حًربً مًآ بًيَنِ قُلَــبًيَنِ
بًآرتٌ ١١
بًقُلَمًβÃŤỖỖĹ
عدهة شامة بصفهه شامه ..
بصفها رصعه ..!
شمعة ..
وعدها مدري شعدها .. بس والله عجيبه ؟..
هيه اذا ع البراءة ؟
شكد بريئة ..
وهيه اذا ع الجراءة ؟
شكد جريئة ..
هيه نار بنصهه جنه ..
قاسية وتنگط محنه ..!
تخاف وتخوف عجيبه ...؟♥️
_____
بعـد مرور ساعة
جاانت نايمه وصوت نفسهاا العالي ينسمع وعيوني تراقب ارتفاع صدرهاا وهبوطه من رهبتهاا حتى نفسهاا مخربط
مديت ايدي اتحسس خراميش القذاره على ركبتها اثر دنأت نفـس
وذنب مني
مسحت وجهاا بمـاي منتظرهاا ترجع لـ وعيهاا
خلي النـاار تنطفي بـداخلي
ادري ماا سوت الها شي بس گـلبي شـ يقنعه هيه سالمه وما بيهاا شي
فزت بـ صرخة هزت اركان كلـبي وعقلي وعيوني تراقبهاا بـصدمة
لميتـهاا بين اديه وبوكتهاا ندليت كـلبي وين صاير بخوفي عليهاا
حسين.اسم لله بوويه ماكووشي هذاا انه يمج
بجت
بتول. طلعهااا حسيـ... حسين ااروحلك فدووه طلعهاا
حسين.شنيي الصاار ياابه بس حاجيني
كفي ررجفه من انعل ابوو حسين زين
بس كليلي شجرالج شنهوو الصاار
بتول.ماادري ولله ماادرري ماالي علاقه وروح امي وابويه ماالي علاقه هيه
قذره ولله ولله
حسين.كاافي بوويه كفي دموعج بسج
لا يوكف كلبج دخيل ربج شنهو المسوي ولله يبليني بهيج نااس وين السكـط اطلع ملفي بيتي
بتول
مدلي كلاص المااي دفعته من ايده
طااح وانكسر تناثر الكزاز بالكــااع
حسين.فدووه بويه فدوه
بتول.طلعهاا لا تخليهاا
حسين.شردت وحگ عيونج ياابه بس كفي دموعج واحجيلي شنهو الصار
شطلعج من غرفتج
مسحت وجهاا بيدي والملامح ماا مستقره من من خوفهاا
بتول.ماادري
حسين.شنهو الماتدرينه
بتول. كله من ووراك ولله كله من وراك
حسين.ميخاالف ياابه كل من وراي وانه كلب ابن ١٦ كلب بس كفي دموعج وفهميني
خليني اندل رجليه من اديه ولله تربطت تربط ومحـتاار شسوي اهدنج بحدج واركض ورااهت لوو اشوف مصيبتج شنهي
بتول.كل المصاايب من وراك بسببك ولله العظيم
حسين.شصاار احجـيلي
بتول.شنوو ماصار
فك عينه ولزمني بـ اثنين ادينه من زندي مبعدني عن حضنه يباوع بملامحـي رجفت شفته واحتاار شـلون يلملم الحجي ويكوله
حسين.شنهوو يعني جاستج
هـزيت راسي بـ لا
كتم نفسه وحجه كوه على روحه
حسين. چاا شنهـي ولجج احجي مو وكفتي كلبي
بتول.تتحـرش بيه
خله ايده على وجهه محتار وبس عيونه طالعه من جف ايده
رفع راسه وكال
حسين.ربي جااي تشووف حالي موو
بتول.ايي يشوف حاالك وظلمك هم
حسين.شسوتلج شنهو الجره بينج وبينهاا
جـريت نفس كوه ودموعي تكت كبل لا تطلع كلمه مني رجفة معتليه جسمي
بتول.هيه قذره وكلبه ولله انه ماا سويت شي
غمض عيونه بـ صبر
حسين.ادري ادري بيج ماا تسوين شي
فكيت ايدي منه وبعدني اناشغ واجر النفس كووه
بتول.هيه مرررتك مسترجله ولله
غمض عيوونه وفتحهن بسرعة صااح بيـه
حسين.وولج غضب رااح تخليني اشووف شغلي وياااج واعرفنهاا مسويه مصيبه وياااج لو لا
بتول.ماااسويت شي ولله
حسين.لا اله الا الله
لا اله الا الله ياااربي الصبرر منك دخيلك
بتول
بتول.رفعت عيوني علي اباوعله ملامحه مشدوده وكوه لازم نفس لا ينطيني راشدي يفقدني بي الذاكرة
حسين.هاي اول مره يصير هيج موو
اشرت بـ اي بدون صوت
حسين.شسوت الج
بتول.ماادري
رجع صااح
حسين. شنووو مـااتدرين ااكوو واحد ماايدري شصااير ويااه معتـددين علــيي يـوو لاا
بتول.ولله ماادري انه بس شفتك من دخلـت ولله
تقرب يمي رجعت لـ وراه واديني على وجهي
ادينه ترجف واعصابه ماا ضابطهاا
حسين.ماا سويلج شي بس تعااي اشوف
ميل راسي بطرف ايده والثانيه يتحسس بيهاا ركبتي يسب ويلعن
ميل الثوب عن جتفي لزمت ايده
حسين.ولج غضبب وخرري ايدج اشووف مصيبتي الكااه لـ صخاامي حل
وخرت ايدي عنه وهو رجعه لمكانه
حسين.شي يوجعج
اشرت اله بـ رفض
وكف كدام الشباك يدخن
وانه لامه روحي اباوعله واريد اتذكر شي من الصاار ماكوو
هيه بس شي واحد اتذكره صرااخ حسين وصاار طبه قويه يمي
لمن فتحت عيوني شفت راس انهاار كله دم وحسين جاان يحاجيني
وبعدهاا فقدت تقززت من نفسي ومن لمساتها المشت على جسمي
دك تلفونه جااوب متلهف بس وراها صم ايده وصاار يصيح على اليحجي ويااه
حسين.شنهوو ماا لكيتهاا لا تلكااهاا ااريد جووه رجلي شلوون وليش ماادري تنزرع كدامي.... مو شغلتي اقسم بالله اذ ماا شفت شغلك وطلعتهاا الي انه اشووفك شي مااشفته بحياتك... ماا عليك شمسويه
... ادري ادري هاي هيه شووفلي جماعتك البـ شمال.. اريدهاا منك
تسلم فيمالاا
ذب تلفون ومسح على راسه بـ اديه اثنينهن حركته مالت واحد محتاار
رفع رأسه وباوعلي اجه كعد يمي ولمنـي بحضنه
حسين.اعذريني بويه ادري
صاارن هواي عليه وادري بيهن ماا يتسامح عليهن
بتول.مااترجعهاا موو
حسين.لا بويه ما ارجعهاا ردي ناامي ارتاحي
لزمت بـ ايده حيلل
ونطقت جملة بدون معنى بس جنها معلكه على طرف لساني
بتول.حسين راح امووت
فز ولمنـي بحـيله كله
حسين.يندار عمري على عمرج بوويه لا تحجين هيج
ناامي لاتسولفين بهااي السالفة مره ثانيه
.......
لـيلا
حسين.تعااي يمي يابه
بتول.هزيت راسي بـ رفض وعنـاد
ماا
فك عيونه وكام متوجهه يمي وانه محسبه حسابي اطفر لـ درج اذ اجه يمي
وصل يمي وانه باعده عنه بدرجتين
حسين.ولج نزلي لا طيحين
بتول.لا ولله ما اطيح سدك امين
ابتسم على اساس يطمني باوعت بعيونه نظرات ذيب يريد ينقض على فريسته
حسين.هسه انتي علـيش خاايفه
بتول.هااا اذكرك بالمطبخ
حسين.ليش شصار بالمطبخ
بتول.لا ولله
حسين.وعيونج شنهو الصار بالمطبخ شبي
هـز راسه ومضيق عيونه
زين ذكرتيني اطلبج مالت هذااك الاسبوع
بتول.لاا ماا تطلبني شي سقط حقك مني
حسين.ليش ياابه طلكتج ومادري
بتول.تزوجت
حسين.سااعة السوده بوويه بالعبااس ما تزوجت نزلي يله
بتول.ياا ومرتك وعركاتكم تاالي ليل
نفـخ بـ صبر وكال
حسين.سووالف كباار يابه لا دوخين راسج بيهن
بتول.مااري.... مالحكت اكمل جملتي اله وصرت مقيد بين اديه سحبني لصدره ونزلني بحذر
صرنه عالارضيه
حسين.ولج ياهوو السقط حقه منج
لويت شفافي بـ زعل وااشوف عيونه سبلت ونظراته تنتقل على ملامح وجهي
بتول.حسين
حسين.هاا بويه
بتول.تراا ما نااسيه سالفة رافد وضربك الي
فك عيونه وخنزر وجني طيكته راشدي صحيته بي على زمـانه
حسين.من خرب بـاهلج
اي ولله
عافني و راح دنك اخذ جكايره وتلفونه
حسين تعال ووين راايح
طلعت ورا بالطارمه واحجي بحـركة كلب
جاوبني وهو يفتح باب الكراج يطلع السيارة
حسين.فووتي جوووه
بتول.درت وجهي ودخلت طبكت باب الصاله حيل
رجـعت حليمه لعادته القديمه
دخلت للمطبخ واجت عيني على المكان والصار بي الصبح
بااوعت اكو اثر دم على الارضيه مالت المطبخ
غمضت عيوني بـأسى على هاي الذكرئ التعيسه وتنضاف لـقائمة ذكريات السوداء
صراحة انه ماا جانت عندي ذكرئ سوده
غير لمن دخلت
لـبيت حسين
صرت لكلشي مغناطيس
المشاكل
المصايب
الكوراث
واخير شي تواصلت اله صرت مغناطيس لـ گلـب
حسين
وهذا الما جان بـالي بيوم من الايام
اخذت كلاص ماي وطلعت
معقوله زيدتها علي لو هيجت المواجع
بس تعتبر استهانه بحقي لو ماا حجيت اقل شي منه يعتذر عن السواه بيه
صحيح ماايرد الالم ولا يمحي الجروح بس يخلي لـ ظلمي قيمة
شربت مااي ودحست نفسي بفـراشي
ميته جوع بس احس روحي وصخه من لمساتهاا
وهذا الشي كاافي يخليني اصوم اسبوع عن الاكل
بين الكاعده والنايمه نفتح الباب
و وكف فوك راسي مثل عادته اذ رايد يشوفني كاعده لو نايمه
مسح عالراسي بيده
ذب سترته على طرف الجرباية
وتمدد يصفي سحب راسي على ايده وباسه
كلبت وجهي صاار بصدره
غمضت عيوني واستنشقت عطره المخلوط بـ ريحة الجكاير يصير مميـز
عصرني بحضنه وجنه يريد يحميني من نفسه تبعت هاي الحركة حسرة شاگه صدره
حسين.كاعده يابه
رفعت وجهي اباوعله ونظراتنه التقت سويه
غمض عيونه ورفعهن لسكف تجنـب يباوعلي
بتول.ليش ضربتني حسين؟
ليش تشوفني اتلووه من الألم كبالك ماا تهتز منك شعره؟
تسمعني استنجد بيك وانته جلادي وظالمني ما كسرت كلبك؟!!! معقوله!!
ما اهتز الحنين بيك!! وكلت ارحمهاا!! وهيه كدامي لا حول ولا قوة!!!
وجني كدامك زانيه
ولله يمكن هااي لو اعلنت التوبة يرحمونهاا اله انه بلا ذنب او سبب انجلدت منـك
جسمي يشهد عليك بـ يوم من الايام
ويشهد على كل شطب وكل نزف منه بسببك
يشهد على كل مسامه تلونت بالون اثر ضربك
تدري بالقرران ولله ومعزتك
كلها تهون وبصفحه عندي ويمكن لوو جاي ثاني
وكايلي انسي وخلينه نبدي صفحه جديده جاان بديت وياك بلا تفكير وعالفطرتي مثل كل مره
بس كسرتني وانته تصيح بعلو صوتك وتسبني وتشتمني بـ اقبح العباارات والكلمات
انته تدري بهذا الحجـي مو الي ولا انه صاحبة هذا الدرب تشتم امي وابوي بگلـب باارد
وهااي مو اول مره
حسين تراا همه عد رب كريم يعني خاف لله بيهم وخاف علـى روحك ولا تشتمهم وتسب بيهم لان خلفوني وصرت عاله عليك
انته تقبل احد يسب مرتك وبتك
كلي جااوبني تقبل
هز راسه بـ رفض وعيونه ماا اجت بعيوني
چاا ليش اهلي عالصاعده والنازله تسب بيهم
انته ماا تعرفهم ولا عاشرتهم ولا شايفهم
هو انه بتهم ماا اتذكرهم انته عليش ليش تشيل ذنبهم
تراا ولله يشورون بيك
سكتت مدنكه راسي ودموعي بللت فانيلته الرصاصيه
حسين.هاي هيه بويه يجرالج اذ بيوم سمعتيني سبيت اهلج انتي فصلي وانه البس ساعتهاا خادم وممنون
بس كفي دموعج تراهن يهدن حيل حسين
دنك وجهه يمسحهن بـ جف ايده
باوعتله رجفت شفتي ورجعت ابجي
حسين.لا تبجين بويه موو زيدي بجي
بتول.ليش ماا سمعت مني
ليش ما سئلتني ما جان ضميت عليك والموقف صار كبال عينك
جـر نفس رفع راسه ورجع يباوعلي
حسين.من عسااه عيوني نعمت بهذيج ساعة خايبه شاايفه من شفتج دنكتي
هو انه من غير شي جااي معطب وبالي الف شغله وشغله واشوفج وكفتي وياه
جـن ناار ودارو عليهاا نفط بدال ماا يطفونهاا شعلوها بالزايد
من اتذكرهاا وابااوع لصدريتج اكول شاف تقاسيم صدرهاا
رفعت راسي من حضنه اباوع لملامح وجهه
وكفني من كال هاي جملته
بتول.ليش هيج تحجي
عصر زندي بيده وكال
حسين.ماا مجذب اانه
دنكتي كددامه وقميصج ابيض وصدريتج مو كامله
صددك لو لا
اااحجي صدك لوو لا
بتول.ايي بس ما جان مبين من جسمي شي
حسين.ياا ما مبين
اانه الماا مكرب الج حفظت قيااس ملابسج......
فكيت عيني وودكيت عالصدري
هذا شلوون يحجي هيج زاايح المستحه فرد نوب
بتول.ولله ماا تستحي
ليش تبااوع
نزل ايدي وخلاها على كلبه
حسين.لا تسوين هيج مره ثانيه
دنكتي كباله وعقلي يروح ويجيب اكول هسه لزم اطراف اصابعها
وحگ علـي اهيس جـن روحي تنوخذ مني
ياا عقل ياا فكر ضـل بـ راسي اصلا حتى كلبي جن شلته وذبيته بطريقي وانه اتوعد الج
انه اكلج بكلشــي عاقبيني واليحلالج سووي
بس لا تختبريني بيج
لا بجـفا منج
ولا اشوفج وي غيري
بتول.بس انه صدك كـرهتك ودعيت عليك لمـن ملـيت
ضيق عيونه وحجه بتساؤل
حسين.شـ دعيتي
بتول.كلشي
حسين.تمنيتي الموت الي
بتول.لا ولله
انه صدك احقد عليك بس حتى لو كتال امي وابوي ماا ادعي عليك بالموت
انتظر رب العالمين ياخذ حقي مني
لان اخاف ادعي وتستجاب دعوتي وبوكتها اكسر كلوب ناس تحبك
انه مااحبك من جهة هاي صحيح
بس من حهة ثانية اكيد اكو الك ناس تحبك ومتعلقين بيك
موو حلو شعور الفقدان بشع وقبيح كلش وما اتمنى لـ شخص يعيشه
غمض عيونه وذب نفس
حسين.شمسوي بـ دنياي حتى صرتي يمي
وخرت راسي من ايده وجريت مخدتي حجيت وانه ادور وجهي منه
بتول.مغضوب عليك
صدك حسين اجوو يخطبون منك؟
حسيت
بنبرته تغيرت وصاارت للاستفهام
حسين.وانتي شدراج
بتول.مو هيه كالتلي
حسين.منهوو هيه
بتول.ايناس كالتلي راح يجون العصر وقصدها بيوم الكتل العالمي
حسين.متونسه موو
بتول.ليش لا حسين هم متزوجه وهم انخطب
ماا سمعت منه شي بعد بس طبكه الباب
وصوت كحته القويه
التفتت وخرت الغطه اريد اكوم اشوفه بس بطلت
مالي علاقه بي
كلمن يتحمل نتيجة غلطه
انه مجرد حجيت حجي ما سويت سوايته
ورحت تزوجت وكسـرت گلب
نمـت ساعتين وكـعدت من الجوع صدك كاافر
وما يرحم
وكفت وعبرت عالمرايه باوعت لكفشتي صاايره لخـه
فتحت شعري ومشطت مقدمته بس تروح البيبي هير
طلعت التفتت لـغرفتة بابها مفتوح
سمعت صوته من المطبخ
حسين. تعااي ياابه
دخلت للمطبخ كاعد على الكرسي كدام البارب الخارجي
حسين.شكعـدج
عكرت وجهي ومسحت على بطني بيدي
بتول.جووعانه
ابتسم وكام نكث بنطرونه يمكن من شدهت باله بالصار اليوم ناسي يبدل ملابسه من الصبح نفسهن
حسين.ماا طلعت من نهد الصبح وحتى هسه معزله المحلات
بتول.شلون جوعانه ولله
حسين.يخسه الجوع ياابه هسه اسويلج شي تعاي كعدي
سحب الي كرسي صعدت من الكرسي على الطاوله
واباوعله شلون يتحرك بالمطبخ
كلساع يسئلني عن شي واكله مكانه
حسين.اسويلج لفه جبن تصبيره
بتول. لا اتانيك
رجع يدور على البهارات دليته على مكانهن
ايي لان غيرت ترتيب الغراض بعطلتي وهو ما تعود على مكانهن لان جان معتمد عليه بكلشي
يثرم عالسريع ويذب الطاوه وانه ماا فاهمه شيسوي
لحد ما غطاها وطلع صمون يحمي
غمضت عيوني ورجعت راسي عالحايط الوراي نعست كلش
حسين.تردين وياها جاي لو بطل عصير
بتول.بكيفك اي شي
حسين.خلصت يابه لا تنامين
بتول.كعدت عالكرسي وبسطت اديه وخليت راسي عليهن
حسيت بي خله الصاحون كدامي وبطل عصير
وصمونه
ما رفعت راسي ولله عيوني قفلت كلش
حسين.يله بوويه كعدي
رفعت راسي اباوعله كلش يشهي وريحه الفلفل الملون طاغي
كام من مكانه وكعد بصفي كطع الصمونه
حسين.انه اوكلج ياابه بس فتحي
فتحت عيوني المقفله هو لازم لكمه ويريد يوكلني
رد فتح العصير وقربه يمي
حسين.يله ياابه بس شوي و روحي نامي
بتول.اكلت شكم لكمه من ايده وكمت
حسين.عافيه
بتول.هزيت راسي ومسحت عيوني بيده
فتت غسلت وفرشت اسناني ودخلت لغرفتي ذبيت نفسي جفي على وجهي و تغطيت
هستوني دخلـت بعالم النوم وحسيت ادينت تخلت على جسمي
فزيت ورفعت راسي فاتحه عيوني واحاول اركز
همس بصوت ناصي
حسين.اسم لله ياابه اانه هذاا
هزيت راسي ودحست روحي بصدره
رغم كلشي صار بينه وعلينـه
اعترف
الكاه الامان بس بحضنه لمن يلمنـي ويضل يقره ايات حتى انام هاي بحدهاا عندي فد انجاز لـ راحتي النفسيه
نمت بعـمق وما حسيت على شي
بتول.كعـدت ثاني جان هو طالع وجايه نهئ والبنيه حتى ما مكعدتني
مسويه الريوك ومتانيتني طلعت وتفاجأت بيهاا
سلمت عليها وكلت
بتول.ليمت جيتي وليش ما كعدتيني
نهئ.شفتج نايمه مااهان عليه اكعدج فوتي غسلي وتعاي نتريك انه وياج ونسولف
بتول.ماشي طلعت
واجيت يمهاا صبتلي كلاص الجاي وكعدنه ناكل واسئلها
وهيه تجاوبني بس العرفته
همه موو منا من الناصرية
وحسين وسجاد شراكه بالمحل مالت الاثاث
نهى.هدينه من هذا الحجي الما بي فاايده واحجيلي بالمفيد
ابتسمت بوجها وحجيت
بتول.ليش شنو اكو
نهى.بتول اريد احجي وياج واحسبج مثل بنتي
وانتي عليج تسمعين وبكيفج تاخذين بالنصيحة اولا
بتول.تفضلي اسمعج
نهى.علمودكم انتي وحسين شني قضيتكم ليمتهاا ناوين تضلون هيج؟
ليش واحد يشرد بالثاني؟ ويحتار شلون يأذي الثاني؟
تتفنوون وتبدعون بـ اذيه ارواحكم وانتم ما حاسين!!
بتول.شسوي ام الحسن كليلي ولله حتى انه محتااره
ماا جاي يفهمني ايده والـطگ تراا ولله انه بشر هم احس وكل طگه اله احس مووت بيها الي
نهى.انتي بيدج تغيرينه وطبعينه على اطباعج كلشي بيدج
بتول.شلوون
نهى.تممون زواجكم وتعيشون حالكم حال هااي العالم
بتول.تراا هو لحد امس متزوج
نهى.شوفي حبيبه انه اكلج ياها وانقل معلومة عرفتها عن حسين من سجاد
ترا حسين عده علاقاات لا تعد ولا تحصى ويعرف البت الزينه من الموزينه
ويعرف هااي تصلح اله زوجه وهاي لا ما تناسبه
وهو لو ما شايف بيج الزوجة التكمله وتخلي يكضب كاعه ماا جان بقاج يمه ورا هااي المصايب المرت عليكم
بتول.خلي نكول اقتنعت بحجيج ليش ماا يجي ليش ما يكول
نهى.تعرفين هو رجال وهو حسين من نوع من الانفه اهم شي كبريائه ما ينجرح
وهو يخاف يكلج لا انتي ترفضينه
بتول.ليش اارفضه
نهى.شنو ليش عود تحجين صدك
اول شي هو مخلي بعقله
العمر بينكم يعني الفرق ٢١ سنة ترا موو هينه
ثاني شي باله
خاف توافقين و ورا فترة تتندمين عالقرارج خصوصا ياا بتي انتي وراج على كوله سجاد حصبه وجدري
جامعة ومجتمع مختلط
جريت نفس بصبر
بتول.ويعني هيج شاايفني رخيصه حتى امل ورا فترة منه لمن اشبع
نهى.حشاج يمه بس هذا تفكيره لان انت بعدج مراهقة وهاي الفترة حساسة شوي
بتول. وهسه شلون شنو الحل
نهى.تردين يجيب الج مره ثالثه فوكج
غير ذيج المكموعه
فكيت عيني وضربت على صدري بيدي
بتول.عززا بعيني ولله انه شفت الموت وي الاولئ مو يجيب وحده ثانيه
نهى.چاا تسبعي يمه وشدي الهمه على حسينج
بتول.شلون؟
غمت كصتها بيدهاا وتباوعلي بحيره
نهى. ماا تعرفين شلون
صميت اديه اثنينهن ودنكت راسي
بتول.لا اعرف بس شلون ولله يعني انه اروح بـ رجليه اله
نهى.يعني هسه انتي راضيه موو مقتنعه
رفعت وجهي الهاا مستغربه حجيها
بتول.ام الحسن ترا انه احب حسين ولله وما اشوف نفسي ارهم وي رجال غيره بس هو يكرهني بتصرفاته مرات وياي
وانه متاكده لو افر العالم ما الكه مثل حسين وتعامله وياي اذ جان راضي عليه
نهى.يعني ابلغ سجااد
بتول.شـ تبلغين
نهى.حتى باجر اطلع اجهز الج مكياج وبدله بيضه
بتول.ما الها داعي عدي هواي فساتين
نهى.كومي نشوفها بله
بتول.اخذتها لغرفتي وفتحت كنتور اطلع اله فساتين
محجبات نازكة وحلوه بالوان هاديه
باوعتلي فاتحه حلكهاا وغمتني
بـ اثنين اديهاا
نهى.ولج فستاان حتى يشوفج بي حسين حتى طيرين عقله
موو حتى ترحين لسوك بي
ماا علينه باجر انه اروح اتسوك الج
بتول.ماشي وهم حتى اوصيج تجيبلي شكم شغله عادي
نهى.بطن عيني يمه
هيج ولله يفرجهاا عليكم واشوفكم معرسين ويرتاح كلب ريلـي
بتول.هذاا كله علمود سجاد
نهى.ايي يمه علموده چاا شنهي شايل حملكم عالظهره
بتول.هم لله ينطي العافية
كضينه نص اليوم وياهاا سوينه غده وسوالف وشقه وهيه نفسيتها حلوة ومرحة
ساعة تنصح ساعة ترزل ساعة تضحك عليه من اسولف مواقفي وي حسين
لحـد ما اجـه حسين ساعة بـ٣ العصر و وياه سجاد
راحت وهيه تتحلف بيه لـباجر
طلعت بطل ماي بارد وخليته كدامه
ابتسم ورفع راسه الي
حسين.شلونج ليوم
بتول.زينه الحمدلله
حسين.الحمدلله ضل بالي يمج البارحة كلساع فازه
هلـجبت ام الحسن يمج
بتول.خوش مريه حباابه
حسين.اي ياابه همه كلهم بعينج حبابين بس يمي وتنكطع
بتول.لا انته هم حباب مرات
اصبلك غده
حسين.انتي ومروتج وياي
بتول.بدل علمـا اصبلك
حسين.شنهو متغديه انتي
بتول.لا بعدني
هز راسه وراح غسل اديه ودخل لغرفته
صبيت الغده جان تمـن وشبزي ولحـم سوه
صبيته خليت مقبلاته وياه
واجه جر كرسي وكعد
التفتت اخلي الجاي عالنار وعيوني تبوك النظرات اله
جان
لابس تراك اسود وعلى الاطراف خطين ابيض
ساعته بيده ما نازعهاا تلفت النظر
رفع راسه الي لمن كعدت كباله
حسين.ارتاحيتي ليوم
بتول.احسن من امس
جر نفس وحجه بدون ما يباوعلي
حسين.لا ينذكر ولا ينعاد
بتول.وينهاا هسه
حسين.مو هنا بـ شمال بيتهم فارغ
بتول.اتركهاا حسين
حسين.بـيا حق اتركهاا وهيه متعديه على حلالـي
بتول.حلالك ساالم امن بس الله عليك اترك السالفة
باوعلي ونص ابتسامة على وجهه رافع حاجبه
حسين.متاكده سالم
فكيت عيوني وحجيت من عرفت عقله شاطح
بتول.ياا
حسين.ما حجيت شي انتي كلتي
هسه ما كلتي الي متاكده طلعتي حلالي سالم غانم
دنكت راسي وما حجيت ردت بس اشرد حتى اغسل وجهي واطف الحرارة البي
ساد الصمت
بينه كملت اكلي عالسريع وكمت غسلت وضل الملم بالمطبخ علما يخلص
حسين.بتول
بتول.هاا
حسين.بااوعيلي من احجي لا تنطيني ظهرج
عفت البيدي ودرت اله
بتول. اسفه شنو ردت
مسح على شواربه نزولا على لحيته الخفيفه بتفكير
شنو حسين
جر نفس ونزل ايده من وجهه كال
حسين.ابدي درسي
فكيت عيني وتقدمت يمه
بتول.شـ درس
حسين.حضري لـ إمتحاناتج
بتول.عوود صدك ولله
هز راسه مأكد كلامه
سكتت ودمعتي بعيني ماادري شلوون اشكره
كل ظني هاي هيه دراستي راحت من ايدي وماكو خط رجعه بيني وبينهاا
حسين.ها يابه شبلاج تصنمتي
بتول.مشكوور حسين ولله ماادري شنوو اكلك
ابتسم وكام من مكانه هو جان منتظر درة فعل مني اقوه وانه هم بس مااعرف شنو المنعني اتقرب اله
اكتفيت بـشكره
حسين.خادم بوويه
طلع من المطبخ متوجه لـ غرفته ومبين من مشيته تعبان ودايـخ
غسلت المواعين وانه ااريد اطير للكتب واحضنهن موو بس اقراهن
طلعت ورا ما كفضت المطبخ
غسلت وبدلت ملابسي ظفرت شعري وتوجهت ادور على جنطتي و وكفت محتاره من اتذكرت هيه ضلت بسيارته
ماكو غير اروح اشوف السيارة
دخلت غرفته ظلمه وباارده تشجع على النبطاح بالكاع وتنام بيهاا بدون لا فراش ولا مخده
رحت يم بدله الشغل ضليت ادور بيهاا
لكيت السويج اخذته و درت وجهي لكيته كاعد ومفتح عيونه بـ استغراب ضوء خفيف جاي على ملامح وجهه
رفعت السويج بيدي وكلت
بتول.اجيت ادور على جنطتي وانه عفتهاا بسيارتك اخر مره
فرگ كصته بجف ايده
هز راسه ما حجه شي
تقربت يمه وحجيت
بتول.راسك يوجعك اجيبلك علاج؟
حسين.لا بويه روحي درسي ما بيه شي
بتول. براحتك
عفته وطلعت فتحت السيارة ادور عليها جوه الكراسي ماكوو فتحت الجنطه هم ما لكيتها بس
كتبي ودفاتري والمحفظه اخذتهــن وسديتهاا
دخلت جوه وبسطت بصاله
اقره وارجع ذاكرتي حتى الشي المو مهم اراجعه
لحـد المغرب لمن سمعت صوت الاذان يله كمت
استغربت حسين ماا كعد هاي من نومته العصر
دخلـت للغرفة
على نفس ظلامها وزايد لان ماكو سفار من الشباك
فتحت الكلوبات واجيت يمه ندهته
رفع راسه وملامح وجهه مكلوبه مبين نومته قلقه
وما مرتاح بيهاا
حسين.هاا بويه
بتول.تكعد اذن المغرب
حسين. روحي صلي انتي هسه اكوم
بتول.طلعت صليت وكملت
كعدت بصاله اكمل العندي من العربي
طلع من غرفته وبوجهه للمطبخ شوي واجه شايل كلاص جاي دبل بيده وكعد يمي لزم كتاب الرياضيات يكلب بي
حسين.شكملتي
بتول.العربي كله شرح وادب
حسين.عشتي ياابه
بتول.بس انه مادري اذ هاي المواضيع كلها داخله بـ الامتحان
حسين.ميخالف باجر اروح واسئلج
اشرت اله بالموافقه ودنكت اكمل احفظ خطبه من خطب الرسول صلّ الله عليه وآله وسلّم بـمناسبة شهر رمضان
كتبتهاا اكثر من مره حفظتها وطبكت كتابي خلصت المنهج هيه المادة جانت سهلة وانه اكثر حملي اذبه على الادب بالحفظ القواعد مو صديقتي دائما
حسين.خلصتي
بتول.ايي هاي هيه خلصت اول عله
حسين.تخلص وتصير سوالف
شنهو تردين عشه
بتول.ما مشتهيه شي
حسين.وبعد شووي تصيحين جوعانه ونعسانه ونحتار نومج لو نوكلج
ابتمست وانه اتذكر موقف البارحة
بتول.مادري اي شي تجيبه لـ نفسك جيب الي وياك
حسين.تمشين نطلع
بتول.وين
حسين.وين ما الله كاتبلنه وتوكف السيارة
بتول.اطلع سافره
باوعلي وكصني كص
هز راسه بـ رفض
حسين.لبسي شي فوك ملابسج ضيكه
بتول.ماشي
دخلت للغرفة اركض بسرعة واخيراا راح اتحرر من هلـ سجن واشوف الشارع والناس
لبست جبه وشمرت الشال عالشعري
وطلعت صار بوجهي
حسين.تعاي وين وين
بهت وجهي ودرت علي
ماا تشوفين شعرج طالع
بتول.يااعزا كمزتني ولله عبالي لغيت الفكره
حسين.ضمي ليلج ياابه
بتول.شنوو؟
حجه وهو متوجهه يفتح باب الكراج
حسين.شعرج بويه شعرج ضمي
ايي هسه احجي وكول شعرج ضمي بعد عليمن هلـ الالغاز وليلج ومادري شنو
ضميته وطلعت ورا صعدت بسيارة نزل قفل البيت وطلعنه افتر افتر افتر وانه عيني عالشوراع التجنن
باليل النشرات الضوئيه تارسه الشوارع والنخيل فاصل بين الشوارع ناس تفتر والسيارات تسوس الـ مناطق راقيه وحلوه
نزل يم محل يشتري عشه وعينه عالسيارة
ندكـت الجامه اليمي فتحتها
من شفت طفل
...هااج يـ بنيه هاي الوردة تشبهج
اخذت من ايده تجنن حمره مقدفه وبيهاا عطر يخبل
بتول.ياا حبيبي شكراا بشكد تنطيناها
... بكيفج
بتول.مو انه ماعرف بيش
... حتى لو ربع عندج ميخالف واذ ماعندج عوفي
بتول.انتظر شوويه
درت لـ حسين عينه علي وجاي يحاسب لولد
اشرت براسي اله
حاسب بسرعة واجه صعد بسيارة
حسين.هاا بويه
مديت الوردة بيدي وكلت بـ ابتسامة
بتول.حصلت وردة
حسين.منين ولج
بتول.درت وجهي من سمعت الصوت الطفولي جان كصيرون والجامة ما فاتحتها كلهاا حسين ما يشوفه
... مني عموو
حسين.خرب بغيرتك عمو زين
بتول.ياا حسين دشوفه شلون حلو لله عليك ليش تغلط علي
عافني ونزل دار من جهتي
شال لوليد وباسه بخده وهذا شايل باقه ورد اكبر منه
بتول.انطي حقها صارله ساعة واكف خطيه
.. لا عمو انه كتلها اذ ما عندج ماريد
حسين.هااي بيش تبيعها كلهاا
... بكيفك
طلع حسين فلوس من محفظته خلاهن بيده
وانطاني كومه الورد
حسين.ااريد اشوف انوب ياهو ينطيج وردة بعد
بتول.ابتسمت واشرت لـلوليد بيدي بيباي انطاني بوسه هوائيه
التفتت فرحانه باوعت لـ حسين فاك عيونه عليه
معطب
كال بحركة كلب
حسين.ادري شنهوو بويه وليه هيه خو ما وليه
اطلعج الناس تتغزل بيج وتبوس وتنطيج ورد
اخليج بالبيت يتحارشون بيج وما اسلم على حلالي بيج
شنهي انتي
حجيت مبتسمه
بتول.غضب عليك
حسين.يا اللهي الصبر
ضليت ارتب باالورد هو اصطناعي بس شكله يجنن
يوحي للحقيقي
وكفت السيارة بـ ازدحام ما اهتميت
بتول.افتح الي تلفونك
حسين.شسوين بي
بتول.اصور شبيك حبااب
فتح الي وخلاه بيدي عينه على السيارات ليمتها تفض رفع الجامه اليمي وهيه نص تضليل سد الهوه المنشع عليه
باوعتله ما راضيه وهو ما اهتم
خليت بيني وبين حسين الورد وجريت ايده لابس بيهاا ساعة شابكتها بيدي
اصور لقطات حلوه
هم زين جنت لابسه سوار واظافري طوال مرتبه الصور عبالك صور هاي الغلافات الشخصيه
مديت التلفون اله اشوفه الصور
حلووه
اشر بـ رأسه مبتسم
اخذه الواهس وكمل سياقه وايدي بيده وكف السيارة
يم الـ شط
حسين.هذا المكان جاي بي اكثر من بيتي
حجيت مستغربه
بتول.ليش يعني؟ شنو المميز بي
حسين.شكو هم عدي مدفون هناا شكو مشكله هو يدري بيهاا كبل لا اقرب الناس الي يعرفون
حجيت بـ نبرة تسأؤل
بتول.تحب الهدؤء هوواي لهيج اختاريت هذا المكان
وفضلته على بشر يسمعك وينطيك حلول
حسين.احسن اقل شي يحفظ السر وماا يطلعه بيوم من الايام
بتول.وجة نظر
هسه ننزل لو نضل بسيارة
حسين.براحتج شتردين
بتول.ننزل شوي ما نطول
نزل وفتح الباب الي نزلت وياه وكفني بعيد عن الطريق وهو صف السيارة بمكان معزول حتى ما تضايق الناس
اجه يمشي سريع
مدلي ورق كتاب ومسوينه على شكل كبوس وبي حب شمسي والثاني بي شاميه
حسين.هاج ياابه
اخذتهن من ايده وتمشينه بصمت بس عيوني شايهه على منظر الماي
ساعة يرتفع ويصير بي صوت وساعة هادئ وساكن
التفتت لـ حسين وحجيت
بتول.هسه عرفت ليش تحب هذا المكان
حسين.انه نفسي مااعرف شنو سبب تعلقي بي
نوريني بله
بتول.لان يشبهك
حسين.يشبهني انه!! شلون بله؟
بتول.شوفه شلون هادئ وساكن ومنظره مريح للعين
هذا انته من مرتاح وما احد عايل بيك لو مضوجك
فد انسان حبااب وتنشرب وي الماي العكره
رجعت التفتت من صار صوت بالماي
وهذا انته انته تهيج وترتفع غضب وعصبيه لمن يعيل بيك الهوه
اعصابك ما تنحمل ومرات تاذي نفسك بدون ماتدري
هز راسه مقتنع
حسين. وبرايج منو الهوه اليعيل بيه
بتول.الناس شغلك ممكن اسبابك انه مـا اعرفها
هز راسه بـ رفض
حسين.اخر همي حجي الناس وشغلي متعود على خربطته من يوم يومي
تحملت الاصعب منه هذا لا شي من الشفته
عوفج من هذا كملي تحليلج وكليلي منهو الهوه
حجيت متردده واديه راصه على الورقه بيدي نمردت الشاميه البيها
بتول.انه
حسين. شنهو انتي؟
بتول.الهوه اليخليك ماتعرف وين دير وجهك وتحتار تنطي لياا جهة ويا صوب
انه خربطت حياتك وامورك
ونظامها وطريقة مشيها على حساابك
ورغم هذا كله بعدني مستغربه
انه موجود يمك ماا عفتني ولا تخليت عني
جر نفس وملامح وجهه رخت
حسين.انتي الهوه العال حتى بكلبي بعد ماا جان ساكن ومهدي وضابطه ومخلي شغلته بس يضخ دم
ولا تنتظرين منـي بيوم ارفع ايدي عنج واتخله حتى لو صاارت بينه مواقف ما تعجبج ولا تعجبني
وحتى لو نفتارك مردج لـ ايد حسين
درت وجهي اله عيوني تلمع ومدمعه انفاسي مخربطه
ودكاات كلبي طبل وكانها سببت الي
ارتجاج بـالقفص الصدري
جليت صوتي وحجيت وحتى لساني منع عن الكلام وجن صار عدوي وما ساعدني غير بنطق حجايه وحده
بتول.حسين
غمض عيونه وكال
حسين.هاا يروحه ودمه ونبضه هاا يـ شلت ايد حسين
ويعله كلـبه ودكاته
ياا هواي العال بيه
هوواي
وللصبر بعد ماا بيه
حيلي خلص و ودعني
فتح عيونه وباوع لملامح وجهي يدرسهاا
حجه بـ نبرة سلبت كلبي من بين اضلاعي وخلته يركض اله
بتول ارحمي عمري الخلصان بويه ترا ماا بيه حيل هموم وحگ عيونج
نعكد لساني وضليـت افر بعيوني على ملامح وجهه وبعدني ماا مصدكه الحجي الكاله
كلبي يركص مو يدك
وعيوني تريد تبجي بس ابتسامتي مانعتهاا
اديه ترجف وتريد تركض اله لحضنه حتى تحس بـ الاستقرار
لكن المانعها خجلي من المكـان مو مناسب ابد
حجـه بـ نبرة تعبان
حسين.نمشي لسيارة
هزيت راسي بـالموافقه
حضن ايدي بـ ايده وعبرنه لسيارة
صعدنه بالسيارة وتحركت وما زال الصمت يرافقنا
الشي الوحيد الحلو كلما يلتفت الي يجر حسره مبتسم
وكانه حمل جبال على اكتافه وانزاح
نزلنه خليته يدخل السيارة ويقفل البوب الخارجية
دخلت للمطبخ ذبيت الجبه والشال
خليت الجاي عالنار
وحطيت العشه جان لفات كص هو ما يحبهاا هيج
فرغت اله لفتين بصاحون طلعت زلاطه وطرشي موجودات بالثلاجة
وكفت اصب الجـاي واسمع خطوات دخلته للمطبخ ما اتجرئت ادور وجهي وانه احسه صار قطعه نار خطواته بيها تقترب الي
نلزمت اطراف كصيبتي وبده يفل بيهاا
جليت الصوت المبلوع وحجيت
بتول.ليش تفلهاا
حسين.خلي ليلج يتمايل وي مشيتج
اشرت اله بالقبول
فلاهاا الي وراح استراح بمكانه جريت نفس ومحتاره شلون اكعد واكابله
درت وجهي بـ ياعلي وجني رايحه للجهاد
خليت كلاص الجاي اله وكعدت بمكاني اكل بلفتي ومدنكه
ما رفعت راسي
حسين.اكلي على راحتج عيني ما تصد الج حتى وجهج صاار جماار
رفعت راسي اله
بتول.شنو هوه
حسين.كملي اكلج براحتج فايت ابدل انه
طلع وعافني وانه جريت الصعداء
خررب شنو هااي شجااي يصير بيه احس ماكو شي بجسمي سااكن وهادئ
لميت الاكل غسلت وفرشت اسناني وفتت لغرفتي
مشطت شعري وعفته مفلول
طفيت الكلوب وتمددت بمكااني واتاني باجر يجي وشنو جايب وي من مفاجأت الي
وتذكرت حجي نهى
بنـص افكار
نفتح الباب ودخل صاحب گلـبي خيم ظله عليه اثر ظلام الغرفة والضوء البره
حسين.نمتي شنهو
بتول.لا بعدني كاعده
دخل للغرفة وسد الباب وراه
حسين.تستقبلين ضيوف اليلة عدج
بتول.ليش
ذب ترواكه التراك وبقه بالفانيله نيلي نص ردان حاضنه عضله ايده
بكل امتنان اله كاال وبعده بمكانه واكف
حسين.هسه هاي طرده بـ نزاكه شنهو
بتول.لا ولله بس سئلت
حسين.استاحش ياابه اخاف بحدي انامن
كلت اجي يمج تكسبين بيه ثواب واجـر
حجيت وبعدت نفسي سويتله مكان
بتول.البيت بيتك
حسين.والموجود بالبيت
تمدد وحضن راسي على ايده
حجيت بعدم فهم لشفرات حجـيه
بتول.هم الك غير بيتك
حسين.يعني حلالي
بتول.ايي غير بيتك
لزم وجهي بطرف ايده
حسين.ما دام حلالي كوومي بدلي تراكج خلي نشوف نعمة الله
بتول.لا ولله
حسين.شنهو
بتول.تريد ابدل حتى تسوي مثل ماا سويت بالمطبخ
ماا ولله
فكـ عيونه الذبلانه تدور بوجهي
حسين.شنهو الـ ماا ياابه
حجيت متهاربه منه ضميت راسي بـصدره
بتول.حسين نعسانه
مسح على راسي بيده وتغلغلت لـ فروه راسي بهدؤء
حسين.نامي بوويه نوم الهنا
وعوفي حسين تشعلينه وتنامين براحة
ابتسمت لعدم فهمي لـ كلماته وشفرات الالغاز اليحجيها
نمـت بـ راحة لـ اول مره بحضن حسين الحـبيب
جنت افـز وانه اتخيل انهار لو المره المنكبه
هسه كضيت ليل افز من ورا حسين و حركاته
وهو اصلا ما نام خلص ليل يتحلف ويتوعد الي
كعدت الفـجر على حوسته يمي
رفعت راسي اله يريد يكوم من الجرباية
بتول. اذن
حسين. ايي يابه اذن كومي صلي لا تردين تنامين
هزيت راسي وسحلت روحي سحل من الفـراش
طلعت توضيت وصليت ورجعـت لمكاني نمت اقل السـاعة
حسيت بي اجه تمدد من عطره الترس الغرفة فتحت عيوني شفته مبدل
بتول.شنو رايح
حسين.اي حتى ارجع من وكت
خوما تخافين
بتول.لا صار الصبح لا يضل بالك
دنك راسه باسني ابتسمت وانه مغمضه عيوني
حسين.وحگ عيونج ماا يهلي اهدنج واروح
بتول.بيش الساعة ترجع
حسين.حسب العدنه بس ما اطول مثل امس
وكف عدل غطايه
حسين.ديربالج
هزيت راسي بـ ايي
طلع من الغرفة ومادريت بشي بعد غطيت بالنوم وصوت غريب يندهني
فتحت عيوني نهى
نهى.صبااح الخير عيني يالعروس يالمسعده
كوومي يلاا
بتول. يالله صباح خير شبيج
نهى.ولج انه كلت هسه الكاها كاعده تزلغ بـ روحـهاا
اثاري المسعده نايمه جنهاا نومه ابو صاابر
بتول.يااا هم انعم الله عليج
نهى.فزي كدامي يله غسلي بسرعة واكليلج لكمه
خلي اشوف شغلي
بتول.شغليش
نهى.كومي وانتي تعرفين
بتول.كمت غسلت ولفيت الي لفه جبن اكلهاا
لـفت انتباهي طفل كاعد بصاله ولازم ايباده
رحت يمه اباوعله يشبه صديق حسين نسخة صغيره عنه
عرفته ابن نهى
هو باوعلي وابتسم بينت اسنانه الواكعه
نهى.وولج بتوول وين صرتي
بتول.ااجيت
ذبيت لفه وكلاص الجاي من ايدي فرشت اسناني ودخلت لكيتها بغرفة حسين مبدله فراش الجرباية
لـ لون ذهبي وتصميمها فخم حيل
ابتسمت وانه اتذكر لمن فرشت لحسين اسود بيوم عرسه
بتول. هااي منين
نهى.سجاد مساع جابها
بتول.هاي شنو نهئ عود صدك
نهى.لا جذب تعاالي يله خلي ابلش بيج
لا يجي الرجل تضلين نص ونص
بتول
اخذتني وياها سحل للغرفة خلت جهاز عالكهرباء
وطلعت شرائح ورقيه
بتول.هااي شنو شمع
نهى.ايي خيه
بتول.جسمي نظيف ولله مابي شي
نهى.للاحتياط تعاالي
بتول.كعدت يمهاا بدت تشتغل
اخذ وانطي وياها بالحجي بس ما انكر خوفي
وخايفة من ردة فعل حسين اكثر وما اتجرئت اسئلها يدري لو لا
كملتني ومسحت جسمي بمرطب طبيعي خالطه وياه مسك ريحته تجـنن
باوعت بوجهي وصفنت
نهى.تسووين وجهج بتول
بتول.اي انه مشتغله بصالون كبل
وجهي اسوي بس حواجبي ما يقبل حسين
نهى.اكسر القاعده واخبله ليوم
بتول
جرت حواجبي جره السيف
سحبت عيوني وياها
نهى.ما اصبغهن جايات وي لون شعرج
بتول.هزيت راسي بـ اي
دك تلفونهاا وراحت بره تخابر
شوي ودخلت
بيدها علاكه جبيره
كالت بـ ابتسامة
نهى.ووصلت
بتول.شنو هيه
فتحت العلاكه وطلعت فستان ابيض سلفي
من ورا طويل وذياله نازل للكاع ومن كدام قصير
ومن ناحيه الصدره والركبة قماش شفاف
شمرت حذائه وياه كعب قليل
واكسسوارته وياه بالفضي وبيهن شذر زمردي ناعم
نهى.شلوون ذوقي
بتول.كلش حلوو
نهى.ايي شعبالج انه ام الحسن مو قليله شرر
بتول.ليش شر
نهى.تلبسينه وتعرفين معنى حجيي
خلصتي هسه
اسوي شعرج
بتول.لا هوو يحبه مفلول
نهى.اخلي الج مخمريه شعر ينطي ريحه تجـنن
بتول.بكيفج
وكفت تسحب الي شعري وتنثره على ظهري حتى يبين طبيعي برمت جم خصله من الاطراف
نهى.فوتي توضي حتى اخليلج مكياج خوما تعوفين صلاتج علمود حسين
بتول. لا يمه حسين بيش يفيدني وانه بـ كبري
التفتت لـ ساعة بـ١١ توهاا
طلعت توضيت ورجعت هيه منزله المكياج علاكة مكياج وناثره الاغراض يمها بالكاع
تمددت على رجلهاا واشوف الحسن نايم عالجربايتي
بتول.ابنج يشبه ابوه كلش ولا بصوبج
نهى.خلي احسن حتى الخواطيب تلزم سره يم بابي
ويتخطبون ابني مني
بتول.ولله تفكير
نهى.چاا شعباالج
بتول.ماا تغارين على رجلج من تشوفينه يطلع وهو العين علي
هزت راسها بـ رفض وجرت حسره
فضلت اسكت لان مبينه ما تحب تحجي بهذا الموضوع
نهى.ما اخليلج مكياج هواي حتى لا يضيع ملامحج وهم حسين ما يتعب وهو يمسح
بتول.اي حتى كريم الاساس طبقه خفيفه خليها بس ركزي على عيوني بالكحل وجرته
نهى.يمه يمه وتكول كلشي ماا اعرف
بتول.لا ولله غير تبرز عيوني ويركز بيهن يعوف الباقي
نهى.اذ هيج تعرفين حسين ليش ظالمته وياج وكاطعه عنه الكهرباء
بتول.يستاهل من اول ما شفته وهو طايح الي بويه وباابه لا والحلو بسالفة ينومني بحضنه ويكلي انتي بنيتي
ضحكت وكالت
نهى.عود صدك لله عليج
بتول.ايي ولله وجهي جان يبهت من اشوفه والزم استعداد من احس بي جاي يمي
نهى.حسين خوش رجال عشرناه هوواي وشفناه ويانه بهواي مواقف
بتول.تزوج عن حب
نهى.هذا الحجي تسئلينه اله مو تسئليني
بتول.ليش يعني انه مو من حقي اعرف
نهى.حقج واكثر من حقج غير رجلج بس تعرفينه منه احسن
بتول.ماشي
خلصت مكياجي بـ احترافيه
نهى انتي مشتغله كبل بصالون لان ايدج ما شاءلله كلش خفيفه
نهى.احنه من جنه بالناصريه مناطق ريفيه ما عدنه نسوان تشتغل بره البيت
والتريد شغله تتعلمها بالبيت وتصير مرافقه الها
انه جنت بالختلات ابوك الحمره من امي واسويها بيها اخمر خدود وحمره وضلال
كلشي اسوي بيهاا
ومن كبرت صرت اتوسل لـ امي تجيبلي وخطيه هيه ما جانت تحجي شي لان تشوفني اضوج وافتر بحدي بالبيت بس اخلص الشغل العليه
جنت اختلي بغرفتي واخلي وتعلمت
لا مشتغله ولا شي
بتول.عكسي انه مالي واهس بهاي السوالف بس تعلمتها وفادتني بفترة
نهى.الحمدلله على كلشي
كومي يله كومي لا تلهينه
شوفي اذن لو بعده
بتول.شفت الوقت بالتلفون
اي مأذن
لبست الحرام و وكفت اصلي وهيه هم لحكتني توضت واجت تصلي
كملنه وبديت البس بالفستان
افتريت كدام المرايه ما مقتنعه بي فاضح نوعا ما
رغم شغل ما بي هواي
طلعت لـ نهى ابتسمت وهلهلت
نهى.يخبل مهناايه بحـق ابو الحسن (عليه السلام)
بتول.حلو بس شوي فاضح
نهى.ايي هو انه اريده هيج
بتول.لا ذمه بركبتج دشوفي فتحت الصدر مالته شنو مضموم
نهى.سكتي خلي الرجال يشوف ويتهنه
دنت يمي وجرت الفستان ليجوه وسعت الفتحه مالته
تضحك
عسااه مهنه يله حبيبه انه اروح غداكم موجود بالمطبخ
بتول.ام الحسن
وكفت وباوعتلي وبيدهاا عبايتها
نهى.ها يمه
بتول.خايفه
تقربت يمي وتعدل بشعري وتحجي
نهى.عليمن ولج خايفه هذا حسينج قاابل غريب وما تعرفينه
بتول.موو لان اعرفه حسيني اخاف منه من يتحول
نهى.لا تخـافين هو يعرف شلون يدير باله عليج
وما يخلي الاذيه تلوحج
وتجي صوبج
صيري سباعيه بنيتي
بتول.تعااي عليه لله عليج مو تعوفيني
نهى.لا ولله باجر كبل طرت الشفاگ اجيج
تردين شي بعد
اشرت الها بـ رفض
هيه طفت مبخره الصاله وشاالت الحسن وطلعت
هزيت راسي واقنع بـ روحي ماكوشي يستاهل الخوف
وهو ياماكو شي وانه الرجفه اخذتني
شغلت عقلي وبديت اطل عالترتيب البيت دخلت لغـرفة حسيني
واشوف ميز المرايه مقسم تقسيم عادل بيني وبينه
ابتسمت على فكرتهاا
حتى اكو عطور وشغلات اله مخليته بكنتوره
التفتت للـباب لمن سمعت صوت الكراج نفتح وسيارة اعلنت دخولهاا و ماكو درب الشرده
غمضت عيوني وماا حسيت بـ روحي غير صرت بـ كنتوره
ضميت نفسي ورا التعاليك
صميت نفسي بيدي لا ينسمع وخايفه عالحمره لا تنمسح بيدي
اسمعه يصيح بـ اسمي وصوت ركع باب غرفتي
رحتي بيهاا بتول
هذاا شوو جايب حامي ومعصب بين ندباني لحظي وخوفي لا يجي يفتح الباب ويشوفني
نفتح باب غرفته
وحجه
حسين.طلعي بوويه شنهي العب ويااج ختيلان
خررب بغيرتج اذ عندج غيرة زين
رجع طلع يصيح بـ اسمي أيس ورجع دخل لغرفته
فتح باب كنتوره الثاني
حجه وجنه متأكد انه موجوده بغرفته
حسين. ضلي خاتله بويه ضلي
وهم طيحي وتعاال يحسين اتلحك الهاا
حجه هيج وطلع ركع باب غرفته ورا
فتحت باب الكنتور ورا ما تاكدت طلع مجرد ما طلعت عيوني من ملابسه والتعاليك لكيته واكف كدام متخصر وبيده الثانيه خاولي ينشف بي شعره رطب
مد الي ايده
حسين.طلعي بتول ما دام النفس راضيه عليج
ضليت لازكه بالكنتور
بتول.حسين
حسين.شـ خليتي بـ حسين انعل ابو اصله
اشرت اله بـ اشارة اصبرلي
بتول.بس اسمعني ولله
نزل عيونه يتفحص ملابسي جريت دشداشته بيضه معلكه خليتها ستر لطـولي المجعوص من ورا الكنتور
جر نفس بـ حسرة
حسين.احجي يله
بتول.موو انه ولله هذاا صاحبك ومرته
حسين.زين طلعي خلي نتفاهم
بتول.ماا طكني ولله
هز راسه بـ رفض وكال
حسين.امني يله طلعي دمرتي الدشداشه بحمرتج
مديت ايدي اله بـ مأمنه بي
خربت الامه العربية بـكنتوره سحكت على طرف دشداشه منهن بحذائي
و وكعن كلهن تكومن بالكنتور
بس طلعت انه سلاماات
ما انتبهت اله درت وجهي اعدلهن وارجع اخليهن بمكانهن الخاص
شكهت من
جفـين اديه احتضنت خصري وجنـي لعابه بيده
دنك وبرودة شعره لاحت ركبتي
التفتت اله بكل طـاعة حجـيت مقطعه حروف اسمه ومستنجده بي
لان ملامح وجهـه صاارت ما تنحزر اذ هو راضي عالجاي يصير لو لا
بتول.حـ.. حسيـ... حسين
حسين.حيله كله بااد بشـوفتج
راضيه موو
بتول.صفنت بعيونه الما استقرت على مكان بيه وكانها تتفحص شي ثمين
وهو منتظر جواب مني
غمضت عيوني
بتول.صفنت بعيونه الما استقرت على مكان بيه وكانها تتفحص شي ثمين
وهو منتظر جواب مني
غمضت عيوني كاتمه نفسي بس ما كـدرت الحـك على جوابي اله اجـاني الجواب مـنه بـ احتلال كـامل الـي
___👍🏻⭐⭐⭐⭐⭐