مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
قالتلي لي أحدى العارفات
هل اقرأ لك كف حينها
ضحكت بسخريه وقلت
كاذبه أنتي وأنا لاأومن بل خرافات
فبتسمت بكل ثقه وقالت لي هل هيه خرافه حقاً
أم إنك تحبها حب الجنون
صرخت بها كذب
المنجمون وأن صدقو
قالت هدء من روعك
فأنا لم اقرأ كفك قرأت عينيك
_________________________
سلام
رجعت منهم وانا كلبي احسه يريد يطلع من صدري من القهر من ورده
إلى سوته طير عقلي وخلاني افقد أعصابي وكلت اذا اشوفها اذبحها خلاص ماتوقعتها بهل جرأه تكسر كلامي وتفذت الي براسها
قررت اجيبها واعيد تربيتها من اول وجديد استغلت حبي الها تريد تذلني ماعاش اليذلني جنت متلحف بيها
اول ماشفتها وشفت عيونها كلشي احس كلشي برد بيه قررت ارجعها واسامحها ولي تريده اسويه الها
بس ماجنت اعرف هيه بعدها تشيل بكلبها عليه ومكدرت تنسى
حييل اذاني كلامها وجرحني انا روحي معلكه بيها شلون اعوفها وتنازل عنها بسهوله كل هذا وكلت حقها و
قررت اعوفها عد أهلها فتره ترتاح بلكي تنسى والبعد يحنن كلبها
اضطريت اهددها بلطفل بس هيه ولاجنها ابد ماحركت ساكن وعرفتها قافله
رجعت للبيت كبل نمت وحته ملابسي مابدلتهن لان كل حيل مابيه
ثاني يوم كعدت وكل جسمي مكسر تكسير وراسي مسطور
كبل هاجمتني ذاكرتي بورده هيه موهنا
ورده مو يمي شلون كدرت تمشي كلامها عليه شلون وصلت يمها وماسويت شي ليش ضعفت يمها
وانا الي قررت اذبحها وشرب من دمها
شلون عفتها اريد اكتلها ضلت تجيلي هاي الافكار ووجع رأسي يزيد اكثر
كمت افتر بل غرفه واحس راسي يريد ينفجر لييييش لييييش وصلت يمها وكلشي ماسويت ليشش ماجبتها وشوفتها سلام شيسوي اذا كسرت كلامه
ليش ضعفت يمها وكل النيران الشابه بصدري طفت
صرت اشيل بلغراض واكسر وصارت كدامي صورت زواجنا شلتها وركعتها بل حايط تناثر الگزاز بكل مكان رجعت لزمت الصوره وشككتها
فقدت وصرت احجي وي نفسي واكلها ماريد اشوف وجهج
ركضت على الكنتور مالتها فتحته وكمت اشمر بل ملابس مالتها بل غرفه وكل أغراضها اكسر بيهن
ماريد شي يذكرني بيها
ماخليت شي يخصها كل شي جمعته بل غرفه رحت للسطح اكو نفط نحط للصوبات الفوك جبت نفط
ورشيت الغرفه كلها لان ماريد شي يذكرني بيها ولا بلزواج اريد اخلص من كلشي لان تعبت ماعرف شنو يصيرلي فقدت على الآخر رشيت الغرفه كلها نفط وطلعت الجداحه شعلت من ملابسهن دمرته نفط وذبيته بل غرفه ومارفلي جفن سديت الباب وطلعت صعدت لسطح البيت ادخن اريد كلبي يبرد ماكو نيران مشتعله بكلبي احسها ماتنطفي اله بوجود ورده وانتقم منها شي كاعد علئ گلبي وسواس براسي حجي وصريخ
دقايق واسمع الصياح كب مال خواتي جوه
نزلت جوه وشفت رواء تصرخ ودك بل باب وتصيح سلام سلام
سلام بصياح :شبيج رواء
ركضت وهيه مرعوبه وتحضن بيه
رواء: سلام خويه عبالي جوه سلاااام الحك غرفتك جاي تحترك
صعدت امي هيه ورواء يصرخن الناس شافت الدخان ولتمت
سامر جان راجع من الكليه حته يجيب مريم من الامتحان وبااثناء ماجاين شايفين الدخان والناس ملتمه مخبلين
ماتحركلي جفن ولا هتزتلي شعره واكف وباوع عليهم الدخان ترس البيت
الهوسه الجيران فزعت
وولد جيرنا همه وسامر طفو النار
بذيج الحضه تمنينت هاي النار اشمر بيها ورده ومايبرد كلبي
اجاني احساس اشمر روحي بلنار وانا موبوعي الكاع تفتر بيه وعيوني غوشت ونفسي ضاك كمت كوه اشهك
افرك بصدري اريد اجر النفس بعدها غبت عن الوعي مادري شصار
رواء
من نزل سلام بس سلم علينه وصعد فوك
انا بقيت الوب عليه ثاني يوم الصبح انا كاعده اقرأ للمتحانات كاعده من الفجر شتميت ريحة حريق
طلعت اشوف شنووو نصعقت وانا اشوف غرفة سلام
الدخان يطلع من جوه الباب
ماعرفت شسوي كمت اعيط بعلو صوتي عبالي سلام جوه امي تصرخ
ونزل سلام من السطح ركضت عليه اطمنه عليه بردت كلوبنه
وبعدها شفنه النار بدت تعلئ وتلهم بالغرفه راح تطلع عل بيت
ناس لتمت علينا ولد جوارينا اجوو وي سامر
يطفون بيها رادو ياخبرون علئ الاطفاء بس نطفت
النار اكلت كل الغرفه
ماحسينه الا مريم تصرخ بعلو صوتها
نلتفت وجان نشوف سلام امدد علئ طوله وجها اسود صاير
كمنه نصرخ وامي شكت ثوبها وتلطم
وحته رحيم ماعرف منو كايله
اجه يركض وشاف سلام هيج تخبل عباله جان بداخل الغرفه
شالوه هوه وسامر وركضو بيه للمستشفى
مرينه برعب وگلوبنا راحت
وماقبلو احد يروح
وامي گلبت الدنيا بالصريخ والنسوان ملتمات عليها يسكتن بيها وبينه
البيت انترس دخان والريحه تكتل
دخلنا للغرفه لكينها كلها محتركه والغرفه صايره دمار شامل
الكنتور نص منه محترك الجربايه كلشي مباقي بيها
والبقيه عباره عن لون اسود ودخان مغطي المكان كله
بقينه على اتصال وي سامر كل شويه حته نطمئن على حال سلام
أبوي ماعرف منو مخابره ولاحكهم على المستشفى
شويه وتصل سامر وكال سلام زين فد ساعتين ٣ونطلعه
ردت ارواحنا شويه وهدء وضعنا
النسوان بدن يطشن انا ضليت افكر گلبي نغزني
شكل سلام من امي لليوم وضعه موطبيعي ولاماكل ولاشارب بس بالغرفه ونايم والشك دخل لگلبي
من عمي خابر علئ ابوي وكاله سلام جاينه
تعجبنه حته امي وابوي كالو لعد ماجاب ورده وياه
الغرفه مو من وحدها حتركت وبس انا اعرف شنو وره سلام
سلام صار زين وطلعوه من المستشفى وخليناله جربايه بل استقبال حته يرتاح
رحيم ابد معافه ولا لحضه
احنا استلمنا الطابق ابفوك انضف بيه بقينا بيه يومين لان صاير اسود من الدخان
الانقاض مال غرفه نضفوها رحيم وسامر
مريم خطيه هم تمتحن ماخليها تنضف اكثر شي انا
ورحيم ميبطل وكاحته عليه بس تصحله فرصه
الكاه صافن لويغمز
وحته مره جاي انضف وياهم سامر نزل ينگل
ماحس الا لمس ايدي وانا كل جسمي سرت بيه نتله كهربائيه من الخوف ولصدمه منه
رحيم :اخخ يابه كون يومه تحترك غرفة هذا السرسري حته اشبع منج
رواء: يااااا فال الله ولا فالك شوف شصاير بيه صار يومين حته أديه صارن سود من الصخام والدخان
رحيم من عمت عيني عليج اروح فدوه لديناتج التتعب روحي نزلي انا وخوج السكط اننضف روحي رتاحي يبعد رويحتي واهلها
رواء: ياا اسكت لايجي سامر ويسمعك وانته ليش تغلط علئ خواني
رحيم: افا دافعين لخوانج مني وانا شنو دوري زعلت يله امشي نزلي
رواء: عليك الله رحيم زعلت سودعليه
طلعت مني لاراديا نتبهت وطلعت بسرعه
شويه ورحيم راح جاب ازوزه هاي الي تنقل الانقاض
ونزل كل الخشب المحترك والأغراض هوه وسامر
واجت مريم هم ويانه ضلينه نشيل الخفايف
سامر:ههههههههه بنگلادش اصليات انتن يرادن انشغلجن
رحيم: اطيح حضك لا تحجي عليهن لا تحجي على خواتي
طلع سامر وهمسلي بصوت ناصي من مريم
رحيم: الخوه تلطم بلزاويه منج ومني بريئه منا
ابتسمتله
سلام سوده عليه النهار كله نايم وماله خلك حته رحيم يكله اصعد بس اكعد يمنا واحنا نشتغل مايقبل يكله عوفني هنا جوه
أبو سلام: ليش ماجبت زوجتك وانته رايح لهناك فهمني
سلام بس يدخن وميجاوب
أبو سلام: ولك ابوها حرك تلفون عليه يكول ابنك شعده وي بتي جايه ومماخذها وياه
سلام: كله بعد كم يوم ويجي ياخذها
أبوي هم مخابر على عمي وكايل الهم
امي شكد حاولت تفهم من سلام بس سلام كتم الموضوع
عذراء اجتنا من وره مطلع سلام من المستشفى
وكالت اريد اسلم عليه
كلت بكلبي شلون عالم متستحي
دخلت على سلام
رواء: سلام عذراء تريد تسلم عليك
عصب
سلام: مالي خلك اشوف كح..... اطلعي وسدي الباب وراج
تعجبت من سلام. وبنفس الوقت فرحت
طلعت وباوعت عليها لكيتها كاعده ولكشخه غير شي تكول رايحه على حفله
رواء: سلام يكول مالي خلك وماريد اشوف اي احد
كمزت من مكانها وابتسمت بفشله
عذراء: كتيله عذراء
رواء: ايييي كتله
مسمعتني وخلت ودخلت على سلام للاستقبال
دخلت وراها
اشوف شعدها هاي الماعدهه احساس
نتفض سلام لمن شافها وكام يعيط عليها وطردها
وكالها والله اذا دخلتي لهذا البيت
متلومين اله نفسج كام يغلط عليها أشكال الغلط
وحته امي اجت على العياط
بس امي ماحجت ابد وشوفه وهيه تباوع وتتشفا بعذراء
سلام طردنا كل احنا وقفل الباب
هيه راحت لبيتهم
وامي صاحت: حيييل بيها
تعجبت من امي ليش هيج حجت وهيه جانت عدها عذراء النفس اليصعد وينزل
وحته رادت تزوجها لسلام
رواء: يمه ليش هيج احسج فرحانه من سلام طرد عذراء
ام سلام: كولي حية التبن كلبي محمل منها من زمان وجنت ضالمه ورده من وراها
واكطع ايدي منا اذا موهيه وره كل الي يصير بسلام ورده
رواء بتعجب: شلون يمه شنو قصدج
ام سلام: تذكرين لمن ورده لكت ملابسها مشككات
رواء: اي
ام سلام: انا جذبتها وحجيت عليها وعلى امها وجان كل ضني ورده هيه سوت هيج وعاديت ورده وجنت ادور عليها الزله
تذكرين لمن بيت ابو كمال يبنون بيتهم وانتن غسلتن ملابس
وكلتن بس نصعد فوك نشر يشوفونه عيب وكتلجن شرن هنا بل حديقه
رواء: اي
ام سلام: وجانت عذراء اهنا ثاني مره ليش ماطلعت الضهر كلت خلي اروح اجيب ملابس ابوج من فوك الحبل
وشفتها بيدها مكص زغير وتكص بملابس ورده الداخليه بعدها باول قطعه
كتلها شسوين وضلت تمتمت وجان تكلي خاله ورده زعلتني لبارحه وسبتني وغلطت عليه وكلت احرك كلبها واكص ملابسها ضلت ماتعرف شتحجي
والعذر أقبح من الفعل
وأخذتها لأمها وكتلها شوفي بتج شلكيتهه تسوي
وخالتج ضلت تتعذر وعلى ابو زغيره ومتفهم شنو سوت وانا اطيح حضها
فشلانه منج خيه ام سلام مسحيها بوجهي
مارديت عليها وكتله بعد ماريد اشوفها بيتي
وهاي سوالف انا اعرفها شنو
بقت خالتج تبجي وتحلف ماعدها علم وهيه جاهل وماتعرف شسوي ورده غالطه عليها
وحته سابتها وهيه هيج سوت حته تحرك كلب ورده
كتلها انا اعرف ورده شنوو
ماتغلط على احد ولا تجاوز على احد
ولج صار شكد وهيه عدنه عدنا محد سامع صوتها
حته سامر يكلي يمه مرت سلام خرسه شنو اشو ماتحجي
بعد شوكت غلطت وسبت
من يومها وكلبي لاعب وعرفت عذراء عدها لعب وتريد تلعبها بس جابتها خالتج وطاحت علي تعتذر وضلت تجي وهيه تحلف وتكول انا موقصدي وتحلف سوت هيج حته تحرك كلب ورده
بقت تبجي
وانا سامحتها لجل خالتج
والصره الي لكيتنها اكص ايدي اذا موهيه حاطه سحر لخوج ومرته
جنت مغشوشه بيها
انا صحيح جنت مقابله على زواج سلام من ورده
بس انا مره صايمه مصليه واخاف الله
ومااريد اخرب بيت ابني وزوجته
وانا اشوفه فرحان وياهه وطاير بيها
فتحت عيوني من الصدمه على حجي امي معقوله هيج عذراء تسوي هيه وامها
معقوله سلام وورده مسحورين واحد ميريد لخ وسبب كل مشاكلهم.
بقيت مصدومه من فعايل عذراء
رواء: زين يمه شلون سلام ضايج منها لهدرجه وطردها همه قبل جم يوم يضحكون سوه
أم سلام: اي والله
امي راحت لمره علويه جوارينه تعرفها
كايلتلهه ابنج وجنتج ثنينهم مسحورين حته انتي
والسحر ينتهي مفعوله وجاي يجددونه الهم صاير وياكم حادث هاي الفتره أمي. كايلتلها اي حتركت غرفة ابني هوه نفسه سلام العلويه
كايلتلها دفع الله ماكان اعضم ربج لطف بيهم ان شأء الله بعد ماعليهم شي غرفتهم الحتركت لاتخلون منها شي كلها ذبوها السحر بيها وبيتكم كله حصنوه وكلكم اشربو من هذا المي ماي وتربه مقري عليه ورشو ملح خشن ومي علئ طول حته بعد مأيثر عليكم سحر
امي سولفتلي وانا تخبلت
امي ضلت كل يوم تشغل قرآن بل بيت
وحته كامت تحجي علينا وكالت بعد ممنوع تخلنه على المسلسلات. وكت الغروب
خلنه على قناة كربلاء هاي القنوات الدينه تطرد الشر وشياطين وسحر
بليل اجه رحيم يمنا هوه ضل كل يوم يجيلنه حته يكعد ويا امي وابوي ياكل ومريم كاعده بس انا استحي اضل يمه
فرحانه بيه وبجيته
جهزت الضيافه وسويتلهم كهوه جكليته يحبونها هوه وسلام
أخذته ودكيت الباب واجه سلام أخذها مني وانا صعدت فوك بغرفتي
صارت كبالي غرفه سلام
نعصر كلبي
وكلت امس جانت ضاويه بغرفة النوم وفرشة العرس وعطر سلام الي تارس اركانها
وورده منورتها
واليوم صفت رماد الله لايطي الجان السبب
سبحت ونزلت علئ السريع
رحت يم امي
رواء: يمع رحيم راح لوبعده
ام سلام :طلعو هوه وسلام يمكن بالباب
رحت كبل للستقبال حته استنشق رحيته اول مادخلت كفختني باوعت علئ مكانه وانه اوزع ابتسامات كانو كاعد گبالي دنگت وشفت سبحته واكعه بمكانه
هاي السبحه دوووم اشوفها بيده
هاي فرصتي وجان اخذها واضمها بملابسي لملمت المخاد وشلت السراحيه مال الفناجين
واخذتها وطفرت فوك اشم بيها بيها ريحته
شويه واسم سلام يصيح علي
طلعت نزلت
رواء: هاسلام
سلام: اكلج تكول امي نضفتي الاستقبال رحيم سبحته واكعه منه مالكيتيها
رواء: لا كلشي مالكيت فارغه
طلع سلام وانا رجعت اضحك
بليل كلش قبل لاانام فتحت نت جاي اگلب
رحيم 💬فداج السبحه وصاحبها
عزززززا وين عرف انا الماخذتها
رواء: ها ياسبحه
رحيم: جان كلتي وانطيج ياها ولو هيه العزيزه بس كلشي يرخصلج يبنية گلبي
رواء: ههههه اسفه
رحيم: فدوه الج بويه حضنيها حيل وسديها علئ كلبج ياريت واحد بمكانها
رواء: رررحيم
رحيم: هههههه اشاقه شبيج
رواء: يله راح انام وراي مراجعه مابقه شي علئ امتحاناتنه
رحيم: كل التوفيق ياربي قبل لاتنامين سمعي هاي
شغلته وجاي اسمع بيها متئ حبيبي متئ
كتبتله
رواء: شگد تحب فضل شاكر
رحيم: اموت عليه
رواء: هههه خليتني احبه من وراك يله راح اسمعا وانام تصبح علئ الف خير
رحيم: تلاگين الخير يبعد رويحتي الله وياج
ضليت اسمعها وانا مستمتعه بكل كلمه واتخيل حياتنه انا ورحيم
مريم كملت امتحانات هيه ونوارس
وبديت انا وجان رحيم دوم يوصيني ويكلي لاتعبين نفسج وتئذين روحج علئ كيفج انتي شاطره وسباعيه تدخلين
الحمدلله كملت بخير
ونجحنه
عذراء ضلت تجي وسلام يطردها واني تكش بوجها ونعوفها ونكوم لحد مااأيست من عدنه
مرر شهرين وسمعنه عذراء نخطبت لواحد من كرايبهم مطلك عمره ٣٠ سنه
وزواجها الخميس الجاي خالتي عزمتنا للعرس وامي اعتذرت كلتلها عدنا زياره بيوم الخميس ابو سلام. يريد ياخذنه
ورده
الوجع موتني وابوي يومين يحقق وياي لحد ماكله عمي يكول سلام ماكوو شي خليها ترتاح هناك وانا كم يوم واجي أخذها
أبوي شكد حجه على بيت عمي وخصوصاً على سلام
واكيد انا برأس المدفع كل الحجي عليه
أبوي صدر قوانين صارمه ضدي أوالهم ماطلع من باب الغرفه يعني سجن ولا احد يشوفني ولا اشوف
وحته اخواتي اذا شافنه كاعدين سوه يطرد خواتي ويرزلهن شي متزوجه عباله تحجيلهن عن الزواج يريد بخلونهن علئ عمه عيونهن مثلي ويتصرف وياي بغموض
انا هم ماحجيت شي كلت احسن لان صرت استحي من اخواني وانا بطني تكبر يوم عن يوم
كمت حته البس ملابس امي حته مايبين شي من بطني
اذا أخواني مو بلبيت وابوي اطلع بره الغرفه انضف وساعد امي بشغل البيت
وشغل الحلال اساعد البنات عليه
حازم مايقبل يكول انتي رتاحي لتسوين شي معليج بينا
ومره ابوي مو هنا طالع لمكان بعيد
حازم اجه عليه من الصبح
حازم: ورده راح اروح أزور ال....... ضريح ابن أمام بل محافظة الي احنا بيها تعاي اخذج وياي زوري وتونسي
ورده: شلون اخاف ابوي يجي ويسويلي هوسه
حازم: معليج بيه مو هنا مايجي اليوم لليل يله كومي بدلي وانا انتضرج بره البيت
انا كيفت مختنگه حته للبستان مايخليني اطلع وكلبي معصور وأريد اطلع من هذا السجن لخانكني
بدلت ولبست عباتي وطلعت لكيت حازم بل باب منتضرني
طلعنا لشارع مشي واجرنا سياره ذبتنا اباب الضريح
نوارس
بيوم الامتحان كعدت وانا خايفه واقره ايات
وبيبي تدعيلي اجه سامر وياه مريم عليه اجه من وقت خاف نتأخر وهوه هم خطيه يتأخر علئ كليته
وصلنه
سامر: يله بيضن وجهي موتجيبنها محمره
مريم: اكعد ابو السوادس بالف يالله طلعت منه
سامر :تره اضربج بدعوه انومج بمكانج
مريم: هسه غير يكعد دخيل جدك
سامر: يله محتاجات شي نوارس لاتتوترين علئ راحتج لاتخافين
مريم: وانا ماتوصيني
سامر: انتي ماتخافين دلاله ماشوفين من الصبح لسانج يرش
نوارس: ان شاءالله نزلنه
جنت خايفه بس الحمدلله امتحنه وطلعت انتضر مريم
كملت واجه علينه سامر ذبني علئ بيت رحيم وراحو
كلت لرحيم يوصلني بيبي خطيه جاعت هسه دنطلع
وندك الباب طلع رجع رحيم يركض
رحيم: نوارس دخلي بسرعه بعدين اوديج
نوارس :شنوو شصار
رحيم: ماادري يكولون بيت اهل سلام محتركين
وطلع يركض
يمه اسم الله طبيت ابجي لخاله ام رحيم وهيه كامت تنخه وتندعيلهم
للضهر وهمه ماكو ام رحيم سئلت الناس كالو بس غرفة ابنهم سلام وهوه مختنگ وماخذينهه للمستشفئ وخاله ماكدرت تروح عدهم خطار
للضهر كتله فدوه خل اروح بتكسي بيبي خطيه جاعت هسه وبالها يمي مارضت كالت شلون اتصلت علئ اخو رحيم بدوامه خطيه الولد اجه وصلني وراح رجع يتبع.....