الكاتبة ( نون النعيمي ) ✨!
هلي الفانوس كض خاصرته يم حزني.
وكحل بت الاولايه يعيش.
بصوري شريط اسود.
الملح ماعنده بيت بجرحي اجه استكعد.
.................🤍................
_ رحت للمستشفى مثل المخبل
مستحيل الخبر متروح وتعوفني ادري بية
عافتني مره ميصير تعوفني هسه هم
وصلت للمستشفى ركنت السيارة وركضت الغرفتة
شافني الدكتور
الدكتور : اتوقف نبضه لحظات ورجع
إدريس : يعني مابيه شي دكتور عفيه
الدكتور : بعده ممستقر ممكن يوكف مره ثانيه راح انخليه بالعناية المركزه بين متستقر حالته
إدريس : صارله اربع اسابيع شوكت تكعد
الدكتور : محد يعرف ابني الامر بيد ربك
عافني وراح الدكتور ضليت حاير شسوي
باوعت ع الساعه ب ٩ وربع بالليل
لازم ارجع للمركز حتى نقبض ع قاتل علي لازم اقبض عليه حتى ميضيع حق المظلوم وهم اخذ بثاره الـ ربُى مستحيل اخلي دمه يروح ابلاش
اتوجهت للمركز نص ساعه ووصلت طبيت لكيت الآمر مالتي متحضر هوه يجي ويايه للمهمه
احمد رجع مكدر يبقه بس بعد سبوع يجي البغداد اني ماكدر ارجع للبصره حالياُ لازم اكمل كلشي واكمل الواجب يلا ارجع للبصره
لازم اكمل كلشي يخص ربُى واطمأن علية وتكعد من الغيبوبة يلا اكدر ارجع
امي مكامت ادك عليه هواي احس بيه مريضه بس متحجي تخاف ليضل بالي يمه واضل قلقان
هل فتره من اصعب الفترات عليه اتمنى تعدي بخير بدون حزن بدون ادموع لان ممرتاح ابد كل دقيقه سالفه شكل تطلع
اتوجهنه اني والامر مالتي حتى نقبض ع القاتل
توجهنه البيته وكفنه كبال بيته بالضبط
هوه هيج وكت يطلع من البيت حسب م وصلنه
ممزوج عايش ويه امه وابو مكضيه مخدرات وملاهي يشتغل بفرن مال صمون
ضلينه واكفين قريب الساعتين تقريباً يلا طلع
چنت منتبه الحركاته اول مطلع
مبين خايف من شي مشيته مو قانونيه يباوع منا ومنا يعني حتلو ممسوي شي هم مبين مسوي
طلع من البيت وضل يمشي كبل واحنه نمشي وراه بالسيارة
دخل فرع كلش صغير
طبكنه ونزلنه دخلنه بالفرع
چان ظلمه كلش الآمر كال انتبه ع مسدسك خليك منتبهه
اكو بنايه كلش قديمه يطلع من عده صوت اشخاص يحچون صوت همس او هيج شي ، دخلنه بيه بس بـ هدوء دخلنه حتى ميحسون بينه لان اذا حسو راح يصير رمي وكاتل ومكتول
كدرت اميز الاصوات جانو شخصين ديحجون بس الحجي مو مفهوم لان مو عراقي
تقدمنه بتجاه مصدر الصوت كلما نتقرب كلما يصير الصوت اقرب واوضح ، كدرنه نعرف انو ديحجون كردي
انتظرنه شويه بعدين قررنه نلقي القبض عليهم
لان طالع عليهم القاء قبض وهذا من القيادة العليا
فعلاً دخلنه عليهم موجهين المسدسات مالتنه تجاهم
الآمر : الي يسوي شي هسه افرغه براسه ف احترمو نفسكم وطلعو بهدوء
الشخص اللي لحكناه چان خال ايده وره ضهره
ديريد يطلع شي
والثاني رافع ايده ليفوك ويلغي هواي وكلشي مدنفهم
تقربت ع الشخص القاتل وچان متوتر ويحجي بس بعياط
جر ايده وطلع مسدس من وراه وجهه بجهي
بدون سابق انذار ضربته بجتفه طلقه
الآمر لزم هذاك
واني توجهت ع هذا الي ضربته
لزمته وكلبچته ونزلنه للسيارة صعدناهم وتوجهنه للمركز
دخلناهم تحقيق بس مو سوه بنفس الغرفه
دخلنه القاتل اول شي وبديت احقق وياه
سحبت كرسي وكعدت كباله سبحان الله مبين من شكوله شنو
إدريس : اي استاذ حارث مكتلي شلون تعرف علي وليش قتلته ؟
ضل يحجي بالكردي وكلشي مدافهم من حچيه والمترجم بعده مجاي ، بس اني متأكد يعرف يحجي عربي
كمت من الكرسي وتوجهت كباله
يعني هسه انتَ حتمشيه عليه متعرف تحجي عربي مو ، حلو هسه اني اعلمك شلون تحجي
خليت ايدي ع مكان الجرح اللي انضرب بي طلقه
وطببت اصبعي بداخل الجرح
ضل يعيط جوه ايدي ويرفس من الوجع
إدريس : وهسه هم مراح تحجي
ودست بالجرح حسيت اصبعي طخ عضم جتفه
حارث : احجييي احجييي بس كافيي
إدريس : احترم نفسك من البدايه ولغي ليش اتعبني وتعذب روحك هم لو اله بالاهانه يلا تمشي
احجيلي كلشي وديربالك تكذب كلشي اعرف اني بس انتظرك تكذب حتى اعذبك
ف المصلحتك لتكذب
شلون تعرف علي وشنو الدافع اللي خلاك تقتله اطربني من البدايه
حارث : سيدي عرفت علي من قبل ابن صديقي چان يدرسه وينطي دروس فـ مره اجه اخذ صمون من الفرن اللي اشتغل بي ضلينه نسولف
صارت بيناتنه صداقه تقريباً يجي دائماً يسأل عليه ويسولف ويايه ، مره علي احتاج فلوس ف اداين من ابو الولد اللي يدرسه واداين مني هم چان الراتب مالته متأخر وعوز فلوس
ابو الولد يكون الشخص اللي لزمتو ويايه ، اسمه غسان
سيدي اخذ فلوس من غسان ومرجعهن مرت اكثر من شهر لا شفنه علي ولا الفلوس
ف غسان حرضني ع علي وكلي مراح يرجع فلوسك واحلم بفلوسك بعد واني منا محتاج هم ف انتظرناه اباب المدرسه اني وكم ولد وابو غسان لان سمعنه يريد يسافر من شباب بالمنطقه
اول مطلع چيتنه عليه خدره ابو غسان اخذناه من باب المدرسه وتوجهنه المكان بي موقع بناء مابي احد
ضلو الولد يضربون بي ويعذبو ويجلدون بي
اخر شي اني خنكته بأيدي والحد ما غرغر وشمرناه هناك بحفره حتى نخفي الجثه
مسحنه كل الادله حتى محد يعرفنه
وهاي كل السالفه من البداية سيدي
إدريس : كمل الحجي وهجمت عليه مبقيت شي صاحي بي
لككك شلووننن تقتتتللهه ع مووود افلووس مفكرتتتت قبل متخطيي هيجج خطوووه
بعتبااااره صديققكككك يا ساااا...... اليوووم ادميككك والله
لزمته دفرات وبوكسات فقدت عليه يحجي بدم بارد عبالك قاتل دجاجه مو انسان
ميدري بالظيم الي حتشوفه ربُى ميدري شلون حتعيش
كملت من عنده وجوي الضباط طلعو وطببو الثاني
غسان
_ جانت الغرفه عباره عن دم وريحته سطرتني سطر
طببو بهت لونه خاف من الوضع كتله اعترف من اول مره مقبل يعترف هجمت عليه كسرته تكسر
اعترف نفس الحجي الي حجاه حارث ذبيتهم بالتوقيف وطلعت بيهم امر القاضي بالقتل المتعمد ودزينه اوامر يلقون القبض ع شكو واحد اله ايد بمقتل عليه كلهم يصعدون محكمه
القتل المتعمد حكمه اعدام واذا مو اعدام مؤبد بالسجن
رحت غسلت ايدي ودخلت المكتبي بديت اسوي بأوراقهم حتى ارفعه للقاضي
اكثر شي راح ينعدم حارث بس ماتوقع لان ماكو هسه اعدام وهاي الامور ف اكثر شي مؤبد يخيس بالسجن وغسان سجن مؤبد
طلعت من المركز توجهت للفندق كلش تعبان
دخلت للغرفه حته بدون مابدل اول مخليت راسي ع المخده نمت
ساعه بـ ١٠ الصبح ....
دك تليفوني چان من المستشفى اول مشفته كمزت اول مره انام لهيج وقت ، شلت التليفون وجاوبت
الدكتور : سلام عليكم
إدريس: عليكم السلام
الدكتور : المريضة كعدت بس صارت عده حالة هستريا ضربناه ابره مهدئه ورجعت نامت
إدريس : جاي بس مسافة الطريق
من كال كعدت حسيت الدم رجع بجهي هسه يلا اكدر اتنفس عدل كمت ع السريع طبيت سبحت وبدلت ملابسي لان بيه دم
كملت واخذت سويج السيارة والتليفون وطلعت كبل للمستشفى
وصلت لكيته كاعدة بس دتعيط وتبجي
دخلت للغرفه اول مشافتني سكتت
جريت الكرسي وكعدت كباله
إدريس : شلون صرتي ربُى
ربُى : منو قتل علي
إدريس : مو وقت هل موضوع هسه تعبانه انتِ
ربُى : شلون مو وقته واني راح من عندي اخويه الشخص الرباني وكبرني شلوون راح اعيش بدوننننه شنوو حياتي حتصيرر بغيابه اني ماعندي احد بس هوه وين حروح من بعده
إدريس : كله تنحل انتِ بس صيري زينة واوعدج اسولفلج كلشي من اول شي صار الحد المقتل وبعده
ربُى : وعد متكذب علية
إدريس : تنهدت وكلتله وعد
بي هسه لازم تاكلين شي حتى تشربين دوه لان مو زين
ربُى : ماشتهي شي
إدريس : مو هوه بكيفج شتريدين تاكلين احجي
ربُى : سم اريد معليك بية
إدريس : اجييبلج سم بس مو هسه يلا فضيني شتردين لتعاندين
ربُى : ماررررريد شيييي داكلكك عوفنيي بحالييي
إدريس : ماشي
كمت وطلعت من الغرفه رحت اجيبله معلاك لازم تاكل هيج شي حتى تقوة شويه
ربُى : طلع من الغرفه وهوه عصبي صاير كلش
يعني فوك ممهتم بية اني صيحت عليه
بس كلش كلبي مكسور والدنيا باهته بعيني علي راح حتى مدفنته مودعته مثل العالم كلش شتاقيتله شلون راح وعافني وهوه وعدني يبقه ويايه طول العمر شراح اسوي بغيابه ماعرف منو اللي بعد
وره نص ساعه دخل إدريس بيده صينيه صغيره عرفت جاب اكل
تقدم تجاهي كلي كومي عدلي نفسج حتى تاكلين ديربالج تعارضين او تعاندين ، خله الاكل بحضني وفتحه چان تكه ومعلاك
كعد كبالي وكلي اكلي
تكدر ادير وجهك حتى اكل شلون اكل يعني
وانتَ مكابلني
إدريس : ممكابلج ع مود جمالج بس داتأكد فلوس الكباب متروح ابلاش
ربُى : عفيه شكد غثيث انتَ وجهك يسد نفسيتي والله
إدريس : اشكرج والله
بديت اكل بس ع مود العلاج لان صدك ماشتهي بس چان الاكل طيب اني واكل اذكرت علي يحب التكه چان اكو ابجي لا ارادياً
:- صافن علية شلون تاكل عبالك عصفور تاكل الكم صغار صغار هناك وكامت تبجي كمت علية عبالي اختنكت
إدريس : شبيجج ربُى شنو صارر ليش تبجين
ربُى : علي يحب التكه
ادريس : هذا الي بجاج يعني هسه
ربُى : اي
ادريس : طاح حضج اي والله شكد سخيفه
ربُى : ليش عبالك شي سهل ؟ راح من عندي اخويه يعني الدنيا ومابيه يعني سندي وعضيدي منو بقالي مدكلي ماعنديي احد اني بس علي ، وعلي هسه راح وحدي بهاي الدنيا بقيت او ماخذيني وياهم مو احسن شنو اللي حستفاده وحدي بهاي الدنيا لا ام لا اب لا اخ وحدييييي تعرف يعنييي شنو وحديييي
حتى مداكدررر ابچي احس كلبي ميتتت ماتت من زمان من موتت امي كلبي مات وراح وياه وراه مات ابويه وهسه اخويه ، اريد ابچي ع اخويه مداكدر لان ماعندي كلب احس صدري خانكني احس اكو طابوكه عليه ، شراححح اسوييي بدونننن علييي كليي انتَ
:- ماحسيت ع روحي غير واني حاضنه دمعت عيوني عليه احس كلبي انكسر من كلامه ، ماريد اوصف كمية الحزن اللي بداخله لان متنوصف ولا راح اعرف اوصفه
ضليت حاضنه واطبطب ع ظهره وهيه تبچي وتشهك بحركه حتى محاولت اتوخرني لو شي لان محتاجه هذا الحضن هسه اكثر من اي شي بالدنيا ، حاس بيه
دقايق ووخرت راسه من عندي مددت وغطت عيونها بأيديه
شلت الاكل حطيته ع صفحه ووكفت يم الشباك ادخن چكاره ع الرغم من غلط الچكاير بالمستشفى بس محتاجه هسه كلش
_ رفعت ايدي لكيته يدخن يم الشباك ويتنهد يجر حسره ويذب حسره احس روحي صخنت من وره الحضن بس ارتاحيت بنفس الوقت حضنه يذكرني بعلي هم من اضوج واحزن يحضني ومن اسئله ليش يكلي حتى اذبين تعبج بحضني واني اشيله
رجعت ايدي العيوني وغمضت
شويه وسمعته جر كرسي وكعد قريب عليه
إدريس : دفنت اخوج بالنجف
ربُى : ليش بالنجف
إدريس : دفنته يم اخويه
ربُى : عندك اخ ؟
إدريس : اي بعدين اسولفلج من اتصيرين زينه
ربُى : ماشي
عم السكوت بالغرفه بس كطع السكوت دخول الدكتور للغرفه
الدكتور : تكدرين تطلعين اليوم بس تنتبهين ع روحج وتاكلين زين وتشربين دواج بموعده
ربُى : ان شاء الله
ادريس : اني كمت طلعت ويه الدكتور صفيت حساب ربُى ورجعتله
إدريس : يلا امشي
ربُى : مشيت بدون ما عارض لان مابيه حيل امشي اصلاً احس جسمي متكسر وراسي يوجعني وحتى عيوني مغوشه من البچي
صعدنه بالسيارة الطريق كله ساكتين وصلني للبيت قبل ما انزل كتله
ربُى : شكراً ع كلشي مراح انسالك اياه
إدريس : عادي لشكريني مسويت غير العليه
هزيت براسي ودانزل بس استوقفني وكال هذا رقمي من يصير شي دكي عليه ، اخذت الرقم وكتله شكراً ونزلت ضل واكف الحد مدخلت البيت وراه راح
چان البيت كئيب چانت ريحة علي بالبيت
صعدت الغرفتي طبيت اسبح كملت وطلعت توجهت الغرفة علي
طلعت تراك من عنده لبسته واني عيوني متكدر توكف دموع مددت ع الفراش مالته وضليت ابجي بكل حركه
ليش رحت وعفتني شتاقتيلك يكلبي مو جنت ادكلي اميرتي بعد منو يكلي غيرك مو كلت حبقه وياج العمر كله مو كلت مراح اعوفج ليش عفتني يا عيني منو اللي بعد مو تعرفني ضعيفه بغيابك شحسوي بدونك علي كلي شحسوي
محسيت ع نفسي وغفيت بالفراش بدون مانتبه
................
كاعد بالمكتب والتبريد يكفخ بجهي طلعت جكاره ورثته
كل همي ربُى شلون راح تعيش وحدة شلون راح ادبره بعده صغيرة بعده متعرف الحياة شنو شلون حدبره وحده بدون احد وياه
قاطع تفكيري دخول ضابط اسمه سجاد
سجاد : اكلك تذكر قضيه المخدرات والتاجر مو
إدريس : اي ليش
سجاد : حددنه موقعه
إدريس : شلون
سجاد : وهوه حالياً بغداد بس ديريد يطلع للشمال عنده بضاعه حسب موصلنه
إدريس : شحنسوي بهل حاله لعد
سجاد : ننتظر كم يوم يلا نهجم عليهم بس هوه عنده حرس واسلحه واكو شرطه متواطئين وياه وممكن اكو من عدنه لازم نكشفهم يلا نبدي العمليه نخلص من هذول بعدين نبدي بي
إدريس : ماشي
سجاد : ادزلك التفاصيل بملف وكلشي يخص هل تاجر ادرسه زين
إدريس : انتظرك
طلع سجاد من الغرفه اذكرت ربُى مدكت عليه يمكن حتى نست رقمي ، طلعت رحت اجيبله اكل وأودي اله لان اعرف متاكل
رحت اخذتله لفات كص اخذت لحم ودجاج لان ماعرف شتحب ومقبلات ورحتله , وصلت للبيت دكيت بالباب ماكو يمكن بثالث دكه فتحت الباب
لابسه تراك اسود عريض مبين مال اخوه ضايعه بي وشعره مفتوح ومكفش وعيونها ، مورمه من البجي منظرها يخليك تبتسم غصباً عنك
ربُى : اكو حفله وجاي تباع
إدريس : اي حفله مال وحده عيونها مورمه وطايح حض حضه
ربُى : اذا جاي تزعجني ف روح احسلك لان والله مابيه حيل نفسي اصلاً هسه اذا ادكلي موتي اموت
إدريس : هاج هذا اكل اكلي وشربي دواج
ربُى : شكراً ماريد
إدريس : شنو متريدين وفلوسي هيج تروح
ربُى : جريت العلاكه من ايده وكتله يلا روح شكراً
إدريس : مو شكول اكل يلا من تحتاجين شي دكي عليه
ربُى : ماشي
مشه وركب بالسيارة يلا سديت الباب
هل انسان راح يخبلني مره لطيف مره كلش حقير
عنده انفصام بالشخصيه مو مفهوم والله
طبيت وسديت الباب وخليت الاكل ع الميز قررت ادك ع بيبيتي اسولفله ، دكيت اول مره ماكو دكيت ثاني مره يلا شالته
ربُى : شلونج بيبي
سعاد : هلا حبوبه شلونج
لا ارادياً كمت ابچي واشهك
ربُى : بيبي علي مات انقتل
سعاد : شلوووون بيبي مات
ربُى : ماعرف بيبي بس مات جنت بحالة صدمه ف حتى ماعرف حيصيرله شكد
سعاد : يلا بيبي شسوي كلنه ع هل درب
ربُى : اشكرج بيبي متقصرين
سديته واني ميته قهر يعني صدك ماعندي احد معقوله هيج عبالي بيبيتي تاخذني بحضنه ادكلي اني موجودة يمج لديرين بال بس صار العكس
حجت ويايه بكل برود ولا عبالك المات حفيده ولا عبالك اني حفيدتة
بس شتترجه من مره كضته سوالف وضحك افاتحة ابنه ، هوه ابنه مات لبست عليه يومين اسود والثالث لبست احمر ، انتظرها تحن عليه والله اني بطرانه
اريد ادك ع لين اسولفله بس ماكدر احس مو وقته لان هيه مداكه عليه اصلاً ، احس محد اللي ياربي احس وحدي والله
رحت للحمام أغسل واتوضا اريد اصلي اريد اشكي الرب العالمين
فعلاً نصبت السجاده وبديت اصلي كعدت ع السجاده بكل كلمة احجيه اني ابجي وياه ماكو غير رب العالمين الي اكدر اشكيله اريد اكله كلشي بكلبي هوه اللي يسمعني ومستحيل يخيب ظني
كملت صلاة ورحت اشرب مي شفت العلاكه مال اكل اخذته ورحت للخطار خليته بالكاع وفتحته چانت لفات كص ومقبلات وببسي
ضحكت انو انسان غريب ماعرفه يوكفلي وكرايبي من عندي وبيه محد يريدني ولا احد يكول شبيه محد يعرف بينه عايشين لو ميتين
بديت اكل لان ورايه دوه
اكلت لكمتين ورجعت الاكل بالعلاكه وخليته بالثلاجه
اخذت دوايه شربته وشغلت التلفزون بلكي التهي
احس حياتي فارغه مابيه شي حلو
داتفرج چان ايدك تليفوني رقم غريب ممسجل عندي اول مره دك مشلته وثاني مره هم وضل يدك وماشيل بي
بالاخير شلته وماسمع غير بس الصياح
طلع إدريس
إدريس : لجججج ليش مجاوبينننن
ربُى : معبالي انت
ادريس : يعنييي مووو كتلججج سجلييي شبيججج صاطررجج العباس
ربُى : ليش وشكو اصيح طرشته الاذاني
ادريس : صار ست ربُى
ربُى : اي مكتلي شكو داك
ادريس : راح اجيج
ربُى : ليش
ادريس : راح اكلج شغله صار لازم تعرفيه
ربُى : شنو هيه
ادريس : انتِ تعرفيني ...
شنو تتوقعون الي حيصير بحياة ربُى ؟ تتوقعون ادريس راح يعترف بالحقيقه الـ ربُى ؟
.................🤍................
الهنا ويخلص البارت انشاء الله حلو ♥️🤏🏻.