أجرام مستباح لثلاث ندبات

البارت 28

مساء الخير ...

#أجرام_مستباح_لثلاث_ندبات

                                   بقلم الكاتبة أيلول

𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒 𓈓𓈒

گلبي شلون أصّبرة نار العشك جَمرة !

𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁𓄼𓂁

جــــمرة ::- اصعب شي عشتة الادمان والتناقض بالساعات الما أريـــــد بيهم الحباية افكر خلص بعد ما احتاجها ومن تجي الحظة الازم ابلع حباية اموت وما اشوف شي كدامي غيرها جسمي يشتعل نار ابقى بفراشي الوب. متغطية وصاكة سن على سن ما اريد شي غير انو تروح من تفكيري

شفتة فتح باب الغرفة صيحت محروكة حرك
::-انطيني بــــس هل مرة

دفعت الغطا وكعدت امسح بوجهي العركان وصوتي يرجف والنفس كوه اجره
::-تكومين تسبحين ترتاحين

::-ما اررريد اسبح اريد حباية جسمي جاي يحترك

عصرت راسي. ابين ادية شايطة كعد كدامي نزل ايدية من راسي ولزم وجهي ابين ايدية

::-تتذكرين قبل شلون تعالجتي هسه هم بــــس شوية وبعد ما تحتاجينها بــــس تحملي كم يـــــوم

-هزيت راسي لاا وامسح بدموعي ::- ما أريـــــد اتعالج بعد عـــــوفني مريضة جاي اتعذب تعــــبت

:-بس تعالي هسه تسبحين وراح اسويلج عصير وتشوفين شلون ماراح تحتاجينها

-سحبني من ايدي للحمام سديت الباب وبسرعة سبحت وبقيت كاعدة بمكاني صافنة بالفراغ

::-ها جــــمرة كملتي؟

::-اي أريـــــد ملابس

:-هاج مدي ايدج دبري نفسج بهذن لمن يجي عمر. واروح اشتريلج

- كمت على حيلي صرت وره الباب وفتحة اخذتهن من أيــــدة اباوع بيهن ::- ايع البس ملابسك؟

:- غاسلهن شبيج نضيفات

- قربتهن الوجهي اشم ريحتهن رجعت حجيت
::- أبــــــهر بعد ملابس أريـــــد

::- صبري شوية واروح اشتريلج

::- ما اكدر البس هذن جسمي يبين

::- ما اباوعلج

::- اكبر جذاب الكافر

::- هــــا رجعنا

- فركت وجهي  ولبست التشيرت واصل لركبي
ومتوني اغطي واحد يطلع واحد البجامة وصلتها الگلبي وبعدها طويلة وتطيح لازمتها بايدي والايد الثانية لامه بيها التشيرت حتى اكتافي يتغطن. طلعت من الحمام لازم كلاص عصير اواكف بالباب بــــس لمحني لم شفتة الداخل حلكة دنك راسة ورفعلي الكلاص

::- جاي تضحك حضرتك؟

- رفع عينه هز راسة لا خزرتة مقهورة
::- لا جاي تضحك

:- ماضاحك

::- واللـــه جاي تضحك

::- ههه ماضاحك شبيج

::- اذا انـــتَ زلمة اضحك

::- ما اضحك

::- اضحك وشوف

- رجع دنك عاض شفتة وصوت الضحكة الحابسها ابلعومة تصعد وتنزل ::- اضحك اضحك وشوف شسوي

.هز راسة لا ورفع العصير الي

::- اشربي

- عفتة ورحت كعدت بالغرفة مابرد جسمي احس. شي بيه نقص وتفكيري تمركز على الحباية اجه وراي والكلاص بايده قربة الحلكي سااكت شربت بقى نص الكلاص ماقبلت اشربة شربه هوَ

::-ملابسي وين؟

::-بقن هناك اني اشتريلج غيرهن

:-وهذن الجنت لابستهن اني مالات منو

::- اشتريتهن مو مالات احد

-رفعت ايدي وتقربت يـــــمة لزمت أيــــدة
::-ابهر اقفل الباب عليه خاف افكر اشرد واوكع بايدهم ما اكدر مرات تجيلي افكار تجبرني.

رفع أيــــدة يلزم خدي ويبعد شعري من وجهي گـــــال
::- ماتوكعين بأيد احد وهذا حركج اخذ ثارة لو اعرف اموت

-حجاها وسحب ايدي الشفتة باسها من يم الحرك
جريتها منه بسرعة وابتعدت

::- امشط شعرج واروح اشتريلج ملابس

-سكتت وهو كعد وره ظهري يمد رجلية من الجهتين واني بنصهم مشطة وابتعدت تمددت بفراشي فاتحة عيني وافكاري متشتتة

لمن اجه عمر. وهو قفل الغرفة وطلع رجعت نمت الحد ما اجه فزيت على صوت العلاليك فتحت عيني اباوعله يفتح بيهن كاعد كدامي

::- كعدي شوفي

-وخرت الغطا وكعدت. وهو يفتح بالملابس ويخلي على رجلية. وفتح علاكة اخيرة طلع علب مكياج منها

::-شنو هاي

:-مكياج

::-الك لو العمر؟

:-لا الج

::-خلي انـــتَ

::- همزين انتِ بنية لو ولد على هاي ردودج من زمان مشبعج كتل

-دفعت الملابس من رجلي ورجعت تمددت مغطية حتى وجهي سحب الغطا مني وجر ايدي

::-وخررر وخرررر

:-كومي بدلي

::- ما ارررريد ما أريـــــد وخــــر

::- عفيه بــــس خلصيني امج بقت تصيح وغلطت عليَ

- جمدت كلي رفعت عيني اله: :- شبيها امي

::- تريد تفتح كامرة وياج

-نزلت ايدي لميت شعري واعدل بالتشيرت
::-يلا خابرها

::-بدلي بالاول

-هزيت راسي وكمت بدلت ورجعت يـــــمة لكيتة فاتح العلب ويشم بيهن بــــس دخلت رفع علبة صغيرة وحجة

::- اكلج شنو هاي

-مشيت كعدت كدامه واخذتها من أيــــدة شميتها ورجعت باوعتله
::- شدراني يمكن مخدر*ات

::- زوجة مجـــرم طبيعي تفكيرج
لج هاي مكياج بــــس مدري وين تتخله

::- تتخله براسك

:-تعرفين تخلين مكياج

:-لا

:- حتى انا ما اعرف

::- أبــــــهر وين شال امي

- جان مدنك راسة ومن سألت باوعلي فاز
::-شذكرج بيه

::- اريده

::-بقى بعيد ماكدر اجيبة

::- اريده

::- وين الكاه حتى ما ادري بيا بيت بقى

:- جنت ما اغمض عيني اذا مو الشال بأيدي احسك حتى هل شي سلبتة مني أريـــــد الشال

:- خلي نخابر امج هسه

- درت وجهي ساكتة امسح بعيوني وفززني من يريد يخلي مكياج لوجهي ::- شتسوي

:- هو صح انتِ صايرة حلوة بــــس ميخالف نبعد الشك خاف تكلج ليش ما مخلية مكياج

::-ما أريـــــد وخرر

::- لعد مانخابرها

-لزمت أيــــدة بسرعة ::- لا يله يله خليلي

- رفع أيــــدة يخلي ويمسح مايعرف لمن كمل

عاف الاغراض واجه كعد يمي گـــــلبي. ويا صوت المكالمة يدك سريع لمن نفتح الخط الصورة مغوشة وانا جامده بس أريـــــد المحها هدأت واخيرآ وضحت صورتها

::- جــــمرة يـــــمة

:- شلونج

::- فدوه العينج ياروح امج انتِ شلونج ليش ماتقبلين تفتحين كامرة ليش شالعة گـــــلبي

- رفعت عيني للابهر يباع.وياي جان الحد ماحاجتة امي

::- حول البرنامج عدها اني أريـــــد كل يـــــوم احاجيها وشوكت تجيبها طولت ترا

::- قريب قريب مابقى شي كم يـــــوم واجيبها

جــــمرة ::- وين كاعده مصطفى وين

نــــهله ::- زين بلا زحمة ممكن احجي وياها وحدها

::- رفعت راسي اباوعله كالها صار وكام وكف فتح باب الغرفة وسداه بقى كاعد وياشرلي بيده اسكتي كعد مقابيلي رجعت عيني للشاشة ادور منين افر الكامرة عليه بــــس سكتتني هي من كالت

::- جــــمرة أريـــــد احجيلج شي

:- شكو مصطفى بيه شي

::- لا لا

:- شكو .....بقت ساكتة تباوعلي وتدنك واجاها صوت طفل يحجي مستعجل
::- ماما تكول سمر اصعد الفراشات

- سمعت كلامه وسكتت رافعة حاجبي وهي جاوبتة
::- لا ماما كلها عوفيهن هسه

- حجتها ورجعت باوعتلي گـــــلبي احسه نار نارر اشتعلت بيه ::- منو هذا شصااير

::- جــــمرة اني متزوجة

- شهكت گـــــلبي منفطر بــــس اسمعها وهي تبرر تصرفها ما مقتنعة وماجنت واعيه الكلامي
::- لا تجذبين خوش لا تجذبين

::- واللـــه ما اجذب

::- شنو متزوجة منو كاااالج شبيج انتِ

::- بــــس اسمعيني وعلى كيفج

:- شسمع متزوجة شسسسسمع ليش هــــا ليش كتلج اجدي باالشوارع بــــس لاتزوجين كتلج اقبل بكلشي بــــس لاتزووجين لا تجيبين ابوو الهبه لا تعيشينها العشتة
شنو من ام انتِ

.تهسترت اصيج منفعلة واغلط الحد ماوصلت وياي اكلها
::- كرهتج ما اريدج تحلمين ارجعلج بعدج حرامات انتِ امي حرامات ضحيت بعمري علمود ما تنذلين لا تخابرين ولا تسألين اعتبريني ميتة ما اررريدج

:- صيحت اضغط على الشاشة بــــس أريـــــد تنسد سديتها وفقدت ابجي بصريخ وهو بــــس يريد يلزمني

::- وخررر عوووفني كلكم تأذوني مثلك امي مثلك كسرة گـــــلبي

:-تزوجت ماسوت شي غلط شبيج

::- وخرر اطلع ما اررريدك ولا اريدهم

::- اسكتي عاذرج بسبب حالتج بــــس هذا مو حجي

- سكتت اباوعلة مسحت عيوني وحجيت مختنگة ::- جنت تعرف بيها متزوجة الهل سبب ما تاخذني الها؟

:- اي

::- هزيت راسي خوش ورجعت للفراش حاول يحجي وياي ما التفتتلة روحـــــي محروكة حرك ميتة ومفرفحة من القهر كل شوية اتذكر شلون ابوي جان يضربنا اني ومصطفى ويضربها اذا دافعتلنه واتخيل زوجها هيج يسوي بيها وبهبه وهي تبقى ساكتة تعــــبت حييل الحد ماغفيت

وكعدت هادئة بــــس فتحت عيني شفتة كدامي كاعد بدون تشيرت يحاول يخلي عصارة للحرك البصدرة شايطة روحه ويغمض عينة بوجع

رفعت ايدي أريـــــد امسح وجهي باوعت بيها من حسيتها مشدودة شفت شال امي معگود على ايدي فتحته بسرعة وشمرته التفتلي. رفع أيــــدة

::- حظي طاح يله كدرت اجيبه اذا شمرتية الزمج واكتلج

::- زلمه وتكتلني حتى اطيح حظك

::- بــــس تعالجي وصيري زينة وشوفي منو مايحاسبج

-سكتت كعدت عدل لامة رجليه الصدري كل شوية أريـــــد اتنازل واكله أريـــــد حباية واقاوم گـــــلبي متگطع واقنع نفـــــسي بـ هسه اصير زينة هسه اخلص

- مد فراشة بصفي وتمدد عليه ::-راح تنام؟

وخــــر أيــــدة من عيونة ونزل رجله الجان ثانيها
::- تردين اكعد تسولفين تغلطين ؟

:- لا بــــس اني مانعسانة وباوع خايفة

مد أيــــدة سحب ايدي
::-تعالي بــــس ديربالج لا تدحكين صدري

:-تمددت على جهه وهو نگلب الجهتي ورفع رجلية  ضم رجلية ابينهن

::- منين خايفة جــــمرة

::- باوع احس راح هم راح ابقى وحدي وياخذني عفية لا تروح وتعوفني وحدي يجبروني اححجيلهم عنك واني ما اريد احجي

::- واللـــه ما اخلي احد يوصلج بعد وامنتلج مكان ترتاحين بيه اكثر

::- بــــس انـــتَ لا تروح وتعوفني ابقى احميني

- ركز بعيوني ساكت خله أيــــدة على خدي وفززة صوت التليفون فتح خط ولان قريبة عليه سمعت كلشي

::-ها عمر

:-شنو نمت ماتجي يمي

:-لا كاعد يم مرة اخوك

:- دعوفها تعال شوية

::- شبيك تجالع

:- وين اولي مجبور اكابلك

:- ولي يله جايك

-سد التليفون وباوعلي مبتسم ::-راح اروح يم عمر شوية واجيج

:-هزيت راسي اي طلع من الغرفة وبقيت اني بفراشي جسمي نحلان. ومابيه حيل شي فاتت اكثر من ساعة وفتح الباب دخل سند ظهرة على الباب يباوعلي عيونة ذبلانة

اجه عليه بسرعة سحبني من ايدي وكفت ونترت ايدي منه
::-شبيك

::- بــــس تعالي شوية سحبني طلعني من الغرفة الحمام بصفها واكو عازل للغرفة والحمام عن البيت دفعني بالحمام وحجة بتعب يلهث

::- اقفلي الباب لا تفتحينة الي حتى لو كتلج افتحي

- صفنت ساكتة صاح
::- اقفلي الباب جــــمرة

- تقربت قفلتة واحجي ::- شبيك انـــتَ شنو راح تحبسني بالحمام

بقى ساكت اكثر من ربع ساعة كعدت على التختة ساكتة فززني من دك الباب وحجة صوتة رايح
::- جــــمرة افتحيلي الباب

- تقربت أريـــــد افتحها ورجعت ابتعدت صافنة
::- أبــــــهر شبيك

::- اريدج

::- رادتك جهنم كون الكافر ابو الحبوب هذا عمر الادبسز شمنطيك الا اطيح حظة واللـــه

::- تعالي اطلعي تعالي اكلج

- دك على الباب رجعت ليورة ::- واللـــه ما اجي

:- اختفى صوته دقايق ورجع حجة بصوت خافت متعوب

::- انتِ هم شالعة گـــــلبي جــــمرة اموتتني

::- أبــــــهر شبيك عفيه أريـــــد اطلع اختنكت شبيك وخاف أريـــــد الحباية واطلع

::- احبج انا جــــمرة

::- أبــــــهر اختنكت

::- اطلعي تعالي ما اسويلج شي

- فتحت الباب بسرعة تنفست حيل وهو واكف كدامي مدنك راسة گـــــال

::- فوتي للغرفة نــــــامي

- بسرعة دخلت وتغطيت بفراشي أريـــــد انام قبل لا احتاج الحباية واسوي شي اندم عليه. بعدني ما غافية واجه طفه الضوة وتمدد وره ظهري حضن خصري وقرب وجــــهة الركبتي وشعري
::-وخررر

::- اشش اسكتي

-دفرته برجلية. خله رجليه فوكاهن قيدني وانا افك بايده مني واتحرك كل شوية ضاربتة بصدرة وشايغة روحة الحد ماتعبت

::- اشش ابقي هيج بــــس خلي انام

::- فكني يـــــمة اختنكت

::- نــــــامي واسكتي

-حجاها وضم راسة حيل باس كتفي نترت كتفي منه وبكوع ايدي اضرب ابطنة
::- لا تبووسني لا تبووسني

::- يله ما ابوس بــــس اسكتي

::- الارعن

::-سنايبر

::-وسم

::- منج كلشي يرهم

:-سكتت وهو سكت الحد ماغفيت وكعدت مالكيته لكيت صينية اكل يمي وعلاج اكلت وشربت علاج بــــس حسيت نفـــــسي محتاجة الحباية ركضت سبحت وفتحت الثلاجة شربت عصير. خايفة وارجف بــــس أريـــــد اتخطى هل فترة

مر اليوم بطولة والابهر ما كو لليل كاعده بالغرفة وسمعت صوت عمر صاح

::-وينج جــــمرة

:-لفيت شالي بسرعة وطلعت من الغرفة. جان لابس نفس لبس الأبـــــهر من يصير عنده شغل وسلاحة بيده عكدت حاجبي اتفحصه گـــــال

::-حضري نفسج راح اوديج المكان أمن الج

::- الأبـــــهر وين

::- كم يـــــوم ويجي

::- وينه

::- عنده شغل وصاني اطلعج منا لان قسام احتمال يلكة المكان

::- بــــس كلي الأبـــــهر وين لاتجذب

::-اهاه غير اكلج عنده شغل وبالدليل البارحة كالج اوديج المكان أمن لان انا وياه من دورلج مكان مــــحد يوصلج بيه عفيه استعجلي

::- ليش احسك جذاب

فرك وجــــهة محتار رجعت فتت للغرفة لبست الصاية وخليت ملابسي بعلاكة ما ادري عن اغراضة هو. طلعت العمر اباوعله بخوف رفعت ايدي احذرة

::-ديربالك تفكر تخليلي مخدر

::- لا لا گـــــال بــــس كلها اي شي تسوية اضيع اباذر ودرة للأبد

::- واللـــه ما اسوي شي ولا احاول اشرد

طلعت وياه للسيارة وفعلا جنت هادئة حتى للطريق ما الي نفس اباوع واشوف احنا وين

افتر هواي الحد ما وكف كدام بيت صغير بحي شعبي حيل. نزلت وياه دك الباب مره ومرتين طول يله اجه صوت مرة جبيره بالعمر ومكطوع نفسها

::- اجيت امي اجيت

:- فتحت الباب سلم عليها عمر وفات وهي المفاتيح يخرشن بايدهاا الترجف وتباوعـــــلي منتظرتني افوت ايدها الثانية بيها عوجية. باوعلي عمر وكال

::- ادخلي لاتخافين

:- فتت وهي سدت الباب وقفلتة مشت كدامنا دورت بالمفاتيح فتحت الباب واني صافنة. اتخيلها الباب يندك وهي تفتح الباب وتطلع وترجع تقفلة هاي شتعود للابهر

:- دخلنا البيتها قفلت الباب وفتنا صغير ونضيف مفروش بشغلات قديمه بــــس نضيفة كالها عمر

::- هاي امانة الأبـــــهر

::-وصلت كله تكول بعيوني يـــــمة امانتك بعيوني

::- يله ما اوصيج جــــمرة قبل لاتفكرين بنفسج فكري باباذر ودرة

- هزيت راسي اي وهو طلع مشت ويا تفتح الباب وتطلع تقفلة ومن رجعت نفس الحالة

رفعت العوجية واشرت
::-هاي غرفتج روحـــــي ارتاحي

-عفتها وفتت للغرفة بيها جرباية ونضيفة عطرها حلو. بقى بالي يم الأبـــــهر وين راح

........

نــــهله ::- فتت الغرفة غـــــدير دموعي على خدي غافية وبحضنها ملابس فاطمة وبيدها التليفون تقربت عليها مسحت دموعي. بــــس مديت ايدي أريـــــد اسحب تليفونها فزت
::- اسم الله الزهره

::- عــــمة

::- يا عيون عمتج ليش هيج تسوين بروحج هذا قدر وهذا حكم رب العالمين هذا المكتوب الها هذا يومها وهاي ساعتها

::- أريـــــد اموت عــــمة نار ناار تاكل بگلبي

- مديت ايدي امسح عيونها وگـــــلبي ممرود فتحت تليفونها وتكلي

::- شلون اتعود بدونها شلون بعد ما اسمعها من تگلي
انا گمرة عـــــلي

- جرت التلفون الشفتها تبوس بصورها وتبجي
::- اشش كـــــافي كومي صلي وادعيلها اهديلها قرأن تفرح بيهن افضل من البجي والحزن يأذنها

:- ار...أريـــــد احاجيها أريـــــد اكلها اني شكد احبها أريـــــد الزم وجها أريـــــد اشوف عيونها أريـــــد احضنها ماصارلي سنه من عرفتها ما لحكت اشبع منها

::- انا لله وانا اليه راجعون
هي احسن مني ومنج هسه راحت شهيده عروسة بالجنه
اكيد رب العالمين اله بيها اراده

::- شنوووو الاراده بموتهاا شنو وهي ما مأذية بشر شنو الذنب المسويته

:- الهل سبب اكلج رب العالمين يحبها يمكن لو عايشة اكثر راح يصير شي يعذبها ويخليها تتمنى الموت يمكن رب العالمين اخذها بهل عمر لان ما رادها تتعذب بالدنيا وراحت النعيم الاخرة .رجعت الخالقها طيرة بيضة عروسه

ما اكلج اني ماحزنانة عليها لا وحك عيون مصطفى احس گـــــلبي مشلوع عليها بــــس مؤمنة بقضاء وقدر رب العالمين

::- ليش تعلقت بيها لو رب العالمين مخليها غريبة عني ليش ينحرك گـــــلبي عليهااا ليشش شيصبرني ليش ربي يعذبني شسويت واتعذب بفراگها شسويت
وربي ماراضي عليه

::- حاشاه لا تحجين هيج اذا كل مانخسر شخص عزيز نفكر انو رب العالمين ماراضي علينا اذاً شلون اعز واتقى خلق الله ابتلوا بالفقدان ؟؟؟
النبي محمد. صلى الله عليه وعلى ال بيته
فقد كل ابنائة الذكور
امير المؤمنين عـــــلي عليه السلام فقد فــــــاطمة الزهراء عليها السلام بعمر صغير
سيــــد شهداء الجنة  فقد اخوانه وال بيته واحد واحد وبنفس اليوم
مولاتي جبل الصبر زينب كل اهلها استشهدوا گدام عينها اخوانها واولادها

ورغم كل العاشتة گالت الحمدلله على ما ابتلانا

لان تعرف هذه ارادة رب العالمين مو اذا فقدنا شخص معناها رب العالمين ماراضي علينا وجاي يعاقبنا ...ما اشبهه نفسنا بيهم ولا مصيبتنا بعظم مصيبتهم
بــــس اقتدي بصبرهم ورددي انا لله وانا اليه راجعون.

- غمضت عينها ساكتة مسحت على راسها وطلعت
وكلت مصطفى واجت هبه تركض بيدها تليفوني مسحت ايدي وجاوبته

::- هــــا بسام

::-الله يساعدج هــــا شلونها غـــــدير ؟

:- على وضعها عـــــلي شلونه

:- مو زين واللـــه أريـــــد اجي الغدير بــــس ما اكدر اعوفة ومن جهه وضيفتنا لشوكت ابو اسمر يغطي علينا ثنينا راح نخسر

::- الله يصبر گلبه بحق الحسين

سديت الخط منه واتصل ادريــــــس
::- هــــا نــــهله اكلج
::- هــــا
::- راح امرلج نروح العلي بلكت شوية تكدرين تأثرين عليه يسمع منج شتكولين

::- والله اخاف اشوفة مكسور اكابله وابجي بدل ما اواسيه

::- لعد شسوي كليلي يضل حابس روحه وبسام مگابلة الاسبوع اليجي عدنا واجب واسمائهم براس القائمة ولدي راح يخسرون شغلهم ساعديني

::- يله راح انتظرك .....سديت الخط منه وديت على سمر صعدت يم الجهال واني البس ومحتارة
شحجي وياه شكول
مسحت عيوني اتذكر اول مره من كالي ادعيلي اخذ فــــــاطمة وكلبي ينمرد اللهي ارحم بحالة وصبر گلبة

نزلت من اتصل ادريــــــس صوت ام فــــــاطمة تبجي ابد ابد ماسكتت ليل ونهار ادك وتلطم بنزلتي لكيت عباس كاعد بالحديقة على المرجوحة. ويمه ولدهم قرايبهم بايام الفاتحة جانوا يصعدون ينامون ابيتنا فوك شفته عادي يحجي ويسولف بموضوع بعيد عنها بــــس لمحني سكت نزلت عيني وعبرت من يمهم صاح

::- وين رايحه خاتون

:- التفتت عليه عاكده حاجبي ونزل اسمر من فوك يلبس بقميصة ويصيح

::- ابن الكلب ومنو انـــتَ وتحاسبها

:- لاول مره ما ادفع عن شخص جراه من نصهم ضربه وهم يلزمونه وعباس يصيح

::- لك هي الموتتها تفتر بيها من سوك السوك
بت الفكر بــــس جبتوها فكرتنا ماشايفه وشافت

اسمر ::- من عيييينك النحس من نفسك الدنيه ياخسيس

نــــهله ::- تلازموا اسمر يغلط عليه وعباس يسب ويفشر عـــــلي سكتوا ثنينهم من دخل ادريــــــس وصيح عليهم العرك يصب منه اوجهه احمر من الشمس عــــــيونة تعبانة اسمر دفع عباس من أيــــدة وحجه بسرعة

::- بابا تره يفشر على ام مصطفى وين ما يروح يحجي عليها ياهو اليجي يمي من المنطقة ومن اصدقائي يگلي عباس يحجي على مرة ابوك حجي اليهودي مايقبل بيه

عباس ::- لا تجذب اتحداك حاجي عليها ومنو هيه واحجي عليها

نــــهله ::- دار عينه ادريــــــس يباوعلي دنكت ساكته صاح على الحماية الولد مرتضى وياه بعد واحد وتقدم على عباس سحبة من ياختة ودفعع الباب البيت للحماية گالهم

::- للحبس خلي اجيبله بــــسام يربي النا من جديد

- اخذوه وهو حتى على عــــمة غلط اشرلي براسة يله طلعت وراه لكه الحماية بعدهم بالباب منتظرينه وهو اعصابة ترجف تخبل طلع حركتة بيهم شلون منتظريني گاله مرتضى

::- سيــــدي لعد ابيش تروح العلي

:- التفت ادريــــــس يباوع للسياره مسح وجــــهة وحجه بهدوء
::- روحوا اخذ سيارة اسمر

بــــسام ::-سديت الخط منها اباوع العلي  رفع راسة من المخده عــــــيونة مورمة والوجهه منتهي گـــــال بتعب

::- شبيها غـــــدير
::- مريضة

:- روح الها

- كمت على حيلي وكفت يـــــمة خليت ايدي على كتفة ::- شد حيلك شوية حتى اكدر اعوفك

::- راح الحيل ويا گمرتي

::- عـــــلي دموعك تأذيها مو تحبها مو ماتريدها تتأذا الخاطرها ارجع الحياتك من تبقى حابس نفسك ترتاح؟

::- منتظرها تجيلي بحلم اااخ بــــس ارجع اشمها بــــس ارجع اشوفها ولك حتى بالحلم بعد ماتجي

- كعدت يـــــمة ساكت شوية واندك باب الغرفة وصوت ام عـــــلي تكلة
::- اتفضلو اتفضلو

- نفتح الباب ودخل ابو اسمر بالبدلة العسكريه وزوجتة وراه وكفت عدل واخذتلة تحيه عـــــلي كام من افراشة دايخ ويرجف وكف مدنك عينه

ادريــــــس ::- وسفة طلعوا سباعي اضعف منهم ماكو
شنو عـــــلي انتهت الدنيا؟؟ اول واحد يمر بهيج مصيبة؟ مرتاح بهذاك وضعك؟

عـــــلي ::- لا تلوموني

::- الومك عندك مهنه وعندك واجب تأديه بعيد عن حياتك الخاصة من تكمل واجبك تجاهه الرتبة العندك.ارجع ابجي ونوح مثل ما اتريد بــــس بوقت الواجب ممنوع تضعف

بــــسام ::- سيدي....

:- لا تدخل انـــتَ  الكم ساعة ونص اريدكم بالمركز وشكو شغل متراكم اليوم يكمل
والك فد هدية أريـــــد تربية الي على كيف كيفك يطلع من جوه ايدك غير شخصية

بــــسام: :- امرك سيــــدي

نــــهله ::- طلع ادريــــــس من الغرفة وصاح على بــــسام واني عيوني تلاحكه احس ضعت ما اعرف شحجي ويا عـــــلي التفتتله مختنگة وهو مركز عــــــيونة بعيوني وشفايفة يرجفن الحد مانزلن دموعة وكعد على حيله مغطي وجــــهة ويشهك

مسحت دموعي وكعدت كدامه
::- عـــــلي

::- ااــــخ خاله گـــــلبي تفتت

::- اسم الله على كلبك بــــس اسمعني حالك.يرضيها تعذبها واللـــه تعذبها بدموعك وكسرتك

.رفع راسه يمسح بعيونة ويحجي مختنك.::- كله مني كلها معارضة ارتباطنا لحييييت وچلبت بيهااا لو ما خاطبها جا هسه هي تدرس وعايشة وماراحت الذاك السوك المصخم

::- قال تعالى ((أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ ))

هسه لو ضامها بوسط روحك دام رب العالمين كاتبلهــــا بهل يوم تنقبض روحها لو شما تسوي ماتكدر تمنع هل شي ولا تنسى فاطمتك شهيده

::- شهيده ادري بــــس انا شلون اصبر مو تعــــبت يله كدرت البسها حلقة شلون بــــس كليلي شسوي. شلون اعيشش شلون اكمل  أريـــــد اطلب شي واحد من رب العالمين كون استشهد واروحلها واللـــه احس منتظرتني

::- رجف گـــــلبي وانا اباوعله كام طلع بدلتة العسكرية واجه كعد يمي خلاها على وجــــهة حيييل شماها ونزلها

::- انتِ اكثر بشر شهدتي علينا مو جنت اخابرج تصعدينهاا يمج بــــس لان عطرها راح من البدلة مو اجي مهدود حيلي من الشغل بس حتى احظنها واروح ..جم مرة صعدتيها البيتكم سكتة لان احلفلج مشتاقلها وانا الصبح يمها شلون هسه ترديني اصبر

ادعيلي اروحلج فدوه ادعيلي استشهد بسرعة واروحلها

نــــهله ::-هو يحجي وندفع الباب انجر عـــــلي من كدامي دفعه ادريــــــس على الحايط ولازمة من وجــــهة جلبت بايده ارجف وهو يصيح

ادريــــــس ::- تبطل هل حجي وتصير ادمي لااا اجرم بيك

نــــهله ::- سحبتة من أيــــدة يفور شايطة روحه وعلي مسح دموعة اوكف.عدل كاله

::- امرك سيــــدي

::- البس بدلتك عندك شغل

::- امرك سيــــدي

::- نص ساعة الك عـــــلي نص ساعة انـــتَ بالمركز

نــــهله ::- سحبني من ايدي وطلع من البيت بــــس صعد بالسياره خله أيــــدة على الستيرن وسند راسة عليها

::- ليش هيج هو وينه وين الشغل ماتشوفه رايحه روحه بحاال شغل

بقى مدنك راسة الحد مايحاجيني ::- ادريــــــس شبيك؟

دار وجــــهة عليه عــــــيونة حمر هز راسة لا وحرك السيارة

قربنا نوصل للبيت وهو ساكت بــــس يتحسر قبل لا نوصل بشوية گـــــال
::- انتهي اذا عـــــلي صار بيه شي

::- اسم الله عليه بــــس لا تتعامل وياه هيج بعده جرحه اخضر وكلبه ملچوم. هي خلت بگلب كل البشر لچمة شلون تريد عـــــلي يتحمل فراگها

::- قابل انا المتحمل فراگها ولج عزيزة حييييل حيييل ااخ يافطيم يا عـــــمو

...

بــــسام ::- عدلتله ملابسة مهدود حيلة اخذتة ورحت للدوام مايگدر ولا انا اگدر دار عــــــيونة يلوب

::- بــــسام أريـــــد تليفون

::- نطلع؟

:- ونروح الغدير أريـــــد صور فــــــاطمة

::- هزيت راسي ساكت اخذتة وطلعت اشترينة تليفون ورحنا البيتهم اول ماصفيت السيارة شهك يباوع للباب واشر عليه يرجف

::- هنا حضنتها اخر مره هنا كالتلي كسرت ضلوعي

:- فتح الباب ونزل لازم راسة نزلت وراه گـــــال

::- ما أريـــــد اشوف واحد من اهلها بــــس أريـــــد اصعد يم غـــــدير

:- امشي.....
سحبتة من أيــــدة بسرعة واتصلت على ام مصطفى فتحتلنا الباب .عيونه تفتر بالبيت بكل مكان الهم موقف وذكرة

نــــهله ::- عفتهم بالصالة.وفتت الغدير كعدتها كوه فاتحه عينها وصوتها رايح ::- عـــــلي اجه يريد صور فــــــاطمة منج لاتخلينه يشوفج هيج مكسورة صبرية هوني عليه

غـــــدير ::- رفعت ايدي مسحت عيوني ورجعت غمضت شلون اباوع بوجهه عـــــلي بدون گمرته درت عيني للباب من نفتح ودخل بــــسام ابتعدت عــــمة وهو اجه كعد كدامي
::- بساام أريـــــد اموت

::- واللـــه مرمرتوا گـــــلبي. انتِ وعلي ماكافي

:- غمضت عيني وبجيت گـــــلبي متگطع محد يحس شنو من نار تحركني شنو من وجع بروحي

سحب شال لفاه على شعري كعدت على حيلي وفات عـــــلي للغرفة بقى واكف بالباب
غطيت وجهي بايدي اشهك شلون عافتهه

عـــــلي ::- غـــــدير كلشي يخصها اريده

:- مسحت عيني اباوع البسام اشرلي براسة اي وابتعد كعد عـــــلي مقابيلي والتليفون بايده يرجف

::- حددت صورهم وعيوني مغشوية من الدموع كل ما توصلة صورة يبتسم ويمسح دمعته من ضمنهن فيديو جانت منتظرتة بالختلة يم الدرج واني من فوك اصورلهم طفرلها من الحايط لان الوكت متأخر يستحي يجي شاف الفيديو ضماه الگلبه يبجي

:- مسحت وجهي وكمت للكنتور طلعت هدية جانت جايبتها العيد ميلاده وخلتها عندي

:-اخذها من ايدي فتحها وطلع الساعة لبسها مبتسم گام على حيلة

::-ملابس أريـــــد شي من ملابسها

:-طلعتله شالها ودشداشتها اخذهن من ايدي يشمهن حيل ولفاهن بايده طلع من الغرفة واني كعدت مهدود حيلي اللهي صبر گلبة وكلبي على فراگها

بــــسام ::- رجعتة للبيت تمدد بحضن امه وملابسها بايده وهي تنوح عليه عفتة ورجعت الشغلي بــــس كملت رحت الاهلي اطمنت على امي ورجعت ابات يـــــمة

مخلي ملابسها بحضنة ونايم تعذب حيل تعذب
والصبح اخذة واروح للدوام بــــس مكابل صورها نشف دمي من رسلي فيديو اله على لطمية يـــــمة اذكريني طلعت من مكتبي ادور عليه لكيتة بمكتب ابو اسمر

جريتة من ياختة شايط دفعتة للباب
::- كاااافي ترا زودتها

::- انشرة من استشهد

::- سد حلكك

::- رايح العروستي مابقى شي

::- اشششش

::- سولف علينا دائما خلي الكل يعرف عـــــلي شكد حب گمرتة بــــس ما اتهنى بيها أتزوج وسولف الجهالك علينا لا تنسنونا

:- ضربتة بوكس على وجــــهة اصيح
::- اسكتتتت كتلك اسكت

- عافني وطلع كعدت رايحه روحـــــي راح يصيرلها اسبوعين ما كاااافي شوكت ناوي يقوي روحة شوكت

مرتضى ::- سيــــدي كملنا تفضل

:- كنت وراه كملت شغل ورجعت الاهلي ما رحتلة گـــــلبي يوجعني من حجية ثاني يـــــوم ما اجه للدوام اترخصت من ابو اسمر ورحتله للبيت

كعدته من النوم مصخن وحالتة حاله ماقبل يروح للمستشفى بقيت كاعد يـــــمة بــــس اوكله لليل يله صحصح شوية

::- شسالفتك عـــــلي حاله هاي

عـــــلي ::- اريدها ولك النفس يوجع گـــــلبي شلون هي جوه التراب وانا اشتم الهوه

- امر الله  كـــــافي تسوي هيج حسبالك هي ترتاح بحالتك هاي....

شهك حيل يبجي

- لا مامرتاحة وتريدني وادري بروحي ما مطول رايحلها بــــس امي كاسرة ظهري بسام امانة الله ورسولة امي برگبتك لاتعوفها

- خزرته ما متقبل كلامه. ::- اشش كـــــافي الاعمار بيد الله لاتحجي هيج

- گوم روح يله

- أريـــــد ابات يمك ........عافني احجي وتمدد ملابسها بيده يشمهن ويبجي غمض عينه وجر نفس بغمج ساكت ماكدرت اعوفة واروح گـــــلبي نار عليه

عـــــلي السبع انكسر

مديتلي فراش ونمت ....فزيت على صوت امه كمت بسرعة فتحتها باب الغرفة تجر النفس بتعب كوه تحجي

:- عـــــلي وين

- التفتت للجرباية مالكيته ....جريت تليفوني اتصل عليه مايجاوب طلعت من البيت واتصل عليه بــــس أريـــــد يجاوبني بالنص ساعة يله رد

:- الو وين انت

- هــــا بــــسام شتريد

:- وين انت

:- يمها

:- عـــــلي شبيك تخبلت

:- شوية وارجع حفرت گبري بصفها باجر استشهد

- دنكت افرك بوجهي واغلط عليه سديت التليفون بوجهه وصلت للمركز باجر عدنا مهمة صعبة  دخلت المكتب ابو اسمر

:-سيدي

:- تفضل بــــسام تعال.... عـــــلي وين؟

- تقدمت كعدت يـــــمة.  :- سيــــدي ماريد عـــــلي باجر ويانا يكلي باجر استشهد وراح سواله گبر بصف فاطمة

گام من كرسية متخبل
:- وين هسه هو

:- بالنجف يگول شوية واجي ....

جر سويج السياره وطلع ركضت وراه صعدت اسوق وهو بصفي يتصل على عـــــلي وين يله جاوبة

:- هــــا عـــــلي بابا حبيبي وين انت .......
راح اجيك انا

بــــسام ::- سد التليفون وباوعلي بحيرة گال

:- نطفت روح عـــــلي

- سكتت دخلنا للنجف كاعد بصفها بنص الشمس. بــــس باوعلنا ابتسم

ادريــــــس ::- عـــــلي ليش هيج تسوي بروحك ليش تعذبنا وتعذبها

::- هههه حلمت بيها اجت كمرة عـــــلي طمنتني
گالت منتظرتك مابقى شي وننجمع

بــــسام ::- درت وجهي منه. روحـــــي رايحه وابو اسمر يحجي وياه يحاول هو بــــس يهز براسة كام على حيلة نكث ملابسة وباوعلي

::- يله باجر مو عدنا شغل

- هزيت راسي اي صعد بسيارتة رجعنا البغداد للمركز گبل يگلب باوراق الخطة ويسأل دز علينا ابو اسمر فتنا المكتبة ثنينا

عـــــلي ::- كملنا كلشي سيــــدي

ادريــــــس ::- عـــــلي انـــتَ مو ويانا تبقى هنا

::- ههه تشاقة

بــــسام ::- لا مايتشاقى لان انـــتَ متقصد تموت بهذا الواجب وهاي مو شهادة هاي انتحار

:- اشش اشش لا تصير فهيم عليه انا رايد الشهادة مو الانتحار أريـــــد انجمع بيها بالجنة شلون افكر انتحر

ادريــــــس ::- تتقصد تشمر نفسك بالخطر وهاي هم قتل للنفس

::- واللـــه وحك فاطمتي ما اسوي هيج وادافع عن نفـــــسي الحد اخر لحظة افهموني شلون اسوي هيج وانا رايد الشهادة

ادريــــــس ::- الواجب اليجي انـــتَ ويانا ما اكدر اخذك هسه

:- اعذرني سيــــدي بــــس راح اروح لا تظلمني
اني ادري بروحي هنا استشهد ماتردوني ارتااح
ماتردوني اخلص من عذابي ليش تصيرون انتم والزمن عليه

:- ترا شفت الموت بهل اسبوعين خلوني اخلص من عذابي واللـــه ادافع عن نفسي الحد اخر لحظة بعمري ما استسلم بــــس لاتكلي ما اتروح

ادريــــــس ::- هاي هي حضروا نفسكم

بــــسام ::- سيــــدي ....رفع أيــــدة رافض احجي وعلي مبتسم طلعنا انا وياه المكتبنة باوعلي مبتسم

::- لا تنقهر

::- اسكت عـــــلي اسكت

::- اشبيك واللـــه المفروض تفرحلي ليش هيج مقهور

::- اجرك من الموت عبالك اخليك تستشهد تحلم

::-  تتذكر من جنا نطلع واجب واكلك هذا راح يستشهد وهذا راح يستشهد وابو اسمر يبوسهم واحد واحد لان يحس بيهم ...هسه انا هيج احس وابو اسمر باسني وحضني نفس ماجان يحضنهم

::- مو هو بكيفكم تقررون انـــتَ وياه

::- جنت اتمنى نعيش حياة طويلة جنت اتمنى ماكو بشر مايسمع بقصتنا وشكد تعذبنا حتى صرنا البعض

بــــس هسه أريـــــد منك ماتنسى وكل ماتشوف ثنين يحبون بعض سولفلهم علينا وكلهم شكد وفينا البعض حتى بالشهادة سوه واحجي الجهالك ابد ابد لا تنساني وامي ديربالك عليها

بــــسام ::- جريت سويجي وطلعت من.يـــــمة ما متحمل فكرة كلامة ولا متقبلها ماشفتة الثاني يـــــوم من جنا نتحضر. شديتلة الدرع عدل وهو يضحك

::- لو تلبسني الف درع

::- الزك وياك بصفك ما اخليك تستشهد كبلي

::- انجب لعد منو يحجي عني وعنها

-  خزرتة وطلعنا للواجب طول الطريق عينه بالتليفون يگلب بصورها ويبوسهن كتب رسالة طويلة گـــــال

::- دزيتلك رسالة لا تفتحها هسه امانة

::- بحالك وحال رسايلك هسه انا ..

.الحد مادخلنا وبدينا بمهمتنا ماعفتة مجلب بيه
شفتة فعلا يحاول يحمي نفسة ومو مثل مافكرة يحاول ينتحر بهيج مهمة

اخر مرة مدري شلون افترقنا طشينا كلنا
اصوت الرصاص تخليك تحس نفسك انـــتَ والموت بينكم خطوة صوت النداء صوت القائد

::- ارجعوا اولادي ارجعوا انسحبوا

:- بدينا ننسحب شوية شوية الحد ماشفتهم ملتمين شمرت سلاحي. مهدود حيلي. دفعتهم
اباوعله امدد وابو اسمر حاضنة على كلبة

شمرت روحـــــي بصفة اجر بايده
::- عليي اكعد عـــــلي عـــــلي لا تسوي هيج لا تكسرني. .

.
غـــــدير ::- ظلمة حييل ومختنكة احس بروحي. المح ضوة وما اركز الحد ما استقر نظري وشفتها اخيرآ مبتسمه وتباوعلي بلبسها الابيض وجمالها الماخذ روحي

- حاولت احجي ماكدرت وهي بــــس تباوعلي تبتسم وتلتفت للظلام الوراها فززيت اشهك وارجف طلعت من الغرفة ابجي

::- عــــمة

::- التفتتلي فازة

::- اجتي فاطمة عــــمة حلمت بيها

ضميت وجهي ابين ادية ابجي وهي ركضت للتليفون. تتصل ومحد يجاوبها

ونزلت جوه تركض دقايق وسمعت الصريخ
بقيت كاعده بمكاني مالي حيل بس اسمع ودموعي تحرك خدي.

::- ارتاح عـــــلي هنياله راحلها

مسحت دموعي
هسه عرفت شنو الحكمة من موتها مكتوب العلي يستشهد وحتى ما تتعذب استشهدت قبلة

.بجيت گـــــلبي رايح ونزلت مهدود حيلي مــــحد جوه كلها رايحه للمستشفى وبابنا كل شوية يندك وتدخل وحـــدة من المنطقة تبجي وتصرخ وترجع تروح

رجعت صعدت فوك ابين النايمة والكاعدة سمعت صريخ وبجي لفيت حجابي ونزلت بسرعة

التابوت على السيارة
والنسوان والزلم كلها بالشارع ناس غريبة ادك وتلطم عليه وانا عيوني تفتر ادور بــــسام. شفتة كاعد على اركبة بالشارع لابس دشداشة سودة وملثم بشماغ اسود والدشداشة مشگوكة من الطول للطول وصدرة مزلغ بكل صوتة يصيح

::- ولك كسررررتني عـــــلي. ولك هدييييت حيلي. يااااا. عـــــلي يا خوووية يا صاحب روحـــــي

ولك مووو وفي انا مووو وفي كتلك فد يوم كتلك فد تاااابوت وما وفييييتلك ولك ما وفيتلك

::- يمكن جنت الوحيده الحاسدة عـــــلي وكلت هنياله اجت امه والنسوان لازماتها كابلت بــــسام وعمو ادريــــــس وتلطم ويااهم بالشارع

عـــــمو الي على فاطمة ماشفتة مكسور هيج.

حركت السيارة وبس يردون يكومون بــــسام من الكاع كوه جروه وصعدوه بالسيارة ركضت شاردة ما أريـــــد اشوف شي بسرعة توضيت وكعدت اقرالهم قرأن عسى ولعل ارجع اشوفهم ثنينهم. اقرأ ودموعي تصب

بــــسام ::- يا فراك الاخو يا كسرتة من تشوف كل الدنيا بصاحب وياخذة منك الموت يطفى بعينك كلشي

بقيت كاعد يم گبرة
::- هــــا عـــــلي خليتني انا الاوفي بوعودك الي
كتلي اذا استشهدت تبات يمي اول ليلة وهاي انا باقي يمك
كتلي البس عليك اسود طول العمر وانا من هل يـــــوم يحرم عليه غير الاسود
مو جنت تكول اذا زفة فد يـــــوم واذا تابوت فد يوم.

.هاي انـــتَ انزفيت العروستك بتابوت وانا بعدني اشتم الهوه ..

يتبــــــع⋆𓍯
الكــــاتبة أيـــــــلول⋆𓄼𓂁

💚🌿

اذكروا قصة عـــــلي وفاطمة للكل ابد لاتندمون لان قريتوها بالعكس شي جان امنيته بيه وحققناه الهم 💚