"Cheers!!!"
အရက်တစ်ဝက်ပါသည့်ဖန်ခွက်များသည် လေထဲတွင်စုကာ ခွက်ချင်းတိုက်မိသံများထွက်လာကြသည်။
"Lolipop ရုပ်ရှင် ကောင်းကောင်းထွက်လာနိုင်အောင်ကြိုးစားပါ့မယ်။ သက်ဆိုင်ရာကဏ္ဍကနေ အတူတကွကြိုးစားပေးခဲ့ကြတဲ့ အဖွဲ့သားအားလုံးကိုလည်း ကျေးဇူးတင်ပါတယ်ဗျာ။ ရှေ့လျှောက်ရုံတင်တဲ့အခါကျရင် လူတိုင်းရဲ့ပါးစပ်ဖျားမှာစွဲသွားစေမယ့် ဇာတ်ကားတစ်ကားဖြစ်လာစေရမယ်လို့ ကတိပေးပါတယ်"
"ဟေး....."
မနေ့က ရုပ်ရှင်ရိုက်ကူးရေးအားလုံးပြီးစီးသွား၍ ကနေ့ Lolipop ရုပ်ရှင်အဖွဲ့သားအားလုံး ပြီးမြောက်ခြင်းအထိမ်းအမှတ်နှင့် ဆိုင်ကြီးကြီးတစ်ဆိုင်တွင် Dinner စားဖြစ်ကြသည်။ စားပြီးနောက် အဖွဲ့ငယ်သားများကိုပြန်စေပြီး လူကြီးပိုင်းလောက်သာ ဘားတစ်ခုခုတွင် ဆက်သောက်ဖြစ်ကြသည်။
ဒါရိုက်တာ၊ လက်ထောက်ဒါရိုက်တာ၊ မင်းသားမင်းသမီး၊ ဇာတ်ပို့မင်းသားမင်းသမီးနှင့် တာဝန်ယူထားမှုနည်းနည်းကြီးသည့်သူများပါဝင်သည်။
သက်ထင်လည်း ခုရက်ထဲ စိတ်တွေညစ်နေပေ
မယ့် အလုပ်သဘောအရမငြင်းကောင်း၍ ပါလာရသည်။ ဒီနေ့ပွဲတောင်သိပ်စိတ်ပါမနေ။ သက်ထင်ခေါင်းထဲမှာ ညီညီပဲတစ်ချိန်လုံးရှိနေ၏။
အရင်ကတော့ ညီညီနဲ့သက်ဆိုင်သူဖြစ်နေတာလေးနဲ့တင် ရောင့်ရဲနိုင်ခဲ့ပေမယ့် ခုတော့လောဘကြီးမိလာသည်။ တစ်လောကလုံးမှာ ကိုယ်တစ်ယောက်ပဲ ညီညီ့ကိုချစ်တာမဟုတ်။ တစ်လောကလုံးနဲ့ ညီညီ့ကိုပြိုင်ချစ်နေရတာ။
ညီညီ့ဘဝမှာ ကိုယ့်ကိုပထမဉီးစားပေးထားသည့် ဘဝမျိုးတော့ သက်ထင်မမျှော်လင့်ပါ။ ပရိတ်သတ်ကဉီးစားပေးဖြစ်သင့်တာ သက်ထင်နားလည်သည်။ သက်ထင်ကဒုတိယဖြစ်ရင်တောင် သူ့ပရိတ်သတ်နှင့်အယှဉ်ခံရတာမို့နေသာသည်။ ခုကသက်ထင်က ဒုတိယတောင်ဟုတ်ရဲ့လားမသိတော့။
ညီညီ့ရင်ထဲကို ရောက်မှန်းမသိရောက်နေတဲ့ကောင်တစ်ကောင်ကြောင့် ခုတလော ညီညီနှင့်သက်ထင် ခဏခဏရန်ဖြစ်ရသည်။ ကိုယ်ကသဝန်တိုလွန်းလို့ပေါ့လေ။ ချစ်သူရည်းစားတစ်ယောက်အနေနဲ့ အဲ့လောက်တောင်စွက်ဖက်ပိုင်ခွင့်မရှိတာလား။ ဒီကောင်ကြီးက တစ်ခါမှမချစ်ဖူးတဲ့ပုံစံနဲ့ချစ်လွန်းလို့ သဝန်တိုမိနေတာကို မသိလေသလား။
"သက်ထင်...."
"ဗျ ဗျာ....."
"ဘာတွေတွေးနေတာလဲ.....သောက်လေ"
ဒါရိုက်တာကိုဝေလ (ရှုထောင့်သစ်) လက်လာတို့တော့မှ သက်ထင်အတွေးလွန်နေမှန်း သိသွားသည်။ ရောင်စဉ်က သက်ထင့်ဘေးမှာ။ ခေါင်းဆောင်မင်းသားမင်းသမီးမို့ ဘေးချင်းကပ်ထားသော်လည်း ရိုက်ကွင်းပြင်ပဆိုရင် အလိုလိုသူစိမ်း။
"ဟုတ်"
ကိုဝေလကတော့ ဇာတ်ကားနဲ့ပတ်သတ်ပြီး သူလုပ်ချင်သည့်အစီအစဉ်တွေအကုန်ပြောသည်။ Melody Moon ကုမ္ပဏီနဲ့ဖက်စပ်ရိုက်ထားရတဲ့အခွင့်အရေးကို အကောင်းဆုံးအသုံးချပြီး အာရှကျော်ဇာတ်ကားတစ်ကားဖြစ်အောင် လုပ်မည်ဟု ကတိအထပ်ထပ်ပေးသည်။
မြန်မာ့ Netflix မင်းသားနဲ့ ထိပ်တန်းမင်းသမီးတို့ပါဝင်ထားသည်မို့ ပေါက်ကိုပေါက်မည်ဟုယုံကြည်သည်ဟုလည်း စကားဝိုင်းကိုသူဉီးဆောင်ကာ အားလုံးကိုပတ်ချီးကျူးသည်။ ကိုယ်ကတော့ ပြုံးပြုံးလေးနားထောင်ရုံ။ ကိုယ့်ခေါင်းထဲကိုယ့်အတွေးနဲ့ကိုယ်ရှုပ်နေတာမို့ စကားဝိုင်းထဲမယ် သက်ထင်တစ်ယောက်တည်း မျက်နှာတည်နဲ့အရုပ်တစ်ရုပ်လို။
"ဒါနဲ့ အကြာကြီးနေမှ နှစ်ယောက်အလုပ်အတူပြန်တွဲလုပ်ရတော့ ဘယ်လိုနေလဲ"
ကိုဝေလအမေးနှင့် စကားဝိုင်းအသံတိတ်ချိန်နှင့်တိုးသွားကာ ကိုဝေလအမေးကို လူတိုင်းကြားလိုက်ရလေသည်။ သက်ထင်အာရုံများလည်း ပြန်စုစည်းလာမိကာ ဘေးကရောင်စဥ့်ကိုတစ်ချက်ကြည့်မိသည်။
ရောင်စဉ်ကခေတ်ဆန်ဆန်လေးဝတ်စားထားကာ ဘား၏ညဘက်မီးရောင်အောက်တွင် လှနေသည်။ အမေးခံလိုက်ရသူနှစ်ယောက်စလုံး အကြည့်ချင်းဆုံမိကြပေမယ့် သင်ထင်ကပင်အရင်စလွှဲသွားသည်။
"ရောင်စဉ်တို့က အရင်ကတည်းကအလုပ်တွဲလုပ်ဖူးတာနည်းတယ်လေ။ ပွဲတက်လောက်ပဲအတူတက်ဖြစ်တာ။ ပရော့ဂျက်အကြီးကြီးဆိုရင်တော့ နှစ်ယောက်ဆုံတာ ဒါပထမဆုံးပါပဲ။ ဘယ်လိုနေလဲဆိုတော့ အခက်အခဲတော့ရှိတာပေါ့။ မင်းသားက ကိုသက်ထင်ဖြစ်နေလို့ကို ပိုခက်ခဲတဲ့အခန်းတွေရှိပါတယ် အဟင်းဟင်း"
ရောင်စဉ်ကတော့ အမှန်တိုင်းပြောလိုက်သည်။ ကိုယ့်ဆန္ဒကိုသိသွားစေချင်သလို ကိုယ့်ဘက်ကလွန်ကဲတာမျိုးကိုလည်းမရိပ်မိစေရအောငိ စကားအသွားအလာလေးထိန်းပြောလိုက်သည်။
သူဖြစ်နေလို့ခက်ခဲပါတယ်ဆိုတာ အလုပ်သဘောလို့စဉ်းစားလိုက်ရင်တောင် သူနဲ့ပတ်သတ်ရင်အလိုလို အနေအမ်းမိလာတာ၊ သူနဲ့ပြန်ပတ်သတ်ရမှာ ကိုယ့်အတွက်စိတ်လှုပ်ရှားမှုလေးတော့ဖြစ်သွားတာ စသဖြင့် အနည်းငယ်လေးတော့ပြလိုက်ရာရောက်ပါသည်။
"ဒါဆို သက်ထင်ကရော"
"ကျွန်တော်လည်း သူ့လိုပါပဲ။ တစ်ချို့အခန်းတွေရိုက်ကူးရတာ အတော်ခက်ခဲခဲ့ပါတယ်။ အဆိုနယ်ပယ်က လူတစ်ယောက်အတွက်တော့ ရောင်စဥ့်ဆီကအများကြီးသင်ယူလိုက်ရပါတယ်"
အို.....။ သူလည်းခက်ခဲတယ်တဲ့လား။ ကိုသက်ထင်လည်း ရောင်စဥ့်လိုအနေခက်တာမျိုးရှိတာလား။ ရောင်စဥ့်လိုရောခံစားရသေးလား။
ဒါဆိုဘာလို့ နည်းနည်းလေးတောင် နွေးထွေးမှုမရှိတဲ့ မျက်နှာကြီးဖြစ်နေရတာလဲကွယ်။ လူရှေ့သူရှေ့မို့ရှက်တယ်ဆိုရင်လည်း ကွယ်ရာမြှပပေါ့။ ကွယ်ရာလည်း ထိုနည်းလည်းကောင်းပါပင်။
ကိုသက်ထင်က ပြောစကားနှင့်မညီအောင်ကို အနေစိမ်းလွန်းသည်။
"ခေါင်းဆောင်မင်းသားမင်းသမီးက မင်းတိူ့နှစ်ယောက်ဖြစ်နေလို့ကို ဒီဇာတ်ကားကပေါက်မှာ။ မင်းတို့ကိုပြန်မြင်ချင်တဲ့ ပရိတ်သတ်တွေချည်းပဲလေ"
ကိုသက်ထင်ကပြုံး၍ ရောင်စဉ်ပါလိုက်ပြုံးသည်။ တကယ်ကိုပြုံးရုံလေးပဲ။ မျက်လုံးလေးတောင် ရောင်စဥ့်ဘက် အကြည့်လည်မလာပေ။ ရောင်စဉ်တို့နှစ်ယောက်ကိုအတူမြင်ချင်ကြတယ်လို့ တစ်ခါကြားရတိုင်း ရောင်စဉ်ကတော့ပျော်တယ်။ ကိုသက်ထင်ကတော့ အရုပ်တစ်ရုပ်ထက်မပို။ ခါတိုင်းပုံစံနှင့်မတူဘဲ မျက်လုံးတွေငိုင်းစင်းနေရလောက်တဲ့အထိ သူဘာတြွေဖစ်နေပါလိမ့်....။
ရောင်စဉ်တို့ကို ရင်ခုန်သံတြွေပန်နွှေးပေးသည့်စကားတွေပြောခံနေရတာကိုတောင် သူ့မျက်လုံးတွေကအေးဆေးလွန်းပြီး ပုံမှန်ဖြစ်လွန်းတာမြင်ရတာ ရောင်စဉ်ခံစားမိပါသည်။ ကိုသက်ထင်ရင်ထဲမှာ ရောင်စဉ်ရှိနေသေးတာလား မရှိတော့တာလား။
........
သက်ထင်အတော်ရေချိန်ကိုက်နေခဲ့ပြီ။ အရက်သောက်နိုင်ပေမယ့် ဒီညတော့ လစ်မစ်ကျော်သည်အထိ မူးနေအောင်ကိုသောက်ခဲ့သည်။ သက်ထင်ခေါင်းထဲမှာ အတွေးထဲမှာ အလျားအနံဧရိယာ အစအဆုံးမရှိနေရာယူထားသည့်သူတစ်ဖြစ်လဲ သက်ထင့်ရင်ကိုအကြိမ်ကြိမ်နာစေသည့်သူကို တစ်ညတာတော့မေ့ချင်၍ မူးနေအောင်သောက်ခဲ့သည်။
မူးနေသည့်ကြား အသိတစ်ချက်ရချိန်တွင် ကားပေါ်ရောက်နေမှန်းသိလိုက်သည်။ တစ်ယောက်ယောက်မောင်းပို့နေတာပဲလား သူ့အိမ်ကလာခေါ်တာပဲလားတော့မသိ။ မျက်လုံးပင်ကျယ်ကျယ်မဖွင့်နိုင်။
သေချာတာကတော့ သူ့ကားနံ့မဟုတ်ဘူးဆိုတာပင်။ အသိစိတ်မလွတ်တလွတ်ကြားက ခွဲခြမ်းစိတ်ဖြာနေကြည့်မိသည်။
"Just give me a reason..... Just a little bit's enough..... "
သီချင်းသံသဲ့သဲ့ကိုကြားသည်နှင့် သက်ထင်မျက်လုံးတွေ ချက်ချင်းပွင့်လာ၏။ ကိုယ်စီးနေသည့်ကားထဲက ဖွင့်နေခြင်းမို့ သီချင်းတစ်ပုဒ်ကပင်လျှင် သူ့အသည်းများကိုနာကျင်လာစေသည်။
ကိုယ်တို့ နှစ်ယောက်ဆက်ဆံရေးစတင်ခဲ့တဲ့ အခြေပြုရာသီချင်းပင်မို့ သီချင်းတစ်ပုဒ်၏လှုံ့ဆော်နိုင်စွမ်းက သူ့နှလုံးသားကိုနာကျင်လာစေသည်။ လူကမူးနေသော်လည်း နာကျင်မှုဒဏ်ရာကိုတော့သိသည်။
တစ်ချိန်တည်းမှာပင် ညီညီ့ကိုသတိရလာသည်။ ခုချက်ချင်းတွေ့ချင်မိလောက်အောင် လွမ်းဆွတ်လာသည်။ သူနဲ့ကိုယ်ရေမြေတြွေခားနေတာမို့ သက်ထင်ဆန္ဒတွေမဖြစ်နိုင်ပေမယ့် ရင်ထဲမှာမနေနိုင်အောင်ကိုတွေ့ချင်နေမိသည်။ ဖြစ်နိုင်ရင် ခုတလောအချေအတင်ဖြစ်ခဲ့သမျှ ကိစ္စအားလုံးကိုမေ့ပစ်ပြီး ညီနဲ့အတူ တစ်ကပြန်စချင်မိသည်။
အသက်ရှူကြပ်လာ၍ မှန်တံခါးဘက်ခေါင်းစောင်း၍ မှန်အောက်ချလိုက်ရင်ပဲ လေတွေဝင်လာပြီး သက်ထင်ဆံပင်တွေလေပေါ်ပျံကုန်ကြသည်။ မွန်းကြပ်သမျှ လေနှင့်အတူပါသွားပါစေ။ အောက်ဆီဂျင်ပြန်ရလာ၍ မူးတာအနည်းငယ်လျော့သွားသလို။
"အတော်မူးနေတာပဲ ဘာလို့အဲ့လောက်သောက်ရတာလဲ"
တစ်ဖက်လူဆီကအသံထွက်လာသည်။ Driver seat မှာကားမောင်းနေတဲ့သူ ဘယ်သူမှန်း သူခုထိမသိသေး။ သက်ထင်ကြည့်လိုက်တော့ အမြင်အာရုံတွေဝေဝါးနေသည်မို့ မသည်းကွဲ။ မျက်ကြောတွေတွန့်ကြည့်သည်၊ မျက်ခုံးမှေးကြည့်သည့် သည်းသည်းကွဲကွဲပေါ်မလာ။
"ဘာတွေအဲ့လောက်ကြည့်နေတာလဲ"
အမြင်အာရုံတဖြည်းဖြည်း ကြည်လင်လာချိန်တွင် သင်ထင်မြင်လိုက်ရသည့်မျက်နှာသည် ယုံတောင်မယုံနိုင်စွာ။
တကယ်.....။ တကယ်ကြီး ညီလား.....။
ညီညီကသူ့ဘေးမှာတကယ်ရောက်နေတာလား။ မဟုတ်နိုင်ဘူး မဖြစ်နိုင်ဘူး။ သူမူးနေလို့လျှောက်မြင်နေတာဖြစ်မယ်၊ သူအိပ်မက်မက်နေတာဖြစ်မယ်၊ စိတ်စွဲနေလို့မြင်ချင်ရာမြင်နေတာဖြစ်မယ်။ နိုးစမ်း နိုးစမ်း။ သက်ထင်အားယူပြီးတစ်ခါထပ်ကြည့်လျှင်ပဲ ညီ့မျက်နှာလေးကိုပင်ထပ်မြင်ရလေသည်။
"အိမ်ပြန်ပို့ပေးနေတာ။ အစ်ကိုအိပ်ချင်အိပ်လိုက်လေ"
သက်ထင် ကားမောင်းနေသည့်ညီ့လက်တစ်ဖက်ကို ဖမ်းကိုင်လိုက်သည်။ ညီ့လက်များကအေးနေသည်။
"အစ်ကို.....ကားမောင်းနေတယ်လေ"
သက်ထင်လက်ကိုမလွှတ်မိပါ။ သက်ထင်လက်ထဲက ထပ်ပြီးလွတ်ထွက်မသွားတော့အောင် ဖမ်းဆုပ်ပဲထားချင်မိသည်။
"လွမ်းနေတာ....ကိုယ်လွမ်းနေတာပါ"
ကားသည် လမ်းဘေးတစ်နေရာတွင်ထိုးရပ်သွားသည်။ ဘရိတ်မှမနင်းရင် ဘယ်လိုမှမဖြစ်တော့၍။
သက်ထင်နှင့်ညီညီ အကြည့်ချင်းအကြာကြီးဆုံမိကြသည်။ ညီ့မျက်နှာလေးကကြည့်မဝ။ သက်ထင်ကိုအချစ်တွေရွှန်းနေတဲ့အကြည့်တွေနဲ့ကြည့်နေတာမို့ သက်ထင်မခံနိုင်တော့စွာ ညီ့မျက်နှာလေးကိုဆွဲယူပြီး နမ်းပစ်လိုက်သည်။
"အင့်.... ကို.... ကို....အင့်"
ညီကရုန်းနေသည်။ ငြိမ်နေပေးပါ ညီ။ ကိုယ့်အနမ်းတွေကို ညီနှစ်သက်တယ်ဆို။ ကိုယ်နမ်းချင်တယ်ဆိုရင် အချိန်မရွေးနမ်းမယ်ဆို။ ခုဘာလို့ရုန်းနေရသလဲ။ မတူတော့ဘူး.....။.
ဒီနေ့မင်းပူံစံကအရင်ကနဲ့မတူဘူး။ မင်းအနမ်းတွေကလည်းချိုမြိန်မနေဘူး။
ဒါ ဟိုကောင့်ကြောင့်.....။ မရဘူး မင်းကိုငါပိုင်တယ်ဆိုတာ ခုညသိစေရမယ်။ မင်းကို ငါ့အပိုင်တံဆိပ်ကပ်နှိပ်ပေးမယ်။
မင်းကိုငါအလွတ်မပေးတော့ဘူး ညီ.....။
ညီကအတင်းရုန်းသော်လည်း သက်ထင်အားကိုမယှဉ်နိုင်ဘဲ သက်ထင်အောက်တွင်ကျရှုံးရလေသည်။ မူးနေသော်လည်း အပိုင်ရလိုဇောအားနှင့် သက်ထင်သည် ကျားတစ်ကောင်နှယ် အားအင်တွေဟုန်းထနေခဲ့သည်။ သက်ထင်သိသည်က ဒီလိုလုပ်လိုက်လို့ ညီညီ့ပေါ်မှာဒဏ်ရာပေးသလိုပဲဖြစ်သွားမယ်ဆိုတာ...။ မတတ်နိုင်။
လမ်းဘေးတစ်နေရာ ညဘက်မင်းကြီးရပ်ထား
သည့်ကားတစ်စီးထဲတွင် အချိန်အတော်ကြာသည်အထိ လှုပ်ရှားမှုတစ်ချို့ ရှိနေခဲ့ပါ၏။
တားဆီးမှုအသံအချို့လည်း အရာမဝင်တော့.....။
"အင့်.... မလုပ်....မလုပ်ပါနဲ့ ....ကိုသက်ထင်....."
...........
"Artist-K အဖွဲ့ဝင် Eagle သည် စိတ်ကျရောဂါခံစားနေရသည်မှာ အချိန်ကြာမြင့်ခဲ့ပြီဖြစ်ရာ ယခုကျန်းမာရေးအတော်ထိခိုက်နေ၍ အဖွဲ့လှုပ်ရှားမှုများမှ အချိန်အကန့်အသတ်မရှိရပ်နားမည်ဖြစ်သည်"
ညီညီ့ကျန်းမာရေးအကြောင်းကို Official ချပြလိုက်ပြီဖြစ်ရာ သတင်းခေါင်းစဉ်ကြီးပိုင်းတွင်ပင် ပါလာခဲ့လေသည်။
မရှေ့မနှောင်း Dating ကောလာဟာလများကိုငြင်းပယ်ပြီးနောက် ကျန်းမာရေးသတင်းထုတ်ပြန်လိုက်သည့်အတွက် ပရိတ်သတ်များဆီမှ မှတ်ချက်ကောင်းများပြန်ရလာခဲ့သည်။ အကန့်အသတ်မရှိရပ်နားမည်ဟုဆိုသည်မှာ ညီညီ့အတွက် အချိန်ယူရန်လိုအပ်၍သာဖြစ်ပြီး ဖန်များအတွက်တော့ ဒဏ်ခတ်လိုက်သလိုနှယ်ဖြစ်သွားကြသည်။ သူတို့အတွက်ပြင်ဆင်ချိန်မရလိုက်သည့်နှယ် ဝမ်းနည်းပူဆွေးကုန်ကြ၏။
အထင်လွဲအမြင်လွဲကြချိန်တွင်သာ ကိုယ့်ဘက်မရှိကြသည် စိတ်ကျရောဂါခံစားနေရသည့် သူတို့ Idol တစ်ခုခုလုပ်လိုက်မှာကိုတော့ သေမလောက်ကြောက်ကြပါသည်။ ဘယ်အချိန်အထိမမြင်ရမလဲမသိ၍ ကျန်းမာရေးအားပေးစကားပြောရုံကလွဲရင် သူတို့လည်းမတတ်နိုင်ကြ။ ညီညီလည်း ပြန်ကောင်းဖို့အတတ်နိုင်ဆုံးကြိုးစားရပါမည်။
ညီညီ ဆေးရုံကဆင်းလာခဲ့ပါပြီ။ သတိရပြီး နောက်တစ်နေ့ပဲဆင်းလာခဲ့သည်။ မန်ဘာတွေကတော့ အချိန်ဇယားပြီးမှ လာမည်ဟုပြောသည်။ ညီညီကတော့ အချိန်ဇယားတွေကနေ အနားယူထားပြီမို့ လတ်တလောဘာမှလုပ်စရာရှိမနေပေ။ ရှိရင်တောင် ဇေကခွင့်မပြု။
"ပေးတော့ ဖုန်း....စာတွေဖတ်ပြီးဝမ်းနည်းနေပြန်ပြီလား"
"မဟုတ်ပါဘူး ဇေရဲ့။ ငါကဝမ်းသာနေတာပါ။ ငါ့ကိုစောင့်ပေးကြမယ့် ပရိတ်သတ်တွေအများကြီးရှိနေတယ်လေ။ အင်း.... အနားယူလိုက်ရတော့ ခေါင်းပေါ်မှာပေါ့သွားသလိုပဲ"
"အင်းပေါ့ လုံးဝနေပြန်ကောင်းမှ အဖွဲ့ထဲပြန်ဝင်ရမှာနော်။ အဲ့မတိုင်ခင်အထိ ငါပြောသမျှကိုပဲ နားထောင်ရမယ်"
"မင်းကယုံရလို့လား"
ညီညီ ပြီတီတီမျက်နှာထားနဲ့ပြောသည်။
"ဘာလဲ ခုထိမယုံသေးဘူးလား။ မယုံလည်းနေလေ။ ကိစ္စမရှိဘူး"
"ကိစ္စမရှိဘူးဆိုပြီး မျက်နှာကဘာဖြစ်သွားတာလဲ"
ဇေက အဝတ်တွေခေါက်နေသည်။ ညီညီ့ကိုလှည့်မကြည့်။ ဇေ့ပုံစံကိုကြည့်ပြီး ညီညီအူယားလာရတော့သည်။
"ဟေ့ စတာလေ။ ဇေ့ .... မင်းကိုပဲယုံတာလို့။ မင်းကိုပဲယုံတော့တာလို့။ မင်းပြောတာမှန်သမျှ အကုန်နားထောင်တော့မှာလို့"
"မင်းကို ဘယ်သူကမေးလို့လဲ"
"ဘာ...."
ညီညီပြန်အဆော်ခံလိုက်ရ၍ မျက်နှာကြီးရှုံ့သွားသည်။
"မင်းကအကောင်းပြောလို့မရဘူးပဲ"
ပြောရင်းဆိုရင်း အိပ်ရာပေါ်ကနေထလာသည်။ ကြမ်းပြင်ပေါ်အဝတ်ခေါက် မီးပူတိုက်နေသည့် ဇေ့နားလာပြီး လက်မောင်းကိုလာလိမ်ဆွဲသည်။
"ငါ့စကားနားထောင်မယ်ဆိုတာသေချာလား"
"သေချာတယ်"
အရုပ်တစ်ရုပ်လို ပြန်ဖြစ်သွားပြီ။
"အဲ့တာဆို ပျော်ပျော်နေ။ ငါနဲ့ပျော်စရာများများလုပ်။ စိတ်ညစ်စရာတွေမတွေးနဲ့။ တွေးမိရင်ခေါင်းထဲကချက်ချင်းထုတ်ပစ်။ ကုသမှုကိုအမြဲတမ်းအချိန်မှန်ခံယူရမယ်။ မငြင်းရဘူး။ ခုန်ပေါက်မဆော့ရဘူး။ မောစေမယ့်အရာတွေမလုပ်ရဘူး။ ဇာတ်ကားကြည့်ရင်တောင် အငိုအလောင်ကားတွေမကြည့်ရဘူး။ ဖုန်းကိုငါမသိပဲမသုံးရဘူး။ ပြီးတော့....."
ညီညီကပြုံးပြုံးလေးကြည့်နေသည်။ တကယ့်အဘိုးအိုပေါက်စလေးလိုပဲ ပွစိပွစိပြောနေတာ။
ညီညီ့ဘဝကို ဝင်ရောက်စွက်ဖက်ထိန်းချုပ်ပြီး ညီညီ့အတွက်ညွှန်ကြားပေးနေတာမျိုးကို ညီညီသဘောကျမိနေတာ။
"ပြီးတော့ ဘာဖြစ်လဲ"
"ပြီးတော့ အင်္ကျီခေါက်မီးပူတိုက်"
"ဟင် ဘာဆိုင်"
"ဆိုင်တယ်.....နေမကောင်းလို့ဆိုပြီးအပျင်းထူလို့တော့မရဘူး။ ဒီနေ့ကစပြီး ကိုယ့်အလုပ်ကိုယ်လုပ်။ ရော့ ခေါက် အဝတ်"
ဇေ တမင်အနိုင်ပိုင်းပြီးထွက်လာခဲ့သည်။ ကောင်လေးတစ်ယောက်တော့ အံကြိတ်ပြီးကျန်ခဲ့တော့မည်။ ညီညီနဲ့ခုလိုစနောက်နေရတာ ဟိုးအရင်ကအချိန်တွေကိုပြန်ရောက်သွားသလိုပဲ။
အထက်တန်းတုန်းကအချိန်တွေလိုပေါ့ပေါ့ပါးပါးနဲ့ မရယ်မောနိုင်ခဲ့တာကြာပြီ။
ကိုယ့်ကို ပြန်လည်းပြောချင် ပြန်လည်းမပြောရဲသည့်ကောင်လေးကို ပျော်အောင်ထားရမှာ သူ့တာဝန်ဖြစ်ခဲ့လေပြီ။
"တူ တူ"
ညီညီ့ဖုန်းမြည်လာသည်။ ထင်သည့်အတိုင်း ဟိုတစ်ယောက်ဆီက။ တော်သေးသည် ဖုန်းကိုဇေယူလာလို့။ ညီညီခုလိုပစ်လဲသွားရခြင်းမှာ သက်ထင်ရဲ့စိတ်ဒဏ်ရာပေးမှုတွေအများကြီးပါသည်။ ဖုန်းကိုသာ ညီညီကိုင်လိုက်ရင် ဘာတြွေဖစ်သွားမလဲမတွေးရဲ။
ဇေလည်းတမင်မကိုင်ဘဲထားလိုက်သည်။ ခေါ်ပလေ့စေဉီး။ နောက်တစ်ကြိမ်ပြန်ဝင်လာသည်။
မကိုင်မချင်းခေါ်မည့်ပုံ။
သုံးခါလောက်ခေါ်ပြီးမကိုင်တော့ စာဝင်လာသည်။
"ညီရေဖုန်းကိုင်ပါဉီး အရေးကြီးကိစ္စမို့လို့"တဲ့။ ဇေတောင်တွေးဆဆဖြစ်သွားသည်။
"တူ တူ"
ဇေ ဖုန်းကိုင်လိုက်ရင်ပဲ သက်ထင့်ဆီကအသံတွေတရစပ်ဝင်လာသည်။
"ညီ....ညီခုဘယ်မှာလဲ။ ညီမြန်မာပြည်ကိုပြန်ရောက်နေတာမလားဟင်။ ညက ကိုယ့်ကိုလာတွေ့ခဲ့တယ်မလား"
စိုးရိမ်တကြီးဖြစ်နေပြီး အလျင်လိုသံတွေမို့ ဇေဘာဖြစ်နေသလဲဆိုတာတောင်တွေးမရ။ ညီညီက ကိုရီးယားမှာပေါ့။ ဘယ်မှာရှိရမလဲ။ ဘာတွေမေးနေတာလဲ။
"ညီ ဖြေပါဉီး။ အခုဘယ်မှာလဲလို့"
"ငါပါ ဇေသုခရယ်"
"မင်းကဘာလို့ သူ့ဖုန်းကိုကိုင်တာလဲ"
လေသံချက်ချင်းပြောင်းသွားလေသည်။
"မင်း ညီညီ့သတင်းကိုမတွေ့သေးဘူးလား။ ညီညီကျန်းမာရေးမကောင်းဘူး။ အာ့ကြောင့်ဖုန်းပေးမသုံးဘူး"
"ဘာ....ညီညီကျန်းမာရေးမကောင်းဘူးဟုတ်လား။ ဘာဖြစ်တာလဲ။ တော်တော်ဆိုးလား ခုရောသက်သာရဲ့လား"
"အပြည့်အစုံသိချင်ရင်သတင်းဖတ်လိုက်ပေါ့။ မင်းဘာတွေမေးနေလဲမသိပေမယ့် ညီညီကမြန်မာပြည်မှာမဟုတ်ဘူး။ ညကလည်းငါနဲ့တစ်ညလုံးရှိနေတယ်။ ဒါကိုအတည်ပြုချင်တာမလား"
တစ်ဖက်မှအသံပြန်မလာတော့ပေ။ ကိစ္စအကြီးကြီးတစ်ခုရှိနေသည်ထင်သည်။ အသံတော်တော်နှင့်ပြန်မလာ၍ ဇေဖုန်းချလိုက်သည်။ ညီညီ့ကိုထိခိုက်မယ့်ကိစ္စမျိုးတော့မဖြစ်စေနဲ့ သက်ထင်။ ငါမင်းကို ခွင့်မလွှတ်ဘူး။
.........
"ပြောပါတယ် ညက ကိုကို့ကိုပြန်ပို့တာ ရောင်စဉ်ပါလို့။ ညီညီမဟုတ်ပါဘူးဆို။ ငါကိုယ်တိုင် ကိုကို့ကိုထွက်ကြိုရတာပါဟယ်"
သက်နှင်းက မိုးပြိုနေသည့်မျက်နှာနှင့်ပြောသည်။ သက်နှင်းလည်း ထင်သည့်အတိုင်း မှားယွင်းသွားတာကို လက်မခံချင်သည့်ဟန်။ သက်ထင်ကိုစိတ်ပျက်အားလျော်ခြင်းမှားစွာဖြစ်နေသည်။
" ဒါနဲ့ သတင်းဖွင့်ကြည့်ပါဉီး"
"ဘာသတင်းတွေဖွင့်ခိုင်းနေတာလဲ။ ခုအချိန်မှာသတင်းကြည့်ချင်နေသေးလို့လား"
"မဟုတ်ပါဘူးဟာ....။ ညီညီနေမကောင်းဘူးပြောတယ်။ ဘာဖြစ်တာလဲသိချင်လို့ပါ"
ထိုအခါမှ သက်နှင်းလည်း လိုင်းဖွင့်ကြည့်သည်။ တန်းမြင်ရသည်ကတော့ ညီညီ့ကျန်းမာရေးသတင်းပင်။ ကုမ္ပဏီဘက်က အတည်ပြုထားသည့် ညီညီ့ရောဂါကိုမြင်ပြီး မောင်နှမနှစ်ယောက်စလုံးဆွံ့အသွားတော့သည်။ "စိတ်ကျရောဂါ"တဲ့လား။ ယုံတောင်မယုံနိုင်။ ဘယ်လောက်တောင်စိတ်ဓာတ်ကျ စိတ်ဆင်းရဲခဲ့လို့ စိတ်ကျရောဂါဖြစ်ရတဲ့အထိပါလိမ့်.....။
"ညီညီရောဂါက ငါ့ကြောင့်များဖြစ်နေမလားဟာ"
"ခု ဘာဆက်လုပ်မှာလဲ ကိုကို"
သက်ထင်ပုံစံသည် ယူကြုံးမရသည့်ပုံဖြစ်နေသည်။ ညကသူမူးနေသည်။ မူးမူးနဲ့ လူချင်းမှားပြီး အမှားလုပ်ခဲ့သည်။ တောက်.... တဏှာရာဂကောင်၊ သောက်ကျင့်မကောင်းတဲ့ကောင်၊ ရွံစရာ အောလီကောင်။
သက်နှင်းက ညကအိမ်တံခါးဖွင့်ပြီး အခန်းထဲထိလိုက်ပို့ရ၍ ဘယ်သူလိုက်ပို့သလဲဆိုတာအကုန်သိနေသည်။
သက်နှင်းလည်း မြင်လိုက်ရတော့အံ့သြသွားတာ။ ကိုယ့်အစ်ကိုကမူးနေပြီး လိုက်ပို့တဲ့သူရောင်စဉ်ဖြစ်နေလို့။ ညကရောင်စဥ့်ပုံက ပုံမှန်ပေမယ့် ပုံမှန်မဟုတ်ဘူးလို့သက်နှင်းထင်ခဲ့တာ။ ခုမနက်ကိုကို့ဆီကဖြောင့်ချက်ရအပြီးမှာ ယုံသွားတော့သည်။
ကိုကိုအရူးက နိုးလာလာချင်း ညီညီဘယ်ရောက်သွားလဲဆိုတာချည်းမေးနေလို့ ပြောမိရင်းကနေ အမှားတြွေဖစ်ကုန်ကြတယ်ဆိုတာသိရတာပင်။ ဘယ်လောက်တောင်မူးနေလို့ လူချင်းတောင်မှားမြင်ရတာလဲ။ ဘယ်လောက်တောင်တဏှာကြီးနေလို့ လူတစ်ယောက်ကိုကားထဲမှာတင် ပြစ်မှားဖို့ကြံရွယ်ရတာလဲ။ ညီညီမဟုတ်တဲ့တခြားတစ်ယောက်ပေမယ့် စိတ်တွေကညီညီဆိုပြီးမှားခဲ့တာမလား။ အဲ့တော့ နှစ်ယောက်တောင်ပြစ်မှားခဲ့တာပေါ့။
ဒါကိုရောင်စဉ်က အိမ်အထိလိုက်ပို့သွားသေးတာ။ လမ်းဘေးတင်ဖြစ်သလိုဖျက်ဆီးခံလိုက်ရတဲ့ မိန်းမသားတစ်ယောက်ရဲ့မာနလို့ပြောရမလား တကယ်ဘာမှမရှိခဲ့တဲ့ပုံစံနဲ့ မျက်နှာကိုခပ်တင်းတင်းထားပြီး အိမ်အထိလိုက်ပို့သွားတာ။ ရောင်စဥ့်လိုမိန်းမမာနအရ ဒီကိစ္စကြောင့်နဲ့ နှစ်ယောက်စလုံးခြေချုပ်မိအောင်လုပ်မှာမဟုတ်ဟုထင်သည်။
သို့သော် အမှားကအမှားပဲ။ ကျူးလွန်ထားတဲ့အမှားတစ်ခုကို တာဝန်ယူရမှာပဲ။ လူပဲမှားမှား
ကိုယ့်မဆင်မခြင်လုပ်ရပ်တစ်ခုကို တာဝန်ယူမယ်လို့တော့ထင်တာပဲ။ ညီညီ့ကို သက်နှင်းအားနာလိုက်တာ။
"မသိတော့ဘူးဟာ"
"ဘာကိုမသိတာလဲ....မသိလည်းလုပ်စရာကတစ်ခုတည်းပဲရှိတော့တာ"
သက်ထင် သူ့ညီမကိုမော့်ကြည့်လိုက်သည်။ ဘာလုပ်ရမလဲကိုမသိတော့အောင် ရှုပ်ထွေးနေချိန်မှာ သူ့ညီမဆုံးဖြတ်ချက်တစ်ခုက သူ့အတွက်အလင်းတန်းတစ်ခုများဖြစ်လာမလား။
"ကိုယ်ဝန်ရတာမရတာအသာထား။ ကိုကိုက မိကောင်းဖခင် သားသမီးတစ်ယောက်ဖြစ်တဲ့အတွက် တာဝန်ယူမှုတာဝန်ခံမှုအပြည့်ရှိတဲ့ အမျိုးကောင်းသားတစ်ယောက်ဖြစ်နေရမှာ"
"ဒါပေမယ့် ညီညီ...."
"ကိုကို ညီညီ့ကိုထည့်စဉ်းစားစရာမလိုတော့ဘူး။ ကိုကိုနဲ့ရောင်စဉ်ကမသက်ဆိုင်တော့သူတွေလေ။ ချစ်သူရည်းစားအဖြစ်နဲ့ မှားကြတာမဟုတ်ဘူး။ ဘာမှမဆိုင်တော့တဲ့သူတွေအဖြစ်နဲ့.မှားကြတာမို့လို့ ကိုကိုကဖောက်ပြန်သူပဲ။ ရောင်စဥ့်ဘက်က ဘာမှမဖြစ်ပါဘူးလို့ပြောရင်တောင် ညီညီ့ဘေးမှာ တစ်စုံတစ်ယောက်နဲ့မှားထားဖူးတဲ့ ကိုကိုကလိပ်ပြာလုံနိုင်ရဲ့လား"
"ဟင့်အင်း"
"ကိုကို ညီညီ့ကိုမေ့လိုက်တော့။ ညီညီနဲ့လမ်းခွဲလိုက်တော့။ ညီညီရောဂါအကြောင်းကိုလည်းသိနေတာပဲ။ ထုတ်ပြောလို့တော့မရသေးဘူး။ ဒါပေမယ့် အချိန်နှောင်းမှသိရင်ပိုဆိုးသွားလိမ့်မယ်"
"ဒါဆို ငါဘာလုပ်ရမလဲ"
"ဘာလုပ်ရမလဲ.....ဇေသုခနဲ့တိုင်ပင်ရမှာပေါ့"
"ဘာ....."
သက်ထင်အသံကခပ်ပျော့ပျော့။ ဒီတိုင်းသေသွားတာကမှပိုကောင်းဉီးမည်။ ဇေသုခကို ဒီလိုစကားတွေပြောရမှာလောက် သက်ထင်ရှက်တာမရှိဘူး။ ညီညီ့အတွက် တိုင်ပင်ရမှာပေမယ့် ညီညီ့အုပ်ထိန်းသူအဖြစ် တိုင်ပင်ရမယ့်သူက သူဖြစ်နေလို့ကို သက်ထင်ရှက်တာ။ ကိုယ်ကိုယ်တိုင် သူ့ရှေ့မှာ"ငါရှုံးပါပြီ"လို့ ကြေငြာလိုက်နိုင်မလား။
သက်ထင်အသည်းတွေကွဲနေရပါပြီ။ အချိန်တွေနောက်ပြန်ဆုတ်ပေးကြပါဗျာ။ သူ့ကိုအသိစိတ်ဝင်အောင် တစ်လောကလုံးကစီရိုက်ပေးကြစမ်းပါ။ အမှားတစ်ခုကိုလွယ်လွယ်နဲ့ကျူးလွန်တဲ့ သူ့ကိုသေအောင်သတ်ပေးကြစမ်းပါဗျာ။ ညီညီ့ကိုအပိုင်ကြံတဲ့စိတ်မွေးမိတဲ့ သူ့ကိုကြိုက်သလောက်အပြစ်ပေးကြစမ်းပါဗျာ။
ညီညီနဲ့မခွဲရဖို့ ဘာမဆိုလုပ်ပါမယ်လို့ကြိမ်းဝါးခဲ့တာ ညီညီ့ဘက်ကမခွဲခွာဘဲ ကိုယ့်ဘက်ကအရင်စတင်ရတော့မယ်လို့ပဲ...။ သက်ထင်ရူးတော့မယ်။
မကောင်းတဲ့ကောင် အသုံးမကျတဲ့ကောင် နွားကောင်။
ကိုယ့်ကိုယ်ကိုယ်ကျိန်ဆဲလည်း မဖြေသာတော့။
သက်ထင်ရင်ထဲမှာငိုကြွေးဖို့မျက်ရည်တြွေပည့်နေခဲ့ပြီး တစ်နေ့လုံးသည်းထန်စွာငိုကြွေးခဲ့မိသည်။
ချစ်တယ်.....တောင်းပန်ပါတယ်..... ညီ.....။
.......
#Yoe
Aug 28 2022 9:44 PM