العراق
.........
للكاتبه :فاطمة العساف
................................
وتبقى الذكريات قصصاً صامته ،تركت بقلوبنا أثراً لا يزول 🖤
.......................
ناي:بقى بالي كلمه عادات وتقاليد
معقوله العراق بي هيج عادات؟! جنت اسئل نفسي
زين امي ليش مكالت الي؟
ههههه صدك اني اضحك هو شنو الي امي كايلته الي
رجعت لبيت
لكيت امي كاعده بصاله تحوك تشيرت قطن
دائما امي وقت فراغها تخلصه بهيج اشياء حياكه وخياطه
كعدت يمها بقيت اباوع عليها
شفتها كلش مركزه ب الي بيدها
امي اكول
ام ناي :كولي شنو عندج
عرفتج عندج سؤال من كعدتي يمي بدون متحجين شي
ناي:شنو هي العادات والتقاليد ؟؟ جاوبتي بعباره انصدمت منها
_هي جريمه بحق الانسانيه
ناي :رجعت سئلتها يعني هي كلها غلط
_بيها غلط وبيها صح
ناي :ليش ما نغير الغلط ونبقى بس على الصح
ام ناي :المشكله العادات تبقى عادات
وصعب شخص يغيرها
وحتي لو شخص راد يغيرها المجتمع مايقبل وماكو احد معتبرها غلط بس المتاذي منها
ناي : والي مامتاذي منها
ام ناي :يكول صحيح ومابيها غلط ويشجع عليها
يا بنتي العادات وتقاليد مو كلمه سهله تنكال بساطه
العادات موكلمه معقده اكثر مما انتِ تصورين واعمق مما يجي بالج
العادات مجموعه من سلوكيات والافعال والاقوال
دائما تكون متوارثه من الاباء والاجداد لابناء
واكو عادات موجوده من الاف سنين
مو سهل نغيرها ولا سهل نتخلص منها
ناي :ياامي بس اكو ناس جاي تأذه منها واكو بنات تنظلم بسبب عادات غلط
ام ناي : اخ يل بنات لو بس ظلم بسيطه
حتى يوصل بيهن يموتن بسبب هيج عادات
ناي :حسيت امي تاذت من كالت هذا كلام
رجعت سئلتها منو البنيه الي ماتت؟
مجاوبتني وتركتني وكامت
مشيت وراها ماما منو تقصدين
منو هاي البنيه؟
ومثل كل مره ينتهي نقاش وهي ترزلني
مر كم اسبوع وبيوم
ومره من مرات اجوي علينه جيرانه بنيه وزوجها وعدهم بنيه زغيره
همه عرب بس ساكنين بغير شقه
ف كاعدين كلنه بصاله ضحك ونسوالف مااحس الا اجتي بنتها عليه تركض وبيدها تلفوني
اني قبل شويه جنت مخليته على شحن
واجتي هاي تركض وبيدها جهازي وتكلي اونج عود تلفونج
كلت بگلبي والله بيج جلاق الا اطشر حفاظتج
بس سكتت وهم استحيت من امها شلتها وبستها وخليتها بحظني
وره ساعتين رادو يرحون
واكفين على باب جاي نودعم
ف بنتها واكفه يم درج شفناها شمرت شي
كلت جهازي
بعدين شفت جهازي بيدي ارتاحيت
شفت امها انحرجت من تصرفات بنتها بقت تعتذر وامي تكلها عادي فدوه الها
كلشي يهون لعيونها الحلوه
المهم امي وابويه دخلو لشقه وسدو الباب
واني نزلت وياهم
من راحو كلت خلي اشوف شنو شمرت هاي عرمه
طلعت شامره جهاز امي
اخذته ورحت لشقتنه
اكولج امي وين جهازج اريد اتصل على امير
ام ناي :بمطبخ تلكينه
ناي : ماكو
ام ناي :شنو ماكو اني قبل شويه خليته
ناي :وغلات عيونج ماكو
قابل اني مااشوف
صدك كامت امي دور على تلفونها
خليتها شويه تدور
وراها طلعته من جيبي
كتلها باعي مدام
صاير طحين
ام ناي :يا هاي شنو كاسره
اشلون كسرتي لج
فوك طيحان حظج مخليته بجيبج
ناي : اني شعليه
من شمرته شو ما حجيتي شي عليها
قبل شويه تكليلها فدوه الج
هسه يا هاي اشلون انكسر
ام ناي :انجي لج عيب من امها استحيت شنو اكلها بعد
ناي :هي بنتها عرمه ماتنكدر
وحتى امها مصيح عليها ولا تكلها اكعدي لو ابوها عبالك ميشوف بنته شنو تسوي
وبعدين صدك هاي طفله روحها بالتلفونات شنو موضوعها
ام ناي : عوفي الناس بحالهم كل الاطفال وكحين
وبعدين شنو يفيد الحجي وهو جهاز انكسر
هسه كم يوم واخلي امير يشتريلي جهاز جديد
ناي : هاي لو اني الي كسرته جان رفعيني لسماء
من وقتها بدت امي تستخدم جهازي
تراسل بي او تخابر بي
وحتى تصفح بي فيس بوك وانستا
الحلو بجهازي بي تسجيل مكالمات
يسجل كل المكالمات الصادره والوارده
اجتي فكره بالي كلت خلي اسمع اتصالات امي
بعدين كلت لنفسي على شنو اسمعهن اذا اني مااستفاد منهن شي وهو هم تصرف غلط وعيب
بعدين كلت على شنو عيب هي امي
كعدت اسمع بيهن هيج بدون سبب
كل الاتصالات جانت طبيعيه وعاديه اصلا تافهات الا الاتصال
واحد جانت بي تحجي ويا مريه عربيه والي لفت نظري اكثر هاي المريه عراقيه وامي جاي تحجي وياها بلهجه العراقيه وتسئلها عن اشخاص اني مااعرفهم ولا سامعه بيهم
اجت بالي هوايه افكار لحظتها
منو هاي البنيه من اهل امي او يمكن من اهل ابويه او يمكن من اقارب امي
الي فهمته انو هاي البنيه اسمها ميساء
بس اني سويت نفسي ولا سمعت شي ولا كأنو صاير شي ابد
رحت كعدت يم امي
اكول ماما
ام ناي :كولي
ناي :هسه الي يريد ينتحر
ينتحر لابس حذاء او حافي
بقت امي ساكته بس تباوع عليه بطرف عينها
زين غير سؤال
ام ناي :ناي ماما كومي سويلج شي يفيدج مكان هاي سوالف تافهه
ناي :اي بس هذا سؤال واكوم
اشلون انتحر بطريقه اسلاميه وحلال؟
ام ناي :سهله روحي اصعدي على سطح وصرخي يالله اشتاقيت الك
واشمري نفسج
ناي :بلا متت اشلون
ام ناي : استغفر الله ربي واتوب اليك
ماما كومي من يمي
ناي :اكولج امي
انتِ كم اخت عندج
جاوبتني 4
رجعت سئلتها شنو اسمائهن
عددت الي أسماء خواتها ومن ضمنهن هاي الأسماء ذكرت اسم ميساء
اها حلو هسه فهمت يعني هاي البنيه الي جانت تحجي وياها امي اختها
يعني خالتي
بقيت ساكته شويه وكمت درست كم محاضره
لانو عندي امتحان باجر
واكو محاضرات شفتهن على يوتيوب
تقريبا وره اربع ساعات خلصت
كلت خلي انزل اشتري كهوه من المحل الي جوه
واكعد شويه وارجع
ف صدك نزلت
كعدت بمقهى الي قريب على شقه الي ساكنه بيها اني واهلي
وطلبت كهوه انتظرت كم دقيقه ووصلني طلبي
ف صورت كهوه ونشرته ستوري
على الانستا
وبعدين شفت امير اخويه ناشر صور اله هو بملعب ويلعب طوبه
ف شفت الصور وعلقت اله بعدين دخلت على حسابه وكمت اكلب بي
اسلام :من المعرف انو السبت والاحد عطله بريطانيا
ف اني مقرر انو كل سبت ماادرس شي
ولا اتقرب من شي يخص الدراسه
وأنما اخلصها انضف الشقه الي كاعدين بيها اني ويوسف وبعد ولد ويانه ثالث
فجنت كاعد ويا ولد نرتب ب شقه ونمسح ب الارضيه
وكلت اخلي جهازي على شحن بين مااكمل
بس لزمته كلت خلي اخذلي فره ب برامج
وراها اخلي على شحن
دخلت اول شي على الانستا
لكيت ناي ناشره ستوري قبل وقت قصير وهي كاعده ب بكوفي
كلت هي لو بهدف لو بنجف
انزل ركض لكوفي لو الكاها لو مالحك عليها وتطلع رايحه
صدك ركض نزعت تشيرتي واخذت تشيرت ثاني من كنتور وركض طلعت من شقه اسمع يوسف يصيح عليه ويكلي وين رايح
حتى تشيرت لبسته واني انزل من الدرج
وشعري عدلته واني اركض اريد اوصل بسرعه
وصلت لمقهى لمحتها واني واكف بالباب جهازها على طبله
ومدخله اديها بجيوبها
و ومخليه راسها على طبله الي كدامها
مااعرف بشنو تفكر
تقربت منها بخطوات هادئه
و ضربت بيدي على طبله خفيف
ناي : جنت مخليه راسي على طبله
وجاي افكر اشلون اكدر اتقرب من اقارب امي او اقارب ابويه
او اشلون اكدر اتواصل ويا خالتي بدون ماامي تعرف
طلعني من تفكيري صوت شخص ضرب على طبله
ف رفعت راسي باوعت عليه
كلت بتعجب أانت؟
اسلام : اكو انسان اول ميشوف شخص يكله أنت
ناي : اي هم صح
المهم شنو محتاج شيء
اشوفك حفظت الطريق كل يوم وجاي لهذا الكوفي
مضيع شي هنا
كلي خلي ادوره وياك بلكي الكا واريحك حتى بعد متجي
اسلام :هههههه الحلو بيج هادئه بس من تنطلقين بحجي محد يكدرلج
ناي : هسه شنو المفروض اضحك يعني!؟
باوع عليه سحب كرسي وكعد كدامي
وبده يحجي
اسلام :اي انتِ اشلونج الاهل اشلونهم
ناي :تره انت جاي تاخذ ميانه
هوايه
اسلام :هههههه اي شفتي اشلون
ناي : حاولت اتجاهل وجوده واتصفح بجهازي
من فتحت جهازي لكيت اخويه امير راد على تعليقي ابتسمت وانطيت التعليق اعجاب
اسلام :ويا منو جاي تحجين
ناي :مااعتقد شي يخصك
اسلام :اها حلو
ناي :مااحس الا سحب تلفون من ايدي
وكعد يكلب بي
اسلام رجع جهازي
اسلام :صبر لج
خلي اشوف ويا منو جنتي تحجين
ناي :وانت شعليك بيه بلا ابويه امي
تقربني شي واني ماأعرف
اسلام :منو هذا امير؟
وعلى شنو تعلقين على منشوراته
لا وتنطينه اعجاب
ناي :انطيني جهازي احسن ما اكوم الم عليك امه محمد
مو بعدني حبابه واحجي بهدوء
اسلام :كولي منو امير وانطيج جهاز
ناي :استغفر الله ربي انطيني جهازي
اسلام :كولي منو
ناي :اخويه امير اخويه
يلا انطيني
اسلام :كولي من بدايه
يلا تفضلي سنيوريتا هذا جهازج
ناي: اخذت جهازي وكتله
تره انت انسان متوحش ومتنبلع
اسلام :فدوه لگلبج
تسلمين على هذا وصف اللطيف
زين هذا اخوج دائما يلعب طوبه لو بس اليوم لو شنو موضوعه
ناي: مالك علاقه شي ميخصك
اسلام :عود اجيت اكلج احنه بعراق اشلون نلعب طوبه بس مدام شي ميخصني مااكلج
يلا أروح اني
ناي : انت ناصب عليه
هي طوبه بكل دول عالم نفس طريقه اللعب
ماكو فرق
اسلام :لا والله بعراق تختلف
ناي :تمام كلي
وراها اجاوبك على سؤالك
اسلام :لا تسلمين مااريد اعرف ولا راح اكلج
خلي كلمه مالك علاقه تفيدج
لو اكلج خلي المتوحش يكلج اشلون
ناي : اترك هاي سوالف وكلي اشلون تلعبون طوبه بالعراق
اسلام :تدللين اكلج ليش لا
باعي يا سنيوريتا لعبه طوبه بالعراق تكون وقت العصر
وهم بدون حكم
نلعب على حب الله تنتهي لعبه من نتعب او من يأذن المغرب
اسمن واحد يكون حارس دائما
ناي :هذا يعتبر تنمر تره
اسلام :شنو التنمر بموضوع
ناي :مال اسمن واحد يكون حارس
اسلام :هههههه صدك ضحكتيني
خلي اكملج
ناي :كمل بلا
اسلام :اذا ضاج صاحب الطوبه ياخذه ويروح
ناي :واشلون بعد تلعبون
اسلام :تخرب لعبه
وها تخيلي عادي لاعب يجي فجئه
ويكول لو العب وياكم لو اخرب لعبه
ناي :وعادي يلعب
اسلام :اي كلش عادي يلعب
ناي :بس تره حلو هيج
زين انت شنو جان موقعك بالعبه
اسلام: اني جنت احب مراوغه وهجوم
واكره أصير كولجي
ناي :شنو يعني كولجي
اسلام : هههههه عراقيه ومتعرفين شنو يعني كولجي
ناي :ههههه اي شنو يعني
اسلام : كولجي معنا حارس
ناي:شنو وين ربط بين كلمه حارس وكلمه كولجي
اسلام :عادي هاي لهجة عراقيه بعد
انتِ تعرفين اسماء الاشاره بالعراقي
ناي :هي اسماء الاشاره نفسها
اسلام :هنيالها لامي اذا نفسها باعي يا سنيوريتا
عندج
هذاكه _ذاكه _ ذيجه _ ذولي _ذولاكه _ هناكه
هذوله
وهم اكو الشسمه والشيسمونه
ناي :تحجي صدك انت
هاي طلاسيم مال سحر مو كلام عادي
اسلام : مثلا عندج تذكرين ذاك اليوم من شفنه ذيج البنيه
ناي :اللغة العربية في خطر
اسلام :هههههه عيشي بالعراق وشوفي
ناي :ماأعرف اشلون اخذني بكلام ويا وامير الوقت اكثر من ساعتين
واحنه نسولف
اسلام :غير اريد اسيطر على نفسي وابتعد عنها مااكدر بيها شي يجذبني الها
بيها شي يخليني كل ماابتعد اتقرب منها اكثر
يمكن ملامحها الهادئه والي يكشفن عن عروبتها
او يمكن سمارها الي محليها وميزها بين الكل
او يمكن ضحكتها الي
او يمكن اسلوبها الي يخليك تحجي وياها بدون ملل
او يمكن افكارها او يمكن حبها لعراق
ماأعرف شنو بالضبط يجذبني بيها
كل الي اعرفها كلشي بيها جاي يعجبني
.........................
العراق :للكاتبه فاطمة العساف