أنتقام الضابط نمر
للكاتبة الاء محمد
لاتنسون التصويت+متابعة الحساب
ــــــــــــــــــــــــــــــــــــــــــــــــــــــ
ميرهان:- باوعت النمر بهلع
_ عزا هسه شسوي نمر بابا اذا شافنه
يسوي مصيبه
نمر: وخري شووي؛ اشوف شيريد
رجعته من صدره وحجيت بهمس
ميرهان: اششش وين تريد
ابو حسان: ميرهان بابا بيج شي احجي
جريت نمر من ايده
وكفته وره الباب فتحت الباب
واني مكمشه بي ومرجعه جسمي
واحجي ويا واني ساده الباب
ومخليه فتحه قليله
ابو حسان: شكوو ها بابا شلونج
هزيت راسي واني كلش متلبكه
ميرهان: اي زينه بابا انزل
واني هسه اجي
باوعلي وكال ابو حسان: كله من وره نمر
الحيوان ماخلاني ارتاح لابطلعه ولا بمشيه
باوعت لنمر الي واكف بصفي وره الباب
وجهُ نگلب وعيونه صارت دم
صم ايده وراد يتحرك خليت ايدي
على صدره ورجعته
ابوي جان يكلب بتلفونه ويحجي وياي
ابو حسان: نازل لغرفتي ارتاح شويه
وانتِ تعاي سويلي جاي
كلت بكلبي اي الحمدالله نزل بابا
وباوعت وراه دخل لغرفته
سديته الباب وكفت خليت ظهري علباب
ونمر خله اديه علباب و واني بين اديه
نمر: لو مخليتني اربي شويه
ميرهان: اششش تره بابا لا تحجي عليه
نزل لمستواي ودنك يم وجهي
نمر: اعشگج
ميرهان: اني هم
باوع بعيوني وخله ايده على خدي
وباسني بكصتي وخله راسي
على صدره وحضني
نمر: يله راح اروح
حضنته بقوة وهوَ دافن راسه بركبتي
ميرهان: احبك نمري
نمر: اعشگج سلاية كلبي
وخرت من حضنه
ميرهان: خلي اشوف الطريق وراها اطلع
باوعت من يم الدرج على غرفه ابويه
شفتها مزدودة
ميرهان: يله بسرعه
طلع من غرفتي ومشه نزل من يم الدرج
الخلقي سديت الباب وتنفست براحه
ميرهان: هففف واخيرا جان صارت مصيبه
اخذت شال خليتي على ركبتي
ونزلت يم بابا دكيت الباب مال غرفة بابا
ميرهان: ها بابا وينك
ابو حسان: ها بنيتي فتحي الباب
دخلت لكيته حاط ملفاات كدامه
من شافني وخرهم ونزع نضارته
ابو حسان: ها بابا كعدي يمي ميرهان
كعدت بصفه. ودنكت للارض
ميرهان: هاا بابا
ابو حسان: بنيتي احسج ما مرتاحه
ميرهان: لا بابا ماكو شي
ابو حسان: بنتي ليش مجاي تروحين
لدوامج بلمعهد
ميرهان:بابا مو اني نفسيتي تعبانه
واحتاج اتعالج نفسياً قبل لاادرس
نفسيتي كلش مدمره معرف الكتاب
من اكمشه بس اضوج يجي بالي اشككه
ابو حسان: بنتي ارتاحي هل سنه وعلى السنه
الجايه قدمي وهاي السنه كورونه اكثر من العام الدوام يكون يومين او ثلاث ايام بـ الاسبوع
احسن شي تدرسين بس خلص على راحتج
ارتاحي هل فتره وراها نشوف شلون
هزيت راسي وحجيت
ميرهان: بابا انتَ وعائلة نمر تصالحتو
بس نهيتو الخلافات وخليتو حد
ليش لسه مطيق نمر
ابو حسان: يا بنتي نمر لمن اشوفه
اشوف ابوه يعني من اكلج نسخه
من ابوه مراح تصدكين طريقه الكلام
الاسلوب الشخصيه كلشي تحسي
والده عزام
ميرهان: بابا ليش انتَ وابو نمر بينكم
هيج خلافات قويه وما عاد واحد يطيق الثاني
ابو حسان: اني و ابو نمر من جنه شباب
جان عزام شايف نفسه وماخله شي ما سواه
ودائما هوَ ياخذ الشي الي يريده و ماكو شي
يمنعه دخلنه اني وياه ثنينه لسلك عسكري
هوه جان بعثي لدرجة يعني الجيش العراقي
نعرف منه اتباع صدام ونعرف الي جاي
على مود وطنه
عزام جان مجرم بمعنى الكلمه يقتل ويَ
صدام وينفذ شنوو يكله صدام لمن ترفع
وصار نقيب صار ياخذ وياه ابنه نمر
وين ميروح اني من نقتل ثامر
فرحت لبالي هوَ نمر الي نتحر بس
خاب ضني وطلع نمر مسافر والي نتحر
هوو ثامر ابو نمر جان ظالم
ميرهان: بس يا بابا ابو نمر جان حاله
حال بقيت الضباط يلقون عليه الاوامر وينفذ
ابو حسان: يستاهل الي صار بي
ميرهان: ليش نمر حقد عليك
ابو حسان: لان اني الي لقيت القبض
عليه ايام السقوط واني دليت عليه
و وصلتهم اله لان لكل ظالم يومه
باوعت بعيون بابا بتعجب
ميرهان: يا بابا السويته ظلم
انت حرمت أب من ابنائه
ونمر حقه يسوي كل هذا بيك
اذا انتَ هيج غادر ابو
ابو حسان: جان يكدر يعيش ويانه
ويستمر بلجيش ويبقى حاله حال اي
ضابط بس اني حسيت اجه وقته
ميرهان: مجاي اصدك عقلي يرفض
شلون هيج تسوي بابا حرام السويته
ابو حسان: يا بنتي لو بيدي حتى
نمر هسه اقتله واخلص الناس منه
لان هو هم ظالم
ميرهان: بلعكس بابا نمر ماسو هيج
بدون سبب وهذا سبب كافي لكل الي سواه
ابو حسان: اني الي ضوجني مات منهم
بس واحد وبقو 3 ياريت ميت نمر
وباقي ثامر
ميرهان: ليش بابا هيج تحجي
ابو حسان: تدرين نمر عنده
ملفات وادله تمحيني
وتخليني وره الشمس
ميرهان: شنوووو
ابو حسان: اي بابا عنده تصوير كامرات
وعنده عقود اني موقعها كلها ضدي
ومن رحت والتقيت بي تذكرين من اجيتي
ومنعتي ما يقتلني
ميرهان: لمن جنت ببيته
ابو حسان: اي بوقتها لخاطرج تركني
ومن رحنا اخذته لمكتبي وشوفته ادله
ضامها قبل سنوات وهيَ انتحار ثامر
شوفته البصمات والتقرير الطبي وعرف
انو انتحر بس هوَ فاجئني يملك ملفات
عليه ولسه ساكت على مودج ماراح يسوي
شي فا أنتي سلاحي يا ميرهان
ميرهان: بابا اني دخت شلون سلاحك
وردت تزوجني فيصل
ابو حسان: اعرف بي راح يمنع الزواج
بس سويت هيج حتى يعرف اني قادر
حتى انو اقتلج اسم الله عليج بس
هيج اني بينتله اني كلشي اسوي
بيج في سبيل يعوفني
ميرهان: يعني ساومتني ويَ نمر
ومن طلكتني مو محبة بيه
ابو حسان: لا بنتي مو هيج
بس انتِ نقذتي حياتي
ميرهان: زين ليش مابقاني
على ذمته وليش رجعني الك
اذا جان كامش ضدك ملفات
ابو حسان: كلتله ميرهان اذا ماتعوفه
وتطلكها مراح ترتاح ولاراح تحبك
عوفها اخذها يمي وطلكج
ميرهان: مدا اصدك عرفت منو الي
يحبني والي يخاف عليه نمر الي يهمه
امري اكثر منكم كلكم
ابو حسان: بنتي اني حجيت هيج
لان ادري نهايتج ترجعين لنمر
وكلش زين اعرف بس جاي اخوفه
بيج واعذريني على الي راح اكوله
ميرهان: هوَ اكو شي اقوة من الي كلته
ابو حسان: صورتج وانتِ نايمه
ومخلي مسدس على راسج
ودزيتها اله كلتله طلقه وتروح ميرهان
بلعمت بخوف وكلش نصدمت
من الي حجا بابا
ميرهان: نمر ضحى بنفسه على مودي!!
ابو حسان:- ضحى بحياته على مودج
بس انتِ سلاح كلش قوي ضده يكدر
يطيحه بـ اي وقت لذالك مااكدر اتخلى عنج
ميرهان: خلص بابا لاتحجي شي بعد
اني تحطمت ليش هيج بابا ليش
معقوله انت ابويه
لا بابا الله يخليك كول جذب
جـذب مـوو؟!!
ابو حسان: بنتي والله انتِ كل حياتي
واحبج وعندي انتِ و روحي بس شسوي
يا بويه مرات الانسان الله ينقذه
وهسه الله نقذني بيج
ميرهان: نمر ليش ما حجالي
قبل مااجي ليش
_حسيت بلندم وكرهت الي سويته بي
وشلون عفته وهوَ محتاجني بـ امس
الحاجه الي وتركته يعاني بلمستشفى
وكل هذا رجع احتواني وحبني وطلب
رضاي ورجعتي اله معقوله كل هذا نمر
يسوي على مودي
باوعت لبابا وكمت وحجيت ويا
واني احجي بتحدي
ميرهان: بابا ترجعني لنمر وخلال أسبوع
ابويه طفر وحجه
ابو حتين: خلي الامور تهدء يا ميرهان
مايصير كلشي نسرع بي
ميرهان: بابا لصراحه ماعاد اتحمل
ابقى وياكم كرهت كلشي اريد ارجع
لنمر اذا فعلا تحبني خليني ارجعله
ابو حسان: الله كريم
_طلعت من الغرفه احس راسي دار
من كد الي سمعته بابا ضحى بيه حتى يدمر
نمر ونمر ليش محجالي ليش تذكرت شلون
كل مايريد يحجيلي ارفض وماسمعله.
رحت للمطبخ كعدت علكرسي وصفنت
بلفراغ وصرت اسحب الهوة بصعوبه
باوعت لنفسي وكلت
ميرهان: شكد غبيه اني وين
ماروح الناس تستغلني
اجه بابا سحب كرسي وكعد مقابيلي
وكمش ايدي
ابو حسان: بنيتي اعرف ضجتي
وحقج الي سويته مو هين بس يا بنتي
والله مالكيت حل ثاني
ميرهان: بابا رجعني لنمر
ابو حسان: ان شاءالله بنيتي
بس اهدي انتهيتي وجهج انخطف
خله ايده على وجهي ومسح على خدي
جسمي كله يرجف واديه ترعش خشمي
حسيت شي حار نزل منه
خليت ايدي باوعت
ميرهان: دم
ابوي سحب كلنس وخلاه على خشمي
اخذت كلنس ورحت لحمام مسحت خشمي
ميرهان: اني شسويت يااربي
حسيت نفسي داخله بمطبات وين
اروح ولمنو اروح اختاريت ابوي
ساوم نمر بيه اروح يم نمر يساومهم
بيه شسوي تعبت وين اروح
القرار الاخير ارجع لنمر هوو احسن شخص
الي وكف وياي وبقى متمسك بيه
صعدت لغرفتي وباوعت للميز
ساعه نمر رحت شلتها
ميرهان: لازم ارجعلك بـ اسرع وقت
كمشت الساعه ولبستها ضحكت
على حجمها بيـدي
مسحت عيوني وضميت الساعه
نزلت انطي لبابا اخر كلمه
ميرهان: بابا
جان بابا كامش بيده ستكان الجاي
ابو حسان: ها بنتي
ميرهان: بابا باجر كول لنمر يجي لبيتنه
ابو حسان: ميرهااان كاافي ولدنه
ميرهان: بابا كلت الي عندي بااجر نمر يجي
والا والله بكلمه مني لنمر يسوي كلشي بيك
ابو حسان: تهدديينيي ميرهاااان
ميرهان: لا ما أهددك بس اريد تعرف
كلش زين شنو ممكن يصير باجر اخر يوم
صعدت للغرفه بدون مااسمع رده
سديت الباب ورحت لجربايتي فتحت
التلفون شفت رسائل من نمر
نمر: گمورتي ساعتي بقت يمج
ضميها لا احد يشوفها
اتصلت بنمر واني كاتمه العبره بصدري
فتح الاتصال
ميرهان: ن نمر
نمر: ها گمـرة
ميرهان: بابا حجالي كلشي
ليش محجيتلي نمر ليش
نمر: حبيبتي شنو حجالج ابوج
ميرهان بيج شي بابا شكوو
ميرهان: نمر بابا كلشي حجالي
وشنو ضامين عني ليش هيج وين
ماروح الكل يستغلني
نمر: بابا ميرهان شنو
حجالج حتى اعرف
ميرهان: كلي علملفات الي عندك
ضده وكلي شلون جان يهددك بيه
نمر: بابا معليج بكل الحجي اني
وياج وطز بـ ابوج وبلدنيا خلي
شنو يصير خلي يصير المهم اني
مستحيل اسمح لشي يضرج
ميرهان: نمر باجر تجي لبيتنه
عندي كلام اريد اكوله
نمر: ميخالف بنيتي بس اهدي
ميرهان: تمام
نمر : حبيبتي روحي نامي
والصبح الف فرج كولي يالله
تنحل بسرعه وراها ماكو شي كلشي
ينتهي؛ لعيونج عفت كلشي ثار وخلاف
وانتقام لخاطر عيونج وخاطر ماخسرج
والا ياميرهان مابقي من ذكركم واحد
ميرهان: اني ليش مانطيتك فرصه تحجيلي
نمر: خلص بنتي لا تلومين نفسج
كلتلج اني وياج ماراح يصير شي
ميرهان: نمر رجعني بـ اسرع وقت
كرهت كل ناسي
.
نمر : يابعد ناسي باجر يمكم خووش
ميرهان: اي
سديته ورحت نمت منتضره
باجر فارغ الصبر
كعدت على صوت أمي
ام حسان: ميرهان ماما شنو بيج
شي حبيبتي كومي امي
ميرهان: هاااا
ام حسان: بنتي شنو شبيج حبيبتي
مصخنه كلش
فتحت عيوني وباوعت
على امي مخليه ايده على راسي
ميرهان: ماما مابيه شي
نسيت شكل ركبتي بسرعه سحبت
الشال وكمت وكفت
ام حسان: شبيج ميرهان اسم الله شجرالج
ميرهان: هاا ماما مابيه شي
سحبتني من ايدي ونزلنه
شفت علاء وياره يتريكون
ميرهان: صباح الخير
ياره وعلاء: صباح النور
علاء : ميرهان تعاي كعدي تريكي ويانا
ميرهان: ماريد شوي واكل هسه مااشتهي
امي جابت الريوكووخلتها علطاوله
ام حسان: يله تريكي
ميرهان: ماما مااشتهي
ام حسان: ميرهان اكلي ماما
علاء: عندي اخبار الها هسه تخليها
تاكل حتى الماعون
ميرهان: هههه شنو
ياره: صدكت
علاء :والله شبيكم ابوي كال اليوم
نمر يجي وراح يحجون بخصوص رجعت
ميرهان وبعد مايخلي عليه 99 شرط يله
يرجعها
ميرهان: ههههه اعرف اصلا اني الي
راح اخلي شروطي مو احد ثاني
علاء: عفيه والله هيج نريدج ذيبه وكفو
ميرهان: اممممم حقك متدري
اكلت ريوك وكمت انضف اني وياره
ياره: ميرهان خالو اليوم عنده عيد
ميرهان: ههه
ياره: بس انتي قاسيه يا ميرهان
حرمتي منج والله اصعب شعور فقدان الحبيب
ميرهان: احسن حتى ميعيد نفس الاخطاء
عرفت راح يجون عمامي واخوان
نمر وعمامه وراح يحجون بخصوص رجعتنه
طول الوقت اني كاعده ع اعصابي لحد
ماسمعت صوت عمامي نزلت اركض
فتحت البرده دخلو عمامي وراهم
اجوي عمام نمر
باوعت لنمر دخل لابس كله اسود
وفاتح قميصه شكله يريد يتعارك
هههه دخل عباس وحسان دخلو للمضيف
وعرف عمام نمر جايبين وياهم شيخ دين
اسمع الكلام بينهم جان هادئ وعمام
نمر طلبو رجعتنه ابوي كللهم ان شاءالله خير
واخير شي طلع علاء مبتسم
علاء: جيبو الببسي
ميرهان: شنوو علاء شصار
علاء: هاهيه نحلت وان شاءالله بهل
سبوع عقدكم
فرحت كلش ورتاحيت لان واخير
نحلت كل العقد الي جانت راح تودي
بحياة ناس للخطر وتموت ناس
وجان صار كلشي ممتوقعي لازم
احد يفكر بعقل ويدرك الامور مو ياخذ
الحياة بس مشاكل وزعل وحقد احنا
ميتين ميتين ليش نضل حاقدين
طلعو عمام نمر وعمامي وبقى نمر
واخوانه امي واكفه بصفي وكل
شوي تكول يالله هانت
ياره: ييي واخيرا الف مبروووك
خالو اجتك اجتك ككلووش
سديت حلكها
ميرهان: يمعوده اشش ولج
طلع علاء
علاء: ميرهان روحي لبسي صايه
وحجاب وتعاي دخلي وامي تعاي وياها
رحت لغرفتي لبست صايتي ولفيت
حجابي ونزلت
ام حسان: يله ماما
دخلنه اني وامي وعلاء
القينه السلام وكعدت بصف بابا
رفعت راسي عباس حاصر ضحكته
وياشر لنمر بحاجبه حسان يباوعلي
ويبتسم عائله مخبله
ابو حسان: ميرهان بنيتي بعد موافقتج
علرجعه لنمر اريد اكول كلمه لنمر
نمر: هم اي ليش لا تفضل حجي
ابو حسان: اي شوف نمر شروط تلتزم
بيهن ماقبلت ميرهان متروح
نمر: لعيون ميرهان كلشي اقبل
رفعت عيوني وصارت عيني بعيونه
وبتسمت
ميرهان: اني اريد احجي
كالو تفضلي
ميرهان: اريد كل الحقد البينكم
ينتهي ومايضل بينكم كره ويصير
بينكم زاد وملح وسلام ماريد واحد
يهدد الثاني وما أريد واحد يحفر للثاني
اني هيج اكون مرتاحه وانتو هم
ابو حسان: حقج تدللي يابه صار
نمر: وبعد
ابو حسان: شرطي الاول ميرهان
تكمل دراستها
نمر مسلط عيونه بعيوني
ومشبك اديه وخالهم جوة فكه
نمر: لعيونها صار
ابو حسان: وماتحرمها من عدنا
وتجي شوكت متريد
نمر: لعيونها
ابو حسان: وما تزعلها بكلمه
وماتمد ايدك عليها
نمر : كلشي لعيونها
ابو حسان: ان شاءالله خير
نمر ابتسم
عباس: اي ياالله واخيرا صلو علنبي
صلـو على النبي
وتحدد موعد عقدنه يوم الخميس
ابوي ونمر تسالمو بس شنو سلام مال
واحد مطايق الثاني و غصب
ما أهتميت المهم يبطلون حقدهم
خلي يبقى بداخلهم ولا يضرون غيرهم
بي احسن شي يسونه هيج
طلعو نمر واخوانه طلعت
من المضيف وتلكتني ياره
ياره: كللووووش
ميرهان: سكتي ولج فضحتينا
اجتي امي وهيه مبتسمه
ام حستن: يمه ان شاءالله خير
رحت لغرفتي لكيت نمر دازلي
نمر: على عنادهم رجعتج
دخل علاء وياره
علاء وكف بلباب وسحب
شال ياره ويهوس بيه
علاء: واحد وااحد واحد نمر احلى
واحد وحده وحده وحده ميرهان
احلى وحده
ميرهان: ههههههه اسكت
حيسمعك بابا
علاء: وهاي الرادها وهاي
التمناها كللوووش
كمضت حضنته وهوه يبوس براسي
علاء: تدرين اعرف نمر شكد يحبج
وتمنيت يرجعج لان ماكو احد راح
يحبج هلكد مثل ماحبج هو
ميرهان: حبيبي علاء طول عمرك ساندني
علاء: خيتي انتي وصديقتي وحبيبتي
بسته بخده
ياره: شهل حب داده على كيفكم
ويانا نحن هنا
علاء سحب ياره وحضنها ويانا
اجتي امي شافتنه وكالت
ام حسان: ميرهان تعودنه عليج والله
صار سنه يمنه شلون بيه لو عفتيني ورحتي
ميرهان: ماما حبيبتي اني ما عايفتكم
شوكت متشتاقولي اجيكم
ام حسان : يله يماما كومو تعشو
نزلنه اني وعلاء وياره وامي
كعدنه ناكل وابوي طول الوقت
صافن وميحجي ومتكائب
خلصنه عشه وشربو جاي
طلع بابا بلحديقه
لحكته لكيته كاعد
كعدت بصفه
ميرهان: باباا بيك شي
ابو حسان: اخخخ بنيتي احس ضلمتج
ميرهان: اووف يا بابا والله اني نظلمت
من الكل مو بس منك انظلمت من الحب
ومن الاهل والدنيا عليه بس الحمدالله
كلشي تصلح واني والله مشلت بكلبي
عليك واعتبر نفسك محجيتلي
ابو حسان:ظميري جاي يئنبني لو ما اني
ياميرهان مصار بحياتج هيج ونمر
ما جان سو بيج هيج
ميرهان: خلص بابا الماضي
انتهى احنه ولد اليوم لازم نسامح
ونعفو عن بعض حتى نكدر نكمل
حياتنه براحه ونفكر للايام الجايه
والحمدالله ع كل شي صار رب العالمين
راد يختبرنه بصبر وقوة الايمان
لازم يا بابا نتحلى بصبر حتى ربنا
من يطلع على كلوبنه ويشوف شنو بيها
من ايمان وصبر ومحبه وموده ورحمه
وشفقه رب العالمين راح يفرحنه بكلشي
نتمناه مو زين نحقد على هذا وذاك
وراح تعيش حياتك مهموم لان دور على
غيرك الزله وتحفرله يضهر غيبته
ليش مانخلي كلوبنه نقيه حتى
نعيش بسعاده والله يا بابا من تدعي
لغيرك بلرزق رب العالمين يرزقك
ومن تدعي لغيرك يرتاح انتَ ترتاح
ومن تدعي لغيرك يشفى من مرض
انت تعافى وتعيش بصحه رب العالمين
مايوصل انسان حاقد ناقد يدور خصام
ابد مراح يوفقه ولاراح يريحه بحياته
ابو حسان: اخخخخخخ كلامج
مثل المي البارد على كلبي ميرهان
اني احس بذنب احس نفسي ضلمت
ميرهان: هسسس بابا حبيبي انسى
وكانو مصار شي فكر بلجاي يكون
احسن وطور من نفسك وتكفر عن ذنوبك
وباب التوبه مفتوح
_بابا حضني وصار يشهك بلبجي
اني هم بجيت ويا حسيت بابا متندم
علسواه الحمدالله حس بغلطه
ابو حسان: ميرهان سامحيني
ميرهان: بابا مسامحتك اني
مو همي الي سويته بيه بس همي
الي سويته بعائله نمر مو هين يا
بابا الحمداالله عرفت خطئك
مسحت على ظهره وبتعدت
ميرهان: اتمنالي الخير بابا
وأدعيلي نعيش اني ونمر براحه
بعيد عن المشاكل
ابو حسان: بنتي ميرهان نمر
من جان يضربج
حجى هيج ودنك راسه
ميرهان: شنو بابا؟!!
ابو حستن: بنتي اني مذنب بحقج
ميرهان: بابا احجيلي لا تموتني
شنو نمر من جان يضربني شنو
ابو حسان: جنت ادزله حجي عليج
انتِ وفيصل واكله طلكها ورجعها
لفيصل احنه ندري بعلاقتها ويا
وحتى مره ...
حجى هيج وسكت
ميرهان: شنوو
ابو حسان: ميرهان اني جنت
سبب دمار علاقتكم انتي ونمر
ونمر اخر ايام الي تمرض
بيها عرف كل الحجيته تلفيق مني
سديت اذاني رافضه اسمع الي كاله ابويه
ميرهان: ماااصدك مااااصدك لا ابابا
لا تكولهاااا عفيه بابا الله يخليك لاتحجيييييي هيييج اااه يااربي
ابو حسان: بنتي سامحيني
نهاريت معقولةة هيج توصل بي المواصييل!!
قويت نفسي وكلت بما انو كلشي
خلص خليني اتقبل الي كاله مو هين
الي سواه بيه بس راح اتقبل كلامه
ميرهان: سامحتك بابا
كمت من يمه ماريد اسمع
اكثر بعد اخخ هيج خادعيني
كل هل سنين ليش
لكيت علاء واكف يتسمعلنه
علاء: شكلتلج مو كلتلج نمر الي
يستاهلج وبس
ميرهان: علا لاتحجي شي
حباب راح اموت
جرني لحضنه ويهدء بيه
صعدت لغرفتي وكبل نمت
كعدت بليل على هزاز تلفوني
رفعت التلفوني واني يادوب اشوف
ميرهان:الووو
نمر: ها حبيبتي بالي يمج
ميرهان: حبيبي تعبانه ونمت
نمر: همم ابوس النعسان
ميرهان: طارت النعسه ههه
نمر: ها لان صار بيها بوس
ميرهان: صوتك نمر بي بحه
زياده يخلي الواحد يصحى غصب عنه
نمر.: صوتي ما عاجبج يعني
ميرهان: لا بس يسوي رجفة داخليه
ضحكت وهوة ضحك
نمر: اخخخ من سوالفج
اريد اكابلج واكعد واسولف وياج
ميرهان: مابقه شي وتشوفني
يمك عكب باجر نعقد
نمر: اوف شيجيبه هل يوم راح
يصير سنه بطولها
ميرهان: هيج مشتاقلي
نمر: وولج مو بس مشتاقلج
لج احس روحي يمج احس
فاقد شي مني تدرين انتِ شنوو
انتِ اغلى شي بدنيا عندي وياج
عرفت الحب وخليتيني اصلي
وتركت الشرب كلشي لان انتِ بحياتي
ميرهان: احبك
نمر: يااربي صبرررني بس بااجر
ميرهان: هههه وين انتَ
نمر: عندي خفر
ميرهان: همم تمام
نمر: يله بنيتي رجعي نامي
وبس بااجر اصبري بس باجر خوش
ٌ
يتبع…
حساب الانستا.