مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
اذا هذا البارت جاب تصويتات عاليه هسه وتعليقات علئ كل الفقرات انشرلكم بارت ثاني 💙🦋
..............
ثاني يوم الصبح
ورده: ماتروح لبيت خالتك تريد تروح تاخذ راحتك وياعذراء
سلام: منو رايح هسه لقندره كافي سكتي طالع يم جماعتي
مر سبوع وسلام رجع يريد يتقرب مني بس انا أرفض رفض قاطع
هوه يخبل اذا مخليته يتقرب مني يضل يصيح ويكسر
مستحيل اخليه يلمسني ويسوي وياي مثل الي سواه العذراء
عتذر مني أكثر من مره بس انا ماكدر انسى ونضل هيج لحد متگب الهوسه واختنگ من الغرفه ماريد ادخللها
وهوه اكثر شي ينام جوه وعمتي تكله اصعد فوك ارتاح اسمعه يكول لعمتي اختنگ بس اصعد للغرفه
بليل كاعدين وحاجه سامر يجيبله تلفون من صديقه لان عنده محل مال مؤبايلات لان كلها تتصل عليه جماعته والأمر مالهم
مره جان رايح للنجف ومن رجع جان جايبلي أسوار فضي نازك وياه كلاده فضه قلب وبيها محفور اسمي كلمن بعلبه وساعه بيضه مكتوب عليها حبيب قلبي
بليل اجه يبوس بركبتي وجاب الكلاده لبسني ياهه والسوار والساعه خلاهن يمي بلعلبه بس فتحهن شوفني ياهن
سلام : اعتذر ورده ماكو بشر ميغلط وانا غلطت كافي زعل. وعلي هديتي حيلي ولج كلبي تلفتيه وعقلي لعبتي بيه طوبه. والي تردينه يصير بس شغلة طلاك شيليه من بالج. ورده لا شلعين كلبي وعيونج انا ماعرف ليش هيج اتصرف وياج
وعيونج نادم بكد شعر راسي
ليش تخليني اتوسل بيج مثل الطفل وانتي ولا يمج ورده النوم ماشوفه وانتي بعيده عني وزعلانه عليه
لمن اكون هناك محد يجي بالي غيرج وخاف اموت وانا مشابع منج ولا انتي راضيه عليه. ومسامحتني هناك شكول الربي
هوه يحجي وانا ذابتها على صامت ولا حرف طلع مني بس اباوع بل كاع
وادعي كون مااضعف يم كلامه وضليت اذكر موقفه هوه شلون جان حاضن عذراء حته مااضعف
سلام :ليش ساكته احجي ورده لا تضلين ساكته يابه لوشعلين اهلي مااحجي انا احبج ورده ورايدج مريتي وام ابني بس ولله تجيني ساعات افقد اعصابي ماعرف شسوي لوتردين عيوني اشلعلج ياهن انا كل يوم وكل ساعه هناك الموت يبعد عني مترات ماريد اموت وانتي ماراضيه عليه اريد تحجين لاابني اوبنتي بلزين وتذكريني كدامه وانتي مرتاحه مني تحببينه بيه ارجوج ورده خل نبدي صفحه جديده
وره: اريد انام نعسانه هسه وبعدين نحجي
سلام: متأكده باجر
انا اجذب عليه كتله: ايي باجر نحجي
لان اريد استخدم النوم وسيله حته اهرب من توسلاته اليه اخاف أضعف وانسى
عافني وكام
سلام: اشوف وين توصل وياج بس انا خلص صبري بعد مابيه اتحمل
ثاني يوم اذن المؤذن وكمت اصلي هوه هم كعد صليت وكبل رجعت لفراشي حته اتضاهر بلنوم بس كون ميجي يمي ويتقرب مني
كمل صلاه ورجع تمددت يمي
ومد ايده على خصري وحضني حيل كام يشم بشعري
سويت روحي نايمه وعلى ساس فزيت من نومي مرعوبه منه
ورده: شنو سالفتك متكلي انا نايمه تره وممنوع تعيد هاي الحركات بعد لان تلعب نفسي منك
عصب وخزرني
سلام: مو بكيفج وغصبن عليج صارلج اكثر من شهرين مطاخج وانا اريد حقي شئتي ام ابيتي واذا مو برضاتج غصبن عليج
ورده وكع كلبي من الخوف وكلت يسويه وينام وياي غصب وانا ماتحمل اشوف حته وجها عاد مو قربه
ورده :سلام انا ماريدك وخلي بالك الأيادي الي لزمت عذراء مستحيل اصافحها
لوعندك شويه كرامه طلكتني وعفتني امشي بحال سبيلي
صار عصبي ولزم فكي يريد يضربني بس تراجع
سلام: ولجججج ليييش لسانج طويل. اطلع مو سلام إذا ماربيج وندمج
كافي مو حته كرهتنيني بحياتي والله لنعل ابوج لا ابو عذرا لابو بدنيا كله يا ساق......... نطيتج شويه عين وكمتي متعرفين شتحجين لجججج اسحكج بل نعال وميرفلي جفن بت الكو........ولج منوو ميغلط
نبي انا. معصوم مو لعبتي بحالي لعب صار اسبوع اتوسل بيج وانتي ولا جنج
لا عبالج انا ميت عليج ياك...... إنا علمود ابني وبس اما انتي بنعال ماشتريج بت الكو........
سلام: انتي تردين طلاك وكلهم انا ماريدهه مووو
بقيت بس ابجي وماحجيت
سلام :نلصمتي لوبس تمدين عليه لسانج مترين جاوبي
ورده: ايي
سلام: ماشي باجر انا احاجي عمج وخير ياورده التردينه يصير
اشوو خفت من صارت صدك وفكرت بخوف شنو راح يصير باجر
رواء
بقيت علئ تواصل ويا رحيم بس هوه مؤدب حيل ومايزعجني ومايعبر حدوده وياي بس يسئل عليه
وعلئ اخباري
وانا احضره
رحيم💬: شبيج ماراسل ولله
رواء:💬 اخاف كلشي يصير
رحيم💬 :اخاف عليج اكثر من روحي
ومن ينزل يجي متعمد ويا طلعتي من فرعنه حته يشوفني ومريم وياي صارت الصبح بس مدرستهه بعيده علي نعبر علئ مدرستي وتكمل طريقها ماخلينه خط ثنينه
اكو عداديه فتحوها يمنه قريب وانقلت بيها
مره مريم مصخنه ماراحت وجاي امشي ولاكاني رحيم بسيارته
رحيم: صباح الورد
رواء: صباح النور
رحيم: شلونج حنوشاتي
رواء: تمام انت شلونك
رحيم: مريم وين اليوم
رواء: مريظه خطيه
رحيم: سلامتها ان شاء الله صعدي يله
رواء: لا انا امشي
رحيم: تصعدين لو انا انزل اصعدج
صعدت باوعلي بالمرايه دنكت ابتسمت خجلانه
طلع تلفون ضل مدري شيكتب بيه وخلاه علئ أذانه
رحيم: هلا سلام شلونك ضلع
.........
رحيم: بخير الحمدلله اكلك رواء اختك شفتها تمشي بلشارع ووصلتهه لدوامها
..........
رحيم: حبيبي حبيبي الله وياك
رواء: ليش كلت لسلام
رحيم: احسن عيوني انتي
وصلني قبل لاانزل
رحيم: دربالج علئ نفسج محتاجه شي
رواء: لاتسلم باي
رحيم: الله ومحمد وعلي وياج بنية گلبي
دخلت وانا اتبسم يارب شكد احبه احفظه الي يالله واجمعنا بلحلال
من رجعت للبيت لتهيت مالزمت تلفوني لليل فتحته انا خافيه الواتساب طبعا من مريم دوم تلزمه
فتحته وضهرته
لكيت رحيم داز مقطع فيديو
فتحته كاعد علئ البحر. وعالك الاغنيه ويدندن وياها هوه بصوت جوهري واحساسه يوصل لااعماقي وانا اسمعها وگلبي يتهتف نبضات قويه بكل كلمه
سافرت بعالم مابيه بس انا وياه احس اطير وياه ويا صوته وكلامات الاغنيه.
الاغنيه لفضل شاكر
انتي بقلبي وجوا الروح ❤️
كم يوم واجت خاله ام رحيم وبيبية نوارس قرايبهم ونوارس جنت اضوج من نوارس اغار من اشوف رحيم يهتم بيها بس من سولفلي نكسر گلبي عليها وكلش حبيتها صعدت فوك يمنا وسامر اجه
سامر: اكلج حنوشه شاحنتج شاحنتي خربانه ماتشحن
دخلت نطيته شاحنتي كعدنه ورجع ندك الباب طلعت سامر
رواء: شنو شبيك سامر منا البنيه
سامر: هاا اريد سماعاتج اسمع بيهن
رواء :شلك بيها سامر شعدك احجي من الاخير وغمزتله
سامر: نجبي يلا ولي ماريدهه
شويه وهوه دك الباب عرفته هوه شاورت مريم اذا سامر تكله كافي روح لاانزل لااكول لاابويه
ورده
بقيت لصبح منمت هوه بس يدخن
صارت ب ٦ نزلت
نضفت وسويت ريوك. تريكنا بس هوه فوك منزل
طول اليوم وانا خايفه رغم هاي أمنيتي بس اشو خفت
من صارت صدك
وكت الضهر اجه عمي والبنات وتغدينه واخذتله رواء الجاي
سلام كاعد بل صاله ويباوع على عمي وكانو يريده بس يخلص ويفتح الموضوع وياه
سلام : يابه أريدك بموضوع
كلبي احسه طاح بين ضلاعي من الخوف
ابو سلام: خير بابا احجي
سلام: يابه انا. اريد اطلك ورده ماريدهه
عمتي كاعده لطمت خدها والبنات تفأجن ويباوعن علي
ابو سلام: شنووو. شجاي تحجي
سلام :تعالو بلستقبال وانتي هم ورده امشي رحت وراهم كعدت
ابو سلام: شكاعد تحجي انته شنوتريد طلكها شنو ماتريدها
دار لعمتي وحجه: خير شصاير اكو شي وانا ماعرف بيه
انتي بنيتي احجي اكو شي
كلبي يخفق بقوه من الخوف وخصوصاً من شفت حال عمي وندمت لان هيج حجيت
بقيت ساكته وباوع عليه أريده يحجي بس ماكوو محجه بقه ساكت
ام سلام: ولكم احجووو شكوو شبيكم يمه صلو على النبي شجاكم يربي شنو طلاك ولك مرتك شايله ابنك
ابو سلام: احجي بنيتي شكوو ليش ساكته ولج عمي لسانج بلعتيه احجي
هوه يباوع عليه بشموخ ولا مهتز ولا حرك ساكن
ابو سلام : ولك فهمني انته
ام سلام: صابهم خرس نشف ريگي
سلام: لا منتضرها هيه تحجي لو بس بل غرفه لسانها شطوله
تفاجأت من حجي سلام وكلبي نغزني كلت بس لا يكول لعمي شنو صار بينا من كلام
ابو سلام: سلاااام احجو شنو جهال وكفتو گلوبنا
حجه وعيونه عليه ويباوع لي بمكر وخداع
سلام: بت اخوك متنطيني حقي الشرعي وانا مليت منها ومفاد
احس نفسي سحت بل كاع من الخجل
وشكد كرهته شلون هيج خدعني وليش كلب لموجه عليه احس اطرافي نملت وفكي رجف معقوله هيج حجه كدام اهلها اتفق وياي غير اتفاق وگلبها علي
سلام :من زوجته لليوم لو ٤مرات لو ٣مرات وكوه عليها
وبت اخوك متريدني هاي هيه كدامك وأسئلها
بقيت مصدومه من سلام
شلون يحجي هيج وليش شوه صورتي كدام اهلها ركضت ودموعي علئ خدي اريد اركض فوك ولزمتني رواء
رواء: شبيييج ورده شكوو
اجت عمتي واخذتني لغرفتها وانا ماحط عيوني بوجها
ام سلام: ولج يمه هذا رجلج حرام عليج تمنعينه من حقه الله من فوك يغضب عليج ولج احسن يروح لغيرج
وانتي حامل منا وراح تخلفيله شلون تضلين العمر كله هيج احسن ترجعين هناك يم اهلج لشلاع الگلب وشلت الحال
اجه عمي دك الباب وانا دوروني ماتلكوني ضليت ابجي من الخجل
ابوسلام: وانا اكول ورده عاقله وماكو منها وعقلها جبير بابا مايصير هذا شرع الله
ضلو شگد يحجون وياي وعلي
الخجل ضيع كل حقي وماكدرت ادافع عن نفسي
ولا كدرت احجي الي شفته كلت منو راح يصدك بيه وروح بيها
وكلساع يعيدون عليه السالفه حته من اجه سامر سمع
وسلام كاعد يمنه وجنه ولا يمه سالفه
زاد حقدي وكرهي لسلام أضعاف لان راح فضحني يم اهله وخلاهم يحجون علي
هنا بدت بيني وبين سلام الحرب
وانا كل يوم ازيد حقد عليه وعناد هوه يتسودن اذا هيج سويت بس ضرب ميضربي يوصل يمي ويصك على سنونه ويعوفني
ويكول عايفج على مود الي بطنج ماريده يتاذا وانتي حرام بيج الرئفه
وانا من يومها اتشرد من عمي وسامر
وسامر يشاقيني ويكلي انتي تعنيتي من ال........
لبغداد غير علمود تزوجين ويصير هيج ويقلد علئ سلام
وانا اموت من الخجل عمتي تسوي بيه فلك وتطرده بره تكله اشو مخليت ستر مغطى عيب عليك
وهوه يضحك ويكلها انتي هم تعنيته من بغداد ل..........
يخلي عمتي تكمز من العصبيه
والبنات يموتن من ضحك
عمتي تشحتهن تكلهن يمه جيل هسه ولا يستحي
مره العصر يمي رواء
رواء: هسه يجن نسوان على أمي يكفن عبي
لان عمتي تعرف تشتغل بل عبي مال نسوان مرات يجن عليها نسوان يرتبن عبيهن يمها
رواء: تعاي رتبي روحج شويه لان كل مايجن يسألن وين مرت سلام. اشو مشفناهه وانتي دومج مشغوله لوفوك
ورده اخذني الواهس وكلت انا ماعندي شي
خلي ارتب نفسي وهم اطلع من هذا الجو الكئيب الي بيه ٢٤ ساعه
سبحت وانا مغمضه وساده عيوني حته ماشوف الماي ونفسي تكوم تلعب
كملت وطلعت لبست فستان ابيض وبيه تور احمر وبيه حزم عريض احمر اجه مرتب على جسمي ومشطت سويت ضفيره ناصيه نازله ومكيجت وخليت كحله ابطن عيني وحمره خفيفه اجت رواء
رواء: الله طالعه تخبلين والفستان يخبل عليج وجسمج صاير يخبل
اول مزوجتي جنتي كلش ضعيفه اشو هسه سمنتي وصاير مليان ويخبل ههههههه
ورده :يععع سمينه ماريد راح اكتل روحي هههههه
رواء : شنو يوكلج سلام بله وهيج سمنتي
ورده: يوكلني قهر ويشبعني كل يوم هههههه
رواء: هههههه امداج
نزلنه ولكيناهن جايات اخذنه ضيافه وسلمت
:صلاوت علئ محمد هاي مرية سلام تخبل
ام سلام: بعد عمري صليتي علئ نبيج اي خيه مرت سلام
:يتهنون ان شاء الله. الله يرزقهم الذريه الصالحه
عمتي مكلتلهن. حامل تكول العين تكتل حته لوبدون قصد
المغرب. اجه سلام
وصاح: وينج يمه
عمتي جانت بملابس الصلاه
طلعت من غرفتها
ام سلام: هااا سلام يمه شكوو
سلام: يمه شنوو اسمه خال ورده هذا الي بيتهم بل.......
الذاك اليوم عمي كال كاعد هنا بغداد
ام سلام: ساهي ابو قاسم شبيه
سلام :يكولون متوفي
عمتي :متوفي منو كلك
سلام: رحيم مودي ابن اخوه الامه وهناك سامع من الناس
ام سلام: انا الله وان اليه راجعون
سلام: شنوو تاخذين ورده اوديكم
ضليت متفاجئه انا صح من زمان ماشايفته وحته قبل احنه مانروح مايقبل ابوي
بس اذكره من جنه زغار. يجينه جان طيب ويانا ويحبنا وأكثر أخواني انا يحبني
وجان يخلي بيدي حلويات وفلوس
بس هوه لكه شغل ابغداد ونتقل لبغداد صارله ١٠ سنين
ضليت مصدومه ومصطكه بمكاني حته دمعه منزلت اليه
ام سلام: اي يمه لعد شلون أخذها عيب غير خالهه
لتفت اليه وحجت
ام سلام: روحي يمه بدلي ثوبج ونزلي
وانا بس البس جواريبي وبدل
صعدت وانا مهبوطه وفكرت بحال امي هسه شلون بيها
دموعي راسا صبن من ذكرت حال امي
رواء خطيه طلعت ثوب اسود وشال وعبايتي وتروح منا وترجع منا
كملت ونزلت لكيت سلام. واكف بل باب
سلام: ورده وجهج اغسليه
تذكرت العصر من خليت مكياج. وباقي الكحل بعيوني
رحت للمغسله وكمت اغسل بوجهي
عمتي لابسه واكفه بل باب
ام سلام: ها انته تودينه يمه
سلام: لا بسياره رحيم نروح نذبكم هناك وهوه يطلع يودي علاج ابن اخوه هنا ناسيه
كاعد يحجي وكفت سياره رحيم بل باب
نزل رحيم
رحيم: هااا جاهزين
سلام : اييي ضلعي
رحيم: اريد ادخل للحمام. بويه راح اموت
سلام :هههههه يله فضنه مو كتلنا البرد وانته بعدك ماتدخل
رواء واكفه. اباب الصاله وتباوع على رحيم
إنا عيني عليهم شلون واحد يسرق النضر علثاني
رحنه وصلنالهم انا امشي وره عمتي هيه طبت لاجت وانا واكفه امي ماكو بس خالاتي سلمت عليهن وبجيت ضلن يبوسن بيه ويسئلن علئ حالي كالن امج باجر تجي رجعنا للبيت وسلام كل شويه يجي يمي
سلام: شلون صرتي
ماحاجيته سويت روحي ماسمعت
رجع وره شويه هم سئل
بس يريدني احجي وياه وديرله بال بس انا ذابتها على صامت حته عيني ما ارفعها بوجها يستاهل
ثاني يوم هم رجعنا للفاتحه عمتي كالت عيب من ام ورده شتكول ليش مجابوها
سلام مارضه اروح بس عمتي اقنعته أخذنا عمي ورحنا
وصلنا هناك وامي جايه تنوح وتبجي حته صوته رايح اجيت كعدت كبالها وكمت ابجي وياهه
حضنتني وبوستني وتبجي بحركه
اجت المله وكامت تنوح وامي ملخت نفسها حته شعرها كطعته
اعصابي تلفت وانا اشوف امي هيج. الله يساعد كل فاقد
النسوان الي بل فاتحه عيونها كلها على أمي شلون ملخت نفسها
واسمع بيهن يسولفن ايي هاي اخته هناك الي بل......
ايي هيه الوحيده الي مشايفته صار كم سنه
ذني اخواته اربعتهن هنا مزوجات قريبات علئ بغداد يعني موبعيدات عليه
بس هيه هاي هناك بلعرب وجايه وي اخوها
خطيه الله يساعدها
هاي اضنها بته الي يمها
وكومه سمعت تساؤلات
كومت امي طلعته بره بل حوش لان فقدت جبت ماي شربتها خطيه ماشربت شويه
بقينا لليل بل فاتحه وبنات خالتي هواي بس انا ماعرف ولا وحده منهن
بس وحده اجت يمي اسمها رباب سلمت وكعدت تسئل بيه
رباب: انتي. ورده بت خالتي جميله
ورده: اي
رباب: وانا رباب بت خالتج عفاف عمري ١٩ صف سادس علمي
وأنتي
ورده: انامادارسه سادس ابتدائي وبطلت
رباب: هاا احنه مانعرفجن مانجي للعرب ولو تجي بس امي لخوالي وترجع سمعنه وحده من خواتج تزوجت ابغداد
ورده: اي انا التزوجت
رباب: هاااا صدك انتي
والله عبالي ممزوجه شكلج زغيره بعدج
بقت اسولف وياي ومبينه حبابه
وكالت كل بنات خالتي اعرفهن وحده وحده وعندي تواصل وياهن
بس خالتي أم حازم لان بلعرب مانعرف عليها شي لاهيه ولا أولادها
وهسه تعرفت عليج وطلعت خالتي موهينه إنتاجها يخبل وضحكت
بقت يمي
رباب: شكد عدج أخوان. وخوات
ورده :ثنين اخوان حازم ومصطفى وثنين خوات ازغر مني فاطمه وماسه خوات
رباب: شكد صار من زوجتي وزوجج شنو شغله مرتاحه لولا
ورده: صار جم شهر عسكري هوه الحمدلله
ساعه ٨اجه سلام ورحيم علينه
سلمت على خالاتي ونسوان خوالي ورباب أمي بوستني
ام ورده: حازم باجر يجي
لان ابوج اليوم اجه وياه زلم ومامر عليج
ورده: أنتي شوكت ترحين
ام ورده: يمه ابقه لسابعه
سلمت عليها وطلعت لكينا سلام
واكف بلباب ومخلي أديه بجيوب قمصلته
ورحيم كاعد بل سياره ركبنه وطلعنه
رحيم: خاله ليش ماعفتي ورده يم امها وخليتي
هذا الصايع يديح اليوم
ام سلام: هههههههه
هوه ماحجه. رجعنا البيت
سلمت على البنات وصعدت فوك غسلت وتوضيت وصليت لان هناك ماصليت
ماكو مكان
اجت رواء
رواء: ورده. امي كالت ماكلتي اجيبلج عشه راح اسوي النه انا ومريم
ورده: ايي. فدوه جوعانه
راحت رواء واجت مريم كعدت يمي
مريم: رحيم وسلام جابو سمج وهمه غسلوه وهمه شعلو ناار وشووه وكلشي همه سوو اليوم
احنا بس اكلنا احنه وعذراء ههههه
ورده: منيييي عذراء اليوم جايه
مريم: هااا شنو لا عفيه لاتكولين لرواء كتلج تموتني
مريم دوم يفلت لسانها و تذب الحجي كله مو مثل رواء ماتحجي. تخاف من المشاكل وتضل تتستر
ورده: كليلي ومااحجي شي عذراء يمته اجت وشكد ضلت
مريم: اجت. الضهر وراحت العصر
ورده: وين كعدت هيه وسلام هم حجو صعدت فوك
مريم يمنه جوه تسولف وتضحك وتشاقي بسلام بس اشوو سلام مدري شعده معبس الوجه ودخل للمطبخ يحضر لصلصه
وراحت وراه بس رواء كبل كالت كومي رحنه للمطبخ وراهم هيه تشاقي بيه بس هوه مايحجي ضايج
حته من طلع سلام ضاجت وكالتلنه شفتن سلام من تزوج شلون تغير عليه من وره مرته غيرته رواء كلتلهه ورده فقيره تحل تربط
مريم:وبعدين صعدت فوك وصعدت وراهه شفتهه تباوع من فوك السطح وشمر حصو على سلام
وهمه اشوفهم يباوعون عليها ومدري شنو يحجون ويضحكون
كمت اغلي غلي واضن لو كدامي اكلها بسنوني صدك هاي وحده ......
كاعدين نحجي ودخل سلام
مريم كبل طلعت
شغل تلفزيون وكعد يشوف العبه
رواء جابت الأكل وخلته وطلعت
ورده: منو جاب السمج اليوم
سلام: انا
ورده: منو شواه
سلام: انا ورحيم
ورده: منو اجانه اليوم
سلام: محد بس رحيم
ورده: وبعد
سلام: محد
ورده: وعذراء
سلام: ورده عوفج من نعال وحت لو تجي اطردهه ماخليها
ردت احجي وكلت خاف يتعارك وي البنات خواته وتصير مشكله
الأفكار اكلت راسي ليش يكذب عليه بعده يريدها بعده يحبها مرن يومين وسلام باجر يلتحق
وكال حضري الجنطه
حضرت كلشي ورتبت الجنطه
هوه اجه وبيده علاكه
بيها فواكه
سلام: رتبيلي فواكه جوعان اريد اكل
هزيت راسي ورحت جبت ماعون وسجين
غسلتهن وكصصته مديت الماعون جاي انطيه اله
أخذه من ايدي وكال
سلام: عوفي تعاي اريد احجي وياج
ورده :خير سلام شكو
ورفع بعيوني ليفوك مراضيه
سلام: احجي عدل لا نعلل ولاديج بت السك....
ورده: شتريد سلام
سلام: اريييدج
ورده: تحلم
سلام: حلمج تخلصين الليله علئ خير صار شكد. صابر عليج واكول باجر تعقل باجر تنسى باجر ترضى وانتي ماكو هذا الباب يتحرك وانتي لا
ورده :سلام لا تعب نفسك ولا تعبني وياك احرك نفسي ولا خليك تلمسني ابووو النسوان
سلام :انعل اهلج كافييي ولج كتلج صرت سرسري وكوا.... وغلطت. وندمتتتتت
وداعت عيونج الليل ماانامه وانتي زعلانه عليه
صرت اكره نفسي وكره الساعه الي سويت علاقه وياهه هيه من البدايه خربت حياتي وعفتها وسحكتهه بل قندره
ليش وشلون رجعت احاجيها وصار بينا تقارب هذا سؤال راح يفطر راسي
ماعرف ليش رجعت اباوع بوجها وانا الي حلفت لو يصبوها كدامي ذهب مااباوع عليها
نطيني فرصه وحده ورده
والله انسيج كلشي واخليج اسعد انسانه بهاي الدنيا
كافي ورده خلينا نبدي صفحه جديده ونربي ابنه الي راح يجي للدنيا
ورده :انا ماكدر انسى سلام صدكني ماكدر
وانا نتهيت وتعبت ومكادره الكي حل النفسي. اطيك فرصه هسه وبعد يومين ترجع تعيدها
اعتقني سلام اترجاك ودموعي نزلن على خدي
حجيت وانا ابجي
ورده: سلام وديني لهلي اريد ارتاح هناك كم يوم
واترجاك لا تجي تاخذني كول انا ماريدهه
ولا تفضحني مثل ذاك اليوم. ابوس ايدك
سلام الحياه ذلتني وانا طفله كلشي مافتهم
أهلي رادو يزوجوني غصب وجنت انضرب ونهان منهم حته اقبل واسكت مومهم موافقتي ويوميه يجبروني علئ واحد وبعدين زوجوني عليك غصب
دشوف سلام شلون هذا الجرح الي بجبيني
والندوب الي على جسمي. السئلتني عليها كله لان رفضت اتزوجك
وأذا رحت هناك يم اهلي اكيد راح يعذبوني أكثر إذا عرفوا بيه. بعدني ماريدك وانا اريد اطلك
سلام خليني اذكرك بشي طيب وزين خليني اروح لهلي وبعدين. اكول انا ماريده
لان انته ماكو حكم عليك من قبل اهلك ولا المجتمع
جررر نفس بقوه وحجه
سلام: ورده انتي عبالج الطلاك كلمه سهله صدكيني راح تتبهذلين واهلج. اذا انا طلكتج هم راح يزوجونج
اخليج هنا يمي ومالي شغل بيج ولا اكرب صوبج
ولي ترديه انا حاضر بيه
وبيوم الي انزل انا انام بل كاع وانتي على جربايه
مستحيل ارجعج لهلج وامن عليج وعلى ابني هناك
إنا نوعاً ماا تقبلت خصوصاً لمن كال ما اتقرب الج
سلام :هااا شكلتي
ورده: ها افكر
سلام: لا تفكرين ابد.
عيونه على بطني ويبتسم
مد يده لزم بطني
سلام: شلونك بابا
ورده: سلام شكلت
سلام: هاي الليله مو من وعدي وعدي من باجر الصبح يبديي وبعدين جاي احجي ويا ابني
خله راسه بحضني وكام يبوس بطني ويسولف على بطني على ساس وي طفل
ورده :سلام وخر من يمي شنوو هاي
سلام: شعليج انا وابني شدخلج
فكيت حلكي
ورده: شنوو تره بطني هاي
سلام: وشعليه بطنج انا وي حبيبي احجي
وباس بطني ويصيح
سلام: اوف ترد الروح البوسه يابويه بس لو ابوسك من ركبتك واشمها حيييل اضن بعدد ما موت
ورده: سلام كوم من يمي تره انته جاي تبوس بطني عود من يصير ابنك بوسه براحتك
سلام :ابوك واحد سريري والدنيا زايعته وامك ماكو اعند منها وماراضيه علي
ماتخليني اشبع منك بوس خاف باجر اموت وانا ماشابع وتضل بحسرتي
ورده :سلام تره بعده زغير ومايسمع ومايفهم شتحجي
سلام :صدك عليج الله ورده منوو كلج
حجيت بفهاوه
ورده: اي والله غير زغير شون يفهم. يتبع .....
فراشات اكو بيكم مامتابعاتني ولاتصوت بس تشاهد
ليش ?شنو سببها يعني 😂
واعيدها عليكم خاف نسيتو اذا هذا البارت جاب تصويتات عاليه هسه وتعليقات علئ كل فقرات انشرلكم بارت ثاني 💙🦋