#أللقاء_المنتظر
#دار_الايتام3
#سيلا_و_النمر
#بكامل_قواي_العقليه
#أميره_أسامه
بارت 28
...........
ومازالت العلاقات في عاصفه🌪️
...........
فتح جاسر الموبايل عشان يلعب فيه شويه يمكن يجيله نوم لانه مش بيعرف ينام بره البيت بسهوله. اول ما الموبايل فتح لمح رسايل كتير جدا لانه من اول ما وصل ممسكش الموبايل غير وهو بيسجل رقم... أمينه🔥
فتح جاسر الرساله و بدأ يقرأها.
أمينه...اخر حاجه كان ممكن أتخيلها اني أشوفك يا جاسر
وخصوصا هنا طول الوقت ببعد لاني بخاف من الصدف بس إكتشفت أن أوقات بيكون في صدف حلوه في حياتنا يمكن وقفت معاك خمس دقايق لكن
رجعوني لذكريات كتير حلوه مبسوطه أني شوفتك يا جاسر.
أبتسم جاسر.
وكتبلها رساله.🖋️
جاسر...اولا أسف اني لسه شايف رسالتك الوقت حالاً.
ثانياً انا كمان يا أمينه متوقعتش اني اشوفك خالص مش بس هنا في اسكندريه!!
انا متوقعتش اني اشوفك تاني خالص.. اخر مره شوفتك فيها من 14 سنه وبعدها أختفيتي ومحدش فينا كان يعرف حاجه عنك حتي مكان سكنك مشيتوا منه و كأنك أتبخرتي .لما شوفتك مكنتش مصدق نفسي وبجد يا امينه يمكن تكون دي احلي صدفه حصلتلي من فتره كبيره اوي.
انا كمان أتبسط جدا اني شوفتك.
واخيراً أسف علي الوقت اللي اللي ببعت فيه الرساله.
بعت جاسر الرساله وأبتسم وقبل ما يخرج من الشات لقاها فتحت
ثواني ولمحها بتكتب حاجه وكان عنده فضول يعرف هتكتب أيه.
أمينه...متعتذرش يا جاسر تقدر تبعت في أي وقت.
وبخصوص ال14 سنه دول صدقني الخمس دقايق اللي شوفتك فيهم رجعتلهم تاني ويمكن لاول مره من 14 سنه يا جاسر احس ان قلبي فرحان ومن وقت ما شوفتك وانا مبتسمه
كنت متخيله اني عمري ما هبتسم تاني ابداً تخيل اني رجعت طلعت كل صورنا مع بعض في الجامعه احنا وصحابنا ومن وقتها وانا قاعده أفتكر ذكري لكل صوره.
جاسر.....طيب الحمد لله اني مصحتكيش.
أمينه.....متقلقش انا تقريباً مش بنام.
جاسر....روحتي فين يا امينه؟
عندي فضول أعرف ال14 سنه ودوكي لحد فين وجيتي ليه اسكندريه وسبتي القاهره وايه سر نبره الحزن اللي في كلامك دي..
أمينه....يااااااااه يا جاسر روحت فين انا الدنيا خدتني لاماكن كتير اوي وال14 سنه دول دخلوني جوه فجوه زمنيه مكنتش اتخيل اني ممكن أقدر اطلع منها عمري
سبت القاهره ليه ؟ وليه نبره الحزن؟ دي حكايه طويله اوي يا جاسر عمرها 14 سنه متتحكيش في رساله دي محتاجه كتاب.
جاسر....للدرجادي؟
أمينه....يمكن اكتر شويه بس المهم اني بجد مبسوطه اوي اني شوفتك يا جاسر وشكرا علي الخمس دقايق اللي رجعوا فيا الروح.
جاسر ابتسم ابتسامه حزن وكتبلها
جاسر....بس بردو انتي زودتي فضولي اكتر وانا محتاج أعرف مالك ولا مش هينفع؟
أمينه...لا خالص بالعكس هو مش سر بس حقيقي هي حكايه طويله اوي.
جاسر....طيب ينفع أشوفك؟
أمينه...من معلوماتي البسيطه أنك زي ما انت قاعد في القاهره وده معناه أنك جاي بس عشان وفاه هاشم النجار يعني أكيد راجع عرفني انت قاعد لحد أمته.
جاسر....المفروض اني همشي اخر النهار انهارده.
أمينه...لو يناسبك الساعه أتنين يبقي تمام وهستأذن من شغلي بدري شويه.
جاسر....شغلك؟؟ انتي قاعده هنا بقي.
امينه.....حاجه زي كده؟
جاسر....أكيد مش لوحدك اتجوزتي يا أمينه؟
أمينه....انا لوحدي يا جاسر متقلقش.
جاسر....ماشي يا ستي طيب اشوفك فين؟
أمينه....ينفع مايكونش في مكان عام أيه رأيك لو أقابلك علي البحر؟
جاسر...معنديش مانع أديني بس العنوان وانا هجيلك فوراً
أمينه...أتفقنا يبقي أشوفك الساعه اتنين
جاسر....تمام يا امينه هسيبك تشوفي بقي بتعملي ايه وعلي معادنا.
أمينه....تمام سلام يا جاسر.
جاسر....سلام يا امينه.
قفل جاسر وهو من جواه مبسوط وعنده فضول يعرف ايه اللي حصل و خلاها أختفت
فضل قاعد زي ما هو و معندهوش نوم ورجع بذاكرته ل 14 سنه يفتكر ذكريات جميله جمعت شلت صحاب ببعضها.
..............
عند روكا في الاوضه مكانتش عارفه تنام حاسه بأرق وقلبها واجعها دموعها مش راضيه تنشف وحاسه أنها بتتخنق حاولت تقوم بهدوء علي قد ما تقدر لحد ما عرفت تطلع من وسط سيلا ونوني
راحت علي شنطتها طلعت منها السجاير و الولاعه و خرجت بهدوء و قفلت وراها الدنيا كانت هاديه و يادوب الصبح بيطلع كانت الساعه خمسه.
نزلت روكا بهدوء بخطوات بطيئه وواضح عليها التعب. نزلت بهدوء وقبل ما تخرج بصت علي مكتب والدها اتجمعت الدموع في عينها بسرعه ولقت نفسها بتدخل المكتب واول ما شافت كل حاجه في مكانها دموعها نزلت تجري علي وشها.راحت علي مكتبه بعد ما قفلت وراها ومسكت برواز في صورته هو وهي وساره وصفيه
وصوره تانيه جمبها فيها صورهم مع بعض وهي عروسه و معاها عامر وصوره تانيه ليها هي وهو وهي اصغر شويه و شايلها علي ضهره مسكت الصوره حطتها علي صدرها وحضنتها و فضلت تعيط بوجع وقهر.
ومره واحده قامت وهي ماسكه الصوره في ايدها وخرجت بره المكتب وبره الڤيلا كلها بهدوء ولقت نفسها بتروح علي العربيه
ركبت ودورت العربيه وخرجت من الڤيلا وهي لابسه تيشرت خفيف وبنطلون قطن اسود ولأول مره
روكا النجار أيقونة الشياكه متهتمش هي لابسه ايه ولا شكلها عامل ازاي.💔🥺
في الاوضه اللي كان فيها عامر وبدر كانوا قاعدين لسه مناموش بيشربوا سجاير و بيتكلموا وباين علي شكلهم الحزن ولحد الوقت بلبسهم. قام بدر وقف قدام الشباك وفجأه لمح روكا بتركب العربيه وبتخرج من الڤيلا.
بدر...عامر روكا خرجت بالعربيه
قام عامر بسرعه بص اااايه
لمحها بتخرج من البوابه بسرعه
جري علي موبايله ومفاتيحه ونزل بسرعه
بدر...استني يا عامر انا جاي معاك.
نزلوا الاتنين بسرعه لكن من غير ما يعملوا اي صوت وخرجوا بره دور عامر عربيته وركب جمبه بدر.
بدر....هي راحت فين المجنونه دي.
عامر...مش عارف بس اكيد راحت المقابر
بدر...الوقت؟!
عامر...قولتلك يا بدر روكا جواها بركان مش هيهدها الوقت خالص.
بدر....هتبقي كويسه ان شاء الله.
عامر...بغضب خرجت ازاي دي وازاي محسناش بالباب وهو بيتقفل.
بدر...يا عم اهدي مش وقته كويس اني شوفتها وإلا كان زماننا منعرفش هي فين.
طلع عامر بسرعه وراها لمحها من بعيد قدامه حس انه ارتاح لكن كان قلقانه وهو شايفها طايره بالعربيه بشكل جنوني.
بدر....متوقفهاش يا عامر سبها تروح متخليهاش تحس انك وراها.
عامر....دي طايره يا بدر انا خايف يجرالها حاجه.
بدر...ربنا يستر ياعم متقلقش انت تايهه عن سواقه روكا في العادي ما بالك وهي في خالتها دي.
عامر....ربنا يستر
ضربات قلبه كانت سريعه جدا وحاسس بالتوتر مرتاحش غير لما بدأت تهدي شويه ودخلت علي المقابر.
عامر...الحمد لله زي ما توقعت
بدر...اقف ياعامر استني سيبها تدخل من غير ما تلمحك هي اكيد محتاجه تكون معاه لوحدها
عامر....حاضر يا بدر💔
اول ما لمحها نزلت من عربيتها ودخلت المدفن قرب بهدوء ركن عربيته وراء عربيتها و نزل هو وبدر وقربوا شويه من المدفن لكن مدخلوش.
دخلت روكا بخطوات بطيئه وهي عينها علي أسمه قربت براحه مشت ايدها علي أسمه بوجع وقعدت علي الارض .
عملت فيا كده ليه سبتي ليه يا بابي مستعجل علي ايه ده انا كان لسه في حجات كتير محتجاك معايا فيها كان في كلام كتير لسه مخلصتهوش معاك ملحقتش اعوض السبع سنين اللي سبتك فيهم مستعجل علي ايه يا هاشم يا نجار مكنتش قادر تستني و تاخدني في حضنك وتقولي ان ده اخر حضن ليك مكنتش قادر تخليني اشوفك لاخر مره و أحفر ملامحك جوايا اكتر ما هي محفوره مكنتش قادر ترد عليا وتسمعني صوتك لاخر مره كنت محتاجه اسمعك اوي كنت محتاجه اقولك عاللي واجعني وجعتني انت اكتر يا هاشم ومشيت خالص طيب مين يسمعني مين يطمني مين يحسسني اني عايشه خلتني احبك اوي كده ليه ياهاشم يانجار علقتني بيك اوي كده ليه؟ ليه مطلعتش اب قاسي او حتي اب عادي ؟ ليه مقولتليش انك ممكن تسبني في يوم او حتي تلمحلي ده انا تخيلت ان الدنيا كلها هتفارق إلا أنت يا بابي عمري ما عملت حساب اليوم ده ابدا ولا كان في حساباتي عمري ما حاولت اتخيله بيني وبين نفسي ده انا لما كنت بعرف انك تعبان كنت بقلبها هزار عشان ابعد الخوف عن قلبي واطمن نفسي انك كويس ..سبتني من غير أي إنذار ليه ليه مشيت فجأه ليه وانت ماشي مخدتش كل حاجه معاك ليه مخدتش حبك اللي في قلبي ليه مخدتش معاك كل ذكري حلوه او وحشه ليه مخدتش صورك وكل حاجه ليك عشان اقدر ابقي كويسه ليه ليه💔💔💔
ليه مقولتليش اخر مره وانا ماشيه
وانت بتحضني ان ده اخر حضن ليه ممسكتش فيا وخلتني جمبك شويه عشان اشبع منك ليه كسرتني يا هاشم يا نجار
عامر وبدر كانوا قربوا شويه ووقفوا جمب الباب
عامر كان حاسس ان في سكاكين بتقطع في قلبه ولاول مره تنزل دموعه علي خده من كلامها اللي كان بيقطعه اما بدر فا كان حاله نفس حال عامر موجوع علي روكا وعينه مدمعه ومش قادر يعملها حاجه ولا يقف معاها زي ما هي ديما كانت بتقف معاهم خصوصا ان ده موقف مفيش حاجه تتعمل فيه.
وقفت روكا بوجع وهي منهار وبتمسك أسمه المكتوب علي المدفن سامحني يا حبيبي. ارجعلي لو دقيقه واحده اقولك فيها انك كنت كل حاجه ليا وحشتني يا بابي يوم واحد بس اللي عدي وحاسه اني مش هقدر اكمل من غيرك امال لو غيابك طال اكتر من كده يا هاشم يا نجار هتعمل فيا ايه 💔🥺
عامر مقدرش يستحمل أكتر من كده كان حاسس انه عايز ياخدها في حضنه.
عامر...روكاا🥺💔
بصت روكا وراها بسرعه وهي حاضنه صوره هاشم واول ما لمحت عامر وبدر غمض عينه ورفعت وشها
ااااااااااااااااااه
جري عليها عامر خدها في حضنه
روكا...اااااه ياعامر قلبي بيتقطع والله اااااه
قرب بدر منها و حط ايده علي راسها بحزن.
روكا....غصب عني يا بدر والله غصب عني في سكاكين بتقطع فيا
بدر....اهدي روكا وادعيله حرام تعذبيه هو حاسس بيكي
عامر....بدموع مسك وشها بين ايده انتي عارفه انك باللي بتعمليه ده بتموتيني انا بالبطئ صح.
روكا....مش بأيدي هاشم النجار سابني ياعامر طب انت مصدق اننا مش هنشوفه تاني انا مش عارفه اصدق
عامر...مش هنعترض ولا ايه🥺
روكا....لاول مره احس من جوايا اني معترضه علي إراده ربنا لأول مره احس بالظلم
بدر.....أستغفري ربنا ياروكا مينفعش تقولي كده
روكا....صدقني ربنا مش هيزعل مني عشان عارف انا بيحصل فيا ايه الوقت مش هيزعل عشان انا من حقي أعترض ليه ممدش في عمره شويه لحد ما اشوفه لحد ما لمسه وياخدني في حضنه ليه ارجع الاقيه في كفنه من غير ما اشوف ملامحه لاخر مره
عامر...عمره يا روكا وربنا عمره ما كان ظالم.
روكا....ومش ظلم ياعامر انه يستكتر عليا لحظه في حياتي كلها وملحقش اشوفه ده انا رضيت بوجع كتير اوي ليه ديماً بتوجع يا عامر. ليه💔🥺
بدر...روكا بلاش الكلام ده والنبي اهدي بقي استغفري ادعيله احمدي ربنا انه متعبش تعب يرقده وانتي عارفه انه كان هيتبهدل ده ربنا كرمه يا روكا.
روكا....الحمد لله🥺
عامر...بدموع كفايه بقي كفايه لو انا غالي عندك ضمها تاني لصدره بقوه وخرجها من حضنه بهدوء مسح دموعها.
هاشم النجار كان بيعشق قوه روكا عمره ما حب يشوفك مكسوره سبيه يرتاح يا روكا وهو مطمن عليكي هو اكيد حاسس بيكي وموجوع اكتر منك وهو شايفك كده متوجعيهوش ياروكا يلا أقرأيلوا الفاتحه وادعيله وسيبيه في دنيته الجديده🥺 ماشي.
هزت روكا راسها ولفت وهي عينها علي اسمه قرأتله الفاتحه وفضلت تدعيله مسكها عامر من ايدها وخرج بيها ووراه بدر.
بدر...عامر خليك انت معاها وانا هرجع بعربيتك.
عامر...ماشي يابدر.
ركب عامر بعد ما ركب روكا اللي سندت راسها علي الباب وفضلت باصه علي المدفن لحد ما اختفي
وفضلت علي نفس وضعها في العربيه حاضنه الصوره وعينها علي الطريق وساكته. دموعها نازله وعينها علي البحر والعربيه بتجري بيها لحد ما وصلوا الڤيلا من تاني.
نزلوا وسندها عامر ودخلوا بهدوء
بدر....الحمد لله محدش صاحي
عامر...لسه بدري الكل تعبان اكيد ونايم.
طلعوا فوق في الطرقه الطويله بين الاوض.
لمحوا عشق وليل.
عشق...اهم الحمد لله انتي فين روكا.
ليل...في ايه يا عامر قلقتونا
عامر...متقلقوش خير انتوا ايه اللي صحاكم بس.
ليل...عشق راحت تطمن عليهم جات صحتني و بتقولي انها مش لاقيه روكا ومش عارفه تعمل ايه لسه خارج كنت هخبط عليكم.
بدر...الحمد لله هي اهي بخير
عامر...متقلقيش ياعشق خديها بس جوه دخليها ترتاح شويه
عشق....تعالي يا حبيبتي معايا
مسكت روكا ودخلت بيها الاوضه
ليل...في ايه انتوا كنتوا بره.
بدر...تعالي تعالي جوه معانا عشان محدش يقلق.
دخلوا كلهم الاوضه.
عامر...بدر لمحها خرجت من الڤيلا طلعنا وراها بسرعه راحت المقابر لوحدها وكانت منهاره بس الحمد لله عدت علي خير.
ليل....الحمد لله معلش هي هتاخد وقت لسه الوجع في اوله وهي واضح انها متعلقه بيه فوق ما تخيلت.
بدر...فعلاً كانت متعلقه بيه جداً ان شاء الله تبقي كويسه.
عامر...انا خايف عليها بجد كلامها مش مريحني حاسس ان روكا مستسلمه اوي ومش قادره تتحمل خايف تفكر في حاجه وحشه.
ليل....لا ياراجل متكبرش الموضوع الاهم الوقت ان دي فتره صعبه مينفعش تتساب لوحدها كتير علي قد ما تقدر انت والبنات واحنا معاك نبقي معاها نحاول نخليها تغير المود شويه.
بدر...اللي هيخرج روكا من حالتها دي الشغل انت عارف ان روكا بتفصل خالص في شغلها.
ليل...معاك حق الشغل هيخليها متفكرش كتير.
عامر....عارف بس روكا مش هتقدر الوقت تنزل انا عارف لو عليا ياريت تنزل تتلاهي في اي حاجه لكن مقدرش اقولها كده تفهمني غلط او تحس اني عايزها ترجع كمان بيتهيألي تسيب صفيه في الوقت ده.
بدر....انا كنان شايف انها مش هتقدر تسيبها الوقت.
ليل...محدش قال تسيبها الوقت خليها تقعد معاها كام يوم بس كمان متطولش المود العام هيخليها تكتئب اكتر طول ماهي قاعده في مكان حزين مش هتخرج من حالتها دي.
عامر ..طيب اعمل ايه؟ انا بجد مش عارف افكر.
ليل...سيبها علينا احنا ياعامر خلينا احنا نقولها كمان انت هتفضل هنا انت مش عندك شغل.
عامر...انا عندي شغل فوق راسي قد كده بس مش هقدر اسيبها لوحدها.
بدر....بس انت لازم تشوف شغلك يا عامر ليل معاه حق خليك معاها يوم اتنين واحنا هنكلمها يمكن تسمع مننا وترجع بيها.
عامر....ربنا يسهل المهم هي بس تبقي كويسه.
ليل...وانت ياعم ايه مش ناوي تخلص الليله بتاعتك انت كمان
بصله بدر بحزن وسكت
ليل....ماترد عليا يا صاحبي بتفكر في ايه.
عامر....هيكون بيفكر في ايه هي دي محتاجه تفكير العبط ده لازم يقف حالا .
بدر...هو انتوا فاكرين اللي حصل ده سهل عليا هتصدقوني لو قولتلكم اني مضايق من نفسي اكتر ما انا مضايق منها سيلا غلطت انا عارف بس مهما كان مكانش ينفع اني اطلقها بالسهوله دي.💔
عامر...متجيش علي نفسك اوي كده يا صاحبي انت كمان كان غصب عنك وكمل بابتسامه ويمكن قلم نوني كان تقيل شويه.
بدر...ماتلم نفسك يا ظريف😡
ليل...قلم ايه🤨 هي نوني ظبطتك ولا ايه دي حتي نوني قمر ورقيقه.
بدر...اتفضل ياعم 😡
عامر...بضحك الله انا قولت هو عارف مش نوني حكيتله علي كل حاجه.
بدر...ماهي كمان بتحكي اللي علي مزاجها😡
ليل...بضحك هي فعلا مقالتش علي القلم ده بس واضح فعلا هو اللي سخنك علي الطلاق😂😂
بدر...انتوا هتعملوا الحفله عليا شكلكم صح😡😡
ليل....ليل بضحك ياجدع روق بس لا حفله ولا غيره بص يابدر انت غلطت وهي غلطت يمكن غلطك كان رد فعل وصدمه ووجع وليك حق فيه مش بقول كده عشان انا راجل زيك بس كلنا عندنا طاقه وكل واحد فينا بيستقبل الصدمات بطريقه مختلفه مش هقول انك اتسرعت او سخنت لكن هقول ان الصدمه كانت كبيره واللي انا شايفه يا صاحبي ان سيلا مش واخده موقف من اللي انت عملته يعني عذراك وعارفه ان معاك حق في اللي عملته فا مفيهاش حاجه لو انت كمان تعذرها في اللي عملته سيلا شكلها طيبه اوي وقلبها هو اللي متحكم في طريقه تفكيرها شافت من وجهه نظرها اللي بتعمله مش غلط شافت ان هي دي الطريقه اللي ممكن تفرح روكا وده في حد ذاته يشفعلها ويبين قد ايه انها نضيفه من جوه
واكيد انت شايف هي متعلقه بروكا ازاي وعامله ازاي عشانها يا جدع دي كانت جايه شبه الاموات انا اتصدمت لما شوفتها ونظره عينها ليك انت وروكا كانت توجع بجد كأن روحها متعلقه بيكم روق يا صاحبي وانسي متخليش الزعل ياخد من عمرك وعمرها كتير ياجدع ده انت كنت هتموت عليها ومفضوح.
عامر...الله ينور عليك ياليل قولت كل اللي عايز اقوله لازم يابدر تخلص كل ده في اسرع وقت
ليل...هاااا قولت ايه🤨
بدر....قولت انكم عندكم حق في كل اللي قولتوه وانا فعلا لازم اعمل كده .
عامر....وخد بالك يا صاحبي لو انت بتعز روكا بجد اعمل كده وبسرعه متنساش ان جزء كبير من وجع روكا اللي حصل بينكم
ليل....هو مش جزء يا عامر ده كان بدايه اللي حصل ده كله.
بدر...حاضر ياعامر صدقني هعمل كده بس الاول اشوف هي هتعمل ايه وهترجع امته انا لازم انهارده يا صاحبي ارجع انت عارف الشغل عندي صعب وانا بصراحه مش عارف اعمل ايه ومش عايز روكا تزعل.
ليل....وانا كمان عندي شغل كتير والاهم اني عندي مشاكل اكبر ولحد الوقت يعتبر انا شركتي في خطر ومعرفش مين اللي بيحاول يأذيني .
عامر....طبعا انا فاهم ومقدر كفايه مجيكم ورايا من غير انذار ولازم فعلا تسافروا وعلي الاقل لو احتاجت حد منكم في اي حاجه تخص شغلي تبقوا هناك.
ليل...متحملش هم اي حاجه كلنا هناك معاك
عامر ..خلاص يبقي انتوا انهارده من غير مطرود تتكلوا علي الله🤨
بدر...عيل واطي اوي كمان بتطردنا🤨🤨
عامر....بأبتسامه اه بطردكم بطلوا مرقعه بقي وروحوا علي شغلكم
ليل...مرقعه ليل السيوفي يتاقلوا مرقعه يلا هسيبك تاكل عيش انا عارف انك مش غي حالتك الطبيعيه😏
ضحكوا كلهم و محدش فيهم كان عارف ينام والوقت بقي يعدي بسرعه بينهم الكل صحي
خصوصا لما دياب جه هو ولمار وكان جايب معاه فطار كتير ليهم كلهم.
صفيه...بقي ده اسمه كلام يا دياب ليه بس كده يا حبيبي ما كل حاجه موجوده هنا.
دياب...في ايه بس يا صفيه عامله دوشه ليه 🤨 انا عملت ايه بس ده فطار وبعدين يا ستي انا عارف ان كلكم تعبانين وانا مش عايزك تتعبي نفسك وبعدين انا عارف البت روكا بتحب تاكل من الشارع عشان عكاكه زي🤨
أبتسمت روكا اه والله بس من يوم ما عرفت نوني وانا بقيت احب اكل معاها ديماً...انا أه بعك كتير انا وعامر بس ما بصدق اروحلها.
نوني...يا حبيبتي ربنا يخليكي ليا ده انا عيني ليكي طب ياريت تيجي كل يوم انتي وهو وانا اعملكم كل اللي نفسكم فيه.
صفيه....ربنا يخليكي ليهم انا عمري ما اطمنت علي روكا غير لما بقت في وسطكم.
نوني...دي بنتي هي والبنات كلهم والله ربنا يعلم غلاوتهم في قلبي.
صفيه....ربنا يديم المعروف حقيقي ونعم الناس روكا ليها حق تحبكم اوي كده .
دياب....طب ايه هنفضل نحب في بعض كده ياست صفيه انتي وست نوني يلا كلوا 🤨
حازم....كنت فين ياعم من بدري عشان تيجي تروقهم شويه.
دياب....غصب عني والله انت عارف مينفعش ابقي في اسكندريه وما اخدش لفه انا كمان والله ما لحقت اخد لفه كبيره علي الكل وللاسف انا لازم انزل انهارده القاهره لان القضيه اللي شغال عليها لحد الوقت يمكن موصلتش لحاجه فيها بس امبارح لما رجعت فكرت في حاجه كده يمكن تكون هي حل اللغز عشان كده حابب اروح واخلص منها وعندي أمل كبير اوي ان يكون هو ده فعلا الحل وكملن المفروض انهارده كان معاد استلام اخر حاجه في الڤيلا المعرض كان محدد يوم التلات بس قولتله خليها بكره وطبعا لو روحت واهم حاجه وصلت للي عايزه في القضيه يوم الجمعه هرجعلكم تاني ان شاء الله.
بدر...هي لسه القضيه دي معصلجه ولا ايه وانا اللي قاعد اقول فيك أشعار كسفتني الله يكسفك🤨
دياب....أسأل مراتك يا أخويا القضيه عامله أزاي🤨وهي تقولك
بصوا كلهم لبعض بعد الجمله دي وعينهم بقت علي سيلا وبدر وروكا.
بلعت سيلا ريقها وهي عينها في عين بدر ورجعت نزلتها بسرعه
ليل عشان ينهي التوتر ..احمم ياعم عارفين انك قدها ان شاء الله.
دياب...أستني بس ياعم ليل كده لا قدها ولا بتاع بقي🤨
ايه مالكم بتبصوا لبعض كده ليه؟
ايه قولت حاجه غلط 🤨
ايه يابدر قولت حاجه مش صح
مراتك ولا مش مراتك احضرينا يا نوني قولوا حاجه يا شباب يمكن انا بعك الدنيا ولا حاجه.
عامر...لا يا صاحبي عندك حق .
دياب....من الاخر كده انا واحد وشي مكشوف معرفش ازوق الكلام بص لروكا وأبتسم زي روكا كده😉
ضحكت روكا بهدوء ده انا جمبك ملاك.
دياب....بقول ايه اللي حصل ده كله ينتهي وفي اقرب وقت يمكن مش من حقي اني ادخل في حياه حد بس انتوا صحابي واخواتي وادام عرفت يبقي حقي اني ادخل وانا بصراحه معرفش اشوف غلط و اسكت عليه وكمل دياب كلامه بنبره جاده جداً.. معرفش اشوف حد من صحابي في مشكله واقول دي حاجه شخصيه وبدي لنفسي الحق اني ادخل عشان ديماً اللي بره الموضوع بيشوفه بطريقه تانيه خالص وانا ليا حق عندكم
انتوا اللي اتنين..
ومش هما بس أنتوا كلكم و اي حد دخل حياتي وحبيته بجد ليا حق اني اشوفه ديماً مبسوط وسعيد من حقي عليكم ملمحش في عينكم حزن
ولا كسره..
من حقي اني أشوفكم زي ما بتمني اشوف نفسي مستقرين والشيطان مش داخل بينكم ومستغل لحظه غضبكم
من حقي اني اشوف صحابي احسن من اي حد ..حياتي مستقره وكويسه انا ولمار ده بالنسبالي مش اهم حاجه والمفروض اقول انا مليش دعوه.
حياتي هتبقي افضل وانا شايف صحابي مستقرين في حياتهم زيي بالظبط الحياه مش هتبقي كامله لو في طرف فينا تعبان احنا موجودين في حياه بعض عشان نقوي بعض نقف في ضهر بعض نسند بعض ننصح بعض نخاف علي بعض .. ولو انا شايف حد فيكم حياته بتبوظ عشان مشكله ليها حل ووقفت ساكت ابقي مستاهلش اكون معاكم و خساره فيا اللقمه والعيش والملح اللي بينا.. مش هدخل في تفاصيل وافتح في حجات ملهاش اي لزمه واقول مين غلط اكتر من التاني انتوا كبار كفايه انكم تعرفوا ان انتوا الاتنين غلطوا ويمكن غلطكم مكانش مقصود وده اللي بتكلم عليه انا بره الموضوع وشايف اكتر وعارف ان انتوا الاتنين مفيش زيكم بدر شهادتي فيك مجروحه ياصاحبي انا مشوفتش في حياتي صاحب جدع زيك مشوفتش واحد ممكن يعطل كل مصالحه عشان واحد لسه مفيش بينه و بينك اي حاجه وده بس عشان انت راجل واظن كل الشباب اللي موجوده يشهدوا بده
و انتي يا سيلا يمكن اللي بيني وبينك من مواقف مش كتير بس حكمي عليكي انك بجد انتي كمان جدعه وطيبه وقلبك لسه خام ودي احلي حاجه فيكي غلطك وغلطه لازمله عذر عشان انتوا الاتين حياتكم مربوطه ببعض
عامر....والله العظيم انت رجوله يا دياب.
نوني....بدموع ربنا يريح قلبك يا حبيبي قولت حجات كتير اوي كانت كاتمه نفسي 🥺 طلعت كل اللي جوايا من وجع من غير ما تحس. متعرفش انا فيا ايه ولا حاسه بأيه من بعد اللي حصل.
قام يوسف قعد جمب نوني باس راسها بالله عليكي متعيطيش
مهاب...ايه يانوني انا اول مره اشوفك كده يا حبيبتي عادي يا نوني بتحصل الدنيا يوم فوق ويوم تحت مش انتي اللي علمتينا كده برده.
نوني.....ايوه يا مهاب بس اتوجعت اوي وغصب عني.
صفيه....يمكن ياولاد انا مش فاهمه اوي اللي حاصل بس تقريبا في مشكله بينهم بس نصيحه لو شايفين انكم بتحبوا بعض وماسكين في بعض متخلوش المشاكل تفك ايدكم وتبعدكم امسكوا في علاقتكم مهما مريتوا بوجع خلي حبكم اقوي من اي مشاكل.
عامر....عندك حق يا صفيه.
قام بدر قعد جمب الكرسي عند نوني باس ايدها وراسها .
بدر...حقك عليا يانوني مكنتش قاصد اتعب او اوجعك غصب عني
نوني...عارفه يا بدر عارفه يا حبيبي وعارفه كمان ان سيلا مقصدتش.🥺
ليل....جدع يا دياب كان نفسي اقول كل ده واكتر يمكن قولت شويه لبدر بس مقدرتش أتك عليه اوي يمكن احنا بقالنا فتره مش كبيره صحاب لكن ربنا عالم غلاوتكم عندي بس كمان مقدرتش ادي الحق اوي لنفسي اني أدوس عليه ومقدرتش ادي لنفسي الحق اني اتكلم مع سيلا.
دياب....لا قول و اتكلم ياليل حتي لو شايف انهم مش هيتقبلوا ده يبقي عملت اللي عليك و راضيت ضميرك مش معاهم هما بس معانا كلنا انا قولتلك يا صاحبي ان اللي بحبه بجد ويدخل حياتي بدي لنفسي كل الحق فيه وهو عليه يتقبل ده برضاه او غصب عنه.
سيلا...بدموع وحزن وتعب واضح.
ممكن اتكلم 🥺
بصولها كلهم.
دياب...اكيد ياريت.
سيلا....بدر مغلطش يا دياب بدر كان معاه حق في اللي عمله.
يمكن طلاقه ليا وجعني اوي وخلاني حسيت بشعور اول مره احسه كأنك خدتني رمتني في عالم غريب عني وسبتني ومشيت أحساس وحش اوي ويرعب.
بصت صفيه بتفهم و فهمت اصل المشكله.
سيلا.....بس مع كل ده صدقني مزعلتش منه لان الغلط كان عندي انا مش عنده...فكرت بطريقه غلط لكن صدقني يمكن لحد الوقت حاسه اني مغلطتش مش قصدي اني اكابر في الغلط بس اللي عملته ده كان خارج من جوايا
بصت سيلا لنوني..
سامحيني يا نوني مقصدتش خالص اني احرمك من ان يكون ليكي أحفاد انا اسفه🥺💔
بصت لروكا اللي كانت دموعها نازله من غير ما تبص لسيلا.
سيلا....روكا أنا اسفه سامحيني بجد مقصدتش اني امنع نفسي من الحمل عشان شفقه مني عليكي انا عملت كده عشان افرح معاكي عشان اشوف فرحتك بعيني مكنتش بجاملك زي ما كلكم قولتوا مكنتش بشفق عليكي يا صاحبه عمري🥺💔
بصتلها روكا بحب ووجع وقهر.
بصت سيلا لبدر...انا محبتش في حياتي غيرك يابدر عمري ما قصدت اني اوجعك مقصدتش خالص يا بدر اني اجرح رجولتك مقصدتش خالص اني امنع نفسي من الحمل عشانك انا كنت مستنيه اليوم اللي روكا تحمل فيه عشان افرحك انت كمان انا اسفه والله اسفه ليكم كلكم مقصدتش يا مهاب انت ويوسف ان يحصل بينكم وبين سما وريم زعل حقكم عليا قامت سيلا بسرعه عشان تطلع فوق.
مسكها بدر من ايدها بسرعه وشدها لحضنه💔🥺
عامر...اهو ده الكلام.
دياب...بأبتسامه اظن كده انا ارتاحت.
صفيه...بدموع ربنا يريح قلبك يا حبيبي
نوني...بدموع بصت لدياب بأبتسامه شكرا .
ابتسم دياب وراح باسها من راسها
قامت روكا من مكانها حضنت سيلا
سيلا....والله بحبك.
روكا....اسفه حقك عليا عارفه انك بتحبيني بس انا بحبك اكتر ومكانش عندي استعداد اشوف حياتك بتبوظ ابدا بسببي كنت راحه اصلحها لكن في الطريق عرفت ان بابي تعبان جريت علي هنا ملحقتش.
بدر...حضن روكا هي كمان خلاص بقي انسوا عشان خاطري .
.عامر...انسوا ايه ياعم ما تخليك في مراتك حاضن مراتي ليه🤨
بدر...بابتسامه الحقي ده غيران عليكي مني.
جاسر...ليكوا عين تبتسموا بعد ما نكدتوا علينا
بدر....لسيلا بصوت واطي بحبك واسف💔
سيلا حضنته اكتر انا اللي اسفه♥️
دياب....اول ما تنزلوا تردها علي طول وقدامكم شهر واحد بس واسمع خبر حمل سيلا🤨
ليل...بضحك شرير اوي🤨
رغم الحزن والوجع لكن كان في امل يدخل الفرح من مكان بسيط حتي لو صغير.
دياب ...وانتي ياروكا لازم ترجعي شغلك وتقفي علي رجلك من تاني الزعل مبيرجعش اللي فات
لمار....فعلا يا روكا الشغل هو اللي هيخلي نفسيتك تتحسن عارفه ان ده مش وقته بس صدقيني لازم تفوقي.
روكا....مقدرش اسيب صفيه الوقت خالص.
صفيه....وانا هيجرالي ايه ياروكا لو قعدتي في حاجه هتتغير.
روكا...مش عيزاني اقعد معاكي.
صفيه...لو عليا مش عايزاكي انتي وساره تبعدوا عني ابدا بس يابنتي دي سنه الحياه الدنيا مبتقفش ياروكا شوفي شغلك وجوزك شوفي حياتك وانا برده موجوده كل ما تكوني فاضيه اخطفي نفسك وتعالي انتي وعامر انتي وحد من البنات حتي لوحدك تعالي ان شالله تقعدي كام ساعه وتمشي انا راضيه المسافه بينا مش كبيره يعني وقت ما هحتاجك هلاقيكي اختك وجوزها جمبي وعلي طول هنا دياب بيجس لاهله هو ولمار هيعدوا عليا صح ياولاد.
دياب...ده حتي لو دياب مش موجود ابعتلك كل اللي تحتاجيه في اقل من ثانيه الدنيا كلها تيجي لحد عندك يا صفيه.
جاسر...ولو طبعا هتعتبريني زي دياب انا كمان باجي اسكندريه كتير عشان الشغل ممكن اعدي عليكي واقعد اشرب معاكي القهوه كمان ولو محتاجه حاجه من روكا او روكا محتاجه حاجه منك هجيبهالك.
صفيه...بابتسامه ياخبر ده انت تنورني وتشرفني ربنا عالم كلكم دخلتوا قلبي من غير استأذان انا يمكن ربنا مدانيش ولد بس اداني انتوا كلكم
عامر...طيب ابسطي بقي يا صفيه معاكي شباب كتير وبنات اكتر يعني كلنا مش هنسيبك ومش بعيد تطردينا.
صفيه...تعالوا انتو بس كل ما وقتكم يسمح وانا هبقي اسعد واحده في الدنيا. المهم روكا متعطلش نفسها وتشوف حياتها
روكا....ماشي بس انا هفضل كام يوم معاكي لحد ما اطمن عليكي.
صفيه....متقلقيش عليا كده كده هحتاجك انتي وعامر كتير انتي ناسيه المعارض والمصانع بتاعت هاشم ناسيه الموظفين اللي بيقبضوا في الشهر مرتين حازم ربنا يعينه ديما كان شايل هاشم علي قد ما يقدر بس انتي عارفه شغله مله سفر.
حازم....فعلا انا لو عليا يارتني موجود ديما عشان ه غصب عنكم هتيجوا ياست روكا عشان تقبضوا الموظفين فا مش هتسبيها خالص
عامر....وانا معنديش اي مانع
ان شالله اجي كل يوم
حازم....عشان كده انا عايزك بقي تيجي معايا انهارده افهمك حاجه كده عشان لو سافرت تبقي فاهم بتسيب القبض فين ومع مين واديك ارقامهم واعرفهم عليك.
صفيه...ايوه يا عامر معلش يا حبيبي المفروض قبض الموظفين كان امبارح وانت عارف هاشم مبيحبش يأخر عنهم القبض ابدا
كان بيقول محدش عارف الناس دي محتاجه الفلوس أزاي.
عامر...اكيد طبعا طب شوف نروح امته.
حازم...لو الوقت يبقي تمام
عامر...ماشي معنديش مشكله.
ليل....وانا طبعا هستأذنكم اننا نمشي لان انتوا عارفين الشغل مش بيستني ومشينا من غير اي ترتيب كمان ولادنا صغيرين مع امي لوحدهم واكيد البنات قلقانين عليهم وان شاء الله يوم الجمعه هنكون اجازه هنجيلكم وناخد عامر وروكا واحنا ماشيين.
صفيه...طبعا شوفوا ياحبيبي دنيتكم وانا موجوده هروح فين.
بدر...وانا لازم اسافر ياعامر سامحيني ياروكا في شغل كتير وانتي عارفه مقدرش اخد اجازه
روكا...طبعا يا بدر روح يا حبيبي امشوا كلكم متعطلوش نفسكم كفايه اوي اللي عملتوه معانا
بدر...عملنا ايه يا عبيطه بس
سيلا....بدر انا عايزه افضل مع روكا معلش.
بدر...بابتسامه طبعا مينفعش تسيبيها اصلا
روكا....روحي يابت مع جوزك.
بدر...لا ياستي انا عايزها معاكي
روكا...يبقي سما وريم يمشوا سما حماكي محتاجك وانتي ياريم عشان المتابعه بتاع كريم تعالوا معاهم يوم الاجازه ماشي.
ريم...ايوه بس ياروكا ..
قاطعتها روكا مفيش بس انا كمان ممكن احتاجكم تخلصولي حجات هفهمهالكم في الشركه مش هقدر استأمن حد عليها غيركم يا بنات
بدر....متقلقيش كله هيبقي تمام.
نوني...طيب انا ينفع استأذنك يا صفيه افضل مع البنات.
صفيه...يالهوي انتي بتقولي ايه ده بيتك ده انتي منوراني والله ومخففه عني.
نوني...ربنا يكرم اصلك معلش مش قادره اسيبهم وهما تعبانين كده و في الظروف دي.
روكا....نوني يا حبيبتي ده بيتك
بدر...بقي كده ياست نوني بتبعيني 🤨
عشق...بابتسامه انت مش عاجبك حاجه خالص
بدر...لا والله بهزر خلاص خليكوا معاها.
ليل...طب كده الكل تقريبا ماشي معادا نوني وسيلا وطبعا عامر وروكا ايه هتتحركوا امته.
عامر...بقولك ايه الساعه لسه مجاتش واحده لسه بدري امشوا اخر النهار هروح المشوار ده مع حازم في السريع وهنتغدي سوا وبعدين اتكلوا علي الله. كده كده هتبقوا في الطريق مع بعض
بدر.....ماشي متتأخرش بس انت .
عامر...لا انا هقوم اهو علي طول.
جاسر...بقولك ايه خدني معاك كنت عايز اشتري حاجه كده احسن حاسس اني مش طايق اللبس اللي عليا ده.
حازم....ما لبسي فوق ياعم خد منه اللي يعجبك.
جاسر...حبيبي الله يخليك وبعدين انا اطول منك شويه ترضهالي ده انا معايا ناس مبترحمش في التريقه واولهم الواطي اللي جنبي ده
نوح...هو انا نطقت ياعم من الصبح🤨.
صفيه...بابتسامه ربنا يسعدكم ياولاد وميفرقش لمتكم الحلوه دي ابدا.
نوني...يارب❣️
عامر...طب يلا تعالي ياعم.
جاسر..لتمارا عايزه حاجه اجيلهالك.
تمارا...بأبتسامه بسيطه لا شكرا.
جاسر...ماشي لو احتاجتي حاجه كلميني❣️
تمارا...حاضر يا حبيبي.
خرج عامر وحازم وجاسر واول ما خرجوا بره راح حازم ركب العربيه عشان يدورها.
وركب جاسر عربيته.
عامر.....علي فين انت مش جاي معانا.
جاسر...ايوه بس انا هروح اشتري غيار سريع كده يعني وهكلمك تكون خلصت مصالحك
ابتسم عامر ابتسامه خبث هتروح تشتري غيار بردو
جاسر...بابتسامه ياجدع في ايه انت مش مصدقني.
عامر...بضحك هنشوف ياعم الايام بتلف بسرعه ومسيرك تقع تحت ايدي🤨
جاسر...بضحك انا ليه حاسس انك مراتي ياجدع😂
عامر...بضحك عشان مفضوح اوي.
جاسر...طب والله انت ظالمني
عامر...عموما ماشي ياعم بس افتكر بكره تيجي تخبط علي بابي وتحكيلي وساعتها مش هسمعك😉
جاسر...بضحك وهو بيركب يبقي خليك قاعد جمب الباب بقي محدش هيعبرك يا حيلتها😉
عامر ..وهو رايح علي عربيه حازم هنشوف😉
خرجوا الاتنين بالعربيه وكل واحد راح مكان.
اما في الڤيلا عدي وقت و قعدوا الكل مع نوني وصفيه وفضلت صفيه تفتكر مواقف لهاشم وتحكيلهم بتأثر علي حب عمرها
عشق لاول مره تحس ان مفيش عليها قيود او إحراج وكانت بتتحرك بحريه مع ساره حبت صفيه وساره زي ما حبت نوني والبنات واتأثرت بالموقف الصعب اللي مروا بيه سما وريم مكانوش سايبين روكا هما وباقي البنات
تمارا كانت معاهم لكن عقلها في دنيا تانيه.
اما نوح فا كان بيعمل مكالمه شغل بره وبعد ما خلص لمح حد جاي عليه سلم عليه وسأله نوح عايز مين فقاله عايز روكا عشان يعزيها
قعدوا نوح عالتربيزه ودخل جوه.
قرب من روكا والبنات
نوح....روكا في حد بره بيقول انه عايز يعزيكي.
روكا...مين يانوح.
نوح...بغباء والله ماعارف هو قالي قولها اني من معارفهم في اسكندريه.
روكا....ماشي انا هشوفه.
سما...نيجي معاكي.
روكا...لا لا خليكوا
بدر....راحه فين ياروكا.
روكا....خارجه بره بس شويه وجايه تاني في حد تقريبا جاي يعزيني .
دياب....اجي معاكي🤨
روكا....لا خليك مع الشباب
بدر...اوعي يابت تكوني هتخلعي تاني مفيش نفي اجري وراكي
روكا...بأبتسامه لا يا اخويا خليك قاعد مع السنيوره😏
بدر...بابتسامه مفيش فايده في لسانها🙈
خرجت روكا بهدوء واول ما قربت وشافت مين الشخص ده
وقفت ثواني
وبعدين مدت ايدها.
مازن....🤝البقاء لله ياروكا.
روكا....🤝ونعم بالله يامازن.
..........
في نفس الوقت اللي مد جاسر فيه ايده يسلم علي امينه.
جاسر....🤝أزيك يا أمينه
أمينه.....🤝ازيك يا جاسر
وللحديث بقيه....