موهيه متطلع خطيه حته من نروحلهم مانشرفها خطف ههههه

نوراس: اي صح استحي

الضاهر الكل يعرف قصتي

واكو بعد بنيه هم بت خالتهن ستوها متخرجه من الجامعه واكفه ويانه حبابه اسمها ضحئ بقينه ثنين تغسل وثنين يعزلن

منئ: ذبي حجابج محد هنا

طلعت گصيبتي جنت مخليتها جوه الفستان وخليت الشال مذبوب علئ رأسي

شهلاء: صلاوت شعرج يخبل شتستعملين

منئ: خايبه ياتستعمل هوه منو يخليها تطلع

شهلاء: ياا ليش

اشوفها تغمزلها تسكت

نوارس: ماستخدم شي بس من جنت زغيره بيبي تحطلي زيت وقرنفل ومرات حنه بس انا ماحبها واكوم ابجي منها واغسلها  وانا ماگصه

منئ: الله يرحمها عمري

نوارس: امين يارب
من استذكر بيبي ينهد جزء كلش جبير بيه مثل الكانو هستوني استوعب هيه ماتت راحت خلاص

سكتت ودايره اغسل ومنئ تشطف ونتبادل لان هنه خير من الله تل

واسمع صوت من بره اجه واليدخل يجي علئ مطبخ صاير مدخل البيت وسمعت صوت ولد وانا جمدت بمكاني واكثر من ولد سلمو علئ البنات باوعت بطرف عيني هواي بيهم 7 /8
اكو دخلو كبل.
واسمع واحد يصيح
:هاي منو الطرشه الواكفه عيني ماتسلمين ضليت دايره وصامه ايدي علئ الجلافه

منئ: يااا امشي ادخل مرتضئ

مرتضئ: ليش لاولله اليوم الا اتدور منو هاي ياهي منهم عود مستحيه

ضحئ: مرتضئ روحو ادخلو شجلبت يول

بحركه سريعه نفريت من گصيبتي هيه علئ كيف بس شاغت روحي كمزت وخفت باوع بوجهي ودخل بسرعه فشل
والولد وراه وضرغام يبتسم شكد اضوج منه هذا الشخص

دخلو وانا استهضمت غوركت عيوني

ضحئ: اعتذر منج حبيبتي ولله عباله وحده من البنات شفتي شلون صار وجها

نوارس :ميخالف كملنه وأديه. جمدت وتبللت من يم بطني ضميت شعري ولفيت الشال ورحت ادور علئ البنات ياربي وين اكعد. البيت متروس واسمع صوت الولد يمهن يسولفون البنات راحن يمهم

ضليت كاعد يم الدرج ودموعي تنزل وحيده غريبه بينهم
مهضومه

بلربع ساعه واسمع شهد تدور علي

نوارس: هاا هناا

شهد :تعاي لويش كاعده هنا ماتجين يمنه

نوارس: استحي عفيه خليني هناا

شهد: تعاي منين تستحين الولد كلهم حبابين ويخبلون يضحكون. وبعدين عيونج حمر جنتي  تبجين تعاي كومي بارده هناا

كومتني من ايدي

نوارس: عفيه شهد خل نكعد بغير مكان عليج الله

سحبتني وانا مدنگه دخلتني بلصاله هيه هاي كاعدين بيها كلش جبيره كعدت يم البنات وكعدتني يمها وانا مدنگه. ورأسي بجتفها
بت خالتها كالت شنوو راح تنامين ههههههه وخلت البنات الكاعدات يمنه كلهن يضحكن علي دمعتي وگعت بسرعه ومسحته

شهد: رفعي رأسج وصيري طبيعيه لاتستحين ماتشوفينهم كلهم يسولفون بس يباوعلج

رفعت رأسي صدك يسولفون ضليت اتسمع لحجيهم وشقاهم اجت عيني بعيون ضرغام وهوه نضراته مدري شلونها بسرعه درت وجهي منه

شويه باوعت ولكيت ولد مبين موزغير كلش زين هم يباوعلي دنكت بعد ماباوعت

ام شهد: وووينج نواااارس

نوارس: هاا خاله

ام شهد: ومرض وين جنتي خاتله من يمته اصيح عليج اخذي البنيه غسليلها اجت بتها عليه انا كمت وبلعومي صرخه كلهم يباوعون سمعت اختها كالتلها ليش فشلتيها كدام الولد كاعدين

طلعت غسلتلها وانا عيوني تصب وديتها ورحت للحمام بره شبعت بجي كمت ابجي بونين  ورمن وخشمي وعيوني. طلعت وشفت هذا الولد اليباوعلي. يدخن

:بيج شي

نوارس: لاااا

عفته ودخلت بسرعه

كامو يطشون كلمن ابمكان وناس نامت صارت ب12
دورت علئ شهد ماكو باوعت علئ مكان ضرغام هم مالكيته گلبي ضل يدك شويه ونزل ضرغام من فوك انا كاعده بلموزع
يعدل بشعره عضلي شفته وعبر يمه هذا شبيه ونزلن وراه شهد وبت خالتها نور

نوارس: شهد وينج ادور عليج

نور:شنو تردينها ترضعج شهد طلعيلها. صدرج خل ترضع ههههههه

شهد: هههههه ها نوارس شبيج عفتهن ورحت غثتني هاي حته عيوني ضلن أيذني من البجي ماكدر ابجي بعد واطلع القهره

بعدين كلت انا ليش سكتلها شنو قابل هناا خالي وراح يكضني بس مااسكت لوحده لو تضوجني 

الكبار والجهال نامو بقو بس الشباب كاعدين كلبو المطبخ اسمع صوتهم واصل وين ياكلون
جابتلي ضحئ بقلاوه وكرزات

ضحئ: تعالي كعدي يمنه ولله كلت خطيه كاعده لوحدها هناك

نوارس: لاحبيبتي نعسانه اريد انام

ضحئ: تعالي عمري صعدي وياي اهنا الغرف الجوه نملت

صعدت وياها فوك لغرفه لكيت بيهاا هوايه فراشات فارشاتهن صفه

ضحئ: نامي حبيبتي فرشناهن الجن هسه يجن البنات هم

نوارس: تسلمين حبي

لكيت بلزاويه نايمه بنيه بت خالتهم يطلع عمرها 11 اخذتلي مكان وبدلت الفستان بتراك خليت الضوه مشتغل وصوت جاي من جوه وهم اكو اصوات فوك هوه من صعدنه الضوه جان مشتغل علئ البنيه انا هم خليته ماطفيته ضحئ كالت طفيه ونامي ارتاحي

غفيت وشويه وفزيت علئ حركه نشال الغطه مني وترجع
ضلمه كلشي ماشوف نرعبت

نوارس: منووووو هناااا

المكان ضلمه انا قبل لانام اكو ضوه وصوت من بره كمت ارتعد من الخوف اسمع صوت همس قريب عليه وعطر رجالي صرررخت منوووووووو هنااااااا

انسد الباب حيل وماشفت شي كمت ركضت وانا ارجف غلئ الضوه شغلته ماكو احد طلعت بره ماكو بعده صوتهم

رجعت وانا ارجف ضليت لافه نفسي وكاعده اباوع حته تجي وحده منهن واطمئن وانام صارت ب3 يله صعدن

روان: بعدج كاعده

شهد: ليش مانمتي

نوارس: متانيتجن

شهد :يلا نامي

روان: وين رنده خل اكوم اشوفها

شهد: اكعدددي هسه تجي بلحمام

روان: وشبيج تصيحين  يتبع ......

بنات كلش تعبت اليوم خل اشوف واكتب اذا كدرت انزللكم بعد بارت

💙🦋