"نـيـران أبو ذيبـة "
بقـلم : نـبأ الـسـلطان
الحـلقه الـ ١٠
..................
غضب : اضرب بي بالصوندة وامي تصيح
شوووف وروح ابوي اشحطك بدمك شوي بعد بالليل اسويلك امتحان ثاني واعلمك شلون تصير مهمل يا ثور بس راسك شكبرة مرربع
كركان :بدموع اييي والله اي اقرى
غضب : فتحت الباب وامي بوجهي صارت ضربتني راشدي
تمونين يمة واخذتني بالثاني گلنة تمونين بس مو هيج
حياة : فرفح گلبي هالغضب موتني وشعل اهلي وولكك يمه راح تموته حرام عليك الله لا ينطيك مو هيج ملخته
فتح الباب وجهة صاير احمر
ضربته راشدي بدون وعي واخذت الثاني هم. وللك ليش هيج شجاك تسودنت علينة غضييب ولك يمة شياك تخبلت
غضب : ااي تخبلت اي شفتي درجاتهم اخر مرة شفتتيهم شلون مزفتينها ومساع اكلهم ولكم قارين هذا ابو صماخ يكوول اي قاري ويجذب النوب صماخة جنه تنور طين
حياة: امشي ولي عن ويهي لا وروح خيون هسة اخليهم يشيلونك للمستشفى جناززة
فتت لوليدي يمةة كركان بعد حيلي كسر بأيدك كون يغضب
كوم بعد امك كووم فدوة اغديلك غسل اليوم انعلك عشيرة عشيرته انت وليدي يبعد امك خلي يولي غسل وجهك وبدل هدومك العليك
غضب : امي عصبت حيل وكله مني تندمت كلش محد يعرف النار البصدري والله هذولي قطعة من لحمي ما يهونلي عليهم مستواهم ينزل وهمه جانوا كله امتياز جنت اعوف قرايتي واقريهم واني عندي امتحان
في سبيل ياخذون درجة عالية ويثبتون نفسهم ويرفعون راسهم حريص عليهم واعرف السويته غلط وعسى ايدي بالكسر النمدت عليهم
قسمة : اكلك انت شنو شو كل ما يالك تصير ثور جنت وليد مؤدب حسك ما يطلع هسة شجاك انحسدت يمه
غضب : افري راسي حبوبة واني اكلج ليش
قسمة : تخفت راسك امشي ولي مساع ضربت حسيون وهسة هالفقير مستقوي عليهم شني والله اجسر راسك بالعصة
غضب : تقربت يمها بست ايدها وشميت شيلتها
لا حبوبة مو هيج تدرين بية اني حريص ودمي فاير وبعينج شفتيهم اخر فترة مستواهم نازل شوية ما اريد فلان وعلتان احسن منهم عصبيتي عليهم مو قوة ولا فخر بس اخيواني هذولة ما يهونلي اشوفهم فاشلين
قسمة : ادري ييمة بس مو هيج لو واحد بيهم صار بي مكروه يفيدة هالحجي الأسلوب اللين له دور ييمة اكعد وياهم ودرسهم وقريهم مو تطكهم
غضب : وعلى اساس اني عايفهم شو اشتغل واكد وادرس واقريهم واعوف قرايتي واقريهم وكل هذا درجاتي ومستواي اعلى بهواي منهم حارم نفسي من الراحة على شنو غير حتى اسويهم زلم
قسمة : فدوة اغديلك يمه بس هونك شوي طول بالك يبعد حيلي طول بالك وما يصح الا الصحيح انتم اسباع
غضب : بيج الخير والبركة حبوبة افري راسي
قسمة : تحوم كبرت ولك مو ياهل انتة وافري راسك
غضب : ياهل حبوبة ياهل ارتاحيتي هيج
بدت حبوبتي تفري بشعري نمت نوم عميق حيل ارتاح من تسويلي هيج
..................... ........
حياة : كسر بايدك يغضيب ها يمة تويعك ايديك
كركان : ها لا صارت زينه ما بيها شي
حياة : اي مشي الثلج عليهن وليدي اجيت دخلت غرفة خالتي
نايم هاا نايم بعد ما كسرتهم نمت ارتاح ضميرك
فزيت امي تحجي بعصبية ..غضب : شبيج حوحو
حياة : اكل تبن ليش هيج سويت باخيوانك انت عدو مو اخو
غضب : يمة يا يمة اني واخواني ننياز ما لج علاقة مصلحتهم مهمة عندي وعلى هاي قرايته والله باجر ييصخمها ويبطل ويكابلج ويكعد انتي شايفه الولد شجاي يصير بيهم لو لا لو تردين اشوفج لا تربية لا اخلاق
حياة : ولكك بس مو هيج كتلته ليش مو يكرهونك ويكرهون الدراسة كلها
غضب : حضنتها وعضيت خدها الايسر. اححح ملوحة بيج
حياة : هههههه ديلا بالله شوف شلون يفر السالفة
غضب : حبيبتي بنيتي امي دنيتي شرياني. السويته غلط واسف منج اذا عليت صوتي اسف اذا اذيتهم واذيت كلبج بس وعيونج الحلوات وغلاتهن كلش احبهن وحريص عليهم ما اريدهم يصيرون فاشلين وهالجاي اتعب على شنو غير حتى ما يلتهون الا بدراستهم
حياة : يبعد امك بس مو هيج والله مو هيج غلط اذية هاي اخيوانك يكرهونك والله مو خطية يناشغ ويبجي اخيك هذا
غضب : خليهم علية اني اعرف شلون اصالحهم
حياة : الله يصلحكم ييمة الله يصلحكم
قسمه : عوفي الولد يأدبهم ، انه وياه بكل قرار بس ما اريد احجي كدامه ..جا الولد صايرين هيج فدنوب لا اخلاق لا شي يطفرون على بنات الوادم وذاك من ذاك اليدرس ويتعب بس اخيهم يعرف شني ما شني خلية
حياة : يمه انه ما يهون عليه اشوفنهم هيج متأذين وهو غضب واسمه علية اذا غضب تنكلب الدنيا على روسنه وروسهم
قسمه : جا شوفي بعد وبعد شراح يسوي
....
اجه يوم امتحاناتهم وامتحنوا وخلصت الامتحانات بس انه احس روحي خلصت مو االامتحانات وكل هذا اني صاب تفكيري وجهدي كله يمهم .. اخر يوم الامتحان طلعت اني وضليت كاعد بلساحه انتظرهم يطلعون طلع حسـن الحمدلله وجهه يبشر بخير يضحك
غضب : هاا شلونك بالامتحان ؟
حسن : اذا مو مية مو قبول فوول اجاباتي
غضب : هههههه عفية ابن ابوك ما ضاع تعبي بيكم نشوف ابو صماخ وين صفة بي الوكت.... شوية وجان يطلع
حسن : ولك خلصت حياتك متأخر يگلك الممرضة من سحبته ساعتين هي تسحب بي حاشر ما يطلع لان راسه مربع شكبررة
غضب : اي ما تشوف صماخة جنة مدگة ثلج
كركان : ديلا هسة انتم الحلوين علساس
غضب : ياهو الگالك اني حلو هالتشونفي املح اجلح هسه احجي جاوبت لو لا؟
كركان : اي ولكم جاوبت
حسن: يلا نروح ميت جووع عمي
غضب : استغربت باوعت الحسن هاي شني
حسن : شني
غضب : اكو واحد يسرفن ردان قميصة هيج موصلة لجتفك صاير جنه بساط ملفوف
كركان : جنة بردة حبوبتي
حسن : ههههه ولك اي مو لان جاوبت تحمست زايد عن الازم
غضب : ردينا للبيت وكعدنا بشرنا امي جاوبنة بلامتحان وهيه كعدت تدعي النه وتنخي ام البنين (ع)
كركان : قررد يدوور
حسـن : قرد مازن
غضب : اي ارتاحوا بعد ماكو درراسه
تمـدد كركـان وسنٕح بلكــاع وكال
_- ااخخ بووية يا بوية شكد ارتاحيت منك ومن صخامك نكتك ..بعدين انتبه على روحـه شنو حجـه ،،
_- ءء.. اعتذذر خوووية مو هيج قصدي
غضـب : الخاطر امشيها الك ، المرة ثانيه ما ارحمك خووش
گركان : خوشات
عطلت المدارس والحمد لله نجحنه كلنه ودرجاتنه جانت كلها تسعينات بس ضوجني كركان عنده مادتين ماخذ بيهن ثمانين
لكن حمدت الله وشكرته لانو رفعوا راسي وحبوتي تشيد بية وانه رجعت الشغلي
طلعت من الغبشة ...للابس ملابس الشغل تنكبت حتى محد يعرفني ويضل يسأل بية سين وجيم وانه اكره التباهي
صبحت عليهم الي وياي يشتغلون لزمت الكرك وبلشت اخبط بلخبطه
الحصو
والرمل
والسمنت
والماي عليهن وضليت اشتغل لحد الضحى وابو ياسر يشيد بشغلي
وهواي ولد حاولوا يتقربون مني بس انه ماحب اسوي علاقات وصداقات بسبب عمامي كرهت كلشي وبس اخوتي وامي وحبوبتي احبهم وهاهيه
جان البيت الي نشتغل بية ثلاث طوابق وعالي واحنه بلطابق الاخير صحتت بصووت عالي .. ياسررر
ما اجاني ، فـ اضطريت أن اني اصعد لفوك الطابق
اخذت وصعدت على الدرج ..والطاسه مليانه سمنت وثكيل اختل توازني على الدرج وحسيت بدوخـه كلـش قـوية
أجـاني صووت يـاسر من وراي وهـو يكـول
يـاسر : اي بلكت توكع وتموت شايف روحك عود انه ابن شيوخ .؟
يتـبع
نـبـأ السـلـطان ...🤍
بنات اني نوهت القصه حقيقه وحسب الاحداث يكون طول البارت تمام