روايه معجزتي أنتَ
الكاتبه زهــــره محمـد
•••• •••• •••• •••• ••••
-حساب الانستا
-zahramuhmd
•••• •••• •••• •••• •••• •••• ••••
︵‿︵‿︵‿୨♡୧‿︵‿︵‿︵
المُطر ، والغيم ، والحَبيته ، والمُوت
المّرض .. والشوگ ذاك المُو بگدّي
النَسمه الباردَه الـ تتعَده بالصَيف
الشيب الگبل وَكته بكيّفه يبدي
مَزاجيات فجأه الگاهن وياي!
ومِن يعجبهّن يتركَني وَحدي .
.
ليليان...
اباوعله يباوع بصدمه وذهول فرك وجهه ونزل راسه وكعد على الچربايه وكال كلام فطر كلبي
هوا اني يمتى ضحكتلي الدنيا حتى هسه تضحكلي؟
يمتى سندني احد حتى أريدج تسنديني؟؟
محجيت شي سكتت ودرت وجهي عنه ودموعي تصب على خدي عروس المفروض هذا احلى يوم بحياتي بس مادري ليش فرحتي دائما متكمل شعور بشع من شخص تحبي وبيوم زواجكم تشوفي بحظن غيرج
حسيت علي اخذ السويچ مال سياره وطلع
ليليان: هاااا حترووحح يممهااا مووو شتاقيتلهاااا
دار وجها عليه وباوعلي بغضب وبعدها طلع وسد الباب
مضيت الليل كله ابچي وميته قهر وكل شويه اطب على الصور والرسايل اموت واعرف هاي لبنيه منو وليش مغطيه وجهاا بس الغرفه غرفه ايهم معقوله جابها للغرفه لهلدرجه!!!!
ضليت ابچي وخايفه رغم انو الفندق نضيف وحلو ومرتب بس اخاف لان مره باوعت فلم رعب وحده كعدت بفندق هيه وزوجها وطلعت الغرفه مسكونه لان بنيه ميته بيها وتنتقم من كل شخص يكعد بل غرفه
ضليت ابجي وارجف واقره آيات ختمت القرآن وكل شويه احس رح يطلعلي شي فجأه ويفززني شغلت كل الاضويه واللايت مال جهازي هم لان تخايلت تطفي عليه الكهرباء وتسحلني وضليت على هاي أفكاري وعلى ايهم رغم الشي الشفته بس خفت علي وبنفس الوقت اكول لا على شنو اخاف راح نام بحضنها
ضليت على هلحاله لحد ما دخت من البچي وغفيت بدون ما احس على روحي ولا حتى انتبهت للساعه بيش ولا اهتميت الجني الي هوا ماموجود بس بتخيلي
ايهم:
نايم واحس على صوتها تبچي وتشهك كمت من مكاني مفزوع اريد اعرف شبيها كالت على أهلها جريتها لحظني حتى اخفف عنها واشوفها كمزت وتعيط عليه دين مضل براسي كلشي ولا مره ترفع صوتها كدامي بس تعوذت من ابليس وكلت خاف نفسيتها تعبت لان فاركت أهلها وهيه متعلقه بيهم بعدها كالت تخوني ايهم!
باوعت مستغرب وكلت يمكن چانت نايمه وحلمانه اني اخونها لان اعرف هاي سوالف البنات اهدي بيها وهيه مصره اني خاينها ونصدمت من طلعت جهازها ورفعته بوجهي واشوف صورتي وبحضني وحده ماعرفها اصلاً وكلشي ما مبين منها بس كتافها عاريه ونايمه على صدري عقل ما ضل عندي شكد حاولت أقنعها بس ضلت مصره
نهضمت منها حيل ما توقعت على أقل سالفه توكف ضدي ومتصدكني اختنك حيل ومكدرت اضل لان اعرف اذا اضل رح تكبر السالفه وخفت لا تحجي حجايه وامد ايدي عليها تعوذت من ابليس فركت وجهي اخذت ملابسي لبست وطلعت واستوقفني كلامها
ليليان: هاا حتروح يمها مو اشتاقيتلها
ضجت ولابت روحي على حجيها وصياحها اول مره وحده تحجي وياي بهل اسلوب او اتهم اتهام باطل ما مسوي اني خزرتها وطلعت من الغرفه خفت تروح تنهزم قفلت الباب وطلعت من الفندق اتصلت على صاحبي أمير
أمير: هلا بعريسنه الغالي
ايهم: هلا بيك نعال على هيج عريس
أمير: شكوو شصار بس لا بعرتها
ايهم: وين انته اريد اجيك روحي واصله للخالقها
أمير: تمام تمام تعال اني بالبيت
ايهم: لا ماريد بالبيت تعال خل نطلع رح اجي اوكفلك بالباب من ادك عليك اطلع
أمير: تمام حبيبي هلا بيك
سديت الجهاز من عنده واني نار موجره بكلبي وروحي فايره وصلت يم أمير دكيت علي ثواني وطلعلي صعد بالسياره سلم عليه وحركتها بسرعه
أمير: شكو ايهم شصاير
ايهم: كلشي صاير شنو المصاير
أمير : شكو يمعود على كيفك أهدى
ايهم: اوووووففففف لك شهدئ بيوم عرسي ونكسرت فرحتي وفرحتها نكلب العرس كله علينه عزه
أمير: ايهم احجي شصاير ترا بديت اقلق
ايهم: عبالها داخونها واني رحت كصاده لابو فاضل حتى تحبني وتصير من نصيبي عبالها داخونها واني من اخذتها طبيت الجنه داخونها واني ماباوع لأي بنيه غيرها لان هيه تصير بين عيوني داخونها واني انزل واجب ادعي الله يردني بالسلامه الخاطر عيونها
أمير: بس أهدئ حبيبي العصبيه مو زين عليك كول يا الله وفهمني السالفه كلها حتى نعرف نلكه حل
ايهم: شنلكه حل؟؟ يا حل هذا؟ مادري يا كلب ونذل دازلها صورتي وبنيه بحضني وكايللتلها ودع عزوبيته بحضني والليل كله يمي واني البارحا بلبيت واتذكر اخر شي دخت ونمت من التعب
أمير: معرفت منو!؟
ايهم: لو اعرف منو اخلي عايش برأيك؟؟ بس وعيونك اله اعرفه ميكون اسمي ايهم اذا مخليته يزوع حليب امه
أمير: ان شاء الله تلكا حبيبي
زين انته متتذكر شي منا منا خاف انته شارب وراح لوحده بدون وعيك
ايهم: لتكفرني أمير نوب حتى انته لك صارلك شكدد تعرفني حطيت هذا بحلكي لو دورت هيج سوالف
أمير: لا حبيبي حشاك بس كلت يجوز احد حرضك
ايهم: لا كتلك اخر شي اتذكره دخت ونمت
أمير: زين بالي شي
ايهم: وهوا؟؟
أمير: معقوله وحده من كرايبك يعني سوت هلشي بس شلون يعني اجت بحضنك معقوله محسيت؟
صفنت بكلام أمير وضليت افكر كلشي ممكن اله هاي البلوه منين أجتني قابل ماجه على بالي احد وصلت امير للبيت مالته واني وكفت افكر منو ممكن تكون وشلون ما حسيت تذكرت اكو كامرات بل غرفه مالتي
اني خال كامرات بكل البيت لأن كلشي احتمال يصير اني ضابط وشغلي صعب وسري ومرات انزل واجب والمفتاح يضل بل بيت ف اخاف كرايب او احد يدخل يفتش بغراضي يكون عندي علم وبهل أثناء داريد احرك السياره باوعت المرايه شفت سياره وطلعت منها سلاح بسرعه حركت السياره وبدوا يرمون على السياره صوبت بكتفي و ضليت امشي وهمه وراي وجانت سيطره قريبه وكفت يمهم نزلت نطيتهم نوع السياره وامرت يسوون تفتيش
حمدت الله لان هلمره طلعت بسلامه وهاي مو اول مره هواي حاولوا يغتالوني وعدا التهديدات التجي بس ما اهتم واكمل بكل قضيه استلمها واربحها رحت للمستشفى عقمت ايدي جانت تنزف بس الحمد لله الطلقه م دخلت لايدي مجرد خدش صغير بس احتاجت اعقمها
بعدها توجهت للبيت جانت 6 الصبح فتت وصعدت للغرفه ضليت ادور عل تسجيل قربتها لحد من ردت انام جنت دايخ كلش ومحاس على روحي انتظرت ثواني ماكو شي ايست ردت اسده وشفت ضوه من الباب
ضليت مركز وفاتح عيني اريد اشوف هاي منو شفتها اجت نزعتني البدي واني ما حاس معقوله كل هلشي صار واني محسيت!!
بعد ما نزعتني البدي هيه مجرد نزلت البدي مالتها على صدرها يعني منزعته وندارت دتنام بحظني والكفها هاي شيماء جان لازم أشك بيها من البدايه بس متوقعتها لهلدرجه روحي فارت ويامن يجيبلي شيماء بس مع كل هذا عفتها وطلعت من البيت اخذت وياي التسجيلات و توجهت للفندق
الطريق كله الف حسبه تجي على بالي منا ذول ومنا شيماء الي خربت عليه احلى يوم ومنا جماره كلبي الي مصدكت بيه ولا وثقت بحبي الها
بعد ما وصلت صعدت فوك فتحت الباب ضليت كاعد كبالها محبيت اكعدها بس ضليت بعيد عنها اتمايز عيونها الي طاكات من البچي وصايرات حمر وخشمها الأحمر وشلون نايمه بكل برائه واني الف حسره بكلبي لا بيه اروح اكعدها ولا بيه احضنها واعاتبها
قهرتني هواي وكسرت كلبي ماثقت بيه صدكت غريب وما صدكت حبيبها الي يتخبل لو شاف دمعتها
ليليان:
كعدت الصبح تقريباً جانت ساعه 8 فزيت من شفته واكف كبالي وعيونه حمره دم وجها تعبان تجاهلته وكمت حتى اروح للحمام طبيت شفت روحي بالمرايه عيوني مورمه وخشمي كبران من البچي غسلت وجهي بمي بارد وبعدها طلعت لكيته على نفس وكفته
كعدت على الچربايه ضليت اكلب بجهازي شفته تقدم وبيده لابتوب فتحه وخلا كبالي وراح تجاهلت مباوعت بعدين ثارني الفضول شفته دخل للحمام باوعت لابتوب وانصدمت من الشفته دموعي ضلت تجي من وحدها ماعرف دموع فرح لان عرفته مخايني لو دموع حزن لان ضلمته واتهمته وهوا وكف وياي دائما ومن رضا الكلب طلع عليه تهمه هوا حتى مطلب يشوف الصور شنو بس صدكني وكف وياي وثبت برائتي واني مصدكت بي ولا وكفت ويا وخليت وحده عار وساقطه مثل شيماء تخرب عرسنه
طلع من الحمام رحت ركض علي حضنته كمت ابچي واعتذر منه بس هوا ابد مبادلني الحظن ولا حجه شي وبعدها حجه بكل برود ونتر
ايهم: حظري روحج نرجع البيت
ليليان: شسويت لشيماء؟؟
ايهم: مسويت شي
ليليان: شنوو!! ؟؟ خربتتت علينه عرسنه وتعوفها هيج ايهم! ؟؟ وديني الهاا اني اتصرف وياها
ايهم: محد كلج صيري زوج وقشمر ولتثقين بزوجج
حسيت كلامه صار مثل الغصه بزردومي مكدرت احجي شي نهارين بل بچي وهوا صاير ابرد من الثلج ولا اهتملي وما أكدر اكول شي لو احجي لان حقه ومالي عين اكله يسامحني او اعتذر منه
ياربب كلشي ولا يكرهني ويبطل يحبني ولو حقه اصلا يمكن نزلت من عينه وديكول وكفت وياها ومتستاهل طلعت
حتى سفره شهر العسل لغاها مع انو بلكوه دبرها لان مكدر يطلع خارج حدود العراق جنت راسمه هواي شغلات بالي نسويها من نسافر بس متهنيت منوره شيماء الحيه الله لا يوفقها أن شاء الله مثل ماخربت عليه احلى يوم بحياتي
لميت الأغراض الجبتهن وياي وطلعنا من الفندق ردت اصعد بالسياره وشفتها الجاك مكسر وأثار طلق الدم يبس بيه
ليليان: ايهمممم
ايهم: صوووتججج
ليليان: شنو شبيها السياره ليش هيج متكسره
ايهم: معليج ماكو شي صعدي
صعدت واني كلبي ما مطمن حاسه اكو شي بس مديكلي
اباوع علي الطريق كله يعصر بوجها ويسوي حركات مال شخص متوجع
يارب يطلع الي بالي مو صححح يارببب يطلع مصاير شي مثل مكال هوا
الطريق كله محجيت شي ولا هوا حجه شي لحد موصلنه للبيت نزل الغراض وطبيت سلمت على ايمان وخالتي اشوفهن مستغربات بس مسألن ليش رجعنا او شنو الصار
صعدت فوك طبيت سبحت و لبست كلابيه مال عروس بيضه وبيها ذهبي
صعد ايهم فات للغرفه وأبد ما اهتملي ولا عبرني متتت من القهر بس حقه
ليليان: ايهم
ايهم: ممم
ليليان: حنضل هيج؟؟
ايهم: حضريلي الحمام ونزلي جوه اريد انام تعبان
ليليان: ايهمم حباب والله اسفه
ايهم: كتلج حضريلي الحمام واذا متحضري عوفي ونزلي اني احضره
متت قهر من بروده بس استاهل هواي جرحته واذيته وهوا ميستاهل رحت حظرتله الحمام ونزلت جوه يم خالتي وإيمان حسن اكو شي بس ابد محجن ولا سألن
هواي حاولت اساعدهن بالشغل بس مارضن مشه الوقت حضرن الغده بس ما قبلن أمد ايدي واساعدهن
ام ايهم: يلا امي روحي كعدي ايهم خل ينزل يتغده
ليليان: صار خاله
صعدت وصلت للغرفه وترددت بس جريت نفس عميق ودخلت لكيته نايم ف عفته ونزلت جوه لان الليل كله مبين منام نزلت وخاله سألت على ايهم
ليليان: خاله نايم خطيه تعبان من يكعد اصيله
ام ايهم: تمام بنتي يلا تعالي تغدي
رحت كعدت وياهم بس ما اكلت غير خاشوكتين و ضليت العب بالاكل واصفن
ام ايهم: اكلي ماما ليش صافنه
ليليان: ماشتهي خاله معدتي توجعني شويه انتوا أكلوا بالعافيه اني حروح اسوي چاي
عفتهن ورحت حتى اسوي جاي شوي واجت ايمان تنقل لصحون
ايمان: ليلو شكو اشو وجوهكم متتفسر ومرحتوا شهر عسل صاير شي؟؟
ليليان: ليش هوا اكو شي مصار العرس انكلب علينه سم
ايمان: ياااا شكو ولج شصار
ليليان: مو هسه خل تنام خالتي واسولفلج
ايمان: تمام حبيبتي على راحتج
رحنه ودينه الچاي و كعدنه يم خالتي نسولف وره نص ساعه نزل ايهم لابس وكاشخ سلم على خالتي وطلع حتى مباوع بوجهي شويه واستأذنت خالتي راحت تنام وبسرعه اني وإيمان صعدنه وكعدنه بغرفتها
سولفتلها كل الي صار وياي وهيه احسها مصدومه ومامصدكه الصار
ايمان: ولج والله متوقعتها لهل درجه حيه
ليليان: شلون تكدر تسوي هيج هاي أول ما شفتها ما ارتاحيت الها ليش هيج شدت وياي شمسويتلها اني
ايمان: مو انتي المسويتلها ايهم
ليليان:شلون يعني!!
ايمان: باعي هذا كله مجرد انتقام لان ايهم قبل لاكفها وي واحد تتواعد ويا مو خوش ولد وكلها تعرف بي خايس ايهم شايفهن ضارب الولد وجار شيماء للبيت وكال لأهلها وابوها من وراها نجلط ونشل
ليليان: يااااا لهذا السبب!؟؟
ايمان: اي وهيه جانت تحبه لهذاك مقشمر عليها وجان ياخذها شقق وهيه القشمر مصدكته وعبالها يتزوجها وبس ايهم لزمهم هوا طفر وبعد محد يدري عنه شي ف لهذا السبب هيه متخبله وتريد تنتقم من ايهم
ليليان: زين اني شنو ذنبي؟وصدك منين جابت رقمي
ايمان: والله ماعرف بس اكو احتمال براسي
ليليان: شنو هل احتمال
ايمان: قبل العرس مالتكم بالحنه جنت بل مطبخ اجت هيه شيماء طلبت جهازي وكالت عل اساس تتصل بصديقتها عندها ملف ضايع نطيته الها بس من رجعته دورت مجانت متصله على احد ف احتمال انو ماخذه رقمج من عندي من طلبت الجهاز
ليليان: ليش نطيتيها جهازج مو عدها جهاز
ايمان: اي اني هم كلت هيج بس كالت جهازها مطفي
ليليان: استغفر اللله ياربي شهل سم البيها كارثه الله يهديها
ايمان: وهسه شلون ايهم حيبقى زعلان منج
ليليان: مادري ايمان مادري احجي ويا ينتر بيه معند وصح ويا الحق بس اني شدراني اشتم كفه ايدي والله مجنت ماعرف الغيره عمت عيني ومخلتني افكر عدل الله يطيح حظي
ايمان: يلا حبيبي ميخالف كلنه نغلط ان شاء الله تتصالحون انتي حاولي ويا بلكت الله يلين
ليليان: الله يسمع منج بس يجي احجي ويا حتى لو نتر لو عاط بيه عادي المهم ميضل زعلان مني لان جاي اموت الف موته من اشوفه مامهتملي ولا معبرني
ايمان: الله كريم حبيبي تهون
ليليان: ونعم بالله عوفينه هسه سولفيلي شصار على سالفتكم انتي وتيم شوكت قررتوا العرس
ايمان: ههه هذا الشهر
ليليان: عااااا صدوك والله؟؟
ايمان: اي والله يكول ماكدر اصبر بعد كلها عرست وبقيت بس اني
ليليان: حقه والله خطيه الله يتمملكم على خير ان شاء الله حبي
ايمان: يعمري لولو تسلمين
ليليان: يلا اني حروح انام شويه تعبانه اعذريني حبيبتي
ايمان: تمام حبي معذوره نوم العافيه
ليليان: على كلبج حبي
طلعت من غرفه ايمان وفتت للغرفه ضليت ابچي على حالي عود اني عروس ولازم اافرح واكظي هل ايام وي زوجي وحبيبي بس طلعلي سم متهنيت بكلشي
وهمزين ما شفتهن قبل العرس الحمد لله على اراده رب العالمين
مسحت دموعي مددت وحضنت مخدته البيها عطره ونمت ومحسيت على روحي اله ب ٨ بليل كعدت متكسره كل ظني ايهم رجع غسلت وجهي عدلت روحي بالمرايه خليت شي بسيط وبعدها نزلت جوه بس ايهم مجان موجود سألت ايمان اذا رجع من جنت نايمه كالت لا هوا من طلع الضهر بعد مرجع
ضل بالي وتذكرت السياره الصبح ضليت ادك علي وأبد ميجاوب مو من عوايده ميجاوب كل كرت من اول ردنه يرد اذا مجان واجب
تعوذت من الشيطان وكلت يجوز يم أصدقائه لو مشغول
كامن خالتي وإيمان يسون عشه واني كمت وياهم واصريت عليهن اساعدهن لان ضجت من الكعده ردت إلهي روحي بأي شي موجود
سوينه عشه وتعشينه كعدنه اني وإيمان نباوع فلم ونكرز حب وخالتي طبت نام ساعه ١١ بعدها ايمان كالت تروح تنام باوعت للساعه ١٢ ونص وايهم ليهسه ماموجود ولا يرد على اتصالاتي
صعدت فوك لبست سيت نوم وخليت مكياج وتعطرت كلت بلكت يرضى من يشوفني شعلت شموع بالغرفه وصعدت فواكه وياي ونمنميات ضليت انتضره لل 1 وماكو ايهم مختفي ولا يرد صارت بل 2 وهم نفس الحاله اخر شي ايست كمت طفيت لشموع وغسلت وجهي ونمت
كعدت الصبح شفت بدي مال ايهم على التخم يعني جان هنا بليل واني محسيت بي كلت يمكن بل حمام دكيت الحمام وماكو صوت فتحته ومجان موجود غسلت وغيرت ملابسي ونزلت جوه
صبحت على خالتي وإيمان وسالتهن على ايهم خالتي كالت اجه غير ملابسه وطلع كال عندي شغل مهم
مر اسبوع على هالحال ايهم لا يجي للبيت ولا ينام بي بس يجي يغير ملابسه ويروح واني ماعرف بي يجي من اكون نايمه قرب عرس تيم وإيمان والتهيت وياها
يتبععع....
🦋💙