أجرام مستباح لثلاث ندبات

البارت 29

مساء الخير ...

#أجرام_مستباح_لثلاث_ندبات

                                     بقلم الكاتبة أيلول

                                                          ins: t8_fe3 للتواصل

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

جَروحَك أبالي بُقن ، چَنهن أيُام الزَغِر مَا ينسّن .

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

بــــسام :: رفعت ايدي مسحت على التراب مهدود حيلي

::- منين اجيب صاحب يشبهك

ياهو اليسوه ياخذ مكانك

متندم حيييييل ااــــخ يا النار البگلبي مــــحد يطفيها غير شوفتك خاايب عـــــلي وحگ عـــــلي هديت حيلي ولك مابيه اعين ايدي وامسح عيوني

بكل واجب تكلي يله استشهد حتى ادفنك.
ليش انااااا الدفنتك؟ ليش مكتوبتلي الخسارة طول عمري ليش لازم اعيش الفراگ دوم ليش گـــــلبي يتلوع

:-هاا فطيم اخذتية منيي

حجيتها وخليت ايدي اسد حلكي
::- فــــــاطمة فــــــاطمة ادري ما تقبل ادري

رفعت راسي للسما ليلة تضوي رجعت دكيت بايدي على التراب
::-تتذكر من اجينا نزور ودخلتني للمكبرة نص الليــــل وكتلك ماكو شي يخوفني كد المكابر وفعلا جنت خايف رغم انـــتَ وياي بــــس تخيل هسه مارافلي جفن رغم انـــتَ جوه التراب

دك تليفوني بجيب الدشداشة مسحت وجهي ورفعته فتحت خط ساكت

::- بــــسام

::-ها غـــــدير

::- تعال

::- باجر اجي

::- هنياله فرحانتله من كل گـــــلبي هسه فــــــاطمة  اتأمن ماتخاف عـــــلي يمها

:- خلي بالج على نفسج
سديته منها ورحت للرسائل جريت نفس گـــــلبي موجر وانا اقرة حروف اسمه دخلت على الرسالة الدازها

:- هــــا بــــسام ههههه ادري شجاي تسوي بهاي الحظة عضيت شفتك ورفعت راسك تتلافى تنزل ادموعك
بــــس ابجي ابجي انا استاهل تبجيلي وتشك عليه ثوبك

•- قريت كلماتة وجاوبتة بصوت
::-ولك والله شكيت ثوبي وكلبي عليك ولك يا صاااحب روحـــــي

:- ابجي اول يـــــوم ثاني يـــــوم الحد ما تستوعب انا راحتي بالشهادة وروحتي يم فــــــاطمة افضل من عذابي بدونها
اوصيك بأمي وگلها عـــــلي يگول ممنون على كل ساعة ربيتيني بيها وماحسستيني انا غريب عليج

ودير بالك على ابو اسمر افدية بروحك ادري استشهادي يكسركم انتم الاثنين بــــس صدكوا انا ارتاح فترة وتتقبلون الواقع وتقتنعون عـــــلي يم گمرتة مرتاح
اتمنى تبقى ذاك القوي الغامض المحد گدر يعرف شي عنه حتى عـــــلي اقرب صاحب اله
لا تنكسر باستشهادي ابجي واحزن بــــس لا تطولهــــا

وصيتي الاخيرة لا تنساني حقق التمنيتة
تزوج غـــــدير بداعت خوتنا كون گبل اربعينيتا انتم متزوجين بــــسام وصية هاي وافرح لا تحزن بلكي اكو واسطة للشهداء شي واكدر يومية اجي اشرب وياك استكان چاي هههههه

واذا ما كو واسطات ومايخلوني اجي انـــتَ تعال ههههههه يعني الگبري تعال مو للجنة
مو تستشهد ولك ديربالك مــــحد يسولف عليه
وعلى گمرة عـــــلي

ولا تأجل زواجك امانة
ولوا انا احسن منك زواجي راح يصير بالجنة اعزم بيه كل الطيبين ونحرك كلب اهل جهنم
هههههه

وخلي البنية بعيونك لو تدوس ابطنك لاتمد ايدك عليها اتذكر دائما اليمد أيــــدة على مرة مايستاهلها وهم لان غديره صاحبة فــــــاطمة يعني ما ارضة تغثها

حجيت هواي بــــس الحجي البگلبي اكثر اتمنى تكدر تتجاوز استشهادي بــــس لا تصاحب غيري
ما أريـــــد يصير عندك.صديق اقرب مني تتذكر من مايصيحولك بــــسام يصيحون الولد صاحب عـــــلي شكد جنت افرح ابقى صاحب عـــــلي للموت
وادعيلي بالرحمة والمغفرة واحجي عني لا تنساني
( عـــــلي رايح العروسته)

:- قريتهن كلمه كلمة مختنك ونار تسعر بكلبي مسحت عيوني
::-هنيئآ لك الشهادة  وهنيالي صاحب عـــــلي الشهيد

.

غـــــدير ::- فاتحة عـــــلي ابيتنا عمو ادريــــــس من رجع من الدفن كعد بنص الكراج شاك ملابسة ويصيح بكل صوتة
::-يا عـــــلي يابويه

يـ لشاب يـ لعريس ياعلي يا اول ولدي
كسرتني بوووية واللـــه كسرتني

غـــــدير ::- اباوعلهم من الشباك جنود اكو يبجون البجي عـــــمو ونسوان ملخن روحهن من البجي كلهن من منطقتنا مايقربن العلي بشي وناس تصير

::- يا وكفاااتة يا مروتة وشهامتة

اجه ابو فــــــاطمة يريد يگوم عـــــمو ادريــــــس وعمو اتخبل صيح عليه

::- لوعت گلبه عليهااا ولك زلمة وخليته يخلص الليل يبجي عليها توسل بيك وباس ايدك بــــس حتى تنطيها اله خليتها بنفسه.....انطيتها اله وره ما عذبتة
و منفوسة من نفس ماراضية حتى من صارتلة ماكملت فرحتة ارتااااح هسه عيسى ارتاح

غـــــدير::- سكتوا عـــــمو ودخلوه للبيت عــــمة ما اشوفها بــــس تصعد توكل مصطفى عيونها مورمة وتنزل بسرعة تركض وتصيح
::- يستاهل التعب عـــــلي يستاهل اهد حيلي بفاتحته

بــــس اني المانزلت جوا بــــس اني جنت أريـــــد اخلص يومي نايمه حتى بلكي اشوفهم ويرتاح گـــــلبي بــــس ما اجوا

عـــــمو ادريــــــس سوا فاتحة عـــــلي اكبر من فاتحة فاطمه كاموا الناس يصعدون البيتنا لان البيت الجوه مايكفي عدن يـــــوم يـــــوم واني گـــــلبي متلوع كل مايمر يـــــوم وما احلم افقد الامل وارجع النقطة الصفر. .الحد اخر يـــــوم بالفاتحة

بدأ البيت يفرغ والناس طشت صعدت عمه كعدت بنص الصالة تنعي عليه وتبجي

نفتح الباب وفات عـــــمو ادريــــــس تعبان
وجهه متغير سكتت وكامت وكفتلة تقدمت يـــــمه حضنته وبجوا ثنينهم. يشهك ويكلها

::- راح ولـــــيدي نــــهله راح عـــــلي ابو روح الحلوة

غـــــدير ::- عفتهم ودخلت يم الجهال الجانوا هادئين حييل خايفين وكاعدين
بالي يم بــــسام اتصل ومايجاوب

الحد الليــــل الساعة عبرت ال12 دز رسالة

::- وين اروح؟

::- شبيك

::- تعبان ما ادري من بعده المنو اروح

::- تجي؟

::- جاي

- كمت غسلت وجهي لكيت عــــمة بالمطبخ تسوي عصير
::- عــــمة بــــسام راح يجي

::- هلا بيه غدير صبري عليه واسية لا تبجين وتكسرينة بالزايد تراه حالة يكسر الگلب

- هزيت راسي اي وطلعت كعدت على الدرج منتظرتة اباوع السمر وعماتها يغسلن بالكراج ويعزلن

دخل اسمر يطفر من المي وصل للدرج وهو يصعد يحجي

::- هــــا غـــــدير بيج شي محتاجة شي

::- لا منتظرة بــــسام

::- هــــا ماشي

- حجاها وفات للبيت دقايق ورجع گـــــال
::- شو الطباخ مايشتغل

:- كمت فتت كدامه گلبت منظم الغاز وهو شغل الطباخ. سمعت صوت الباب باوعلي هو وطلع كاله اتفضل بــــس فوتة للاستقبال رجعلي

::- زوجج روحي

:- هزيت راسي اي ومشيت فتحت باب الاستقبال جان كاعد بالگاع مخلي راسة ابين ادية بــــس لمحني دخلت رفع راسة عيونة حمر اوجهه تعبان

تقدمت كدامة رجع دنك مختنك گـــــال
::- شلون اتعود على فراگه

- كعدت كدامه ومديت ايديه الوجهه
رفع عيونة التعبانات يباوعلي.

::- شوف اني هم احس الدنيا طلعت من عيني على فراگ فــــــاطمة بــــس من استشهد عـــــلي اقتنعت ربي يحبهم واختارهم المكان افضل واجمل  من الدنيا

هز راسة لا عاصر عيونة مايريد ينزلن دموعة

::- ما اكدر ولج انا ماعندي غير عـــــلي خلصت عمري وياه شلون اصبر شلون

:- درت ظهري للقنفة وسحبت أيــــدة تمدد مخلي راسة بحضني. مشيت ايدي بشعرة گـــــلبي متكطع واحاول اقنعه واقنع نفـــــسي هم مرتاحين هسه

::- هسه هم احله عرسان بالجنه

::- عـــــلي كاتبلي رسالة يعزم اهل الجنة على عرسهم ويحرك گلب اهل جهنم

::- هههه ..ضحكت ورفعت ايدي امسح دموعي

:- روحة الحلوه تصنيفه بعد ما اشوفهن اخذتة فطيم

::- لاتكول فطيم

::- فاطمة گمرة عـــــلي

- سكتت وهو سكت رجعت راسي ليورة ودموعي يحركن خدي گـــــلبي تكطع على شوفتها. گام من رجليه باوعلي مسحت وجهي بسرعة

جر المخده خلاها بالكاع وسحب ايدي الحضنة تمددت. ساكت وهو راسا غمض وكال
::- تعبان غدوره مهدود حيلي

- رفعت ايدي الخده امسح عليه واحجي بصوت ناصي
::- نام ارتاح

.ماحسيت على نفـــــسي حتى اني من غفيت فزيت على الغطا الينحط علينا شفت عــــمة تغطينه وسوتلي بايدها ابقي ابقي واشرتلي بعيونها اطمني طفت الضوة وطلعت

رجعت نمت وفزيت من سحب أيــــدة من جوا راسي كعدت على حيلي وهو كام فاز كعد على القنفة

::- شوفي ابو اسمر بعد نايم خلي اطلع زحمه منه

:-كمت على حيلي وخرت البرده وباوعت بالصالة شفتهم كاعدين هو وعمه مسويتلة ريوك وتصبله چاي التفتت البسام
::-كاعدين بالصالة

::- شلون اطلع زحمه منه شيگول

:-مايگول شي راح اطلع قبلك اكول العمه تلبس حجابها واطلع

هز راسة موافق طلعت التفتولي ثنينهم
::-صباح الخير

::- صباح النور هلا بيج عـــــمو شلونج

::-الحمدلله ...
عــــمة البسي حجابج بــــسام يريد يطلع

بــــس حجيتها لفت حجابها بسرعة وعمو يباوعلها طلع بــــسام صبح عليهم مدنك كاله عـــــمو

::- غسل وتعال اتريك يله

-فات بــــسام يغسل وعمه بسرعة كامت طكت بعد بيض واجت كعد يمهم بــــسام مستحي واني كاعده على القنفات ابتعد عمو سوالي مكان وحجة بصوتة المبحوح

::- تعالي عـــــمو اتريكي

::-نزلت كعدت بصف بــــسام اسمع حجيهم

ادريــــــس ::- اذا خلصت من عباس عوفة

::- لا سيــــدي ماجنت فارغلة أنطــــيني يومين وصلاحية كاملة

::- الك كل الصلاحية گـــــلبي صاير هلكده منه

::-هاي هيه

غـــــدير ::- طلعوا ثنينهم للدوام كمت ويا عــــمة انضف.
فاتن الايام بعد ماشفت بــــسام مجرد رسائل ابينا باردة وعمو اغلب وقتة مبيت

كمت اسوي ختمات لو ثواب احس روحـــــي قريبة منهم وارتاح كل ما اسويلهم شي بقت حسرة بكلبي اشوفهم بالحلم سوا

كم يـــــوم عدن وتوفت الحجية المربيه عـــــلي  مــــحد انصدم الموت رحمه الها لان مريضة وتتعذب وفراگ عـــــلي زاد عليها الوحيد التأثر بــــسام جان يكول

::- هسه عـــــلي حسبالة مادرت بالي على امه وانا واللـــه عايف بيتنا واكعد يمها واللـــه درت بالي عليها..

نــــهله ::- ادريــــــس داخل بكآبة ماكدرت اطلعه منها كل وقته بالشغل وبالمكتب حتى نومتة صارت بالمكتب كم يـــــوم وراسلو  اهل خطيبة اسمر

::- هــــا واللـــه انتوا معلكين البنية فضوها

- وادريس يحلف مايسوي عرس الا بعد سنه واسمر يصيح اطلك صارت هوسة لمن قرروا  يكملون كلشي ويسافرون بدل العرس وسمر رجعت الزوجها بعد ماخلتة يبوس الگاع

::- الشي الكاسرني جــــمرة وزعلها كل ما اتصل زوجها يكلي ما تقبل تحاجيج صبري انا اقنعها
وهاي اني صابرة ومحرومة حتى من صوتها الحد يـــــوم اجه ادريــــــس غسل وفات المكتبة سويتلة گهوة واخذتها خليتها گدامه ودرت اريد اطلع گـــــال

::- اوكفي نــــهله

::- التفتتلة. اشرلي براسه تعالي بقيت واكفة بمكاني

::- تعالي منو وياج شكو ضايجة

::- تقدمت كعدت كدامة مدنكة والدموع تفتر بعيني

::- شبيج احجيلي احد مضوجج

- رفعت راسي امسح بعيوني مختنة

::- سولفت الجمره كتلها تزوجت وزعلت مني صارلها بالاسبوع ماتقبل تحاجيني وماتجاوب وكلبي ما مرتاح

::- عوفيها كم يـــــوم تقتنع وتتقبل الامر

::- ما اكدر ادريــــــس اريد اموت اني طاك گـــــلبي على فراگها مو نوب حتى صوتها انحرم منه

::- دشوفي هسه ترجع ماتكدر بــــس عوفيها لا تلحين عليها خليها براحتها

::- جريت نفس وهزيت راسي ساكتة. طلعت من الغرفة فتت يم غـــــدير لگيتها مطلعة ملابسها كلهن

::- شحاي تسوين

::- عــــمة اتبرعي بيهن ما اكدر البسهن بعد.مثل ما اتبرعوا بملابس فــــــاطمة تبرعي بهذن هم

::- جهاز عرسج هذا

::- وهيج اني گـــــلبي ينطيني البس اشياء جانن بنفس فاطمة ومختارتهن الي مثل ملابسها
ومتفقين نلبسهن سوا ونطلع سوا وكل سي مشترينة مخليله خطه

عــــمة واللـــه والقران احس كلشي طلع من نفـــــسي حتى بــــسام ماعندي اي لهفه تجاهه احس اريد انفصل ما أريـــــد ازوج بعد ومن اشوفة مكسور ويكلي ماعندي احد ما عندي غير عـــــلي اخاف اعوفة بنص الطريق واكون غادرتة ومن اقرة رسالة عـــــلي كاتبلة تزوج غـــــدير وديربالك عليها اخااف اعوفه

نهلة::- جاي احجي ودك تليفونها عفتها وطلعت بــــسام كايل الادريس انا مال عرس ما اسوي ما اگدر وهل ايام أريـــــد اخذها
ادريــــــس حاجاني كتله مالي علاقة هو وياها
يتفاهمون احسن

غـــــدير ::- رديت على الاتصال مالي واهس بشي
::- الو

:- هــــا غدوره شلونج

::- الحمدلله انـــتَ شلونك

::- نحمد الله .... اكلج أريـــــد اجي عندي موضوع وياج

:- تعال

ربع ساعة انا يمج

::- تمام ......سديت الاتصال وكمت لميت شعري بقراصة ولفيت شال على راسي اباوع بوجهي
شكد جنا نهتم اني وفاطمة شكد نسوي عناية وتنضيف وهسه وجهي مطفي.

طلعت يم عــــمة لمن اجه بــــسام اخذت مي ودخلت يـــــمة. بقيت واكفة بالباب طول هل ايام ماشايفتة وجــــهة ضعفان وملابسة سود. والجكارة بأيده ركزت عيني على الجكارة طفاها بسرعة

رجعت باوعتلة. ::- من شوكت تدخن؟

-سكت يياوعلي ومد أيــــدة تقربت نطيته مي وكعدت شربه والتفت عليه همس

::- شلونج

::- الحمدلله ....شو صاير تدخن؟

دنك راسة وحركة بمعنى اي رجع باوعلي وحجة

::- غـــــدير انا من بعد عـــــلي كلشي بنفسي هان ما أريـــــد اظلمج بــــس ما اكدر اسوي عرس

::- ومنو كالك اني اكدر

::- سمعيني تردين بدلة تردين صالون احسن مركز احجزلج عنده بــــس عرس وفرحة ما اگدر

- جريت نفس بغمج گـــــلبي مشتعل نار
::- ما أريـــــد شي بــــسام كلشي ما أريـــــد لا عرس ولا بدلة ولا اي شي

::- يـــــوم الخميس اسوي عشا يعني بــــس اهلي واجي اخذج متفقين؟

:- يا خميسسس مستحيل اقل شي بعد سنه

::- يا سنه شبيج جاي اتعب انا أريـــــد اجي يمج واريد ابقى يم امي واريد لدوام ترا نهديت اركض منا ومنا

:: شوكت جاي يمي بــــسام من شنو تعــــبت اليسمعك يگول ماكله گلبه والا كل يـــــوم يجي

::- ماقصدي هيج بــــس افهميني تعبااان واللـــه تعبان مو الخميس السبوع اليجي من أريـــــد نروح للاربعينة انتِ مرتي مثل ما عـــــلي وصه

::- دنكت عيني ساكتة اهز برجلي. سحب راسي عليه باسني وضمني الصدرة

:- اعذريني حرمتج من كلشي بنفس كل بنية

::- كلشي طلع من نفـــــسي هاي هي التريده يصير .....

.......
جــــمرة ::- الحجية جنها مخبلة مدري شبيها

بس احاجيها كلمة ترفع عوجيتها تريد تضربني
الحد ماكتلها

::- باوعي ترا اني مو صاحية واللـــه مريضة مرات تجيلي افكار عجيبة أريـــــد اكتل شكو واحد يمي يعني تخيلي مرة لزمت عليهم سلاح ومرة خنكت الأبـــــهر ومرة كعد لكاني مخليه سجينه على ركبتة أريـــــد اذبحة

عكدت حواجبها ونزلت العوجية خازرتني كالت

::- امشي الغرفتج يله

:- عفتها وفتت للغرفة الوب شكد غلطت عليه وسبيتة وين عافني وين خلاني. محبوسة ويا انسانة ما اعرف اذا هي صاحية لو مخبلة مثلي

ماتقبل تحجي وياي ولا تقبل اكعد يمها واني من ابقى وحدي افكاري تسود عيوني وتجبرني اتصرف اشياء ما اريدها وابسط شي الشردة بــــس ابقى كاعده وحدي افكر اشرد

اكثر من اسبوع مر وانا كاعده يمها ومحد بين لا عمر ولا الأبـــــهر وهي تطلع من البيت من اني نايمه ومن اكعد الكاها موجوده ومتسوكة
تجبرني اعدل جربايتي واغسل المواعين

اراويها ايدي وشلون رجفتها قوية تبقى خازرتني

اختنكت حيل غلطت عليه ورفعت ايدي امسح عيوني
اخذت ملابسي وفتت سبحت بــــس طلعت اخذت الدهن والمشط ورحتلها للغرفة الثانية فتحت الباب على كيف باوعتلها مختنگة

::- مشطيني ما اگدر

بقت خازرتني. فتت كعدت كدامها
::- انتِ شبيج تخوزرين شمسويتلج

::- ماتمشطين انتِ

::- ما اكدر ماتشوفين ايدي من ارفعها الشعري تتعب اكثر

::- ما امشط احد انا

::- ليش عافني يمج

::- مأمن عليج

::- ماصنتي الامانة اذيتيني

::- شمسويتلج

- جريت نفس مختنكة ::- تعاملتي وياي على انو اني انسانة صاحية بــــس بالواقع اني مريضة هيج معاملة تأذيني
احتاج انسان احجي وياه وما ابقى كاعده وحدي وتسيطر عليه الافكار السوده
انتي حتى ماتقبلين احجي وياج. عازلتني بعيد عنج .
تقفلين عليه باب الغرفة وبالليل احتاج الحمام وادك على الباب شكثر ماتفتحينة
بــــس كليلي الأبـــــهر وين هو شلون قبل ابقى يمج

.بقت ساكتة ودنكت تحوك بشي ماروني. كمت من يمها مغثوثة رجعت للغرفة شمرت المشط وتمددت دموعي يچون خدي وتفكيري وين راح وعافني

يلووومني من اشرد يلومني واللـــه الا اشرد
مسحت عيوني اشهك. واهز براسي لا ما اشرد خاف صدك يضيعون اباذر ودرة
يارب يلگاهم يارب

غفيت وره تعب التفكير وافكاري المتناقضة
ابين الغافين وكاعده احس شعري. ينبعد عن ركبتي وملمس جلد ابين ركبتي واذني فتحت عيني بتعب عبالي اتحلم

لمحته متمدد بصفي ورافع راسة على أيــــدة يباوع بوجهي فتحت عيني على وسعها جاي اصرخ سد حلكي وجراني الحضنه واني اصرخ وادفر

::- بــــس احجيلج لا تصرخين راح اوخر ايدي

::- هزيت راسي اي بــــس سحب ايده صرخت بغلط رجع سد حلكي وكعد جراني الحضنة مقيدني ويحجي

::- بــــس اسمعي ماعفتج مجبور  كملت شغلي واخذت ثار حركج

- حجاها وسحب ايدي باس الحرك. هدأت  نزل أيــــدة من حلكي التفتتلة ابجي واصيح
::-وين جنت

نزل عينه وجاوب ::- عد. قسام

دك گـــــلبي حيل خفت ::- شتسوي

سحب ايدي يتحسس الحرك مبتسم وساكت

::-چويت قسااام؟

::- هز راسة اي تخبلت

جــــمرة::- نزلت من الجرباية ارجف وامسح بوجهي متهسترة ::- معلكك جاااان يعذبك مووو شسوالك حركك مو چواك چـ چـواك بالسجينة أبــــــهر حركك مو مثل ماحرك ايدي حركك

نزل وكف كدامي بــــس يريد يهديني فقدت جريت القميص حيل طكن الدكم فتحته ارجف واباوع بصدرة امشي ايدي على الاثار القديمه واحجي
متخبلة

::- ماحركك ما عذبك مو ما سوالك شي. مو ماسوالك شي

لزم وجهي ابين ايديه مبتسم

خليت راسي على صدرة وحضنته دموعي بعيني
::- خفت حيل خفت الحرك يوجع الگلب خفت يحرگك من جديد أبــــــهر لاتروح عليه بعد لا تعوفني عفيه لا تعوفني

.احجي وهو جامد بمكانة ساكت ايديه الحاضنتة بيهن حركتهن على ظهرة الزم فرگاسات وهو تشوغ روحة ويكتم بــــس نشغتة اسمعها

ابتعدت فاكة عيني كلها أريـــــد افتر وره ظهره
لزم ايدي هز راسة لاجريتها وفتريت وراه سحبت القميص من ايدية

رجف گـــــلبي واني اباوع الظهره مشيت ايدي الترجف عليهن رفع راسه ليفوك
::- كـــــافي جــــمرة

- شهكت ابجي ::- چواك هم حركك ليش رحتلة أبــــــهر ليش رحتلة

سحبني من ايدي وكفني كدامه واني فاقده ما اعرف شنو سبب رد فعلي خفت اخسرة وابقى بايد هاي المره خفت من منظر الحرك لان جربتة وشفت قسام شلون يحرك بروح بارده وابد مايهتم

حضن وجهي ابين ايديه مبتسم ويمسح دموعي بابهامة

::- مايوجعني المهم چويتة واخذت ثارج عبالج اعوفها اله اطلعها من عيونة لو يعلكني شهر مو اسبوع

::- يوجعن الحرك يووجع اني جربتة يوحعن والله يوجعنننن

::- اششش لا تبجين شبيج جــــمرة

::- لا تروحله بعد عوفه. ماتشتغل وياه

::- هههه اشش كـــــافي تعالي

- كعد على الجرباية وكعدني بصفة گـــــلبي يوجعني حيل ومنظر الحرك البظهرة اكل روحـــــي. وخــــر شعري من اذني

::- ليش ما امشطة

::- هاي ماتقبل تمشط شعري واني ما اكدر ارفع ايدي

كام وكف جلبت بايده: :- وين رايح؟

:- هسه اجي اجيب مي حتى امشط شعرج

هزيت راسي اي موافقة وطلع رجع جايب مي ابطاسة كعد وكعدت كدامه بلل شعري ومشطة. كمل وحضني من ظهري

::- مشتاقتلي؟

:- اي شوية لان مــــحد يحجي وياي تدري اني اذا مــــحد يحجي وياي ابقى افكر تفكير مو زين اشرد اكتلك انتحر مدري شنو

سحب راسي اله وباسني ابين عيوني غمضت عيني لازمة أيــــدة وجسمي كله يرجف من منظر الحرك البظهرة حركت رجلي ونشمرت علاكة بالكاع ابتعدت اباوعة ومديت ايدي سحبتها علاكة بيضة وعليها اسم صيدلية فتحها بسرعة

عصاره وحبوب

::- هاي الظهرك؟

:- اي

:- اخليلك.؟

:- اي

- نزلت من الجرباية وهو زحف لنص الجرباية صرت وراه مديت رجلية مثل مثله خليت عصارة على اصابع ايدية يرجفن. وامسح.ظهرة خايفة

::- أبــــــهر يوجعنك؟

هز راسة لا مد أيــــدة لزم رجلية الممدودات بصفة وسحب اصابيعي يطكطكهن

::- لا أبــــــهر يوجعني

::- شبيج ضايجة سنايبر

- كملت ظهرة وحجيت واني امسح بايدي

::- ابيش حركك

بقى. ساكت

::- أبــــــهر

:- اسألي اني ابيش حركتة مو هو
بنفس المكان حركتة هم بايده فرفحت  روحة مثل ما فرفح روحــــــج.

::- ابيش حركك

::- لا تسألين

::- سألت
. مسحت المكانات المابيهن فركاسات وتقربت الركبتة من وره بستها شايطة روحي
::- ابيش حركك أبــــــهر؟

::- بالدهن

:- غمضت عيني داخلي يرجف بس ما اعرف شنو الجابرني اسأل
::- شلون

::- لا تسألين هواي نعسان تعالي اريد انام

:- سحبني من ايدي وتمدد صفح مايريد ينام على ظهره ورافع راسة على أيــــدة

::- شلون تنام هسه

::- ههه هيج

.حجاها ومد نفسة على بطنة نص جسمة عليه وراسة ابين ركبتي وكتافي. رفعت ايديه وحضنت راسة احجي

':- بعد ما اخليك تروح القسام وتشتغل عنده أبــــــهر تعــــبت اني

::- اممم

:- دغيت راسة بايدي: :- ابهر جاي تبوس؟

:- هههه اشش

::- اهوو

::- وسم شمسوي

::- يسمك اني مو كلت ما انطيك وجــــهة ليش انطيتك

::- لان انا استاهل

::- بــــس وخــــر خلي احاجيك اوكف باوع

::- هــــا

رفع راسة يباوعلي

::- انـــتَ شلون تعوفني ويا هاي المرية وتدز عليه عمر انـــتَ ماتخاف عمر يخطفني لو هاي المرة تذبحني وتبيعني

::- هههههه ولج شو صاير تفكيرج كله اكشن

::- بفضلك غير

::- اممم نخابر امج؟

::- لااا نترت ودفعته من صدرة

::- خطية جــــمرة لو تسمعين صوتها شلون تبجي

:- شدراك

::- من عمر يجي يمي اكله يخابرها من جهازي واحاجيها

:- سكتت دايره وجهي منه وبلعومي محتقن
رجعت درت عليه

::- شنو سالفة اباذر ودرة كايل العمر اذا تشرد لو تسوي شي تضيع اباذر ودره؟

ابتسم مدنك عينه يلعب بالدكمة البلتشيرت مالتي.

::- احاجيك هيوو

::- جذب بــــس لان ادري بيج هذا الموضوع كلبج يلين من ناحيتة عرفت اذا كتلج يخصهم ما راح تشردين او تسوين اي شي

:- صفنت بوجهه گـــــلبي محروك ::- جاي تستغلني انـــتَ

::- شوية

::- لا تصير حيوان اتأملني راح تلكاهم وتجي تضحك ولا كأنو وتكلي حتى ماتشردين

صيحت وضربتة أريـــــد يبتعد مني

::- جــــمرة شبيج هم هرموناتج عالكه قبل شوية تحضنين وترجفين شبيج كلبتي

::- وخرر يابة وخــــر خنكتني خرب

سحب أيــــدة ونزلت من الجرباية اغلط عليه نام على بطنة اخذ كل الجرباية كعدت بالگاع. اغلط وهو بــــس فاتح عينه يباوعلي لمن دست حيل وفشرت بغلطة مرة هو كالها خزرني وحجة

::- لا تتسوفلين سنايبر

::- شريف انـــتَ على اساس

::- لا ويني وين الشرف بــــس غلط خايس لا تلفظينه

::- معليك كل ما تجذب عليه اغلط شي جديد مــــحد غالطة

سكت وغمض عينه خليت اصبعي بكصته ودغيتة فتح عينه رافع حاجبه. ::- هاا

::- من اغلط باااوعلي

::- باوعت يله اغلطي

::- كوم نروح منا ماحب المره هاي

::- نعسان جــــمرة من اكعد نحجي.

حجاها وغمض
::- كوم كوم ماتنام واللـــه باوع

بقى مغلس وكفت على حيلي ورفعت ايدي اهدد
::- أبــــــهر حاجيني واللـــه جاي تحركون بگلبي من تلغسون

- فتح عينه رفع جسمه وسحبني من ايدي للجرباية

::- دتعالي اشعل اليحرك گلبج شبيج شبيج

::- صار سبوع هاي المره ماتحاجيني وتقفل عليه الباب

ضحك
::- ترا انا كايللها مرتي مخبلة واخاف عليها شوية مو بعقلها حتى تدير بالها عليج

:- باوعت بوجهه ساكتة راسا رفعت ايدي وضربتة راشدي دار وجــــهة يضحك

::- واللـــه حقير انـــتَ اكبر نذل المجرم

- رفع أيــــدة يلزم وجهي مبتسم واني خازرتة مشاعري باردة عكسه نزل أيــــدة الشفتي ورفع عينة يباوع بعيني

::- تتذكرين من بستج منا

::- اي وتقيئت عليك

::- اي جانت اخيس بوسة بالعالم شبيج خربتيها عليه

::- انـــتَ جنك ماشايف اني لعبانة روحـــــي حتى من اسمك وانتَ تبوسني شتريد اصفكلك

::- لا شايف بــــس الشي النضيف واول شخص تلزمة انـــتَ وبالحلال شعورة يختلف

::- اشايف؟

:- معليج نرجع للبوسة

::- لا صدك اني ما سائلة انـــتَ تحب البنات

::- لا احب الولد المثلج

::- جاوب عدل يعني انـــتَ هم متزوج

::- ههه لا اسكتي هسه أريـــــد انام بــــس
خلي ابوسج قبل ما انام؟

::- لا

::- وحـــدة

::- ترا ادفرك

:- نزل راسة الرگبتي ونام بقيت كاعده بالبداية متقيده وراها رجعت نمت

وفزيت من حسيت خيال يمي بــــس فتحت عيني خله أيــــدة على حلكي جريتها مقاومة وما اتنفس عيني بعينة همس

::- اسف

:- نزلن دموعي وانا اباوعله وكاطعة النفس مايتغير بس اني جاي انطي من نفـــــسي والين واشاقة.واضحك وياه وهو المفروض كلمه ما احاجية واشرد.منه باول فرصة بــــس ااني الغلط. كله مني تنفست وغمضت عيني مستسلمه هاي هيه

حتى من صحيت بقيت مغمضة عيني ما أريـــــد اشوف خلقتة شكد ما اذاني شكد ماكرهتهه سمعتة من دخل يحجي بصوت ناصي على التليفون

::- ما اعوفها يابة ما اعوفها وين اوديها ترا اذا اخذتها الامها اروح انا بالرجلين وخاف اورط اخواني

ومال اخلي احد يوصلها لو اعرف انكتل

اي عادي ابقى اشرد من مكان المكان روح عمر روح صاير تغث

جــــمرة ::- سد التليفون واجه يمي وانا مغمضة مسح على خدي وحجة
::- كعدي اكلي

::- كمت على حيلي صيحت بكل صوتي

::- الله يااااااخذك لك مووووتتني واللـــه موتتني

فقدت ملخت نفـــــسي ركض جلب بايديه ويصيح
::- شبيييج

::- لمن انهد حيلي وكعدت بــــس اشهك واجر نفس گـــــلبي يدك حيل.واهمس بتعب
::- دمرتني ماخليتني نفـــــسي جــــمرة اخذت مني كلشي

::- اضربيني انا لا تملخين روحج

::- بس عـــــوفني لو ميتة لو مكسورة ايدي ولا مادتها على فلوسك ذيج الساعة المصخمة شجاااابني عليك شجابني

::- كـــــافي راح صوتج هسه شبيج

- فلتت روحـــــي من حضنة ودرت عليه مسحت عيوني ارجف واحاول احجي بهدوء

::- شبيه؟؟
اكلك شبيه جنت اربعة وعشرين ساعة اشتغل
ما احب اسولف ويا احد انام قليل وباقي يومي دراسة وشغل
هههه جنت ما ابجي ولا اشكي واللـــه جنتتت ما ابجي
وهسه دموعي ماينشفن جنت امشي بالليل وما اخاف ..وهسه من خيالي افز انـــتَ شسويت ييه شسوويت

- ضميت وجهي ابين ايدية ابجي واشهك اكرهه نفـــــسي من احس روحـــــي مو جــــمرة مجرد انسانة ضعيفه وكل حلها البجي سمعت سحبة سلاح رفعت راسي جر ايدي لزمني السلاح وخلاه على گلبه

::- اذا متت تخلصين وترجعين الحياتج ارتاحي

:- رفعت ايدي الثانية على السلاح وهو لازمة وياي ويرجف دنكت عيني عليه وهمست
::- شدوس

رفعت عيني اباوعلة جمد كله بلع ريك عيونة تفتر ابين عيوني

:- سحب اصبعي للزناد غمض عينه وجر نفس بقوة همس
::- الزناد هنا بــــس اضغطي بقوة

::- وتلزمني الشرطة واخلص باقي عمري بالسجن؟

::- لا يكرمونج لان كتلني مجـــرم مثلي

:;- وتخليني عايشة بتأنيب الضمير طول حياتي
واذا لكيت اباذر ودره شگول اني كتلت اخوكم الدورون عليه؟؟

كل حلولك اذيه الي كلشي تفكر بيه انا الوحيده الخسرانة

سحبت ايدي منه ورجعت لفراشي ابجي كام طلع من يمي كون ارتاح كون ارجع جــــمرة القوية وما تخاف.
شي واحد.تمنيت اخلص منه تناقص افكاري مره أريـــــد اصير وياه واساعده ومره افكر بــــس بنفسي.

الحد ما مليت وكمت.طلعت من الغرفة اتلفت واباوع لو كل البيوت الدخلنالها للأبهر هسه هو شكد غني جان البيت بسيط وما مفروش شفته من الشباك لازم صوندة مي ويرش فتحت باب المطبخ التفتلي. سندت ظهري على الباب اباوعله. ابتسم ودنك يرش
بقيت ساكتة التفتت ابااوع وفززني من رش عليه المي صيحت فازه واغلط وهو يتقدم الحد ماخله الصونده على راسي المي بارد وحلو والجو حار. ضحكت وافتريت جوا الصونده

الزم بملابسي اسحبهن حتى مايلزكن ويبين جسمي. بس هو جانت نظراتة على وجهي ومبستم الضحكتي

جريت الصونده منه
::- جيب خلي اسبح عدل

عافها بأيدي وحجه

::- اجيبلج شامبو؟

::- رشيت عليه اضحك واصيح لاا

::- لاااا ولج ظهري يلتهب

نزلت الصونده وكعدت ارش على نفـــــسي نزع قميص واجه كعد كدامي

::-يله عادي بلليني بــــس مو ظهري

::- حتى صدرك بعده الحرك ما صاير زين

::- لا ترا مو قوي بــــس الجلد الفوك وجاي يتكشر

قربت الصونده الصدرة ورجلية دفعها

::- كومي قللي الحنفية لان جاي يوصل المي الظهري

- كمت بسرعة سديت الحنفية للنص واحاجيه
::- هاا

::- اي يله تعالي كـــــافي

::- جيب دنك راسك

::- دنك راسة الحضني يضحك رشيته مي وبايدي افرك بيه واحجي

::- ابو الوصخ قذر

رفع راسة مبتسم فر راسة قوي والمي يطفر منه ضحكتتت حيل

::- واللـــه هاي الحركة شايفة چلاب يسونها من يدخلن يسبحن بالشط ويطلعن ينكثن نفسهن هيج

::- لو ادري شمصبرني عليج ولج هواي تغلطين عليَ

- رشيت مي بوجهه. ::- اسكت يله اسكت

جر الصونده مني. وسحلني من شعري نومني على رجليه وخله الصونده على وجهي ضليت ادفر بــــس أريـــــد اكوم واتنفس عبالك غرگانه وهو يضحك الحد ما وخرها وجريت نفس

::- يااا جلب يا نذل غركتني

::- ههههههههه حتى بعد ما تغلطين عليَ

::- انجب يا.....بعدني ما مكمله رجع الصونده على وجهي ولازمني من شعري بكل قوتي ادفر وخرها يباوعلي يضحك

::- شبيك الارعن غركتني

::- اي غركتج مدخلج للمسبح

::- وخــــر عـــــوفني
كعدت على حيلي امسح وجهي من المي ويرجع يرش عليه جريت الصونده منه ما انطانياها تلاوه وياي واني مجلبة وكعته على ظهرة صيح شايغة روحة واني بسرعة وخرت واحجي

::- انـــتَ وكعت معليه

::- خرب يومج ويوم اليشاقيج

::- اااااي تره انـــتَ وكعت مو اني

::- لا مو انتِ تناطحين شبيج الخاطر الامة

- كام من المي.ظهره متنكع والفركاسات بيهن طاكات. سد المي وباوعلي ضايج. رفعتلة اكتافي ونزلت شفايفي عود معليه ضحك

::- هههههه كلشي ما تــــدرين وكلشي ما عليج
وتسوين المصيبة وتكولين ما ادري اااخ سنايبر سنايبر

::- اكتشفت اني اقوة منك بسرعة وكعتك.

::- هااااا مو هسه تكولين انـــتَ وكعت مو اني وكعتك

::- اي عبالي تعورت حيل بــــس شو كلشي مابيك

- ضحكت وفتنا للبيت اخذت ملابس وفتت للحمام سبحت وهو دخل وراي من طلع عقم ابره واجه كعد كدامي

::- طكيهن كلهن

::- ما يـــــمة اخاف

::- جــــمرة لا تصيرين جبانة يله بــــس بزيهن بالابرة ومعليج

- اخذتها من أيــــدة گـــــلبي يدك.حيل ويوجعني غمضت عيني. رافعة الابره وخايفة بسرعة نبتتها بااول وحـــدة طفر يصيح وشايط

::- لج هيه هيييييج لج وصلتي الابره الگلبي شبييج

::- انـــتَ كتلي

::- خرب روحـــــي من كتلج شسوي هسه اعدمج شسووي

::- واللـــه ترا ما اطكلك البقية لا تصيح

::- وهو يااا زوج يخليج اطكينهن بعد منتظر عمر ومتحمل ذلتة ولا متحمل ثولج

اخذت الابرة اوكفت

::- لا يله تعال على كيف

::- ما أريـــــد وخري

::- على كيف عرفت شبيك

افتريت ورا ظهري وهو يفتر وخازرني ماقابل

::- ما اوجعك هيه ابره شبيك خواف

::- وخري ما ارريد جاي تنتقمين مني انتِ

::- اووكف
ركضت وراه رافعة الابره وهو يصيح

::- شبييج تخبلتي الخاطر القدس شبييج

::- اووووكف لك

::- ما أريـــــد.ما ااااريد فركاساتي اريدهم لا اطكينهن ولا يطكنج

::- ابد اليوم اطكهن يعني اطكهن

::- جــــمرة ما أريـــــد توجعين گـــــلبي

::- لا واللـــه هل مره على كيف

استسلم رجع كعد وصدك.طكيتهن على كيف وخليتله عصارة ..

كمنا سوينا غدا سوا هوا يسوي بــــس اني اسولف تغدينا ونمنا للعصر گـــــال راح اروح بشغل واجيج قبل الليــــل

وفعلا طلع يمكن ساعتين ورجعلي متلهف
وكفت متفاجئة

::- جــــمرة ماعندي غيرج

::- شكو

::- يمكن لكيت درة

- ابـــــتسمت بسرعة وهو عــــــيونة مدمعة
::- صدددك وينها

::- ما متأكد بــــس هيج مجرد شك بنية يتيمة هي وبعمر درة بــــس الاسم يختلف بلكي تطلع هي

::- شسوي كلي

::- اخذج الهم هي عايشة ويا ناس ما اعرف شي كولي اي جذبة بــــس شوفيلي ايدها بيهن اثر لو لا

::- شكول يكشفوني

::- لا لا كليلهم جاي اخطب

- سكتت اباوع بعينة وعلى لهفتة هزيت راسي موافقة. يرجف كله لبسني وطلعنا مظلل السيارة
بمظلات على الجام وبس الكدامة واليمه مابيهن

مشينا هواي واخيرا وصل وهو يوصي

::- جــــمرة لاتغدريني

::- واللـــه ما اغدرك

::- دكي الباب واليطلعلج كليلهم خطار اني من يدخلونج كليلهم وصفولنا بنية عدكم وجاية عليها واذا كاللج ليش وحدج كليلهن اذا صارت يجون يعني لغمطي السالفة من يمج سديها شلون ماكان

::- هزيت راسي اي ودرت أريـــــد انزل صاح

::- جــــمرة

باوعلي اميل راسة وعاض شفتة
::- ما اشرد واللـــه

- فتحت الباب ودرت عليه
::- اكلك خو كبل اكلهم جاي ادور على بنية بايدها ثلث ندبات

::- يطردونج جلاليق

سوي مثل ماكتلج

::- خوش .....نزلت وافتريت صرت يم جهته وكفت ورفعت البجامة من جوا الصاية كز على اسنانة وحجة

::- لج كاااامرات جــــمرة

::- انـــتَ جايب التراكات كبار يطيحن ترا

::- امشي

::- مشيت خطوة ورفعت الصاية وخليت رجلية بوضع الاستعداد للركض وهمست

::- أبــــــهر

دار عليه متحلف

::- راح انززززلج لج

::- اش يله كـــــافي

عدلت ملابسي ومشيت عدل دكيت الباب. ورجعت للسيارة اركض والابهر تخبل يصيح لج لجج وصليت يـــــمة كتلة

::- شكللهم من يفتحولي الباب جاي اخطب؟

::-كولي خطار ومن يدخلونج للبيت كولي جاي اخطب

::- يله خوش باي

نفتح الباب وبنية مدت راسها ابتسمتلها گـــــلبي دك حيل خفت مدري شبيه
::-السلام عليكم

::- وعليكم السلام اهلا وسهلا

::- سكتت اباوعلها وهي تباوعلي ماكالتلي فوتي شوية وكالت

::- تفضلي امر خدمة

::- خطار يمكم

::- كل الهلا تفضلي تفضلي

:- فاتت للبيت واني وراها وهي تصيح على الجهال فوتتني الغرفة بيها حجية ويمها عوجية درت عيني على الباب احفظ.طريق الشردة

::- حجية خطار علينا

::- السلام عليكم

- دارت جرت عويناتها وفتحتهن على مالبسهتن ساعة يله شافتني وكالت
::- وعليكم السلام اهلا وسهلا تفضلي

كعدت يمها وهي تسأل بنيتمن انتِ

بقيت ساكتة ما عندي جذبة جابلي مي شربت وبقيت لازمة الكلاص مدنكة ضاع الحجي وين يله تذكرت ورفعت راسي للحجية والمره

::- اني أريـــــد اخطب بنية الابوي ..الاخوي الاخوي وكالوا عدكم بنية خوش بنية واجيت اخطبها

::- باوعلي ثنينهن مستغربات واني اجور عيوني للباب كلساع أريـــــد اكوم اركض واشرد بــــس ينسد. الباب اركض

الحجيه ::- منين انتِ غير نعارف من ياعشيره من يافخذ

::- فخذيش

::- يـــــمة منين انتِ

::- عشيرتي قصدج

::- اي

::- جبورية

::- من يا منطقة

::- مدينة الصدر

::- شجابج علينا

::- وصفولي واجيت

::- اخوج شكد عمره شمكمل شيشتغل

::- لزمتني الضحكة عضيت شفتي ساكتة بــــس أريـــــد الضحكة تروح حتى احجي ماكو جلبت بلعتها كوه وكتلها

::- هو ممرض
وعنده محل حلاقة

حجيتها واجت بنية بأيدها صينية بيها كلاصات عصير شعرها اصفر وحواجبها سود طوخ وهي سمره لابسة تراك ربع ردن اخذت العصير منها وكعدت بصفي راسا درت عليها وكتلها

::- بله ايديج
سحبتهن ثنينهن باوعت بيهن مابيهن اي أثر.ولا حتى شوية صافيات حيل نزلتهن وكتلها

::- يا لا مو انتِ

- والتفتت على المرة خازرتني وساكتات راسا كالت

::- انتِ ناصبة علينا كومي اطلعي برا

::- واني ماكلت باطل طلعت اركض وهن وراي بالباب ويحجن. اتلفت ادور السيارة مو بمكانهــــا دكالي هورن واكف بالفرع بــــس بداية السيارة مبينة اول ماشفتة ركضت شايله الصاية بايدي واركض اضحك

يتبــــــع⋆𓍯
الكــــاتبة أيـــــــلول⋆𓄼𓂁

🌿💚

.