قريري العيون

البارت اثنان وعشرون

مساء الورد والياسمين عليكم فراشاتي 🦋🖤

قريري العيون

بقلم زهراء علي

ممكن تعليق للفقرات وتصويت+متابعه

مشاهده ممتعه
"""""""""""""""

ورده

بقينه بغرفتي لمن أذن وامي كل شويه توصي اسمع كلام زوجي واحترمه واحترم اهله
نزلنه تعشينه

كملنه عشه واجو خطار ناس تبارك  وكاعده يمهم وسلام بالدوانيه هم يجونه ناس
شويه واجت خالة سلام هيه وبتها هيه نفسها الحجت علي رايحه بيوم العرس مباقيه
سلمت علينه وبتها ماسلمت علي بس علئ البنات
شايله خشمها
رواء : بنات تعالن هناك نكعد بوحدنه من هوسه العجايز هههههه

عذراء: خلي نصعد فوك بغرفت ورده انا مشفتها عدل لمن  جبتوها

ورده: اي هلابيج تعاي شوفيها

رواء:  خاف سلام يجي ينام عذراء بعدين

عذراء: هههههه هوه  شعدنه بس اشوفها ونطلع

صعدنا كلحنه وهيه دخلت للغرفه وكامت تباوع وتعور بحلكها التفتت علي

عذراء :شلونه الزواج حلو لا

ورده:  الحمد لله

الخاولي  باقي على الجربايه انا ممنتبها اله

عذراء :شنو هاي  ليش هنا مخليته هذا مكانه بل تعلاكه مال الملابس ليش هنا مخليته متعرفين بل ترتيب بس انتي وين شافيه هيج غرفه يجوز حته باحلامج مشايفتها ههههه

نزعجت من حجيها بس استحي ارد عليه

رواء:  عذراء شبيج يله  تعالن بغرفتي

طلعنا بغرفتها وعذرا تباوعلي صفح وكل شويه كالت حنوشه تذكرين من جنه هيج وهيج نكعد ونسولف تذب على اذاني حجي يعني انا راح اخرب علاقتهن

شفت كلامها كله تمسلت خليت واخذت ماسه ورحنن الغرفتي

ماسه :ورده هاي مبينه شانتلج حرب الله يستر منها
نتبهي على نفسج منها ولا صيرين فاهيه

مادرت بال الحجي ماسه

ورده:  شعليج بيها عوفيها هيه لا يمنا ولا بكربانه يمعوده ماتسويلي شي

ماسه: ان شاء الله يكون كلامج هوه الصحيح

بقينا شويه كاعدين وندك الباب

سلام :احممم احممم

ماسه :ولج اجه سلام

ورده كلت بكلبي. اجه قابض الأرواح

ماسه كامت تريد تطلع وانا فتحت الباب دخل وهوه مدنك وسلم على ماسه
وماسه كامت ماتعرف تحجي وخلت وشردت

بتسم صفح
سلام:  شبيها اختج
ورده :مابيه شي

سلام: نزلي سويلي جاي راسي يريد ينفجر من الوجع

هزيت راسي وطلعت من لغرفه

دخلت للغرفه مال البنات

ورده: مريم  سلام يريد جاي. وإنا كلشي مااندل

مريم:  هسه جايه روحي انتي وانا اسوي واجيبه 

ورده:  لا انا وياج نروح سوه نسويه 
نزلنه سوينه وصعدنه

شفت باب الغرفه مفتوح
دخلت لكيته واكف ويمه عذراء تسولف
بس دخلت ثنينهم توترو

عذراء:  مبروك مره ثانيه. اجيت ابارك لسلام مشايفته بيوم العرس

بتسمت الها مجامله

عذراء: يله سلام اني اترخص اخذ راحتك وي الدكمه
مالتك وضحكت وطلعت

هوه متوتر حيل مسح وجها بثنين أديه بس محجه شي
بس كال اقفلي الباب

ماعرفت شنو تقصد بل دكمه
بس مارتاحيت الهه

اخذ مني الجاي وشرب منه شويه وخلاه على المجرات

سلام:  ورده لا تضايقين نفسج هاي وحده لزكه معليج منها خاف تحاجيج لوتغثج

ورده :وانا  شعدي وياها خطيه غير تباركلك جايه

محجه شي بس يدخن شويه وكال

سلام: طفي الضوه وخلي ننام
كلبي نعصر منه خاف يسوي لي شي
بس الحمد لله خله ونام
وانت هم بس خليت راسي غفيت

الصبح ندكت الباب فزينه ثنينه

سلام :منو

مروه :ام حازم  راح تروح  خلي ورده تنزل تسلم على أمها

سلام:  ماشي
كمت لميت شعري ورحت للحمام غسلت وفرشت اسناني
نزلت لكيتهم واكفين سلمت عليهم وامي تبجي وماسه حضنتني وتبجي ماعرف ليش مطاحتلي دمعه بوكتها
رغم جنت شايله هم وافكر شلون من راح يرجعن ويخلني ستغربت من نفسي

ابو سلام:  يله بويه توكلو خلونا نطلع

سلمت عليه امي وكل عاده الف وصيه وصتني
راحو وانا ضل كلبي معصور بس مابجيت وراهم

دخلنه

ورده:  تحتاجين شي عمه

ام سلام: لا اصعدي يم رجلج
انتي بعدج عروس تلحكين على الشغل

بتسمت الها وصعدت فوك دخلت للغرفه ولكيته يدخن
واكف يم الشباك

ضليت متوتره وماعرف شحجي
سويت نفسي انعس وريد ارجع انام

هوه شافني واجه نام يمي وكام يشم بشعري

سلام: شعرج حلوووو شنو تستخدميله وهيج سرح وناعم

ورده تكهربت من قربه عليه وبنفس الوقت حسيت حساس حلو اول مره واحد يمدحني ويكلي شعرج حلوو

ورده:  ماخليله شي بس مرات اخلي حنه
بدت ايده تتجول على جسمي  نزيت منه

ورده:  انزل اسويلك ريوك

سلام: لا ماريد رايح عندي شغل
أريد اروح اشعلهم ورجع

عرفته يستهزء خليت وسكتت
كام اخذ الخاولي وراح للحمام

شغلت التلفزيون خليته على قناة الأنوار جان طالع بيها دعاء الصباح بصوت الحاج ميثم التمار
رجعت رتبت الغرفه ورشيت معطر ورتبت نفسي

مر اسبوع على زواجي
بين الخطار تجي تبارك قرايبهم
سلام شويه شويه بديت اتعود عليه بس بليل اخاف منه  يضايقني بتصرفاته ووكاحته ادعي كون ميجي الليل
مروه رجعت لبيت زوجها اجه زوجه واخذها
بيت عمي كلش زينين وياي ولبنات يموتن عليه وخصوصاً رواء
بس مرت عمي عصبيه وشاده وياي  بس انا اتجنبها بكل لحالات
ابويه كل يوم يدك على عمي حته يحاجيني وامي تحاجيني

انا  ينقبض كلبي اذا دك ابوي
شكد حاولت انسى بس ماكدر ماكدر انسى لمن ابوي  يتهمني ويكلي  منو حبيبج علميني حته اذبحج واذبحه
ولا أكدر انسى شلون جنت افرفح جوه ايد حازم وهوه يضرب بيه بدون رحمه
ولا أكدر انسى ضرب مصطفى الي يشارك ويا حازم فوك مايهده مني

قبل يومين جنت امشط شعري والمشط طخ الجرح الي صاير بكصتي هوه يابس بس من طخ سن المشط نشك من جديد وكام يصب دم  شاغت روحي وحته دموعي نزلت
سلام شكد حاول يعرف شنو السبب بس انا بقيت مصره طحت وتعورت بيومها ضل يوم كامل ينزف وسلام جاب لاصق جروح وخلاله حته ميلوحه شي
من اتوجعت حقدت على اهلي  بس كتمت حقدي بكلبي
ماكدر ماكدر  حاولت ومااكدر مرات استجمع قوتي كله حته مااسمح لعقلي يسترجع ذيج الذكريات حته مااحقد على اهلي ولا اشيل بكلبي عليهم

وكل يوم ادعي ربي انو يهديني ويطرد هاي الأفكار من عقلي الي جاي اتعب بسببها
البعض يستاء مني ويكول شدعوه وزوديتها ونص البنات تزوجن جبر

إنا شخص حساس جداً وجنت مشابعه من حنان امي وعطفها بطفولتي
إمي ماتعرف شلون تتعامل ويانا
جانت اذا سوينا شي ايدهه والضرب
هيه حنينه بس ماتعرف شلون تتعامل ويانا وتضهر حبها النا

كبرت وبعدني مافتحت عيني على دنيا ولاكني حقل مال لاغام بأسم الزواج

جنت مااريد ابعد عن اهلي واعيش عد ناس غرب وابتعد عن اخواني وخواتي وامي وابوي

وصلت لموت يله تخلصت من كابوس الزواج

تخلصت من الزواج بس متخلصت من العقده الي صارت عندي شكد حاولت اتخلص منها بس مكدرت
بعدني مبلعت ريكي حته اتفاجئ بل ثاني  الي طوقني من كل الجهات بسبب قانون عشائري قديم

عانيت من تعنيف أسري سام جداً
يختلف عن ذاك الي نشوفه بقصص كارتون الأطفال

بيوم الي حازم ضربني وفقدت
زاد حقدي  عليهم كلهم لان اشوفهم كلهم شريكين بجرم
ايام وليالي انا ماانام من الوجع واحس كل جمجمتي ترتج الزم راسي بثنين أديه حته بلكي يهدأ الوجع  ياخذله شويه ويروح

كلما اجت عيني على الجرح لو طخيته من اغسل وجهي لو احد سألني
كبل يصير المشهد كدامي
تزوجت وابتعدت عنهم بس ماكدر انسى

جنت كاعده استرجع ذكرياتي وياهم الي نصها عنف وعذاب وابجي سلام عباله ابجي اريدهم

سلام:لاتبجين  اشتريلج تلفون وشوكت ماتشتاقيلهم خابريهم

ورده:  لا ماريد شسوي بيه واذا ردت تلفون عمتي موجوده

سلام: واذا انا بلدوام وأريد احاجيج شلون بله

ورده: هم تلفون عمتي

سلام:  شنو تلفون عمتج غير ناخذ راحتنه شلون بله

ورده: شنهي عود ناخذ راحتنه

سلام:  حتركو بنار ونفط على هل خلفه

بتسمت على كلامه لان تعودت عليه صار اسبوع

تقرب عليه

سلام:  فدوه رحت للبتسامه لخفيفه الي طيرت النوم من عيوني
تقرب عليه وباسني حيل دفعته

ورده: سلام لا زعلني منك

ذب حسره

سلام : تدللين

العصر سبحت لان خلصت من الدوره وخليت بس مورد لخدودي وحمره خفيفه. عود رواء علمتني هواي بس انا ماحبه خليت شويه ورشيت عطر
نزلت يم البنات سوينه عشى سوه
أذن صعدنه انا و رواء صلينا كلمن بغرفتها
دخل سلام ماعرف وين جان شافني اصلي

سلام:  الهم صلي على محمد وآل محمد
كملت اخر ركعه

وكمت اتلفت بلغرفه

ورده:  شنو ليش صليت على محمد
شنو صاير

سلام: مايصير واحد يصلي على محمد

ورده: لا يصير

كاعد يبتسم عليه وانا احجي وياه

ورده :سلام ليش متصلي انا لاحضتك مره تصلي ومره لا  والله حرام الله يذبك بنار

سلام :شعليج بيه اصلي مااصلي انا وربي

ورده :بس انا ماريد زوجي مايصلي

سلام: هههههههههههههههه  حبيتها هاي مال زوجي عيدهه رحمه الذاك الاب

ورده:  كلام الملوك لايعاد يله

سلام: ايباااه إنا اليوم فرحان وراح امشيها الج بس اذا عدتيها مره ثانيه اكصه وشمره لجلاب بغداد السايبه

كام خله تلفونه على شحن

سلام: كدامي انزلي يله

وياشر برأسه
نزلنا لكينه البنات فارشات السفره
وينقلن بل اكل

ابو سلام:  تعاي يمي  بنيتي شلونج زينه مرتاحه بابا

ورده:  الحمد لله

ابو سلام:  عمي خابرت ابوج وعمج وعزمتهم على الغده باجر لان بلعرس عزمتهم وتحججو عدهم شغل
وباجر هم اسوي غده وعزمتهم واشوف

ورده:  بكيفك عمي

ابو سلام: باجر الغده أريده من ايدج لان  من اروح هناك يمكم الأكل كلش طيب وابوج يكول طبخ ورده

ورده :حاضر عمي

كعدنه نتعشى وإنا ميته خجل من سلام وعمي وسامر شلون اكل كدامهم
سلام كاعد كبالي رفعت رأسي باوعت صارت عيوني بعيونه
غمزلي وابتسم
شهكت شهكه خفيه بكلبي
كلت شبيه هذا مستحيل بله واحد شافه من اهله
شيكولون علينه

رجعت دنكت ومرفعت راسي بعد
كملنا عشه ولمينا السفره انا ومريم رتبنه المطبخ
ورواء سوت جاي هوه اخذ كوب جاي وطلع بره  بلحديقه

إنا و رواء كعدنه نسجل شنو نحتاج باجر للعزيمه

ام سلام:  باجر لاتداومن ثنينجن  واخذ وياي مريم
تساعدني بلغراض الشتريهن

رواء: ليش مو انا تاخذيني

ام سلام: موهسه اخذج مابقه شي لمحرم ومن نجيب الثواب ترحين وياي

كملنا شغلنه انا ولبنات صعدنه بلغرفه مالتي كعدنا نشوف مسلسل اسمه تركي هنه متابعته
بس انا اباوع وياهن على الواهس

ورده :اكلجن وينه تركي شوماطلع

مريم رواء : هههههههههههه

مريم: ولج موولد اسمه تركي لا المسلسل تركي من دولة تركيا

ورده: ها جا انا وين اعرفنه. صدك  رواء انتم شعجب اهلج يقبلون تشوفن مسلسلات

رواء :هههه وليش شبيها المسلسلات

ورده: مادري اشو احنا أهلنا مايقبلون نشوف اي مسلسل

رواء: جذب اقصد كولي اشاقه

ورده: والله ماجاي اشاقه

مريم: زين شنو جنتي تشوفين انتي

ورده :سبيستون ام بي سي ثري العربيه

مريم: هههههه شنو جاهل انتي

رواء: لا حبيبتي احنا أهلنا عادي عدهم شعليهم بينا نشوف الي يعجبنه مسلسلات تركية هنديه اجنبيه عادي

كلت بكلبي هنيالجن لعد احنا ليش كلشي حارمينا منه
وكله عدهم عيب وحرام

بقينا ساعه خلص المسلسل

مريم: يله حنوش  انزلي شوفي امي خاف تريد شي وانا راح انام

ورده :وين وانا اضل وحدي

رواء :هسه سلام على جيه

كاعدين نحجي وصدك دخل علينا

انا لزمت الرميونت وغيرت القناة

رواء: سلام عليك الله اسئل ورده شنو جانت تشوف  بلتلفزيون

ضحك خفيف وكال شنو بله

ورده: شنهو تضحكون عليه انتم ماكول

مريم :بداعتي ورده احجي

سلام: انا بنسبه اليه ماانصدم لان هاي بت عمجن امم المفاجأة انا اسميها

رواء :ورده تكول انا اباوع سبيستون وام بي سي ثري ههههههههه

هوه هز ايده

سلام: ههههههه انا اليوم اروح ادك عمي شنو مطيني طفله

البنات طلعن وميتات ضحك عليه
وانا  تضايقت ليش يضحكون عليه

ورده: ترى ماكو شي يضحك

سلام :ورده

ورده :هااا

سلام: تعاي اكلج

بقيت واكفه بمكاني وميته خوف منه
كام من مكانه واجه حضني ونيمني على ضهري

ورده :سلام فدوه خلي اسولف عليك هاي سالفه
انا بس اريد انسيه بلكي مايبوس بيه مثل كل ليله

سلام:  احجي اسمعج

ورده :سلام

سلام: عيونه
ولزم شفتي ماهدها الا  لمن دفعته حيل

سلام: رايدج والليله اي عذر مامقبول

ورده: بعدني مطايبه

سلام :مو بكيفج لعد شكو تصلين اذا بعدج

ضربت نفسي على غبائي

ورده: فدوه سلام اخاف

سلام: ليش تخافين ماكو شي يخوف هيه خمس دقايق ويتم كلشي

(ملاحضه بناات ماراح نتعمق لاتكللي ليش ماحجيتي اكثر انتن تدرن بيه انا ماتعمق زايد لهيج مواضيع )

جردني من كلشي وانا جسمي يرجف كله
وكمت ابجي من الخوف منه
هجم عليه وانا ابجي وهوه ولا يمه

خلال دقايق حسيت شي اخترق جسمي صرخت صرخه هزت أركان الغرفه وحته بلعومي احسه نجرح

سلام: شتعل ابيج فضحتينا
بت ال..... ولج هسه البنات يجن عل صوت
كام لبس ملابسه
وإنا احس نفسي نشليت
غطيت نفسي وانا ابجي واون

سلام:  ورده هايه هيه تم كلشي مبروك حبيبتي 

كمت ادك على صدره
ورده:  يوجع ليش جذبت عليه

حضني وكال:بعد ماكو وجع بس هاي المره
كومي روحي للحمام اسبحي حته ترتاحين وتعاي

كمت كوه رحت سبحت ورجعت
لكيته ذاب الفرشه  ومخلي غيرهه

سلام:  باجر اغسليه هاي

محاجيته كرفصت نفسي وتغطيت ولوجع شل رجليه

اجه كعد يمي

سلام: ورده تعرفين تغسلين

ورده: شنهي عود اكو واحد مايعرف يسبح

سلام:  لا اقصد لمن.......... وكعد يشرحلي كال اني راح من بالي اكلج لان انتي مخليتي عندي بال
يله خليه ارتاحي وباجر الصبح ان شاء الله تسبحين

نوارس

وره يومين جانت دنيا العصر
ندك الباب

نوارس :منو

رحيم: انا

فتحت الباب

رحيم: هلو عمو شلونج

نوارس: هلابيك عمو شلونك هههه تفضل تفضل دخلته جوه ورحت جبت بيبي
طارت بيه وكعدت تنعئ علئ اخوه خطيه ميت بمرض السحليه الله يرحمه

خليتهم يحجون رحت سويت جاي وجبته

رحيم: تسلمين نوروسه بياصف صرتي

دنگت راسي بحزن

بيبي: وين يمه عمت عيني عافت المدرسه من زمان

رحيم: لييش مومستقبلج هذا

بيبي: يايمه جا منو ضل يصرف علينه خطيه نكسر ضهرها وهيه زغيره حته خدامه ضلت تشتغل

رحيم: خدامه شنو صدك جذب حجيه لييش وين خالهه

بيبي: ياخال هذا يمه ياخال الماخلئ علئ حالنه شي ابدال مايصرف علينه ويعين امه ويباوع لحال هل يتيمه

سولفتله بيبي كلشي صار ويانه

رحيم:اخخ حجيه لاتزعلين مني بس هذا مورجال اليسوي هيج شلون يكدر تغمضله عين وامه وعرضه ضالات ولايسئل عليهن

بيبي: شسوي يايمه الدنيا دولبتني ادولب لو ماهلبت الله لاطف بحالهه جان متت من زمان من القهر

رحيم :اسم الله عليج حجيه يله حضرن نفسجن ترحن وياي امي منتضره علئ نار

بدلنه وكملنه ورحنه وياه
وصلنه لبيتهم وبيبي وامهم مامصدكات يبجن وحده ترثئ للثانيه حالهه وشسوت بيهن الدنيا

اشويه واجت بنتهم ماتذكرلهه زين اسمها كوثر متزوجه يمهم

كعدت تسولف وياي وجنتهم هم حبابات

ورده

الليل كله مانمت هوه كبل سبح ونام
لعبت نفسي من روحي  ولوجع كطع بطني تكطع
للصبح يله غفيت
وإنا اون من لوجع. نمت شويه وفزيت
كمت رحت للحمام سبحت وسويت لكلي عليه سلام

رجعت للغرفه وانا ميته من لوجع
كمت ابجي سلام  سمع صوتي وفزر

سلام :ورده شبيج ليش تبجين

ورده: بطني توجعني

سلام: بطنج لوو عندج وجع من.......
بقيت خجلانه

ورده : مادري

كام اجه شالني وخلاني على الجربايه غطاني

سلام:  بيش الساعه هسه. ها بل٦ ورده نمتي لبارحه لو لا
هزيت راسي بمعنى لا
رجع يمي ويسأل اسأله محرجه وانا ميته خجل منه

فتح المجر مال الكنتور ماله وجاب علبه طلع منها حبوب

سلام:  هاي مسكنات خلي انطيج شويه حته تصيرين زينه
احس كل جسمي صخن وصار نار مشتعله
شويه وغفيت مادري بنفسي

رواء

كعدت من الصبح لان امي راحت لسوك هيه ومريم
وانا كملت شغل البيت وباوع على درج  ورده اشو ماكوو غير تفقنا نكعد من الصبح ومو من عادتهه تضل نايمه

سامر جاب السمج واللحم ابوي موديهن
نضفت السمج وغسلته وملحته وخليته على صفحه
ورجعت هم غسلت لحم وسلكته
لملمت المطبخ وغسلت أديه صارت ب 9 نزل سلام
دخل للمطبخ

سلام: صباح الخير

رواء:  صباح النور

سلام: وينهم  اشو ولا واحد

رواء:  امي بل سوك هيه ومريم وسامر جاب المسواك وراح عنده امتحان
صدك سلام  ورده ماكعدت وينها

سلام :ورده شويه مريضه صخنت البارحه وليل كله مانامت هسه يله غفت سويلي جاي

رواء: صدك خطيه حاضر
جهزتله ريوك ونطيته تريك وصعد شويه ونزل
طلع بره
صعدت فوك دخلت للغرفتهم شفت ورده نايمه وشعرها منثور على وجها
سديت لباب بهدوء وطلعت
نزلت لكيت امي جايه من السوك هيه ومريم
عزلت لمسواك

ام سلام: شنو ورده وين ماكاعده

رواء:  يكول سلام مريضه

ام سلام:  شبيها عياره وين لاكيه هاي الراحه
ونوب ابوج يكلها الغده باجر من ايدج وهيه لهسه نايمه
المسعده

رواء: يمه خطيه صدك مريضه يكول سلام  الليل كله مصخنه

ام سلام: البارحه كلشي مابيها لوتيه عود هيه جانت تكرب وهسه مامصدكه لكتلهه هيج راحه وناس تخدمها
امها. جانت شاويه علئ اذأنها بصل

اجو عمامي  وسلام راح صعد فوك شويه
ونزل هوه ورده ورده مبينه كلش مريضه حته متكدر تمشي

رحنالهه انا ومريم نسئل بيهاا شبيها

سلام : ابوج يسئل عليج

رحنا سلمنه كلحنه على عمامي
كعدنا شويه وطلعنا حته ورده
ويانا طلعت
كملنا الغده وسامر كل لورده بنجرتي من سمعتي الغده باجر عليج عود كلنا نذوق طبخج يازوجت اخي وابنة عمي
بتسمت وكلتله على الجايات ان شاء الله

اجت تساعد بينه وتدوخ كلساع كلنالهه عوفيه روحي  كعدت يمنه بل مطبخ واحنا نشتغل
سلام كل شويه يجي يمنا بلمطبخ
بس مبين متوتر ماعرف شبيه

ورده وجها اصفر وحته شفتها يابسه من الصخونه

أم سلام:  سلام شعدك اليوم كل شويه ودخلت للمطبخ
عدك شي لازم على مود ورده

سلام:  اي يمه غير مريضه مريتي
بعد من حجت. امي سلام مارجع للمطبخ
تغدو عمامي وعمي ابو حازم طلب يشوف ورده
ورده راحت يمه نص ساعه ورجعت
عمامي العصر رجعو ماقبلو يباتون ..يتبع....

تصبحون علئ خير فراشات 💙🦋