مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه
عودي ياطيور السلام ورفرفي في سماء العراق
خمدت نيران الحرب ونكست الرايات السود ورفرف علم الله أكبر
بأمان في سماء عراق علي والحسين
يوالدته. يوالدته كومي طگي حرمل
ابنج بلمغيسل وماگلب لونه بحيث الماي
صبيناه وكع جكليت مغتر بلجفن والعيد
بسنونه ابنج يفرق حيل. من جثر السلام البيه
من الساتر طكت يمه زيتونه الچيله استأذنت
من رادت اتطب ليه لان شافت ابو فاضل تارس عيونه
"""""""""""""""
(محمود عنده 4 بنات مو 3غلطت 🦋)
سلام
محمود وكت الي ستشهد جان حته مملحك ينزع حذائه راكض وهيه بعدها على نص ممنزوعه
البسطال والحذاء خليتهن بعلاكه وضميتهن بل جنطه مالته
شايل هم مثل جبل على كلبي شلون وبأي وجه اوصل أغراض محمود لهله
موقف صعب ياربي عينك عليهم
وصبر كلب اهله وأمه وزوجته
وبناته خطيه زغار كلش جان يتصل ويحاجنه ويسولف وياهن ويضحك ويشاقيهن وجنه كاعد يمهن
اكبر وحده ٧سنين عمره
جنت اكله متمل تحجي ساعتين وفوك بتلفون
يكلي سلام انت شايف عز الضنه لولا
ولك ذني كلبي النابض لوتعرف شيصير بيه من يكللي مشتاقيلك بابا
اخخ ولك اطير بدون جناح
أتعجب بلي تجي بنيه ويزعل معقوله واحد يزعل من عطية الله وهذن طيور هنه محليات الدنيا فرحتي سعادتي كلها هنه
سلام :والله كلامك صحيح ناس كلشي متفتهم
محمود: تذكر شنو كلت لأمي بيوم أجت اخر العنقود جنه الله الدنيا
سلام: ههههه اذكر حته بيومها اني ضليت مصدوم منك
اخذتني ذاكرتي بيوم بلبيت كاعد
ودك تلفون عليه ورفعت السماعه
سلام.: الوووو
محمود :لغالي
سلام: غير العافيه انته
محمود: انخاك لو انخى الذيب
سلام: يخسى الذيب واخوك موجود أئمرني
محمود :والله البارحه اخيتك يم اهله وجابت وتعرف أخيك ماعنده سياره
وأريدك تجي وياي اروح اشوفها واخذ البنات من يم
خوالهن ونروح لمهن
سلام :على الخير والحمد لله على سلامته تتربى بعزك يخوي
دقايق وانا يمك
محمود: تسلم حبيبي سلام تعبتك وياي
سلام :افه هيج انا ازعل منك اذا حجيت
يله هسه انا شويه ويمك
بدلت وشغلت سياره ورحتله
مريت على محمود أخذته وجانت وياه امه هم رايحه
نطاني العنوان مال اهل زوجته حته يمر يجيب بناته من خوالهن
البيت مو بعيد وصلنا ونزل هوه ودك الباب
وفتحت الباب بنيه زغيره
ولابسه بدله ورديه وشعرهه مفتوح ونازل على اكتافها
ثنه على ركبه وفتح أديه وهيه ركضت وحضنته بقوه
شالهه وكام يبوس بيها
والابتسامه شاكه وجها واجت وحده ثانيه ازغر منها وهم نفس لبس والشعر بس لون لبدلات يختلف
نزل علئ الثانيه شالها وهوه يشم بيها وطلعله ولد سلم عليه ونطاه بنته الزغيره ضل
يبوس بهاي ويرجع على هاي
إنا لزمت ستيرن السياره وميلت راسي على كرسي السياره وباوع عليه
وكلت الله يحفظهن هاي الناس الي تعرف الله لان محمود انسان محترم ويخاف الله
امه كل شويه وكالت ايي تبوس بيهن وين جانن بحرب إيران
ولي يشوفك يكول صار سنه مشايفهن
وهنه امس راحن من يمك
سلام: حجيه غير بناته شلون بله برايج ميبوسهن يبطل
الحجيه :صارن 4
اجه وهوه شايل الزغيره والكبار يمشن
فتح الباب وباس الجبيره وصعدها
محمود فدوه رحت باباتي تعالي انتي هنا اكعدي زنوبتي
وأنتي عسوله اكعدي ولج تعاي اعض خدج ماشبعت منه
ضحكت وكتله ولك ديله فضني
خله الزغيرونه بحضنه قطر الندئ تخبل صلاوت بناته حليوات جريتهه من خدها بستها
محمود ولك غير اشبع من اهروش كلبي صار يومين مشايفهن
يله بابا
اكعدو رايحين لماما
زينب: بابا نشوف اختي الزغيرونه
محمود: اي يبعد روح ابوج وهسه تطلع مثلج قشطه
الحجيه: ايي فرحان لان صارن 4
محمود: هسه انا تحقق أمنيتي
الحجيه :شنو من امنيه
سلام :اي بله سولف أمنيتك خلي نسمع
محمود: انا اريد اربع بنات حته من يكبرن واموت يصيرن دائره عليه وميطن لطم لاحد
هنه يلطمن على ابوهن وحده تكابل الثانيه ويشكن الزيج على ابوهن
الحجيه: برد حيلك هذا فالك بيش متفاول اسم الله عليك
سلام :طيح الله حضك محمود ولك عبالي امنيه بيها خير
امداني اي والله عمرك طويل خويه شنو هل حجي
ضل هوه يكول اي والله أريدهن حلقه ويلطمن من أموت.
تعجبت من كلام محمود
وصلنا للمستشفى
ونزل هوه ونزلهن وحده وحده والي ينزلها يشمها ويبوسها وكله بعد كلب ابوج وروحه
بيومها انا ضليت متعجب من حنية محمود
وأبتسم وبدي اضل مكابله وشوف دلاله لبناته.
فززني من ذاكرتي صوت لولد وهمه يصحون عليه للأكل
تنهدت وكلت الله يرحمك خويه
استشهدت وبناتك زغار ليش مانتضرتهن لمن يكبرن
الولد خبصوني بل صياح على الاكل
سلام: اكلو بلعافيه انا ماريد
جمعت كل غراض محمود وكلت بس انزل اوديهن لهله
ثاني يوم وكت نزولنه
بيوم الي لازم ننزل بيه صار تعرض علينا
تصدينا لتعرض بقوه وردينا الصاع صاعين
خلينا جثثهم للجلاب تشبع بيها هاي جزات الي يمد ايده بحقد على العراق
جان نازل من دوامه الي ١٥ يوم ب كركوك الحويجه وطريق طويل مهدود حيله من التعب وصوت الطلق لهسه يرن بأذنه وكلبه مليان حزن على صديقه الي ستشهد بين أديه
دخل للبيت وهوه يمشي بثقل
رفع عينه على درج وشافهه
وهيه نازله من الدرج
صارت عينه بعينها وهيه رجعت تركض
والخوف تملكها منه ومن قدومه ركضت لغرفة رواء
دفعت الباب بقوه
ورده: ولج فدوه الحكيلي سلام اجه شسوي الكيلي حل اترجاج رواء
رواء: صدك عليج الله سلام اجه شوكت منوو كلج هسه نزلتي من يمي صار يومين نتصل عليه
لزمت أدين رواء وعيونها غركت بل دمع والخوف بأن على وجها وجسمها يرجف
جان همها شلون راح تقابل سلام
وشلون راح تسلم عليه غصب عنها كدام اهله حته لايشكون
سلام الي هملها وعذبها وخدعها
وخلاها تعاني
كلبها محمل منه ومستحيل تغفرله الي سواه وياها
من بعد الي شافته من أهلها طلع لا شي يم الي شافته من سلام
كله بصفحه والصوره الي شافتها بيها هوه وعذراء بصفحه
سلام تلقيت منه هواي طعنات واصعبهم الخيانه
تريد تنسحب من حياته ومتخليه
يشوف طولها ولا يلمحها بس ماتعرف شلون
واكيد أهله كلشي ولا هذا الأمر
جنت ماكله هم شكد شلون راح اشوفه شلون راح اقابله
كل حواسي وانا كلي أرفض اشوفه وأسمع منه حرف واحد
سلام كسرني ايي كسرني
ضربه اهنانتة اليه بصفحه
والصوره اللي شفتها بيه هوه وعذراء بصفحه
دمرني وكرهته وقررت انسحب من حياته
أهلي الي زوجوني غصب عني لهذا الشخص بس كونه ابن عمي وحته محد يجيب طاريهم بل عاطل
شمروني مثل العبه وبكيفهم رسمو حياتي وبكيفهم مشوها
دموعي بدت تجري على خديي
وبقيت حايره انزل لولا لان اذا مانزلت واستقبلته
لكل راح يخلي عليه علامة اكس
رواء: ورده انزلي وخليج طبيعيه ولا تخلين احد يشك انو بينج وبين زوجج مشاكل
ورده: ماكدر صدكيني ولج ماتحمل اشوفه وشوف شكله
صدكيني اذا عيني اجت عليه عليه كبل أتذكر الي سواه بيه
رواء :ولج امشي ننزل هسه امي تسويلنه هوسه
مشيت وانا كوه متحمله نزلنا من الدرج
وصلت نهاية الدرج واجت
عيني عليه وجان مدد وذاب البدله العسكريه
وباقي. بفانيله تعلاگه ولبنطرون
عمتي كاعده يمه وتسولف عليه
رواء سبقتني وركضت سلمت بس انا بقيت بمكاني
بعدين تشجعت وكفت شويه عنه
حجيت وانا مدنكه
ورده: مساء الخير
رفع راسه وعيونه تريد تاكلني عدل نفسه
سلام: مساء النور
ورده: الحمدلله على السلامة
سلام: الله يسلمج انتي شلونج
رفعت عيني وباوعت عليه
ورده: زينه
ودرت وجهي
هوه دنك وزفر قوي
سلام : حضري الحمام هذا الجوه تعبان مالي خلك اصعد فوك
ام سلام: سوده عليه يمه شصاير بيك روحي عمه حضري الحمام. ليش مو فوك احسن حته تنام وترتاح
سلام يمه مالي خلك حته اصعد كل حيلي احسه مهدود
راح اسبح وانام بل استقبال وكل صوت ماريد
ورده. سلام مبين عليه التعب كلش حته صوته مبحوح
وصوته كوه يطلع
ماعرف بذيج الساعه شنو من كلب شايله
احس كلبي برد وانا اشوفه هيج تعبان ومهموم
شكد كرهت هذا الحساس الحسيته
بسرعه طردت هاي الافكار الشيطانيه من راسي واستغفرت ربي
صعدت للغرفه فتحت الكنتور
حته اطلعله ملابس
تعلاگه بيها ملابس هواي قمصان دشاديش يمكن ثنين بدلات عسكريه
بس اشوو داخليات ماكوو
كلبت الكنتور فوك تحت ماكوو
عيني صارت على الكنتور من لوسط مدمر بشي احمر يعني مثل الصبغ مثل الدم ماعرف شنوو مثل الي خاطه بفرشه مال صبغ
كلت هاي شنوو بس مدرت بال
كلت خلي الكي ملابس سلام وينهن اشوو ماكو
رجعت الكنتور الثاني فتحته ولكيتهن
خليتهن بيدي وسديت الكنتور وكلت ارجع ولم هاي الهوسه
نزلت لكيته داخل للحمام
ام سلام: وينج ورده سلام مل وهوه ينتضر روحي دكي الباب ونطيه ملابسه
ورده متت من الخجل كدام عمتي. اوف سلام شدعي عليك
دكيت الباب
واحس الدخان طالع من راسي
سلام: جيبهن
ورده: شنهي
سلام: جيبي شبيج
درت وجهي على الباب ولكيته مطلع بس ايده اخذهن مني وسد باب الحمام
مشيت وانا افور منه مابدي اشوفه ولا اسمع صوته ولا اطيع اوأمره بس شسوي
اخاف اصير حديث الساعه من وره حجي العالم
دخلت للمطبخ حته اجهزله اكل
هسه جاي اشوف شنو اسوي
وسمعته حجه من وراي
سلام: لاسوين شي ماريد اريد انام
كلت بكلبي يكون احسن لان مالي خلك اشتم ريحة الطبخ
اسمع من الاستقبال صوته وهوه يصيح على مريم تجيبله فراش. وغطا
مريم راحت تجيبله
وإنا طلعت رحت اشيل ملابسه وغسلهن
كاعده اجمع بملابسه الي نزعهن والي بجنطته
واجت مريم
مريم: ورده ورده
ورده :هااا
مريم: هاج اخذي فراش زوجج انا شكوو رايحه ادخل عليه وبعدين هوه حته ملابس ملابس بس بداخليات وانا استحي هاج هاج
وإنا اخلي الملابس بل غساله بمكانج
ورده تافئفت بداخلي واخذت لفراش ولبطانيه ودخلت للستقبال
لكيته كاعد يدخن ومخلي ايده على عيونه
ذبيت الفراش بل كاع وردت افرشه
سلام :عوفي انا افرشه
ماحجيت وفرشت الفراش
كام من مكانه وتقدم عليه
سلام: كتلج عوفي انا افرشه
كلت بكلبي والله احسن اخدم نفسك بنفسك ولا تعبني وياك
خليت وطلعت من يمه وانا افور منه مااطيقه مااطيقه
عمي اجه من شغل
مريم: بابا اجه سلام
ابو سلام: مية هلا بيه
الف حمد وشكر لك يا الله
مر اليوم عادي ولليل سلام مكاعد
وإنا فرحانه لان ماريد اشوف وجه صعدنا فوك انا والبنات شفنا مسلسل تركي على ام بي سي
أسمه شارع السلام
وإنا كل شويه وكلت الرواء هاي شبيها مصلخه ماتستحي
ورواء ميته من الضحك عليه
مريم: اكلج رواء خالتي شعجب كايمه متجي لا هيه ولا عذراء حته متخابر امي كايمه
رواء :اندري شمعرفني خاف مشغوله لان اهل زوجها اعتقد عدهم عرس من مده سمعتها تسولف على أمي
مريم: ايي هيه خالتج تخرب على طلعات ولمشيات والونسه ولفرفره هيه وبتها
رواء: مريم كافي شعلينه بيهم
ورده من نجاب طاري عذراء حتركت اضن لو اكطعها بسوني واكلها متبرد ناار كلبي
رواء :اكلج ورده الأكل الي بقه على الكاونتر خليته بل ثلاجه
ورده: لا والله نسيته
رواء :اوف منج ورده دومج ناسيه متكليلي بيمن تفكرين وضحكت وغمزت
ورده: باخوج ابو الدكايك
رواء: هههههه ماكو غيرج ام الدكايك هاي هم دكه مخليه الأكل على الكاونتر همزين تذكرت
جان احنه باجر حديث جريده الصباح من قبل امي
ورده : أريد اسبح وشايله هم الماي شلون اغسل بيه جسمي
رواء: اممم ليش مسبحتي امس ليش اليوم
ورده: امس غير البرد يكتل هذا مارايد روحه ليسبح بهذا اليوم
رواء: يله روحي سبحي وتعاي امشطلج شعرج راح اشغلج الدفايه ومريم تنزل تضم الاكل
نزلت مريم وانا رحت سبحت وطلعت
ولبست دشداشه خاله جابتهه الي قديفه ناشفه ماروني كالت انتي حامل حته تدفين طلعت مخصره على جسمي وفتحت الصدر دلع كلت يله دنيا ليل هسه انام احنه
نشفت شعري وطلعت اركض للغرفه
دخلت لكيت رواء مخليه المشط يمها وتلعب بجهازهه
رواء :نعيما عمري تعاي تدني علئ دفايه
كعدت يم الدفايه ولفيت البطانيه على جسمي وانا ارجف من البرد
رواء :ولج دفي وليد اخوي لا يموت من البرد
ورده :تخافين على ابن أخوج مو عليه
رواء: هههههه ايي شعدي غيره
ورده :ههههه مشطي شعري خلي اتلفلف ونام متت من البرد
دخلت مريم
مريم: ورده امي تصيحج
إنا ورواء فرد صوت حجينه :شتريد
مريم: مدري و الله
كلت شتريد عمتي مو من عادته تودي عليه وانا فوك
كملت رواء شعري ولفته وخليت شال على راسي ونزلت اشوف عمتي شعدها
لكيت عمتي كاعده بل صاله وتسبح بسبحتها
ورده :هاا عمه
ام سلام: عود كعدت سلام كتله روح نام بغرفتك يمه مقبل كال اريد انام هنا عوفيني
تعاي اخذيلج فراش وبطانيه ونامي يم رجلج عمه موتبقين هناك فوك وحدج
يله تعاي اخذي ودخلت لغرفتها
وإنا بقيت جامده بمكاني شنو انام يمه شنو انزل يمه
إنا اسمه ماطيق اسمعه مو انام يمه لا ونوب انا اجي يمه
هسه يكول هيه تريد تنام يمي واجت نزلت
كلت والله ولا نام يمه من نامت عليه طابوكه كون ان شاء الله
نتبهت على نفسي وستغفرت ربي
كلت احسن شي اغلس هيه تدري وعود اكلها صعدت الصبح صليت فوك وبقيت هناك نايمه اذا سئلتني
نوارس
اذا رحيم نازل سامر ميجي
ورحيم يجيبلنه المسواك خطيه وحته كم مره اخذنه زورنه وطلعنه ونروح لبيتهم
مره بلسياره وسئلته
نوارس: رحيم شلونها ورده
رحيم: بخير الحمدلله وراح تصير ام ان شاءالله
نوارس: صددك فدوه ربي يتمم عليها بلسلامه
بيبي دائما تسئلني واسولفلها عليها
وصلنه الهم والعصر
رحيم: يمه بليل روحن. لبيت ابو سلام خل نوارس تشوف البنات
شكد فرحت لان راح اشوف ورده صار شكد ماشايفتها
بليل كملنه ورحنه انا وبيبي وام رحيم
رحنالهم وكعدن يسولفن ورده ماكو بس البنات الثنين
سئلت رواء الطعلت ويانه اختهم
نوارس :اكلج حبيبتي وين ورده يم اهلها
رواء: لاهنا بس صعدت تمدد شويه فوك ضهرها يئذيها تعالي نصعد فوك يمها
ستحيت
نوارس: لاخليها خطيه خل ترتاح
رواء: لاتستحين حبيبتي محد عدنه
نوارس :بيبي رايحه يم البنات
ام سلام: يايمه كومي شسالفه كومي ويا خواتج
كمت وصعدنه فوك جاي نمشي وتلاكينه ويا سامر يريد ينزل الدرج
سامر: هاي شنو يابه اليوم انتي منورتنه شلونج
نوارس :الله يسلمك شكرا
ومشينه انا والبنات فتنه لغرفه بناتيه بيها ثنين جرابي
وورده امدده علئ فراش بلگاع ومخليه ايدها علئ وجها
رواء: ورده نايمه
ميلت ايدها بسرعه وهيه تكول :لا كاعده
تفأجت بيه وكامت سلمت عليه
ورده: حبيبتي شكد فرحت من شفتج
نوارس: يروحي انا هم ولله شكد مشتاقتلج وللبنات هم بسرعه حبيتجن
رواء: تسلمين حبيبتي تشتاقلج العافيه
باركت لورده علئ الحمل. وكمنه نسولف وكلساع يندك الباب وتطلع رواء لومريم ويرجعن لحد ما بيبي دزت عليه
من طلعنه من بيتهم سامر كاعد بلباب لتفتت عليه ضحكلي ويغمزلي عود شي يعرفني
ضحكت ودرت وجهي كملت طريقي
ورده
خليت وصعدت فوك وانا افكر خاف عمتي باجر تعرف انو ماخذت حجيها
رديت على نفسي الي يصير خلي يصير خلي اوح انام وعود الله كريم
دخلت للغرفه كعدنه شويه نسولف مواضيع عاديه
شويه وشتهيت اكل باگله نيه
ورده :رواء
رواء :هاا
ورده: أريد باگله نيه
مريم: شنو شبيج ورده هههههه
رواء :باگله نيه هاي غير نساوه ولج وريده بطلي هاي سوالفج هههههه
ورده :عليج الله مشتهيته فدوه
مريم: يااه وتاكلينها يابسه
ورده :الخضره بلثلاجه الصبح عمي جابها وهسه اجه منضرها ابالي فدوه رواء تعاي وياي اجيب من ثلاجه
واجي
رواء :يله امشي أمري لله
نزلنا واحنه علئ الدرج
رواء: صدك نسيت اسئلج امي شرادت.منج
ورده: تريد انزل انام يم أخوج جا شتريد
رواء :شراح تسوين هسه
هسه اريد اجاوبها ونل عمتي واكفه
ام سلام: هاي وينج عمه حته فراش طلعتلج وبطانيه ومخده وانتي ماكوو وينج
نمغص كلبي وماعرفت شرد
بقيت ساكته لان بعدني مصره ما نام يمه
رواء: ايي يمه هل اجت جانت يمي انا صحتلهه
ام سلام: عفيه بنيتي يله يمه روحي شيلي الفراش ودخلي يم زوجج
عمتي تأمر واكفه فوك رأسي ومخلتلي اي عذر بعد اضطريت امشي بأمره وشلت الفراش ودخلت
ام سلام: تصبحين على خير يله انا اروح انام
رواء: ورده ورده زين ولباگله
ورده :انا بياحال انتي الثانيه ضلت معده بعد
حصرتني البجيه دخلت على كيف
حته ماشعلت الضوء
أكو كم نقطه بيها ضوء خفيف يعني صاير شويه ضوء أكدر من خلاله أميز دربي
خليت الفراش بنص مو بصف سلام شويه عنه فرشت وتغطيت
وإنا افكر خاف سلام يكعد ويكول جايه نايمه يمي اكيد نست خاف سلام يفز ويجي ينام يمي وينام وياي غصب
زين شلون باجر انا اتحمل اشوفه اذا هوه من اول يوم هنا لازك حته ماصعد فوك
كايل العمتي اشوو ما ارتاح هناك
وحته احلام مزعجه تجيني وكوابيس اريد ارتاح ونام هنا جوه
مكدرت انام وانا افكر وتكلب
على فراشي
شويه وحسيت بيه كام يكح وكحته قويه
سطكيت بمكاني وسويت روحي نايمه
كام شرب ماي وشغل الگلوب شويه وطفاه
ورجع هم شغله وجاب فراشه وخلاه يم فراشي
ورجع طفه الگلوب واجه يمشي يريد يرجع على الفراش
انا جمدت حته نفسي حبسته حته الفاتحه قريتها على روحي كمت ادعي بكلي انوو ميلزمني
ياربي دخيلك كون ميمد ايده عليه
ثواني مرت ومد ايده على صدري وكام يتلمس بيه
ايده ناااار مشتعله
بقيت خانسه ماعرف شسوي
اذا اكعد ومنعته اكيد راح يكثر بيني وبيه الحديث ولمماطله ويكتلني وينام وياي غصب
وأذا بقيت نايمه اكيد يتجرئ اكثر أنفاسي حابستها كوه
وكل جسمي رافض قربه
تمدد بصفي وخله راسه ب ركبتي وكام يشم بركبتي
ريحته جسمه تخلي نفسي تكوم تلعب وتحبس أنفاسي
رجع حضني حيل احس كسر عضامي يريد يدخلني بصدره هذا
ويبوس برأسي وعيوني وخدي
وكل هذا وانا متضاهره بل نوم كوه كاتمه صبري
خله رأسه على صدري وكام يشم بيه
إنا بعد ماتحملت دفعته عني بكل قوه
ورده: وخر عني شنو انت متفتهم انا نايمه وانته جاي تستغلني وكت نومتي وانا ماريد تلزمني يا خاين يتبع....
تصبحون علئ الف خير 🦋💙