مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
بعد بكائها خاطبتها النجوم قائلة : لطالما اعتبرناكِ فرداً منّا اتنطفئين الأن ؟
..........
ورده
بقيت اسكت بيه ميسكت وحته كام يتقيئ
اجن البنات دخلن علئ صياحي وراحت ماسه تصيح علئ امي بلبستان
ام ورده: اسم الله مابيه شي لا تخافين
خلته على جتفها وكامت تمسح بضهره وتقرا عليه آيات وتسمي باسم فاطمه وأولادها عليهم السلام
ضليت بس ادك واصيح يمه وليدي مدري شبيه يمه اسم الله عليك. يمه صخونتك لكلبي ولا انته امك تتحمل وانته ماتحمل
مصطفئ هنا خابر علئ حازم كله واجه
حازن ميشوف دربه ويصيح شبيه باسم
ام ورده: كاعد من النوم وهاي حالته صخونه ويتقيئ
حازم: الله يستر هسه خل اخابر سيف يجي ياخذنا بسيارته للدكتور
ام ورده : سيف ابتلى بيكم وبيت عمك وابوك وين نهار كله بجوال باب سده وباب رده وباب سلملي عليه
عصب حازم
حازم: يمه كافي رحمة الله عوفج من ابوي وين الكاه
دك حازم على سيف وسيف كله
دقايق وانا يمك
بقيت ادك والطم واصيح إبني راح يموت
اجه حازم لزم اديه
حازم: ذكري الله مابيه شي ورده لا سوينه سالفه
يله بدلي وجهزي باسم الولد راح يجي
شويه سمعنا صوت السياره مال سيف
حازم :يلة كومي
امي رادت تروح ويانا بس حازم ماقبل تجي
خليته جوه عباتي وطلعنا لكينا سيف طابك يمنا
صعدنا بسياره سلم حازم على سيف
سيف: وعليكم السلام خير شبيه سلامته
حازم :والله مادري شبيه
نايم وكاعد ولاكيته مصخن ويتقيئ
سيف: اكلكم خاف بروده جاسته
وين اخذكم هسه
حازم: للمستشفى. جاوين
سيف: نشالله
بهاي الاثناء باسم مستمر يبجي مسكت ابددد
سيف: هااا بابا حبيبي اسكت يروحي تجيبلك العاب
شنو بابا كلش مارضيت علئ سيف
بس سكتت ماحجيت ضل مستمر يصيح هاا بابا حبيبي هسه راح نوصل المستشفى وصير زين
شكد نحرجت من سيف
لان كل شويه يباوع علينه للأخير ويحجيله كلمه قصده يطمئن على حالة باسم وصلنا للمستشفى
و همزين مالكينه عليه احد دخل وياي حازم للدكتور
فحصه الدكتور
وكال حمه ورديه خفيفه لا تخافون ماكو شي راح اسجله علاج وان شاء الله يصير زين سجل الدكتور العلاج
وطلعنا من الدكتور باسم
سكت من البجي ومخلي راسه على جتفي بس يباوع بعيونه
حازم: روحي للسيارة
إنا راح اخذ الوصفه اجيب علاج من الصيدلية واجي
رحت للسياره وانا خايفه اخاف يتأخر حازم
وإنا استحي من سيف شلون راح اركب بلسياره وحازم
مو وياي ذبيت حسره بداخلي ورحت للسياره الي واكفه
شويه عن المستشفى
وصلت يم السياره وشفت سيف واكف يمها ويباوع عليه من بعيد لابس دشداشه لون رصاصي
وشعره شويه عالي ومخربط ونازل على عيونه وملامحه تشبه ملامح مرتضى حرب كلش
بس وصلت يمه
سيف: ها بشرو شكالو
حجيت بصوت خافت
ورده: يكول حمه ورديه مابيه شي
سيف: ان شاء الله مابيه غير العافيه
جا هسه هوه نايم شنهي
وميل راسه وباوع عليه وشافه مفتح عيونه
سيف: هاا باباتي حبيبي شنطاك دكتور كون ضربك ابره وضحك ولازم خشمه يريد يكعده
شكد خجلت وحسيت بتوتر مو طبيعي وبتعد شويه عنه
رد حجه: نطينياه شويه عنج
وأنتي صعدي بل سياره على ما يجي حازم
نطيته اله بدون ماباوع عليه
أخذه مني وهوه يحجي وياه هاا حبيبي هاا كلبي هااا روحي
صعدت بلسياره وانا گلبي يخفق بخوف اخاف باسم يتعلق اكثر بسيف وسيف مبين عليه شلون متعلق بيه ويحبه كعدت وكمت اباوع من الجامة مال السياره شفت سيف يحضن بيه ويبوس باسم
أكو محل قريب شفته أخذه وراح بصوب المحل
شويه ورجع بيده علاكه والايد الثانيه شايل باسم وباسم بيده بكايت عصير
بهل أثناء وصل حازم
ونطاني العلاج وضل يباوع على سيف الي يمشي متوجه النه
حازم: خاب هيوه يله فضنا جلجل اليل واحنا بعدنه هنا
سيف: وشوراك ماتكلي دومك مستعجل من شفتك وشفتني
حازم :شبيها هاي العلاكه. بيها شي ينوكل لا
سيف: ايي ينوكل بس للجهال ومو للكبار البكد المطايه
حازم: جا انا جاهل وريد منها
مارد سيف ونطاه باسم وهوه صعد للسياره
وشغل السياره ورجعنا للبيت
بلطريق
سيف: نطيني باسم خلي أعلمه على سياقه
حازم: لاتدعمنا وتدهرنا عوف الفرخ مهود
باسم جان بحضن حازم بس سيف كل شويه ويكله تعال يمي
باسم يذب بنفسه على سيف ويكله اريد يمك
سيف أخذه وكعده بحضنه ويسوق ويسولف وياه ويضحك بيه ويشاقيه
وكل ما ارفع عيني الكيه يباوع عليه بل مرايه
إنا اموت من الخجل واتمنى نوصل بيتنا واخلص من الاحراج الي جاي اعيشه
احس ركبتي نكسرت على كد مجنت مدنكه
حازم وسيف يسولفون كامو بمواضيع عاديه وانا بالي كله يم باسم خاف يتقيئ لو يصير بيه شي وهوه بحضن سيف وسيف كاعد يسوق
حازم :ولك ماكتلي شبيها هاي العلاكه ربدت من الجوع
سيف :ياطلابه العلاكه هنه جبسات وعصير عود جايبهن للفرخ هاك وفضنا بس اسكت مو سطرتني بلعباس
حازم :ههههه عبالي شي دسم كباب دجاج
وصلنا البيت وهمه يتناكرون
اذن الاذان واحنا بعدنا بطريق لكينا امي واكفه بل باب خطيه
سيف بس شافها كال
سيف: شوف الحجيه خطيه واكفه بل باب
من الله لايطيك حازم كون
حازم: كون أنته الله لايطيك شمسوي انا شلي غرض
نزلت وباسم ضل بحضن سيف رددت اكله نطينيا بس
ستحيت بس هوه كبل نتبه
كله روح لماما حبيبي وشاله ونطانياه
إني كبل أخذته منه ودخلت للبيت
امي والبنات لاكني وبقن يسألن شبيه وشنو كله دكتور وكلتلهن
حمه ورديه وسجله علاج
ام ورده: نطينيا. خل اشربه
شربته امي علاج ونام بحضنها
ام ورده: كومي يمه ذبي عبايتج وجواريبج وذكري الله
مابيه شي شوفيه نايم
كومي صلي
انا بقيت كاعده وعيني تراقب باسم وگلبي محمل خوف عليه انا ماصلي عليه شهريه
ورده: هسه يمه هسه اكوم
خليتله فراش وشلته من امي وخليته على الفراش وغطيته
وبقيت كاعده يم رأسه وأقرأ عليه آيات
بليل نام بس كعد بصلاة وكام يبجي ورأسه مثل ناااار مشتعل
خليته بحضني وشلته سويتله كلاص حليب عود اشربه بس ماقبل يشرب. يدفع بيه ضليت ابجي وياه
كعدن ماسه وفاطمه على البجي مالته
وهم اجن يمي ماسه صاحتله وماقبل يروحلها ويدفع بيه
شربته علاج وكام يتقيئ ميريده وزاد بصريخ ميريد الدوه
هوه يبجي وانا اناشغ وياه ماعرف شلون اتصرف وياه وشلون اسكته ولا شلون اخفف عنه الوجع
ماسه راحت كعدت امي كلتلها باسم يبجي وشلع كلب ورده وماتعرف شلون اسكته
أجت وأخذته مني
ام ورده: اسم الله جده
ورده: يمه رأسه مشتعل ناااار
ام ورده: يمه مابيه شي شربتيه علاج
فاطمه: شربته وكبل ذبه ماتقبله
ام ورده: ياااا جده جا شلون اطيب
جيبلي زيت زيتون خلي ادهنه والله كريم
ركضت جبت زيت زيتون وخليته بكاسه ونطيته لأمي
نزعت ملابسه ودهنت كل جسمه
بس هوه مستمر يبجي
أخذته منها وكمت اسكت بيه بس مافاد بقه ساعه ونص عله هاي الحاله
أبوي سمعه يبجي وسأل امي شبيه يبجي امي كلتله مريض من امس
كبل كام يحجي ويشتم بسلام
ويصيح ابو ساقط وطايح حظ
وشكد غلط وشكد حجه
امي حجت على كيف
:هاي الكادر عليها انته
ماسه:يمه لا يسمعج ويكلبها عليج
شكد اضوج من ابوي هيج يحجي علئ سلام ويفسقه تفسق بلحجي والمسبه والفشار كلام يخزي
على سلام مايهون عليه اسمع عنه هيج حجي
رغم هوه شكد اذاني بس مايهون عليه وانقهر
ابوي خله وطلع حته مسأل اخذتو للدكتور لو لا لو اخذه كبل خله وطلع ركب سيارته ومدري وين راح
بقيت شايلته وافتر بيه وهوه على صرخه وحده
البنات طلعن على شغلهن وامي وياهن راحت وبقيت انا محتاره اباسم
ساعه اكمدله وساعه اشيله وساعه اخليه بحضني
حازم عنده دوام وهم كعد ونشدني ماصار زين كتله لا والله اشوو بعده يبجي
حازم: انا عندي دوام راح اخابر سيف يجي ياخذكم ب٨للعلويه للسيد يقرون عليه
شويه واجت امي
حازم :يمه راح يجيكم سيف خابرته وكال ب ٨ ونص يجي ياخذكم بكيفكم ترحون للسيد للعلويه
ام ورده: اي خلي أخذه للعلويه بلكي يصير احسن لان هيه هم تعرف بسوالف الجهال وطب العرب كبل كل جهالنا ناخذهم الها
حازم :خوش خاف اتأخر وراي درب عندي ماكدر اتعطل
ام ورده: ابوك لو درى يسوي فلك ياهو اليمشي ويانه
شنهي رايحين وحدنا
حازم :شنو سالفه وين رايحات انتن وسيف مثل ابنج ورده مثل اخته
وابوي اذا عنده هاذا الحرص ليش مكاللجن لبسي عباتج وجيبيه خلي ناخذه
حازم لبس ع السريع وخله ومشه لدوامه
أمي لملمت شغل البيت بسرعه كالت لا يجي الولد وفشل يضل يدك براسه
إنا كاعده وباسم بحضني مسبل أديه وبس عيونه مفتحه ومتروسه دموع
وخدوده وحلكه حمر من الضخونه
امي جابت فلوس وجيزدان وجواريب مالتها خلتهن يمي
وكعدت
ام ورده: نطيني باسم وعدلي شالج يمه البسي جواريبج
لا يجي الولد عيب يضل ينتضر
نطيته الأمي ورحت غسلت أديه وجهي بصابونه وذبيت ملابسي
لان بيهن ريحة زيت الزيتون من رأس باسم
رتبت شالي واجيت أخذته من امي
إمي هم كملت واجه سيف أخذنا
سيف طول الطريق يسولف وي باسم
سيف :باباتي شبيك حبيبي باسم بسوم هاا بابا ليش ماتحجي
ام ورده: يخاله سوده بوجهي حته دواه ماشربه يكول ععع
سيف: لا ليش حبيبي غير حته تطيب ازعل عليك وبعد ما اخذك بلعن وياي
باسم ضام روحه بحضني وحته ماله خلك يدير وجها على سيف الي وكع لسانه وهوه ويحاجيه ويطمع بيه بشغلات الألعاب والحلويات
ام ورده: عمت عيني خاله نشلع گلبك ويانا تركض بينا وماكو
شكد مستحيه منك حته كروه ماترضى تاخذ عاد تفويلة بانزين للسياره
سيف :افه خاله شمسوي انه جاا بعد عليمن احنا أهل وأذا خليت قلبت. وباسم قطعه من كلبي
شلون ترديني اعوفه وهوه مريض.
أم ورده: الله يخليلك شبابك ويحفظك من كل شر وان شاء الله يرزق بلوليد
يخاله هوه متعلق بيك ويسميك بابا سيف
رفعت رأسي وباوعت على أمي وانا مراضيه انو تحجي هيج يم سيف
رغم هوه ممقصر وي ابني ويفتر بينا بسيارته وبكل ادب واحترام
بس انا اغار منه ماريده يكل لباسم بابا لو باسم يكله
اتمنى سلام هوه الي يكول هيج وينطق هل كلمه
حجيت بداخلي ااخ ياسلام صرت اتمناك بكل عيوبك وتقبلك
بس كون اشوفك واشوف طولك واشبع شوف منك
رفعت راسي واجت عيني بعين سيف الي جان منتضرني بل مرايه
نضراته احسه تريد تخترقني من كد ممركز بيه
إنا بسرعه دنكت صار يشاقي بأمي ويكلها هاذا ابني لان صار بعقد عرسي وجنسيتي
امي هم منطلقه وياه وتكله ايي هذا حك لو ماانت جااا هوه ماصار
وإنا أغلي من داخل واخاف من سيف اخاف يسجل ابني باسمه وياخذه مني
وخفت من نضراته الي صرت افتهمها هيه شنو لان كل ما ارفع راسي الكيه يباوع عليه بشغف
وصلنا لبيت الساده ونزلنا دكينا الباب وطلعت مره شابه كالت تفضلن
راحت صاحت لأمها واجت كعدت يمنا وسلمت
وأخذت مني باسم وكامت تقرأ عليه آيات
ودهنته بهاي شغلات الي يخلونها للطفل بعد طب عرب على كولت هم
وحته جوت راسه سوده عليه فرفح من البجي
كالت هاي برده يمه وليدج مكتول من البرده صايره بكلبه
لفيه جوه عباتج زين ولا تخلين لهواء يطكه
حته يعرك ويطيب
هوه يبجي وانا ابجي وياه بقينا
طلعت امي الفلوس ونطته وطلعنا وباسم يبجي جوه عباتي
جان سيف منتضرنا بسياره
بس صعدنا حرك السياره ورجعنا البيت ونضرات سيف جانت مرافقتني طول الطريق
مر يومين وباسم شويه شويه يصير احسن سيف بليل يسير علينا وباسم بس يسمع ب سيف كبل يركض للديوانيه عليه
احاول الزمه واكله انته مريض لتطلع بس هوه يكوم يحجي ويكول اليد بابا ثيف
احس نفسي عاجزه كدام باسم و تعلقه بسيف
امي وخواتي وحته حازم يشوفونه شي عادي بس انا ماريده
يتعلق بأحد
مرات احاول أعلمه احجيله عن سلام مثلا اكله الي يسألك عن اسم ابوك كول انا ابن سلام
اكله ابوك عسكري ابوك يدافع عن الوطن ابوك مسافر يدافع عن المقدسات.
احاول ازرع اباله شخصية ابوه بدون ميشوفه
إنا حته ماعندي صوره لسلام وتصوير يخصه حته أكدر اشوفها اله واكله هذا ابوك
بس هوه كل ضنه انو سيف ابوه واحتاريت شسوي
بعد استسلمت كلت يكبر ويفهم لان مليت منه
وحازم يتعارك وياي يكلي لا صيرين انانيه وعندج نوع من الكطع. وطردي هاي سوالف كله من بالج ماتفيدج
بعد انا سكتت شسوي
مرت الايام
ومره حنان جايه لهلها حته تشوفهم لان هيه كل هاي الفتره مجايه عدهم ابوها منطيها منع ممنوع تجي
لان جانت يومه مشكله وتجي زعلانه فمن رجعت ابوها كلها
طلايبج انتي ورجلج بيناتكم حلوها لا تجين ولا توصلين يمي
لان مليت منج ومن مشاكلج الكلها خرطي بين العمه والجنه وسوالف نسوان
هيه تخاف من ابوها وبعد ما اجت ولا سمعو بيها مسويه طلابه
رقيه حجتلي كالت تريد امي تأخذها لدكتوره علمود جهال تريد ولد وبعد وماحبلت اجت عدنا ترتاح كم يوم وتروح
بيوم العصر باسم يبجي يريد يطلع وره البنات للبستان
أخذته من ايده وطلعت للبستان بعدنا نتمشى
وشفت حنان طلعت من بيتهم واجت ورانا
إنا هميت رجلي ماريد التقي وياها واسمعلي حجايه تقهرني
بس باسم دك روحه يريد يم النهر يريد يشمر حجار وسط النهر. ويلعب
ورده :امشي ماما لا يطلع علينا العوو من النهر وياكلنا امشي نروح يم ماسه يم الميع
باسم :لا لا اليد هنا يم ماي.
حنان بيه اوماتقترب علينا كمت اباوع عليها
ورده :انا راح اروح انته ابقه وحدك حته تطلعلك السمجه من النهر وتاكلك
ضحك وخله أديه على حلكه
أبتسمت عليه ورجعت كعدت يمه وكمت اجمعله حجار حته يكوم يشمر بل ماي
وصلت حنان يمنا وجانت لابسه ثوب احمر كلوش وشال شامرته على راسها بهمال مطلعه كذلتها وتراجيها
نوارس
انا يمشون بيبي ويشلعون گلبي
مجانج يلعزيزه الهسه خالي
ولله خالي وراحت هيبتي وعزي ودلالي
يبيبي البيت ماطبله بلايج اريدن للكبر واتمدد وياج
بعدني بعز شبابي وضاعن سنيني واحس فرگاج بيبي بنار يجويني 💔
..................
مرت ايام العزاء وانا فاقده بس اكعد اصرخ وابجي وارجع اوگع اسبوع وانا علئ المغذيات وماخلي شي بحلگي ام رحيم وبناتها يتوسلون توسل بيه وقفلو الغرفه لان افرفح وبليل مثل المسودنه اكلهم بيبي تصيح عليه بالغرفه وضل اصرخ لحد ماانهار ام رحيم حاجت خالي حته تاخذني وياها كم يوم وماقبل ثاني يوم نزل رحيم شفته ورجعت اصرخ واكله راحت بيبي راحت دنيتي كلها وهوه دموعه تنزل ويصبر بيه اجو هوه وامه حاجو خالي وقنعوه كلهم بس اسبوع انا وين مايودوني وياخذوني مادري فاقده اخذوني وياهم وانا دموعي ماتنشف يجن جناينهم يعزني وام رحيم تكلهن خلنها ماتت هناك
تسويلي مثل بيبي مخليه رأسي بحضنها وتقره قران وتمسح علئ رأسي
افز بليل اكعدها اكلها بيبي وين راحت
تكلي نامي يمه نامي اكلها خاف راحت تتوضئ حته تصلي هيه ماتكدر خل اكوم وراها لاتزلك وتوگع
تلزمني گوه وانا ابجي انام بطلاع الروح
بيوم وگفت بالطرمه اكلهم تريد اروح اختنگت بيبي ضلت لوحدها هناك
رحيم: نوارس الله يخليج دخلي انتي مومنه بقضاء الله وقدره كلحنه بهاي الدنيا ضيوف كلما ويومه حرام عليج هيج تسوين
نوارس: ماگدر ولله ماگدر اريدها رحيم عليك ابو الفضل اخذني الها
رحيم: ولله اخذج وعد بس صيري شويه وقوي نفسج اكلي يله اخذج يله تعاي منار دخليها جووه
ضلو يتوسلون بيه علئ الاكل كلت لكمه وحده شلون اكل وبيبي جوه التراب عمت عيني يارويحتي
بليل اجه رحيم يحاجيني
رحيم: نوارس خطيه هذا سامر باله عليج صارله ايام حته تمرض بس خل يحاجيج
ماحجيت كمت وياه وعيوني طالعه ليبره وجهي كله أثار ومورم
رحيم: محد هناا اخذي راحتج انا واكف هناا
دخل رحيم قبلي
رحيم: سامر بس صبرها خوش انا هنا واكف تره
طلع رحيم صارت عيوني بعيونه ودموعي تنزل اشكيله وجع گلبي فتح اديه جنت محتاجه هذا الحضن ومنه
ركضت عليه وانا ابجي واصرخ وهوه يمسح علئ رأسي
سامر: كافي يروحي كافي الله يصبرج ويبرد گلبج دعيلها بلرحمه صليلها واقري قران
عفته وكعدت مهدود حيلي
كعد يمي
سامر: شوفي شصاير بيج تقبل علئ هذا وضعج دموعج تحركها صليله ادعيلها بلرحمه خلي عندج ايمان بالله ولله روحي كلها يمج لاليلي ليل ولانهاري نهار متمرمر
نوارس: ساامر اريد بيبي بس هيه اليه بدنيتي. مالي احد ليش راحت وعافتني
سامر :وانا وين رحت هاا انا سندج من بعد الله انا روحج وعالمج كله لاتكولين ماالي احد
دخل رحيم
سامر: تعال رحيم تكول مالي احد انا
رحيم: افه مالج احد شنو واحنه شنوو هناا
ضليت ابجي
راح سامر ثاني يوم اجه خالي يريد ياخذني ورحيم تحاجه وياه كله موتفقنه اسبوع وخالي كله انا خالهه بكيفي يله خل تجي بسرعه وماحترم ابو رحيم من حاجاه لبست وطلعت وياه وانا دموعي ماتنشف من عيوني رجعنه بتكسي لان من تمرض ابنه بايع سيارته
مسحت دموعي برداني ورفعت رأسي نتبهت هذا موطريق بيتنا وصلنه لبيتهم وانا ماكدر احجي من السايق نزلنه
نوارس: ليش اجينه لبيتكم اريد اروح لبيتنا
خالي: هسه دخلي وبعدين تناقشي موكفتنه بلشارع
دخلت وانا خايفه ماريد ادخل لهذا البيت دموعي تنزل دخل ودخلت وراه اجت مرته من المطبخ وبناته ماكو بس الزغيره وابنه يلعبون
مرت خالي: هلااا
حجته من وره خشمها وتباوع صفح
كعد خالي وانا منتضرته ينطق ويكلي المن جابني هناا
نوارس: ليش اجينه هناا اخذني لبيتنا انا وبيبي
خالي: اول شي البيت بعته كله طلعت الموجرين ومنا ورايح انتي هنا تعيشين يمنه وهاي خالتج والبنات تحترمينهن
صدمه وره صدمه اريد استوعب الصار ودموعي تنزل بكل سرعتها وگلبي مجرح بسجاجين وهسه خالي اجه بهذا كلامه رش عليه ملح
نوارس :شنوووو شلون تبيعه هذا بيتنا وبي ريحة بيبي ليش موتتها وهسه رحت بعت البيت البقالي من ريحتها حرام عليك ولله حررررام
خالي: اكلي خ...... ادبسز مامربايه شلون تحجين وياي هيج اطيح حظج وصبغج غصبا عليج وفلس احمر مالج خاف ردت اطيج هسه لااا كافي اكلج وشربج
ضليت مصدومه خله وكام طلع
مرت خالي: كومي لمي غراضج حتارينه بيهن الله يجيب ويذب فوگ رأسي اشرتلي بلغرفه
مخلينها مايستخدمونها للغراض الزايده اللثاث كله بايعينه بس ملابسي وغراضي ولاشي لبيبي طلعت لمرت خالي تعاركت وياها تكلي شسوين بيهن نطيناهن لناس احسن من مايضلن
اخخخخ بيبي تعاي شوفي بلياج سوو بيه
خلوني خدامه الهم ولبناتهم جيبي هذا ودي هذا سوي اكل وكلمن يريد علئ مزاجه والميعجبه شي يضل يحجي
صرت هيكل بلنهار اشتغل واخدمهم واليل اكضيه بجي
وره يومين وره مااجيت دورت علئ تلفوني كلبت غراضي كلاب اريد اكول ارحيم باع البيت
ماكو سئلت مرت خالي تكلي وين ادري بيه انا
ضليت كل ثانيه اتحسب علئ الي اسمه ابويه وعلئ كل واحد شارك بأذيتي مره جاي ابجي بليل علئ بيبي وفات خالي اجه بدون مقدمات ضربني راجدي
خالي: شلووون بله ماتخلينه انام ورانه دومات تونين جنج بومه
نوارس: حته البجي صار حرام حسبي الله ونعم الوكيل بيكم
اجه علئ جرني من شعري وضل يضرب بيه
خالي: بت ال...... انعل ابوج لابو الخلفج س......
تفل علي طلع ضليت ابجي بلخلسه واشكي لربي ولبيبي وادعي عليهم
اجه الاربعين والناس تخابرله ومايرضه يسوي اربعينيه يكول انا اجيب ثواب وماحاجه نروح عليمن هل مصاريف
ضليت الطم وكتله حته لكبرها ماتخليني اروح فات شهرين وانا هناا عدهم مشتاقه لسامر روحي تلوب عليه هم يفكر بيه هم يشتاقلي
فد يوم اجه خالي وعيونه بگصته
خالي: سامر منو ووين تعرفينه
نوارس: صديق رحيم وجان يساعدنه وياج ويجيب مسواك وياخذ بيبي الله يرحمها للطبيب
يباوع عليه وعيونه كلها شك
خالي: وشيريد هسه خذا الكلب ابن الكلب يفتر علي
ردت اسئله وين شاف سامر وشكاله خله وطلع
فتره واجو رحيم وسامر وجنت اريد اطلع اشتكيلهم علئ السوه بيه لاكن هيهات تعاركو ويا خالي من عارفين بايع البيت. وجانو يدورون عليه ومايعرفون عنوان بيتا ومن عارفين وجاين قبل شهر طالعه مرت خالي كايلتلهم لا غلطانين بأمر من خالي موصيها واكفه اسمع صوتهم وخالي الحقير طردهم وضل يصيح ورجع عليه ضربني
رواء
كاعده وصافنه بذكرياتي ويا رحيم والغصه تحرگني
من ينزل اضل اتشرد حته مايلمحني ومره شفته عيونه علئ شباك المطبخ ويتحسر كانو يدريه بيه جاي اباوعله ومخليه يشوفني بيومها شبعت بجي
ام سلام: حنوشه تعاي اكلج
رواء: ها يمه شنوو
ام سلام: خالتج ام ايمن اتصلت عليه ستوها خطبتج لاايمن فرحانين بيه يردون يعرسوله
رواء: منو كال اريد اتزوج يمه انا موكتلكم ماريد
ام سلام: يمه وين تلكين احسن من ايمن خوش ولد وستوه تخرج لغات وهسه مترجم يشتغل بالمطار وكامل مكمل
رواء: مايهمني يمه ماريد اتزوج
ام سلام: وهسه انا شكول لخالتج. ولله فشل
رواء: كليلها ماتريد ذنيج البنات خير من الله خل ياخذون
ام سلام: همه رادوج انتي
رواء: شنو يمه ماريد كوه
ام: سلام خوش خوش فهمنه
يتبع .........
🦋💙