خلصت مكالمتي وياها اللي شلعت گلبي بيها
ورجعت اتصلت على ابويه وابد مچنت متوترة ولا متردده
حتى ميشك بيا ويعرف اني داخله بهالموضوع من طرف هُدى
شوي وجاوبني واجاني صوته التعبان
- ها بابا
- بابا اريد احچي وياك بموضوع مهم حيل
- نگدر بعدين ؟ لان حيل مشغول ويمي شغلة مهمة
- لاا لاا أصلا اعرف شغلك المهم هو بخصوصه
- شصاير شكو ؟
- بابا هدى اتصلت عليا وتعرف بموضوع زيد وطلبت تساعدهم
- بشنو تساعدهم ؟
- مسألتني منين عرفت؟
- اعرف من أنس
- شمدريك بعلاقتهم. !
- يوسف گالي
فزز گلبيي لأسمه وگمت اتلعثم بالكلام ومعرفت حتى اسوولف
- اااا ايي شسمه عجل
- شنو بابا
- تريد انت تحچي ويا اهلها وهيچ حتى تگوللهم يجيبونها تشهد
- ما داعي بابا .. مو حاجة همه صدگوا انها قضية شرف
- اايييي وشنووو حيطلعووون؟؟؟!
حسيت على روحي اتحمست زايد ورجعت
- ااححمم يعني شحيصير
- مايغير شي ..
- شلووون
- يعني حتى لو قضية شرف ودفاع عنها خوما بالقتل ؟؟ هالشي مايغطي عن اللي سووه يبقى القتل قتل واله حكمه وجزائه .. چانو يگدرون يمنعونه باي طريقة غير عن القتل .. وهذا مو كلامي ولا رأيي القانون هيچ يگول9
نفخت وگلت بخيبة واضحة بصوتي
- وهسه شصار؟
- هسه كمل التحقيق ودعوا الاوراق للمستشار القانوني حتى يدققها ويرسلها للآمر يحيلها للمحكمة العسكرية
- يعني اليوم محاكمتهم
- لا مو اكيد لان لازم المحكمة العسكرية يرجعون القضية للمسشتار حتى يدقق ييها ويكمل النقوصات وراها عاد المحكمة .. واحتمال چبير باچر ..1
- الله يكتبلهم اللي بي الخير
- ان شاء الله.. محتاجة شي بعد
- سلامتك
سديته من عنده والقوة اللي گلت راح اساعده بيها كلها راحت وطارت
اتصلت بشمس وسولفتلها عن كل اللي حچالي عليه بابا
وانهُ ماكو أمل حتى لو هُدى راحت وشهدت لا يقدم ولا يأخر شي
عافتني شمس وراحت تبچي والاتصال بعده مفتوح
مااسمع بس شهگاتها بالموبايل
سديته من عدها واني عيون يحرجني من الدمع واتمنيت اگعد وابچي مثلها
بس للاسف ... اني يم البچي اضعف ومااگدر ابچي معندي القوة حتى اطلع دموعي وارتاح منهن
__
گاعد بغرفة على انفراد
گدامي 3 ضباط
بلشوا التحقيق وياي وحچيت كل اللي صار ويانا
حاولت شكد ما اگدر اسولف الموضوع كله بدون لا زيادة ولا نقصان بحرف لان وراي راح يحققون وي يوسف
واحنه متفقين نسولف القصة كلها
لان اي خطأ او مجرد انسى جزء منها ... يوسف يروح بيها وراح يطلعونه چذاب او يمكن اني اللي اطلع دااخفي الحقيقة
كمل التحقيق وطلعوني واجه وراي يوسف ماشفته ولا التقينا
گاعد بالممر وانتظره طلع يوسف وحالته ابدد مو زينه ونفسيته مدمرة
اعرفه من يحچي بموضوع زيد هيچ يصير بي ويتعب
اجه صافي وگالي دبرت رقم ريم
- اي عفيه اتصلت بيها؟
- اي اتصلت بس بسرعة لمن عرفت اني صافي گلتلي للتصل بيهه ابدد اني بس اگدر واح اخابرك
- ومعرفت ليش هيج سوت؟
- مادري .. اكيد مسويه فد مشكلة
- صافي لتخليها تنهزم منك
- لا افا عليك وراها وراها والله لو اعرف اروحلها للبيت
- عفيه بالذيب .. يلا هسه ارجع للبيت ميصير نلتقي اصلا وليشوفك احد
- انتبهوا لنفسكم .. سمعت العميد ديخابر ويطلب تنسجون على انفراد بس انت ويوسف
- ماقصر ويانا ..
- اي وان شاء الله يوافقون على طلبه لان خايف عليكم حيل والله
- لتخاف لتخاف ميصير شي
- ان شاء الله محد يسويلكم شي
- صافي اخبار اهلي ؟
- كلهم زينين
- لتچذب عليا !
- والله شگلك اهلك عرفوا كلهم
- وامي شحالها؟
- ابد مو زينه بس هسه لا صارت زينة لان اقتنعت وفهمت انت دافعت عن وحده .. فخورة بيكم هي
- وشمس؟
- تعبانة شوي بس قوية هي لتخاف عليها
- اعرف اعرف ... يلا صافي روح لتصيرلك مشكلة
- تمام رايح .. واي خبر اسمعه ويصير وياي احاول ازوركم
- احنه اليوم باقين هنا .. حاول تعرف كلشي قبل المحكمة وقبل منروح للسجن لان حتصير صعبة الزيارة ..
- تمام ابن خالتي..
- الله وياك
...
مر اليوم مثل الكابوس... كئيب.. مظلم
محچيت ويا يوسف چثير لان هو تعبان حيل وگضاها يمثل انهُ نايم
تعبت نفسيته بالزايد بالليل ما طلع الصبح الا احنه ميتين الف موتة من وراه
گعدنا الصبح
كلشي سويناه بركض واستعجال
خلصنا كلشي بسرعة ورحنا اتوجهنا للمحكمة وويانا العميد
وصلنا هناك وماكو اي خبر من صافي
عرفت انهُ مارجعت اتصلت بي لسه
طبينا ممرات المحكمة وكعدنا شوي
وصارت الجلسة
دنتمشى بالممرات حتى نروح واجاني احساس مو حلو ...
حسيت انهُ مراح اطلع من هالمحكمة الا وهمه حاكمين علينا بشي صعب
الليل كله وانا داحاول احلم واتأمل انهُ شكم شهر بس
فات يوسف گدامي وچان مستعجل حييل مثل كل مرة تنفتح سالفة زيد
حتى بس يحصل عقابه ويرتاح منها
اما اني .. مشيت بثقل .. حسيت روحي بالگوه داسحب بنفسي حتى افوت
لان اعرف مصيري .. واعرف هالمصير قيمته شمس وخسارتها ..
_
أمشي متثاقلًا كأنني على موعد مع أحدى الخسارات ..
___12
گعدنا .. الجلسة چانت متكونة من ثلاث ضباط حقوقيين اللي راح يحكمون بينا
بلشت الاسئلة .. ومرت ؏ الجلسة ساعتين و45 دقيقة
طولنا حيييل ونفذ صبري
واجه الحكم .. واللي چان صدمة الي .. وطبيعي ليوسف
اللي راد يتحاكم باثقل العقوبات حتى ضميره يرتاح
انحكمنا بالسجن لمدة سنتين .. مع توقيف الرتب والحجز الاحتياطي على خمس الراتب والمخصصات للعسكري ..68
__
مر يومين واني ببيت اهلي .. ماظل بيه حيل لأي خبر اسمعه بعد
عرفت بالليل من لارا انهم عرفوا بأمير .. وصار لازم ارجع للبيت لان اتفقت وياه لمن يعرفون ارجع اني
الصبح حضرت غراضي وملابسي وبسرعة
حتى ارجع للبيت
چان اليوم الثاني من رمضان ... اخواني لحوا عليا حيل ابقى ورادوا يعرفون شنو السبب بس طلعت حجتي بالشغل وباهله وريم1
بالگوه قنعتهم ياخذوني خفت من يعرفون امير انسجن مايخلوني ارجع
فـ لازم ارجع قبل ما يعرفون
الطريق كله اني على اعصابي واي اتصال يجي على اخواني يفز گلبي واخاف لا احد درى واتصل حتى يگوللهم
وصلت البيت من بعد الف دعاء
چان البيت كئيب ومبي اي اجواء لرمضان .. الكل چان حزين
خالتي چانت حالتها حالة ومتتوصف ابد .. اتمرضت من بعد ما سمعت انهُ راح ينسجن لسنتين
حضنت ريييم حيييل وچنت مشتاگتلها وحسيت بحضنها ريحة ابوها ..
مبقالي منه بس ريم وشكم ذكرى لازم احافظ عليهم
ورا يومين نايمة بحضن ملابسه وفزيت على اتصال
دحگت ؏ الموبايل وچان اخويه
خفت حيل شيريد مني هسه
فزت ريم من حضني ورجعت نومتها وطلعت برا حتى اجاوبه
- هلاا
- شمسسس ويين انتِ؟؟؟
- بالبيت يعني وين اكون؟
-شهالخبر اللي سمعناه!؟ امير صدگ مسجون بتهمة قتل
- ههفف مسجون بس مو قتل من اللي بالك
- من اللي ببالي او مو ببالي المهم مسجون.. معناها خلص ماظلت الج حجه حتى تگعدين ببيتهم
خفت حيييل من هالحچي
ونزلت جوا ركض واني احچي وياه
- شهالحچييي؟؟؟ تعرف مستحيييل مراح يوافقون ارجع
- منو اللي ما يوااافق شمس شبيج زلمتچ ونسجن شبقى؟؟؟
- شبييك دتتحسسننيي اني باقيه علموده !!! ترا اني باقيه لان فصلييييه لو عاجبك اخوك ينسجن يعني .. الاتفاق اتفاق اني لو بيدي من اول ما سمعت بخبر سجنه ارجعلكم بس انتو اللي راح تنضرون
داحجي وياه ولگيت خالد بالصاله وگام وگف على حيله وأشرلي بمعنى شكو
انطيت كتم للموبايل
- خاااالد هذذاا....اخويه يريد يجي ياخذني !!! امير فهمك مو !!
- فهمني كلشي لتخافيين
اخذ مني عندي الموبايل وراح طلع برا
ومااسمع بس صياحه .... مو طبعه هالشي ابد بس مجبور يمثل لان دنحاول كثر مانگدر ابقى لحد ميصير سنة
ورا ربع ساعة اجه وچنت گاعده
- انحل كلشي لتخافين
- صدددكك شحيصيرر
- محيصير شيي گتله اذا تاخذونها اخوك يلحك امير اسف قسيت على اخوچ بس شبيدي
- ههففف عادي عادي بس خلي يصير اللي نريده
-ان شاء الله روحي ارتاحي ولتخافين ميصير شي
رحت صعدت فوگ ورجعت لغرفتي
اتمددت يم ريم وحضنتهااا حيييل
وغطيت روحي وغطيتها بسترة امييير
عطره يكفي حتى احس بالأمان ..
_
ومرات أحسد ثيابه لأن من عطره شبعن شم .
_
مر رمضان كأي شهر .. خلصناه بس نصلي وندعي عسى تصير معجزة ويتغير كلشي
واني اعرف ربي ما يخيب ظني ولا يرجع دعائنا
اليوم ليلة العيد ..
كعدت بالـ8 ونص مستعجلة وركض بدلت ونزلت جوا
چان الكل فرحان ومتحمس مو لأن ليلة عيد ..
بس رايحين نزور أمير
طاگ گلبي على ما اشوفه
اخذتله وياي ملابس وخليت عطري ويا ملابسه
وخالتي ولارا سون اكل وحلويات
طلعنا بالطريق
واحس گلبي يريد يطلع من مكانه
وصلنا هناك السجن
وچان الضابط حباب حيل ومتساهل وگعدنا ننتظره بغرفته
الرجفة ماكلتني من ساسي لراسيي
وهو طول حيييل خفت صايرله شي وميريدون يعلمولنه
نص ساعة واحنه گاعدين وهو ماكو ولا الضابط رجع
شوي وجابولنا چاي الضابط دازهم وخالتي حچت وياه گاللها هسه يجي
انتظرنا انوب ورا ربع ساعة وانفتح الباب واجه امير
....
چنه جايين بس احنه البنات لأن الولد گالو نروحله بعدين حتى مو كلنا نروح هناك
كلهن راحنله ركضض وريم فرحتها بشوفته وصارت بس تصييحح
خالتي دموعها ما وگفن واني كل هالموقف گدامي وبعدني گاعده
احس روحيي متشنجة حيييل ومابيه حيل حتى اگوم اسلم عليه
هو بقى حاضنهن وسلم عليهن وشال ريم ودحگ عليا وضحك
نظرته صارت بنص كلبي على ضحكته ضحكت وياه
امير : ها تردين اني اجي اسلم عليچ؟1
انتبهت لروحي اني بعدني گاعده وكلها صارت تضحك عليا
نزل ريم وفتحلي حضنه
وركضضض مااحس روحي الا مدفونه بنص صدره وابچي
عصررته حييييل ولازمته بكل حيلييي
كل تعب الليالي وسهرهن وشوگهن حاولت اطلعهن بهالحضن
لمني لحضنه حييل وشمني وصار يسكت بيه
واني ماينطيني گلبي اوخر عن حضنه ابد14
- اريد اموت بحضنك ... تعبت غيابك هد حيلي
7
حاچاني بهمس بأذني
ومدري شلون سمعته من صوت البچي مالي
- ااششش اسم الله لتحچين هيچ !
- اشتاقيتلك حيييل
- وانااا اكثر والله .. محروگ گلبي على ما اشوفچ
وخرت وجهي عن حضنه بس بعدني لازگه بي
رفعت راسي اله وضربته على كيف على صدره
- شو حليان
- متونسين .. ونسوان ليش ما نحلى
- هه هالمره الوحيدة اللي مراح اشك بيك ومراح اصدگك وين اكو نسوان هنا
- يجن يزورني كل جمعة
- اييي ديلا بطل سوالفك انت ماتمل
رجع ضحك وباسني وظل يبوس بيه الا استحيت من اهله
جينا گعدنا وهو مخلي ريم بحضنه واني لازگه بي وكلنا لازگين اصلا
- يابه على كيفكم خنگتوني هيچ اني غالي !
لارا: اتونس اتونس بس بهالفترة غالي علينا
شمس: لااا لارااا والله بكل وقتتتت
رجعت حچيت بهدوء وصوتي انخنگ
شمس: والله كلشي بدونك ما اله قيمة ولا لون !
ضحك وغمزلي..
امير :صدگ حبيبي
شمس: والله يـ حبيبي
لارا : هههههه متطورييين من شوكت هااي شوف شوف السجن يجيب نتيجة
امير : حييل والله ...
دحگ على امه اللي بعدها تمسح بدموعها لزم ايدها وباسهن
امير : شو هيچ يمه ! مستقوي بيكم اني ترا لتسسون هيچ بيه
- صعبه عليا اشوفك هيچ والله صعبة
امير : كلشي يهون يمه الحمدلله على كلشي .. بعدين تگدرون كل جمعة تزوروني
مو احسن من الالتحاق واظل اربعين يوم
- يمه بس ادري بيك مرتاح وحر وتشتم هوا الله مو مثل السجن
امير : واني هسه شنو مااشتم هوا؟ ترا والله مرتاح ومعدنا شي هنا وامان
لارا : صدك يمكم امان ؟ لان اني دائما اسمع عن السجون قتل وهيچ
ضربت لارا على ايدها
شمس: وجعع اسم الله شهالحچي
هو ضحك وگرص خدودها
امير : يابه والله امان يمنا واصلا مخليلنا حراسات احنه
لارا : اويي حتى بالسجن حراس وهيچ عليك
امير : هاي الـ اوويي منين متعلمتها
شمس: ااححمم
امير : مو ادري ادري متعلمينها بس على طيحان الحظ
ضحكنا ورجعنا نسولف
بقينه يمه من العشرة لحد الوحدة الظهر
چانن احلى 3 ساعات
ما شلت عيني عنه بقيت اريد احفظ ملامحه .. واحفظ كلشي بوجهه
حتى امشي بيهن ايامي الجايه
انتهى اللقاء وصار لازم نرجع للبيت
بسرعة مر الوقت وماحسينا بيه
كلهم ودعوه وبقيت اني راحوا وبقينا سوا بالغرفة
حضني وگال
-اهلچ شسووا!
- خالد تدخل بالموضوع مثل مافهمته انت
- رحتيلهم ؟
- لا من يوم وديتني
- شمس اني باقي سنتين1
رفعت راسي عنه ومسحت دموعي اللي نزلن
- واني انتظرك ..
- واني عد وعدي الچ ..
رجعت حضنته وسألني
- منو راح يجي من الولد تعرفين ؟
- ااممم يمكن اخوانك وولد خالتك
- منو بيهم!
- ماعرف اخوان ربى هم
- هي ليش مااجت وياكم
- خطيه متگدر متاذيه حيل
- الله يسهللها
-اميين .. تنتظر احد من الولد؟
- كلهم منتظرهم
- اكيد ؟
- ايي .. صافي راح يجي لو متعرفين؟
- اي اكيد يجي .. ليش الا صافي
- عاد مايحتاج احچيلچ شگد احنه سوا
- ومحچيتلي صافي چان يحب منو
- هههههه شجابه ؏ بالچ هالسؤال
- ااممم لان عرفت بدون ماتگلي اصلا ..
-شعرفتي
- صااافيييي..ووو
- لتجرييينهن جر سولفي
- ريم وصافي چانو مرتبطين
مجاوبني رفعت راسي حتى اشوف ردة فعله چان ساد عيونه ؏ النص وهزلي راسه
- شنو!
- مو هو يعني اجه اخذ من عندي رقمها
- اها
- اييي وعرفت بس هو گالي احنه اصدقاء بس
- ايي حبيبي
- شنو ايي يعني صح مو ولهالسبب سألتني عليها يوم شفتني
- ايي صح عوفينا من هالموضوع .. مشتاقلچ هسه
- امير ..
- عيونه
- اطلگك ؟
- اذا ماطلعت .. ايي لازم
- خاف ميرجعون ينطونا لبعض ... وشلون راح ازورك بعدين
- هههههه اني اجي ازورچ
- داحچييي جد والله
- كلشي اله حل لتفكرين بهالاشياء من هسه
-لان ماريد انصدم بعدين
- لا لا سهلة
اندگ الباب من الضابط وگاله ينتظروني اطلع والولد هم اجو
حضنته وبسته وودعته وطلع وياي للمر لازم ايدي
وچان وين ميمشي وياه اثنين يمشون وياه4
- منو هذوله يراقبون
- حراسة
- من منو
- مو من احد لازم .. لان احنه عسكريين
- يوسف شلونه
- زين زين .. مرتاح
- الحمدلله
وصلنا لنهاية الممر
ووگف هو واني مشيت بس بقن ايدينا متشابكات
انعصر گلبي وهو سوا حركة بشفايفه بمعنى " للاسف "
يعني للاسف مراح اگدر اكمل وياچ واودعچ للباب
رجعتله وحضنته حيييييل وباسني
ورحت
- ديري بالچ على نفسچ ، ظلي بخير حتى اني ابقى بخير
- احبك ...
- احبچ
...
ꕥꕥꕥꕥ يـــــــــــــتـــــــــــــبــــــــع ꕥꕥꕥꕥ