#دمعة الشهم
الكاتبه zainab Al mousswi💎💥💜🌞
#تفاح كلبي
لا تنسون التصويت + متابعة الحساب +التعليق
زعلانه منكم ماكو تفاعل بالقصه لا تعليقات كم وحده تعلق وتصويت ماكو ليش هجي والله جاي اتعب حتى ارسم بتسامه على وجهكم الحلوه رسمو ابتسامه بوجهي 🥺
🍀
🍀
نعيش أيام متعبة، ونواجه لحظات قاسية، نبحث هنا وهناك عن قلوب تُحبنا بصدق، لنختبِئ في حُضنها، قلوب لا يهون عليها ضعفنا، أو كسرنا، نحتاجها بشدة لنبتعد عن الجميع.. ونلجأ إليها، لنرمي وراء ظهورنا التفاصيل الموجعة، والطرق التي أذَتنا، لنحاول أن نخبر أنفسنا، أنه وبرُغمِ كل شيء لازالت الدنيا آمِنة، نتوقف برهةً ونتذكر أنّ لا ملجأ لنا سوى عزلتنا، فالبيوت التي تأوينا ما عادت آمِنة، لا مفر لنا إلا إليها، نبكي بصمت دونَ كلمة، ودونَ حديث حتى، ونكمِل طريقنا عائدين من تعب الحياة، خارجاً إلى التعب الأكبر الذي ينتظرنا، وككُل الأيام الماضية نهمس لأنفسنا، قد يحدث شيئاً. وتمضي الحياة بنا، دونَ أن نشعُر بلذتها..
{_______▪️_________▪️_______}
أناهيد: شيخ عادي بهذا العمر تزوج حرام بعده جاهله
شيخ لا حلال زواجهم بشرع الله ورسوله بسمالله
أناهيد: شيخ خلي نشرب جاي وبعده نعقد
شيخ ام خنجر خويه ليش اتأخرين الزواج وليدج جنج ماراضيه
أناهيد : لا فرحانه اصلا انه قنعت خنجر واحب ابنيتي اكثر
شيخ بويه خنجر مبين راح تنطرد يصفن عليك زوجتك وامك
خنجر ضحكت على كلام الشيخ
أناهيد : شنووو يا زوجه
خنجر : يمه شنو السالفه زواجي اني وبت خالي فجر
أناهيد : هااا شهكت وكمت ابجي من الفرح ظليت اشهك من فرحاي
فجر : اباوع العمتي طاير من الفرح ماتعرف شسوي خابر خنجر ابوي علمود العقد علمود يصير كلشي كدامه وهمين انه صغيره لازم ابوي موجود كمل العقد وطلعو وخنجر وراهم سد الباب عمتي كامت تهلهل وتشبكني وخنجر يضحك باركت اله
خنجر: يمه بس مثل مااتفقنه ويه خالي بس ورق
أناهيد : اي اي مثل ما خليتك تعقد اخليك ابو ههههه
أناهيد : الله كريم اروح ارتاح
أناهيد : يمه ماتريد عشه
خنجر : منو كال انه صايم اريد عشه بين ما تحضرن انتي وفجور انه ارتاح
أناهيد : اي يمه
فجر : رحت صليت ورحنه نحضر عشه شويه وعمتي عافتني وراحت ماادري وين
أناهيد : يمه خنجر شعجب وافقت تزوجها
خنجر : صفنت بسؤال امي والله يا هدوو خفت تزوجيه الغريب يضربها يأذيه مايداريه مثل بنته وانه اريد اصير اله اب
أناهيد : كفوو منك يا بعد روح امك بس هم اخليك اتصير ابوعفته ومشيت عفته يضحك اي اضحك
خنجر : ههههه والله عليج سوالف يا الحبيبه
فجر : حضرت العشه وكملنه كعدنه نتعشه خلصنه غسلت المواعين ورحت كعدت يمهم مرت ساعات تالي كل واحد راح نام كعدت الفجرخنجر طالع الفجر محد كاعده اتريك ويه عمتي جان اكول
أناهيد : كملي رويكج بسرعه اريد اخذج للسوك تشترين ملابس
فجر: اي عمه صدك تريكت بسرعه فرحت راح اطلع واتسوق واشوف السوك كمت بسرعه غسلت وبدلت وطلعت رحنه السوك وشتريت تراكات واثياب قصيره وشتريت حنه من رجعنه من السوك خلتلي حنه وكصيت اطراف شعري اموت على الحنه
أناهيد : عمه بعد تنقلين لغرفتج الفوك هو بس غرفتين فوك وحده الج وحده لخنجر وهو مجهز الغرفه كنتور وجربايه عوزه نقوصات بسيطه اخلي خنجر يجيبهن
فجر: اي عمه كمت نقلت غراضي فوك كلهن ثاني يوم كعدتني من وكت
أناهيد اول ماتكعدين غير ملابسج سوي شعرج وعطر الا تنزلين منا وهجي حاولي تكعدين من وكت بعد هذا يوميه تسوين هجي مو كل يوم اني اكول الج
فجر: اي ان شالله سويت الي كالته كالت
أناهيد :ليش تبقين ساكت ولج احجي
فجر: عمه شكول هو اسوي الي تردي
أناهيد: اني راح اتعب وياج وي فهاوتج
فجر: ههههه سكتت بعد ماحجيت شي كامت تعلمني شلون اشتغل كنس ومسح وهي وياي تعلمني بسرعه ندفر الباب الشارع واجت أسيل تصيح
أسيل : اي يمه مسوينح اميره بيتهم شني اخذتوه وعقدتو بدون شور ابوها شني طمعتو بيه لان يتيمه محد اله
أناهيد : اول شي الباب يندك مو ينزكط مثل هوايش (مكرمين السامع ) وبعدين شني طامعين كالولج ماخذين فليساتها من خوانه مثل فعلتج وابوها يدري وبعدين هي مو يتيمه انه كدامج طول عرض مو بعينج تكولين يتيمه يالله بلا مطرود بس البيت طاهر ماأريد يتوسخ
فجر: انه واكفه واسمع ماحجيت شي عمتي تحجي وبعدين ظلت تصيح أسيل وتفشر وطردته عمتي وضاجت ونقهرت لان الناس لتمت على صوت أسيل جبتلها ماي شربته وظلت تستغفر الله شويه وأذن كالت
أناهيد : راح اصلي ضلي بالمطبخ رتبي بيه وهم عينج على سمج لاتجي بزونه لو يطفى الفرن
فجر: اي عمه راحت تصلي وانه بلشت ارتب المطبخ شويه وانفتح الباب ودخل خنجر جنت لابسه برومودا لونه ماروني مطعم باسود ضل صافن لان اول مره البس هجي لبس ضيك ومكشوف واني بهذا الوكت جسمي بده يبرز ومسويه شعري كبايه كتله الحمدلله على السلامه
خنجر: هلا هلا عمو شلونج شخبارج
فجر: الحمدلله بخير رحت جبتله ماي ونطيته اله شربه ودخل جوه يسلم على عمتي شويه و اجت عمي
أناهيد:ها ولج اسمع صوتج وياه شني كلتو
فجر: سلمت عليه وسئلني شلوني
أناهيد: اي هي تبدي بشلونج خويه وتنتهي بأم عيالي
فجر: كالي عمو مو خويه
أناهيد : يعععع يمه نوب عليه عمو بس هم هيج يشلعون الكلب قبل ابوه هجي عود مرته وشالع كلبي مو نوب انتو
فجر: سكتت مااعرف شجاويها سوينه غذه وهو نزل يتغذه جان يكول
خنجر: عمو جيبي الي ملح
أناهيد :يمه نوب عمو كبر روحك وكول اله جدي
خنجر: يمه جبير اكلله عمو
أناهيد: لا مشكور كول اله بأسمه يابه دلع مانريد يضر بصحتك
خنجر: اي ان شالله بتسمة على سوالفها يمه خلي تغير لبسه شني ضيك وكصير وهي طاك جسمه
أناهيد: لا حلو ماكو غريب بس انه وياك واثنينه حلال نشوف لبسه قابل طالعه بيه
فجر: سكت ماحجه شي وره فتره تقريبا شهر اجت دوريه شرطه للمنطقه أخذوا شيخ الي عقد النه لأن مكتشفين عنده مخالفات خنجر من عرف ضل بشك عقدنه حرام لو حلال سئل ما لگه جواب مريح بس شيخ معروف گال اله لازم تعيدون العقد لأن ينحسب باطل كون الي عقد الكم مو شخص عنده دين
خنجر: رجعت للبيت ضايج من هاي السالفه يمه اكلج شغله شيخ العقد النه طلع ***** وهاي السالفه هسه شلون
أناهيد : مو مشكله احسن واحد يضل بشك إذا نبقى عليه شوكت تجدد العقد
خنجر: لا خليه هسه
فجر: صار يوميه من تگول اله عمتي يأجل السالفه مره گالت اله ليش شنو تغير
خنجر: اني ما أريد اضلم البت ويجوز رب العالمين خله هذه سالفه شيخ علمود تنقذ فجر
أناهيد: شني تضحك على روحك العالم كلهه عرفت انته خطبته بعد منو يجيه منو ياخذه هسه گمت حلال وحرام ليش وگفت بقسمته من اجت
خنجر: يمه كافي والله مليت تعال ازوج وحده بكبر بتك واعتبره مره اشلون واني اباوع اله بتي اخذت سويجه وطلعت لبغداد
فجر: بعد ماصار مصايح بين عمتي وخنجر خله وطلع وعمتي ارتفع عده سكر كلش علك تخربطت وبس اني بالبيت طلعت للشارع لابو لاسواق يساعدنه اخذوهه الطوارئ وبقيت بالبيت لليل وحدي جابوهه كلش تعبانه
أناهيد: هاج جهاز خابري خنجر ما اشوف اني خابر
فجر: اخذته واتصلت شويه وجاوب تأذت عمتي بهل يوم
أناهيد: يمه بعد لا تجي للبيت وكفل زينب لو اجيت لأخذ فجر ونرجع للناصريه
خنجر: يمه لا تضغطين عليه والله تعبت فدوه لگلبج
أناهيد: روح روح
فجر: يومين عمتي معصبه وخنجر ما رجع للبيت ولا خابرثالث يوم اتصل الضهر گال اله يمه اريد رضاج عليه يعافيتي ما گدرت احقق الي تردينه لأن ربي يشهد كلفه عندي بعيوني اخلي فجر بس ازوجهه صعبه اوگف بقسمته ولا تشيلين بالج عليه
أناهيد: وين رايح
خنجر:يمه اني وجماعتي صار اسبوع مقدمين للحشد والبارحه طلعت اسمائنه ان شاء الله باجر نلتحق
فجر: عمتي لطمت على وجهه
أناهيد: عزه ولك خنجر تعال وين رايح ولك خنجر تريد توگف گلبي رايح للموت برجلك
خنجر: يمه رايح لمكان ترفعين راسج بيه وشنو اصغر مني وراحوا ترديني اگعد بالبيت وشباب الفينات جاي تروح يمه ما تغيرين قراري سدت الموبايل
فجر: عمتي تصرخ تعال الباشا شوف ابنك وين راح ليش خليتني وحدي تعال شوف خنجر شالع گلبي ضلت تبجي اريد اسكته ماكو جنت اسمع حديثهم لان فاتح اسبيكر بعدين إذن گامت تصلي وتبچي بهذاك اليوم عمتي ما نشفت دمعته راح خنجر ويوم يجر يوم صار اله شهر وهو ما نازل اتصلت عليه عمتي گال الها صاحبي مرته ولدت وانطيت اله اجازتي گالت اله يمه گلبي يابس على شوفتك وانته هيج تسوي منه قررت عمتي انو تخلي خنجر ينعجب بيه مو تجبره على زواجي گامت تعلمني طبخ وتنضيف صح تعبته مو بسرعه اتعلم بس عرفت گامت تطلعني وياهه نسوان تسئلني شويه شويه گمت اعرف اسولف وياهن الي يشوفني صدگ بت بعمر 13 تخليت عن عقل الطفله گمت حتى دراستي اعتمد على نفسي مو مثل قبل الا واحد يدرسني تغير مستواي الدراسي صار 3الا الفجر اجه خنجر عمتي گالت الي لازم البس حجاب لأن خاف العقد باطل هم من اجه عمتي ضلت تعاتب بي وتبچي هو متغير حيل تعبان گاعد بلگاع وراسه على رجل عمتي هي تگعد على كرسي مو زين عليه الگاع اني اجيت جبت اله غده گال
مخنجر: هاا بويه شلونج شخبارج وج چنج كبرانه وحليانه وين فجور ذيچ
فجر: اي وحده احلى
خنحر: اثنين يخبلن
أناهيد: هههههه گعدي اكلي وياهه انتي ما تغديتي اشوفهم اثنينهم يسولفون الفرحه ملت كلبي يارب يتحقق مرادي
فجر: گعدت ناكل هو يسولف وياي على مواقف اله وي جماعته ونضحك لاول مره هيج اسولف وياه گال
خنجر: اي مدري اكل البيت طيب مدري شوفتج تفتح نفس مو مثل هناك
فحر: على حالتين اني سبب لأن اذا اكل طيب فاني سويته وإذا شوفتي فوجههي صاحب فضل عليك
خنجر: هاا شنو سمعت انتي طابخته ولج متطوره وصايره مره عفيه
فجر: دامك مدحتني وسويت الك اكل عندي طلب يمك
فجر: عيوني الج شنو گولي
فجر: البارحه فاتتني نومه وعمتي ما گعدتني للدوام نوب رحت مشي لأن رايح الخط وتاخرت مديره ما دخلتني للمدرسه كالت لازم يجي ولي امرج وإذا اگول لعمتي خطيه مره جبيره تروح
خنجر:قصدج
فحر: قاطعته وكتله قصدي چبيره
خنجر: أن شاء الله اروح بس بعد وقتي جهاز علمود تگعدين
فجر: تدري انته لو مو منبهه ما اگعد دام ماكو دفره تگعدني ثاني يوم راح وياي للمدرسه جنه احنه طالعين الساحه فرصه اجت بنيه گالت الاداره تريدج رحت لگيته واگف يسولف وي المديره گال الها
خنجر: لا ان شاء الله ما تعيده فجر وضل يسئل عن مستواي طلع گال محتاجه شي گتله
فجر: لا سلامتك
فجر: لا ترجعين وحدج اني اجي اخذج هسه عندي شغل يم صاحبي
فجر: بس راح جانن البنات يباوعون عليه لأن معروف هو عود زوجي گامن شكد حلو والله مبين رومانسي اني حيل ضجت اريدهن يسدن موظوع گلت الهن كافي بس يجي واحد تضلن تفصلنه تفصال شنو سالفه عفتهن ومشيت اجت وراي مريم گالت
مريم: فجر شبيج ضجتي تره هنه طبعهن هيج وتدرين انتي خمس دقائق ينسن حتى شكل الولد هذه مو اول مره يسونه
فجر: بس اول مره وي خنجركل مره واحد عادي بس خنجرلا
مريم : سئلج سؤال شنو حسيتي من سمعتيهن هيج
فجر: احس جسمي حار بدي اگطعهن واسكتهن هذه عيونهن افگسه الأن باوعن
مريم : شوف شوف صديقتي صايره عده روح الإجرام بسبب الغيره خنجر
فجر: شنو
مريم : اي ولج چنج تحبين خنجر
فجر: لا يا حب بس لان شي خاص الي ما احب تباوع عليه
مريم : اي أي ضحكي على غيري اختج واعرفج
فجر: ولي يا حب انتي عفته ودخلت للصف اني كل الدرس بالي يم كلامه صاحت عليه المدرسه ست نهاد يابه وين بالج مو صار ساعه نشرح لو اشرح للحيطان ضلت ترزل سكتت من طلعنه كالت الي مريم
مريم : لا تزعلين من كلام ست نهاد كلنه نعرف بيه تكره البت الي تصفن وانتي الله يسلمج صافنه
فجر: لا مو على ست نهاد طلعنه سوه لكيت خنجر واكف يم الباب سياره متت قهر لأن احس كلهن يباوعن عليه گالت مريم وج امشي على كيف ما حاجيته رحت اله كتله يلااا بسرعه خل نروح گال
خنجر: وعليكم السلام اهلا
فجر: خنجرقبل سلام بسرعه تحرك فدوه هو هم حرك سياره
خنجر: شبيج
فجر: ما تشوف عيونهن عليك لو عجبنك بعدين ليش لابس زيتوني علمود ينعجبن بيك
خنجر: بويه شبيج تخبلتي منو ينعجبن منو اتعمد وياهن
فجر: بنات مدرستي ضحك
خنجر: هههههه وإذا شكو بيه نعجبت بوحده لو تغارين رفع حاجبه
فجر: لا على شنو اغار بس عمتي تكره بنات غربه يصيرن جنته تريد وحده تعرفه
خنجر: هااا هو محد علعلني غيرج انتي وعمتج
فجر: شنو مسويات اني وعمتي الك تره هذا كلام خطير ان شالله يوصل لعمتي فاعل خير
خنجر: ههههههه
فجر: اشتريلي حلويات
خنجر: من عيوني صفيت السياره كدام اسواق اشتريت حلويات
فجر : اشترى الحلويات وجابهن الي وخلاهن بحضني
خنجر: اسئلج سؤال بس اريد جواب صريح
فجر: شنو سؤال
خنجر: شنو الي غيرج ما جان تصرفاتج هيج ما جنتي هيج تضحكين وتشاقين
فجر: يعني صرت خفيفه مو زينه
خنجر: لا بويه ليش اخذتيه هيج عمر المرح ما جان قله ادب وخفه بس اني اجاني هذه سؤال حبيت اعرف جوابه مو قصدي الي فهمتي ( هوايه عبالهم اذا يضحكون قلة ادب وخفيفه ورعن مع الاسف هجي افكارهم وافكار المقابل )
فجر: صراحه اني هيج وي صديقاتي بس استحي من الأشخاص الاكبر مني انو اضهر شخصيتي الهم يعني إلا اتعود على شخص وتعودت على عمتي
خنجر: واني شلون تعودتي عليه واني جنت مو بالبيت فتره
فجر: بفضل عمتي اعرف ادق تفاصيل الك هههه
خنجر: لا بشرفج مبين الحجيه مصدع راسج بتحليل شخصيتي
فجر: لا والله اصلا اتونس لأن هي بس انته عده وتسولف عليك اني ما عندي سوالف وي صديقاتي غيرانقل الهن سوالف وصاير انته ماده متداوله بين النساء ضحك
خنجر: بويه عود اذا حجيه تطلع فضايحي انتي من يمج ستريهن ربج يوصي بالستر
فجر: قصدك مثل سالفه ندى هو تفاجا من كتله هجي
خنجر: انتي وشعرفج بندى إذا امي ما تعرفه ومحد يعرفه هاا
فجر: مره نضفت غرفتك ولكيت كتاب من كتب جامعه الك حبيت اكلب بيه لكيتك كاتب اسمهه ويمه بيت شعر كلش كلش مو حلو
خنجر: بويه انسي سالفه لأن راحت وانتهت
فجر: شنو بعدك تحبه
خنجر: اني مو حبيته حب صدك ومن كتبت بيت شعر عبالي لكيت حب عمري ولا يوم فكرت اعترف اله لأن اكره سوالف الحب والمخاتل وما اگدر اخطبه بعدني ما مستقر وتزوجت هيه صح ضجت لأن ضيعت بت تكدر تشيل البيت و خلوقه وياهه سنين ما بدر منه تصرف بس وره فتره ربج دز دبدوب الي بس اني جاي ادفعه ويرجع عليه ما أريد اطيح بشباكه بس مبين اني حبي بعد الشيب باوعت عليه صافن
فحر : باوع عليه لكانني صافنه
خنجر:هاا
فجر: كلشششي ما افتهمت اخر شي فهمته ندى تزوجت الي بعده ولا طكه
خنجر: انتي دومج ولا طكه بس هم نعمه احسن من تتملعب
فجر: هسه اشكرك لو اتعارك وياك تمدح تذم
خنجر: لالا مدح يلا نزلي وصلنه
فجر: نزلت رحت للبيت سلمت على عمتي وبدلت ملابسي اجيت اركض لعمتي گتله عمه خنجر هيج وهيج گال شنو قصده
أناهيد : ان شاء الله خير نوب اجاني دبدوب منين شو انتي يابسه وهو يم دواعش وج خاف نعجب بداعشيه وهل ما ينطي اسمه ويكول دبدوب
فجر : ماادري بعدنه ما متغدين اندك الباب راح فتحه خنجرباوعت من شباك جان اشوف خنجر يسلم على ابويه وجهه مبين عليه راحه جنه مرتاح گال اله يمته اجيت خالي جان استقبلتك گال اله من بارحه العصر يعني صار اله هواي بس ما جايني اني نقبض گلبي من جيته
يتبع...