Zailia Harvey
Mi nuh know why dem keep on a send dah haunted bwoy yah dung yah enuh cause is like him purposely a try piss mi off fi mi tell him bout him mumma, tek up mi tings an guh a mi rass yard.
"Jesus Christ Zailia, how many times are you going to send me or give me something that I didn't ask for or do the opposite of what I tell you to do?"
"What do you mean, what you didn't ask for and opposite of what I was told to do?" Mi neva buck up pon a man weh lie like Davian Smikle, mi feel like smthn wrong wid him top part.
"It has been on a few occasions where I've asked you for a file or some information or to do something and you have sent me or done something completely different. If you can't follow simple instructions then do you think you should be here?" Wah di fuck dis man a seh to mi? Mi can guarantee yuh seh, mi can duh my job an duh fi him to cause kill him rass dead, him smarter dan di wul a wi. Dunce nuh fuck an a come gwaan like him all dat, if I ever laugh inna dis fuck today.
"First off sir, I have never sent you anything that you didn't ask for, I have every file, every piece of information that you've ever asked for and everything you've ever asked me to do written down so maybe you should ask yourself if you think you should be here seeing as how you keep asking for the wrong thing then refuse to acknowledge that you made a mistake so you try to make it seem like I am at fault."
"How dare you speak to me like that? You can expect a written warning." A wonder if him think a him own di ppl dem place, guh hear how him an him likkle ugly friend a chat bout mi wen dem deh town, him coming like a likkle sketel gyal.
"Fi a big man, yuh lie bad enuh Davian cause yuh know seh yuh keep on a ask fi di wrong ting dem an a try mek me look bad. As a matter of fact, I am going to write a report about you to Mr. Kincaid because clearly a me yuh ave strength fa or maybe yuh just want mi outta here fi reasons unknown to me."
"Sorry." Sorry, wait what? A wah just gwaan?
"What?" He sighed and took a seat on the opposite side of my desk. I looked at him curiously as he ran his hands down his face.
"Mi duh all a dat pon purpose suh yuh would a quit."
"Why? Anuh like mi ever duh yuh anything bad yet or try fi disrespect yuh even wen yuh get pon mi last nerve."
"What is your relationship with Oshane?"
"Shane a mi friend but wah dat affi duh wid anything?" The both of us had been working here for the same three years and we hit it off from the first day we came for our interviews.
"Mi just think seh unnu did together because mi see how unnu move good wid each other an mi like him suh mi did a try fi get yuh outta di picture." Suh dis bwoy really a fuck wid mi over likkle buddy an over a man weh nuh swing fi him way an would a neva swing fi him way fi love nor money. "That was very unprofessional of me and probably has you looking at me different." Yuh think?
Yuh neva see smoke without fire enuh cause why him affi wear di tightest of di tightest clothes wen him a come dung yah.
"But yuh know seh Oshane nuh into guys right?"
"I know but I can't stop myself from liking him, he's so nice."
"Oshane is nice to everybody, that's just in his nature to be a cool person."
"I see that now and I'm sorry. Excuse me." He got up and went to the back just as Oshane walked in from buying lunch.
"Mi know yuh seh yuh neva want nthn but mi still get yuh smthn same way." He looked around probably looking for Davian. "Weh such man deh?"
"Round a back."
"Soon forward." He left our food on the desk and went to bring what Davian asked him to buy to him. "Why him look like him did a bawl suh?" He asked in a whisper and I chuckled. I quickly wrote a note and taped it to the computer screen before I got up.
"Mek wi guh outside guh eat." He picked up both food boxes and I followed him outside to our little lunch area. "Story come to bump enuh Osh."
"Wah gwaan?"
"Memba mi always a complain bout how such man a pick pon me well turns out him admit it to mi an guess why?"
"Yuh know mi nuh good pon di guessing ting."
"Him think me an yuh inna tings suh him a try get mi out cause him wah fi inna tings wid yuh." He started laughing and I watched as he held his belly while laughing. "A wah?" He had tears in his as well while he kept laughing and I hoped I was never at the receiving of such laughter.
Imagine how Davian would a feel fi know seh Oshane out yah a laugh him to scorn.
Mi would a just bag mi face an nuh come a road again.
"Him know seh mi nuh guh dem place deh don't it?" He asked when he calmed down his laughing.
"Him know."
"Suh why him a fuck wid yuh over foolishness?" He shook his head and looked up to the sky. "Mi feel like him nuh too hot up a him head part."
"Him get ketch by yuh kindness."
"An mummy tell mi seh mi fi be kind always but it look like mi affi guh pick an choose who mi kind to cause si crawsis wah tek set pon mi deh. Jah Jah Gad."
"Mi almost nuh badda wah report him to Mr. Kincaid cause mi sorry fi him but him neva did a think wen him a gimme a hard time." Sometimes mi feel like mi too soft enuh an mek tings slide too often suh ppl tek mi fi eediat but mi just neva like di whole idea of being inna no unnecessary drama wid nobody.
"It up to u still cause weh him been a duh, a fuckery an mi feel like him deserve fi get him punishment fi dat cause him neva did a act like a supervisor."
"Mi will mek yuh know weh mi decide fi duh. Mek wi eat di likkle food before it get cold yah man."
•••••••••••••
I sat waiting for Corey to come over, I might not want a relationship with him but he was good company and made for even better cuddles. If it's one thing my people knew about me and it was that I loved a good cuddle session so they would always cuddle up to me even without me asking.
"Yuh nuh hear di news?" She asked as she plopped down on the sofa next to me.
"Which news?"
"Yuh memba di bwoy dem weh Corey did get into it with when a did him birthday?"
"Yeah."
"Well, dem find dem dead." My heart started racing at the thought of Corey being involved in anything pertaining to what happened to those guys even if mi think dem deserve way worst dan just a easy death.
"When?"
"Early this morning, dem find dem pon di beach outta Rio Nuevo." She tapped away at her phone for a few seconds before handing it over to me.
'Three men believed to be of the bamboo walk district in Retreat St. Mary were this morning discovered near sugar pot beach in Rio Nuevo of St. Mary.
'The three men were said to have been beheaded and their private parts dismembered.'
'The men have been identified as Adrian Powell, 25, Vince Henry, 21 and Matthew Johnson, 23.'
'All three men were recently arrested on charges of statutory rape and grievous sexual assault among other such charges. There is a police investigation ongoing to identify if these murders were in retaliation to the aforementioned arrests that were made.'
I gave the phone back to her all while my heart was going a mile a minute because I didn't want to believe that he was capable of doing something like that.
I knew his background, I knew there was more to him than what meets the eye and I knew that he had both seen and been involved in some very dangerous things but I couldn't believe it, not for a second.
He was my sweet, kind and caring Akeem, full a gyal yes but still sweet nonetheless. He had a temper on him but he rarely ever let anything bother him so that side wasn't often displayed for anyone to see.
"Yuh man come now, mi inna mi room." I snapped out of my thoughts and looked in the direction of the front door to see him locking the door behind him.
"Okay." She left and he came to take a seat next to me, draping his arm around my shoulders. He pulled me into his side and kissed the side of my face. "Hey."
"Mi aguh bathe, soon forward."
"Okay, mi aguh warm up di food fi yuh til yuh finish."
"Thanks b." He got up and went to the bathroom while I went to the kitchen to heat up the food for him.
It was well into the night and I couldn't sleep so I was tossing around even though I was cuddled up to him. He had been asleep or he was pretending to be asleep but my mind was going into overdrive with the many thoughts that were running through it.
"Yuh good Zai?" He asked and I sighed. "Turn round suh mi can see yuh." I did as he said but avoided his eyes. "Mek mi see yuh face." He tilted my chin up and looked at my face. "Wahm to yuh? Yuh want money?"
"Nthn nuh duh mi Akeem, mi just can't sleep."
"Mi know yuh long enough now fi know wen smthn duh yuh suh talk to mi."
"Weh yuh get yuh self inna Akeem?"
"Mi nuh get mi self inna nthn b, weh yah ask mi seh?" I sat up in the bed and he followed suit.
"Yuh hear seh di yute dem weh hurt Gabby dead right?" He shook his head yes and I continued. "Suh mi wah know if yuh did involved inna it inna any way."
"Dem deserve every fucking ting weh dem get is all mi can seh."
"Just tell mi seh yuh neva involved inna it suh mi can stop overthink."
"Zailia, mi neva ave nthn fi duh wid it." I wanted to believe him and that was what I was going to do. If ending up dead somewhere was what to expect if you crossed him then I didn't want to get on his bad side, ever.
Yuh know seh him nah guh hurt yuh.
"Okay."
"Come here." He pulled me into his body and lay back against the headboard. "Mi nuh want yah worry yuh head bout some dead bwoy enuh."
"Me an mi sister dem safe?"
"Mi nah mek nthn happen to u an yuh sister dem. Yuh safe wid mi b, memba dat."
"Okay Akeem." I relaxed into his arms probably being looked at as an idiot for believing that my girls and I were as safe as he said we were.
"As long as mi an yuh a link, yuh nah fi worry bout a ting, yuh head back well protected." I did feel safe with him but mi nuh lucky wid ppl an mi nuh know how fi feel bout it. "Yuh hear weh mi seh?"
"Mi hear yuh Akeem."
"Now stop worry yuh pretty face an sleep." I cuddled up to him and he rubbed the exposed skin of my thigh that was surprisingly but not really, lulling me to sleep.
I fell asleep with the thought that as long I was with him, nothing could ever hurt me as delusional as that made me look.
••••••••••
Thanks for reading, more updates coming next week when I'm not busy of course so I can't give a specific day....
Don't hold me to it but I am aiming for six chapters next week lol but knowing me, fingers crossed that I get it done.
Also thought?