البارت ٣٥٠٠
لا تنسون التصويت و التعليق قراءة ممتعة
#معتقل_الصحراء ٣٩
#بقلم_ام_مختار
#دنيا_غانم
دخلنه بالغابه و گال سائد نرتاح هنا نشوف سكن ونرتاح يوم ونشوف شلون نگدر نوصل للدوله البعدها
رد واحد من الاحوازين الدوله الوراها صربيا
الگلت حذرونه منها
سائد _لازم نمر منها؟؟
اي لازم هيه الطريق الوحيد النگدر ندخله
_منو گلك
_انا صارلي ٦ اشهر باليونان وهاي مو اول محاوله
ادخل بيها الصربيا سويتها قبل و نكتلت خوش كتله و رجعوني للحدود المقدونية حاولت من مقدونية ما گدرت رجعت لليونان اجمعلي فلوس حتى اگدر اكمل وهاي المحاولة الثانيه
سائد _النسوان يضربوهن؟
_ما ندري احنه اخذونه وعزلونه نزعونه وقامو الضرب علينه
_باوعتلهن تذكرن ايام السجن؟؟
_ايي
_شوي راح نرجع للتعذيب لا تخافون
جاهد _ هسا خلي نعبر بلغابه و بعدين نحجي ب صربيا
مناسك _ سائد ما فلت الولد الاحوازي گله اني وياك بس فهمني لأن انا اول مره اجي هنا و هم انكليزتي تخدمك الولد شكل ويانه هو واللخ
سائد نسه الي بالخريطة و گلهم منا نشتري خريطة ونخليها ويانه بس بالاول نطمن على البنات
دخل فندق و گدر يحجز بدون اوراق بس دفع فلوس اكثر
خله جاهد يمنه واخذ كارت الفندق و طلع
قفلنه الباب ونمنه
ليلو تخبلت ما تريد تنام تريد تلعب باوعت المياسه وضحكت ولج هاي تگول صارلكم جم يوم تفرون بيه عبرتوني مية دولة دلعبن وياي
مياسين _ نلعب شعدنه كمت اناغيها و مناسك تحضر الحليب خليته على رجليه اللولي واناغي
انطتها الحليب مناسك شرگت نفخت بوجهه ورفعتها وكملت تشربها الحليب
رحمة گعدت بس تباوع من بعيد
اي ادري محرمة شنو
تعاي شوفيها خلي تشوووف خلقتج مره وحده
هزتلي راسها وعيونها مغورگه بالدمع
نامت وغطت راسها
مياسه _كون اذبها عليها واخليها تحتار بيها
ما تكدرين لو نگدر جان سويناها من اول يوم ولدتهها
مياسين _همستلها عجيب امرهاا شلون تگدر هيج تسوي
مناسك _ هيه حره خلي تسوي الي تريده
المهم احنه دايرين بالنه على الليلو مالتنه شلتها وبستها دنفوشيه وبيها من معالم رحمة بس ابيض واحلى هيه اذا هاي الشفة صارتلها عمليه تصير احلى بنيه بالعالم ولو هيه احلى بنيه بنيتي هااااي
هاي بت مناسك ومياسين احنه التعبنه وياها ونخاف عليها من نسمات الهوا
جاب سائد الخريطة وتوضح لازم نوصل المحافظة
اسمها صوفيا منها نگدر نوصل الصربيا و صربية هيه طريقنة الوحيد الي لازم نعبر منه واذا گدرن نجتاز صربيا لازم نعبر الهنگارية ومناك نوصل للنمسا وصولاََ للبلد الي اختاره سائد طبعاََ محد اعترض ع البلد الي اختاره لأن دائماََ سائد يختارلهم الصح وگلهم احنه عراقيين بس نوصل هناك تنسون احنه درسنه بالعراق واحنه ضباط هذا كله تنسوو بعد شهادتنه وتعبنه كله راح من يوم الدخلنه سجونهم هذا ماضي اندفن بينه وانتهى
وهاي البلدان تقبلنه لأن جايتهم ناس من العراق ويعرفون الاوضاع احنه هم نقدم لجوء انساني اي لجوء حتى لو خدم هناك المهم نخلص من العذاب العشنا بهاي السنين
صليل _واذا رفضونه
_ساعتها نشوف شنو نسوي بس يجينه رفض نعبر الغير دوله اذا الترحيل جبري
طبعاََ اذا رفض وما يرحلون نبقه نحاول عسا ولعل بيوم يقبلونه
مناسك _ يحجي ويوضح و يأكد وينبه
سائد قومة موو عبث بأدق التفاصيل يركز
ودائماََ يسأل اللولو مالتنه عدها حليب لو نشتري واني اگله لاا عدها هيه متشرب هواي وبعدها صغيرونه
سائد _كلشي ولا الولو مالتنه يجوع
احنه يضربنه طوب بس الليلو لا
مناسك _من يشيلها يخليه على صدره ويفتح اصابيعها يبوسهن وبسبب الطريق والبهذلة ما انتبه بين اصابيعها يصير وصخ هو ياخذها ويفتح اصابيعها على كيف و ويبلل ايدي و ينظف شوي شوي وهو يغنيلها من ينظف ايديها يبوسها بباطن ايديها ويگلها اكلهن هذنيييي الاصابع شلووون بيه انيييي ولك جاهد تعال اخذه لا تلكاني ماكلهن
جاهد _وبشنوو باجر اكتب عمووو
سائد _هههه اويلي تكبر وتصير دكتور وتعالجنه من ضغط والسكر و السوفان
مياسين _بس الحجز يمي انا الدخل
صليل _موو ما تردين عمها بعد شعدج باقيه ويانه نوصل والله وياج روحي دوريلج ناس جدد
مناسك _هو يشاقه بس مياسين تحسب حساب الكل كلمة زعلت منه وگامت
وگتله
باوع صليل مياسين طبعها حساسه كلش انت تضحك ايي بس مياسين تظم بگلبها
صليل _ختووولي نفسيه صايره مجانت هيج
مناسك _وانت تكبر الموضوع غير تصغره خطيه مياسه منو عدها غيرررك
_ختولي هسا اوصل هناك يم الشگر والنثايه الزينه وابدلها بطلنه بعددد نحبهااا
مناسك _هسه راحت للغرفة الحجزها النه سائد ما تسمعه وهو مستمر
سكتت عنه تقربت على سائد واخذت ليلو
سائد _ هم يجي يوم واشيل وليدنه هيج
مناسك _.....
سائد _ احبج ياااا طيفي
_عيب منا الولد
صليل _خله بيها عيب ابو الحب گول يمي ناس طاكهم الهبري ابن صياح الكوا......
مناسك _عفتهم يتعاركون سديت الباب عليهم ورحت الغرفتنه تصير بصف غرفتهم
مياسين _شفتييي شنو يحجي ما يريدني انييي
مناسك _اهووو شگد تكبريها هذا طبع صليل يسولف ويضحك مو هذوله الولد مشوربين ويصيحلهم سائده وجاهده شو لا زعلو ولا ضاجو بس انتِ خلكج. ابطن خشمج شايلته وتفترين بي
مياسين _لووو تدرين جان ما حجيتي هيج
مناسك _اذا ما ادري تعذريني احجيلي وساعتهااا اصدگج
_احسلج لا تعرفين
مناسك _للحضه شكيت هيه تعرف بموضوع مانع الحمل الموضوع ما جان متمحور على طفل
المشكله جانت ليش ضمو الموضوع اذا همه ما يردون اطفال وهذا الصح خاصه بعد ما شفنه الموت بعيونه بهذا الطريق ليش محجو
وليش سائد وزعهن الهم قبل لا نزوج
هنا مشكلتي جانت والاكبر ليش ما حجووو اذا همه يردونها المصلحتنه ليشش ما حجووو مليار مره سألت روحي هذا السؤال وماكو اي مبرر
نمنه بيومهاوكل شوي تفز ليلو ووياها تفز رحمة بس تبقه تباوعلها تسألني شبيها شنو تريد اگلها تريد تشرب حليب
او شبعت نوم تبقه تباوع من بعيد نظرتها حزينه بس ما تتقرب او تشيلها
الصبح اتفق سائد نطلع سيارات
الاحوازي گله بالقطار نگدر نصعد بدون اوراق بس نحجز تكت ما يحجون
خاف سائد خاف نوصل وهناك ويردون جوازات گال نصعد سيارات وين ما نگدر نوصل نكمل بعدها
القطارات تخوف
رحمة _شنو اسم القطار بالانكليزي
مناسك _ دنگ سائد وابتسم وجاوبها ترين (train)
رحمة _ومحطة القطار
_ ترين ستيشن (train station)
حفظيهن زين مو تنسين
رحمة _ اي مو گلت خاف يصير شي ع الاقل واحد يساعد اللخ
سائد _ادرررري
مناسك _ اي واحد بهذيج اللحضة يسمع سائد شلون حجة وشلون ابتسم يشك اكو شي
سألته گال لا ماكو شي بالعكس سباعية رحمة تريد تساعدنه
اني ما قتنعت بأجابته تحركت السياره متوجهين الصوفيا وجاي احجي وي رحمة تنطيني الجنطة صحتلها ما جاوبتني شارده بذهنها
رحمممممة
جاوبتني ترين ستيشن
منو ويانه بالسياره صليل باوعلها گلها النظره ما تخيب
دخلنه صوفيا صبح سائد ما قبل يأجر فندق لأن جان خايف من حدود صربيا وگال خاف يرجعونه فلوسنه ما تكفي نبقه بأي مكان الحد ما نگدر نعبر
الولد الاحواززين ويانه
سأله سائد انت الاصل ايراني لو عراقي
گله امي عراقية وابوي ايراني
جنه عايشين بالعراق بس بوقت التبعيه كلنه ترحلنه
سائد _ شنو ذنبها اذا تزوجت ايراني مو كلنه مسلمين و نعيش على حب الله شنو بيها
عايشين ببلدنه راح ياكلونه قابل
غير همه عمام ولدها تبعدوها عن بلدها شنو ذنبها
يتوارد هذا الكلام بداخلي بس اذا هو اني ابنهم ما رحموني اريدهم يشفقون على باقي الشعب
سكتت لا الحجي ينفع ولا يحل الامور و الدليل اليوم اني من دوله الدوله وشنو الذنب الذنبته ما اعرررف
مناسك _جاب اكل بس على گد الليل
و لبسنه قماصلنه وگال اذا دخلنه صربيا ورأساََ تهجمو علينه تركي ليلو بالارض اذا تنضرب ما تتحمل تموت
_خوش
_بس لا تبتعدون عنها
_حاضر
_ اذا گدرتن تنهزمن ركضن لا تنتظرونه نلتقي بمحظة القطار اني متأكد رحمة حفظتها
رحمة _ايي حفظتها
سائد _ادري
مناسك _ غابات مووو طبيعيه الطبيعة عدهم رغم شتا بس واضحة
صليل _صيري قبلي تعبت كل شوي التفت الج
مياسين _ما گتلك التفتلي
تقرب مني وگلي لحظات اذا ما صرتي گددددامي هنااا ادفنج وعود من نوصل تكسحي وين ما تردين
مياسين _بعدت عنه ومشيت
مناسك _ توقفوه نرتاح مياسه شربت ليلو الحليب ونامت سائد گال مدام نامت ننتظر لليل وننطلق نعبر الحدود
_جان سائد يأخر دخولنه الصربيا خوفو وهو خايف علينه
سائد _ انطلقنه بالليل وشفت الفاصل بين بلغاريا و صربيا احس اثقلت روحي
امي اخاف تموت اذا ضربوها مناسك ليلو البنات الف حسبه لسعت دماغي
باوعتلهن هنه هم خايفات
انطوني مجال اني اعبر وانتو بعدي
جاهد _لا ابويه ارررجع كافي بعد لهنا وكافي
سائد _ اذا عبرت انت ولزموك اني ما راح ابقه واكف بمكاني
صليل _لعد احنه شنو نسوان مثلاََ ونبقه نباوع يضربوك ونسكت
سائد _والهذا السبب خلوني اني اعبر وانتووو مجبورين تسكتون بمكانكم لأن البنات اذا نلزمن ينضرررربن جاهددد بنتك ما تتحمل حتى كفخة
مناسك _ عبر سائد يمكن ١٥ متر وطلعو من بين الشجر اله اول ضربه على راسه الولد ركضووو اله
ثنينهم همه هواي وبسبب فزعت جاهد و صليل عرفو مكانه كطعووو الولد تكطع بالعصص خلصو عليهم
ما يگدرون يقاومون هذولي مسلحين كلبجوهم وكلبجو ايدين الكل بس اني لأن عندي طفله خله السلاح عليه و مشيت ما اجه بالي بهذيج الساعة غير مولاتي زينب صحت يا أم المصائب
يارب بأسمك العظيم فرجها علينه
الاحوازين الي ويانه اخذوهم وي الولد سائد يحجي وياهم همه يدفرو على وجهه ضطر يسكت
اخذونه للمقر احنه عزلونه عنهم
ما سوولنه شي بس بقو مكلبجين الكل من شافو حالت ليلو تعاطفو وياي عبالهم اني امها
كامت تبجي اشرتله على الجنطه سمحلي اخذها همه طوال اطول بعد من سائد والولد و لابسين اسود و مثلمين بأسود وبيدهم عصص وسلاحهم على خصرهم جريتها و طلعت الحليب و الماي سويتلها سوده عليه الماي بارد جان سحبت البطل و وخليته داخل ملابسي اريد اوضحله اني ضميته لأن بارد هو ما عرف شنو اني اگول غلس
سحبتلها بالسرنجة ورفعتها وانطيتها الحليب
هو بقه يباوعلنه اني اباوعله وارجع اباوع الليلو جنت خايفه يضربنه وهيه يصير بيها شي
حجه وياي بس اني ما عرفت وگتله ما اعرف شنو تگول بس بالعربي
مياسين _كلش فهمج
مناسك _سكتييي مياسين مووو وقتج لو تشوفيهم تموتين رعب سكتي ابتسمت بوجهه وسكتت اني هم
بقينه للصبح بدون اكل طلعونه للسيارات شفتهم شلون يسحلون بسائد والولد جانو بس لابسين الشورت اللباس الداخلي والجسم عباره عن كتله من الزراگ ياررب لطفك
صعدوهم السياره واحنه وياهم
صاح سائد مناسكككك
مناسك _لا تخاف احنه كلنه موجودين كلنه وياك
سائد _الحمد لله الف الحمد لله
ضربوووكم اذوكم
_لا لا ما سوولنه شي بس شدو عيونهم و كلبجو ايديهم
ام سائد _وانت ماما ضربوك
سائد _ لا لاتخافين ما سوولي شي
مناسك _هيه سادين عيونها بس اني اشوفه الجسم ما باقي بي مكان صاحييي حتى من رادو يصعدون السياره ما گدرو همه صعدوهم بجيت الحالهم خلونه داخل مقدونيا ياله فتحو قيدهم وعيونهم من شافته ام سائد شهگت
سائد لا تخافين ما بيه شي ما متأذي راح الالم هياتني يمج احجي وياج
مناسك _ ضاربين صليل على رجله ما گدر يمشي الولد سندو وهمه وضعهم اخس وانگس
اجر تكسي وگله اقرب مكان نشتري منه ملابس
اخذهم واشترو شي رخيص ولبسو
اباوع العين مورمه الشفه مورمة
باوعلي ابتسمت
سائد _ اضحكي مووو تگولين هذا ما بي خيرر
مناسك _لا و الله مو زين من عشت
همه غير كل عصه طولها عشر مترات
سائد _ وكعولنا دك احنه وويانه طن ناس
عبالك ارهاب مو بشر فتشونه نخلونه نخل
همزين الفلوس يم امي جان اخذوهن من عدنه
مناسك _الحمد لله خليهن كلهن يم خالتي
سائد _ما بقه هواي وورانه طريق وما نعرف شنو راح يصير بعد
مناسك _الله كريم تفرج
ارتاحينه يومين وسائد گال خلونه نكرر مدام ما يأذون البنات نكرر العمليه
صليل _ما جاي اگدر امشي رجلي موتتني
سائد _ميخالف احنه وياك فلوس ما راح تكفي بعدد لازم نجتاز صربيا ورانه هنگاريه بعد ياله ندخل النمسا
صليل _اذا عبرنه خلينه نبقه بالنمسا
سائد _ تريد ترجع للعراق
_مووو تعبت والله
_ميخالف شوي بعد نجي على روحنه ما بقه شي
مناسك _ قبل لانعبر تقرب مني وحضني حيلللل باس راسي وگال اني رايح اعبر قبلكم
عاد الي سوا اول مره...
تعده سائد وكمل سائد گدر يعبر اشرلهم واحد واحد
صليل _يلا يوم
ام سائد _ايي
مناسك _ركضت بالقوه العدها
بعدها اني ووراها البنات صليل وجاهد سوه گدرنه نجتاز صربيا ع سريع سائد دخلنه بين الغابات وگال هنا نخيم لليل خاف يصير شي وفعلاََ نمنه بعد ما حسيت بأي شي
صليل _نستك حبك الاول؟؟
سائد _يا حب؟؟؟
_ميار حتى ميار نسيتها
_يا ميار يا خرابيط ميار حبيتها بشهوه هاااي لااا
هنااا طبعت بالگلب استحلته
صليل _يعني ودعت ميار
_اووو من يوم الشفت بيهااا مناسك ودعت
صليل _ اللهي فرجها علينه ونرتاح ويستمر هذا الحب ولو انتِ خاينه سائده
سائد _هههههههه بعد مو بيدي حبيت غيرج صوله ههههههه الزم حراسه خليني اروح يم مريتي ونجب لا تحجي هواي لا يجون على صوتك
مناسك _ فزيت بس حوطني بأيده
سائد _ما ترديني ادفيج
مناسك _لا لا عادي بس عيب من الولد
_خيولون غيرر مرتي انتِ احبججججج ميار
مناسك _ رأساََ دنگت بس ذكر اسمها
سائد _هو اني گلت شي غلط لو يتروالي
والله مو قصدي شي بس هذا المسربت جان يحجي عن السجن وهاي السوالف واظاهر بقت الاسماء ببالي عمي انتِ هناا بالگلب يا ميار يا الدنيا كلها
الدنيا كلها بكفه وانتِ بكفه
لا تضوجين يا طيفي
_ما ضايجة هذا هو
سائد _ نعله على اصلك صليل بقه الاسم قابع بفكري الحد ما غثيتها
و الجان يكتلني اكثر هيه ما جانت تحجي وتفرغ
هيه جانت تسكت و اليسكت يجمعهن و اليجمع ينفحر و انفجاره صعبببب جنت هواي وياها حذر لأن احبها هذا جان السبب الرئيسي والبعدها هيه نفسيتها تعبانه لازم اهتم بيها الحد ما اطلعها من الهيه بي
مو احملهاا اذيه
مناسك _ عبرنه صربيا و دخلنه هنگاريه
وهنا هم نلزمنه همه بين الاشجار وبوقتها اليطلع محد يعرف بي مو مثل هسا سوشل ميديا و تواصل وفيديوات اليطلع هسا يتواصل وي اهله و على اليوتيوب و وي الناس
بوقتنه اليطلع يموت يعيش محد يدري بي ولا مثل هسا نقط محدده واحد يعبر منها لا نتوكل علي الله ونجتاز الحدود
الحرس الهنگاري جان احقررر من الصربي
ما تقربولنه بس ما تعاملو ويانه زين وجانت اكو نساء هم اخذت ليلو مني
مياسين فلتت ايديها وطارتلها كلتله جيبيها سحبو مياسين الهم وهيه تعارك واني هم اريد بس نرجعها هيه من شافت ليلو وحالتها رجعتها الي بس شصار بينه احس اخذو گلبي مني و گطعو النفس عني من رجعتها خليت راسي بمنحرها َبجيت
بقينه بأستظافتهم يوم كامل بس ما رجعونه الصربيا طلعونه بس من السجن
لان من فتشو غراضنه ما شافو عدنه غير حليب وسرنجات ومن شافتني ارضعها فهمت المن هاي السرنجات واكل بسيط يعني لا احنه الداخلين نأذيهم ولا نخرب بلدهم
المصيبة الجانت تواجهنه بهاي الدولتين هو الحجاب من يشوفونه محجبين احسهم يشمئزون من عدنه
بس ما باليد حيله غير نسكت
طلعونه من السجن وشفت سائد عينه كلها مورمة ما يگدر يفتحها من الضرب من شفته شهگت
ام سائد تخربطت و كامت تبوس بعينه وتبجي
سائد _كبرتوها على كيفكم هو كله جم بوكسي وانتهت المهم هسا ما رجعونه ما اذوكم انتو موو
_لا، عينك توجعك اكيدد
صليل _لا هذا الورم جذابي
ويلي ربي وين الفاهيه دزيتها علينه
سائد _ اسس صليل
لا ما تأذيني مدام شفتجن انتن بخير ماكو الم بيه راح الالم
مناسك _ يمشي ويوگف عرفو الولد مجاي يركز زين
ام سائد _يوم شبيك
سائد _نعسان بس شوي نعسان
_اي خلونه نرتاح
_نرتاح معناها فندق وفلوس ماكوو
مناسك _ صرت يمه وگتله شبيك
سائد _ ما بيه شي
_لا بيك احجيلي لا تبقه ساكت
_ عيني د تضرب على راسي والالم فضيع
_نوگف
_لا وين نوگف مو من صالحنه خلي نكمل
سائد مستعجل يريد نوصل بسبب الفلوس
بس احنه خارت قوتنه حتى هو من ينام مثل الميت لو ادگ طبول ما يفز
سائد _لازم اليوم ندخل النمسا ونبات بالنمسا يوم ونعبر المانيا
مناسك _خلينه بالمانيا بالنمسا اذا يصير
سائد _دتفهموني داكلكم اني سمعت همه ب السويد بالنرويج ما سمعت بغيرهن ما اريد اخذ الجنص و ممكن يرحلون واذا رحلو يرجعونه للعراق ليش اجازف بيكم بعد هذااا كله نوصل يعني انتو هسا عبرتو هذا كله وتعبتو. شدو حيلكم
مناسك _ وعبرنه هنگاريه ودخلنه النمسا هنا محد اذانه ولا صارلنه شي ولا لزمونه نتجول براحتنه اجر سائد فندق بالعاصمه فيينا وما واجهنه اي صعوبه بالاوراق ولا من شافو عينه توترو بالعكس جان صاحب الفندق اسلوبه جداََ لطيف بس الفندق ما جان راقي عادي جان
بقينه يوم كامل و عرفنه المانيا يعني شمال النمسا و لازم نوصل للشمال
گلوله الولد بالقطار گلهم ما ادخل اي محطة قطار
هو يحجي همه ما يردون ابددد ولايكسروله كلمته او يعترضون ابد اليگوله سائد مثل القرار الجمهوري مثل حد السيف اخذ سياره والمانيا جانت السياره امريكيا عاليه جبيره طلعنه بيها للشمال السيارات بالنمسا عداد والعداد يعني طن فلوس
عكس هنگاريه و صربيا گدر ياخذ تكسيرمو من دوله هسا يسمو اسود سابقاََ ما جنه نعرف شنو نسمي بس يتفق هو وسائد على الكروه دخلنه المانيا الفجر بس دخلنه
سائد وگع واحنه واكفين هو وكع على وجهه
هو وكع وخالتي هم وكعت
همه ركضو الصاحبهم واحنه الخالتي
ادويتها ماكو خلصنه ما كفت الطريق ولا نعرف شنو نجيبلها گعدناها انطيناها ماي
سائد هم گعدو الولد بعز تعبه يريدهم يقربو الها
سائد _لااا تخافين بس شوي تعبان شبيج كل ما صارلي شي تخربطتي
ام سائد _عبالي متت يمه يا بعد امك لا تتركني اريدك انت تغسلني وجفني يمه سائد
سائد _اسم الله عليج لا تخافين ما بيه شي بس تعبت شوي هسا احسن صرت
مناسك _ نرتاح هنا
سائد _اي نرتاح
_طلعتله كيكه انطيتها اله اكلها
سألته شبيك
گلي احس ايديا مورمة و الحذاء ضغط على رجليه
مناسك_ هذا ضغط
سائد _هااا ولج بت جاهد الجلب بعدج ما صرتي دكتوره وطلعت الامراض
صليل _ ربي دعوة عانس تشافيلي سائده
مناسك _ههههههه منا ورايح اصيحلك سائده بسببه
سائد _ وشواربي وين اوديهن اتبرع بيهن المنظمة خيريه
مناسك _هههههههههه
اجيت انزعه حذائه حذائه من جوه كله ماكو قاعده الحذاء ماكو ورجلي منتهيه
اشرلي سكتيي همستله شلون تمشي اشتري حذاء ع الاقل
سائد _ماكو فلوس اصلاََ ماكو فلوس تكفي بعد يوصلنه للحدود لازم نجازف وندخل محطة القطار
مناسك _ ايي ندخل
سائد _تعاي هنا يمي سمعوني يا جماعة جاي تشوفون التكاسي بالنمسا نهبتنه عداد شگتنه بالنص ولا هنا نگدر نشوف تكاسي عامه نخاف نتورط
فـ يا احبابي راح نسوي شغله على اساسها نتخذ القرار
جاهد _شنو هذا الشي
سائد _نروح المحطة القطار واحجز تكت للحدود
ساعتها اعرف اذا طلبو جواز او فقط اسماء وخليكم من بعيد باوعولي اذا لزموني بعد شنسوي ما باليد حيلع
واذا ما لزموني انتو من اخلص حجزو الكم كلكم
مناسك _ اتفقو على هذا الاساس ندخل للمحطه الاشاره جانت اذا گعد على الكرسي المسطبة معناها الامور تمام اذا ما گعد معناها طلعووو وهو يطلع ورانه
وفعلاََ رتبنه روحنه عدلنه نفسنه ودخلنه المحطة القطار اذكر اسم المكان جان بيست بانهوف
او باست بانهوف هيج شي دخل سائد قبلنه وگف يحجز جان يبتسم حجه وي الموظفة دقايق معدوده وسلمته ورقه وگعد ينتظر علي المسطبة
جاهد _يلااا
مناسك _حجزنه للحدود نص ساعة وانطلق الباص گعدنه يم سائد ضحكته تخبل
سائد _ما توووقعت هيج سهل بس الاسماء اخذووووها يابه اخذوو گلبي وياهم
_صعدنه القطار وانطلقنه الشمال النمسا
نمنه بالقطار وارتاحينه هوااااي وبهاي الطريقة وصلنه الاخر محطة النه دخلنه البلد الي مقررين عليه من جنه بسوريا الساعة بالثنتين بالليل دخلنه
سائد _ الف الحمد لله والشكر
الف الحمد لله وصلتو كلكم بدون ما اخسررر واحد منكم والاهم اللولو مالتنه
مناسك _ الكل تحاضن الكل فرحان الكل مرتاحة روحة واخيراََ وصلنه البلد ما نخاف بعددد بي نكدر نعيشش نكدر نطلع ونطب و نسوي الي نريده
جاهد _هاااا ندخل بأقرب مركز شرطه ونسلم روحه
سائد _لاا ما بينه حيل هسا استجواب وروح وتعال خلي اليوم نأجر فندق شلون ما جان و باجر نسلم روحنه
مناسك _ جانت اسعار الفنادق هواي عاليه اكثر من البقة عدنه بس جنه مجبورين
نشوفلنه فندق حتى نرتاح بي للصبح
اجر سائد غرفتين وحده مقابل الثانيه احنه البنات وحد و الولد وحد ويانه ام سائد
دخلنه للغرفه جانت عباره عن بيت صغيرون
ذبينه الغراض و غمضنه عيونه نامت ام سائد وشخرت من التعب
حسيت بحركه فتحت عيوني رحمة شايله بأيدها القمصله مالتها وباست بتها سألت بهمس وووين
رحمة _انييي خلاص انتهت هنا وانتهى
مياسين _ شديصير
مناسك _رحمة تريد تطلع تروح يعني ليش ولج والله جاهد ورده اعتذري صخمي بلكت ترجع علاقتكم
رحمة _ هه ترجع شنو اليرجع انتِ شبيج فطيره هذووووله ما يردووون احد هذوله هيج يتونسون لا عبالج عقد عليج ميت عليج لاااا غلطانه هذوله ما يحبون الا روحهم
والدليل صليل من گلها نوصل هناك وتكسحي مثل حجايه جاهد وانتِ هسا تنصدمين صدمة عمررررج بسائد
مناسك _اهدددي منا المرأه نامت
اني عيني على مياسين البدت تغيب بصفنتها
جاوبتها كل هذا السوو النه بعد مستحيل يغدرون بينه
رحمة مااا سوو الج الهم ويجوز هاي اتفاقيه يوصلوجن هنا وما اعرف شنوو يسوون بيج
مناسك _ شايفين الغشاوه السوده هيج صارت على عيوني ورحمة تكبسس و اني نسيت كلشييي حلو سوا الي سائد وكلامه و حتى الحب الي بده ينزرع بگلبي وتذكرت المواقف السيئة الي مرينه بيها
بذرة الحب تريد تقاوم تريد تمنعني لااا تشكين رحمة مااا ينوثق بيهاااا ركزززي وباوعي صح
مياسين _ اني ما ردت اكلج مناسك بس
همه صدگ ما يردونه تذكرين يوم اجيتج ابجي وهو سبب عركتي من صليل لأن اني نزلت اشر الملابس وسمعته ياخذ منه حبوب مانع حمل حتى ينطجيا
مناسك _ تحسرت وبديت احجي من سمعتهم ع درج قبل لا نزوج
مياسين _ يعني كلام رحمة صح
رحمك _اني مد اكذب عبيكم داگول الحقيقة وانتن بكيفجن بعد
مناسك _ بس اني من جبت حبوب المانع وشربتهن گدامة گال اني ما اريد طفل بس الخاطر نعبر هاي المصاعب ومن نوصل مكان امن اول شي اسوي اريد منج طفل
رحمة _كذاااب لو صدگ ليشش ضامين وليش اشترو قبل لا تزوجن اكيد عدهم علاقات
مياسين _واني هذااا الي مخبلني ليش ضموو لو همه يردون مصلحتنه ليشش ما حجو يعني اكووو شي ضامي
مناسك _ صح كلامج همه لو ما عدهم شي غلط ما يضمون الموضوع علينه ويجون يحجون وليش سائد جاب حبوب الهم كلهم يعني اكيد جان عدهم علاقات
واكيد همه ما يردونه
اني بكلامي اكدت المياسين خاف جانت شاكة هسا اتأكدت من سمعت
مياسين _اني اروح وياج رحمة
مناسك _اذا رحنه شلووون شنو نسوي وين نروح
رحمة _نصعد قطار ووين ما ياخذنه ياخذنه
مناسك _والفلوس
رحمة _عندي فلوس يعني قابل اني مخططة الهذا كله شلون بدون فلوس عندي واكدر اخذجن وياي
مناسك _ جريت قمصلتي الجانت بصف ليلو دموعي من وحدهن نزلن
درت المياسين وليلو
مياسين _ ابوها هو المسؤول منها موووو احنه
مناسك _هيه تحجي وتبجي وتبجيني وتگلي ابوها المسؤول منها
مياسين _ بس سائد ما يعرف يشربها حليب
مناسك _ اني ما اروح واعوفها
مياسين _هووو يحير بيها هنا الدوله ما تخليها خلينه نروح لاااا بعدين نلگه رووووحنه بيدين صياح وعدنان من جديد
مناسك _قصدج يعني سائد وصليل يسوون بينه مثل صياح و عدنان
رحمة _ويسووون اكثرررر هذوله ولدهمممم واني متأكدة يسون اكثررر
مناسك _ فتحت رحمة الباب بهدوء وگالت هاي فرصتنه بعد ما تجينه فرصة مثلها اني طالعه الي ما تريد تجي لا تجيييي
مناسك _جريت ايد مياسين وطلعنه ركضنه للدرج ما نعرف للمصعدد نزلنه وطلعنه من الفندق
وگفت رحمة تكسي
وگلتله ترين ستيشن ( train station)
يتبع.......