أحب ضخامة الشعور الذي يحاوطني حين يفزع إليّ جميع الذين أحبهم ويستندون عليّ، حين يتوارد اسمي كخيار أول ومناسب، حين تكون النبرة مليئة بالثقة بأنني أستطيع، أحب كوني أهل للاستناد والرفقة في كافة الظروف.1
يوسف
على غير عادتي گاعد اليوم من الصبح
داحاول اجمع طاقتي واجمع قوتي حتى اروح احچي لأمير
اول مره اضعف لهالدرجة .. لدرجة اجه ببالي اهدد رقية بس ومااگول لأمير ..
ماردته يرجع لوضعه القديم وضع الشك والحيرة
وضع انهُ ببيته وحده تتعاطى ومو گادر يسوي شي
او يشمئز منها اصلاً
كل اللي قريبين علينا چانو دائما وعلى طول
يحچون على امير ويغلطون عليه ويسبون بيه
گدامه ووراه بس .. لأنه هامل رُقية مثل مايگولون
وممعتبرها زوجته ابد
صاروا يلومون بيه ويخلون الصوچ كله عليه وميدرون
بالمستور اصلا ..امير رُغم أنهُ تزوجها كف شر وما چان يحبها بس چان مدللها .. ميگوللها لا
شتريد .. حاضر وصار
ما مقصر وياها بأي شي4
شكد چانت تغلط وتسب والاحترام يمها صفر بس چان متحملها
لحد ما ..
بيوم چانت الدنيا باردة ثلج وچنت مو مداوم
خابرني امير وواضح شگد چان يرجف هو ويحچي وياي وما يفهم ابد
سد الخط مني ودزلي رسالة انهُ اجي للبيت
طلعت من البيت بسرعة وخايف عليه شديصير وياه
رحت للبيت مچان احد بي
بس امير ورُقية
لمن وصلت رُقية چانت گاعده بالصالة وتبچي
خشمها چان دينزف دم ووجهه مورم
رحتلها ركض داحاول افهم شديصير وهي مستمرة بس تبچي محچت شي
گلبي انكسر عليها وگلت مُستحيل امير يمد ايده عليها بس شصاير!
فهمت انهُ اهله چانو طالعين وهمه الوحيدين بالبيت
شوي وصعدت لأمير لگيته بغرفته الثانية
اللي حاليًا غرفة شمس
فتت عليه محچه وياي اي شي چان مخلي عيونه بالگاع وديفوت ايده بين شعره ويطلعها
چان يرجف .. وما يعرف شيسولفلي
ظليت اريد افهم منه وهو الثاني مصدوم ومديحچي شي
گعدت يمه ومد ايده لجيبه وطلعلي چيس صغير ..
بصوت يرجف ومخنوگ ..
⁃ شتتوقع هذا؟
⁃ شنو هذا امير!
⁃ اني داسألك
اخذته من يمه واني اعرفه شنو بس داگول بگلبي ياربي متوهم
بعدني مو مقربه من خشمي اصلا ووصلتني ريحته
اللي چانت تشبه ريحة الفيتامينات .. ريحة مكروهه ماتنطاق بس اللي متعود على كشف المخدرات طبيعي يمه يصير ..
چان نوع من انواع المخدرات عصرته بچف ايدي وداحاول استوعب
⁃ شجابه عليك!
⁃ يوسف لگيته يمها
⁃ رُقيية!!
⁃ اكو غيرها؟
⁃ مُستحيل من وين دبرته؟
⁃ هه شيصعب عليهم؟
تستمر القصة أدناه
بين محاولة نكران لهالشي وبين الموقف اللي انحطينا بيه رجع صدمني بكلمته .. ولو شي متوقع منه
⁃ طلگتها يوسف ..
18
الوقت الحالي ..
فركت راسي وگمت طلعت من الغرفه مااريد اذكر ذاك اليوم وشصار على كثر ما چان كئيب ويوم سوداوي
رحت لأمير بحجة اتريگ يمهم واني اريد اقوي علاقة من الصبح
وصلت لگيتهم گاعدين بس مااشتهيت انسدت نفسي مُجرد اتذكرت اللي ححچي لأمير
اخذت چاي ورحت گعدت يمه
بقينا نحچي عن الشغل من اول ما صرنا بالسلك العسكري لحد هاللحظة
مادري شعجبني ارجع ذكريات بس امير يحبهن
واتجاوبت وياه حتى اغير من موده عسى ولعل يفيد هالشي
شوي واجت رُقية وعلامات التعب واضحة بملامحها
اشمئزيت من وجههاا وكلشي بيها
مُجرد انهُ هي گاعده اني روحي طافرة من عدها
شلون هان عليها تأذي هيچ؟ شهالحُب اللي دفعها تسوي هيچ
معقولة اكو حُب يخلينا نوصل الاشخاص اللي نحبهم للموت ؟
شوي وصارت تتصرف تصرفات غريبة واني داراقبها وعيني ماراحت عنها وي كل تصرف امير يبررلها
استفزيتها وگتلها هه حقچ شامه عطر قوي من الصبح
⁃ رقية: ش شنو شنو يا عطر
⁃ امير: يوووسفف عوفهاا متشوفها بعدها نايمة
⁃ يوسف: نگعدها عادي
⁃ امير: شبييكك انت
⁃ يوسف: اميييررر انت شبيييككك اذت بنتك!!!
⁃ امير: تراااا امهاااا امهااا أذتهااا شنوو يعني متقصدة؟؟؟ طبعا لا شبيكم عاد رييمم تأذيتي؟ خلص ما اتأذت سدوا هالموضوع
ودحگت ؏ امير شفته شلون ضاج من كلامي وعرفته وصله باص مني بقيت مخلي عيوني بعيونه وداحاول اوصله الفكرة3
امير حافظني حفظ لدرجة اذا حچينا بعيوننا نفهم على بعض
هو بقى بس صافن عليا وعگد حاجبه وهز راسه بأستفهام
هزيتله راسي بأسف .. وطلعت برا وخليته معصب مني ومنها ومن الأمة العربية كلها1
طلعت برا ومااعرف شحيصير وراي
رحت وقررت مااحچيله بهالطريقة
واذا فهم عليا وطلب توضيح
اوضحله بمكان بعيد عن اهله
امير :
كل شي چان طبيعي
لحد ما تعليقات يوسف نرفزتني
وحسيته ديريد يوصلي شي .. وللأسف وصلّي هالشي
اليوم اول مره اشوف رُقية بهالوضع الغريب
نفس ملامح اليوم اللي شفتها بي دتتعاطى
ذاك اليوم اللي ماانساه ابد
كثر ما اتأذيت منه لدرجة صرت أضربها كل ضربة
اقوى من الثانية لأن ماعرف ليش هيچ دتجازيني
لمن فتت للغرفة ولگيتها دتتعاطى وصارت تحلف أنهُ اول مره تجربه
وواضح اصلا چانت خبرة ومو لمرة وحدة
مااعرف ليش كل هالايام مالاحظت عليها شي
بالرغُم من انهُ النوعية اللي چانت تاخذها بُعد متر الواحد يگدر يشتمها
بس واضح ماخذه كل احتياطاتها لدرجة محد حس
ساعتها الله رمى عليا كل غضب هالدنيا صرت مااشوف الگدامي على شوي چانت راح تموت جوا ايدي واني بعدني گلبي مو مشتفي منها واحس اريد أضربها بعد2
صرخت بيها تنزل جوا ووي صرختي إلها طلگتها
ماعرف شهالكلمة اللي طلعت مني واني بطبعي حيل الزم روحي بس صارت ..
لا اراديا اتصلت بيوسف يجيني چنت اريده يگلي انت غلطان ومتوهم هذا مو مخدرات
ويشيل هالحمل عني .. حتى لو يچذب عليا
راضي يبقى شك بگلبي ولا انهُ احس بهالأحساس
حسيت البيت كله عبارة عن قذارة .. ماچنت اطيق وجودها بالبيت واشمئز بمجرد ما اسمها ينطق يمي
چنت شايلها ومخليها بطبق من ذهب
اكثر خطوة چانت صعبة بحياتي انهُ اردها لذمتي
وبدون لا أحد يدري
رديتها لخاطر ريم .. ماردتها تبقى بدون أم
ولو اني عايفها من ذاك اليوم بدون ام چان هسه اتعودت
بس مادري شنو هالأحساس اللي اجاني وماردت بنتي تتدمر
فوگ كل هالشي وكل اللي صار شفت منها كل انواع الأذى
چانت ؏ الطالعة والنازلة تأذي اهلي
وتعيرهم .. چان كبريائها مينكسر اللي مادري على شنو شايفه روحها هي
من بعد سالفتها احس حتى شكلها اتغير
واذا چنت معجب بيها واگول حلوة هسه صارت ماتعنيلي ابد ياما وياما سمعت من اللي اعرفهن بـ هنيالك مرتك حلوة وچنت اگول ليش مدااشوف اللي ديشوفونه
معقولة من تكشف حقيقة شخص حتى ملامحه تتغير ؟22
شگد چنت اسمع كلام وابلع واسكت بس حتى مافد يوم يزل لساني واگول
بسببها .. بسببها كل اللي صار تعبت حتى ارهم روحي وياها وبشنو جازت تعبي؟ صارت تتعاطى
راح يوسف واني الشك صار ياخذني يمين ويجيبني يسار
يارب مو البالي مااريد ارجع لهالأيام
چانت گاعده بوحدها بالمطبخ ورحت يمها
حاولت اتقرب منها
حتى تحچيلي عسى يطلع اللي ببالي مو صح
لگيتها صافنة وعيونها وملامحها مو طبيعيات ابد
⁃ رقية شصاير بيچ شي؟ سولفيلي1
⁃ انت تحبنيي موو
⁃ عوفي الحب شصايرلچ؟
⁃ امير انت ليش تكرهني
⁃ مااكرهچ والله بس گوليلي
⁃ اني احبك مأذيتك
⁃ بشنو تأذيني
⁃ همه يچذبون عليك
⁃ رقييييةة حتحچيين لو شلوووون
صارت ترجف وعرفتني شكيت بيها وصارت دتحچي شي مايربط بشي ومفهمت عليها اصلا
⁃ رقية رجعتي للسم؟؟!!2
گلت إلها هالحچي وصارت تتنفس قوي وحسيتها تريد تبچي
صارت تنكر وعيونها احمرن بالزايد
اجت گعدت يمي وصارت تلعب بشعري
⁃ لاا لاا مارجعتت .. اسمع همه مايحبوني يريدونك تكرهني..
صارت تحچي حچي مو مفهموم وانا أيست منها وصرت بس اهز براسي مو عارف شسوي وياها
گمت عنها بسرعة فزت من مكانها وصارت ترجف وتشهگ عبالها حسويلها شي عفتها ورحت ليوسف الطريق صار شطوله بالگوه وصلتله
رحت لگيته گاعد برا وكأن چان منتظرني اجي
گعدت يمه وبكل هدوء گتله ..
⁃ يوسف من شوكت تدري ؟
تأفأف واخذ نفس واني منتظره يگلي ماكو شي من اللي بالك
⁃ صار هواي والبارحة اتأكدنا
⁃ اتأكدناا؟؟ منو انتو
⁃ تريد احچيلك من البداية ؟
⁃ يووسسفف شمنتظررر رحمة لأهلك سولفلي ديين مااظل براسييي
⁃ اميير امشي نروح لغير مكاان واحچيلك3
⁃ يوووسفف احچييي
⁃ ابوويه موجوود هسه يطلع
⁃ مايهمنيييي مايهمنييي سولفلييييي
⁃ خلصص هدي هدي ححچيلك شي بس حاول تسيطر على روحك
گعد امير وخله ايده براسه وصار يفوتها لشعره ويطلعها
العادة اللي من احنه وصغار هو كل ما يصير وياه شي ويكون واصل لأعلى مراحل الشعور هو يسويها ..
گعدت اسولفله وچاان هادئ ماعدا حركة رجله
يحركها ؏ البطيء وكأن دتنحرگ روحه من جوا
⁃ تريد ابدي بيك لو بيها ؟
⁃ بيه ؟
⁃ والله ماعرف شلون افاتحك بهالموضوع .. اسمع تتذكر الأيام اللي چنت تفقد اعصابك بيها؟ وجع راسك؟ دوختك؟ نومك طول اليوم؟
⁃ هه شبيك شدتحچي شعليك بيا سولفلي عليها بس
⁃ لأن انت هم چانت تخليلك
⁃ هههههه شتخليلي شبيك؟؟
⁃ اسمع امير هي لأن تحبك وتغار عليك ومتريدك تتقرب من شمس چانت طول الوقت تخليلك قرص من ....
⁃ يوسف انت مستوعب شدتحچي مو؟
⁃ اعرف والله اعرف
⁃ انت شلون عرفت بكل هالشي ؟؟
⁃ العميد اللي عرف
⁃ العميدد؟؟؟ شدخلله؟؟؟ لتگلييي يعرفف يوسسفف
⁃ لو ما هو چنه لهاللحظة مانعرف انت شبيك
⁃ يووسفف احچيليييي عقل مااظل برااسييي وحق الله شدتحچييي انت؟؟