لاتنسون المتابعه لحسابي +التصويت +التعليق بين الفقرات 🤍
#حُب محكوم بالأعدام
#بنين الزيادي
~~~~~~~~~~~~~~~~~~
بعد ماراحو الناس دخلوا جدو وعمامي
لجوا بس كلهم عصبين بحيث ماتجرئنه
نسئلهم شصار
دخل ذياب و راح متوجهه لغرفـته
بس وكفة جدو وهوَ يصيحله
اندار اله
ذياب ... ها جدي
جدو ... انزل عدنا هواي حجي مو عبالك خلصنا
راح كعد سكته بس مبين ؏ اعصابه
رجع حجـه جدو
... سولفلي ذياب افندي شنهو هذا السويته بديوان
ذياب ... شسويت جدي حليت المشگـلة
جدو ... قصدك زر*** بلمشگلة
ذياب ... جديييي
حجة بيبي لان طگ الصبر
... خايبين شمالكم ماتحجون شصار مخلينا مثل
الاطرش بزفـة
رد عليها جدو بعصبيـة
... حفيدج المحترم خرب السالفـة كلها
كام ذياب بعصبيـة
... جدييييي يا سالفـة الخربتها ما تكلي ياسالفـة
تريدنه نطي بناتنه فصليات ولله لو ؏ كص رگبتي ما اطيهن
صرخت بيبي بحرگة كلب ودكت ؏ صدرها
جدو ... ولك انتَ ليشۂ تفهم السالفـة من طيـ***
بيبي ... هـسهہ شلون تفهمونا السالفـة يتضلون تتعاركون
كام بابا وكال
... انا احجيلج السالفـة يمه ذياب وواحد من حفيد ال عواد شويـه اجو يتچاتلون بديوان عاد تدخلت العشيرة
الداخلـة طرف ثالث تحل بينه وبينهم واقترحت علينه نطيهم ثنين من بناتنه ويطونه ثنين من بناتهم صدق يعني علمود تنتهي سالفـة الثار ويصير بينهم دم ونسبة
عاد راد ابوي يحجي بس قاطعـة ذياب وهوَ يكول ماعدنا بنات مامزوجات كلهن مزوجات
باوعت بيبي لذياب وكالت
... بعد حلگي حلكك ؏ هذا الحجي المعدل تعال
اطيني حبة
قاطعها جدو بعصبيـة
... عليمن تطينه حبة ؏ سواد وجهه
بيبي ... يستاهل چَا غير حل السالفـة چَا شني تريده يطي بنياتنه
جدو ... شحل منها غير الوادم كالو نجي السبوع الجاي نشوف عقدهن عبن راح يطونه وحدة من بنياتهم وحفيدج الشفية كال ماعدنا بنات كلهن مزوجات
ذياب ... جدييي لا تخبلني چَا شتريدني اطيهم بناتنه
جدو ... اي چَا شبيها واذا طيتهم مو هما راح يطونا
بنيـة من بنياتهم
ذياب ... ولله لو ؏ كص ركبتي ما اطي وحدة
جدو ... چَا شوفلي حل السبوع الجاي راح يجون الوادم يردون اشوفهم عقد الزواج كلي ششوفهم
ذياب ... خليولون ما مجبورين نثبتلهم طبهم مرض لا يصدكون
جدو ... لا مجبورين لان راح يطونه وحدة من بناتهم ومجبورين لان ﭑريد اسد سالفة الثارات عبن ماعند حيل الها
غياث ... چَا والحل شنهو
باوع جدو لشباب وكال بعصبيـة
... شو چنكم انتم كلكم مأيدين ذياب بحجيـة
الشباب كلهم سكتوا
رجع حجـه جدو بعصبيـة
... مادامكم هچي چَا تحلموا نتيجـة ڪلام ابن عمكم
ذياب ... مافهمت جدي يعني شنهو
جدو ... يعني تعقدون ؏ بنات عمكم
انصدمت من ڪلام جدو عزااا شنو يعقدون علينا
ضليت اباوع للبنات وهنه يباوعلي مصدومات
ذياب ... ميخالف جدي الشباب يعقدون ؏ بنات
جدو ... اي وانتَ محسوب منهم خليكون بعلمك
ذياب ... انا شعليـة جدي
جدو ... اذا انتَ ماعليك چَا انا عليـه ياهو الوكف بديوان مساع وصاح بناتنه مزوجات
راد يحجي ذياب قاطعه جدو
وهوَ يوجهه كلامه لـ صگر
... صگر خابر عماتك يجن باچر هنه وفروخهن
حصرتني الضحگه من كال جدو فروخهن بس بلعتها
باوعت للكل في حالـة صدمة وبلخصوص البنات
مايعرفن منو راح ياخذن من الشباب واني منهن
هم مصدومـة ..
طشرنا ڪُل واحد راح لغرفـتة وصعدت اني والبنات
لغرفتنه ضلينا حايرين ونفكر منو راح يكون شريك حياتنه الي راح يقرره جدو باچر
ثاني يوم بعد ما اجن عماتي وتجمعنا كلنا بصالـة
حجة جدو
... كلكم تعرفون سبب لمتنا اليوم مايحتاج اعيد
ندخل بصلب الموضوع بسرعة بس مو هـسهہ
وكف وكال
... ليث وغياث الحكوني للديوان
راح هوَ واحنا مفاهمين شديصير ﭑصلاً
لحكوا الشباب تقريب الـعشر دقايق واجو
كالوا لـ الاكبر وصگر وباقر ابن عمتي علياء جدي ينتظركم بلديوان
راحوا بس عمتي شيماء ما تحملت تضل ساكـتة
... شبيكم ساكتين ما تكولون شراد منكم ابوي
رد عليها ليث
... عذريني عمه بس ما مسموح النا نحجي
عوجت حلكها ودارت وجهه عنهم
بعد مدة قليلـة طلع الاكبر وكال
... ذياب والبنات جدي يريدكم تعالوا
كمنا احنا وكامت ويانه صفاء
كالها الاكبر ... انتِ ما مشمولة ويه البنات
ضحكت وهيه باوعتلي وخزرتني ماهتميت
رحنا لديوان لكينا جدو والشباب كاعدين
احنا هم كعدنا
نباوع لجدو كلنا منتظرينه يحجي
بعد مدة من السكوت كال
... اسمعوني زين وبلخصوص انتن البنات
ليث راح يعقد ؏ غرير
وغياث راح يعقد ؏ هاجر
والاكبر راح يعقد ؏ رنين
وباقر راح يعقد ؏ ملاك
وباوعلي ورجع باوع لذياب وكال
... وذياب يعقد ؏ وتين
الكل ساكت بحالة صدمة بعدين ستوعبت
انُ ذياب راح يعقد عليـه يعني اخذ الجانت تحبه بت عمي وماتت قبل لا تتهنى بحبه ولا تزوجـة حتى
مستحيل اخلي هلشي يصير
طفرت واكفـة
ـ جدو اني ما قابلـة ومستحيل اخذ ذياب
جدو ... وليش ما قابلـة بلله
ـ ماريد ذياب ولا اريد اتزوج اي شخص
بعدني صغيرة ويني وين زواج وذياب مثل اخوي
كام ذياب
... جدي وانا هم ما راضي ولا اريد اتزوج
خل واحد من شباب يعقد عليها
باوعتله بعصبية
ـ شنو يعقد عليه شكالولك سلعـة اني وتدلل بيه
ماريدكك ولا ﭑريد غيرك
ذياب ... چَا شسويلج ماريدجج
ـ لا ولله علساس اني الكاتلة روحـي عليك
راد يحجي قاطعنه جدو بصياح
... شو انتم ما تحترمون تتعاركون جدامي
ذياب ... العفوا جدي ما قصدي بس انا ماريد
اتزوج
جدو ... ولله مجبور تزوج وتتحمل نتيجة حجيك
چَا من حجيت بديوان وكدام العالم شكلت لروحـك
ذياب ... جدي قصدي الشباب يعقدون عليهن
جدو ... چَا انتَ مو واحد منهم
راد يحجي ذياب قاطعـة جدو وهوَ يكول
... خلص الحجي ذياب الكتله يتنفذ بدون ولا اعتراض
لا يصير غير حجي
ـ جدو بس اني ماريد اتزوج عفيه لا تجبرني
جدو ... اذا ما تزوجتي ذياب ترحين تتزوجين واحد
من ولدهم وانتِ بكيفج بعد
ضليت حايرة شسوي ماكدر اتزوج ذياب
وهوَ يحب رُسـل وهيه تحبه واني أפـب قحطان
ماريد غيرة ولا ﭑريد اتزوج ﭑصلاً ، بس شلون
اذا ما تزوجت ذياب انجبر آروحـح اتزوج واحد من
هذولاك ، صعدت لغرفتي ضليت ابچي لحد ما نمت
والعرفـتة انُ رنين هم معترضـة وما قابلة تزوج
بس جدو مخيرها نفس ما خيرني يا نزوج ولد عمنه
او نروح نزوج اشخاص مانعرفهم ولا شايفيهم ﭑصلاً
فَـ سكتت رنين وتقبلت الامر الواقع ، وماما ضالة تبجي
لان متريد نزوج بهلعمر بس مابيدها تسوي شيء
بعد يومين
بدلت ونزلت بس جسد بدون روح لكيت
البنات هم كاعدات بصالـة ومحد قابلة ؏ ديصير
بس ما بيدنا شي ،
اجتني أمي وهيه عيونها مدمعـة
... كومي وتين كعدي يم الباب حتى يعقدلكم الشيخ
احس الهواء ضاع عليـة نزلن دموعي بهدوء
كمت لبست ازار الصلاة وكعدت ؏ كرسي يم باب
الاستقبال مرت عمي ام ذياب فتحت القرأن وخلته
بحظني دموعي تنزل بهدوء مع ڪُل حركة يسونها
بدء الشيخ يقرا بلأيات لحد ما وصل يسئلني عن موافقتي ماكدرت اجاوبه عاد سؤال مرة وثنين
بس اني ساكتة لحد ما نسدتني بيبتي جاوبته كوة
ـ نعم انتَ وكيلي
وسمعت صوت ذياب ينطي موافقتة محد هلهل لان
اربعين قحطان ورُسـل بعدة مطالع ﭑصلاً
كمت بسرعـة صعدت لغرفتي
خليت راسي بين رجلية وكعدت ابچي
شوية وندك الباب صحت منو
سمعت صوت مرت عمي ام ذياب
كمت فتحتلها الباب دخلت سحبتني من ايدي
وكعدتني ؏ چرباية وكعدت يمي
ام ذياب ... عمه وتينه ادري انتِ انجبرتني ؏ ذياب
وادري هوَ هم انجبر عليج بس صدكيني يا عمه
يمكن انتِ ماتعرفين ذياب بس ولله هوَ دره مال الله
احن من كلبه ماكو صح عصبي بس ياعمه ماكو رجال
مو عصبي ، فَـ الاريد اوصله يا عمه انتِ هـسهہ صرتي
مرته تقربي منه وحبي وعيشوا بسعادة ولله ما يلكة احسن منج ولا تلكين احسن منه زين عمه؟
سكتت مادري شكلها اكلها عمه ابنج يحب رُسـل
لو اكلها اني أפـب قحطان
ـ اي عمه ميخالف
راحت هيه واني رجعت ابچي
جنت اتمنى انخطب لقحطان بس قحطان
راح وعافني ضليت ابجي لحد ما دخلت
عليـة رنين تبجي حظنتها وكمنا نبجي سوه
بعدين مسحت دموعي وباوعتلها
ـ رنين ليشۂ تبجين انتِ تحبين شخص غير الاكبر
لو شنو
رنين ... لا ولج ولله بعمري ما انعجبت حتى اعجاب
بشخص والاكبر مابيه شي بس اني ماريد اتزوج
بعدني صغيرة
ـ ميخالف פَـبيبتـʊ̤ انتِ بلنهاية راح تزوجين هـسهہ او بعدين وصدكيني الاكبر حباب واطيب من كلبه ماكو
واني متأكدة راح تحبي امسحي دموعج وتقبلي الواقع
زين פَـبيبتـʊ̤؟
هزت راسها برضا وردت
... اي زين شكراً وتونه ريحتي ڪلبـي بكلامج
ـ دللي פَـبيبتـʊ̤ انتِ
ثاني يوم
راحو الاكبر ورنين وليث وغرير وغياث وهاجر
حتى يعقدون بلمحكمة
وعلساس اني وذياب وملاك وباقر نروح باجر
لان الاستاذ ذياب عنده شغل ﭑصلاً
بعد احسن خفتٍ وراحه ..
رجعوا من المحكمـة الساعـة ب12
عاقدين وجاين
ـ شعجب هيج عقدتوا بسرعـة وبيوم واحد
الاعرفـة العقد يطول ؏ مايطلع التحليل وهسوالف
غياث ... صحيح يطول بس ذياب عنده معارف
بلمحكمة فَـ مشوها بسرعـة
ـ اها
باوعت لغرير وسئلتها بصوت ناصي
ـ اكلج غرير ذياب شنو شغله
ضحكت وردت
... حلوه هاي خطيبج وما تعرفين شنو شغلـة
ـ هـسهہ جاوبيني
غرير ... شغلة ضابط حُـبـʊ̤
من صدمة صحت بصوت خلت الكل ينتبهون النه
ـ شنووووو
كرصتني وابتسمت بوجهي
... وسم صوتج فضحتينا
الاكبر ... شڪِۅ شبيجن
ـ ها لا لا ماكو شي
ضليت مصدومة شنو ضابط عزاا ولا ادري
ايععع اني شلون اكره الضباط لان سمعتهم مو شي
وحسب ما سامعة كلهم يدورون نسوان وشرب وسوالف
طايح حظها .. ضليت افكر عزاا يعني ذياب هـسهہ
سكير وابو بنات اكيد ايععع ﭑصلاً معليـة بيه زواجنا
حيكون بس ؏ ورق ..
شويـة ودخلوا عمامي وجدي
ودخل وراهم ذياب ضليت اباوعلـه بقرف
ايع اكيد هـسهہ جان بحظن وحدة يمه لعبت
نفسي منه ..
انتبهلي اباوعله رفع حاجبه بمعنى شڪِۅ
لويت شفتي ودرت وجهي عنه
خلص اليوم عادي بس طبعاً مايخلى من بچي
عمتي ؏ اعزازها "قحطان ، رُسـل"
ثاني يوم اليوم الي راح يصير اسمي
بظهر جنسية ذياب
كعدت من صبح واهسي صفر
لبست فستان يجي من لحد الخصر ضيك
وبيه حزام ومن جوه عريض ڪـلش مرتب
ولفيت شالي ولبست حذائي واخذت جنطتي
ونزلت ما مخليـة ولا قطرة مكياج
لكيت الكل كاعد ؏ سفرة يتريكون
بعدهم ما رايحين لاشغالهم ومن ضمنهم
باقر ابن عمتي هم جاي علمود نروح نعقد سوه
ـ صباح الخير
ردوا عليـة وكعدت وياهم اتريك
لحد ما كام ذياب
... يلله خلصتوا
كام باقر وهوَ يرد عليـة
... اي يلله
كمنا اني وملاك
ملاك لبست عبايتها وردنا نطلع
بس وكفني ذياب وهوَ يكول
... وتين وين عبايتج
ـ عفواً يا عباية ليشۂ انتَ متعرف اني مالبس
عباية
ذياب ... لا ﭑ؏ـرف وهم ﭑ؏ـرف ڪـلش زين
بس هذا الحجي قبل لا تصيرين ؏ ذمتي
ـ وشنو يعني واذا صرت ؏ ذمتك هذا لبسي
ومقتنعه بيه
ذياب ... ماتهمني قناعتج هذا لبسج ما تطلعين بيه
ردت ارد عليـه
بس سبقني عمو ابو ذياب وهوَ يكول
... صلوا ؏ نبي يابة شمالكم من صباحيات الله
ذياب ... عليه افضل الصلاة والسلام
وتين ترحين تلبسين عباية لو ماكو روحه
ـ مالبس وبعد احسن خفتٍ وراحه ماروح ﭑصلاً ردتها من الله لـ لله
اجاني بابا
... بوية وتين شبيج هذا حجي بلله
ـ اي يا بابا متسمعة يريدني البس عباية واني لا ﭑ؏ـرف البسها ولبسي مابيھہ شي
ذياب ... مو مشكلة تتعلميلها
ـ ماريد اتعلملها لبسي مقتنعه بيه ماعاجبك
لا تطلع وياي
ذياب ... غصباً ما عليج تتعلميلها وما مكرن انا واطلعج بهذا لبسج
باوعله بابا بعتب و رد عليـة
... شقصدك ذياب انا مكرن لان اخلي بتي هجي تلبس
فرك وجهه ذياب بعصبية
واجه باس راس بابا وكال
... ما قصدي هچي عمي حشاك
بابا ... اذا ما قصدك هيج چَا لخاطري هلمره خليها
تطلع هيج
باوعلي ذياب بخزرة و رد ؏ بابا
... ميخالف عمي بس هلمرة لخاطرك
ابتسمت بشماتـة وباوعتلة ورفعت حاجبي
صاح باقر باستهزاء
... يعني بعد أذنكم اذا خلص مداهركم من
صباحيات نكدر نمشي لان تأخرنه
خزرة ذياب وطلعنا
اني وملاك وره وهما كدام ذياب يسوق
وبصفة باقر ..
وصلنا للمحكمة
هما يمشون كدمنا سريع واحنا رجلينا طاحت
نركض ركض وراهم وما ملحكين
لحد ماصحت بيهم بعصبية
ـ اوكفوا شبيكم شادين محرك واوي رجلينا طاحت
واحنا نركض وراكم
خزرني ذياب بعصبية
... شلون بينه ويه الفاهيات
مشوا كدامنه شوي بهدوء شو بعدين رجعوا
لنفس السرعـة دخيلك يا علي انوب هذا
ذياب ڪُل شوي مسلم عليـة واحد ادري هوَ
ذياب خبصتوا روحكم بسلام عليـة عليمن
ولله يالله ..
انداروا شافونه مسافة عنهم
اجه باقر كمش ملاك من ايدها وباوع
لذياب وكاله
... انتَ ما تلزم مرتك اذا نبقى هيج هـسهہ يضيعن
؏ هاي الفهاوة
وهوَ هم ما كال شي اجه سحبني من ايدي
نصدمت من صرت بصفة عزاا ما واصلة لمتنة
صخام راحت هيبتي ، لا يلله عادي ﭑصلاً الهيبة مو بطول اباوع لايدي بين ايده مثل الاميرة والوحش
ايدي ناعمة وصغيرة وايده ضخمه وسمرة من شمس
فَـ صاير فرق
وصلنا للقاضي بلبداية دخلنا اني وذياب
سئلني القاضي
... هل تقبلين بَـ ذياب عدنان زوجً لكِ بمقدم
مقدارهُ ** مليون و مؤخر مقدارهُ ** مليون
ـ .....
يَتبع 🍂...
~~~~~~~~~~~~~~~~~~~~
حبايبي لا تنسون التصويت
والتعليق بين الفقرات تفرحني
واسفه ؏ تأخير ان شاء الله اعوضكم
بس تعرفون بداية دوام وهوسة بلأيام الجاية
التزم ان شاء الله ♥️
buuny_1 حسابي
الى اللقاء في البارت المُقبل | احبكم ♥️
# حب محكوم بلأعدام
# بنين الزيادي