مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
كنّا نخفض أصواتنا كي لاتفيق جدتي ، و ذات يوم صرخنا ملء حناجرنا ولم تستيقظ أبداً
..........
نوارس
مرت الايام وامتحنت ونجحت بعدها قدمت للسادس حته امتحن
ورفضوني من وره سبب سنوات الانتضار لازم انتضر 3سنوات يله امتحن سادس
كلش تئذيت وبجيت وبيبي سودعليه نقهرت علي
وسكرها ضل معلك
خابر سامر وكتله علئ بيبي كلش تعبانه ورحيم ملتحق كال راح اجي
سمعت صوت سياره كمت فتحت الباب
سامر: السلام عليكم
نوارس: وعليكم السلام تفضل
سامر: شبيج راح تبجين انا شكتلج موكتلج لاتنقهرين وتبجين شكو بيها واذا انتضرتي 3سنوات هاي انا كدامج لازم مرحله اخيره وستوني يله ثانيه هيه هاي الدنيا
نوارس: الله كريم
سامر :شوفي بيبيتج خطيه تشوفج هيج وهيه مريضه شيصير بيها
نزلت دمعتي
سامر :لااا لاا نوارس ولله يحرگني دموعج راح ابجي وياج شوفي
نوارس: ههه فوت تضل بلطرمه اليوم
فات جوه وسلم علئ بيبي
سامر: يله يمي كومي نروح نجيك وضعج واخذكم تغيرون جوو ادري بيج تريد تطلعين تفرفرين مو ههههههه كولي كولي
بيبي: ههههههه لا ولله مابيه حيل كافي شوفة هل وجه وسويلفاتك ترد العافيه
سامر: اروحلج فدوه انا وجهي ونوارس هم
نوارس: هاا انا شكو
سامر: شوف شوف شفتي يمه ماتروحلج فدوه
نوارس: انا عليك شنو ماروحله فدوه انا وعمري كله فدوه نروحلهه شعدي غيرها بالدنيا
سامر: همممم
رحت اسوي جاي واكفه منتضرته تقربت يم الغرفه واسمع بيبي تحجي ويا سامر
بيبي: يمه محد الها بعدي امانة الله ماتخلونها دربالكم عليها محد يرحمها
سامر: شهل حجي يمه عمرج طويل وانتي تضلين وياهه ستد وذخر وهاا تره انا هم ابنج لعد شنو بس هيه تحبينها
بيبي: يايمه شلون غير اموت عليكم انته ورحومي الله يجزيكم كل خير ويفتحها بوجوهم وينور دربكم
گلبي بزني واختنگت بيبي ليش تكول لسامر هيج
وديت الجاي
ساعه وراح سامر من بعد ماغير علينه الجوو وبيبي صارت احسن بوجوده تموت عليه
شكد لحينه عليها ناخذهه للدكتور ماقبلت
وره 3ايام اجه خالي من بعد اشهر طويله
بيبي: عاش من شافك ياابني يابجري
خالي: يمه موتدرين باابني مريض وجنت مسافر والدنيا مبهذلتني
بيبي: اي وهسه شتريد كول شعتازيت انته بس من تريد شي تجي اعرفك ابني الزين والايجار جاي يوصلك شهر بشهره انته كايله تجيبهن الي للبيت وين جنت مسافر بعد
خالي: اي يمه مو يجيبونهن الام زينه
بيبي: هاا الله يحفظلك ام زينه اي كول علئ شنو اجيت
خالي: الا علئ شي جاي اشوفج
ضل كاعد ساعتين ويجبها منا ويحطها مناا ها الاوضاع موزينه ويكوو داعش راح يطب البغداد بعدين فجرها بيبي تعرف سوالفه من البدايه كالتله احجي
يكلها نبيع هذا البيت ونشتري بيت جبير ونقسمه بالنص وحته يمي مايضل بالي عليكم
كالتله بيبي ومن يمته انته ضال بالك علينه وتفكر بينه تجيلك مره بلسنه وجاي عملود شي تريده هسه صرنه عزاز
طلع يحوم علئ البيت تعارك ويا بيبي ويصيح بوجها
كتله بيبي مريضه علئ كيفك وياها دفعني حيل طلع
كمت ركضت البيبي وهيه دموعها تنزل عشره عشره ضليت ابجي وياها واسكت بيها نامت
مقهوره ودموعها بعينها حسبي الله ونعم الوكيل بيك
نمت كعدت الصبح باوعت علئ ساعه ب10 شعجب بيبي ماكعدتني حته للصلاه الفجر كمت اشوفها انا مخليتلها جربايه لان فقراتها خطيه ماتكدر بلكاع
كمت بعدها نايمه شعجب
نوارس: بيبي بيبي بيبي حبيبتي يله كعدي شنو اليوم تنبوله ههههه لزمته من ايدها بارده حيل
رجعت عليها ابوس بيها اريدها تكعد
وجها هم بارت حيل احرك بيها ماتتحرك
مامستوعبه كمت اهز بيها حيل ربع ساعه وانا كاعده يمه اسولف وياها حته تكعد
نوارس: بيبي بيبي شبيج يله كومي شوفي راح اجيب ريوك حلو ونتريك انا وياج انتي موتحبين البيض البيه بصل وانا مااكله وانتي علمودي تكولين لاتحطين يله انا هم احبه اريد بصل يله كومي خل نتريك حته اسبحج واسويلج كصايبج واغنيلج كاعده علئ الشط كاعد تمشط اجاها نومي كللها كومي يله بيبي كومي موتدرين بيه اضوج اضل لوحده شوفي راح ابجي لعد انتي موتكولين
مااريدج تبجين تشلعين گلبي اريدج بس تضحكين شوفي راح ابجي شوفي تردين نروح لكربلاء نزور مثل ذاك اليوم رتاحيتي موو حته انا ولله يله كومي خل نحضر ونروح وانا كمت اعرف الطريق ومايضحك علينه مثل ذاك اليوم ههههه يله بيبي كعدي شوفي راسي يوجعني سوي اليه من تخليني بحضنج وتسويلي ياه انا ارتاح واطيبن بسرعه اكلج بيبي احنه اليوم كاعدين متأخرين صايرين كسوليات ههههههه
دك تلفون يم راسي جبته ورجعت يم بيبي وانا لازمه ايدها حيل
سامر: صباح الخير شلونج شلونها بيبي اليوم
نوارس: ههههه جاي تسوي لعبه عليه اكعد بيها ماتكعد من مساع
سامر: شنو لعبه نوارس شبيج اطيني ياها
نوارس: شبيك ولله ماتكعد شوفها اكلهه خا نتريك وهيه ماتحجي انا راح ابجي ليش هيه تلعب عليه
سامر: شش شنو. جاااي جاي ضلي بمكانج لاتزمينها
وكطعه
ليش مازمها هااا للليش هزيته
نوارس: بيبي بيبي شببببيج اكعدي
استوعبت ضليت افتح بعيونها واصرخ بعلو صوتي طلعت اصرخ بلشارع اصيح للناس تجي ياخذون بيبي للمستشفئ يعالجونها
النسوان جوارينه بقن يبجن وياي ويهدن بيه ويردن يطلعني منها وانامجلبه بيها وصرخ فرفحت روحي لابيبي لااا فدوه لاتعوفيني انتي امي وابوي وكل دنيتي فتحت عيني علئ دنيا عليج بس انتي لاتعوفيني مثلهم وترحين عزيزة روحي اخذو الرياجيل بيبي لفوها ابطانيه وانا
وانا اصرخ اريد اروح وياهم خلوها بلسياره مشت السياره وشفت سامر اجه ركض عليه
نوارس: سسسااااامر بيبي بيبي خذوها كلهم يجبونها ليش خنكوهه بلبطانيه هيه تختنك من تغطي راسها اتكلي غطي بس رجليناتي
اخذني سامر صاح علئ المره الازمتني تجيبلي شي تذبه عليه. وكلهاا خابري واحد من الخذوها ليا مستشفئ رايحن اخذني صعدني وانا افرفح
نوارس: سامر كلي بيبي راح ترجع ويانا مووو
ساكت ودموعه بعينه
نوارس: لاااساامر احجي بيبي راح تجي مووو يله امشي بسرعه
وصلنه اخذني وانا اركض حافيه وعليه عبايه بلا شال وكلساع توكع ويرفعها علئ رأسي
ماخلاني ادخل سامر والرباجيل جوارينه واكفين كلهم بره طلعني سامر بره وانا اصيح وين وين بيبي هناا
سامر: امشي نوارس مناك راح نروحلها اخذني مشينه هواي والرياجيل قبلنه يمشون اسمع واحد يخابر بصوت عالي يكله جنسيتها بسرعه لاتتأخر
نوارس: سامر شيسون بلجنسيه
سامر:مو عليها نوارس شبيج اهدي علئ كيفج
نزع حذائه لبسني ياه
وانا اكله كلساع يله سامر عفيه يمته افوت يم بيبي هسه راح تكعد وتدور عليه
اجو ولد لازمين تابوت فوتوه للغرفه الواكفين يمها
كمت علئ حيلي
نوارس: المن هذا المنننننننن لاااااااااا بيبي وللللللللج بيبي شلون تعوفيني وترررررررررحين منوووووووو الي غيرررررررج يارويحتي ولج بيبي لللللليش مافكررررررتي بيه مووووو تكوليييييييين اناا احبببببببج وانتي وصله من گلبيييييييي بيبييييييييييي اخدينيييييييييي ويااااااج المننننننن عايفتنيييييييييي اناااا وياااااج العمررررررو كلللللله هسسسسسسه تعوووووفيني وتمشينننننننننننن
سامر لازمني ويبجي بصوت عالي ويصيح وللللجج يايمه
كعدت الطم علئ وجهي بكل قوتي سامر يريد يلزمني ضل الدم ينفط منا ومنا اكو رجال جبير اجه يلزم بيه ويا سامر اخذوني كوه دخلنيي لممرضه لفت وجهي بشاش وتعقم بيه وانا اصرخ
رحنه واشوف التابوت ماخذينه يمشون بيه للسياره
وانا اصرخ عبالي راح ياخذونه ويدفنونهه ماخلوني حته ابوسها
نوارس: سامر عليك الله بس خل ابوسها بداعت امك
سامر: رايحين للمغتسل واهناك ودعيها تعاي صعدي
رحنه للمغتسل الي امنطقتنه ماخلني افوت وانا افرفح
سامر صاح علئ وحده بيهن كلهن هيه لازمتها خل تودعها قبل لاتغسلنها
دخلت والوضع الشفته بيها طول عمري ماراح انساه رحته احضن بيها. وابوس بكل وجها واديها ورجليها واعاتبها
نوارس: هاا بيبي خلصت ونتهت وياج تعوفيني بنص الطريق وترحين بيبي شلون انام وانا مو يمج شلون بعد مااشم ريحتج شلون واكعد وياج واسولف واحجيلج وتحجيلي شلون بعد مااصبح بوجهج شلون تعوفيني بهاي الدنيا وحيده جرني منها كوه وشفت ام رحيم وبتها دخلن يصرخن حضنتها وضليت اصرخ بكل مابيه واصيحها علمود تكعد واكلهاا كعديهه هيه تحبج فاتت ودعتها وغسلوها وطلعوها بالتابوت يشيعون بيها لازمتني جنة ام رحيم وانا مهدود حيلي ام رحيم لازمتها بتها مامصدكه بعد ماشوفها شلووون هاي دنيتي شلون ماشوفها واشوف خالي يم سامر لازم التابوت اريد اخنگه واموته الحقير النذل هوه قهرها وماتت مقهوره منه
اخذوها وماخلوني اروح وياها راحت بس ام رحيم خالي مارضه اروح رجعني سامر سحل وانا اشيل روحي واركعها واصيح خذوني وياها دفنوني المن ترجعوني هسه تكعد تضل تدور عليه
(بنات بعد ماگدر اكمل اختنگت ولله 😭😭)
سلام
من طلعت من المستشفى
رجلي تأذيني وماكدر اسحك عليها لازم عكازه منا لمن اصير زين
جان كل ضني اذا بيت عمي سمعو يجيبون ورده ويجون وعيني على الباب
اكول هسه تدخل عليه واشوفها
يوم عن يوم يزيد إشتياقي الها
بس كبريائي حقير وتعاندت وي ابوها
وكلت مارجعها واخليه يبوس الايادي لان حجايته على رحيم غثتني هواي
بقيت شهرين رجلي تأذيني واذا اجه اَلليل اكوم اصرخ منها من الوجع
وكلبي معلك هناك يم ورده وافكر شلون هسه من سمعت
هم حن كلبها عليه لو بعدها نافره مني
كل يوم اطلع صورتنه مال العرس الي بتلفون مالتي أخذتهه من مروه لمن اجتنا من سمعت بيه متصاوب
بست الصوره وكلت أمنيتي اشوفج شلون شكلج وانتي حامل بابني ومدعبله كدامي
مشتاقلج حيل بس فعلت ابوج وهمجيته راح توكف بدربنا
ان شاء الله الله يجمعنا بقرب وقت وعوضج عن كلشي
مرت الايام وانا بالي مشغول يم ورده واحسب اشهر دخلت بلشهر الاخير بعدها
مره انا بالدوام جاي نحضر نريد نطلع بهجوم
وتصلت عليه امي كالت ورده جايبه صارلها اسبوعين
وماكلولنه
صرت نار وتحلفت بيهم اريد بس انزل امي كالت باجر ابوك يروحلهم ويرجعهم ضليت بنار منا لمن نزلت وعمي ماقابل بعدني بملابسي وردت اروح اهجمهم هجم وابوي مارضه وگلبه ضل يوجعه كعدت وسكتت علموده
مرت الايام وانا كل فكري يمهم واكول
شلون تحملت ألم الولاده ياترى شلون تتصرف وي ابنها
ضليت اتحسر علئ شوفت ابني واكول لوهسه بحضني ونربيه انا وياها
كلما انزل روحي طالعه واركب نص الطريق وارجع فعلت ابوها يوم طردني من بيته هيه خربت كلشي ومن مااحترم ابوي اخلي وارجع بس اروح ويحجي كلمه وحده بعد تغثني ماراح اضمن روحي شسوي
جانت أمنيتي عدهه جهاز وتواصل وياها بس ماكو وهيه هم كلشي ماتعرف
خلصت
ومشت الأيام والاشهر ابوي وامي شكد لحو عليه نروح نرجع ورده بس بهدواه بختصار يعني نتوسل باابوها
رفضت اذل ابوي واذلنه علمود هذا عمي ال.....
الله ذب عليه عناد وي ابوها
ومااروح بعد لارجعها ولا اطلكها
ماخليه يمشي كلمته جان يوميه يكول لاابوي بس تجيب غصبن على ابنك يطلكها
بين همجيه ابوها وبين ناري
ضاعت ورده واعرف بيها تعاني
بس بل اخير هيه الي اختارت ناار اهلها هيه الراحت
أهلي بعد مافتحو الموضوع وياي
مال رجعه ورده وانا هم بعد مافتحته
وحته ابني مسألت عنه كلت خليه عدها ماريد كلبها يتلوع
مرت سنه على فراق ورده وانا تعودت على غيابهه بس بليل طيفها يزورني كل يوم
واذكر خجلها واذكر كل كلمه جانت تطلع منها
بيوم جنت نازل من الدوام انا وجماعتي ومرينا تغدينا بمطعم تغدينا وطلعنا
كاعد أحاسب الولد وسمعت صوت مره وراي تصيح
ورده تعالي امي
التفت بسرعه على المره وشفت مره لابسه جبه ويمها ولد زغير تصيح على بتها عمرها يطلع بل ١٠ سنوات
ماعرف شصارلي من سمعت بأسمها
ذبيت حسره وكلت
اسمج فززني وسرعان مارديت لارض الواقع
خليت وطلعت ركبنا السياره وانا الضوجه تقرأ عندي الف حته مالي خلك انزل للبيت
وصلت للبيت نمتلي ساعتين وكعدت
احس نفسي اريد انفجر منين ماعرف كل الااريده ارتاح وما افكر بورده وأهلها ولا بابني ولا بشي
راسا لزمت تلفون ودكيت على مهند
اجاني صوووته
مهند: يعني الهيبه يعني العسكريه يعني ال.......... شعجب اليوم دكيت
سلام: مثل العاده جهز طلبي وانا جاي بالطريق
مهند: لك موتدلل
سبحت وبدلت وكبل طلعت على مهند وجماعته
دخلت للمكان علئ كولتهم مكان الراحه
مهند منتضرني بل باب
مهند :أشرقت وانورت سيد سلام
الجلب العضك كتلناه يابه وانته تدري شلون الك معزه خاصه
سلام: المعزه لفهه وخليها ب....... انا مااريد احد يعزني ولا أعز احد انا عندي مرض اسمه التحسس من البشر
مهند :مبين عليك اليوم واصله هنا ضلعي فوت فوت وانته تنسى كل همك لان جايبين نوعيه جديده
تفرمت عقلك وتنسيك حته أسمك.
دخلت وذبيت نفسي على القنفه بقوه احس القنفه تفلشت جواي
صحت
سلام: وينك مهند وين الي كتلك عليه
مهند: اجاك اجاك
دخلت عليه وخله الي وصيته عليه على طاوله
سلام :لك هاي اول مره اشوف هيج نوعيه من وين جايبها.
مهند :وداعتك مزبل بس انتم متورقون عدل حته اجيبلكم الأحسن
سلام :أنجب ولا تنعثل براسي بلسنه حسنه اجي انا واورقلك. اما الشله البقيه شدراني
ديله صبلي خليني اشرب وانسى وين الدنيا ذابتني
شربت منا لمن طلع من خشمي
كمت حته ماكدر اوكف
مهند:راح يجون عليه جماعه
اترخص منك رايح يمهم طلع مهند من يمي
وإنا بقيت كاعد وحدي سمعت صوت سوالف وضحك
بل غرفه الثانيه
كمت كوه امشي وانا اطوطح. أريد اشوف شكو
باوعت وشفت مهند وياه جماعه
وبنات وياهم بطريقه خلتني اكره احنا بشر
طلعت وانا مسطور من الي شفته اكثر مامسطور من السم الي شربته جانت نيتي ابات هنا اليله بس من شفت هاذا المنضر كدامي تراجعت
كل الي اذكره دكيت على رحيم يجي ياخذني
نفسي بدت تلعب وكمت اتقيئ واحس الوجع كطع مصاريني تكطع. نص ساعه واجه رحيم
رحيم : لك هاي شنو انته تخبلت موكتلك لاتجي بعد لهذا المكان القذر انته موكلت مااشرب نذذل
سلام :رحيم اخذني لبيت عمي خلي اخلي طلقه براسه واجيب ورده وابني واجي
رحيم : نعال على راسك وراس عمك هم وياك وبعدين حقه ورده تعوفك انتخ شايف نفسك شمسوي تشرب بهذا الزقنبوت وهوه الي يكطع مصارينك هسه
سلام :احبها رحيم عافتني تعرف ليش عافتني لان انا واحد سافل ونذل خنتها وهيه بعدهه الحنه باديها بس ولله احبها
رحيم: لان طايح حظ وسريري لك
حقها والله تعوفك ومترجعلك لان انته واحد سريري وسز
سلام: ابوها النذل اخخخ لو الزمه. صدكني اشرب من دمه على ريج. وم يرفلي جفن واا........
رحيم :سلام اصحى هذا عمك عيب هل حجي وبعدين انته تخربط من هذا السم الي شاربه
كعدت لكيت روحي نايم بلسياره وصافين علئ البحر ورحيم كاعد يم البحر يدخن
هاي رحيم بعيدن حاجيله هوه مايدري بنفسه
طفرت كبل فتحت رحيم كاعد شويه عني
رحيم: عين الله عليك كعدت يلسكط
سلام: رأسي احس محترفين مال طبل كاعدين بيه ويدكون لا تلعب نفسي
رحيم :لان سريري. وك......ميفيد بيك الحجي
سلام: ماعندي جواب على سؤالك
رحيم: ليش تاذي نفسك وعليمن اريد افتهم
سلام: رحيم تعبان وأريد مرتي وابني وماعرف شلون اجيبهم
رحيم: جبيهم منو مانعك صير رجال وبطل سوالفك الفاينه هاي مال سم وجيبها لك شوف نفسك جنك واحد مدمن
سلام: أبوها واكف بطريقي رحيم ومخلي عندي كبرياء حقير يخليها تضن انا اتخليت عنها وعفتها
وماسئلت على ابني
رحيم: لو اعرف ابوها شمسوي وهيج تكرها جان رتاحيت انته مو تكول هيه ماقبلت ترجع لعد ابوها شعليه
سكتت ماحجيت
سلام: خلي نروح للبيت اريد اسبح واستغفر
لان انا وعدت ربي بعد مااخلي هاذا السم بحلكي ونكثت لوعد
رحيم يهز بيده : يله امشي امشي اهلك يتصلون عليك البارحه كتلهم بايت يمي ونايم
وصلت للبيت وكبل رحت للحمام
سبحت وكملت ونزلت جوه
امي جانت كاعده بل مطبخ سلمت عليها
سلام: وين ابوي
ام سلام: الشيخ مال عشيره مريض وراح يشوفه عيب يكول كل ناس رايحه. وإنا ماروح ماترهم تعال اكعد خل اصبلك ريوك
سوتلي امي وكعدت اكل
ام سلام: ابوك يمر هناك على بيت عمم وبلكي يجيب ورده. اذا ابوه قبل
سكتت ماحجيت
ام سلام: اشو ساكت ومغندب الوجه احسك مافرحان
سلام: ليش يمه قابل ماافرح بمرتي وابني الي حته ماشايفه وخاله بحضني بس انتي شتتوقعين من ابوها راح يقبل هذا واحد ........
ام سلام: بلكت الله يهديه يايمه ويرجعلكم ياهم ولله لوشايف النار لبصدري وانا حفيدي بعيد
نفخت وصعدت فوك
رواء
بهاي الاشهر اتوفت بيبيت نوارس ماكدرت اروح راحت امي ومريم لاام رحيم يعزنها راحن للفاتحه
مرت الايام والاشهر
بقيت حابسه نفسي بالبيت ومااطلع خاصه اذا هوه نازل
حته مالتقي وياه مره اجت امه وهيه جنتهم وياها
سلمت عليهن وانا مختنگه والغصه ببلعومي
هيه تريد تسولف وياي وتسئل بيه انتي رواء
انا كوه اجاوبها وكمت من يمهن بس امي تصيحلي
تكلي عيب كعدي يمنه
سئلتها علئ حال نوارس شلونها
ام رحيم :اخخخ عمت عيني عليها بالضيم
نكسر گلبي الله يعينج ياعمري ويفرجها عليج
عرفت بهاي الفتره سامر شلون يحبها تعذب وياهه تغير
حيل كلما يسمع عنها خبر يشيط ولااكل ولانوم
ام رحيم: يمه حنوشه ابن اختي ستوه تخرج وتعين بالنفط وشلون شاب شحلاته
سكتت وانا سجين بگلبي
ام سلام: خيه بعدين نشوف واكول لاابوها ونكلكم خل يتفضلون
بليل امي حاجت ابويه وكالها خل يجون ونشوف
امي دزت خبر لام رحيم وانا قراري الرفض طبعا
من راح يسئلوني اكلهم
وره ساعه دك تلفوني برقم غريب ماجاوبت دز رساله ردي بسرعه
صعدت فوك وقفلت الباب وفتحت خط اول مافتحته اجاني صياحه بكل علو صوته
رحيم: انتتتتتتي الللللللي ماتصيرين الغيررررري سمعتي
وحق من انزل القرررران اسويها دمايه خوووووش
بقيت ساكته وسديته
ويهدد استغفرالله ياربي علئ ساس. انا هسه قابله
الفهمته من خطبني هوه لوحده محد يدري بيه من اهله
ومن خلال صياحه وعصبيته من دره باامه كايلتلنه علئ ابن خالته گالب البيت عليهم وكلهم عارفين اهله
من سمعت بعدين كايل لاامه حرمتيني من صوتها ومن شوفتها وهسه تردين تحرميني منها العمر كله
ام رحيم بعد مااجت حته امي كالت لعد موكلولنه
وره شهر واجو هوه واخوه وامه واخته يخطبوني
حاجتني امي من راحو كلتلها ماريد اتزوج هسه بعدني زغيره وهيه هم حسيتها ماقابله مالحت علي بسرعه كالت لاابويه ماتريد هسه بعد وكت 3ايام
وردولهم الخبر
دزلي رساله قلب مكسور
ضليت ابجي ورجعت حالتي نتكست اكثر من قبل
ورده
من طالع عمي طالع وراه حازم كايل لحازم جيبلي ابن سلام خل ابوسه قبل لااروح ابوي سامعه وناب عليه
موهنا خذوه للقاح
تصرفات ابوي صارت مو جديده عليه واعرف بيه يريد ينتقم من سلام. لان كل ماحجي وكال سلام غلط عليه سلام رفع صوته عليه سلام هيج سلام هيج الاندمه الا اخلي يبوس الرجلين
بيومها نكسر كلبي على عمي وضليت ابجي
أبوي اجه وهوه معصب وكف بل باب راد يحجي ويثور عليه بس
دك تلفونه وخله وطلع
شويه ورجع لبس جفيته وعكاله وطلع بسيارته
ام ورده: ابوج هاي المده النهار كله راكب رجله ومايرجع للبيت اله نص اليل شعده من سالفه
ورده: اندري يمه غير بلشغل لوبلگاع جااا وين يروح
ام ورده: شنهي من شغل الي يخليه النهار كله مايلفي للبيت بس ساعة اليل وبعدين خواتج بلگاع هوه يروحلهه بالسنه حسنه
ورده :يمه شلج منه خليه اذا هنا ٢٤ ساعه يهوجع علينا بل حجي ويطلع شغل من حدر لكاع
اجه باسم كعد بحضني ويبوس بيه ومدري شنو يكلي ويأشر بيده على لباب
ورده :شنو ماما يرادلك مترجم انته
اخذت ايده وطلعت وياه اخذني يم الدجاجات
ورده: شكوو. يمه
باوعت على دجاجه لكيتهه مشربكه رجله بشرك مال سياج الحديقه خطيه ومكلوبه من كد متريد تفلت نفسها حته ريشها واكع كله
ركضت عليها وكمت احل برجله
و كتاكيتها داير مدايرهه يحومن واصواتهن ماليه المكان
حليت رجله وكتاكيته لتمو عليها وهيه كامت تحفر بل أرض برجليه تطلع الي يطلع من الارض حته ياكلونه
باوعت على باسم يصفك وفرحان ويردد شترن مامي شترن مامي. عود شكرآ مامي
ابتسمت
ورده: اروح فدوه لهل ضحكه الي من اشوفها انسى الدنيا وأهلها شلته وطلعنا من البستان
من بعيد شفت سيف وحازم شايلن المساحي على اجتافهم وجاين بصوب بيتنا
كبل دخلت للبيت حته باسم ميروح يم سيف لو سيف يسأل عليه
سيف جياته كثرت هاي الفتره علينا
وبس يجي يودي على باسم يريد يشوفه وحازم يجي ياخذه
ومرات يطلع ياخذه وياه هوه وحازم ويشتريله وباسم لازك بيه ويكله بابا
بس هوه اي واحد يكله بابا حته على ابوي يكول بابا لهبير عود بابا الجبير
رحت لبيت عمي صحت لجهال عمي وكتلهم باسم يبجي خلوه يمكم يلعب وكت الغده خلي رقيه تجيبه اليه
إنا بس اريد ابعده عن سيف وماخليه يتعلقله
وصدك بس كعد اجه حازم يسأل
حازم :وين باسم سيف هنا ويسأل عليه
ورده: عد بيت عمي الجهال مسوين لعايب طين وكاعد يلعب وياهم
سويت جاي وعدنا كيكه هم مسوين خليت بصينه واخذهن حازم وراح
انا موخبيثه ولله بس مااريده يتعلق بيه وسيف كل يوم يريد ياخذه وياه وباسم يريده عباله ابوه وحيل تعلق بيه
الضهر وصاحت رقيه عليه رحت جبت باسم منها
ولكيته بس عيونه طالعه من الطين
رقيه تبوس بيه
رقيه: عليج الله تعاي علينا خلي نسبحه انا وياج
وانا هم صار هواي ماشايفتج اريد اشوفج
ماكلت لا وامنت ابوي مو هنا
نزعنا ملابسه انا ورقيه وكمنا نسبح بيه وهوه يناشغ من الماي لان الجوو صاير بيه بروده شويه
إنا ورقيه ميتين من الضحك عليه وكل شويه كررنا الموقف نرش عليه ماي وهوه ينشغ بكل قوته
واحنا نخرب ضحك عليه
وهوه هم يشوفنا نضحك هم يموت من لضحك ويانه
ورده: ولج كافي لا يموت وليدي شحط بكصتي جير
رقيه: ورده عزيز عدج
ورده: جاا شلون خايبه غير وليدي النفس اليصعد وينزل
رقيه: هوه اعز لو سلام هههههه
وترفع بحواجبه
ورده: ياااا سلام هذا عذريني مااعرف احد بهل اسم
رقيه :تغسل حالج هههههههه
ورده: ولله ههههههههه
راحت رقيه جابت شالها ولفينه باسم وخلينا بوسط شال وهيه من صفحه وانا من صفحه وشلناه واحنا ميتين ضحك
كمنا نوب نهز بيه ناخذه ونرجعه
منا لمن تعبنا وهوه طاير من الفرحه
صحت على ماسه جابتله ملابس لبسته ومشطت شعره
ورقيه سوت غده وتغدينا انا وياهه وباسم
كملنا وباسم بقه يغفي يريد ينام جبته واجيت لهلي نومته وانا هم نمت لان تعبانه
للعصر كعد باسم يبجي ونفسه كوه يجره وخشمه يذب وعيونه حمرر
طفرت شلته وجسمه نااار مشتعل يبجي ويفرك بعيونه
صحت على أمي صحت ماكوو
بقيت اسكت بيه مايسكت وحته كام يتقيئ
يمه وليدي يتبع ........
بنات انا تدرون بيه مأتخر عليكم بس البنات عدهم ضرف ان شاءالله نرجع نكمل +كلش جاي اضوج المشاهدات عاليه وتصويت يوصل بس 70فقط 😑
من اشوف هيج مايصيرلي واهس بالكتابه
تصبحون علئ الف خير💙🦋