مساء الورد والياسمين عليكم فراشاتي 🦋🖤
قريري العيون
بقلم زهراء علي
ممكن تعليق للفقرات وتصويت+متابعه
مشاهده ممتعه.
"""""""""""""""""""
نوارس
ضلينا عايشين علئ البسطيه
صار عمري 17وبيبي كبرت وصارت ماتشوف السكر اثر علئ عيونها حاجت خالي علئ الايجار ماقبل وكام يحجي
بيبي :شلون منين نعيش نموت من الجوع
خالي: لعد تعالن عيشن وياي ونأجر البيت كله وتصرفن منه
قنعنه خالي لمينه غراضنه ورحنه
ضلينه تقريبا شهرين
بس مرت خالي وبنات خالي سوني خدامه بيبي تتعارك وياهن يخلنها تنام
ومرت خالي تطلع الزوالي وتخليني اغسلهن وبناتهه نايمات وانا اشتغل وبناتهه يرسن ويتأمرن عليه جيبي مي جيبي عصير سويلنه اكل وانا ساكته شسوي ماكدر احجي وبيبي مريضه بس اكلهه تنقهر ويصعد سكرها
جم يوم واجه خالي لبيبي انا كاعده اقره قران علئ صفحه يقنعهه توقع علئ اوراق يكلهه مال وثيقه مال معامله مالتي بس بيبي ذكيه عرفته يريد يحول البيت بأسمه ويبيعه تعاركت وياه
بيبي: شوف انا صار شهرين متحمله وساكته مرتك وبتك مسويات البت خدامه ومرتك ماعاجبهه كاعدين يمهه بس تبسمر بينه
ضلو يتحاجون بيبي اتصلت علئ ولد جوارينه مناك لمينه غراضنه ورجعنه وهم كم يوم مرن واجه يريد الايجار ويوميه مسويلنه سالفه بيبي كلتله بالنص تنطينه منه خالي ضل يطينه قليل
مايكفينه يادوب يكفي نجيب مسواك يكفينه خالي ابنه الزغير اتمرض باع كلشي عده ويعالج بيه وضل يطينه بس 25 من الايجار وين تكفينه وعلاج بيبي
ضليت اوصي جوارينه علئ شغل بيبي رفضت وماقبلت قنعتهه كوه ضلت تدور
اجتنه وره كم يوم لكتلي شغله يم مريه تسوي اكل وتبيع بس اساعدهه وتنطيني كل اسبوع 25هم نعمه ميخالف عاد المهن واجيب بيهن علاج بيبي ضليت يمها 15يوم
وبعدها كالت راح ابطل تعبت ورجلي تعين كلي بطلي
كلش ضجت وطلعت روحي وصيت جوارينه هم
لكتلي سكرتيره يم دكتوره شتغلت اسبوع بعدني مامستلمه راتب ومارتاحيت ملابس مبهذله استحي وهنا يجن لابسات اشكال وانا جبه موديله قديم وعندي بدي وتنوره قديمات من يجن يباوعن عليه وابو المختبر اليمنه نضراته موراحه خفت منه وبطلت
ضليت اطلع ادور علئ شغل جوارينه بعد مالكتلي
واسئل الناس فد يوم مريه كالت خاله اكو عائله يردون بنيه تساعد امهم بشغل البيت حزت عليه نفسي اشتغل خدامه وگعت مني دمعه حاره كلتلهه ميخالف دلتني عليهم وتفقت وياهم.
عدهم ولد متزوج وعازل وولد بلجامعه وثنين بنات وحده اعداديه وحده بالجامعه ضليت اساعدهه ومن همه متواجدين ابد ماكو يمهم اضل بالمطبخ ضليت شهر اشتغل
بيوم الكل بالدوام وخاله ام احمدام البيت راحت لبيت اختها البيت فارغ خاله تأمن بيه حبابه وتساعدني دائما
جاي اغسل بلكاونتر واعزل بيه ذابه شالي ورافعه دشداشتي بملابسي الداخليه
:شنو هذا الجمال
طفرت ليوره وكمت ارتعش
هذا ابو احمد جريت ملابسي نزلتهم ولبست شالي لزمني من ايدي عتيت ايدي منه
نوارس :ش ش شبيك عمو
ابو احمد: اووف شهل جسم اتقرب عليه وانا كمت اصرخ يمي السجينه سحبتهه
نوارس :ولله اذبحك ميل مني اذا تقربت ادجك
ابو احمد:لا لا ذبيها من ايدج هاي ابتعدت ذبيها ذبيها ضليت لازمتهه درت للباب المطبخ لازمتهه عليه والبس بحذائي عفت الجبه جوه طلعت بطرك روحي للباب شمرت السجين وطلعت اركض دموعي تتسابق علئ وجناتي حسبي الله ونعم الوكيل بيك حسبي الله ونعم الوكيل بيك ياكامل علئ ابوي اتحسب لكل موقف ولكل عذاب والم عشنه بيه بسببه وامي ماتت بسببه الله لايريح بالك دنيا واخره
رجعت الهث وخايفه اتلفت خاف لحكني كعدت بلحمام ابجي وبيبي تصيح علي رجعتي ماتوقعتها منا شلون طلع هيج انسان ويكول مثل بناتي صدمني ولله ولده مؤدبين وعيونهم مايرفعونهن لو فاتو
ضليت كم يوم وطلعت ادور علئ شغل تعبت وانا ادور ولفلوس العدي راح تخلص شسوي ياربي
جاي امشي ولكيت صالون طالب مساعده فتت حاجيت البنيه وطلعت حبابه والوياهه هم وردات كالن انريد تبوطرين العرائس وتلملمين هوسة المكياج تساعدينه
كيفت حلوه الشغله وبس بنات اشتغلت شهر بيوم رحت لكيت الصالون مفلش كله والبنات منهارات خطيه شايلين التجاوزات.
ياربي وين ماروح تنسد بوجهي كعدت يمهن ابجي
اكو بنيه تدري بحالتي وبحالة بيبي دلتني علئ صالون بس بمكان بعيد علينه موقريب وانا كله مشي رحت
المكان كلش حلو وراقي وتصميمه يجنن بس ذن وين هذنيج وين يحجن وراي من وره خشومتهن ويأمرن كالت ماتتأخرين بس تتأخرين تبطلين.
شسوي ماعندي حل بعد لازم اشتغل واتحمل كلشي لازم اتمسك بهاي الشغله ضليت اشتغل بس يصيحن علي ويفشلن بيه كدام الزبائن اكو بيهن عدهم رحمه اشوفهن يضوجن علي واكو لا من يشوفنهن هيج يكون يتمضيكن ويصيحن علي
بيوم ازبونه تكلي تعاي لمي الشعر وگع علئ شحاطتي
نوارس: انتي نكتيه انا موخدامه عدج
الزبونه ضلت تحجي وتصيح عليه واجن ذنيج ستلمني رزايل رجعت ابجي ومهضومه اروح الصبح وارجع الضهر وارد اروح العصر ورجع بليل وهذا كله مشي رجليه تعودن علئ الالم
ورده
الليل كله مانمته ولا غمضلي جفن عيوني عمت من البواجي ادعي انو الوقت مايمر ويوكف حته لايجي باجر
بطني بدت تلويني ومتت من آلالم
وجع الدوره اعرفهه من تريد تجي اموت من الوجع اكوم اكل بديه من الوجع ونحسب من الموتى اذا اجتني
رحت للحمام بس مالكيت شي
أذن الفجر توضيت وصليت ودموعي على
خدي وادعي ربي يصبر كلبي ويهون عليه ويسهل أمري
دموعي خلصت وعقلي تعب من التفكير اريد ارتاح خلص
ضليت صافنه بفراغ واردد سور قرأنيه حاولت انام ماكدرت النوم جافاني
صار الصبح سمعتهم كعدو
اجت امي
ام ورده: ها يمه صباح الخير كعدتي
ورده: ليش انا نمت
ام ورده: ليش ورده موزين عليج ليش تسوين هيج يله كومن حته تتريگن يكول ابوج عمج يطلع من غبشه ماااسه ماااسه يلا كعدي حضري روحج انتي وورده انا راح اسوي ريوك
كعدن البنات باوعت علئ فاطمه عيونها مورمه وماتباوع بوجهي طلعت من الغرفه
امي تروح وياي وماسه هم تروح كامت تبجي وكلت الابوي وكلها روحي ضليت بمكاني ومخليه راسي بين رجليه وابجي بصوت خافت
اجت ماسه كعدت يمي وهيه تواسيني
ماسه: كافي ورده ولج شوفي شكلج شلون صاير عيونج طافيه ومورمه وحمر من كد البجي
وجهج شلون ذابل بله هذا شكل وحده عروس
تردين بنات عمي يكولون ورده موحلوه وعلي اضن اطك واموت اذا كالن هيج شنهي عود اخوهن احلى من أختي ابو صماخ
يله كومي جهزتلج الحمام تعاي سبحي امي تكول
ورده :ماريد عوفيني
ماسه :ورده كافي عناد ولج لا يسمع احد من خوانج ويسوي بيج فلك
ورده :اكرهم لا جيبين طاريهم
ماسه: معليج بيهم راح تزوجين وبعد لا تجين هنا ولا توصلين. شذاكره منهم الطيب وتجين لهنا بس احنه شلون بينه نشتاكلج
ورده :بيوم الي راح اطلع من هذا البيت انسى عندي أهل
ماسه :مايخالف كومي يله للحمام
كمت اسبح وهم نصبت مناحه بلحمام
كملت وطلعت لبست دشداشه مال بيت وخليت شال على راسي وطلعت
اجيت للغرفه وكعدت وماسه فاطمه جابن الريوك
امي اجت
ام ورده: يله يمه اكليلج لكمه حته تبدلين
تدنيت على صينيه وخليت لكمه بحلكي بعدني اكل بيها
واسمع صوت عمي بل حوش وابوي يكله تفضل تفضل
احس لكمه وكفت ابلعومي والخوف سرى بكل جمسي طلعت الكمه وذبيتهه من حلكي كمت الطم ودك على وجهي
ورده :ولج فاطمه لحكيلي صارت صدك وعمي اجه ياخذني ماريد ازوج ماريده ماريده.
فاطمه حضنتني وتبجي وياي
دخل عمي للهول واسمعه يكل الامي وين عروستنا
اجت امي بهمه ولكتني ادك الطم
أم ورده: فضحينه بعد فضحينه ولج كافي صخام الصخمني
وليش لهسه مامبدله راحت جابت ملابس وشمرتهن عليه
ام ورده: هاج البسي يله عمج ينتضر
فاطمه راحت تسوي ريوك لعمي
وامي جابت ملابس الداخليه وشمرتهن عليه
ام ورده: لبسي هذن هاج
ورده: ماريد يمه ماحبهن مالبسهن
ام ورده: يثوله حته يعدلن جسمج لبسي
ضلت تلح عليه وانا مااقبل غصبتني عليهن كوه لبستهن
طلعتلي لبست فستان زيتوني وبيه كريمي
بيه حزام اسود جلد وشال كريمي وحذاء فلات
ام ورده: يله عمج خلص ريوك كومي سلمي عليه
ورده: ما. ماطلع
اجت امي كرصتني ودفرتني طلعتني كوه
سلمت عليه
خطيه هوه حضني وباسني وكلي شبيج عمو مريضه شنوو
وضل يسئل شبيه كصتي وأبوي كله يابه تركض وره الحلال وطاحت ونشكت گصتها
باسني براسي
ابو سلام: يله راح اخلصج من حلال ابوج ودوخته افتكي هههههه
يريد بس يضحكني وانا مدنكه مارفعت راسي
أبوي واخواني يسولفون ويضحكون وي عمي
وإنا كلما يضحكون احس سجين وتكطع بكلبي تكطع
لان كرهتم. كره مثل طير المذبوح وفرفح من البجي والالم وهمه ولا بگلبهم رحمه
اجو بيت عمي ابو حنان يسلمون علينا
عمي بقى ساعه وكال ورانا طريق يله خلونه نتوكل
حنان طلعت زعلانه عد اهلهه حته ماصرلهه هواي وعالكتهه بين الاخوه تكول ماسه كلساع اشوفها تباوع من الحايط كاتلهه الفضول. كام عمي وصعدو غراضي حضنت فاطمه وشبعنه بجي
فاطمه: كافي وروده حبيبتي انتي عيونج رايحه فدوه اروحلج دربالج علئ نفسج وخابرينه من تلفون ابوي نطمن عليج
طلعت من بيت ابوي وانا استذكر كل لحضة الم عشتهه مهضومه ومكسوره ابوي راد يسلم عليه حضني انا ضليت مزله ادي ولا سلمت عليه باسني براسي عفته ومشيت روح
واخواني اصلا ماباوعت بوجهم صعدت بسرعه وانا بالسياره اجت رقيه ودموعهه بعيونهه صعدت يمي حضنتني
رقيه :سامحيني وريده يصاحبتي راح اشتاكلج شلون بيه
ورده: مسامحتج رقيه انتي موصوجج مالي غرض
تسالمنا واحنه نبجي
نزلت
عمي سلم على ابوي وعمي واخواني ودعهم وبقى يمهم واكف ٥دقايق واحنا بسياره
صعدت عمي ونطلقنه
كاعده ومدنكه راسي دموعي نشفت اتمنه اموت ولا اوصل لبغداد
بالطريق عمي كل شويه يدك تلفونه يخابر
ومره منهن دك تلفونه وخلاه على اذنه
ابو سلام: هلا بويه شلونك شخبارك
..............
ابو سلام: اي الحمدلله بالطريق
.............
ابو سلام: هااا. خير ان شاء الله هلابيك وليدي دربالك من الطريق. مع سلامه بويه
سد التلفون
ابو سلام: هذا سلام خطيه يسئل طلعنه بعده مانازل ب12يوصل البديل مالته وينزل
ام ورده: بعد گلبي يوصل بالسلامه ان شاءالله
اهتز كل جسمي بمجرد ذكره شعور شلون اوصفه كل الي اعرفه كارهته وكارها طاريه
عمي وامي ضلو يسولفون
ابو سلام : شنو بويه ورده ولا سمعت صوتج بنيتي انا عمج مستحيه مني شنوو
ورده: لاولله عمي بس راسي شويه يئذيني
ابو سلام: سلامتج بويه تردين اطبك اخذلج بندول شي
ورده: لاشربت عمي هسه اصير زينه
خطيه عمي ضل يسولفلنه عن طريق والاماكن ويضحك بينه انا وماسه
نزل عمي فول. بانزين وبقى ساعه يحجي بلتلفون
ام ورده: شوفي ورده موتبقين وجهج مغنتب هيج كدامهم حته عمج نتبه عليج ماعوزنه زهره شايله خشمها من كاعها هيه
ورده: اي خوش
ام ورده: وميخالف شيحجون شيكولون سوي وانتي ساكته وصيري ام الهلا تلكي خطارهم بضحكه تشك الحلك حته يحبونج احترميهم
ضلت توصي بيه وانا اي اي اي ونص الحجي بالي مويمها
وصلنا لبغداد حلوه اول مره نشوفها شوارعها ومناطقهه تجنن نسيت كل الي بيه وصلنا لبيت عمي وجان ولد واكف بلباب فتح لباب ودخل عمي السياره للبيت
حاوطني شعور اليأس وماعرف شنو مضمولي بهل بيت
ناس جديده وحياة جديده منتضرتني ماعرف شنو ضامتلي الايام
بيتهم جان كلش حلوو من بره والحديقه بعد احلى مو مثل بيوتنا هناك
لولد فتح لباب النا وكال اهلا وسهلا تفضلو تفضلو
سلم علينه الولد انا مارديت مدنكه وحته راسي مرفعته
فتنه جوه بالستقبال
ابو سلام: وين امك بابا
سامر: موجوده بعده يحجي واجت مره وياها ٣بنات
سلمن علينه ورحبن بينه
انا مخليه راسي بل كاع ماشفت أشكال البنات ولا منين دخلنا ولا منين طلعنا حته من باوسني انا منزله عيوني
عمي كاعد يمنا وزوجته هم وجان الحديث اكثره لعمي
زوجته ماتسولف بس للضروره وشويه وكالت
ام سلام: راح اروح اجهز الغده وانتي ام حازم كومي اخذي راحتج ترحين للحمام تغسلون تتوضون البيت بيتكم. راح يأذن حته نصب الغده
ام حازم: اي خيه كايمين
كامت امي واحنه وراهه انا لازكه بعبايتهه من وره دخلت امي للحمام واحنه وكافين يم الباب
اجن ثنين بنات حليوات وعيونهن ملونه
رواء :هلاو بنوتات انا رواء وهاي اختي مريم ازغر مني احنه بنات عمكم
ورده ابتسمتلهه مجامله العبره خانگتني جاوبتهن ماسه
ماسه: هلا بيجن حبيبات وانا ماسه وهاي اختي ورده العروس
مريم: اي كال بابا تعالن ويانه هناك غسلن
ورده :لا لا ويا امي نضل
ماسه: لاحبيبتي وياجن اجينه
جرتني ومشينه وياهن وانا اكرص بيدها
اخذنه للحمام الجوه دخلت ماسه وانا ضليت واكفه والوجع كطع بطني عبالي الدوره اجتني
طلعت ماسه دخلت للحمام بس ماكو شي ماجايه غسلت وتوضيت و طلعت لكيت ماكو واسمع صوت من المطبخ
هاي ماسه وين خلتني وراحت ضليت اتلفت جيت ابجي شلون طفل مضيع اهله
فات ولد زغيرون يركض
ورده: تعال يوليد فدوه صيح لاامي
راح يركض شويه واجت البنيه الشابه الكاعده بلستقبال
مروه: ها حبيبتي ليش واكفه هنا ماتدخلين
نخرست ماجاوبتهه
مروه: بيج شي
ضليت ساكته
مروه : شنو ماتحجين شبيج تعاي امشي يم امج واختج
مشيت وياهه دخلتني لغرفه لكيت امي وماسه يصلن وهيه طلعت
خلصت ماسه
ورده :انتي شلون تعوفيني وتجين
ام ورده: شني وين عافتج بالصحراء. وريده هذا بيتج بعد تعلمي مساع فشلتيني ياحجن بيج وانتي مخلوسه
ماسه: يمه بعدها مستحيه تعاي هاج كومي صلي
صليت وكملت واجت هاي البنيه رواء
صاحتلنه علئ الغده
رواء
وصلو واحنه منتضرينهم علئ احر من الجمر
شفنه ورده.عرفناهه علئ وصف ابويه تخبل نسخه من مروه اختي بعد احلا من مروه ورده رموشها صاعدات ليفوك عبالي حاطه مسكاره ومكياج بعدين من كمنه شفناهه بالطرمه ولاقطرة مكياج مخليه الله يحفظها ماشاء الله بس اكو جرح بگصتهه خطيه ردت اسئل واحنه كاعدين وستحيت سكتت كلش هادئه ومستحيه ولارفعت عيونها وماسه بعد مامقصره بالجمال كلش حلوات رحنه حاجيناهن واخذناهن للحمام الجوه وفتنه جوه نساعد امي سامر كاعد علئ الدرج
سامر: ولج حنوش شفتي مرت سلام بعد شيريد سلام هسه من يشوفها يكوم يتشيم علينا ايبا مرتي حلوه
رواء: اي فدوه تخبل نيال سلوومي هههههه راح نضربهه بعين اصليه
سامر: انا ماحسد عيني بارده اروحلي فدوه جوز عيونج خايسه هوه العيون الملونه تحسد ولله
رواء:هسه غير يكعد مهند شگد تفيك يله خل اساعد امي
رحت امي ومروه بالمطبخ
رواء: يمه شفتي وروده تخبللل
ام سلام: شلفايده خايبه ماشفتي الوجه معقوج عقج مايگصه الصيف من هسه شايله خشمها علينه وتتنغوص
رواء: يمه البنيه تستحي شسالفه قابل جانت معاشرتنه
ام سلام: وهوه هذا شكل عروس عاد بلجذب تبتسملنه هسه بس شترجه من بت جميله شلاع الگلب اجاني استلم قهر واحرك. بروحي من هل يوم
اشرتلي مروه تسكت سكتت
اجه حسوني ابن مروه صاح لاامه
شويه واجت ضايجه
مروه: شبيها هاي الحمدلله والشكر
رواء: ياهيه شبيج
مروه: هاي ورده طلع حجي امي صدك ولله واحنه نلوم بيهه احاجي بيهه ولاجني احاجيهه حرگت گلبي ادري طفله وتحگرين بيه
رواء: لا مروه لا جوز تستحيي ولله شبيج
مروه: ادري انا شكايتلهه حته تستحي شنو لهدرجه لا حنيشه موشغلت مستحه جنها كارهتنه من هسه
رواء :يتراولج مروه قابل شمسويلهه وتكرهنه ياخيه
هذا الحجي موكدام امي راحت تصلي
كملنه ورحت صحتلهن اجن كعدن ورده ماخلت شي بحلگها
ابويه توسل بيها وانا كوه اكلت لكمه ورجعت ليوره انا خلصت
رواء: تعاي نغسل ورده انا كملت
اجت ويايه
غسلنه ورادت ترجع يم امها
رواء: لاتعاي نكعد هنا بين ميكملون
كعدنه وهيه مدنگه وضايجه
رواء: وروده. جنت اتمنه اشوفجن واتعرف عليج ولله كلش فرحت لان راح تصيرين مرت اخويه سلام خل اعرفج علئ عائلتنه. سلام اخويه الجبير تعرفينه انتي يداوم عسكري وبعده مروه اختي هاي شفتيهه متزوجه بالنجف عدهه تؤام ولد وبنيع وبنوته زغيره وبعدهه سامر اخويه هذا شفتي. الي لكيتوه بلباب يدرس لازم جامعه بس هوه كسولي ههههه راسب بالسادس وبعده انا ادرس خامس ادبي وراي مريم تدرس ثاني متوسط. وهاي احنه
ورده :اهلا وسهلا
كلت بداخلي صلاوات حجت واخيرا سمعت صوتهه
ورده
عرفتني عليهم من تذكر طاري سلام شيصير بيه ابدي اصرخ بوجها اكلهه لجيبين طاريه مختنكه ياربي اريد اصررخ. خلصو وكمت بسرعه يم امي
رواء وهيه تنقل بلمواعين
رواء: وروده كومي اخذج تشوفين غرفتج
ورده:لا ماريد اريد ابقه يم امي
درت وجهي واختهم الجبيره باوعتلي صفح وطلعت جانت جايبه الجاي
ربع ساعه واجت رواء
رواء: تعاي ورده رتاحي بهاي الغرفه وهسه ماسه تجي وراج بلحمام هيه
باوعت علئ امي خزرتني كمت وياهه
هزيت وابتسمت بتسامه خفيفه كلش
اخذتني على غرفه
رواء: تعاي هنا ارتاحي وذبي حجابج وعباتج
محد موجود لتستحين كلبي
شويه واجن امي وماسه يمي
رواء راحت واحنا بقينا كاعدين وحدنه
ماسه: لو ادري ماجايه شوو من هسه ختنكت من بغداد وشتاقيت الديره مالتنا
أمي :موهيه بغداد لحلكج ام لسان
ماسه: نسمت هوئ ماكوو وبيت بصف بيت شلون يتنفسون ذوله. بس بيتهم كلش حلوو ياريت عدنه هيج بيت غير بعد اضن ماموت. بس كون هناك بديره مالتنا مو هنا هناك النهر والخضار والزرع يرد الروح
اباوع عليها وانا الدنيا طالعه من عيني احس حاطيني بسجن
عطت بيها
ورده: هااا انتي ختنكتي بس انا ادفعون بيه دفع بس تزوجي وروحي سويتوني راح اعيش اميره وزوجي وخلصي وزوجي. وخلصي بس ورده لازم تسكت وتنجب وتسوي كلشي غصبا عليها
ام ورده: شبيج انتي كافي ورده تره بزعتيني لخاطر الله راح يسمعونج الودام ولج تردين تصخمين وجهي
سكتت ودرت وجهي ودموعي بعيوني
راسي راح ينفجر
لزمت راسي بألم
ام ورده: تردين حبوب مال رأس
حجيت بنتر :مااريد
امي وماسه. بقن يسولفن على بيت عمي وانا ماعرف شنو حجن وشنو كالن
شويه واجت رواء جابت فواكه ودولكة ماي
ام ورده: بعد عمتج فدوه لعيونج
رواء: يروحي عمه تسلمين
اجت كعدت يمي
رواء: اشوو ورده ضايجه شبيها بس لا ضاجت لان سلام مموجود ههههههه
وامي وماسه هم ضحكن ابتسمتلهه مجامله وطلعت هيه كالت نامن رتاحن
كلت بگلبي لو يضل اخر واحد بالدنيا ماضوج عليه
امي وماسه نامن وانا البارحه كله منايمه
وبطني كل شويه تموتني وجع
وعلى أي لحضه تجيني الدوره
ماكدرت انام
بيه غصه ماعرف شلون افرغها من صدري حته البجي كام ميريح كلبي
كعدت امي لكتني لازمه كلبي وافرك بصدري ونفسي يصعد وينزل
اجت علي بسرعه
ام ورده: شبيج ورده وجهج اصفر
ورده: يمه كلبي يوجعني خلي نرجع لهلنا فدوه
ام ورده: ولج الطم وخلي ناس تلتم عليه ولج كبري عقلج وين ترجعين تريدين الناس تضحك علينا وسوينه سالفه
ورده: يمه فدوه ماگدر راح اموت اختنگت
ام ورده. :ورده فدوه رحتلج يمه خلي خلي هذن اليومين يعدن على خير يمه اذا تحبيني وصدك تحترميني لا تفشليني وانا هنا بيت عمج غريبه ولا احد وياي
وبجت
باوعت على أمي وانا دموعي تنزل وماعرف شنو اكول
سكتت امي وضلت تحاجي بيه
أجت مرت عمي دخلت هيه وبناتها انا كبل مسحت دموعي
ام سلام: ليش. ورده تبجي
ام ورده: دلال بنات خيه علئ شلون تفاركنه
أم سلام: لا لاتبجين وان شاء الله احنا اهلج شنوه هذا الجرح البگصتهه
ام ورده :خيه زلگت و طاحت ونشكت كصتها ماصارلهه هواي تروح
رواء :تعاي خل نصعد فوك
اشرتلي امي اروح
كمت صعدت وياها فوك فوتتني بغرفه حلوه جديده مال عرسان عرفتها مالتي ختنگت منها اريد اطلع
ورده: خل نروح ننزل عفيه
رواء: لاحبيبتي لاتخجلين انتي بنوتتنه بعد وهذا بيتج وهاي مملكتج الخاصه
شفت الجنط مالاتي علئ صفحه مصعدينهن
رواء: تعاي خل نرتب غراضج بالكنتور
فتحت الكنتور مخلين بيه تعجبت جا موذن غراضي
رواء: هذن ذوق ماما ومروه
رتبناهن كلهن
رواء: عجبتج الغرفه
ورده: اي حلوه
رواء :ورده انتي ضايجه من شي شبيج مريظه
ورده: لا بس مانايمه امس وبطني تئذيني
رواء: تعاي كومي وياي
اخذتني لغرفه بيهه جربايتين بناتيات وكنتور وميز دراسي
رواء: هاج هذا مسكن بسرعه يخبل اني مخليته يمي حته مااضيعه ونامي هنا علئ جربايتي رتاحي محد يدخل لهنا ويزعجج وانا اكول لاامج نامت بغرفتنه
جنت كلش محتاجه اضل لوحدي شربت الحبوب خلتني هيه وطلعت ذبيت شالي. ....يتبع .....
بنات لاتتهجمون علئ كيفكم هههههه
راح انشرلكم بارت العرس جاي اكتب بيه
اقرو هذا بين ماكمله ونشره حته لوبوقت متأخر
باي مؤقت فراشاتي 💙🦋