مساء الخير ...
#أجرام_مستباح_لثلاث_ندبات
بقلم الكاتبة أيلول
ins: t8_fe3 للتواصل
𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒
الجرح لو طاب هم يترك نياشين .
...........................................................
جــــمرة ::- كمت اتلوى بالگاع اغمض عيني واتخيله شلون يتعذب روحـــــي تشيط واشهك بــــس أريـــــد النفس يوصل الريتي واقنع بنفسي ما احجي لو شيصير ما احجي. السوار الاخاف عليه يتبلل كل شوية انزعه اغسل لو اسبح وارجع اشده على ايدي واحضنه على گـــــلبي
الحد ما اجه عمر ينتر بصياح وعيونه حمر گـــــال
::- واللـــه راح يموت عينه كام مايفتحها بــــس خليني ارجعلهم الفلوس واطلعه كـــــافي احجي
- غمضت عيني وجريت رجليه الصدري طابكة سن على سن كاتمه نفـــــسي وهو يغلط وبس يريد احجي شمر التليفون عليه صاح
::- خابري امج كليلها اسبوع وارجع اخابرج لان انا ما اكدر اجي بعد قسام شاك بيه اندل مكانج اخاف يراقبني
- اخذت التليفون خابرتها احاول احجي بهدوء وما ابين وهي تبجي وتعاتب كتلها
::- راح اخذ اجازة واروح الزوجي ما اكدر افعل نت أسبوع وارجع
::- جيبي رقمج الدولي اخابرج على الرصيد بــــس اسمع صوتج
::- ما يصير ماما اشتاقيلي بــــس اسبوع
- دكت وبجت سديت المكالمه منها اباوع العمر اخذ التليفون صاح
::- ما اجي بعد
- بقيت ساكته طلع وسد الباب تمددت بالگاع روحـــــي مفرفحة ساعه الوم نفـــــسي واكول لو احجي واخلصه وساعه احلف ما احجي لو اموت لو يريد يخلص هو يحجي ويدليهم ثق بيه مستحيل احجي مستحيل
مسحت دموعي وكمت. سمعت الباب رجع يريد ينفتح رجعت الشال على شعري وامسح بوجهي منتظرة عمر يدخل جمدت بــــس ارمش بعيني
دخل قسام سلاحه بأيده يباوعلي ابرود وانا على نفس الوكفة ضاك الهواء بصدري ارمش بثگل ورجلي ترجف عيني على صوت المفاتيح المعلكات بالباب وصوتهن من يتحركن ليش عمر؟
- مسحت وجهي ثابته وهو يتقدم بخطوات ثگيله رجله تخط وراه غمضت عيني جريت نفس بقوة شنو الاسوية وهو بيده اسلاح تقرب بسرعه رفع أيــــدة مثل اليضربني راشدي ركع راسي بالحايط حيل وكعت فاقدة وكلبي يريد يطلع من مكانه وهو واكف رش على وجهي شي جبرني اغمض عيني واروح للظلام
نفس الظلام نفس الريحه نفس المعامله نفس العذاب الفرق هل مره قسام مستعجل ويريد احجي بأي طريقة
من فتحت عيوني دايخه والسلاسل ضابات على ايدي حيل لميت روحـــــي ارجف تمنيت يروح صوتي تمنيت افقد النطق وما انطي بيه واكشفه بعدت السلسلة من ايدي قربت السوار الشفتي اتوسل
::- تعاال خلصني واللـــه اموت ما اكدر اتحمل
-رجفت من فتح الباب ودخل بعصبيه رجعت ليوره حيل ارجف وابجي جر التليفون فتحه وخلاه كدامي ركزت كل عيني اشهك يگلب بالصور بسرعه ويرجع عليهن وحـــدة وحـــدة
الأبـــــهر معلك وجسمه عباره عن دم وصورة ثانية مشمور بالگاع لام نفسه مثل الطفل وغيرها وغيرها رجفت وغمضت عيني ما أريـــــد اشوف بعد وكف قسام وحجه باستهزاء
::- تعرفين وين وداهن؟
- هزيت راسي لا ضحك حيل
::- اموته اذا ماتحجين
::- ما ااااعرف ما اعرف موووته معليه بيه
.ضحك حيل صاح ::- اي اي ومنو قبل باست الگاع حتى ما اعذبه .
- كعد على اركبه يمي جراني من شعري للگاع كل ذرة بجسمي ترجف اشهك بدون صوت كاتمه نفسي وساده عيني حيل ضربني على حلكي يريد افتحه ويشربني حباية وانا بكل قوتي طابكة سن على سن الحد ماعصر فكي ونجبرت افتح حلكي بلعني الحباية وعافني بالگاع. بــــس دموعي تنزل صاح
::- منا الساعتين تغردين
- حجاها ودار وجــــهة طلع زحفت بسرعه للحمام أريـــــد اخلي ايدي بحلكي واتقيئ ما احتاجيت بــــس لمحت الحمام تقيئت.
مسحت حلكي ورجعت للزاويه اجر بالسلاسل من ايدي وادعي ربي يخلصني الادعية المعلمتني عليهن امي كلهن نسيتهن كلهن مايجي بعقلي شي
بــــس يارب خلصني يااارب ساعدني
ابجي واغلط كتلك لا تثق بعمر لا تثق ماتسمع مني واللـــه بــــس يعذبوني احجي ما اكدرررر ما اكدر عفيه خلصني منهم بسررررعة
تعــــبت حيل وجسمي نحل تمددت على الگاع الوصخه غفيت وانا اناشغ وفزيت من نفتح باب الحديد كعدت عدل لميت رجليه الصدري خازرته دخل بأيده منقلة مال جمر عضيت شفتي خايفه
واللـــه ما اتحمل الحرك بلعت الغصة وحجيت بنتر
::- كتلك ما اعرف شي لو تذبحني مو تحركني هم ما احجي لااان ما اعرف
::- صدكتك مثلا تعرفين اباذر ودره؟
::- اي جماعتك اليراقبون جـــــندل الأبـــــهر
- التفتلي عاكد حواجبه دنكت عيني
::- مــــحد غيرج يندل الفلوس
::- يا فلوس
- ضحك حيل شعل المنقلة واجه كعد يمي
::- احركج واطلع روحــــــج لو تحجين بدون تعذيب
- داخلي يرجف وظاهري. ثابت بلعت ريك وابتسمت اله
::- احرك ماتحصل شي لان فعلا ما اعرف ولو عندي معلومة ضده احجيها بــــس فكر بشي كد ماتعذبني راح تتعذب تتذكر من حركك لان حركت ايدي
- حجيت وجريت السلسله من يم ايدي راويته الاثر خزرني بحقد عاف المنقلة مشتعله وطلع جريت نفس بقوة
::- يااارب لا تخليني احجي ياارب ساعدني اموت من الحرك والله اموت .
- ابجي بحركت كلب خايفة حيل من الوجع ومن نفـــــسي خاف احجي خاف ما اكدر وانطق مسحت دموعي بسرعة من سمعته رجع دخل شهكت اوكف النفس ابلعومي بيده طاوة متروسة زيت خاشوكة وسجينه رجعت ليوره حيل عفت القوة وحجيت بضعف
::- باوع ما اعرف شي انا حرام عليك تعذبني ما الي علاقة بشي هو خاطفني وانتَ تجي عليه
- ما اهتم الكلامي خلاها على الجمر ويحرك الزيت بالخاشوكة گـــــلبي نمرد أريـــــد احجي ما اريد اتعذب سديت حلكي بأيدي ودموعي تحرك خدي اشوف الدخان يطلع من الزيت وامووت روحـــــي تنتهي عاف الزيت واجه رجعت حيل أريـــــد ادخل بالحايط هبت ايدي بقوة شهكت اصيح مداها سحكها برجله فوك السلسة روحــــي شاطت راح صوتي كد ماصرخت وهو يحرك رجله بقوة حتى السلسلة تنطبك وايدي تنكرص.
::- احجي بعدنا على خفيف
- صرخت ابجي واجر بايدي كعد على حيله وجر السجينه يمشيها على اصابعي بدون مايغرسها
نشك گـــــلبي وصرخت بكل حيلي من وصلها الاصبعي الصغير ودخلها بالاضفر شفت الموت بعيني ابتعد جريت ايدي الگلبي اشهك گـــــلبي نار
::- الفلوس وين؟
- خف جسمي كله بس ايدي ثگلت حيل والشهكة الزرفت صدري فقدت طاقتي كلها بقيت بــــس فاتحه عيني
-درت عيني عليه منتهيه شفته جاب الزيت غمضت عيني حييل صاكه اسناني بقوة وكاتمه صوتي كعد يمي جر ملابسي من صدري دفعت أيــــدة اجر الحجايه جر
::- واللـــه يذبحك
- احجي واجر نفس اشهك وايدي. ما اكدر ارفعها. احس لزمتني الدوخه غمضت وهو ملمس أيــــدة فوك صدري يجر بملابسي جر ايديه بقوة لزمهن
::- احجي شنو الجابرج تتحملين هل عذاب ؟
::- مــ اا ما اعــ اعرف
- بــــس نطقتها نزلن قطرات زيت على صدري متت رجعت ارافس مثل الطير المذبوح شاطت روحـــــي وفرفحت احس يحفر صدري ويدخلن الگلبي وهو ينزل الزيت قطرة قطرة على صدري ورگبتي احس النار تحفر الحم وتاكله ابتعد وعافني املخ بروحي وامسح بجسمي الطم واكمز بــــس أريـــــد شي يبرد مكانات الحرك.
زحفت للحمام أريـــــد المي جراني من شعري وسد الباب شمرني بالگاع وصيح
::- احجي وينهن عد منو؟
- ارافس برجليه والوب افتر منا ومنا بــــس أريـــــد جسمي ومكانات الحرك يبردن صيحت حيل
::- ما اااادري ما اااادري
- فك عينه كلها وانا مفرفحة الحد ما انهد حيلي وكعت بــــس دموعي تنزل جسمي مشتعل نار وكلبي ميت طلع من الغرفة غمضت عيني
بــــس أريـــــد انام انتهت روحـــــي من الوجع
::- بــــس خلصني بعد ما اكدر مو كد الحرك والتعذيب ما اكدر اني ما اتحمل الحرك واللـــه
- مسحت دموعي وانا مغمضة اشهك ما كدرت انام الوجع اخذ روحـــــي احلف اذا ما اجه احجي واعترف وارجع ادعي اتحمل وما احجي من اتذكر هو شكد معذبينه وساكت
- بدت الغرفة تصير ظلمة وانا الوجع والجوع والعطش اخذن حيلي ونمت ما حاسه على نفـــــسي فزيت على دفرة بخاصرتي. لزمتها اون
ورفعت عيني اله هاي هي راح احجي تحملت الاكدر عليه بعد ما عندي طاقة اتحمل ضربة
كعد يمي جر شعري يحجي من بين اسنانه
::- مصيره يرجعلي دام انتِ بايدي .
- بلعت ريك اباوع بوجهه وكلبي ينتفض رجعت ليوره استوعب كلامه يعني شنو الأبـــــهر طلع منه لو شرد دنكت عيني عاضه على شفتي تراجعت ما أريـــــد احجي هسه يجي ويخلصني
رفعت وجهي اله من حجه
::- اخذ اخوانه وطفر ليش ما تعترفين عليه خيرته بينج وبينهم اختارهم وعافج اعترفي واخلصي بروحج الج مني وعد اعوفج ترحين وين ما تردين
- دنكت امسح بوجهي. ::- ادري بيه يختار اخوانه الهل سبب لو اعرف اعترف
- كام على حيله دار وجــــهة وصاح
::- اااف تلعبين وياي مو ادري تعرفين كل زين وين
- دنكت ساكته وكاتمه نفـــــسي جر رجليه واني ادفر. سحكهن برجله وشعل الجداحه
::- احركج
- رجفت بــــس النفس يصعد وينزل وخــــر من رجلي كعد وجراها ابين ايديه سحبتها لزمها بقوة وقرب الجداحه عليها وهي مشتعله. صررخت اجرها بقوة وبرجلي الثانيه ادفر ولهنا حدي ماكدرت اتحمل الوجع اكثر غابت روحـــــي اوكعت.
.فزيت بــــس ارمش بثگل ضوة خفيف جسمي متكسر مابيه ارفع جفني أقرب ايدي الحلكي أريـــــد الزم السوار واحس بيه ما لكيته بأيدي درت اتلمس بالگاع. ودموعي تصب الحد مالكيته حضنته على گـــــلبي ابجي ورجلي احسها مورمه وصدري نار ايدي اصبعي صار شكده من الورم
::- واللـــه احجي هاي اخر مره اتحمل حتى لو يموت هم احجي
- فز گـــــلبي حيل وفتحت عيوني اتلفت اغنيتة واللـــه الاغنيه اليحبها اسمع كلماتها وفاتحه عيني على وسعهن اجه اجه ما عاافني. الصوت بعيد وعالي حيل عيني على الباب هسه راح يدخل هسه بــــس كل ماتمر ثانية تخيب امالي خلصت الاغنيه وهو ماكو رجعت ابجي واغلط عليه الحد ما انهد حيلي ونمت
شهكت فازه على فتحة الباب كعدت على حيلي ارجف بــــس لمحته بجيت حيل وهو كوه يخطي
قميصة مشكك اوجهه وجسمه مدمه يسويلي اششش شمر نفسه بصفي جلبت بيه اضم روحــي وابجي بحركه احجي
::- ما حجييييت ما حجييت ابهر ما حجيت
- جراني الصدرة ورجع وخرني حضن وجهي ابين ايديه
::- اشش اجيتج باوعيلي
::- حررركني
- سكت يمسح دموعي بابهامه جر سلاحة من الگاع ولزم ايدي باوع للسلاسل وكام جر حديده من يم الباب يخليها بالحلقة مال السلسة ويفتحها
::- گومي
- بجيت ضامه وجهي بأيدي ::- ما اكدر امشي
::- بــــس شوية جــــمرة بــــس نطلع منا اشيلج يله جلبي بأيدي
- مسحت دموعي لزمت أيــــدة متكسره ما اكدر سحبني بــــس وكفت اختل توازنه هو جلبت بيه
::- ابهررر
::- بــــس خلي اطلعج مناا
- مشيت على تك رجل مجلبه بيه وهو مختلني بظهره كوه يتحرك طلعنا من الغرفة سند ظهري على الحايط اوكف بصفي يتنصت خطوة خطوة يمشي وبكل خطوة احس روحـــــي تطلع من الوجع طلع من ممر الممر يريدني اركض وانا بعد خطوة مابيه امشي يتوسل
::- بــــس شوية جــــمرة بــــس شوية عمر منتظرنا بالسيارة
- كعدت على حيلي ابجي واغلط ::- عمر جلب هو انطاني القسام
::- لاا مو هو قسام مراقبه ومصوبه وهو طلعني من قسام جــــمرة بــــس كومي بــــس كومي
::- ما اكدرررر رجلي واللـــه ما اكدر
- رفع راسة ليفوك يرجف خله سلاحه بخصره دنك يريد يرفعني وشاطت روحه لزم بطنه كتم وجعه ودنك جلبت برگبته ابجي رفعني من الگاع ومشه بسرعه احس روحـــــي بدت تغيب وايدي ترخى من ركبته مره اسمعه ومره لا
::- جمرره
::- همم
::- الززميني لا تعوفيني راح نوصل
- نز جسمي فزيت من هبتت ايدي الوكعت من رگبته هاي اخر لحضه شفته بيها بعد ما كدرت وماحسيت بأي شي.
فترة حسيت بايدي تنمسح فتحت عيني بــــس لمحته يلف ايدي بالشاش ورجعت نمت هوواي. احس صوتي رايح وبلاعيمي متشخطات جسمي نار تطلع منه فتحت عيني بثگل لمحته بفراش بعيد عني. جسمه كله ملفوف بشاش رجليه طالعات. من البطانيه مديت رجلي المابيها شي حركت رجليه كوه احجي
::- أبــــــهر
- ماحاجاني رجعت دغيته كوه فز موجوع التفتلي عــــــيونة ذبلانه ومورمه
::- تعال
- غمض عينه مايگدر وخرت الغطا مني وزحفت يـــــمة على اركبي رفع أيــــدة كوه يحجي
::- تعالي .ديربالج
- خليه راسي على أيــــدة ابوس بوجهه وابجي
::- شفته شلون عذبك شفت صورك
::- اششش
::- ليش ما اجيتلي بسرعه متت من الخوف متت
وسمعت الاغنيه مال حزن وسع المدى وفرحت عبالي انـــتَ وطلعت مو انـــتَ
::- انا بــــس جنت ما اكدر ادخل ردت احسسج جايج وما اعوفج شغلتها بلكي تحسين يمج
- مد أيــــدة يمسح دموعي ويحجي بتعب دموعه نزلن يباوع بعيني
::- كل عمري ضاع جــــمرة قسام من اول يـــــوم اخذ اخواني مني بايعهم ومن وقتها مايعرف عنهم شي.
- باوعت بعينه ساكته بس ارمش وهو دموعه تنزل على ايدي. ::- خاف يجذب عليك؟
::- مو هو الگالي هو يگول أنطــــيني الفلوس وانطيك اخوانك يعني مايعترف هو بايعهم بــــس كدرت بالصدفة اعرف سنين اشتغل اقذر شغل علمود معلومه عليهم وتالي اخواني مبيوعين.
::- شلون هسه؟
- غمض عينه ساكت ورجع باوع بوجهي
::- جاي يدورون علينه انا وعمر بــــس خلي تبرد السالفة اطلعج منها وارجعج الامج
::- وانتَ؟
::- تبدين حياتج من جديد
::- وانتَ؟
::- تحملتي هواي من وراي لو تاخذين روحـــــي ما الومج اوصلج الامج بأيدي
::- وانتَ أبــــــهر وانتَ؟
- غمض عينه وجر نفس بقوه همس يرجف
::- ابقى ادور لازم اعرف منو مشتريهم المنو نباعوا اخواني
- سكتت عيني بعينه مسح وجهي بابهامه وحجه بتعب
::- ليش تحملتي ليش ما اعترفتي .
::-ردت اعترف ومن عرفت انـــتَ طالع من يم قسام تحملت
::- تحملتي الحرك جــــمرة؟
- رجعن دموعي ينزلن هزيت راسي اي وجريت ايدي اراويه واحجي مختنكه
::- حركني بصدري ورجلي وخله السجينه باضافري باوع ايدي
-سحب ايدي يهز براسة اي باس اصبعي وهو ملفوف وجر التشيرت من يم صدري قرب وجــــهة دفعته
::- يأذني حرركني بالزيت
- غمض عينه بقوة صاك اسنانه بقهر رجع باوعي همس
::- رجلج
::- بالجداحه
-اشر بايده راويني كعدت ورفعتله رجلي ملفوفة بشاش ::- انـــتَ لفيتهن؟
::-اممم
-سحب رجلي الصدرة نزلها بهدوء حتى ما ينوجع فتح الشاش منها بلع ريك وباوعلي
::- ليش ما حجيتي دليتيه وخلصتي ؟
-رفعت اكتافي ما ادري وامسح بدموعي رجلي القدم من جوه على طوله محترك ويوجعني
قرب شفته بوس اصابعي ونزلها على طول الحرك
::- المفروض تحجين المفروض ماتتحملين وينج وين التعذيب انا زلمه وتطلع روحـــــي شلون تحملتي انتِ شلون كدرتي .
::- ترا عمر هو انطاني القسام
::-لا بــــس قسام مراقبه ومصوبه ماخذ مفاتيح البيت منه من خطفج اجه عمر طلعني من قسام
مايبيعني عمر جــــمرة
::- لعد ليش سألني وين الفلوس وراددني بــــس احجي ؟
::-لان شافني اتعذب
::-اني ردت احجي ومن اتذكر صورك وشلون متعذب اسكت
::-قوية انتِ هو مو كدها ماحجيتله لان ادري بيه يحجي حتى يطلعني .
- سكتت سحبت رجلي منه رجع غمض عينه واني رجعت لفراشي افكر لزمت ايدي مالكيت اسواري التفتت عليه فازه
::-ابهر سواري
-مد أيــــدة بصف مخددته جراه وشمره الي. اخذته وتمددت مغمضة عيني افكاري متشتته وهو تعبان رجعنا نمنا ثنينا وفزيت على صوته
::- هــــا
::- تغطي عمر اجه
- تلفتت ادور ماكو شي شمر عليه قميص من يـــــمة خليته على راسي وفات عمر لاف أيــــدة على رگبته ومبتسم بيده صينية خلاها كدام الأبـــــهر كال
عمر ::- اعذريني ما حافظت عليج واخذوج مني
- سكتت مدنكه ماحاجيته مدري شحجه ويا الأبـــــهر وطلع گـــــال
:: تعالي اكلي
- كمت على رجل وحـــدة اكمز غسلت ورجعت هو لا اكل ولا كام من فراشة يدعي القوة وهو منتهي
يخلص الوكت يون ويحلم بأخوانه يهلوس
عمر ابد ماعافنه رغم حاله مو احسن منعدنا ثالث يـــــوم نايمه وحسيته اجه يمي درت وجهي عليه
::-جمره لميني بحضنج
- عبرت ايدي احضنه خايفه ::- شبيك أبــــــهر .
::- أريـــــد اموت
::- غير اموتك ما تعوفني
::- اعوفج ميت ما ميت اعوفج
::- واللـــه ما تعوفني
::- تعبتج اخلصي مني
::- ما أريـــــد
- رفع وجــــهة من صدري باوع بعيني وجــــهة احمر ومصخن حجه بتعب
::- مو تردين ترجعين الامج؟
::- اي بــــس ما تعوفني
::- تردين ابقى اجيج؟
- سكتت اباوع بعينه وكلبي يدك حيل احس بــــس يريد يخلص مني هزيت راسي لا
::- لا هاي هي ما أريـــــد شي بــــس رجعني
- رجع راسه الصدري يجر بالتشيرت الحد ما وصل شفته للحرك باسهن بخفة ورجع رفع التشيرت ابتعد للمخده وسحبني الصدرة بهدوء
::- انتِ اخر بشر عزيز واخسره ارجعج واخلصج مني ومن شري ومن العالم الدخلتج اله
::- وانساك
::- تكدرين؟
::- اممم.
- لماني بحضنه حيل اتنفس بقوة گـــــال
::- شلون راح اصبر على فراگج
::- مثل ما صبرت على فراگ اباذر ودره
::- ترستوا روحـــــي ندبات
- غمضت عيني ساكته ما اعرف شنو الاريده أريـــــد اخلص لان مو ذنبي اتحمل هل عيشة والتعذيب وبالوقت نفسه أريـــــد ابقى اشوفة
::- شوكت ترجعني؟
::- بعد بعد لا تستعجلين
- سكتت مرن كم يـــــوم بدأ يصير احسن وعمر كل يـــــوم يجي الجو بيه بروده والبيت الاحنا بيه مابيه مي حار مرات احمي على طباخ ومرات اتعاجز واسبح بمي بارد طلعت من الحمام شفته كاعد يگشر بتيته للعشا بــــس وجــــهة مگلوب
::- عمر جان هنا؟
::- اي
::- صاير شي ؟
- باوعلي بلع ريك مرتبك حجه مختنك
::- اكو احتمال دره فعلآ بنوادي بغداد
- يحجي وشفته ترجف وعيونه انترسن دموع دنك يحجي بخنك
::- كتله لا تعوفها كتله ابااذر لا تعووووفها هم انجر هم عاافها مثلي
......
نــــهله ::- لازمه گـــــلبي بأيدي من وره سمر خاف تتعارك ويا هند كعدت الصبح كعدت ادريس وطلعت اسويله ريوك. طلع من الحمام يرجف ابـــــتسمت
::- صاير بارد الجو
::- اي باجر نشغل الهيترات
::- كولي يا الله مو الهل درجه
- ضحكت واجه يمي حتى لو بــــس يخلي خاشوكة بكوب الچاي المهم يساعد يضحك ويگلي
::- شفتي انا شلون زوج صالح ساعدتج
::- وين اكو منك انـــتَ معدل
::- تقشمرين عليه لو صدك؟
- التفتتله اضحك اميل ركبته يتأملني ضحكت حيل
::- لا والله ما اضحك عليك صدك
::- لعد شو ما تتغزلين بيه؟
- خليت الاكل بالصينيه كتله ::- يله تعال تريك
- اجه وراي يحجي مثل غيث من يقفل على سالفة
::- سولفي ليش ما تتغزلين؟
::- كبرنا كبرنا مال غزل هي هسه يخلفون جهالنا ويصير عدنا احفاد
::- واللـــه بلوه شعليه انا بيهم بعدني صغير ترا
::- راح تدخل اربعين
::- لاحكتني انتِ مابقى شي
::- اضل شباب وانتَ شايب
- رفع عينه يريد يستهزاء خزرته ضحك ونصه مبتسم
::- هسه اكول السمر تدورلي مره
- جاي يحجي وطلعت سمر صاحت
::- اكعدد ادورله مره مو زينه ضحكنه على نــــهله وقنعناه بيك اركد بابا....صباح الخير
نــــهله ::- ههههه صباح النور
ادريــــــس ::- ارجعي نــــــامي نريد نسولف
::- سولفوا اتونس على سوالفكم
نــــهله ::- دخلت تغسل وادريس يضحك بــــس لمحها طلعت باوعلي بسرعه گـــــال
::- اروح فدوه ونذر لعيونج تروحلج فدوه سمر
::- يا روحـــــي اسم الله عليك حبيبي
- حجيتها ادق بسمر وهو فك عينه كلها وسمر تصيح
::- يبووووووي بوووسها بوووسها
- جر سمر كعدها يـــــمة يكلها
::- انا كايلها من زمان سمر وجها خير عليه بــــس طلعتي يمنا سمعت كلام حلو
سمر ::- هــــا لازم مخليتك بالحسره
::- اي بابا كلشي ماتسولف
سمر: :- هــــا نهيله شو بعدج شالعه كلبه ازوجه ترا
نــــهله ::- اخذيه زوجيه وخلي يعيشها وياج
- ضحك ادريــــــس يباوعلي وسمر تمددت على رجلي تأشر عليه وتضحك
::- منو تقبل بيه هو صح حلو وشخصيه بــــس تعالي اكلج
- نزلت راسي الها تشاورني كالت
::- راسه مطبك وعلي وخشمه قاطين
- رفعت راسي اضحك ضربتها راشدي لزمت خدها تبجي بالجذب وتنوعي تصيح
::- الله ياظلم مرة الابووو يـــــمة يليتيم مرة الابوو ما ترحمك يمممه
نــــهله::- متونسين ونضحك الحد ماطلعت مرة اسمر بملابس نومها سندت ظهرها على الباب وتحجي كوه
::- صباح الخير عـــــمو.
- وادريس بــــس لمحها دنك وكالها ::- صباح النور بابا
- حجاها وكام يغسل جريت الكواب اصب چاي السمر الكعدت عدل وكلبت وجها تقدمت هند كعدت على التجوه ماال القنفه والفتحه مال ملابسها وصلت لفخذها درت الادريس بــــس لمحها كاعده طلع للباب وصاح
::- ام مصطفى جيبيلي اغراضي
- كمت بسرعة اخذتهن وطلعتله اخذهن مني يحجي بغضب ونتر
::- حاجيهاا ماتطلع بهيج لبس كدامي
-باوعتله ساكته التفتت عليهن ثنينهن يباوعن هي وسمر وهي مبتسمه بخباثة من شافته ينتر بعصبيه رجعت اباوعله ساكته مسح ملابسه باوع بعيني جر نفس وزفره مركز بوجهي
سحب راسي عليه باسني مبتسم ولازم خدي بأيده
::- اسف لا تضوجين مني ما اقصد اعلي صوتي عليج
- اخر مره ادريــــــس اخر مره تنتر عليه كدام احد
::- صار اعتذر منج
- هزيت راسي ساكته صاح
::- سمر عود حركن ايديجن بالبيت مو اكل ونوم لا اتعبن مرتي
- ابتسمتله ساكته عصر ايدي بايده ونزل بقيت بالباب اباوعله شغل السيارة واشر بأيده مع سلامة
- رجعت دخلت كامت هي من القنفة تمشي الغرفتها وتحجي
::- سويلي ريوك
- ضحكت ساكته وسمر فاتحه عينهــــا على وسعها صاحت
::- اذبحج اذا تسويلها شي
- ما اسوي شي بــــس انتِ اسكتي عيب من اخوج هسه يكول جايه خطار وتسوي مشاكل
::- اغمه من اخو المضحكه الفاهي الخايس
::- اشش اسكتي كـــــافي
-عفتها ورحت كعدت الجهال سويت ريوك المصطفى كعدت اوكله اجت يمي سمر تلزم اصابعه وتحجي
::- فدووه تــــدرين خاله احبه حيل ودوم على بالي اتأمل يجي يـــــوم ويصير زين.
- دنكت متحسره وشفتي ترجف نقطة ضعفي مصطفى وماعندي ذرة امل يصير زين باوعتله احس عيوني يطلع منهن نار
::- ادعيله واللـــه كريم
::- جــــمرة شخبارها
::- هاي الثانيه هم عاله گـــــلبي اريدها تجي وما اخليها ترجع بعد يدبرله شغل هنا ويعيشون جاي اموت على فراگها
- كملنه تنضيف اني وسمر وردنا نروح للسوك نجيب ملابس مدرسة للجهال بعدنا بــــس نسولف صاحت هند
::- تره معليه لا بالجهال ولا بالبيت
سمر ::- يا رب صبرني يارب ما أريـــــد ايدي تتوصخ بالزبايل صبرررني اللهي على الراسهم مقوس
نــــهله ::- خزرتها اريدها تتلافه السالفه مو حلو تضل تعارك على كلشي صاحت هبه
::- روحـــــي ماما انا اديربالي على مصطفى
غيث ::- روحـــــي لا تخافين
- كمت خابرت ادريــــــس كتله عبالي مثل كل مره راح يكلي اوديلج واحد يوصلج شو كبل كالي
::- اخذي تكسي
::-هاه
::- اي واللـــه هذا الماعنده سيارة يخلصها تكاسي
::- خوش خوش سهله يصير خير ترجع واعلمك.
- دندن بصوت ناصي حجيت مبتسمه ::- شنو شكلت
::- يخسى شاربك اليساومني
::- انساها انساها
::-صرتيلي لميعه عباس عماره وبعد وحـــدة نسيتها مال طيور ربيت
- ضحكت وكملتها ::- سرب طيور ربيت ولا فد يـــــوم انذليت
::- اي هاي
::- شذكرك بيها هسه نريد نروح سمر بقت تصيح
::- هو انا ناسيها كل ما تجين ابالي اتذكر وكفتج بوجهي وشلون حجيتي ارجف كل ما اتذكرج
سمر ::- يله فضيهاااا ماصارت هاي
ادريــــــس ::- راح اوديلجن مرتضى
-سديت الخط وكعدنا منتظرين الولد يجي اوصي بالجهال عينهم على مصطفى هو لا يتحرك ولا اي شي بــــس بعد يضل گـــــلبي يـــــمة شويه وطلعنا تسوكنا ورجعنا نخمش گـــــلبي شفت غيث بالشارع وجــــهة احمر ويبجي نزلت ارجف
::- شبيك؟
::- ماما مصطفى وكع من الجرباية وما اكدر اشيله
- شمرت الاغراض وصعدت اركض هبه تبجي تجر بأيده بــــس تريد تشيله من الگاع وغفران نازله البيت جدها تريد واحد يجيها ركضت المصطفى ارجف شلته من الگاع مهدود حيلي وحاضنته على گـــــلبي ابني أيــــدة مايحركها اذا مو انا ارفعها شلون وكع يبجي جان ودموعه تصب روحـــــي راحت امسح بوجهه ودموعي تحرك خدي.
رفعت راسي ليفوك گـــــلبي خلصان ::- شنو ذنبه كله من ايدي المن عفته ورحت
- سمر تلزم بايده وتمسح بوجهه والجهال يبجون صاح غيث
::- واللـــه ماما ما كدرت ردت ارجعه على جرباية ماكدرت لا تبجين فدوه لاتبجين
- يحجي ويرجف وتقرب يمسح بدموع لزمت أيــــدة بستها ::- ليش عفتوه ماما مو كتلكم ابقوا يـــــمة
غفران ::- هند كالت روحن لمن الملابس
غيث ::- وانا رحت اشتريلها من المحل ومن رجعنا لكيناه واكع ونكلها تعالي شيليه ماتقبل
نــــهله ::- جريت نفس امسح بدموعه وصعد كرار ابن عيسى يصيح وينه
غفران ::- ماما صار ساعه يلعب بالمبايل اكله تعال مصطفى وكع ويبجي يكلي هسه اجي
- خزر غفران وكعد يتعذر شوية وصعدت الحجية كوه تجر النفس بــــس نزلوا كمت ويا سمر تلم باغراضها راح يجي عليها زوجها باوعتلي
::- بيج شي خاله
::- لا حبيبتي
- اخذت اغراضها وطلعت فتت للغرفه اتصلت على ادريس بسرعه جاوب
::- عفيه بله شوفلي التصوير البغرفة مصطفى وغيث
::- شكو
::- بــــس شوفه ما اعرف شلون اطلعه اني
- سد التليفون كعدت مخليه راسي ابين ايديه وادعي مايطلع البالي صح ادريــــــس مخلي كامرة بغرفة البنات وبغرفة غيث خاف يسوون تصرفات مو زينه من سالفة خالتهم كام مايثق الكامره مــــحد يدري بيها حتى اسمر صغيرة كلش وماتبين مسحت وجهي من كل گـــــلبي متمنيه واكع وحـــدة ولا تطلع هي دافعته اموتها الا ابني الا مصطفى.
دقايق اوصلتني رسالة فتحت محادثته وشغلت الفيديو بــــس لمحتها بالتسجيل واكفه اباب الغرفة غمضت عيني وجريت نفس ارجف مسحت دموعي اباوعلها شلون دخلت بختله مدت ايدها على خده ضربته راشدي شهكت ارجف وهو من تضربه يفز جسمه وعيونه تفتر لزمته من تشيرته من صدرة وجرته للگاع وكعته نكثت ايديها وطلعت تركض. خلص الفيديو وراها رساله كاتب جايج
- شمرت التليفون وطلعت دكيت باب غرفتها صاحت
::- خير
::- اطلعي
::- اهووو شرايده أريـــــد انام
::- أريـــــد احاجيج
- سكتت سمعت خطواتها اول ما فتحت الباب ضربتها راشدي حيل لا اسلوبي ولا طريقتي بــــس هي استحقت اعاملها بهل طريقة مو قليلة شر وارضى ابني ينضرب وما اخذ حقه . ولا هي ضعيفه وما تعارك اساسا لكتها فرصة ادفعها وترجع عليه وصوت اسمر عاط وادريس صوته رجع البيت اخذها اسمر للغرفة تدمغ
وادريس ركض لم دشداشتي على صدري فاتح عينه على وسعها مصدوم
::- مدت ايددددها عليج؟
- بجيت ضامه وجهي بصدرة واحجي ::- انا البديت وضربتها
- وهي صوتها يرج صاح ادريــــــس على اسمر جيبها وتعال
- طلعها اسمر يسحل بيها وهي تفشر وتغلط عليه تاشر وتصيح
::- خلك ساقطة وخدامه لفيتوها من الشارع تردون تسوونها عــــمة براسي .
- دار اسمر يريد يضربها حاجاه ادريــــــس وجر تليفونه فتحه ورفعلها التصوير يراويها فتحت عيونها تباوع خايفه وتمسح بوجها ترجف كالها
ادريــــــس::- بالقانون العراقي الماده (413)
تخول سجنج لمدة عام وخاصة الدليل موجود
نــــهله ::- بقت تصيح وتغلط ما قابله جراها اسمر وخابر اهلها يتهدد هسه تجون تاخذون بتكم كعدت ساكته اجو اهلها وادريس راواهم التصوير اخذوها يردون يطلعون واسمر يصيح وراهم باجر اجيب السيد واجي نطلگ
وفعلا ثاني يـــــوم اخذ ابوه وسيد راح طلكها ورجعوا ادريــــــس اشتره البيت وكمله بقى بــــس ننقل اغراضنا منتظر اجازته اجن سمر وغدير وياي ماخلني اتعب البيت حلو مو خنكة والمنطقة هم حلوة انتقلنا وبيت بــــسام بصفنا بــــس بيه نقص يكملونه يله ينتقلون اول يومين متبهذلين وحتى الاغراض مانندل مكانهن تضيع علينا
وادريس بــــس يرجع من دوامه نطلع نشتري الاشياء النقص حرثنا الحديقة سوا جاي نزرع بالسندانات كعد يياوعلي مبتسم
::- ورد يزرع ورد
::- شلون نبطل ما نزرع
::- هههههههه صدك شخبار جــــمرة هم مخابرتها
::- اي قبل شوية حجيت وياها زينه الحمدلله
::- ماتجي؟
::- زوجها عنده شغل خلصوها يوميه يكلولي على الشهر اليجي
::- شسمه زوجها ؟
::- الأبـــــهر
- هز راسة ساكت. كملنا ودخلنا للبيت كعد يدرس الجهال شرحه بطريقة حلوه بحيث حت اني اركز وياه غسلت ايديه وطلعت يمهم
::- ادريــــــس
::- هـا عمري.
- حجاها وهو يأشرلهم على كتاب ورفع وجــــهة الي
::- نسوي ثواب الفاطمة وعلي؟ البارحه حلمت بيهم
- اختفت ابتسامته وعيونه لمعت بدموع بلع ريك دنك وهز راسة اي
::- شوكت تردين
::- باجر الصبح اروح للسوك واسويه العصر
- سكت بالليل راح السمر ابد مايفارگها اذا مايروحلها الصبح وهو رايح للدوم يروحلها بالليل وهي اذا يتمرض تتخبل علاقتهم حيل حلوه
نومت الجهال وكعدت بغرفة مصطفى احرك اصابعه واباوع محاضرة للشيخ احمد الوائلي
من خلصت بدأ وراها حديث الكساء
غمضت عيني اتأمل عظم الكلمات والراحة البيهن دخل ادريــــــس سلم وكعد يمنا باوع للشاشة ورجع باوعلي
::- شكد تحبين هذا الحديث؟
::- بيه اسرار عجيبه
::- مثل شنو
::- مثل جبرائيل نزل معهم تحت الكساء مثل
بالحديث يگول عن فــــــاطمة الزهراء عليها السلام السر المستودع فيها
ياترا شنو هذا السر اكو روايات تگول القصد من السر هي السيده زينب عليها السلام لان كانت الزهراء حامل بيها وروايات غيرها مختلفه
واكو شي اعظم من هذا كله منتبهه من ينقل كلام رب العالمين للانبياء والملائكة منو ينقله
::- جبرائيل
::- عفيه بحديث الكساء شصار الكلام ؟
- صفن ساكت مركز وياي ابـــــتسمت
::- باوع تقول فــــــاطمة الزهراء عليها السلام من انجمعوا كلهم تحت الكساء اخذ الرسول بطرف الكساء واومأ الى السماء ودعاء لهم
وراها قالت. فقال الله عز وجل
-شنو يعني الكلام شنو؟ مباشرتاً بين الله وبينهم
بدون ناقل شفت شكد عظيم
::- شو ما اتذكر سامعه هواي انا ما اتذكر هيج
- جريت تليفوني شغلتله الحديث اجه بصفي مركز عدل نسمع ومنتظرين الحد ما گـــــال
::-فقال الله عز وجل يا ملائكتي ويا سكان سماواتي
::- شكد مركزه تــــدرين اول مره انتبهه
::- كل ما تركز بالكلمات تعرف عظمتهن
- ابتسم مسح على خد مصطفى وراح الغرفتنا بقيت يم صوفي الحد ما نام رحت يمه
...
غـــــدير ::- اشتره بــــسام بيت يم بيت عـــــمو بس ما حجه الابوه وكال لا تحجين اني هم سكتت سويت نفـــــسي ما ادري ومن يسألني شنو بــــسام شعنده اكله ما ادري بعد يومين الدوامي تخبلت من گـــــال رقيه تجي يم امي الظهر كمت مطنكره ما احبها ما أريـــــد تجي شوية وصعد للغرفة كاعده ارتب ملابسي. سد الباب حيل ونتر
::- شبيج مطنكررره
- بقيت ساكته ارتب صاح
::-احاجيج غـــــدير
- كمت على حيلي سديت الكنتور ومشيت للجرباية رفعت الغطا اجه بعصبيه جر ايدي حيل خازرني
::- وخررر ايدي
::- مو احاجيج ليش ما تصيرين ادميه
- خليت عيني بعينه خازرته وهو خازرني عصر زندي حيل يحجي من بين اسنانه
::- مو محترمج ومقدرج ليش ما تمشين عدل
::- ههه لعد اسمع دام ما امشي عدل اذا رقيه تجي انا اطلع
- نزل أيــــدة مني ودار محتار يريد يصيح ويلزم نفسه رجع التفتلي يحاول يحجي بهدوء
::- كتلج مثل اختي ومن تجي انا بالدوام وتجيلها ساعه وحـــدة يم امي وتروح قبل لا انتِ تجين
- رفعت حاجبي باستهزاء مديت ايدي رفعت شعره وامسح على خدوده مثل حركات رقيه واحجي فاقده
::- اااي اختك اختك هيج تسوي اختتك
- اعصابي ترجف وهو هداء كلش لم شفته الداخل حلكه مبتسم جاي انزل ايدي وبسرعه مد أيــــدة وره خصري وسحبني اله شهكت ابعده عني منزله عيني
::- تغارين؟
- باوعت بعينه شفتي ترجف ::- مو اغار بــــس ما احبها
::- ليش ما تغارين؟
- يحجي مبتسم ويحرك أيــــدة على ظهري سكتت اباوع بعينه نزلت ايديه همست
::- عـــــوفني
- راسا قربني اله اكثر رجعت خليت ايديه ابيناتنا ابعده
::- ما كـــــافي غـــــدير طولتيها واللـــه
::- بــــس عـــــوفني وخرر
- جر ايديه مني ضايج وعبالك مسوي عليه منيه متحملني دار يريد يمشي حجيت بسرعه
::- لو اني الذاكره اسم رجال بحضنك تتقبلني؟
لو بليلة زواجنا سمعتني كلت عنك نفس الكلام الانتَ حجيته تتقبلني؟
- وكف بمكانه جامد التفتلي ساكت اعصابه ترجف
::- التردينه شنو؟
- صخمه ماتجي
::- وامي من انتِ بالدوام لازم يمها احد بــــس يكعدها شلون تبقى من الصبح للظهر نايمه
::- استعجل ما اداوم هاي الايام الحد ما ننتقل وعمه تدير بالها عليها
- طلع من الغرفة وركع الباب حيل نزلت جوا يم الحجية كعدتها اكص اظافرها واسولف وياها سمعت الباب اندك كمت بسرعه باوعت بالشاشة شفتها رقيه هي وجهالها دخنت بقيت بمكاني وهي تدك مسحت وجهي وطلعت فتحت الباب سلمت ودخلت
اخذتلها مي وكعدت يمها البنيه تسولف وتشاقي اني مدري شبيه كارهتها وكامت وياي تسوي عشا بقيت اسولف وياها والوم بنفسي لان احجي عليها جاي تثرم زلاطه وتسأل كالت
::- بــــسام وين؟
- التفتت عليها ساكته عكدت حاجبها
::- انتِ تغارين عليه مني؟
- هزيت راسي لا ساكته كالت
::- ثقي بالله ماعندي شي وياه لو رايدته جان اخذته بــــس حبيت وتزوجت وبسام حاسبته اخو لا اكثر
::- اعرف هم كالي
::- جان دوم معتزل واكعد اراقبه اشوفة وين يروح يكعد وحـــدة ويبجي حاضن نفسه وضام وجــــهة بحضنه الجهال تلعب وهو يشرد من الهوسه يعزل روحه وانا اتبعه الحد ما مره اجيت يـــــمة سألته ليش تبجي بقى ساكت كمت كل مره اكعد يـــــمة الحد ما صرت صديقته وكبرنا سوا صح مو ذاك القرابة ابينا بحيث مــــحد يحجي سره للثاني بــــس اقرب شخص الي من عائلتنا بــــسام وانا كذلك
::- وعرفتي ليش جان يبجي؟
::- لا
::- زين ليش اعمامج وعماتج مايحبونه ولايحبون الحجيه؟
- عكدت حواجبها بعصبيه
::- شنو هل حجي غـــــدير شنو مايحبونه شمسويله.
::- لا تصيحين جاي نسولف
- كامت مغثوثة واجه ابو بــــسام جايبلها مشويات ويحجي بشماته
::- رقاوي جبتلج مشويات مانريد طبخ يلعب النفس
- باوعت للطباخ هو انا هم ما مقصرة مسويه دجاج وجاي اگلي رقية اجت اخذت صينية فارغة وتضحك وياه حطوها وكعدوا ياكلون
- درت اباوعلهم رقية رادت توكل الحجيه وهي تأشرلها لا لا وتباوع عليه
-حجيت بگلبي امداني اذا ابجي بــــس حجيتها بجيت
مسحت دموعي بسرعه خابرته رد بسرعة
::- تعال للبيت
::- شكو
::- تجي لو احركه
::- اجي
- بقيت منتظرته بالمطبخ بسرعه اجه عاكد حواجبه وهي بــــس لمحته صاحت
::- تعال بسوم شلون عشا يفوتك
- مد راسه مبتسم صاح ::- هاي منو هناا؟
غـــــدير ::- اي اي اركض صاحتلك
- رجع باوعلي ::- اذا اكلت وياهم اكلبها عليك جحيم مو ليله اسويه عليك سم ومجربني من الح بسالفة
::- جوعان
::- راح اصب ونكعد ناكل احنا وامك نحرك كلبهم ومن يكلك اكل ويانا كول لا انا أريـــــد اكل مرتي خوش؟
- ابتسم عاض شفته وساكت
::- بــــسام اخبلك واللـــه غثوني ترا
::- لعد صبي وانا اخذ الصينية عود ما أريـــــد تتعبين
::- اي هيج من أريـــــد احقر واخبث صير وياي وساعدني
- ضحك يحضر وياي اخذ الصينيه مشه كدامي وهم بعدهم ياكلون كالتله
::- تعال هاي ضميتلك
::- اييع حشا نعمة الله شبيه اعوف اكل غدوره واكل هذا يحطون ايدهم بخشمهم ويضوكون الملح هيج
غـــــدير: :- خله اصبعه على السانه يمثللهن وهي تصيح ايع لعبت روحـــــي وابوه يغلط عليه الحجيه تضحك كعدنا على جربايتها نوكلها وناكل ثنينا نسويلها لفات وهي مكيفة كالت رقية
::- ولك ضميتلك هذن دشوف فد.طيب
::- ابد ماكو اكل اطيب من اكل غدور
ابو بــــسام ::- لعبان نفس الله وكيلج ماينجرع
بــــسام ::- اشوفك من تتربع على صينية ماتكوم اذا مايتقدم كرشك متر
::- من لا جاره شلون نموت من الجوع
غـــــدير ::- اكل مكيفة شكد ما لحت عليه ما اخذ منها وكل شوية وصاح حبيتي غدوره ويگوم كدامهم يساعدني يجي يمي للمطبخ وكال
::- هــــا هيج ارتاحيتي قهرتيهم؟
::- اي عفيه ارتاح گـــــلبي مو تشاقة وياها سولف وياها من بعيد.بدون لمس اموتك
::- هي تلمس شسوي
::- كلها غـــــدير ماتقبل
::- بعد شسوي ونغثهم؟
::- صب چاي انا راح اغسل المواعين
- ضحك وحضر الستكاين يصب جاي ويكلي
::- واللـــه طلعتي شيطانه هسه كشفتج
::- لعد يغثوني واسكت؟
::- لا بــــس ساعدتج هواي انا المفروض تنطيني مقابلهن شي
::- اي اخذ منك وانطيك ميخالف
::- واللـــه ؟
::- اي واللـــه مقابل كل خطه الف
::- ولي الف شنو؟
::- روح يله بعدين نتفق على مبلغ
- اخذ الصينيه يضحك ويحجي ::-خوش كلشي اسويه بمقابل مو تگلبين عليه؟
::- لا بــــس روح يله برد الچاي
- طلع يضحك غسلت مواعين وكل شوية اباوعلها جهالها بحضنه يشاقيهم ويضحك وياهم ولا اضوج ولا انقهر بــــس من هي تمد ايدها تلزمه اتخبل على السريع مسحت ورحت لمحتهاا لازمه أيــــدة خزرته سحبها ..
يتبــــــع⋆𓍯
الكــــاتبة أيـــــــلول⋆𓄼𓂁
💚🌿.