مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
البارحه خلص النت مالتي بنات موبيدي جنت اكتب حته انزل وهسه شتركت برصيد علمود انزللكم
وعوضتكم ابارت كلش طويل ابين مانشترك
6000 كلمه
مشاهده ممتعه
"""""""""""""""""""
سلام
اليوم نزولي
وخابرت علئ ابويه كال جاين بالطريق
انتضر بديلي وانزل صارت 1وانا بعدني تأخرعليه محسن بديلي اجه ب2 كال من الازدحامات
نزلت وصلت الاهلي ساعه 6العصر سلمت علئ اهلي ومرت عمي كاعده يمهم
صبتلي غده حنوشه وانا اتسرق النضر اريد اشوفهه لمحت بنيه كاعده تسولف ويا مريم بالمطبخ كلت معقوله هيه ضليت اباوع اريدهه تدور
سامر: لاتباوع ابني موهيه موهيه هاي اختها
سلام: نجب لك اسكت
سامر: علينه علينه انطيني 25واكلك مرتك حلوه لولا
سلام: عليمن شنو راح تطير ماشوفها
سامر: كول ولله اصبر ابو السوس
ويرفع بحواجبه وينزلهن
سلام: انته ماتجوز من سوالفك هاي
رحت كعدت شويه يمهم وصعدت فوك سبحت رجعت نزلت جوه اشو ماكو لاحس ولاخبر عنها
أذن وصلينه
تعشو همه انا ستوني متغدي ماريد
ابو سلام: شنو بويه وين ورده شوماكو
رواء: بابا نايمه وروده خطيه تعبانه خليهه مانكعدها براحتها من تكعد تتعشئ
باوعت سامر يصم بحلگه ويضحك علي عود نضربت بوري وماشفتهه خزرته وكمت استئذنت وصعدت ضليت افكر والفضول اكلني ادري هسه غير اشوفها شنو اهلي مايحسون
من التعب والتفكير نمت
ورده
كعدت احس بروحي شبعانه نوم جسمي مكسر حته مامتحركه من التعب الدنيا ضلمه بيش الساعه كمت شغلت الضوه شفت رواء نايمه علئ الجربايه الثانيه باوعت علئ الساعه ب3حيلل شكد نمت انا ميته من الجوع كلش ماماكله ضليت افتر ومحصوره اريد انزل للحمام ضليت افتح الباب واسده
شويه وفزت رواء علئ طكت الباب
ورده: اسفه كعدتج
رواء :لاحبيبتي عادي اكيد جوعانه خطيه كلشي ماكلتي
تعاي خل ننزل حته انا جوعانه ههههه
نزلنه البيت هدوء الكل نايم رحت للحمام ورجعت علئ امي وماسه لكيتهن نايمات ومريم نايمه يم ماسه
رواء: يله ورده تعالي حميت الاكل
رحت كعدت اكلنه مشاوي
رواء: خطيه سلام اجه من العصر وعيونه تدورلج ههههه
غصيت بالكمه وضليت اكح
رواء : اسم الله اسم الله هاج شربي مي
غيرت الموضوع وكالت
رواء: اليوم حتليت جرباية مريم وهيه الاتنام يم ماسه تصاحبن هههههه
ورده: هههه خطيه انا زعجتجن اليوم
رواء: شنو زعجتينه كولي اليوم نورتينه وشرفتينه الغرفه تشع اليوم
رواء كلش حبابه رتاحيتلهه فقيره وگلبهه طيب حته ماتلح وياي بلاسئله
كملنه ورجعنه صعدنه ضليت كاعده مانمت انا ائذن انا توضيت قبل لااصعد واكلت لرواء تنطيني ازار وسجاده ضليت اصلي وادعي ربي يريح گلبي ويشرح صدري
نمت علئ السجاده بمكاني الصبح كعدتني ماسه
ماسه: يله ورده تكول امي خل تنزل الناس راح تجي
باوعت الساعه ب9اول تالي انا نايمه ل9 من التعب والتفكير الطويل هلكني
نزلنه جوه
رحت غسلت ورجعت ويا ماسه
كعدنه بالغرفه نستحي نطلع وشويه وده عليه عمو
ابو سلام: ياصباح العافيه بنيتي شلونج نمتي مرتاحه ان شاءالله
ورده: اي الحمدلله
ابو سلام :تعاي كعدي تريكي ويا البنات حنووشه بويه وينج تعاي خلي ورده تتريگ وياجن
اجت. رواء جانت ملتهيه خطيه كلهن يركضن ويعزلن
كلتلهه ماريد سوتلي لفت جبن اكلت منها شويه وعفتها
شويه واجت ام سلام
ام سلام :يله تريكتي وسبحي حته نروح للصالون تأخرنه
صعدي رواء جيبيلهه ملابس من فوك روحي
كمت وانا ميته خجل من البنات ومن مرت عمي واحس نفسي غريبه ولكل يباوع عليه
اخذتني مريم للحمام دخلت سبحت وطلعت رواء لاكتني بلصاله
رواء: يله حبيبتي تعاي هنا حته تبدلين ملابسج جاهزه
دخلنا للغرفه ماكو احد امي كاعده بلصاله هيه ومرت عمي ولبنات
رواء دخلت كلبي بحنيتها وكلامها وياي
انطتي علاكه فتحتهه بيها بنطرون بوري نيلي وقميص اصفر مقلم بااسود فوك من الركبه
ورده :هاي شنو انا ماالبس هيج
رواء:ليش حبيبتي وانتي وين رايحه هوه صالون وكله نسوان. وهاي اؤامر امي يله حبيبتي راح لوكت البسي. لاتجي الناس وانتن بعدجن بلبيت
ضليت حايره انا عمري ملابسه هيج لبس ياربي شلون بيه
هيه ماحرجتني كالت انا واكفه بل باب بدلي وصيحي عليه اجيج هزيت راسي بأي
بدلت وانا احس نفسي غريبه مدري شلوني لبست وكعدت
وصحت على رواء كتلهه يله ادخلي
أجت وشافتني كاعده
رواء: كومي خلي اشوفج بله هههههه
ورده: يااا استحي والله ودنكت
رواء :يسلملي الخجلان ولج انتي دره ههههه
جابت شحاطة كعب بس موعاليه
هواي
رواء هاج البسي
ولمت شعري وخلته قراصه ورده زغيره
وخلت شال لفته باهمال على راسي
ورده :عفيه شعري ماريد يطلع خلي انا البسه عدل
رواء :حبيبتي انتو راح ترحون بسيارة بابا وماكو احد وياكم شبيج
ورده: البس عباتي ماروح بدون عبايه
رواء: لا عوفيهه العبايه بعدين انتي عروس
ورده :لا ما اطلع بدونها عيب شتكول الناس عليه
كاعدين نحجي واجت مرت عمي
ام سلام: يله عمج يصيح كملتي
رواء: اي ماما بس ورده تستحي تكول اله عبايه
ام سلام :لا عوفي العبايه هسه
امي سكتت ماحجت وتاشرلي براسها عود شيكولون كولي ايي
أخذنا عمي ورحنا لصالون وانا اغطي بنفسي بعباية امي
مرت عمي راحت ويانا ماسه بقت يم البنات
وصلنا وأم صالون رحبت بينه الصالون جبير كلش وهواي بنات وعاملات يشتغلن. حاجتهه عمتي ام سلام كلتلهه حاجزين يمكم عروسه بااسم ام سلام
اخذتني علئ غرفه فارغه
استلمت وجهي حفافه وانا كلبي
يقرأ الف من الخوف من الخيط
كملت الحفافه وانا عيوني تصب دمع وكل شويه وكلت لأامي الزمي ايدي
ام الصالون: اصبغ شعرها لو اميشلهه
ورده: لا ماريد لاتلزمين شعري
ام سلام: خليه براحتها
سوتلي تنضيف واخذتني بغرفة ماخلت امي وعمتي يدخلن وياي
كلتلي نزعي ملابسج ابقي بالداخليات انا ماقبلت
هيه خلت وطلعت شويه واجت عمتي
ام سلام:ورده خلي البنيه تنضف جسمج عدهه شغل يله
ورده: بس انا منضفته
ام سلام: مايخالف تعود عليج هنا عدهم يسون كلشي للعروس يله ورده لاتعبيني
احس مرت عمي ضايجه كوه تحجي
سكتت طلعت هيه ودخلت البنيه نزعت بس القميص سوتلي من فوك ماقبلت انزع البنطرون يمه لوموت
ختنگت كلش وخفت ردت بس تخلص واذتني كانو حيوانه كبالها انا مابيه شعر بس هيه تعت عت بالجلد مالي تصلخ بيه
كملت.
ام الصالون:يله كومي شعرج ميحتاج سحب ناعم كلش خل نبدي بالمكياج
ورده: اريد اروح للحمام
ام الصالون :اي روحي قبل لانبدي هسه اخلي البنات يودنج
طلعت امي وام سلام كاعدات بلنتظار
صاحت لوحده من العملات اخذتني للحمامات
دخلت وانا احس منكتمه كلش ضليت ابجي بونين واباوع علئ شكلي بالمرايه
لطمت علئ خدي
ياااربي تعبت تعبببت اخذ روحي ماريده
ليش مكتوب عليه شلاع الگلب ليش محد
ينصفني اريد ارتاح مثل البنات
واگفه يم المغاسل واحجي اكو 3حمامات عبالي قفلت الباب ماحس الا
نوارس
ضليت اشتغل واسكت شسمع اتحمل واصبر
حته نعيش بيبي تموت قهر عليه
وانا ماريدها تنقهر احاول ابينلهه انا مرتاحه
وفرحانه انا اكلهه هذا مهنتي احبهه اموت عليه ماكتلهه خلني منضفه اشتغل كتلهه امكيج واسوي تسريحات وياهن
بيوم رجعت للبيت ولكيت خالي عدنه سلمت عليه
خالي: نوارس انا محتاج فلوس وانتي تشتغلين وانا بعد كلشي ماعندي وابني مريض عتبريهن دين
نوارس: خالو تره يادوب جاي يكفينه علاج واكل عايشين علئ الله وعليه ماعدنه اي وسيله نصرف منها وانا مامستمره بيها علئ ساعه يبطلني
خالي: سديتيها بوجهي كلش بعد المن مشتغله اكعدي وسكتي
بيبي: ومنين تجيب مصرف تصرف علينه انته ابني العزيز ليش انا سهله عليه اشوفها بعز شبابها مكسور ضهرها وشايله حمل مسؤليه
خالي سكت خله وراح
ضحكت علئ حضي الحمدلله والشكر عبالي جاي يسئل علينه ينطينه مصرف جاي يريد ياخذ مني اخخخ يادنيا
ثاني يوم رحت للصالون جاي اشتغل يم الحمام وسمعت صوت بجي جاي من الحمام
ستغربت شنو هذا الصوت
دخلت للحمام لكيت بنيه مرتجيه علئ المغسله وتحاجي بنفسهه وتبجي مامفهوم كلامها بسبب بجيها كانو تعاتب بااحد كسرت خاطري نتبهت عليه بسرعه دارت ومسحت
وجها
نوارس: ااسفه ولله من سمعت الصوت خفت بيج شي شي
هزت راسهه بلا
كسرت خاطري البنيه تخبل اكو جرح بكصتها وجوه عيونها اسود
نوارس :انتي عروس
ورده: اي
ستغربت عروس شبيها اكو انه بالموضوع البنيه خاف مجبوره. خلت ودخلت للحمام عفتها وطلعت شويه وطلعت ضلن يمكيجن بيها وكاسره خاطري سالفتهه ابد موخاليه فكرت اساعدها بس شبيدي وشسوي هنا يبطلني وين اروح خاف نوب يسمعن الوياهه ويشتكن عليه سكتت بس بداخلي مقهوره عليهه الحزن ماخذ مكانه بملامحها. ضليت كلساع اجي اشوفها طلعت كانو لعابه
ورده
بنيه فتحت عليه الباب ماعرفها وسئلتني
كلتلهه مبيه شي يمكن تشتغل هنا ماهمني انا كلش منهاره من داخلي عيوني ورم
ام الصالون شكت حاجتني بهمس:انتي مجبوره
ورده: ججج وهزيت راسي بلا
شتغلت ام الصالون بيه ضلت هواي من كملت
باوعت لنفسي بلمرايه
احس كلبي طفر من مكانه وانا اشوف شكلي شلون متغير حسيت احساس موحلو وكرهت روحي ولعبت نفسي وكبل درت وجهي من المرايه هاي موانا موورده لبست البدله ولبستني الذهب مالتي
أجت امي تبوس
ام ورده : محروسه بعين علي واولاده من عين بنادم
شكد ستحيت من امي وانا شكلي متغير ومخليه مكياج وحواجبي معدلات وعليهن تاتو
تمنيت الكاع تنشك وتبلعني ولا او كف كدام امي وانا هذا شكلي
البدله جانت مفضوحه كلش بس حلوه تجنن لونهه وردي وابيض ولا فرحت بشي حسيت الدنيا ضلمه كانو لابسه جفن
خليت البرنص علئ جتافاتي
ام الصالون اخذتلي كم لقطه ومرت عمي كالتله طلعيهن النه واخذت وياي لقطه ووحده انا وامي
خابرت عمتي. علئ عمي وكلته يله تعالو خلصنه
رواء
راحن للصالون
واحنا بعد شدينا حزامنه للشغل
اجن خالاتي وحده وره الثاني وزوجات خوالي هنه وجناينهن وبناتهن وخالتي منال سوت الغده خالتي كلثوم وعذراء ماكو مااجن
زينا الصاله وخلينا الكوشه انا ومروه ورتبنا كلشي وسامر حاجز الكيكه راح جابها هوه ورحيم
وهمه هم بعدلهم كم شغله مشترينها بدربهم نزلوو الاغراض وانا اخذ من ايد سامر ودخل للمطبخ وعيني تتسرقله النضر
جان يبتسملي بطرف شفته ويدنك
ماسه ومريم حضرن الطاوله مال الكيك والحلويات مال عيد الغدير صادف عقدهم وحنتهم بيوم عيد الغدير
واحنا كل سنه نسوي حتفاليه ابيتنا فضينا الغده وكملنه خلصنه المواعين ونضفنه ركض ركض
ابوي راح يجيب ورده من صالون
صعدنه نبدل لبست فستان فضي ويا الركبه والردان تور ضيق وسرحت شعري شلت من كدام كم خصله بماشه حطيت مكياج خفيف كلش كملت اول وحده واسمع سامر اجه يصيع عليه
رواء: هاا
سامر: هلا عيني ماعرفتج شطالعه
رواء: ادري بروحي كيك لاتستغرب
سامر: لاشوفين روحج شوفه تره اشاقه سعديه
رواء: طالعه علئ اخوي واتشيم
سامر: دنجبي اكلج ماسه وين شطلعت كليلهه لاتحط شي تره الله معدلهن من فوك
رواء: ها خير ناصب علئ البنيه لاتبصبص علئ البنيه سلام خطيه واليوم عقدهم وهوه ماشايف مرته تره اكول لاابوي
سامر: لا شبيج انا اخوج الشريف العفيف هيج تشكين بيه خطيه انا علمودها خاف يحسدونها وتتمرض
رواء: يمه منك الوتي شردت مني عدي شغل اريد انزل لاتجي الناس
سامر: وين المفتاح مال غرفة سلام
رواء: شلك بيه
سامر: جيبي نريد ناخذ ملابس لسلام
رواء: لعد هوه وين
سامر: يم الحلاق يسبح بيت رحيم ويبدل ويجي هنا الامه مكلوبه منين يفوت منين يطلع
رواء: وخطيه بس انته تكدر تفوت وتطلع
سامر: اي بس انا يلا ديجبي تحققين
كتله شلك بيه كال جيبي نريد ناخذ ملابس لسلام
رحت جبته من كنتوري ونطيته اله نزلت الملم طلعت كوارتين المي من المطبخ اخذتهن اذبهن يم الباب حته من ينزل سامر يذبهن
طلعت وطفل من عدنه فتح الباب شفت رحيم واكف يم الباب يدخن منتضر سامر كبل رفع راسه باوعلي طبت اركض اسمه عاط بالطفل يكله المن مشرع الباب علئ حيله يمه كلبي يريد يطلع من صدري من اشوفه نوب انا بالفستان وشعري
سلام
ثاني يوم كعدت نزلت البيت هوسه جوه
كعدت متأخر لان تعبان
نزلت وخالاتي هلهلن وضلن يهوسن
اجت مروه صبتلي ريوك بالستقبال
ابوي كال اخذتهم للصالون قبل نص ساعه با10
شنيه اريد اشوفها عدنه ختيلان
كملت وصعدت بدلت وخابرت علئ رحيم. نروح نشتري القوط ونروح للحلاق
كال هوه وسامر طالعين للسوك ويجبون الطيكه كتله رايح قبلكم من تجي تعالي
رحت شتريت ورحت للحلاق بعدني مامحلق واجه رحيم سلمت عليه وحضنته
رحيم :هلا هلا بلعريس
سلام: وبيك اكثر ضلعي جبتو الغراض كملتوهن
رحيم :كل اغراضك جاهزه
سلام: نوكفلك بعرسك ان شاء الله
رحيم عافني قبل لااكمل وراح يجيب اغراضي مناك
كملت ورحت لبيت رحيم اجه هوه وسامر سبحت وبدلت لبست دشداشه بيضه وساعه وهمه وكافين علئ راسي يصنفون
سلام: انتم ماعدكم شغله وعمله انته سامر ماتولي للبيت هناك بس ابوي. وبعدين عوفوكم من هذا الحجي خل نسولف شنو ماشنو
رحيم: وداعتك اكثر مني خبره عليمن تنشدني بعد
سلام :طيح الله حضك مو اكلك انته واحد سا.....
أريد أسألك ابوي منو عازم حجزتو الكراسي
ا
اريد أسألك ابوي عازم خومانسيتو احد رحيم اصدقائنه كلهم دزيتلهم بطايق
كلشي كامل ترتيبات شلونها كلشي تمام لو انته وسامر شغلكم بيه نقيصه وعلي اشيلكم بليله ضلمه اذا شي ناقص
رحيم: أطمن كلشي تمام وابوك. جاب عجلين بليل نذبح وره ماتفض الحنه وعازم كل الأمه الاسلاميه العربيه
سامر: كون نعزم حته الشرق الاوسط خوش حاتات يجن بوويه اكابلهن
سلام: اي خوانته ابو حلك ميت علنسوان
رحيم: صدك جبنه رادود للحنه يحيى حفل عيد الغدير وهم للعقد والحنه
كملنه ورجعنه للبيت لتكني بلهلاهل والجكليت
صعدت لبست محابسي ناسينهن ونزلت بالاستقبال يم الناس ابوي راح يجيبهم من الصالون بعدني ماعاقد عليهه
اجه ابوي جابهم وسامر راح يجيب السيد
ورده
اجانه عمي رجعنه لابسه البرنص ومنزل كلش علئ وجهي حته ماشوف هنه لازماتني ويمشن بيه دخلني للبيت وكعدت وفتحن البرنص واشوف الوجوه كلها عليه صايره هوسه كامن يهوسن وماسه واكفه يمي متعجبه بشكلي والبنات شلابسات يمه
اصيح علئ امي تغطي زنودي وصدري
رواء لايروحي خليهن مايصير لاتستحين بس نسوان
يمه فدواي نيالك سلام تعال شوف الكيك مالك
انا العبره خانگتني ولارفعت عيوني مدنكه أمي كلشي شويه وتندس بيه تكلي ابتسمي شويه رفعي راسج لا دنكين مايصلح
كلساع تطفر مني دمعه وامسحها بسرعه
رفعت راسي اباوع على نسوان الي تسولف والي تضحك والي تركص احسدهن بنفسي اكول هنيالجن متهمن
صرت استغرب اذا شفت واحد يضحك وماكو بگلبه هم
رواء
اجت وروده طالعه تجنن
واحنه ذبينه لحم بالرگص بس ورده كلش حزينه ومارفعت عيونها صاحتلي مروه بالمطبخ
مروه: ولج شبيها هاي الناس كامت تنتبه
رواء: لانو خجلانه مروه شبيج مامتعوده هنه هناك ماشايفات هيج خطيه الوضع جديد عليها
اجت خالتي ام عذراء بس عذراء مجايه كلت احسن لاتروح تضوج البنيه وتذبلهه حجايه عليها بس خالتي ماتسكت كلساع اشوفهه تسولف وياوحده تحجي علئ ورده وتعيب
ورده
نص ساعه واجت مرت عمي وكالت يله كومي اجه السيد حته يعقد الكم
كلبي نغزني كبل درت وجهي على أمي
ورده : يمه فدوه تعاي يمي لتعوفيني
همست يم اذني: ولج يمه كولي يالله شبيج طيرج حضي
رواء كومتني واخذتني للغرفه الي كعدنه بيها
وانا كل شويه وردت اطيح بل بدله
كعدت على القنفه ورواء تعدل بل بدله
حست عليه ارجف يهتز كل جسمي ضل
رواء: شبيج ورده ترجفين ووجهج صار اصفر حبيبتي عليمن خايفه
سكتت
رواء: تره مراح ياكلج هههههه عمري سمي بأسم الله جابت هيل. وشويه شكر خلت باأيدي اليسره
احس نفسي بديت انهار اريد اصرخ. غطتني رواء وطلعت اجت خالته كعدت يمي وسمعت صوت دخلو ماشفت شي بس اسمع الصوت ضلت دموعي تنزل وكلساع الزم شهكتي لاتطلع شمرت الهيل والشكر من ايدي وانا اعصر بأديه بكل قوتي واردد حسبي الله ونعم الوكيل بيكم ماريده ياربي ماريده
بده السيد كلامه :بسم الله الرحمن الرحيم
يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلَّا وَأَنْتُمْ مُسْلِمُونَ يَا أَيُّهَاا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالأَرْحَامََ إِنَّ اللَّهَ كَانَ عَلَيْكُمْ رَقِيبًا
وقوله سبحانه يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا
الحمدلله حمدا كثيرا يليق بكماله الحمدلله الذي بنعمته تتم الصالحات وبشكره تدوم النعم، سيتم عقد قران السيد سلام حامد كريم علئ الانسه ورده جاسم كريم علئ مهر مقدمه........ومؤجله ...... وغرفة منام ابني سلام ردد وياي
ضل سلام يردد وراه وسئله عن موافقته جاوبه
سمعت صوته وانا منهار اجاني احساس كره موطبيعي كل يوم يزيد تجاهه حملته كل ذنب اهلي
رجع السيد يكرر كلامه عليه
ابنتي ورده رردي وياي هل تقبلين بسلام ...........
ضليت ساكته كرر علي ندستني خالته دموعي تحرگ بيه حرك حجيت بالم واحس حكمت على نفسي بالاعدام
ورده: نعم وانت وكيلي
رجع كمل
اللهم إجعله عقد قران تنعقد به سعادتها وتمم لهم حلوة الأيام على خير. أسأل الله أن يوفق بينهم ويتم لهم الفرحه وان يرزقهم الذريه الصالحه. الف مبروك شايفين كل الخير
هلهلن امه وخالاته واكفات بل باب اعتقد
لان صوت شويه بعيد مو بل غرفه الي احنه بيها
ابو سلام: مبروك وليدي شايف كل الخير مبروك بنيتي
شايفه كل الخير
سلام: اشكرك يابه الله يبارك بيك
السيد: اترخص اخذولنه طريق
ابوسلام: تفضل سيد تفضل مسحت دموعي بسرعه اجن دخلن امي وامه وخواته هلهلن باركله اجن باركلي
ام سلام: يله يمه امشي هناك اكعد يم الناس
سلام: ادري يمه غير اشوفهه خذتوني حاصل فاصل
رواء: اندري يمه صدك ولله حقه خل يشوف الكيك
هوه تقدم عليه ورفع البرنص عن وجهي
مروه: حبهاولا تخاف من امهه. حبها ولاتخاف من امها
إن مدنكه وكل جسمي يرجف. ولارفعت رأسي
سلام: هههههههه فدوه لكلبج ام حسوني
علئ اخته مروه
خل اصابعه جوه حنجي ورفع رأسي اشتمزيت من لمسته وغمضت عيوني ورجعت ليوره باسني علئ كيف
فتحت عيوني شفته خطف بسرعه ونزلت راسي
وانا كارهته وكرهت ريحته اتمنه اهجم عليه وادجه
طلع هوه شفت ضهره من طلع لابس دشداشه بيضه وشعره من جوه حلاقه على صفر بس من فوك شعر خفيف
طلعني وراه عبالي راح اخلص مني كعدني يمه بالكوشه
كامن يرگصن وانا مدنگه وهوه يحجي وياهن ويضحك وانا كارهه صوته اجت رواء جابت الحلقات
رواء: يله وروده مدي ايدج
مامديتهه
رواء: يله ورده
ماسه اجت شاورتني
ماسه :ورده تكول امي باعي عليه
باوعت علئ امي خازرتني وتعض بشفتهه
مديت ايدي بسرعه لبسني ونطتني رواء حلقته لبستهه اله وانا ارجف عفتهه علنص هوه كملهه رفعت عيوني لكيته يباوع عليه درت وجهي بسرعه وغطيت وغطيت صدري بأيدي ضلن يهوسن ويرگصن وعمتي جايبه مله وهم تگلئ حبها ولاتخاف من امها
استغفرالله ياربي شلون بيهن اليوم شمالهن ذن ادنه عليه باسني بصفحة راسي وميلت منه بسرعه
اكلنه الكيك وانا كوه صابره
همسلي
سلام: شبيج
مارديت عليه
راد يطلع كام كلله بعد وكت ماقبل
راحت المله وشغلن الديجي البنات
تقريب بده يمجد وعمتي أمرت البنات يطفن الديجي
لان وكت صلاه
اكو ثنين نسوان كاعدات قريب علي يشبهن عمه ام سلام
اسمع حجيهن تكلهه خفه لهل وجه فوكاهه ماراضيه جنه قرقوز. لاكيه مثل سلام هيه بس الله يطي جوز للماعده ضروس
الثاتيه تكلهه لا هيه حلوه بس ماتستاهل سلام عذوره تلوكله
هذن شبيهن علساس انا ميته عليه اخذنه شبعن بيه من حوره مسوينه علي مدري شنو اختنگت اريد اكوم. جانت بس عوزها هاي يكملنهه علي شفت ماسه صحتلهه
ورده: تعاي كوميني بسرعه يله لوتصيحين لاامي وين اولي كللي
ماسه: شبيج ورده
ورده :ماسه عفيه كوميني
ماسه: كومي كومي حبيبتي
كومتني رحنه للغرفه لكينه ثنين بنات يسولفن
اجن سلمن علي. باركلي كالن اخذي راحتج وطلعن
ورده: روحي جيبيلي ثوب من ملابسي
ماسه: منين اجيبلج ملابسج بلغرفه وخاف احد بيها ويمكن مقفوله
ورده :روحي كلي لرواء هيه تجيبلي
راحت شويه واجن هيه ورواء
رواء: ها وروده حبيبتي شنو تردين تبدلين
ورده: اي تعبت وهاي ضيكه
رواء :راح اصعد اجيبلج
جابتلي وراحت تشتغل بدلت نمطلت بدون حته مااصلي
ضليت ابجي باوعت علئ ايدي شفت الحلقه نزعتهه وشمرتهه مدري وين نشمرت
ماسه: ياا صخام ولج ورده شبيج لاتضيع
كامت جابتهه وخلتهه عدهه
ورده: خل تضيع طبهه مرض
ماسه: خل اروح اساعد البنات عيب
عافتني وطلعت كمت اكو بطل ماي بلغرفه وكلنس كمت ابلل وامسح بكل قوتي. فتحت الماشات وشعري مسويته خشب شلعابات بشعري ضل يأذيني كمت ابجي فتحتهن ولفتيه شلون ماكان ونمطلت بجيت بجيت ونمت اريد أهرب من الواقع الي جاي اعيشه
نمت نوم عميق لهناك واحس امي تنده بيه
بين الصاحيه والنايمه
ورده: خير يمه شكوو
ام ورده :شوكت نمتي شلون تنامين وتعوفين الناس تريد تسلم عليج
ورده :وانا شعليه بلناس وبعدين انا تعبانه وأريد انام وميهمني أحد
ام ورده: لسانج اكصه الج احجي بأدب بت ال......
وعمج يسئل عليج مادري شيريد منج
ورده: كليله نايمه ماريد اشوفهم همه وابنهم
ضربتني امي راشدي
ام ورده: شكد علمت بيج ومافاد وياج بعد بس ذبح ماذابحتج حته اخلص منج
كمت ابجي
ورده: ماريد اشوفج ولااشوف كل واحد ماريده هيه كوه
امي صارت أعصاب عليه وشكد حجت عليه ورزلتني خدي صار نار من الضربه
شويه واجت مروه جايبه صينية عشا
امي سوت نفسها طبيعيه
اجت ماسه ويانه كعدن يتعشن وانا ماخليت لگمه بحلكي
ام ورده: اكلي ولج لطام لاتخليني اموتج
ورده: ماريد اكل حته الاكل تجبروني عليه
كامت ماسه ودت الصينيه اسمع هوسه من بره
شويه وسمعت صوت الديجي
اجت رواء وجنهه ضايجه
رواء :ورده عفيه كومي طلعي سلمي امي تكول
وطلعت بسرعه
ام ورده: كومي سلمي علئ النسوان تلحلحين بسرعه مسحتي المكياج
ورده: شنو شبيه وجهي الا مكياج
ام ورده: موصخام عروس عشتو
كمت ويا امي سلمت عليهن وكعدت بصف امي
وحده من النسوان
:صلاوت علئ محمد ام سلام جنتج جنها العافيه
ام سلام: بعد روحي ام محمد تسلمين
نسمع صوت من بره حنة الولد كالن جايبين رادود والبنات راح يباوعن عليهم من فوك السطح
وحده حاجت امي
فدوه لبنيتج كلش خجوله جنت اكول بعد ماكو بنيات تخجل بهل وكت
ام ورده: اي خيه ولله موتتني كلش تستحي هل تشوفينهه لابده جواي
حجت وحده من الي مساع ضلت تحجي عليه
ام عذراء :شني شبيهه كصتج مشوهه
ام ورده: لاخيه مامشوهه طاحت وتعورت كصتهه وهل جاي تحطلهه دهن وجاي تطيب
ام عذراء :ها وهيه شبيهه ماتحجي شنو خرسه
باوعت علئ امي اشرتلي اسكت
ام سلام استحت والنسوان كاعده صح ماكو غريب بس خواتها ونسوان اخوانهه بس فشلت
حاجتهه بسكته وسكتت
ام سلام: لاورده خطيه تستحي تحجي
نزلن البنات شغلن الديجي وكامن يركصن
سلام
اجه السيد عقدلنه
وشلت منها الغطا العليهه
مدنكه من رفعت راسهه حته ابوسها ماشاء الله تخبل بس عيونها حمر كلت من المكياج
من لبستهه حسيتهه خايفه وترجف وأديها ترجف ماحبيت احرجها خطيه خل تأخد راحتها
طلعت يم الولد صار الليل والولد بدو يحضرون حته انا وياهم سفطنه الكراسي بلباب
رحيم: اكعد سلام لاتندمر دشداشتك الناس راح تجي
سلام :شسالفه شعلي
كملنه واجه الرادود واجو اصدقائي
حتفلنه وجان يصادف عيد الغدير كوموني
الولد وياهم. ركصت شويه وكعدنه
بليل كملنه وعزلنه وكنسو الولد ونضفو الشارع لباجر
محمد ابن خالي: سلام انا اخذ سيارتي ازينهه ازفك بيها
سلام: تسلم حبيبي ابو زنوبه
دخلنه جوه رحيم راح كال باجر اجي الصبح
باتو ولد خالي ثنين وصاحب ابوي جاي من ديالئ باتو بالاستقبال
دخلت جوه هلهلن خالتي
خالتي منال: مهنه يمه مهنه الذريه الصالحه ان شاءالله الحنين
سلام: يروحي خاله يوم السيوفي ونفرحله.
رحت لاامي بستهه وبست ايدها
سلام :يمه حلو ورده
ام سلام: اي يبعد حيل امك
نزلن دموعها
سلام: ها ها يمه شبيج تبجين
ام سلام :فرحانتلك وليدي اتذكرت من جبتك وفرحانه بيك اكول هم يجي يوم وافرح بعرسه
خالتي الجبيره ام صادق :صلي علئ محمد دهوسيله صفكيله لاتبجين وتقهرينه خطيه
كعدت شويه وياهن
سلام: يمه تعاي شويه بغرفتج
كامت وياي ورحنه
سلام :يمه اريد اكعد شويه ويا ورده حته ماحجيت وياها مساع
ام سلام : اي يمه ابقه هنا وانا رايحه اكول للبنات يشوفنها كاعده
رواء
كضيناها نركص شويه ونرجع نشتغل
ركضنه ركض وسوينه العشا علئ السريع
حته نكمل من وكت ونصعد نباوع عليهم من فوك
كملنه
واجه سامر اخذ المي والببسي والكيك خلوه بره بثلج
شغلنه الديجي ركصنه شويه وصاحتلي امي بالمطبخ
ام سلام: روحي صيحي للمحروسه خالاتج يسئلن عليهه شمالهه ماتعرف تسلم
رواء: يمه تستحي
ام سلام :انتي ضلي كلما حجيت وكلتي تستحي تستحي ماتعرف الواجب خاتله بالغرفه من هسه عاد بس هسه لاتفشلني ويا الناس وخل تخنس
رواء :اي يمه طبعا اذا خالتي كلثوم صارلهه ساعه توز بيج
ام سلام: انجبي ادبسززز
عاطت عليه ويا دخلت جنة خالتي فد فشلت نقهرت
رحت بجيت بالحمام وغسلت ورحت صحت لورده وطلعت بسرعه
صاحتلي مروه
مروه: شبيج ضايجه وشنو باجيه شبيهن عيونج
رواء: امي عاطت عليه كدام صابرين
مروه: علئ شنو
رواء: كالت صيحي لورده وضلت تحجي عليهه كتلهه خالتي صارلهه ساعه توز بيج
مروه: ميخالف حبيبتي وانتي شلون تكولين لاامي هيج
وهسه ورده شدعوه عليهه خل تفك شويه مايصير هيج حته ويانه ماتحجي
رواء: لا ويايه تحجي بس هيه تكول استحي من اهلج
هوه جذب حته ماكايلتلي شي ههههه
مروه:يله روحي كليلهه ولاتضوجين امي ماعدهه گلب هسه شويه وتضل تحوم يمج
رحت صحتلهه
صدك شويه وامي صاحتلي
باستني
ام سلام : ليش تضوجني تخلني اصيح عليجن
رواء: اسفه يمه بعد ماضوجج
ام سلام: يله حبيبتي كومن رگصن انتي والبنات
احنه نريد نركض فوك صعدنه حته ماسه ويانه شردت بسكوت من امها ماتخليهه
مدينه روسنه بسكوت وبت خالتي ابنهه يبجي طردناهه نزلناهه لايسمعونه وننفضح مدينه روسنه من وره البلوجكتر حته مانبين
العب سامر كضته كهرباء خطيه واكف بمكانه ويتراعص
رواء: هههههههههه خب شوفن سامر بويه راح اموت هههههه
مروه: ويكول انا رگاص اگشر ههههههه
مريم: ولله لوماننفضح جان لزمتهه عليه يوميه نهدد
بت خالتي تصور وقربته علئ سامر تكول هذا يفيد مال تهديدات لوقتهه
صار عيوني تدور علئ الساكن الگلب
كاعد يم سلام ويبتسم
شحلات ابتسامته اخخ رحيم شسويت بيه
ضليه نباوع كومو سلام فدوهه للهيبه يرگص برزانه
هدئ بت خالتي: صورت سلام حته نراويه لمرته ههههه
ماسه ومريم ماخذاتلهن زويه
بعدين نزلنه لاتصيح امي علينه ومانسمعهه
بعدين كاعدين ناكل بالمطبخ ونسولف
اجت امي
ام سلام: تعاي حنوشه
كمت اخذتني امي بالممر
ام سلام: روحي لورده سلام يريد يكعد وياها شويه بغرفتي كاعد
رواء: اي يمه صار هسه اروح
فتحت الباب ورده كاعده بس ممطوله
رواء: ورده سلام يريد يكعد وياج شويه
ورده لا لا شنو يكعد وياي
ام ورده: عمه بس احاجيهه مو عبن تستحي هيه وشويه وتعاي
رواء :صار عمه
ورده
اجتني رواء
وتكلي سلام يريد يشوفني
طلعت رواء وامي اجت يمي
ام ورده: كومي ورده لابلعباس اموتج
ورده :الواه ولله تسوين فضل من تموتيني
جرتني امي من شعري وهوه منا يوجعني وصفكتني راجدي وگرصتني حيل
ورده: يااااااربي اخذ روحي وخلصني
ام ورده: حسج ولج بت ال.......
ضليت ابجي
ام ورده: كومي ولج راح ياكلج شكول للوادم الله ياخذج كون ورتاح من ضيمج
ورده :كليلهن مريضه
شويه وندك الباب
سويت نفسي. متئذيه
ام ورده: خاله بطنهه توجعها كلش مدري شبيهه كالتلي من العصر وانا كتلهه تحملي وهسه رجعت عليها
راحت رواء كالت خل اكول لاامي
شويه واجت ام سلام واخته مروه
ام سلام :عمه هوه بس يحجي وياج شويه مايسويلج شي
ورده: انا موجوعه مابيه حيل اكوم
ضاجن امه واخته مروه حسيتهن تعصبن
رواء راحت جابتلي الحبوب المسكن شربت منه وانا امثل المهم انو ماشوف وجه سلام ولا يلمس ايدي
سلام
اجتني امي كالت مريضه
سلام: شبيها شخيرها
ام سلام: لابطنهه شويه توجعها لاحتها بروده جوز ونطتهه حنوشه مسكن
سلام: ها خوش تصبحين علئ خير يوم
طلعت من يم امي صحت لروواء
سلام: حنوشه خل اشوفها اطمئن عليها
رواء: لاسلام اختها مفرعه يمها وامها فارشات يردن ينامن
سلام: ها يلا حبيبتي. تصبحين علئ خير
صعدت فوك وانا ضايج شسالفه ولاحجيت وياهه شويه وتعرفنه حته ناخذ علئ بعض ذبيت ملابسي وتمددت وانا افكر بجمال ورده
اسم الله وماشاء الله مثل الملاك. شگد بريئه بس وجها جان مبين عليها خايفه وترجف ومارفعت عينها بعيني
يلا هيه باجر بحضني وطول العمر واشبع منها شكو مستعجل خليها تتعود
خليت أديه وره راسي وغمضت عيوني ووجها وبرائتها ماتفارگني
ورده
ثاني يوم الصبح
جنت ستوني غافيه صار نص ساعه تقريبا لان الليل كله مانمته
ام ورده: يلا ورده كعدي حته نروح للصالون
مارديت عليهه مستهضمه منها
كعدت ومحد جان موجود بلغرفه فركت عيوني لميت شعري ولبست الشال
ام ورده :يلا كومي للحمام
كمت وانا ساكته لاكتنه رواء
رواء: صباح الفل والياسمين على احلى عروس
ابتسمتلهه
ورده : صباح النور
رواء:يله روحي سبحي بين مااجييبلج ملابس حته ترريكين وبعدها تروحون لصالون
سبحت وكلبي يئديني
جابتلي رواء ملابس بدلت وطلعت. همزين جابتلي فستان موبنطرون اجت ماسه
صبحت عليه وكعدت تمشطلي ورواء جابت الصينيه مال الريوك
رواء: وروده عليج القران اكلي مجاي تاكلين موزين عليج وراج تعب بالصالون
ورده: اي حبيبتي
اكلت. شويه
ماسه: ورده اكلي موزين عليج شوفي شلون ضعفتي شصاير بيج
ورده :ماريد ماسه شبعت مشتاقه لفطومه
ماسه: اي ولله مامتعودين هيج نفترك ورده شلون بعد مانشوفج
ورده: نزلت دموعي لالا ماسه عفيه لاتخلني وترحن اموت ولله
ماسه: سكتي ورده فدوه اروحلج احنه نريدج بس تسكتين كله من وراي فتحت الموضوع
سكتتني وضلت تشاقي بيه تسولفلي علئ سامر من يركص وشلون صورنه
شويه واجت بنيه
هدئ: صباح الخير حبيبتي
ورده: صباح النور
هدئ: حياتي. انا بت خالة سلام اسمي هدئ
ورده: اهلا بيج
هدئ: ودتني حنوشه ارتبج
ورده: حنوشه منوو
هدئ:ههههه رواء
ورده جايبه وياهه جنطه استحت منها ماحجيت خلتلي مكياج ولفتلي الشال لفه حلوه
ورده :شكرا
هدئ:تدللين عروستنه الحلوه
ابتسمتلهه مجامله طلعت هيه وانا لزمني وجع ابطني موتني وجع الشهريه
ورده :ماسه امشي نروح للحمام بطني موتتني
طلعنه عبرنهه من الكلدور
ماسه : شوفي ورده منو واكف هناك
حركت راسي بمعنى منوو
رفعت. رأسي وشفته واكف يم ابوه يحجون يم باب الحوش لابس دشداشه سمائيه مبينه ملامحه العربيه وطوله لفارع وشواربه الي نازله وزايدته هيبه الساعه الذهبيه تزين يمينه
كل شويه يسولف ويدنك على الكاع
ماسه: ولج هاذا بگضبه وحده يسوينه عجين مال كيك
وشواربه يجر بيهن شاحنه عماد ابو الدهن ههههه
كعدت أبتسم مجامله لماسه وإنا
داخلي براكين مشتعله ماعرف ليش من شفته ماعرف شصارلي
وشكد هوه وسيم وهيبه مادري ليش كارهته هل شكل
رجعت بسرعه للغرفه حته مارحت للحمام
اجت امي
ام ورده: يمه انا ماراح اجي مرت عمج وياج
ورده: خوش
طلعنه من البيت ابد مارفعت راسي امشي وره مرت عمي
عمي اخذنه للصالون
رحنه كعدنه فتره وبدن بيه
بس الوجع شويه شويه يزيد علي كام ينهش بيه
حسيت برطوبه جواي تخبلت
ضلت دموعي تنزل ٣مرات ام الصالون عادت المكياج
وبعدين عصبت عليه لان هيه تعبت وانا ولا انطق وكول شنو بيه٣مرات ام صالون عادت للمكياج
وبعدين عصبت عليه لان هيه تعبت واني ولا انطق وكول شنو بيه يسئلن بيه مااحجي
عمتي خابرت عمي واسمعها تكله ورده تبجي والمكياج خرب وأم الصالون كامت تحجي وحته طلبت اكثر سعر لان عادته أكثر من مرره
نهاريت بجي واكول بگلبي شلون راح اكوم من مكاني اكيد راح كلشي يبين لان انا لابسه ابيض
عمتي حركت التلفون على عمي وتكله بت اخوك كلبت الدنيا وماعرف شبيه
سلام
خلصنه تحضيرات صارت ساعه ب3صعدنه انا والولد ابدل
واصدقائي شاعلين الجوو يهوسون ويركصون
اجه سامر وصل يمي وهمس بأذاني
سامر :سلام ابوي يكول يسويله همه العروس تبجي بل صالون ماعرف شبيها
سلام بصدمه معتليه كل ملامحه
سلام: تبجي ليش شكوو
سامر :والله ماادري ابوي يكول يله خلي ينزل حته نروح نجيبهم من صالون
كبل نغزني كلبي وحسيتها مغصوبه بس جنت اجذب على نفسي وكول يجوز تخاف يجوز تبجي على فراك اهلها
بدلت على سريع وركبنه. احنه متفقين زفه من الصالون
وصلنه مادخلت ضليت بره بس امها دخلت وخالتي ام محمد حته البنات ماخليتهن ينزلن
وناس وسيارات كلها بره
سامر والولد نزلو يهوسون ويركصون
ويباوعون عليه ويضحكون
بس انا وضعي كله تخربط
شويه واجت امي كالت ادخل يوم ليش واكف ماكو شي ان شاء الله
دلال بنات هذا شويه حسيت نفسي احسن وسحبت نفس
نزلت خواتي واختها وياهن دخلتهن ودخلت
مفوتينها بالاستديو بنفس الصالون مدكنه ماشفت منها شي
أم صالون كالت خلي اخذلكم كم صوره
وكفت بصفها وهيه تتبعد
ورده
من اجت امي اجت عليه كلتلهه عمتي شلون حالتي
ام ورده: شبيج ورده ولله فشلتينه ولج كدام الوادم كلها درت
ورده: بطني توجعني
ام ورده: خيه ام سلام بطنهه واجعتهه من الخوف ولان انا مووياها مستحيه
ام سلام: ياغير انا وياا وتكلي يله خل ندخلهه للستديو وروح ادخل سلام
اجت امي كومتني كوه سميت بأسم الله وكمت وادعي انو مابيه شي ومادمرت وافشل
اخذني مشينه شويه وفتنه بااستديو
وانا دنگت فات هوه والبنات
المصوره كالتلهم يكعدن بره بالانتضار
اخذتنا كم صوره وانا گوه مسيطره واكفه وبقربه كالت سوي لقطه احضنه وابوسه من خده ورده
هيه كالت هيج وانا بودي أكلها بسنوني انا بحال هيج هسه وشلون اخليه يلمسني كل جسمي يرجف كام
إنا تشجعت وكتلها ماريد هاي هيه
مروه واكفه يمنه حته تعدلي
مروه: لاشلون هاي هيه اخذو بعد تعال سلام احضنها انته وسوي اللقطه
سلام: هايه هيه عوفن الصور
المصوره: موردتو لقطه عائليه صاحت للبنات.
كصينه كلحنه
كملنه ولزم ايدي جنت لابسه جف فوگاه سوار اول مالزمني القشعريره سرت بجسمي
لازمني من ايدي ويمشي بيه والبنات لازمات البدله
طلعنه صعدوني
وكلساع توكف السياره وانا دموعي تصب وكلساع اسمعهم ينزلونه يهوسون وياه
ادعي بكلبي انوو متدمر البدله ونفضح شلون بيه
وصلنا للبيت وعمي ذبح خروف جوه رجلي دخلوني
ضلن يهوسن ويركصن هوه بس كعدني شويه كعد وطلع
شغلن الديجي ...يتبع ......
تصبحون علئ خير فراشات 💙🦋